អស់កម្លាំង Archives - Kampuchea Thmey Daily

បើភ្ញាក់ពីគេង ហើយអស់កម្លាំងខ្លាំង មានន័យថា យើងស្ត្រេសដល់កំពូលហើយ

Sonya — Sat, 16 Oct 2021 00:29:00 +0000

ស្រ្តេស និងការគេងមិនលក់ ពាក់ព័ន្ធគ្នាយ៉ាងខ្លាំង ហើយបើតាមលក្ខណៈនៃការគេង មនុស្សត្រូវបានបែងចែកជា ២ប្រភេទ។ ទី១ គឺក្រុមដែលគេងលក់នៅពេលយប់ តែភ្ញាក់ពីគេងមក អស់កម្លាំង និងទី២ ក្រុមដែលអត់គេងនៅពេលយប់ ហើយមកគេងនៅពេលព្រឹកវិញ។ ទាំងនេះ បណ្ដាលមកពីបញ្ហាស្ត្រេស ដែលយើងចាំបាច់ត្រូវស្វែងយល់ពីមូលហេតុ។

បើយើងភ្ញាក់ពីគេងពេលព្រឹក ហើយភ្លាមៗ យើងស្រាប់តែមានអារម្មណ៍ថប់បារម្ភ(ល្វើយ ឬធុញថប់) វាជាសញ្ញាមួយ បង្ហាញថា យើងមានបញ្ហាស្ត្រេសដល់កំពូលហើយ។ ការជួបបញ្ហាស្ត្រេសដល់កម្រិតដូច្នេះ បានដាក់សម្ពាធយ៉ាងខ្លាំងលើរូបយើង ហើយយើងមិនអាចជំនះសម្ពាធនេះទេ។

ដំបូងឡើយ វាចាប់ផ្ដើមពីសកម្មភាពប្រចាំថ្ងៃរបស់យើង ដោយផ្ដល់ទាំងអារម្មណ៍សប្បាយចិត្ត និងមិនសប្បាយចិត្ត ដល់ជីវិតរបស់យើង។ ការខិតខំបំពេញការងារ ជម្លោះជាមួយអ្នកសហការី ការយល់ខុសជាមួយដៃគូ ឬបញ្ហាការសិក្សា ងាយបង្កបញ្ហាថប់បារម្ភណាស់។ បញ្ហាទាំងអស់នេះ មិនអាចធ្វើឲ្យខួរក្បាលរបស់ឈប់គិតនោះទេ សូម្បីតែពេលគេង ហើយបណ្ដាលឲ្យយើងគេងមិនលក់ស្កប់ស្កល់ និងយល់សប្ដិអាក្រក់ទៀតផង។ បញ្ហាទាំងអស់នេះ មានការវិវត្តជាបន្ដបន្ទាប់។

នៅពេលមួយ ខួរក្បាលរបស់យើង មិនអាចគ្រប់គ្រងបញ្ហាស្ត្រេសបាន ពេលនោះ យើងនឹងភ្ញាក់ពីគេងលឿងជាងធម្មតា។ បញ្ហាស្ត្រេសដែលមិនអាចគ្រប់គ្រងបាននេះហើយ គឺជាមូលហេតុបង្កការថប់បារម្ភ ធ្វើឲ្យអារម្មណ៍មិនសប្បាយចិត្ត និងបង្ខំឲ្យយើង ចាប់ផ្ដើមថ្ងៃថ្មីជាមួយអារម្មណ៍អវិជ្ជមាន។ អ្នកដែលជួបបញ្ហាថប់អារម្មណ៍ ភាគច្រើន មានអារម្មណ៍អស់កម្លាំងសឹងគ្រប់ពេល រួមជាមួយបញ្ហាងងុយគេង ខ្វះការផ្ដោតអារម្មណ៍ និងអារម្មណ៍ភិតភ័យខ្លាំង។

នៅពេលរាងកាយរបស់យើង ជួបបញ្ហាស្ត្រេសច្រើន វាផលិតអ័រម៉ូន Adrenaline និង Cortisol យ៉ាងច្រើន ដែលប៉ះពាល់ដល់ការចងចាំ។ បើមានអ័រម៉ូន Cortisol ច្រើនពេក វាបណ្ដាលឲ្យមានអតុល្យភាពកម្រិតជាតិស្ករក្នុងឈាម ជាលិកាសាច់ដុំធ្លាក់ចុះ ប្រព័ន្ធការពារចុះខ្សោយ និងជំរុញការធាត់ខុសប្រក្រតី។

ដើម្បីដោះស្រាយបញ្ហាខាងលើនេះ យើងអាចងូត ឬគេងត្រាំទឹកក្តៅឧណ្ហៗបាន ព្រោះទឹកក្តៅឧណ្ហៗជួយសម្រួលសាច់ដុំ បន្ថយភាពតានតឹង និងការថប់អារម្មណ៍។ ហាត់ប្រាណ ក៏ជាមធ្យោបាយមួយល្អដែរ ព្រោះវាមិនត្រឹមតែជួយដល់ប្រព័ន្ធការពារ និងរាងកាយនោះទេ វាងជួយដល់សុខភាពផ្លូវចិត្តទៀត។ ការធ្វើសមាធិ ដោយដកដង្ហើមវែងៗ ក៏ជួយសម្រួលខួរក្បាល និងកាត់បន្ថយអ័រម៉ូន Cortisol នៅក្នុងរាងកាយផងដែរ។

ក្រៅពីនេះ យើងអាចញ៉ាំអាហារប្រភេទវីតាមីន និងផឹកទឹកឲ្យបានច្រើន រួមជាមួយចៀសវាងការសម្លឹងអេក្រង់ទូរស័ព្ទដល់យប់ជ្រៅ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ វិធី ៧ យ៉ាង បំបាត់ភាពអស់កម្លាំងល្ហិតល្ហៃ ធ្វើឲ្យមានថាមពលពេញមួយថ្ងៃ ស្រស់ស្រាយដូចគេឯង

ចុចអាន៖ ចេះតែងងុយមិនស្វាង មិនមែនមកពីអស់កម្លាំងទេ អាចកើតជំងឺមួយប្រភេទនេះ

The post បើភ្ញាក់ពីគេង ហើយអស់កម្លាំងខ្លាំង មានន័យថា យើងស្ត្រេសដល់កំពូលហើយ appeared first on Kampuchea Thmey Daily.

ប្រយ័ត្ន! អត់កម្លាំងនឹងការងារ វក់ជាមួយហ្គេម គឺជាជំងឺ

Sonya — Tue, 07 Sep 2021 08:17:20 +0000

មិនមែនរឿងលេងសើចទេ! តាមអង្គការសុខភាពពិភពលោក (WHO) ប្រកាសថា អាការអត់កម្លាំងនឹងការងារ (Work Burnout) និងការវក់ជាមួយហ្គេម គឺជាជំងឺ។ ជំងឺ ២មុខនេះ នឹងដាក់បញ្ចូលក្នុងក្រុមជំងឺអន្តរជាតិ (ICD-11) ថែមទៀត។

អាការអត់កម្លាំងនឹងការងារ បានបញ្ចូលក្នុងសៀវភៅស្ដីពីបញ្ហាពាក់ព័ន្ធនឹងការងារហើយ ដោយពេទ្យអាចកំណត់ថា នរណាមានជំងឺនេះ តាមរយៈរោគសញ្ញា ដូចជា មានអារម្មណ៍អស់កម្លាំងនឹងការងារ កើនឡើងគម្លាតផ្លូវចិត្តចេញពីការងារ មានអារម្មណ៍អវិជ្ជមាននឹងការងារ និងធ្លាក់ចុះប្រសិទ្ធភាពវិជ្ជាជីវៈ។ ប៉ុន្ដែមុនធ្វើរោគវិនិច្ឆ័យលើជំងឺនេះ ពេទ្យ គួរកំណត់បញ្ហាស្ត្រេស ការថប់បារម្ភ និងបញ្ហាអារម្មណ៍នានា ជាមុនសិន។

ចំណែកការវក់ជាមួយហ្គេមវិញ ជាបញ្ហាមួយកំណត់ដោយការគ្រប់គ្រងខ្សោយលើការលេងហ្គេម ការកើនឡើងអាទិភាពលើការលេងហ្គេម ជាងសកម្មភាពផ្សេងទៀតប្រចាំថ្ងៃ និងការបន្ដលេងហ្គេម ទោះមានផលវិបាកណាមួយកើតឡើងក៏ដោយ។ អង្គការ WHO កត់សម្គាល់ថា បញ្ហាវក់ជាមួយហ្គេមនេះ ប៉ះពាល់មនុស្សតិចតួចប៉ុណ្ណោះ ដែលពួកគេភ្ជាប់សកម្មភាពជាមួយនឹងហ្គេមឌីជីថល ឬវីដេអូ។

ប៉ុន្ដែខាងសមាគមចិត្តសាស្ត្រអាមេរិក (American Psychiatric Association) មិនគាំទ្រការបញ្ចូល ការលេងហ្គេម ជាការញៀននោះទេ។ សមាគម លើកឡើងថា ការស្រាវជ្រាវលើបញ្ហានេះ កំពុងបន្ដ រួមទាំងថាតើការលេងហ្គេម បង្កឲ្យមានជំងឺបាក់ទឹកចិត្ត ឬការថប់បារម្ភផងដែរ។ បើតាមសមាគមកម្មវិធីកម្សាន្តអាមេរិក (Entertainment Software Association) ពលរដ្ឋអាមេរិក ជាង ១៥០លាននាក់ លេងវីដេអូហ្គេម ដោយប្រមាណ ៦០% លេងហ្គេមរាល់ថ្ងៃ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កុំច្រឡំថាបាក់ទឹកចិត្ត សញ្ញាទាំងនេះជាការសោកសៅធម្មតាប៉ុណ្ណោះ

ចុចអាន៖ ទូរសព្ទទំនើប បង្កបញ្ហាសុខភាព និងផលិតភាពការងារចុះខ្សោយ

The post ប្រយ័ត្ន! អត់កម្លាំងនឹងការងារ វក់ជាមួយហ្គេម គឺជាជំងឺ appeared first on Kampuchea Thmey Daily.

វិធី ៧ យ៉ាង បំបាត់ភាពអស់កម្លាំងល្ហិតល្ហៃ ធ្វើឲ្យមានថាមពលពេញមួយថ្ងៃ ស្រស់ស្រាយដូចគេឯង

សាង ស្រីល័ក្ខ — Thu, 02 Sep 2021 03:20:00 +0000

ធ្លាប់មានអារម្មណ៍ថា ជីវិតរស់នៅប្រចាំថ្ងៃដែលមិនស្រស់ស្រាយដូចគេឯងទេ? រាល់ថ្ងៃកំពុងគិតថា ខ្លួនឯងមិនរឹងមាំ រវល់តែរឿងឥតបានការ សៅហ្មងចិត្ត ហើយពិបាកធ្វើការ ឬធ្វើសកម្មភាពអ្វីផ្សេង។

គ្រប់គ្នាសុទ្ធតែធ្លាប់ជួបរឿងបែបនេះ ភាគច្រើនយើងហៅវាថា“ ជាតិស្ករធ្លាក់ចុះ” អ្នកគ្មានកម្លាំងដើម្បីធ្វើការឬធ្វើអ្វីមួយ។

១ ការញ៉ាំ អាហារគឺជាប្រភពថាមពលរបស់រាងកាយ នៅពេលដែលអ្នកញ៉ាំអាហារវានឹងរំលាយឬដុតបំផ្លាញទៅជាសារធាតុចិញ្ចឹម និងថាមពលសម្រាប់រាងកាយ។ ប្រសិនបើចង់ឲ្យរាងកាយមានភាពសកម្មពេញមួយថ្ងៃ អ្នកគួរតែរៀបចំផែនការហូបឲ្យបានល្អបំផុត។

២ ផឹកទឹកឲ្យបានគ្រប់គ្រាន់ នៅពេលរាងកាយខ្សោះជាតិទឹក បេះដូងនឹងធ្វើការយ៉ាងលំបាកក្នុងការបូមឈាម ព្រោះឈាមអ្នកមានជាតិ viscous ។ ឈាមរត់មិនស្រួលដែលអាចបណ្តាលឲ្យមានអារម្មណ៍អស់កម្លាំង។ វាក៏ប៉ះពាល់ដល់ការរំលាយអាហារ និងបញ្ជូនសារធាតុចិញ្ចឹមទៅចិញ្ចឹមផ្នែកខ្លះនៃរាងកាយ បណ្ដាលអស់កម្លាំងដោយសារតែថាមពលមិនគ្រប់គ្រាន់ពីអាហារ។ អ្នកអាចពិនិត្យមើលទឹកផឹកផ្ទាល់ខ្លួនពីការនោម។ ប្រសិនបើអ្នកផឹកទឹកគ្រប់គ្រាន់ អ្នកនឹងមានអារម្មណ៍ថាត្រូវការនោមរៀងរាល់ពីរបីម៉ោងម្ដងនៅពេលថ្ងៃ។

៣ ការគេងប្រកបដោយគុណភាព គេងច្រើនម៉ោងនេះមិនមានន័យថា អ្នកបានសម្រាកគ្រប់គ្រាន់ទេ ប្រសិនបើការគេងមិនមានគុណភាពដដែលនោះ។ មានការស្រាវជ្រាវមួយចំនួនដែលគាំទ្រថា នៅពេលគេងមិនបានគ្រប់គ្រាន់ វាអាចធ្វើឲ្យរាងកាយមានភាពធន់នឹងអាំងស៊ុយលីន ប៉ះពាល់ដល់ការគ្រប់គ្រងជាតិគ្លុយកូស ប៉ុន្តែជាក់ស្តែងប្រសិនបើមិនបានសម្រាកគ្រប់គ្រាន់ វានឹងដុតបំផ្លាញថាមពលតិចជាងមុន។

៤ កុំប្រើជាតិកាហ្វេអ៊ីនដើម្បីបង្កើនថាមពល ជាតិកាហ្វេអ៊ីនជួយរំញោចភាពរឹងមាំក្នុងរយៈពេលខ្លីប៉ុណ្ណោះ។ នៅពេលពេលវេលាកន្លងផុតទៅ ថាមពលរបស់អ្នកនឹងធូរស្រាលបន្តិចម្តង ៗ ប៉ុន្តែនេះមិនមានន័យថា មិនអាចផឹកកាហ្វេបានទេ។ គ្រាន់តែកុំផឹកច្រើនពេក ដើម្បីឲ្យមានតុល្យភាពរវាងការញ៉ាំ។

៥ បង្កើនការធ្វើលំហាត់ប្រាណ ការធ្វើលំហាត់ប្រាណបន្ថែមពីលើការជួយឲ្យរាងកាយមានសុខភាពល្អ វាក៏ជួយជំរុញឲ្យអ្នកមានអារម្មណ៍ថា មានថាមពលនិងសកម្មហើយរាងកាយបញ្ចេញអរម៉ូនសុភមង្គល។ វាក៏ជួយរំញោចការបូមឈាមឲ្យចរាចរបានល្អ ដែលអនុញ្ញាតឲ្យកោសិកាក្នុងរាងកាយទទួលបានឈាមពេញលេញ និងជះឥទ្ធិពលដល់ការគ្រប់គ្រងអាំងស៊ុយលីន ធ្វើឲ្យកម្រិតជាតិស្ករនៅក្នុងឈាមមានស្ថេរភាព។

៦ ការគ្រប់គ្រងស្ត្រេស ប្រសិនបើតានតឹងខ្លាំង អ្នកអាចមានអារម្មណ៍អស់កម្លាំងនិងបាត់បង់ថាមពល។ មិនត្រឹមតែប៉ុណ្ណឹងទេ ស្ត្រេសក៏ប៉ះពាល់ដល់គុណភាពដំណេកផងដែរ។ នៅពេលអ្នកមិនមានអារម្មណ៍ងងុយគេង ត្រូវគ្រប់គ្រងកម្រិតស្ត្រេស ដើម្បីកុំធ្វើឲ្យរំខានដល់ជីវិតរបស់អ្នក ដូចជាធ្វើការងារ ស្ដាប់តន្ត្រី គេងយ៉ាងហោចណាស់ ៧-៩ ម៉ោង ជួយកាត់បន្ថយកម្រិតអរម៉ូន cortisol និងស្ត្រេស។ គន្លឹះទាំងអស់នេះ គឺស្ថិតនៅក្នុងរបៀបដែលអ្នកជ្រើសរើសយកមួយ ដែលសក្ដិសមនឹងខ្លួនអ្នក។

៧ ថែរក្សាខ្លួន សុខភាពផ្លូវកាយនិងផ្លូវចិត្តល្អឬអាក្រក់ គឺស្ថិតនៅក្នុងការថែទាំខ្លួនឯង។ ថាមពលដែលធ្វើឲ្យយើងមានជីវិតបានមកពី ២ ផ្នែក គឺថាមពលរាងកាយ និងផ្លូវចិត្ត។ ប្រសិនបើមានអារម្មណ៍ថានឿយហត់ អ្នកត្រូវកំណត់អត្តសញ្ញាណ ។ ប្រសិនបើអ្នកត្រូវការថាមពលរាងកាយព្រោះអ្នកឃ្លាន ចូរទៅរកអ្វីដែលមានប្រយោជន៍ហូប ងងុយដេកក៏ដេកទៅ ហត់នឿយក៏សម្រាក ផឹកទឹកដើម្បីឲ្យរាងកាយមានជាតិទឹកគ្រប់គ្រាន់។

សូមព្យាយាមដើរ ដើម្បីស្រូបយកខ្យល់អាកាសបរិសុទ្ធ ឬធ្វើអ្វីដែលមានកម្លាំងកាយ ដើម្បីបន្ធូរភាពតានតឹង។ ជាពិសេសកុំនៅជិតមនុស្សអវិជ្ជមាន នាំភ្លើងនាំទុក្ខមកឲ្យយើង ចូរចៀសឆ្ងាយ មិនថាពួកគេជាស្នេហា ពួកម៉ាក់ជិតស្និតក៏ដោយ៕

ប្រែសម្រួល៖ សាង ស្រីល័ក្ខ

ចុចអាន៖គេងគ្រប់ហើយនៅតែអស់កម្លាំង មកពីធ្វើតែរឿងអស់នេះក្នុងជីវិតឲ្យក្លាយជាទម្លាប់

ចុចអាន៖ការស្ដាប់តន្ត្រីជាវេទមន្ត ដែលអាចផ្លាស់ប្ដូរជីវិតមួយពព្រិចភ្នែក មិនជឿអានអត្ថបទសិន!

The post វិធី ៧ យ៉ាង បំបាត់ភាពអស់កម្លាំងល្ហិតល្ហៃ ធ្វើឲ្យមានថាមពលពេញមួយថ្ងៃ ស្រស់ស្រាយដូចគេឯង appeared first on Kampuchea Thmey Daily.

គេងគ្រប់ហើយនៅតែអស់កម្លាំង មកពីធ្វើតែរឿងអស់នេះក្នុងជីវិតឲ្យក្លាយជាទម្លាប់

សាង ស្រីល័ក្ខ — Mon, 23 Aug 2021 06:02:00 +0000

តើអ្នកធ្លាប់មានអារម្មណ៍នឿយហត់គ្រប់ពេលទេ? មិនថាអ្នកគេងច្រើនឬសម្រាកប៉ុន្មានទេ អ្នកនៅតែមានអារម្មណ៍អស់កម្លាំង។

អស់កម្លាំងគឺជារោគសញ្ញាទូទៅនៃស្ថានភាពផ្សេងៗនៅក្នុងរាងកាយ ដែលឈានទៅដល់ជំងឺធ្ងន់ធ្ងរ ប៉ុន្តែវាច្រើនតែបណ្តាលមកពីរបៀបរស់នៅរបស់យើងផ្ទាល់ ដោយមូលហេតុ ៥ យ៉ាង៖

១ ញ៉ាំកាបូអ៊ីដ្រាតច្រើនពេក កាបូអ៊ីដ្រាតដែលងាយយល់បំផុតគឺស្ករ ដូចជាស្កររលាយ ស្ករស៊ីរ៉ូ ឬគ្រាប់ធញ្ញជាតិដូចជាស្រូវសាលី ដែលជាសមាសធាតុចម្បងនៃការផលិតម្សៅពណ៌ស។ នៅពេលកាបូអ៊ីដ្រាតរំលាយយើងនឹងបាត់បង់សារធាតុចិញ្ចឹមសំខាន់ៗ ស្ទើរតែទាំងអស់ដូចជាជាតិសរសៃ វីតាមីន សារធាតុរ៉ែ។ នេះធ្វើឲ្យវាក្លាយជាអាហារដែលមានកាឡូរីតែប៉ុណ្ណោះ។ ការទទួលទានកាបូអ៊ីដ្រាតច្រើនពេក គឺជាហេតុផលមួយទៀតដែលធ្វើឲ្យអ្នកមានអារម្មណ៍នឿយហត់ពេញមួយថ្ងៃ ព្រោះនៅពេលញ៉ាំអាហារកម្រិតជាតិស្ករក្នុងឈាមកើនឡើងយ៉ាងឆាប់រហ័ស។ នេះបណ្តាលឲ្យលំពែងផលិតអាំងស៊ុយលីនច្រើន ដើម្បីយកជាតិស្ករចេញពីឈាម ហើយយូរៗទៅកម្រិតជាតិស្ករដែលធ្លាក់ចុះ នឹងធ្វើឲ្យយើងមានអារម្មណ៍អស់កម្លាំង ហើយបន្ទាប់មកយើងចង់ញ៉ាំស្ករម្តងទៀតហើយវដ្តដូចនេះ។

២ មិនបង្កើតទម្លាប់ហាត់ប្រាណសោះ ការស្រាវជ្រាវបានបង្ហាញថា មនុស្សវ័យកណ្តាលនិងមនុស្សចាស់ដែលមិនហាត់ប្រាណអាចជួបប្រទះរោគសញ្ញាអស់កម្លាំងរ៉ាំរ៉ៃ ដែលជាភាពអស់កម្លាំងដែលមិនអាចពន្យល់បានជារៀងរាល់ថ្ងៃ។ អនុសាសន៍ដ៏សាមញ្ញមួយគឺត្រូវហាត់ប្រាណឲ្យបានទៀងទាត់ ដើម្បីជួយបង្កើនថាមពលឬយ៉ាងហោចណាស់ ដើរឲ្យបានញឹកញាប់ ដើម្បីជួយកាត់បន្ថយអារម្មណ៍នឿយហត់គ្រប់ពេល។

៣ គេងមិនគ្រប់ឬគ្មានគុណភាពនៃការគេងដូចជា៖មុនពេលចូលគេងជក់បារី ផឹកភេសជ្ជៈមានជាតិកាហ្វេអ៊ីន ញ៉ាំភ្លាមក៏ចូលគេងភ្លាម មិនធ្វើលំហាត់ប្រាណ ហើយលេងទូរស័ព្ទថែមទៀត។ បើប្រើទម្លាប់ខាងលើនេះគឺកុំសង្ឃឹមថាមានកម្លាំងគ្រប់ឲ្យសោះ។ បោះចោលដាច់ខាតទម្លាប់អស់ហ្នឹង! ការធ្វើបែបនេះនឹងជួយឲ្យយើងគេងមិនលក់តែប៉ុណ្ណោះ។

៤ ប្រូតេអ៊ីនមិនគ្រប់គ្រាន់ ការទទួលទានប្រូតេអ៊ីនមិនគ្រប់គ្រាន់ អាចជាមូលហេតុមួយទៀតដែលធ្វើយើង មានអារម្មណ៍អស់កម្លាំងពេញមួយថ្ងៃ។ ការសិក្សាក្នុងចំណោមនិស្សិតកូរ៉េបានបង្ហាញថា និស្សិតដែលទទួលទានអាហារមានប្រូតេអ៊ីនខ្ពស់ ដូចជាត្រី សាច់ ស៊ុត យ៉ាងតិចពីរដងក្នុងមួយថ្ងៃ អាចកាត់បន្ថយអារម្មណ៍អស់កម្លាំង។ ប្រូតេអ៊ីនក៏ជួយរក្សាកម្រិតមេតាប៉ូលីសផងដែរ វាក៏ការការពារអស់កម្លាំងផងដែរ។

៥ កម្រិតស្ត្រេសខ្ពស់ ស្ត្រេសជះឥទ្ធិពលយ៉ាងខ្លាំងដល់សុខភាពផ្លូវកាយ និងផ្លូវចិត្តរបស់យើង។ មានការស្រាវជ្រាវជាច្រើនដែលបង្ហាញថា ភាពតានតឹងខ្លាំងត្រូវបានផ្សារភ្ជាប់ទៅនឹងភាពអស់កម្លាំង។ យើងប្រហែលជាមានអារម្មណ៍នឿយហត់ជាងមុន នៅពេលយើងតានតឹងនិងធ្វើការ។ បញ្ហានេះអាចត្រូវបានដោះស្រាយដោយការគ្រប់គ្រងស្ត្រេស ហាត់យូហ្គា ញ៉ាំអាហារដែលអ្នកចូលចិត្ត សម្រាក ធ្វើលំហាត់ប្រាណ អាចជួយកាត់បន្ថយភាពតានតឹង៕

ប្រែសម្រួល៖ សាង ស្រីល័ក្ខ

ចុចអាន៖ប្រុងប្រយ័ត្នចំពោះថ្នាំបញ្ចុះប៉ារ៉ាស៊ីត ប្រើមិនស្រួលអាចគ្រោះថ្នាក់ដល់ជីវិត

ចុចអាន៖មូលហេតុយើងតែងថប់ដង្ហើម និងរោគសញ្ញាដែលមិនគួរមើលរំលង

The post គេងគ្រប់ហើយនៅតែអស់កម្លាំង មកពីធ្វើតែរឿងអស់នេះក្នុងជីវិតឲ្យក្លាយជាទម្លាប់ appeared first on Kampuchea Thmey Daily.

មូលហេតុ អ្នកគេងមិនគ្រប់គ្រាន់ និងឧស្សាហ៍ធ្វើការអស់កម្លាំង ងាយឆ្លងកូវីដបំផុត

Sok Sovann — Sat, 15 May 2021 08:15:00 +0000

ការស្រាវជ្រាវថ្មីមួយបានបង្ហាញថា អ្នកដែលគេងមិនបានគ្រប់គ្រាន់ឬឧស្សាហ៍ធ្វើការអស់កម្លាំង ហាក់ដូចជាងាយនឹងឆ្លងជំងឺកូវីដ-១៩។

លើសពីនេះទៅទៀត សម្រាប់អ្នកដែលធ្វើការអស់កម្លាំងរាល់ថ្ងៃ ពួកគេអាចមានហានិភ័យរហូតដល់ទៅទ្វេដងឯណោះ ក្នុងការធ្លាក់ខ្លួនឈឺដោយសាររីរុសនេះ។

ក្រុមសិក្សាដែលដឹកនាំដោយ សាលាសុខភាពសាធារណៈ Bloomberg នៃសាកលវិទ្យាល័យ Johns Hopkins ក្នុងទីក្រុង Baltimore នៃរដ្ឋ Maryland ជឿជាក់ថា ស្ថានភាពទាំងនេះ បានធ្វើឲ្យប្រព័ន្ធភាពស៊ាំចុះខ្សោយ ដែលជាហេតុបង្កើនឲ្យមានភាពងាយឆ្លងទៅនឹងជំងឺកូវីដ-១៩។

ការស្រាវជ្រាវថ្មី ដែលចេញផ្សាយក្នុងទស្សនាវដ្តី BMJ Nutrition Prevention & Health បានបង្ហាញថា ក្រុមអ្នកស្រាវជ្រាវបានពិនិត្យមើលលទ្ធផលនៃការស្ទាបស្ទង់ លើបុគ្គលិកសុខាភិបាលដែលប៉ះពាល់ជាមួយអ្នកជំងឺកូវីដ។

ការស្ទាបស្ទង់ចាប់ពីថ្ងៃទី១៧ខែកក្កដាដល់ថ្ងៃទី២៥ខែកញ្ញាឆ្នាំមុន ត្រូវបានធ្វើឡើងដោយបុគ្គលិកសុខាភិបាលនៅក្នុងប្រទេសបារាំង អាល្លឺម៉ង់ អ៊ីតាលី អេស្ប៉ាញ អង់គ្លេសនិងសហរដ្ឋអាមេរិក។

អ្នកឆ្លើយសំណួរ ត្រូវបានគេសួរលម្អិតអំពីរបៀបរស់នៅនិងសុខភាពរបស់ពួកគេ ដែលរាប់បញ្ចូលទាំង ថាតើពួកគេគេងបានប៉ុន្មានម៉ោងនិងហត់នឿយពីការងារខ្លាំងប៉ុនណាផងដែរ។

ក្នុងចំណោមបុគ្គលិកថែទាំសុខភាពចំនួន២,៨៨៤នាក់ដែលបានចូលរួមការស្ទង់មតិ មាន៥៦៨នាក់ក្នុងចំណោមនោះបានរាយការណ៍ថា ពួកគេឆ្លងជំងឺកូវីដ-១៩។

ក្រុមអ្នកស្រាវជ្រាវបានរកឃើញថា ប្រហែល២៤ភាគរយ ពោលគឺមួយភាគបួនក្នុងចំណោមអ្នកឆ្លងបាននិយាយថា ពួកគេគេងមិនលក់នៅពេលយប់។

ស្របពេលជាមួយគ្នានោះ ប្រហែល៥,៥ភាគរយនៃបុគ្គលិកថែទាំសុខភាពដែលឆ្លងកូវីដ បានរាយការណ៍ថា មានភាពអស់កម្លាំងជារៀងរាល់ថ្ងៃ បើប្រៀបធៀបទៅនឹងបុគ្គលិក៣ភាគរយដែលមិនមានការឆ្លង។

គួរបញ្ជាក់ថា ការស្រាវជ្រាវពីមុនក៏បានផ្សារភ្ជាប់ ការគេងមិនគ្រប់គ្រាន់និងការធ្វើការអស់កម្លាំង ទៅនឹងហានិភ័យកាន់តែខ្លាំងនៃការឆ្លងទាំងវីរុសនិងបាក់តេរីផងដែរ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ រកឃើញលេខរៀងអ្នកចាក់វ៉ាក់សាំងទី២លាន និងទទួលបានរង្វាន់លើកទឹកចិត្ត ប្រាក់១០ លានរៀល

The post មូលហេតុ អ្នកគេងមិនគ្រប់គ្រាន់ និងឧស្សាហ៍ធ្វើការអស់កម្លាំង ងាយឆ្លងកូវីដបំផុត appeared first on Kampuchea Thmey Daily.

ទម្លាប់ទាំងនេះ អាចធ្វើឲ្យយើងបាត់បង់ថាមពលក្នុងខ្លួន

Sonya — Thu, 01 Apr 2021 01:26:21 +0000

កម្រិតថាមពលទាបអាចជាសញ្ញានៃបញ្ហាសុខភាព ដែលបណ្ដាលមកពីលទ្ធផលនៃទម្លាប់ជាក់លាក់មួយចំនួន។ ដូច្នេះហើយ គ្នាយើងគប្បីកែប្រែទម្លាប់ទាំងនោះភ្លាមៗ ដើម្បីកុំឲ្យជួបបញ្ហាទៅថ្ងៃក្រោយ។ ពិតណាស់ នៅពេលដែលយើងហត់នឿយជាប្រចាំ វានឹងធ្វើឲ្យយើងបាត់បង់ប្រសិទ្ធភាពការងារ ក៏ដូចជាមានអារម្មណ៍មួម៉ៅជាញឹកញយ។

១. ញ៉ាំកាហ្វេអ៊ីនច្រើនពេក

ទោះបីជាភេសជ្ជៈដែលមានជាតិកាហ្វេអ៊ីនអាចបង្កើនថាមពល ធ្វើឲ្យយើងមានអារម្មណ៍ស្រស់ស្រាយ និងស្វាហាប់ជាច្រើនម៉ោងយ៉ាងណាក្ដី ប៉ុន្តែនៅពេលដែលយើងឈប់ញ៉ាំវា យើងនឹងបាត់បង់ថាមពលស្ទើរទាំងស្រុង។ ជាទូទៅ កាហ្វេអ៊ីនជួយបង្កើនអ័រម៉ូន cortisol ហើយការញ៉ាំវាច្រើននឹងធ្វើឲ្យយើងមានថាមពលមុនពេលដំបូង ប៉ុន្តែក្រោយមកយើងនឹងចាប់ផ្ដើមអស់កម្លាំងកំហែងគ្មានសល់។

២. មើលទូរទស្សន៍ ឬទូរសព្ទច្រើនម៉ោង

មនុស្សភាគច្រើនចំណាយពេលនៅមុខអេក្រង់ទូរទស្សន៍ ឬទូរសព្ទជាច្រើនម៉ោង ដែលអាចបណ្ដាលឲ្យចុករួយភ្នែក ឈឺក្បាល និងនឿយហត់អស់កម្លាំង។ ជាមួយគ្នានេះដែរ ពន្លឺពណ៌ខៀវដែលចេញពីអេក្រង់ ជះឥទ្ធិពលអវិជ្ជមានដល់ដំណេករបស់យើង។ លើសពីនេះ មានការសិក្សាមួយចំនួនបានបង្ហាញថា ការចំណាយពេលលើអេក្រង់គ្រឿងអេឡិចត្រូនិកទាំងនេះក៏អាចបង្កើនហានិភ័យនៃការកើតជំងឺមហារីក ទឹកនោមផ្អែម ជំងឺបេះដូង និងធាត់ជ្រុលថែមទៀតផង។

៣. ញ៉ាំទឹកមិនគ្រប់គ្រាន់

ពិតណាស់ ដើម្បីបំពេញការងារប្រកបដោយប្រសិទ្ធភាព ព្រមទាំងទទួលបានថាមពលគ្រប់គ្រាន់ យើងចាំបាច់ត្រូវបំពេញជាតិទឹកដល់រាងកាយ។ ដូចគ្នាទៅនឹងកីឡាករដែរ ដើម្បីសម្រេចបាននូវសមិទ្ធផលដ៏អស្ចារ្យ ទឹកគឺជាធាតុផ្សំដ៏សំខាន់បំផុត។

៤. ញ៉ាំអាហារកែច្នៃច្រើនជ្រុល

អាហារកែច្នៃភាគច្រើនមានផ្ទុកជាតិកាបូអ៊ីដ្រាតធម្មតា ដែលអាចធ្វើឲ្យកម្រិតជាតិស្ករឡើងចុះមិនទៀងទាត់ និងអាចបណ្ដាលឲ្យយើងមានអារម្មណ៍នឿយហត់ខ្លាំង។ លើសពីនេះ ការញ៉ាំជាតិស្ករ និងកាបូអ៊ីដ្រាតធម្មតាក៏អាចបណ្ដាលឲ្យយើងមានអាការៈភ្លេចភ្លាំង និងអស់កម្លាំងផងដែរ។ ជាក់ស្ដែង អាហារកែច្នៃមានជាតិសូដ្យូមខ្ពស់ ដែលអាចធ្វើឲ្យយើងមានអារម្មណ៍ស្រេកទឹកខ្លាំង ព្រមទាំងនឿយហត់ ហើយវាក៏មិនមានផ្ទុកសារធាតុចិញ្ចឹមល្អៗដល់រាងកាយយើងដូចគ្នា។

៥. ស្រ្តេសខ្លាំង

សម្រាប់អ្នកដែលស្រ្តេសខ្លាំង អាចប្រឈមនឹងការកើនសម្ពាធឈាម អស់កម្លាំងសាច់ដុំ និងឈឺក្បាល ហើយប្រសិនបើយើងនៅតែបន្តមានបញ្ហាស្រ្តេសកាន់តែយូរ ធនធានរាងកាយរបស់យើងនឹងកាន់តែចុះខ្សោយជាលំដាប់។

៦. គេងមិនទៀងទាត់

ការគេងមិនទៀងទាត់អាចប៉ះពាល់ដល់រាងកាយ អារម្មណ៍ ចំណង់អាហារ ការចងចាំ ភាពស្វាហាប់ កម្រិតថាមពល កម្រិតថប់បារម្ភ ប្រព័ន្ធភាពស៊ាំ និងចំណង់ផ្លូវភេទ។ ជាងនេះទៅទៀត សម្រាប់អ្នកដែលគេងមិនទៀងទាត់ក៏អាចប្រឈមទៅនឹងរោគសញ្ញានៃជំងឺបាក់ទឹកចិត្តផងដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ការពារប្រព័ន្ធភាពស៊ាំចុះខ្សោយ មនុស្សមានក្រុមឈាមទាំង ៤ ត្រូវតមអាហារប៉ុន្មានមុខនេះ

ចុចអាន៖ រាកមួល ក៏អាចជារោគសញ្ញានៃជំងឺមហារីកពោះវៀនធំបានដែរ!

The post ទម្លាប់ទាំងនេះ អាចធ្វើឲ្យយើងបាត់បង់ថាមពលក្នុងខ្លួន appeared first on Kampuchea Thmey Daily.

អស់កម្លាំង Archives - Kampuchea Thmey Daily

បើភ្ញាក់ពីគេង ហើយអស់កម្លាំងខ្លាំង មានន័យថា យើងស្ត្រេសដល់កំពូលហើយ

ប្រយ័ត្ន! អត់​កម្លាំង​នឹង​ការងារ វក់​ជាមួយហ្គេម គឺជា​ជំងឺ

វិធី ៧ យ៉ាង បំបាត់ភាពអស់កម្លាំងល្ហិតល្ហៃ ធ្វើឲ្យមានថាមពលពេញមួយថ្ងៃ ស្រស់ស្រាយដូចគេឯង

គេងគ្រប់ហើយនៅតែអស់កម្លាំង មកពីធ្វើតែរឿងអស់នេះក្នុងជីវិតឲ្យក្លាយជា​ទម្លាប់

មូលហេតុ អ្នកគេងមិនគ្រប់គ្រាន់ និងឧស្សាហ៍ធ្វើការអស់កម្លាំង ងាយឆ្លងកូវីដបំផុត

ទម្លាប់​ទាំង​នេះ​ អាច​ធ្វើ​ឲ្យ​យើង​​បាត់បង់​ថាមពលក្នុងខ្លួន

១. ញ៉ាំ​កាហ្វេអ៊ីន​ច្រើន​ពេក

២. មើល​ទូរទស្សន៍​ ឬ​ទូរសព្ទ​ច្រើន​ម៉ោង

៣. ញ៉ាំ​ទឹក​មិន​គ្រប់គ្រាន់​

៤. ញ៉ាំ​អាហារ​កែ​ច្នៃ​ច្រើន​ជ្រុល​

៥. ស្រ្តេស​ខ្លាំង​

៦. គេង​មិន​​ទៀងទាត់​​

ប្រយ័ត្ន! អត់កម្លាំងនឹងការងារ វក់ជាមួយហ្គេម គឺជាជំងឺ

គេងគ្រប់ហើយនៅតែអស់កម្លាំង មកពីធ្វើតែរឿងអស់នេះក្នុងជីវិតឲ្យក្លាយជាទម្លាប់

ទម្លាប់ទាំងនេះ អាចធ្វើឲ្យយើងបាត់បង់ថាមពលក្នុងខ្លួន

១. ញ៉ាំកាហ្វេអ៊ីនច្រើនពេក

២. មើលទូរទស្សន៍ ឬទូរសព្ទច្រើនម៉ោង

៣. ញ៉ាំទឹកមិនគ្រប់គ្រាន់

៤. ញ៉ាំអាហារកែច្នៃច្រើនជ្រុល

៥. ស្រ្តេសខ្លាំង

៦. គេងមិនទៀងទាត់