អាក្រាត Archives - Kampuchea Thmey Daily

សារមន្ទីរនៅទីក្រុង Barcelona បើកទ្វារទទួលភ្ញៀវអាក្រាតកាយ

Boa Sokunveary — Mon, 30 Oct 2023 09:13:05 +0000

សារមន្ទីរនៅទីក្រុង Barcelona ប្រទេសអេស្ប៉ាញកាលពីថ្ងៃសៅរ៍ ទី២៨ ខែតុលា បានបើកទ្វារទទួលភ្ញៀវអាក្រាតកាយ ដែលជាការរៀបចំការដើរមើលកម្សាន្តដ៏ពិសេសអស្ចារ្យមួយមិនធ្លាប់មាន ។

សារមន្ទីរបុរាណវិទ្យា Catalonia សហការជាមួយក្លឹប Catalan Naturism បានរៀបចំព្រឹត្តិការណ៍ដ៏ពិសេសមួយក្នុងសារមន្ទីររយៈពេល ៩០ នាទី ដើម្បីឲ្យអ្នកទស្សនាបានមើលការតាំងពិពណ៌រូបថតរបស់ Luigi Spina ។

Luigi Spina គឺជារូបសំណាកអ្នកចម្បាំងអាក្រាតក្រិកធ្វើពីសំរឹទ្ធ ពីសតវត្សទី ៥ មុនគ.ស ហើយត្រូវបានរកឃើញនៅឆ្នាំ ១៩៧២ ជិតសហគមន៍ Riace នៃប្រទេសអ៊ីតាលី ។

បើតាមមគ្គុទ្ទេសក៍ឈ្មោះ Edgard បានឲ្យដឹងថា គាត់ចង់ធ្វើឱ្យវាក្លាយជាដំណើរកម្សាន្តចម្រុះ ហើយមិនមែនជាដំណើរទេសចរណ៍ដែលមានមគ្គុទ្ទេសក៍ធម្មតានោះទេ ។ ខាងសារមន្ទីរចង់ឱ្យអ្នកមកទស្សនា មានអារម្មណ៍ដូចរូបសំណាកដែលពួកគេកំពុងមើលដែរ ៕

ប្រែសម្រួល៖ វារី

ប្រភព៖ asianone

ចុចអាន៖ មនុស្សប្រហែល ១៣០០ នាក់ ហែលទឹកទាំងអាក្រាតកាយក្នុងពិធីបុណ្យមួយនៅ អង់គ្លេស

The post សារមន្ទីរនៅទីក្រុង Barcelona បើកទ្វារទទួលភ្ញៀវអាក្រាតកាយ appeared first on Kampuchea Thmey Daily.

ប៉ូលិសប៉េរូចាប់ខ្លួនអ្នកទេសចរពីរនាក់ ខណៈកំពុងថតរូបអាក្រាតកាយនៅប្រាសាទ Machu Picchu

សាង ស្រីល័ក្ខ — Mon, 15 May 2023 09:19:02 +0000

យោងតាមគេហទំព័រ Euronews ភ្ញៀវទេសចរជនជាតិបារាំង និងស្វីសពីរនាក់ត្រូវបានរកឃើញដោយអ្នកមើលការខុសត្រូវនៅឯវិមាន Machu Picchu ប្រទេសប៉េរូ ខណៈដែលកំពុងឈរអាក្រាតកាយដើម្បីថតរូបគ្នាទៅវិញទៅមកនៅក្នុងវិមាន Machu Picchu ។

នៅក្នុងការបង្ហោះនៅលើគេហទំព័ររបស់ប៉ូលិសប៉េរូ (PNP) តំណាងរបស់ទីភ្នាក់ងារនេះបានសង្កត់ធ្ងន់ថា “ពិភពលោកអស្ចារ្យណាស់ Machu Picchu គួរតែត្រូវបានគោរព” ។ បច្ចុប្បន្ន ប៉ូលិសបានលុបរូបថត និងឃុំខ្លួនអ្នកទេសចរទាំងពីរនាក់ពីបទជេរប្រមាថជាសាធារណៈ។

ទោះយ៉ាងណាក៏ដោយ នេះក៏មិនមែនជាលើកទីមួយទេ ដែលអាជ្ញាធរក្នុងតំបន់បានព្រមានអ្នកទេសចរមិនឲ្យថតរូបអាក្រាតកាយនៅកន្លែងបេតិកភណ្ឌពិភពលោកបុរាណ ដែលទទួលស្គាល់ដោយអង្គការយូណេស្កូ។ កាលពីឆ្នាំ ២០១៦ Adam Burton ជាអ្នកទេសចរជនជាតិអង់គ្លេសអាយុ ២៣ ឆ្នាំ និង Eric Xavier Mariec ជាអ្នកទេសចរបារាំងអាយុ ២៨ ឆ្នាំត្រូវបានឆ្មាំវត្ថុបុរាណប្រទះឃើញក្នុងពេលដែលពួកគេកំពុងអាក្រាតកាយ និងថតរូបជាមួយទូរស័ព្ទដៃនៅក្នុងកន្លែងផ្ទុកសារីរិកធាតុ។

ចាប់តាំងពីខែមិថុនា ឆ្នាំ ២០១៤ មក ប្រទេសប៉េរូបានបង្កើនការឃ្លាំមើល Machu Picchu ខណៈដែលការលួច និងការអាក្រាតកាយបានក្លាយទៅជាបញ្ហាដ៏ឈឺចាប់មួយនៅឯកន្លែងវប្បធម៌ដ៏ល្បីល្បាញ ហើយកន្លែងនេះទាក់ទាញអ្នកទស្សនារហូតដល់ ១.២ លាននាក់ជារៀងរាល់ឆ្នាំ។

ប្រឈមមុខនឹងស្ថានភាពនោះ រដ្ឋាភិបាលប៉េរូត្រូវដាក់ចេញនូវដែនកំណត់នៃការទទួលភ្ញៀវអតិបរមាត្រឹមតែ ៤,០០០ នាក់ប៉ុណ្ណោះក្នុងមួយថ្ងៃដើម្បីការពារបូជនីយដ្ឋាននេះ។ លើសពីនេះ អ្នកទស្សនាត្រូវតែគោរពតាមបទប្បញ្ញត្តិមួយចំនួនទៀត ដូចជាមិនត្រូវយកដង selfie ជើងកាមេរ៉ា និងកាបូបស្ពាយដែលមានទម្ងន់មិនលើសពី ៥ គីឡូក្រាមចូលឡើយ៕

ប្រែសម្រួល៖ សាង ស្រីល័ក្ខ

ប្រភព៖doisongphapluat

ចុចអាន៖វៀតណាម ជួបគ្រោះរាំងស្ងួតធ្ងន់ ខណៈអាងស្តុកទឹកដ៏ធំប្រេះដីបែកក្រហែង

The post ប៉ូលិសប៉េរូចាប់ខ្លួនអ្នកទេសចរពីរនាក់ ខណៈកំពុងថតរូបអាក្រាតកាយនៅប្រាសាទ Machu Picchu appeared first on Kampuchea Thmey Daily.

សុបិនឃើញមនុស្សស្រីអាក្រាតកាយ ជីវិតពិតនឹងជួបវិបត្តិ

Sonya — Tue, 29 Nov 2022 14:53:20 +0000

តើអ្នកធ្លាប់សុបិនឃើញមនុស្សស្រីស្រាតននលគោកដែរឬទេ? បើអ្នកជាមនុស្សប្រុស សុបិនឃើញស្ត្រីអាក្រាតកាយ បុរាណថានឹងមានបញ្ហាជីវិត ជាពិសេសបើអ្នកជាមនុស្សប្រឡូកជាមួយល្បែងស៊ីសង នោះនឹងខាតធំជាក់ជាមិនខាន។

សុបិននេះទស្សន៍ទាយទៀតថា អ្នកអាចនឹងមានបញ្ហាចាក់ស្រេះនាំឱ្យបាត់បង់ទ្រព្យសម្បត្តិ ឬជួបមនុស្សឆបោកលុយកាក់ ជាពិសេសចំពោះស្ត្រី បើយល់សប្តិឃើញមនុស្សស្រីអាក្រាត ចូរប្រយ័ត្ននឹងមនុស្សជិតស្និទ្ធដែលជាមនុស្សស្រីដូចគ្នា គេអាចក្លាយជាសត្រូវប្រឆាំងនឹងអ្នក ឬជាគូប្រជែងស្នេហ៍។

ប្រសិនបើអ្នកហៀបនឹងបើកអាជីវកម្ម ឬបង្ហាញផលិតផលថ្មី មិនថាអ្នកជាបុរសឬស្រ្តីទេ សុបិនឃើញមនុស្សស្រីអាក្រាត នឹងមានឱកាសជោគជ័យតិចតួចណាស់៕

អត្ថបទ៖ សន្យា

ចុចអាន៖ បកស្រាយអត្ថន័យ យល់សប្តិឃើញខ្លួនឯងដើរស្រាត

ចុចអាន៖ សុបិនរួមភេទ មានអត្ថន័យបែបណា ចំពោះស្ត្រី?

The post សុបិនឃើញមនុស្សស្រីអាក្រាតកាយ ជីវិតពិតនឹងជួបវិបត្តិ appeared first on Kampuchea Thmey Daily.

សុបិនឃើញ “បុរសគេងអាក្រាត” អត្ថន័យល្អឬអាក្រក់?

Sonya — Fri, 11 Nov 2022 13:29:00 +0000

យោងទៅតាមការបកស្រាយសុបិន គេជឿថា សុបិនឃើញបុរសអាក្រាតកាយអាចនាំឱ្យម្ចាស់ខ្លួនមានការលំបាក នៅក្នុងជីវិតពិត។ វាជាសញ្ញាព្រមានឱ្យប្រយ័ត្នចំពោះអ្នកដែលនៅជិតខ្លួន ព្រោះគេកំពុងចូលមកនាំទុក្ខដល់អ្នក ឬបង្កបញ្ហាហិរញ្ញវត្ថុនាពេលខាងមុខ។

ក្នុងន័យស្នេហា មិនថាប្រុសស្រី ប្រសិនសុបិនឃើញបែបនេះ ត្រូវចេះគ្រប់គ្រងភាពប្រចណ្ឌរបស់ខ្លួន បើបណ្ដោយឱ្យអារម្មណ៍អូសទាញមួយពេល អាចនាំរឿងឈ្លោះគ្នា ឈានដល់ការបែកបាក់។

ឃើញបុរសម្នាក់អាក្រាត

ផ្អែកតាមការបកស្រាយ វាមានន័យថា ជីវិតអាចមានបញ្ហាជាមួយនឹងទំនាក់ទំនងជាមួយមនុស្សជុំវិញខ្លួន។ អ្នកអាចឈ្លោះ ឬមាត់ធំមាត់តូចជាមួយមនុស្សគ្រប់កន្លែងដែលអ្នកបានទៅដល់។

ឃើញបុរសច្រើននាក់អាក្រាតកាយ

សុបិននេះ ជាប្រផ្នូលនៃគ្រោះថ្នាក់ជាយថាហេតុមួយ។ ប៉ុន្តែវាមិនមែនជាគ្រោះថ្នាក់ធំដែលគួរព្រួយបារម្ភនោះទេ។ ទំនងជាមានការប៉ះទង្គិចបន្តិចបន្តួចជាមួយមនុស្សស្គាល់គ្នា។

លេខសំណាង

ប្រសិនអ្នកជាមនុស្សជឿលើហុងស៊ុយ ឬការផ្សងសំណាង សុបិនឃើញបុរសគេងស្រាត លេខសំណាងដែលគួរប្រើមានដូចជា ៣៦៨, ១១, ៣៧, ២៨៧, ៤៩, ៧១ និង ០១៣ ៕

អត្ថបទ៖ សន្យា

ចុចអាន៖ បកស្រាយអត្ថន័យ យល់សប្តិឃើញខ្លួនឯងដើរស្រាត

ចុចអាន៖ សុបិនឃើញ “ម្ដាយស្លាប់” គួរបារម្ភដែរទេ?

The post សុបិនឃើញ “បុរសគេងអាក្រាត” អត្ថន័យល្អឬអាក្រក់? appeared first on Kampuchea Thmey Daily.

បាតុករស្រី អាក្រាតកាយទាំងស្រុង ត្រូវប៉ូលិសនូវែលសេឡង់ ចាប់បោចសក់ អូសលើវាលស្មៅ

Sok Sovann — Fri, 11 Feb 2022 07:42:01 +0000

រឿងរ៉ាវដ៏អាក្រក់ បានផ្ទុះឡើងក្នុងរាជធានីរបស់ប្រទេសនូវែលសេឡង់កាលពីថ្ងៃព្រហស្បតិ៍ទី១០ខែកុម្ភៈ ខណៈក្រុមបាតុករ “សេរីភាព” រាប់រយនាក់ បានប៉ះទង្គិចជាមួយអាជ្ញាធរ ហើយស្ត្រីអាក្រាតកាយម្នាក់ ត្រូវបានចាប់ខ្លួនបន្ទាប់ពីសម្រុកឆ្លងកាត់ជួរប៉ូលិស។

ស្ត្រីរូបនេះត្រូវបានប៉ូលិសចាប់បោចសក់ អូសលើវាលស្មៅ មុនពេលឃុំខ្លួន ខណៈដែលការតវ៉ាប្រឆាំងនឹងគោលនយោបាយកូវីដដ៏តឹងរ៉ឹង របស់លោកស្រីនាយករដ្ឋមន្ត្រី Jacinda Ardern ប្រែទៅជាស្ថានភាពអាក្រក់។

រថយន្តធុនតូច រថយន្តដឹកទំនិញ និងម៉ូតូរាប់រយគ្រឿងដែលដឹកមនុស្សរាប់ពាន់នាក់មកពីទូទាំងប្រទេស បានចាប់ផ្តើមប្រមូលផ្តុំគ្នានៅទីក្រុង Wellington កាលពីព្រឹកថ្ងៃអង្គារ ដើម្បីចាប់ផ្តើមការតវ៉ា ដែលបំផុសគំនិតដោយក្បួនរថយន្ត “សេរីភាព” របស់ប្រទេសកាណាដា ដែលធ្វើឲ្យទីក្រុង Ottawa ត្រូវជាប់គាំង។

រថយន្តបានបិទផ្លូវជុំវិញសភា និងទីតាំងសំខាន់ៗផ្សេងទៀត មុនពេលធ្វើដំណើរតាមដងផ្លូវដើម្បីលើកបដា និងស្លាកទាមទារឲ្យមានសេរីភាពឡើងវិញ, បរិហារអាណត្តិវ៉ាក់សាំង និងវាយប្រហារនាយករដ្ឋមន្រ្តី។

បន្ទាប់មក មនុស្សរាប់រយនាក់ បានប្រមូលផ្តុំគ្នានៅមុខសភាដើម្បីស្តាប់វាគ្មិន និងស្រែកពាក្យស្លោក ដោយមានខ្លះបោះតង់ ហើយប្តេជ្ញាថានឹង បន្តតវ៉ារយៈពេលយូរទៀត។

ប៉ូលិសបានដាក់របាំងការពាររវាងបាតុករ និងអគារសភា ហើយការប៉ះទង្គិចគ្នាដោយហិង្សាជាច្រើន បានផ្ទុះឡើងរវាងភាគីទាំងពីរ។

វីដេអូគួរឲ្យភ្ញាក់ផ្អើលពីកន្លែងកើតហេតុ បានបង្ហាញពីមនុស្សដែលប៉ុនប៉ងទម្លុះរបាំង ដោយមានមនុស្សជាច្រើនត្រូវបានចាប់ខ្លួន និងនាំចេញរួមទាំងស្ត្រីអាក្រាតកាយទាំងស្រុងផងដែរ។

គិតត្រឹមល្ងាចម្សិលមិញ ប៉ូលិសបានចាប់ខ្លួនមនុស្សជាង១២០នាក់ និងចោទប្រកាន់ពួកគេជាច្រើននាក់ ពីបទរំលោភបំពាន ឬរារាំង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ផ្ទុះការវាយប្រហារភេរកម្មនៅ នូវែលសេឡង់