បច្ចុប្បន្ន​នេះ ខ្នងទំនប់អាងកំពីងពួយបានក្លាយជាទីផ្សារដ៏ធំមួយសម្បូរទៅដោយគ្រឿងបរិភោគចម្រុះ​មានទាំងដាក់ស្លាកប៉ាណូ​ធំៗ និងមានកញ្ចុះប្រកស្បូវសម្រាប់ទទួលភ្ញៀវបរិភោគអាហារជាលក្ខណះគ្រួសារផង។

ពលរដ្ឋក្នុងមូលដ្ឋាន​និយាយថា ក្រោយទំនប់អាងកំពីងពួយលេចចេញជា​រូបរាង ពួកគាត់​អាចរក​ចំណូលសម្រាប់ផ្គត់ផ្គង់គ្រួសារបានប្រសើរជាងមុន​ តាមរយ:ការច្នៃម្ហូបអាហារសម្រាប់តម្រូវការដល់ភ្ញៀវមកកម្សាន្ត។

ពលរដ្ឋ​បន្តថា ក្រៅពីពលរដ្ឋក្នុងមូលដ្ឋាន ក្នុងតំបន់ទេសចរណ៍នេះ​ឃើញ​​មានប្រជាពលរដ្ឋមកពីតំបន់ឆ្ងាយៗ​ក៏​មក​​បើក​លក់ដូរ ក្នុងនោះក៏​មានអាជីវករមកពីក្រុងបាត់ដំបងជាច្រើន​ផងដែរ។

អ្នកស្រី ស៊ុន សុផាត ដែលមានទីលំនៅក្នុងភូមិព្រៃផ្តៅស្ថិតនៅចម្ងាយប្រមាណជាង ៤ គីឡូម៉ែត្រពីអាងកំពីងពួយ​បានប្រាប់​ថា នៅក្នុងភូមិអ្នកស្រីមានអ្នកទៅលក់ដូរច្រើនគួរសម អ្នកខ្លះក៏មិនមែនជាអ្នកលក់ដូរក្នុងភូមិ ក៏បាន​បង្កើតមុខរបរថ្មី​ ដើម្បីយកទៅលក់លើខ្នងទំនប់ក្នុងការរកចំណូលទ្រទ្រង់ជីវភាពគ្រួសារ។

ស្ត្រីរូបនេះបានអះអាងថា ការលក់ដូររបស់អ្នកស្រី​ក្នុងមួយថ្ងៃអាចរកចំណូលបានចន្លោះពី ២៥ ដល់ ៣០ មុឺនរៀល ខណះជ្រូកខ្វៃលក់ក្នុងមួយចានតម្លៃ ២ មុឺនរៀល។

ស្រ្តី​រូបនេះ​បានសម្តែងអារម្មណ៍​រីករាយ ដោយសារមើលឃើញកម្រិតជីវភាពក្នុងគ្រួសារបានប្រសើរជាងគ្រាមុន ខណះរយះពេលខ្លីតែអ្នកស្រីនិងស្វាមីបានរកចំណូលបានសេសសល់ខ្លះក្នុងគ្រួសារ សម្រាប់ជាទុនបំរុងក្នុងរដូវដាំដុះស្រូវវស្សានៅពេលខាងមុខ។

លោក ស្រេង សុខា អភិបាលស្រុកបាណន់​ខេត្តបាត់ដំបងបាន​បញ្ជាក់ថា ការលក់ដូរបណ្តោះអាសន្នរបស់ប្រជាពលរដ្ឋលោកមិនហាមឃាត់នោះទេ តែលោកសុំឲ្យមានសណ្តាប់ធ្នាប់និងអនាម័យល្អ រង់​ចាំការរៀបចំសាងសង់ផ្សារសហគមន៍រួចរាល់ អាជីវករទាំងអស់អាចចូលលក់បានហើយទុកខ្នងទំនប់ជាកន្លែងដើរកម្សាន្ត។

លោក ហម អរុណ មន្រ្តីមន្ទីរទេសចរណ៍​ខេត្ត​បាត់ដំបង​បាន​ឲ្យ​ដឹង​ថា រមណីយដ្ឋានអាងកំពីងពួយនឹងមានការរៀបចំបន្ថែមមួយចំនួនទៀតដើម្បីឲ្យមានសណ្តាប់ធ្នាប់ជាងនេះមានដូចជា ចំណត​រថយន្ត និងម៉ូតូ ធ្វើរោងអង្គុយលេងកម្សាន្ត និងផ្សារសហគមន៍ជាដើមផង។

តាមគោលការរដ្ឋបាលខេត្តផ្តោតទៅលើការរៀបចំសណ្តាប់ធ្នាប់ និងអនាម័យល្អ មុននឹងឈានដល់ការបង្កើត​ឲ្យមានចំណតរថយន្ត និងរោងអង្គុយកម្សាន្ត និងបង្កើតជាផ្សារសហគមន៍នៅទីនោះ។

លោកបន្តថា ការបង្កើតចំណតរថយន្តនិងផ្សារសហគមន៍ រដ្ឋបាលខេត្តកំពុងសិក្សាលើទីតាំងណាមួយឲ្យបានសមរម្យ ជាមុន ដើម្បីកុំឲ្យមានការប៉ះពាល់ទីតាំងកម្សាន្តរបស់ភ្ញៀវ។

ការបង្កើតផ្សារសហគមន៍ នៅតំបន់អាងកំពីងពួយនេះជាការលើកកម្ពស់សេដ្ឋកិច្ចគ្រួសារ របស់ប្រជាសហគមន៍នៅតំបន់នោះឲ្យកាន់តែប្រសើរឡើង ខណះការដាក់តាំងលក់គឺជាផលិតផលរបស់ប្រជាសហគមន៍នៅតំបន់នោះផ្ទាល់ ដើម្បីលើកកម្ពស់កម្រិតជីវភាពប្រចាំថ្ងៃពលរដ្ឋ​ឲ្យកាន់តែប្រសើជាងគ្រាកន្លងទៅ៕

អត្ថបទ÷សៅ សារិទ្ធ

The post ទំនប់អាងកំពីងពួយ ក្លាយជា​ទីប្រជុំ​ជន​លក់ដូរ​ដ៏មមាញឹក ខណៈទេសចរ​ទៅកម្សាន្តឥតដាច់​​ជារៀងរាល់ថ្ងៃ appeared first on Kampuchea Thmey Daily.

ពលរដ្ឋ​លើកឡើង​ថា បើសិនជានៅតែមានលក់ដូរបែបនេះ ប្រឈមគ្រោះថ្នាក់ណាស់។ បន្ថែមពីនេះ​ពលរដ្ឋលើកឡើងពីការ​ចតយានយន្ត​ឥតសណ្តាប់ធ្នាប់​ពេញលើគន្លងផ្លូវថ្មើជើង ដែល​បង្ក​ការ​រំខាន​សម្រាប់​ទេសចរ​មក​កម្សាន្ត។

ជុំវិញពលរដ្ឋលក់ដូរនៅអាងទឹកកំពីងពួយ លោក ស្រេង សុខា អភិបាលស្រុកបាណន់ ខេត្ត​បាត់ដំបង​បាន​ឲ្យ​ដឹង​ថា ដោយ​​មើលឃើញ​ពី​ហានិភ័យ​ជា​យថាហេតុ លោកបានចុះណែនាំដល់ពលរដ្ឋ​ដែលលក់ដូរ​ឲ្យមានសណ្តាប់ធ្នាប់ និង​បានរាយការណ៍ទៅដល់រដ្ឋបាលខេត្តដើម្បីរៀបចំខ្នងទំនប់ឲ្យមានភាព​ល្អ​ប្រសើរ​ឡើង​វិញ។

លោកថា ក្រោយជូនដំណឹងដល់រដ្ឋបាលខេត្ត ​លោកមិនអនុញ្ញាតិឲ្យលក់ដូរបែបនេះនោះទេ ខណះកន្លែងសម្រាប់លក់ដូរនិងកន្លែងចតរថយន្ត រដ្ឋបាលស្រុកនិងខេត្តកំពុងរៀបចំនៅពេលខាងមុខ ក្រោយមានការបើកកិច្ចប្រជុំនៅសាលាខេត្តបាត់ដំបង។

បើតាមលោក ស្រេង សុខា រដ្ឋបាលខេត្ត​បាន​គិ​តគូរក្នុងការ​រៀបចំ​សោភណភាព​អាងកំពីងពួយ​​ព្រោះជាគោលដៅទេសចរណ៍ដ៏សំខាន់ក្នុងស្រុកបាណន់ បន្ទាប់ពីតំបន់រមណីដ្ឋានភ្នំសំពៅ។

​មន្ត្រី​ក្រសួង​ធនធានទឹក ​និងឧតុនិយមបាន​ឲ្យ​ដឹងថា​ ក្រសួងនិង​​សហការ​ជាមួយ​ក្រសួង​ទេសចរណ៍​​រៀបចំ​គម្រោងប្លង់​មេ “អាង​កំពីងពួយ” សម្រាប់​ទ​ទួល​ភ្ញៀវ​ទៅ​កម្សាន្តកាន់តែច្រើន ខណះបច្ចុប្បន្នមានពលរដ្ឋ​មកលេងកម្សាន្ត​ពីគ្រប់ទិសទី។

ភ្ញៀវទេសចរអាច​ធ្វើដំណើរទៅ​កម្សាន្ត​នៅ​អាងកំពីងពួយតាមផ្លូវលេខ ៥៧ កាត់តាមភ្នំសំពៅឆ្ពោះទៅ​ទិសនិរតី នឹងទៅដល់ខ្នងទំនប់អាងកំពីងពួយ មានទីតាំងស្ថិតនៅក្នុងឃុំពីរ គឺឃុំតាគ្រាម និងឃុំស្នឹង ស្រុកបាណន់ ខេត្តបាត់ដំបង៕

អត្ថបទ÷សៅ សារិទ្ធ

The post អាជ្ញាធរស្រុកបាណន់ ព្រួយបារម្ភ​ខណៈ​ពលរដ្ឋនាំ​គ្នា​​លក់ដូរនៅតាមជាយទំនប់អាងកំពីង​ពួយ appeared first on Kampuchea Thmey Daily.

លោក ស្រេង សុខា អភិបាលស្រុកបាណន់បានឲ្យដឹងថា ទីតាំងដែលត្រូវបង្កើតផ្សារសហគមន៍ និងទីតាំងសាងសង់កញ្ចុះ​សម្រាប់បម្រើដល់ភ្ញៀទេសចរអង្គុយលេងកម្សាន្ត ខណៈទីតាំងបានកំណត់រួចហើយ នៅតំបន់អាងកំពីងពួយ ស្ថិតនៅប៉ែកខាងកើតអាងនៅឆ្វេងដៃនៃផ្លូវឡើងលើទំនប់អាង មានប្រជាពលរដ្ឋសុំអាជ្ញាធរភូមិឃុំរស់នៅបណ្តោះអាសន្នជាង​១០០ គ្រួសារ។

បើតាមលោកអភិបាលស្រុក ប្រជាពលរដ្ឋដែលសុំមករស់នៅបណ្តោះអាសន្នលើដីចំណីអាងជាង ១០០ គ្រួសារ នោះ លោកបានដោះស្រាយបាន ៥០ ភាគរយ នៅសល់ ៥០ ភាគរយទៀត រដ្ឋបាលស្រុក និងរដ្ឋបាលឃុំ នឹងដោះស្រាយបន្តដើម្បីឲ្យពួកគាត់ចាប់ឆ្នោតយកដីឡូតិ៍ ដែលខាងរដ្ឋបាលស្រុក និងអាជ្ញាធរឃុំបានដោះស្រាយជូនពួកគាត់ជាបន្តបន្ទាប់។

លោកអភិបាលស្រុកក៏សំណូមពរឲ្យពួកគាត់រុះរើផ្ទះឲ្យបានឆាប់ ដើម្បីយកទីតាំងនោះបង្កើតជាផ្សារសហគមន៍ នឹងអាចឲ្យប្រជាសហគមន៍នៅតំបន់នោះរកចំណូលសេដ្ឋកិច្ចគ្រួសារ ក្នុងការទ្រទ្រង់ជីវិភាពប្រចាំថ្ងៃឲ្យកាន់តែមានភាពប្រសើឡើង តាមរយៈដាក់តាំងលក់ផលិតផលក្នុងសហគមន៍ផ្ទាល់ដើម្បីរកចំណូល។

លោកបន្តថា ចំណែកការសាងសង់កញ្ចុះគឺនៅទីតាំងក្រោមទំនប់ផ្នែកខាងក្រៅអាងប្របផ្លូវទំនប់ ដោយមិនឲ្យមានការប៉ះពាល់ផ្លូវទំនប់នោះទេ គឺសម្រាប់តែការធ្វើដំណើរចេញចូលរបស់ភ្ញៀវ ឬមហាជនតែប៉ុណ្ណោះ។

ចំណែកគម្រោងដែលរដ្ឋបាលបានរៀបចំសាងសង់ផ្សារសហគមន៍ និងសាងសង់កញ្ចុះ ក្រោយរដ្ឋបាលស្រុកបានសម្រេចនោះក៏បានដាក់ជូនរដ្ឋបាលខេត្តរួចរាល់ដែរ ដើម្បីដាក់ជូនឲ្យលោកអភិបាលខេត្តសម្រេច។

លោក ស្រេង សុខា សង្ឃឹមថា ក្រោយរៀបចំរួចរាល់ រមណីយដ្ឋានទេសចរណ៍អាងកំពីងពួយ នឹងមានកំណើនភ្ញៀវទេសចរមកលេងកម្សាន្តច្រើនជាងគ្រាកន្លងទៅ៕

អត្ថបទ៖ សៅ សារិទ្ធ

The post រមណីយដ្ឋានទេសចរណ៍ ២ ក្នុងស្រុកបាណន់ នឹងបង្កើតឱ្យមានផ្សារសហគមន៍ appeared first on Kampuchea Thmey Daily.

លោក សុខ រើន ជាអ្នកទេសចរមកពីខេត្តបន្ទាយមានជ័យ បានឲ្យដឹងថា អាងកំពីងពួយពេលនេះមានទិដ្ឋភាពស្អាតគួរឲ្យគយគន់ និង បរិយាកាសដ៏ស្រស់ស្រាយត្រជាក់កាយ និងមានទូកជិះលេងកម្សាន្តទៀតផង ម្យ៉ាងទៀត ខ្នងទំនប់ក៏សាងសង់ស្អាតដោយចាក់បេតុងផង ពេលលោកមកដល់ឃើញចំនួនរថយន្តលើខ្នងទំនប់ត្រៀបត្រា ស្ទើរតែលោកបើករថយន្តមិនកើត។

បើតាមលោក សុខ រើន ក្រោយពីលោកឃើញអាងកំពីងពួយបានកែប្រែមុខមាត់ថ្មីបែបនេះ លោកគិតថា រាល់ថ្ងៃចុងសប្តាហ៍លោកនឹងនាំក្រុមគ្រួសារមកលេងកម្សាន្ត ព្រោះបរិយាកាសល្អ ហើយមានសំឡេងមនុស្សអ៊ូអរ ខ្លះជិះទូកលេង ខ្លះលេងទឹក ស្រែកលេងយ៉ាងសប្បាយរីករាយ។

លោក ស្រេង សុខា អភិបាលស្រុកបាណន់ គិតត្រឹមពេលនេះ នៅមិនទាន់មានការឆ្លើយតបជាមួយកម្ពុជាថ្មីនៅឡើយ នោះទេ ពាក់ព័ន្ធការរៀបចំតំបន់រមណីយដ្ឋានអាងកំពីងពួយ ថាតើសម្រាប់គោលការណ៍របស់រដ្ឋបាលស្រុក បានគ្រោង នឹងរៀបចំអ្វីខ្លះ ដើម្បីជាការទាក់ទាញភ្ញៀវទេសចរ ឲ្យមានកំណើនច្រើនជាងគ្រាមុន?។

ចំណែកលោក ហម អរុណ អនុប្រធានមន្ទីរទេសចរណ៍ខេត្តបាត់ដំបង បានឲ្យដឹងថា ក្រោយរដ្ឋបាលស្រុក បានរៀបចំសណ្តាប់ធ្នាប់តាមខ្នងទំនប់ដើម្បីកែលម្អខ្នងទំនប់រួចរាល់ អាងកំពីងពួយបានក្លាយជាមេដែកដ៏ធំមួយសម្រាប់ស្រុកបាណន់ ខណៈបច្ចុប្បន្នមានភ្ញៀវមកលេងកម្សាន្តយ៉ាងច្រើនស្ទើររាល់ថ្ងៃ។ លោកបន្តថា ក្រោយពីមានចំនួនភ្ញៀវមកលេងកាន់តែច្រើន លោកបានចុះទៅរៀបចំសណ្តាប់ធ្នាប់មួយចំនួន ពិសេសការរៀបចំឲ្យមានអនាម័យល្អ ទៅលើអ្នកលក់ដូរនៅតាមខ្នងទំនប់ ក្រោយគោលការណ៍របស់រដ្ឋបាលខេត្តនៅមិនទាន់អនុវត្ត។

លោក ហម អរុណ បន្តថា រមណីយដ្ឋានអាងកំពីងពួយ នឹងមានការរៀបចំបន្ថែមមួយចំនួនទៀត ដើម្បីឲ្យមានសណ្តាប់ធ្នាប់ល្អជាងនេះ បើតាមគម្រោងរបស់រដ្ឋបាលខេត្ត រៀបចំឲ្យមានដូចជា ចំណតរថយន្ត និងម៉ូតូ ធ្វើរោងអង្គុយលេងកម្សាន្ត ក្នុងការគយគន់ថ្ងៃរាបលិច និងផ្សារសហគមន៍ជាដើម។ លោកបន្តថា តាមគោលការរដ្ឋបាលខេត្ត ផ្តោតទៅលើការរៀបចំសណ្តាប់ធ្នាប់ និងអនាម័យល្អ មុននឹងឈានដល់ការបង្កើតឲ្យមានចំណតរថយន្ត និងរោងអង្គុយកម្សាន្ត និងបង្កើតជាផ្សារសហគមន៍ នៅទីនោះផង។

លោកបន្តថា ការបង្កើតចំណតរថយន្ត និងផ្សារសហគមន៍ ខាងរដ្ឋបាលខេត្តកំពុងសិក្សាលើទីតាំងណាមួយឲ្យបានសមរម្យជាមុន ដើម្បីកុំឲ្យមានការប៉ះពាល់ទីតាំងកម្សាន្តរបស់ភ្ញៀវ តែទីតាំងទាំងនេះលោកថា មិនទាន់កំណត់ថានៅចំណុចណាមួយនៅឡើយ។ លោក ហម អរុណ បានបញ្ជាក់ថា ការបង្កើតផ្សារសហគមន៍ នៅតំបន់អាងកំពីងពួយនេះ ជាការលើកកម្ពស់សេដ្ឋកិច្ចគ្រួសាររបស់ប្រជាសហគមន៍នៅតំបន់នោះឲ្យកាន់តែប្រសើឡើង ខណៈការដាក់តាំងលក់ គឺជាផលិតផលរបស់ប្រជាសហគមន៍នៅតំបន់នោះផ្ទាល់តែម្តង ដើម្បីលើកកម្ពស់កម្រិតជីវភាពប្រចាំថ្ងៃរបស់ពួកគាត់ ឲ្យកាន់តែប្រសើជាងគ្រាកន្លងទៅ៕

អត្ថបទ៖ សៅ សារិទ្ធ

The post រមណីយដ្ឋានអាងកំពីងពួយ គ្រោងបង្កើតផ្សារ សហគមន៍ ដើម្បីលើកកម្ពស់ជីវភាពប្រជាសហគមន៍ក្នុងតំបន់ appeared first on Kampuchea Thmey Daily.

លោក ស្រេង សុខា អភិបាលស្រុកបាណន់ខេត្ត​បាត់ដំបង​បានឲ្យដឹងថា ក្រោយចាក់បេតុងខ្នងទំនប់រួចរាល់ អាជ្ញាធរ​នឹងបន្ត​​ធ្វើ​ខឿនផ្លូវបន្ថែមទៀត។

លោក ស្រេង សុខា បាន​ដាក់ក្តីរំពឹង ក្រោយពេល​​ហេដ្ឋារចនាសម្ព័ន្ធ​ត្រូវ​បាន​កែ​លម្អ​កាន់តែល្អ​ប្រសើរ​ រមណីយដ្ឋានអាង​កំពីងពួយនឹងអាចស្រូប​ទាញកំណើនភ្ញៀវទេសចរ​បន្ថែម​ទៀត ខណៈ​តំបន់ទេសចរណ៍​ប្រវត្តិសាស្រ្ត​នេះ​ត្រូវ​បាន​ចាត់ទុក​ជាគោលដៅ​ទេសចរណ៍​ដ៏​មានសក្តានុពលមួយក្នុងចំណោមតំបន់ទេសចរណ៍ដ៏ពេញនិយមទាំង ​៤ ក្នុង​ខេត្តបាត់ដំបង។

អាងកំពីងពួយ គឺជារមណីយដ្ឋានទេសចរណ៍បរិស្ថានធម្មជាតិនៅប៉ែកខាងលិចនៃទីរួមខេត្ដបាត់ដំបង ស្ថិតនៅក្នុងភូមិ​តាង៉ែន ភូមិអន្លង់ស្វាយ ឃុំតាគ្រាម ស្រុកបាណន់។ អ្នកទេសចរអាចទៅលេងរមណីយដ្ឋាននេះដោយធ្វើដំណើរចេញ​ពីទីរួមខេត្ដបាត់ដំបងតាមផ្លូវជាតិលេខ ៥៧ មាន​ចម្ងាយប្រហែល ៣៥ គីឡូម៉ែត្រដោយប្រើរយៈពេលប្រហែល ៤៥ នាទី ទៅ ១ ម៉េាង។

រមណីយដ្ឋាននេះជាសោកនាដកម្មដ៏ធំមួយនៅក្នុងរបបប្រល័យពូជសាសន៍ប៉ុលពត ដែលត្រូវបានសាងសង់ឡើងដោយ​ប្រជាជនខ្មែររាប់ម៉ឺននាក់។ ទំនប់ដ៏ធំស្កឹមស្កៃនេះប្រើកម្លាំង​មនុស្សសុទ្ធសាធ ប្រើចបកាប់ដី និងរែកដោយបង្គីរ ហើយស្ថាបនិកទាំងនោះភាគច្រើនបានបាត់បង់ជីវិតអស់ទៅហើយ។

អាងកំពីងពួយមាន​បណ្ដោយ ៦០០០ ម៉ែត្រ និងទទឹង ១៩០០ ម៉ែត្រ អាចផ្ទុកទឹកបាន ១១០,០០០,០០០ ម៣ (មួយរយ​ដប់​លាន​ម៉ែត្រគូប) នៅរដូវវស្សា ដែលជាប្រភពទឹកសម្រាប់​វិស័យកសិកម្ម។ ទិដ្ឋភាពគួរ​ឲ្យ​គយគន់នៃអាងកំពីង​ពួយ គឺផ្ទៃបឹងមានសភាពធំល្វឹងល្វើយជុំវិញពទ័្ឋទៅដោយភ្នំ ដែលអំណោយផលយ៉ាងប្រសើរដល់អ្នកទេសចរជិះទូក ស្ទូចត្រី និង​មុជទឹកកំសាន្ដ។ លើសពីនេះអ្នកទេសចរអាចសំរាក ពិសារអាហារ និងស្រូបយកខ្យល់អាកាសបរិសុទ្ធ។ ទ្វារ​ទឹកដ៏ធំពីរកន្លែងក្នុងរមណីយដ្ឋាននេះមានទឹកហូរគ្រប់រដូវ៕

បន្ត​ចុចអាន៖ អាងស្តុកទឹកដ៏ធំ ២ ជាប់ទាក់ទិននឹងអតីតកាលដ៏ឈឺចាប់របស់កម្ពុជា

អត្ថបទ÷សៅ សារិទ្ធ

The post ​ផ្លូវ​បេតុង​ខ្នងទំនប់​អាង​កំពីងកំពួយ​ប្រវែង ​៨​គីឡូម៉ែត្រ​សាងសង់បញ្ចប់​រួចរាល់ appeared first on Kampuchea Thmey Daily.

ក្រោយពីមានការចង្អុលបង្ហាញពីក្រសួងធនធានទឹក អាជ្ញាធរស្រុកបានចុះរៀបចំសណ្តាប់ធ្នាប់របស់ប្រជាពលរដ្ឋដែលបានលក់ដូរ និងរស់នៅក្នុងបរិវេណអាងឲ្យរុះរើតូបលក់ដូរ និងផ្ទះចេញពីតំបន់អាងដែលជាការរាំងស្ទះក្នុងការអភិវឌ្ឍន៍ឲ្យក្លាយជាតំបន់ទេសចរណ៍ដ៏មានសក្តានុពល សម្រាប់ទាក់ទាញភ្ញៀវទេសចរជាតិ និងអន្តរជាតិ។

«ពលរដ្ឋដែលបានសាងសង់លំនៅដ្ឋាននៅជើងទំនប់ផ្នែកខាងក្នុងអាង តម្រូវឲ្យរុះរើទាំងអស់ ហើយរដ្ឋបាលស្រុកក៏មានដីបំរុងទុកចែកជួនដល់​ពលរដ្ឋ​ ដែលគ្មានដីរស់នៅពិតប្រាកដ។ ការដោះដូរទីតាំងរស់នៅរបស់ពលរដ្ឋដែលរង​ផលប៉ះពាល់នេះ គឺស្ថិតក្នុងភូមិតាង៉ែន និងភូមិថ្មី ក្នុងឃុំតាគ្រាម ហើយក៏នៅមិនឆ្ងាយ​ពី​អាង​ប៉ុន្មាន​នោះដែរ»។ នេះបើតាមលោក ស្រេង សុខា មុន​លោក​បាន​បញ្ជាក់បន្ថែម​ថា សម្រាប់ដីដែលបានបែងចែកជាដីឡូរ៍ជូនពលរដ្ឋ ដែលរងផលប៉ះពាល់នៅតំបន់អាងនេះ គឺជាដីបំរុងរបស់រដ្ឋបាលស្រុកមិនមែនជាដីសប្បទាននោះទេ ក្នុងនោះបានបែងចែកជាឡូរ៍ដែលមានទទឹង ១០ម៉×៣០ម៉ ក្នុងមួយគ្រួសារ។ ការដោះស្រាយនេះធ្វើឡើង ២ ដំណាក់កាល ដោយដំណាក់កាលទីមួយបានរៀបចំ ២៥ ឡូរ៍ ក្នុងនោះតម្រូវឲ្យ​ពលរដ្ឋ​ចាប់ឆ្នោតយកលេខរៀងឡូរ៍និមួយៗ ចៀសវាងកុំឲ្យច្រណែនគ្នា ឬប្រកាន់បក្សពួក។ លោក ស្រេង សុខា បាន​បញ្ជាក់បន្ថែម។

បើតាមលោក លោក ស្រេង សុខា នៅសប្តាហ៍ក្រោយនេះលោកបានរៀបចំជាង ៤០ ឡូរ៍បន្ថែមទៀត ដែលជាដំណាក់កាលទីពីរ ខណះក្រោយមានការខិតខំពីរដ្ឋបាលស្រុក ក្រុមការងារក្រសួងបានដាក់គ្រឿងចក្រដើម្បីអនុវត្តន៍ជាបណ្តើរៗហើយដែរ។

ពលរដ្ឋដែលរងផលប៉ះពាល់ជាច្រើនគ្រួសារ សុំមិនបញ្ចេញឈ្មោះបានប្រាប់កម្ពុជាថ្មីថា ភាគច្រើន​ពលរដ្ឋ​អាចទទួលយកនូវដំណោះស្រាយរបស់រដ្ឋបាលស្រុក ដើម្បីជាផលប្រយោជន៍រួមហើយ​ក៏ជា​ប្រភពរកចំណូល​របស់ប្រជាពលរដ្ឋនៅតំបន់នោះមួយផ្នែកដែរ​ពីការលក់ដូរនំចំណីអាហារ ឬលក់វត្ថុអនុស្សាវរីយ៍ផ្សេងៗជូនដល់ភ្ញៀវទាំងក្នុងនិងក្រៅស្រុក ដើម្បីទ្រទ្រង់ជីវិភាពប្រចាំថ្ងៃ។

បើតាមមន្ត្រីមន្ទីរ​ទេសចរណ៍ខេត្តបាត់ដំបង អាងកំពីពួយក្រោយប្រែមុខមាត់ថ្មីលើវិស័យទេសចរណ៍ នឹង​ផ្តល់ផលប្រយោជន៍ដ៏ធំធេងដល់ពលរដ្ឋក្នុងការលើកកម្ពស់កម្រិតសេដ្ឋកិច្ចគ្រួសារបានយ៉ាងប្រសើរនៅអនាគតខាងមុខ។

ជុំវិញការអភិវឌ្ឍន៍នៅតំបន់អាងកំពីងពួយឲ្យក្លាយជារមនីយដ្ឋានទេសចរណ៍ថ្មីនេះ លោក ខៃ សុដា ប្រធានមន្ទីរធនធានទឹក និងឧតុនិយមខេត្តបាត់ដំបង​បានប្រាប់កម្ពុជាថ្មីឲ្យដឹងយ៉ាងខ្លីថា ចំពោះការងារធ្វើផ្លូវលើទំនប់អាងកំពីងពួយនេះ ជាគម្រោងរបស់ក្រសួងធនធានទឹកនិងឧតុនិយម ហើយទើបតែចាប់ផ្តើមបានបន្តិចប៉ុណ្ណោះ គិតជាភាគរយបាន​ប្រហែលជា ១០%។

យ៉ាងណាម​ប្រភពដដែលបាន​បញ្ជាក់​ថា រយះពេល​ដំណើរការ​ការស្ថាបនា នៅមិនទាន់កំណត់ការបញ្ចប់ការសាងសង់នៅ​​ឡើយ​​។

ភ្ញៀវទេសចរអាច​ធ្វើដំណើរទៅ​កម្សាន្ត​នៅ​អាងកំពីងពួយតាមផ្លូវលេខ៥៧ កាត់តាមភ្នំសំពៅ ពីទីរួមខេត្តបាត់ដំបងឆ្ពោះទៅទិសនិរតី នឹងទៅដល់ខ្នងទំនប់អាង ដែលនឹង​ឃើញផ្ទៃទឹកជាប់ជើងភ្នំដ៏ធំល្វឹងល្វើយ ​ផ្តល់​អារម្មណ៍ស្រស់ស្រាយមិនខាន។ បឹងនេះមានទីតាំងស្ថិតនៅក្នុងឃុំពីរ គឺឃុំតាគ្រាម និងឃុំស្នឹង ស្រុកបាណន់ ខេត្តបាត់ដំបង។

អាងឬបឹងនេះ ស្ថិតនៅចន្លោះរវាងភ្នំខ្ពស់ ឫភ្នំតាង៉ែន និងភ្នំព្រះឫភ្នំកំពីងពួយ ដោយលាតសន្ធឹងជារាងទ្រវែងពីជើងទៅត្បូង ដែលមានខ្នងទំនប់យ៉ាងក្រាស់ប្រវែងរហូតដល់ទៅ ៦ ០០០ ម៉ែត្រ។ ទទឹងនៃទំនប់ផ្នែកបាតខាងក្រោមមានប្រវែង ៧០ ម៉ែត្រ និង ខ្នងទំនប់ប្រវែងប្រហែល ៣០ ម៉ែត្រ មានកំពស់ចាប់ពី ១០ ម៉ែត្រ ទៅ១៥ម៉ែត្រ៕

អត្ថបទ÷សៅ សារិទ្ធ

The post ខ្នង​អាង​កំពីងពួយ ចាប់ផ្តើម​ស្ថាបនា​ចាក់បេតុង​ ក្រោយ​ដោះស្រាយផលប៉ះពាល់ជាមួយ​ពលរដ្ឋ appeared first on Kampuchea Thmey Daily.

ប្រជាកសិករបាននិយាយថា បច្ចុប្បន្នទឹកនៅក្នុងអាងកំពីងពួយកាន់តែមានសភាពរាក់ ដូច្នេះពួកគាត់ចាំបាច់ត្រូវសហការគ្នាដាក់ម៉ាស៊ីនចុះទៅបាតអាងទឹកកំពីងពួយដោយបូមបណ្ដាក់គ្នាចូលក្នុងប្រឡាយចំនួន ៣ ដំណាក់កាលទើបទៅដល់ស្រែប្រាំងរបស់ពួកគាត់ដោយសារតែបច្ចុប្បន្នស្រូវរបស់ពួកគាត់ខ្លះកំពុងផើមទៅហើយដែលកន្លងមកទាំងមន្ទីរជំនាញ និងអាជ្ញាធរបានហាមឃាត់ពួកគាត់មិនឲ្យបន្តធ្វើស្រែប្រាំងហួសកំណត់ដែលមន្ទីរអនុញ្ញាត។ ប៉ុន្តែដោយសារពួកគាត់សង្កេតឃើញថា ទឹកនៅក្នុងអាងក៏មានហើយគេក៏ធ្វើបាន ដូច្នេះខ្លួនក៏ចាប់ផ្ដើមធ្វើតាមគ្នាផ្សងសំណាងក្រែងមានភ្លៀងធ្លាក់ ឯការធ្វើស្រែប្រាំងលើកនេះគាត់មិនរំពឹងទៅលើការចំណេញនោះទេដោយសារតែចាំបាច់ត្រូវចំណាយច្រើនទៅលើប្រេងដែលបូម៣តង់ទើបដល់ស្រែរបស់ពួកគាត់។

លោក នៃ ពៅ មេឃុំតាគ្រាមបានឲ្យដឹងថា កន្លងមកមន្ទីរជំនាញបានបើកទឹកបង្ហូរដើម្បីស្រោចស្រពស្រូវប្រាំងចំនួន ៣ លើករួចមកហើយ ដោយឡែកនេះជាលើកទី ៤ គឺមន្ទីរជំនាញមិនអាចបើកទឹកបន្តទៀតបានទេដោយសារតែទឹកក្នុងអាងមានសភាពស្ថិតនៅក្រោមទ្វារទឹកទៅហើយ។ លោកបានបន្តថា ស្រូវប្រាំងរបស់ប្រជាពលរដ្ឋអាចនឹងប្រឈមបញ្ហានៅពេលខាងមុខដោយសារតែការធ្វើស្រូវប្រាំងរបស់ពួកគាត់លើសផែនការកំណត់ដែលមន្ទីរជំនាញអនុញ្ញាតឲ្យធ្វើតែជាង ១៦០០ហិកតា តែប៉ុណ្ណោះនៅឃុំតាគ្រាមស្រុកបាណន់ និងឃុំអន្លង់រុនស្រុកថ្មគោលតែប្រជាពលរដ្ឋបានធ្វើលើសផែនការជាង១០០០ ហិកតាបន្ថែមទៀត។

ទោះបីជាយ៉ាងណាក៏ដោយមន្ទីរធនធានទឹកនិងឧត្តុនិយមបានបង្ហោះសារនៅលើផេករបស់ខ្លួនកាលពីចុងសប្តាហ៍កន្លងទៅនេះថា ទឹកដែលស្តុកនៅក្នុងអាងទឹកកំពីងពួយមានចំនួន ២០០ លានម៉ែត្រគូប ដែលបច្ចុប្បន្នទឹកនៅក្នុងអាងប្រមាណ ១០០ លានម៉ែត្រគូបតែប៉ុណ្ណោះសម្រាប់ឱ្យប្រជាពលរដ្ឋប្រើប្រាស់ប្រចាំថ្ងៃ។

មន្ទីរបានបន្ថែមថា​ បច្ចុប្បន្នប្រជាពលរដ្ឋដែលកំពុងធ្វើស្រូវប្រាំងនៅក្នុងអាងទឹកកំពីងពួយចំនួន ២៥៥០ ហិកតាក្រៅផែនការ និង ១៧០០ ហិចតាក្នុងផែនការដែលកំពុងប្រើប្រាស់ទឹកក្នុងអាងកំពីងពួយសម្រាប់ស្រោចស្រព។ មន្ទីរបានបញ្ជាក់ថា ការធ្វើស្រែប្រាំងនៅក្នុងអាងកំពីងពួយចំនួន ២៥៥០ ហិកតានោះគឺពុំមានច្បាប់អនុញ្ញាតពីមន្ទីរឡើយដែលប្រជាពលរដ្ឋបានជីកប្រឡាយលើកទំនប់ក្នុងអាងទៅតាមទំនើងចិត្តដើម្បីទាញយកទឹកទៅស្រោចស្រពស្រែប្រាំងខុសច្បាប់របស់ពួកគាត់៕

អត្ថបទ៖ សោ និយមរ័ត្ន

The post ពលរដ្ឋជុំវិញអាងកំពីងពួយនៅតែបន្តបូមទឹកចេញពីអាងដើម្បីស្រោចស្រពស្រូវប្រាំង ទោះបីមានការហាមឃាត់ពីមន្ត្រីជំនាញ appeared first on Kampuchea Thmey Daily.