លោក​ វ៉ា​ សាវឿន​ ចៅសង្កាត់ចោមចៅទី៣​ បានឱ្យដឹងថា​ ដោយឃើញមានអាជីវករមួយចំនួនបានសាងសង់តូបតូចៗ​ ប្រភេទដែក​ នៅជាប់របងរោងចក្រ​ ហ្វអេវើ​ ខល័រ​ ហ្គាម៉ិន​ ឯ.ក​ នៅលើផ្លូវ១២៣ka ស្ថិតនៅភូមិត្រពាំងពោធិ៍​ សង្កាត់ចោមចៅទី៣​ ខណ្ឌពោធិ៍សែនជ័យ​  បានសាងសង់រំលោភមកលើចិញ្ចើមផ្លូវសាធារណៈ​ ប៉ះពាល់ដល់សណ្តាប់ធ្នាប់​សាធារណៈ​ បរិស្ថាន​ ជាពិសេសបង្ករឱ្យស្ទះចរាចរណ៍ ពេលកម្មករចេញពីធ្វើការរោងចក្រ​ ទើបលោក​ បានដឹកនាំក្រុមការងារ​ ប្រជាការពារសង្កាត់​ មេភូមិ​ ចុះរុះរើចេញនិងណែនាំមិនអនុញាតិឱ្យពួកគាត់ដាក់តាំងលក់ដូរទៀតទេ។

លោកចៅសង្កាត់បន្ថែមថា​ ក្នុងករណីអាជីវករលក់ដូរទាំងអស់មិនអនុវត្តន៍តាមសេចក្តីណែនាំ​ ក្រុមការងារនឹងចាប់ដកហូតយកមករក្សាទុកនៅសង្កាត់៕ដោយ៖សុខា

The post អាជ្ញាធរសង្កាត់ចោមចៅទី៣ បន្តចុះរុះរើតូបសាងសង់រំលោភមកលើចិញ្ចើមផ្លូវសាធារណ: appeared first on Kampuchea Thmey Daily.

លោក ង៉ែត ពិទូ ប្រធានមន្ទីរទេសចរណ៍ខេត្ត បានប្រាប់កម្ពុជាថ្មីថា វគ្គបណ្តុះបណ្តាលនេះគឺផ្តោតទៅលើប្រតិបត្តិករទេសចរណ៍ ហើយក៏ជាការបណ្តុះបណ្តាលផ្នែកចំណេះដឹង និងបំនិនជីវិតដែលពាក់ព័ន្ធទៅនិង ការប្រកបអាជីវកម្មដើម្បីឱ្យគាត់ផ្តល់សេវាកម្ម និងអនាម័យកាន់តែល្អប្រសើរ។ លោកបន្តថា៖«ព្រោះ ម្ចាស់អាជីវកម្មលក់ដូររាល់ថ្ងៃ ដូច្នេះសារៈសំខាន់វគ្គបណ្តុះបណ្តាលនេះ នឹងជួយឲ្យគាត់ដឹងពីចំណុចមួយចំនួនដែលគាត់មិនបានដឹងទាំងផ្នែកទ្រឹស្តីនិងផ្នែកអនុវត្តផ្ទាល់តែម្តង រួមបញ្ចូលទាំងផ្នែកបដិសណ្ឋារកិច្ចផងដែរ»។

លោកបញ្ជាក់ថា គោលបំណងរបស់មន្ទីរទេសចរណ៍ គឺពង្រឹងសមត្ថភាព ផ្នែកម្ហូបអាហារនិងភេសជ្ជៈជូនដល់ប្រតិបត្តិករ ដែលបានកំពុងអនុវត្តជារៀងរាល់ថ្ងៃជាមួយអាជីវកម្មរបស់គាត់ ហើយលោកសង្ឃឹមដែរថា សិក្ខាកាមទាំងអស់នឹងទទួលបានចំណេះដឹង និងជំនាញបន្ថែមយកទៅពង្រឹងអាជីវកម្មរបស់ខ្លួន។

អ្នកស្រី គង់ នីវ៉ា អ្នកសម្របសម្រួលអង្គការស្វីសខន់ថាក់ មានប្រសាសន៍ថា សម្រាប់វគ្គបណ្តុះបណ្តាលលើកនេះប្លែកជាងមុនៗ ពីព្រោះមានគ្រូបង្គោលក្នុងខេត្ត និងក្រៅខេត្ត មកចែករំលែក បង្ហាត់បង្រៀន ចំណេះដឹងទៅដល់សិក្ខាកាម ។ អ្នកស្រី ក៏រំពឹងថា សិក្ខាកាមទាំងអស់នឹងទទួលបាននូវជំនាញ ចំណេះដឹង អាកប្បកិរយាឥរិយាបថល្អ ប្រកបដោយវិជ្ជាជីវៈ ក្នុងផ្នែកបម្រើសេវាកម្មម្ហូបអាហារនិងភេសជ្ជៈ។

បើតាមអ្នកស្រី គង់ នីវ៉ា ក្រោយពេលបញ្ចប់វគ្គសិក្សាពួកគាត់នឹងទទួលបានការវាយតម្លៃបញ្ជាក់ពីសមត្ថភាព ចំណេះដឹង និងជំនាញ ពីគ្រូបង្គោលដែលអញ្ជើញមកពីខេត្តព្រះវិហារ និងខេត្តក្រចេះ ព្រមទាំងផ្តល់វិញ្ញាបនបត្របញ្ជាក់សមត្ថភាពផងដែរ៕

ដោយ៖ ខៀវ ចាប

The post អ្នកលក់ដូរភេសជ្ជៈ ម្ហូបអាហារតាមដងផ្លូវ ទទួលបានឱកាសបណ្តុះបណ្តាលពង្រឹងសេវាកម្មនិងអនាម័យ appeared first on Kampuchea Thmey Daily.

ជាក់ស្ដែងកាលពីល្ងាចថ្ងៃទី៣ ខែធ្នូ ឆ្នាំ២០២៥ លោក សេង គន្ធ អភិបាលនៃគណៈអភិបាលខណ្ឌមានជ័យ បានដឹកនាំកម្លាំងចម្រុះ ដោយមានការចូលរួម លោក សាំង ស៊ីណា ចៅសង្កាត់ស្ទឹងមានជ័យទី៣ បានបន្តចុះរៀបចំសណ្តាប់ធ្នាប់ និងកាត់សំយាប ណែនាំចំពោះក្រុមអាជីវករលក់ដូរទំនិញ បន្លែ ត្រី-សាច់ ផ្សេងៗ នៅលើចិញ្ចើមផ្លូវ នៅតាមបណ្ដោយផ្លូវលូប្រាំ ក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

ចំពោះបញ្ហាប្រឈមដែរធើ្វអោយមានការកកស្ទះ នឹងបាត់បង់នូវសោភ័ណភាពក្នុងមូលដ្ឋានដោយសារតែ នៅពេលម៉ោងកម្មករ កម្មការនី ចេញពីរោងចក្រច្រើន អ្នកលក់ដូរតាមរទេះរ៉ឺម៉ក បន្លែ ផ្លែឈើ បាយ សាច់សម្រាប់កម្មករ កម្មការនី តែងតែដាក់តាំងលក់ម្ហូបអាហារ របស់របរផ្សេងៗ នៅលើចញ្ចើមផ្លូវ ធើ្វអោយផ្លូវរួមតូចពិបាកក្នុងការធើ្វដំណើរ។ ក្នុងការចុះអនុវត្តវិធានការរដ្ឋបាល អាជ្ញាធរសង្កាត់ ខណ្ឌ បានចេញសេក្ដីជូនដំណឹងជាមុនរួចនិងទុកពេលរុះរើចេញដោយខ្លួន និងកាត់សំយាបដែលបានសាងសង់រំលោភលើចញ្ចើមផ្លូវផងដែរ ក្នុងការចុះរៀបចំសណ្ដាប់អោយមានរបៀបរៀបរយក្នុងមូលដ្ឋានអោយបានប្រសើរឡើង។

ជាមួយគ្នាផងដែរអាជ្ញាធរបានសំណូមពរអោយអាជីវករទាំងអស់ចូលរួមជាមួយនឹងអាជ្ញាធរ ក្នុងការចុះរៀបចំសណ្ដាប់ធ្នាប់និងលក់ដូរតាមអ្វីដែលអាជ្ញាធរបានរៀបចំជូនដោយកំណត់ព្រំអោយលក់បានត្រឹមត្រូវ ជៀសវាងការលក់ដូរធ្វើឲ្យប៉ះពាល់សណ្ដាប់ធ្នាប់សាធារណៈ៕អត្ថបទ៖ ម៉េង

The post អាជ្ញាធរខណ្ឌមានជ័យ បន្តចុះរៀបចំសណ្ដាប់ធ្នាប់ក្នុងមូលដ្ឋាន ដើម្បីកាត់បន្ថយការកក់ស្ទះ appeared first on Kampuchea Thmey Daily.

ជាក់ស្ដែងលោក ទិត្យ វិទ្ធី ប្រធានគណៈកម្មការផ្សារ បានដឹកនាំកម្លាំងចុះរៀបចំសណ្តាប់ធ្នាប់តាមបណ្តោយផ្លូវមុន្នីរ៉េត ចាប់ពីស្តុបចេនឡា រហូតដល់ស្តុបពេទ្យវិសាលសុខ និងបានណែនាំឱ្យអាជីវករបញ្ឈប់ការលក់ដូរលើផ្លូវសាធារណៈ បង្កការកកស្ទះចរាចរណ៍។ លោកបានបន្ថែមទៀតថា អាជីករទាំងអស់តម្រូវឱ្យមានការលក់ដូរទំនិញមានរបៀបរៀបរយល្អ ជៀសវាងឱ្យបាននូវការដាក់តាំងទំនិញគ្រប់ប្រភេទលក់គ្មានសណ្តាប់ធ្នាប់។ ពិសេសការចតយានយន្តគ្មានសណ្តាប់ធ្នាប់ និង ការរំលោភទ្រូងផ្លូវ និង ចិញ្ចើមផ្លូវពីសំណាក់អាជីវករមួយចំនួន ធើ្វឱ្យផ្លូវរួមតូច មធ្យោបាយធើ្វដំណើរច្រើន បង្កជាការកកស្ទះចរាចរណ៍។

គួររំលឹកផងដែរថា កាលពីថ្ងៃទី២០ ខែវិឆ្ឆិកា ឆ្នាំ២០២៥ លោក ឃួង ស្រេង អភិបាលនៃគណៈអភិបាលរាជធានីភ្នំពេញ បានណែនាំឱ្យ អភិបាលខណ្ឌទាំង១៤ បន្តយកចិត្តទុកដាក់ពីបញ្ហាសណ្ដាប់ធ្នាប់ ការកកស្ទះចរាចរណ៍ ការដាក់តាំងទំនិញគ្រប់ប្រភេទលក់គ្មានសណ្តាប់ធ្នាប់ និងជៀសវាងឱ្យបាននូវការថ្នាំងថ្នាក់ពីសំណាក់ពលរដ្ឋ ពិសេសមើលនៅតាមសាលារៀនឯកជនមួយចំនួន ដោយសាលាទាំងនេះ ក្នុង១ថ្ងៃ ស្ទះចរាចរណ៍រហូត៤ដង។

ជាមួយគ្នាផងដែរ គណៈកម្មការផ្សារ ក៏បានអំពាវនាវឱ្យអាជីវករ អ្នកប្រកបសេវាដឹកជញ្ជូន និងអ្នកប្រកបរបរសេដ្ឋកិច្ចក្រៅប្រព័ន្ធ សូមមេត្តាចូលរួមសហការជាមួយអាជ្ញាធរចុះណែនាំជាប្រចាំ៕

ដោយ ៖ ម៉េង

The post គណៈកម្មការផ្សារដើមគ បន្តចុះរៀបចំសណ្ដាប់ធ្នាប់តាមដងផ្លូវមុន្នីរ៉េត កាត់បន្ថយការកកស្ទះចរាចរណ៍ appeared first on Kampuchea Thmey Daily.

ជាក់ស្ដែង​ចំណុច​ដែល​តែងតែ​មាន​ការ​ដាក់​តាំង​លក់​ម្ហូបអាហារ ស្ថិត​នៅ​តាម​បណ្ដោយ​ផ្លូវ​វេង​ស្រេង ត្រង់​ចំណុច​ស្តុប​លូ ៥ រហូត​ដល់​ផ្លូវ​ទ្រុង​មាន់ សង្កាត់​ស្ទឹងមានជ័យ ៣ ខណ្ឌ​មានជ័យ រាជធានី​ភ្នំពេញ។

បើ​តាម លោក ចន្ទ័ រស្មី ជា​ប្រជាពលរដ្ឋ បាន​ឲ្យ​ដឹង​ថា លោក​តែងតែ​ធ្វើ​ដំណើរ​ឆ្លង​កាត់​ផ្លូវ​នេះ​រៀងរាល់​ថ្ងៃ ​ហើយ​ក៏​ឃើញ​មាន​អាជីវករ​មួយ​ចំនួន​យក​រទេះ​ដែល​មាន​ដាក់​តាំង​ម្ហូបអាហារ បន្លែ​ត្រី​សាច់ មក​ដាក់​លក់​ឡើង​ផ្លូវ​សាធារណៈ​ដែរ។ បើសិនជា​ឆ្លង​កាត់​ចំ​ពេល​ខាង​រោងចក្រ​ចេញពី​ធ្វើការ​ទៀត គឺ​កាន់តែ​ពិបាក​ធ្វើ​ដំណើរ ដោយសារ​ការ​ដាក់​តាំង​លក់​លើ​ផ្លូវ ធ្វើឲ្យ​ផ្លូវ​មាន​សភាព​រួម​តូច​ជាង​មុន ហើយ​នៅ​ពេល​ខាង​កម្មករ​រោងចក្រ​ចេញ​ត្រូវ​ឈរ​ទិញ​ពេញ​ផ្លូវ​តែម្ដង។

ដោយឡែក អ្នកស្រី ផាន់ នី ជា​ប្រជាពលរដ្ឋ ក៏បាន​លើក​ឡើង​ដែរ​ថា ការ​ដែល​ក្រុម​អាជីវករ​ដាក់​តាំង​លក់​នៅ​លើ​ផ្លូវ​សាធារណៈ​ដូច្នេះ វា​ធ្វើ​ឲ្យ​មាន​ការ​កកស្ទះ​យ៉ាង​ខ្លាំង។ ម្យ៉ាងវិញទៀត បើ​សិន​ជា​មាន​រថយន្ត​ណាមួយ​មាន​បញ្ហា​ដាច់​ហ្វ្រាំង​នោះ​ វា​នឹង​បង្ក​គ្រោះថ្នាក់​ជាមិនខាន។

អ្នកស្រី ផាន់ នី បាន​សំណូមពរ​ដល់​អាជ្ញាធរ​មូលដ្ឋាន សូម​មេត្តា​ជួយ​ពិនិត្យ​មើល និង​រក​ទីតាំង​សម្រាប់​អាជីវករ​លក់ដូរ​ឲ្យ​សមរម្យ​ផង ជៀសវាង​មាន​ការ​កកស្ទះ ឬ គ្រោះថ្នាក់​ជាយថាហេតុ។

ជាមួយ​នេះ អ្នកស្រី ផាន់ នី ក៏បាន​បន្ត​ថា កន្លងមក អ្នកស្រី បាន​ឃើញ​ខាង​សណ្ដាប់ធ្នាប់​ចុះ​មក​រៀបចំ​ដែរ ប៉ុន្តែ​មិន​បាន​ប៉ុន្មាន​ថ្ងៃ​ផង ក៏​ក្រុម​អាជីវករ​ទាំង​នោះ​មក​លក់​ពេញ​ផ្លូវ​វិញ​ដូច​ធម្មតា​ដដែល។

ពាក់ព័ន្ធ​បញ្ហា​នេះ លោក សាំង ស៊ីណា ចៅសង្កាត់​ស្ទឹងមានជ័យ ៣ បាន​បញ្ជាក់​ប្រាប់​កម្ពុជា​ថ្មី​ថា លោក​បាន​សុំ​គោលការណ៍​លោក​អភិបាល​រួចហើយ ក្នុង​ការ​ចុះ​រដ្ឋបាល នឹង​ចាត់វិធានការ​ក្ដៅ​តែម្ដង៕

អត្ថបទ ៖ ម៉េង

The post ក្រុមអាជីវករយកផ្លូវសាធារណៈធ្វើអាជីវកម្ម បង្កការកកស្ទះរាល់ថ្ងៃ នៅសង្កាត់ស្ទឹងមានជ័យ ៣ appeared first on Kampuchea Thmey Daily.

ការណែនាំនេះ បន្ទាប់ពីមន្ត្រីជំនាញសាខាការពារអ្នកប្រើប្រាស់ កិច្ចប្រកួតប្រជែង និងបង្ក្រាបការក្លែងបន្លំ ខេត្តព្រះសីហនុ ( ក ប ប ) ចុះបង្រ្កាប និងធ្វើកិច្ចសន្យាដល់អាជីវករលក់គ្រឿងសមុទ្រនៅផ្សារលើ ក្រុងព្រះសីហនុ ខេត្តព្រះសីហនុ ដោយសារលក់បង្គារឱ្យភ្ញៀវមានសារធាតុគីមី នាព្រឹកថ្ងៃទី៣ ខែឧសភា ឆ្នាំ២០២៥។

លោក ឃុន ស៊ីម៉ន ប្រធានសាខាការពារអ្នកប្រើប្រាស់ កិច្ចប្រកួតប្រជែង និងបង្ក្រាបការក្លែងបន្លំ ខេត្តព្រះសីហនុ បានឱ្យដឹងថា ក្រោយទទួលបានព័ត៌មានពីការលក់បង្គារ នៅផ្សារលើ ក្រុងព្រះសីហនុ ខេត្តព្រះសីហនុ មានសារធាតុគីមី លោកបានណែនាំមន្ត្រីចុះពិនិត្យជាក់ស្តែង និងបានធ្វើកិច្ចសន្យាចំពោះអាជីវករឈ្មោះ អ៊ុយ ចន្ធូ ភេទ ស្រី មុខរបរ លក់គ្រឿងសមុទ្រ មានទីលំនៅបច្ចុប្បន្នភូមិ ០១ សង្កាត់ ០៤ ក្រុងព្រះសីហនុ ខេត្តព្រះសីហនុ។

នៅចំពោះមុខអាជ្ញាធរ អាជីវករឈ្មោះ អ៊ុយ ចន្ធូ បានចេញវីដេអូសុំទោសជាសាធារណៈ និងបានសន្យាថា ថ្ងៃក្រោយនឹងឈប់យកបង្ការដែលមានផ្ទុកសារធាតុគីមីនេះមកលក់ទៀត។ ជាមួយគ្នានេះ អាជ្ញាធរ ក៏បានឱ្យអាជីវកររូបនេះ ចុះកិច្ចសន្យា បញ្ឈប់ការលក់ដូរគ្រឿងសមុទ្រ (បង្គារ) ដែលមានផ្ទុកសារធាតុគីមី ខូចគុណភាពប៉ះពាល់សុខភាព និងសន្យាគោរពតាមការណែនាំរបស់អាជ្ញាធរ​ និងសមត្ថកិច្ចពាក់ព័ន្ធ មិនលក់ដូម្ហូបអារហារ គ្រឿងសមុទ្រគ្រប់ប្រភេទដែលមានផ្ទុកសារធាតុគីមី ខូចគុណភាពទៀត។

ក្នុងករណីមិនគោរពតាមការសន្យាខាងលើ អាជ្ញាធរមានសមត្ថកិច្ចនឹងបញ្ឈប់មុខរបរលក់ដូរគ្រឿងសមុទ្ររបស់អាជីវកររូបនេះ និងត្រូវទទួលខុសត្រូវតាមច្បាប់ទាំងស្រុង ចំពោះមុខសមត្ថកិច្ចជំនាញបានដកហួតបង្គាមានសារធាតុគីមីដែលនៅសេសសល់មានចំនួនជិត ៦គីឡូក្រាមយកទៅកំទេចចោល៕

អត្ថបទ ៖ ប៉ៃ សុឃីម

The post អាជីវករមួយរូប លក់បង្គាចាក់សាហួយឱ្យភ្ញៀវ ត្រូវបានអាជ្ញាធរខេត្តព្រះសីហនុ ហៅធ្វើការណែនាំ appeared first on Kampuchea Thmey Daily.

អាជីវករឈ្មោះ សុ ផល ជាម្ចាស់អាហារដ្ឋាន «ហ្វឺចែផល» ដែលមានទីតាំងទល់មុខស្ថានីយប្រេងឥន្ធនៈ ce បានឲ្យដឹងនៅថ្ងៃទី៩ ខែមេសា ឆ្នាំ២០២៥ថា សម្រាប់ហាងរបស់គាត់មានលក់ ហ្វឺ បាយ នៅពេលព្រឹក និងមានម្ហូបកម្មង់ចាប់ពីថ្ងៃត្រង់ឡើងទៅ ហើយបើនិយាយពីតម្លៃវិញសម្រាប់អាហារប្រចាំថ្ងៃ គឺលក់តាមតម្លែធម្មតា មិនមានការឡើងថ្លៃនោះទេ។ អាជីវកររូបនេះបញ្ជាក់ថា ដើម្បីអបអរសាទរនាឱកាសចូលឆ្នាំនាពេលខាងមុខ និងដើម្បីឱ្យភ្ញៀវទេសចរជាតិ និងអន្តរជាតិក៏ដូចជាប្រជាពលរដ្ឋបានដើរលេងកម្សាន្តតាមរមណីយដ្ឋាននាៗ អាចមកទទួលទានអាហារ ឆ្ងាញ់ហើយទទួលបានតម្លៃសមរម្យដោយមិនការឡើងថ្លៃជាងថ្ងៃធម្មតានោះទេ។

ជាមួយគ្នានេះ អាជីវករ ឈ្មោះ អន សុជាតា ម្ចាស់អាហាររដ្ឋាន«មណ្ឌលគិរីត្រជាក់ចិត្ត»ដែលមានទីតាំងនៅលើផ្លូវភ្លោះក្បែរង្វង់មូលដំរី ក៏បានឲ្យដឹងផងដែរថា សម្រាប់ម្ហូបអាហារពេលព្រឹកនិអាហារថ្ងៃត្រង់ គឺហាងរបស់គាត់លក់តាមតម្លៃធម្មតាដដែល មិនគិតតម្លៃលើសជាងថ្ងៃធម្មតានោះទេ។ ម្ចាស់ហាងរូបនេះបានអះអាងថា នៅក្នុងថ្ងៃបុណ្យចូលឆ្នាំប្រពៃណីជាតិខ្មែរខាងមុខនេះ សម្រាប់ម្ហូបអាហារនៅក្នុងហាងរបស់គាត់គឺលក់មិនឡើងថ្លៃនោះទេ ពោលគឺ លក់រក្សាតម្លៃធម្មតាដដែល ដើម្បីឲ្យភ្ញៀវទេសចរមកកម្សាន្តនៅក្នុងខេត្តមណ្ឌលគិរី សប្បាយរីករាយទទួលខ្យល់អាកាសបរិសុទ្ធ ហើយអាចមកទទួលទានអាហារគ្រប់មុខនៅទីនេះដែលមានរសជាតិឆ្ងាញ់ តម្លៃសមរម្យមិនឡើងថ្លៃដែលធ្វើឲ្យភ្ញៀវសប្បាយចិត្ត។ ប្រភពបន្តថា ការរក្សាតម្លៃសេវាកម្មម្ហូបអាហារនេះ គឺដើម្បីជួយលើកស្ទួយមុខមាត់ខេត្តមណ្ឌលគិរី និង អាចទាក់ទាញភ្ញៀវទេសចរឲ្យមកកម្សាន្តនៅក្នុងខេត្តមណ្ឌលគិរី ចង់មកម្ដងហើយ នាឱកាសក្រោយហ្នឹងមកកម្សាន្តម្ដងទៀត។

ស្របពេលដែលម្ចាស់អាហារដ្ឋាននៅក្នុងក្រុងសែនមនោរម្យជាច្រើនបានសន្យាថាមិនឡើងថ្លៃ ទៅលើសេវាកម្មម្ហូបអាហារ ទន្ទឹមនឹងនោះលោក កែវ ដារ៉ាណា ដែលជាអ្នកចាត់ការទូទៅនៅរមណីយដ្ឋានចម្កាកាហ្វេក៏បានអះអាងឲ្យដឹងផងដែរថា  សម្រាប់អាហារនៅក្នុងរមណីយដ្ឋានចម្ការកាហ្វេមាន បាញ់ឆែវប្រចាំហាង  ម្ហូបអាហារកុម្ម៉ង់គ្រប់មុខ នឹងភេសជ្ជៈជាច្រើនប្រភេទហើយឲ្យតែអតិថិជនមកញាំអាហាគ្រប់ប្រភេទនៅហាងរបស់យើងខ្ញុំ គឺគិតតាមតម្លៃធម្មតាមិនមានការឡើងថ្លៃនោះទេ បើទោះបីថ្ងៃធម្មតាឬក៏ថ្ងៃបុណ្យជាតិធំៗក៏ដោយ។

លោកបញ្ជាក់ថា អាជ្ញាធរក៏បានធ្វើការណែនាំទៅដល់ អាហារដ្ឋាននិងភោជនីយដ្ឋាន នឹងនៅតាមរីស៊ត នានាគឺកុំឲ្យលក់ផលិតផលផ្សេងៗក្នុងខេត្តមណ្ឌលគិរីឆ្លៀតឱកាសក្នុងពិធីបុណ្យធំៗឡើងថ្លៃអោយសោះ ដែលធ្វើឲ្យប៉ះពាល់ដល់អារម្មណ៍ភ្ញៀវ ដែលបានមកកម្សាន្តនៅក្នុងខេត្ត។ ត្រូវរក្សាតម្លៃឲ្យសមរម្យ ដើម្បីបង្កការងាយស្រួលទៅដល់ភ្ញៀវទេសចរជាតិនិងអន្តរជាតិដែលបានមកពីតំបន់ឆ្ងាយៗដូចជាតាមបណ្តាខេត្តក្រុង បានមកកម្សាន្តនៅក្នុងខេត្តមណ្ឌលគិរី នាឱកាសចូលឆ្នាំបុណ្យប្រពៃណីជាតិខ្មែរនេះ ក៏ដូចជាថ្ងៃធម្មតាផងដែរ។

អ្នកចាត់ការទូទៅក្នុងភោជនីយដ្ឋានចំការការហ្វេ នេះក៏បានអំពាវនាវទៅដល់ភ្ញៀវទេសចរជាតិនិងអន្តរជាតិ សូមមកដំណើរកម្សាន្តនៅក្នុងខេត្តមណ្ឌលគិរីនេះឲ្យបានច្រើនកុះករ ខណៈបច្ចុប្បន្នអាជ្ញាធរខេត្តមណ្ឌលគិរីបាន តុបតែងកែលម្អ នៅកន្លែងកម្សាន្តផ្សេងៗ ក៏ដូចជាកន្លែងលេងល្បែងប្រជាប្រិយខ្មែរ ដើម្បីបង្កភាពសប្បាយរីករាយជូនដល់ប្រជាពលរនិងភ្ញៀវទេសចរក៏ដូច ដែលបានមកកម្សាន្តនៅក្នុងខេត្តមណ្ឌលគិរី ភាគឦសានដែលសម្បូរទៅដោយសម្បត្តិធម្មជាតិ ផ្សេងផ្សេងជាច្រើន នូវទេសភាពស្រស់បំព្រង ហើយមានខ្យល់អាកាសដ៏បរិសុទ្ធ៕

ដោយ៖ រៀម សុខហេង

The post អាជីវករនៅខេត្តមណ្ឌលគិរី អះអាងថា ក្នុងឱកាសបុណ្យចូលឆ្នាំខ្មែរ ខ្លួនមិនលក់ឡើងថ្លៃឡើយ appeared first on Kampuchea Thmey Daily.

នាថ្ងៃទី ១ ខែតុលា ឆ្នាំ២០២៤នេះ លោក អែត សារិទ្ធ អភិបាលរងក្រុងកំពតបានចុះសង្កេតពិនិត្យមើលជាក់ស្តែងរបស់អាជីវករលក់គ្រឿងសមុទ្រនៅផ្សារសាមគ្គីទីរួមខេត្តកំពតហើយអាជីវករលក់ដូរក៏បានបញ្ជាក់ដែរថា ទោះបីថ្ងៃបុណ្យភ្ជុំបិណ្ឌមានភ្ញៀវច្រើន លក់ដាច់ក៏ពិតមែន តែពួកគាត់មិនបានដំឡើងថ្ងៃនោះទេ ខណៈដែលអាជ្ញាធរក្រុងកំពត បានបញ្ជាក់ថា ការផ្តល់សេវាទេសចរណ៍ផ្សេងៗក្នុងក្រុង ពិសេសអាជីវករលក់ដូរគ្រឿងសមុទ្រតាមផ្សារនានា ស្តាប់តាមការណែនាំបានល្អ ដោយពួកគាត់បានរក្សាតម្លៃនៅធម្មតាដដែល។

អាជីវករលក់គ្រឿងសមុទ្រនៅផ្សារសាមគ្គីទីរួមខេត្តកំពត បានបញ្ចាក់ថា ថ្ងៃបុណ្យភ្ជុំបិណ្ឌនេះ ការលក់ដូរដាច់ច្រើនជាងថ្ងៃធម្មតា ប៉ុន្តែពួកគាត់មិនបានដំឡើងថ្លៃគ្រឿងសមុទ្រទេ។ នៅកន្លែងគាត់ ធ្លាប់លក់នៅថ្ងៃធម្មតាតម្លៃប៉ុន្មាន ថ្ងៃបុណ្យភ្ជុំបិណ្ឌនេះ នៅរក្សាតម្លៃនោះដដែល ព្រោះពួកគាត់យល់ថា ពួគគាត់លក់រៀងរាល់ថ្ងៃ ត្រូវការឲ្យភ្ញៀវមកទិញជាប្រចាំ មិនមែនទិញម្តង រាងហើយបាត់មុខរហូតនោះទេ។

អភិបាលរងក្រុងកំពត លោក អែត សារិទ្ធ បានបញ្ជាក់ថា តាមការសង្កេតពិនិត្យជាក់ស្តែង និងតាមបទពិសោធនាពេលកន្លងមក អាជីវករខេត្តកំពត រក្សាបាននូវភាពស្មោះត្រង់ ថ្លៃថ្នូរ មិនដែលធ្វើឲ្យអតិថិជន ឬភ្ញៀវទេសចរណាម្នាក់ថ្នាំងថ្នាក់ចិត្តនោះទេ។ លោក អែត សារិទ្ធ អភិបាលរងក្រុងកំពតបានកោតសរសើរចំពោះ ទឹកចិត្តរបស់អ្នកផ្តល់សេវាទេសចរណ៍ក្នុងខេត្តកំពត ទាំងម្ចាស់កន្លែងស្នាក់នៅ អាហារដ្ឋាន ភោជនីយដ្ឋាន និងបងប្អូនលក់ដូរតាមផ្សារនានា បានរក្សាតម្លៃថេរល្អ មិនថាថ្ងៃធម្មតា ឬថ្ងៃបុណ្យទានធំៗឡើយ ។

ទោះជាយ៉ាងណាក៏ដោយ លោកអភិបាលរងក្រុងកំពត ស្នើសុំឲ្យបងប្អូនដែលប្រកបរបរលើវិស័យទេសចរណ៍ក្នុងក្រុង ក៏ដូចជាខេត្តកំពតទាំងមូល ជួយពង្រឹងបន្ថែមនូវ គុណភាពសេវា ការបដិសណ្ឋាកិច្ចល្អ និងមានទំនួលខុសត្រូវលើកការររៀបចំអនាម័យបរិស្ថាន សណ្តាប់ធ្នាប់សាធារណៈ ឲ្យបានកាន់តែល្អប្រសើរ៕

អត្ថបទ៖ សឹង រ៉ាត់

The post អាជ្ញាធរក្រុងកំពតបញ្ជាក់ថា មិនមានអាជីវករណាលក់គ្រឿងសមុទ្រដំឡើងតម្លៃនោះទេ appeared first on Kampuchea Thmey Daily.