កិច្ចប្រជុំនេះប្រព្រឹត្តិឡើងក្រោមអធិបតីភាព  លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធាន គណៈប្រតិភូរាជរដ្ឋាភិបាលកម្ពុជា រួមជាមួយ លោកជំទាវ LI Ji កុងស៊ុលស្ថានទូតចិន ជាសហប្រធានចិន និង លោកជំទាវបណ្ឌិត Tanu PRIYA អនុប្រធានបេសកកម្មនៃស្ថានទូតឥណ្ឌា ជាសហប្រធានឥណ្ឌា។

សេចក្តីប្រកាសព័ត៌មានរបស់អាជ្ញាធរជាតិព្រះវិហារ បានឱ្យដឹងថា កិច្ចប្រជុំនេះក៏មានការចូលរួមពីតំណាងរដ្ឋសមាជិកចំនួន៥ប្រទេស រួមមានប្រទេសបែលហ្សិក បារាំង ជប៉ុន ថៃ និងសហរដ្ឋអាមេរិក ប្រធានលេខាធិការដ្ឋាន អ្នកជំនាញការអាដហុក ស្ថាប័នជាតិនិងអន្តរជាតិ ដែល រួមមានអាជ្ញាធរជាតិអប្សរា អាជ្ញាធរជាតិសំបូរព្រៃគុក មជ្ឈមណ្ឌលសកម្មភាពកំចាត់មីនកម្ពុជា អ្នកស្រាវជ្រាវជាតិ និងអន្តរជាតិចូលរួមដោយផ្ទាល់ និងតាមប្រព័ន្ធអនឡាញ សរុបប្រមាណ១៥៨រូប ដើម្បីតាមដាន និងត្រួតពិនិត្យ ការងារអភិរក្ស និងអភិវឌ្ឍន៍តំបន់រមណីយដ្ឋានប្រាសាទព្រះវិហារ និងប្រាសាទកោះកេរ ដែលអនុវត្តដោយ អាជ្ញាធរជាតិព្រះវិហារ និងដៃគូអន្តរជាតិ។

អង្គប្រជុំនេះ បានពិភាក្សាគ្នាអំពីវិធានការបន្ទាន់ដើម្បីអភិរក្សសង្គ្រោះប្រាសាទព្រះវិហារមានដូចជា ដូចជាការបោស សម្អាតអាវុធយុទ្ធភណ្ឌមិនទាន់ផ្ទុះដើម្បីធានាដល់ ការងារអភិរក្ស និងគ្រប់គ្រងប្រាសាទ, រៀបចំឯកសារវិភាគហានិភ័យប្រាសាទព្រះវិហារនិងបរិវេណភ្នំទាំងមូល, ការរៀបចំឯកសារអំពីវត្ថុសិល្បៈ និងរចនាសម្ព័ន្ធប្រាសាទដែលទទួលរងគ្រោះថ្នាក់ និងចាត់វិធានការសង្គ្រោះបន្ទាន់។

អង្គប្រជុំបានស្ដាប់របាយការណ៍ខូចខាតប្រាសាទព្រះវិហារ ផលប៉ះពាល់លើសហគមន៍ ប្រជាជន និងវិស័យទេសចរណ៍ បណ្តាលមកពីព្រឹត្តិការណ៍ទាំងពីរលើកកាលពីឆ្នាំ២០២៥កន្លងទៅ។ ជាមួយគ្នានេះ អាជ្ញាធរជាតិព្រះវិហារក៏បានបង្ហាញអំពីលទ្ធផលនៃការសិក្សាហានិភ័យបឋមនិងការលើកផែនការអភិរក្សបន្ទាន់ ដើម្បីទប់ស្កាត់ការខូចខាតបន្តទៀតដល់វត្ថុសិល្បៈដែលនៅជ្រុះរាយប៉ាយនិងហេដ្ឋារចនាសម្ព័ន្ធប្រាសាទដែលរងការខូចខាតធ្ងន់ធ្ងរ។ ផ្អែកតាមការវាយតម្លៃបឋម ការខូចខាតប្រាសាទព្រះវិហារដោយសារជម្លោះប្រដាប់អាវុធទាំងពីរលើកកាលពីខែកក្កដា និងខែធ្នូ ឆ្នាំ២០២៥ សរុបចំនួន៥៦២កន្លែង ហើយមានសភាពធ្ងន់ធ្ងរដល់រចនាសម្ព័ន្ធប្រាសាទ ក្បាច់ចម្លាក់ និងការបង្កការខូចខាតចំពោះតម្លៃលេចធ្លោជាសកល។

នៅមុនកិច្ចប្រជុំនេះ អ្នកជំនាញការអាដហុកនៃគណៈកម្មាធិការ ICC-ព្រះវិហារ បានបំពេញទស្សនកិច្ច និងពិភាក្សាការងារអភិរក្សនិងជួសជុលប្រាសាទនៅក្នុងរមណីយដ្ឋានប្រាសាទព្រះវិហារ និងប្រាសាទកោះកេរ រយៈពេល២ថ្ងៃ ចាប់ពីថ្ងៃទី១៦ ដល់១៧ ខែមីនា ឆ្នាំ២០២៦ ជាពិសេសការចុះពិនិត្យមើលការខូចខាតប្រាសាទព្រះវិហារ និងផលប៉ះពាល់លើវិស័យទេសចរណ៍ និងសហគមន៍ ដើម្បីរៀបចំរបាយការណ៍ និងអនុសាសន៍ សម្រាប់កិច្ចប្រជុំ ICC-ព្រះវិហារ។

ជាមួយគ្នានេះដែរ អង្គប្រជុំក៏បានជូនដំណឹងអំពីបេសកកម្មប្រឹក្សាយោបល់បច្ចេកទេសរបស់អង្គការ យូណេស្កូ និង ICOMOS ចុះមកពិនិត្យប្រាសាទព្រះវិហារនៅសប្តាហ៍ទីមួយ ក្នុងខែមីនាកន្លងមក តាមការ ពីញរបស់កម្ពុជាស្របតាមគោលការណ៍ប្រតិបត្តិសម្រាប់ការអនុវត្តអនុសញ្ញាបេតិកភណ្ឌពិភពលោក។ គោលបំណងនៃបេសកកម្មនេះគឺដើម្បីវាយតម្លៃស្ថានភាពអភិរក្សសម្បត្តិបេតិកភណ្ឌពិភពលោក និងផ្តល់ យោបល់បច្ចេកទេសដើម្បីគាំទ្រដល់ការងារអភិរក្សរយៈពេលវែង ស្របតាមគោលបំណងរបស់អនុសញ្ញា បេតិកភណ្ឌពិភពលោក និងគោលការណ៍ប្រតិបត្តិ។
របាយការណ៍នៃបេសកកម្មនេះនឹងផ្ញើជូនភាគីកម្ពុជា ស្របតាមបេសកកម្មផ្តល់យោបល់បច្ចេកទេស ដែលធ្លាប់បានអនុវត្តកន្លងមក។

លទ្ធផលជារួមរបស់អង្គប្រជុំនេះ សហប្រធានចិន និងឥណ្ឌា ព្រមទាំងបណ្តាប្រទេសជាសមាជិក រួមជាមួយអ្នកជំនាញការអន្តរជាតិ បានប្តេជ្ញាបន្តចូលរួមជាមួយរាជរដ្ឋាភិបាលកម្ពុជាក្នុងកិច្ចការពារនិង ថែរក្សាបេតិកភណ្ឌពិភពលោកប្រាសាទព្រះវិហារសម្រាប់មនុស្សជាតិជំនាន់ក្រោយៗទៀត ជាពិសេសសហប្រធាន ទាំងពីរបានបង្ហាញអំពីជំហរបន្តកិច្ចការអភិរក្សប្រាសាទព្រះវិហារតាមរយៈវេទិកាពិគ្រោះយោបល់នេះ នៅពេលដែលស្ថានភាពវិលមកប្រក្រតីភាពវិញ៕

The post តំណាងរដ្ឋមកពី ៧ប្រទេស បើកកិច្ចប្រជុំបន្ទាន់ពិភាក្សាអភិរក្សសង្គ្រោះប្រាសាទព្រះវិហារដែលរងការខូចខាតដោយយោធាថៃ appeared first on Kampuchea Thmey Daily.

ក្រសួងវប្បធម៌ និងវិចិត្រសិល្បៈ បានឱ្យដឹងនៅថ្ងៃទី ២៣ ខែ ឧសភានេះថា មន្ត្រីជំនាញអាជ្ញាធរជាតិព្រះវិហារ ជាមួយអង្គភាពនគរបាលការពារបេតិកភណ្ឌប្រចាំប្រាសាទព្រះវិហារ បានលើកចម្លាក់តោរកឃើញក្នុងរណ្តៅកំណាយស្រាវជ្រាវរចនាសម្ព័ន្ធគ្រឹះគោបុរៈទី៤ ដែលអនុវត្តដោយនាយកដ្ឋានអភិរក្ស និងបុរាណវិទ្យា នៃអាជ្ញាធរជាតិព្រះវិហារ កាលពីខែមីនា ឆ្នាំ២០២៥។ ចម្លាក់តោដែលបានរកឃើញនេះបានរលំកប់ក្នុងដីជម្រៅប្រមាណ១ម៉ែត្រអស់រយៈពេលជាច្រើនឆ្នាំមកហើយ។

ចម្លាក់តោដែលលើកចេញពីរណ្តៅកំណាយនឹងត្រូវសម្អាត អភិរក្ស និងជួសជុលកន្លែងបាក់ ព្រមទាំងសិក្សាស្រាវជ្រាវបន្ថែមទៀត។ ក្រោយការសម្អាត និងជួសជុលរួច ចម្លាក់តោនេះនឹងដាក់នៅទីតាំងដើមត្រង់ខឿនជណ្តើរខាងត្បូងគោបុរៈទី៤ ប្រាសាទព្រះវិហារ៕

The post ចម្លាក់តោ១ កប់ក្នុងដីរាប់ឆ្នាំ ត្រូវបានអាជ្ញាធរជាតិព្រះវិហារ លើកចេញពីក្នុងរណ្តៅស្រាវជ្រាវ appeared first on Kampuchea Thmey Daily.

គួរឱ្យដឹងថា រមណីយដ្ឋានប្រាសាទកោះកេរ ដែលស្ថិតក្នុងស្រុកគូលែន ខេត្តព្រះវិហារ ត្រូវបានចុះបញ្ជីជា បេតិកភណ្ឌពិភពលោក កាលពីថ្ងៃទី១៧ ខែកញ្ញា ឆ្នាំ២០២៣ កន្លងទៅ តាមរយៈសេចក្តីសម្រេចលេខ 45 COM 8B.8 នៅក្នុងសម័យប្រជុំលើកទី៤៥ របស់គណៈកម្មាធិការបេតិកភណ្ឌពិភពលោក នាទីក្រុងរីយ៉ាដ ប្រទេសអារ៉ាប៊ីសាអូឌីត។

  នៅថ្ងៃទី១៧ ខែកញ្ញា ឆ្នាំ ២០២៤ គឺជាខួប១ឆ្នាំ ដែលមហាសមិទ្ធផលដ៏ប្រសើរថ្លៃថ្លានេះ បានបង្ហាញពីកិត្យានុភាពវប្បធម៌ដ៏ខ្ពស់ត្រដែតកម្ពុជាក្នុងឆាកអន្តរជាតិ ដែលកើតចេញពីការខិតខំប្រឹងប្រែងប្រកបដោយវីរភាពជាប់មិនដាច់ និងឥតរាថយរបស់រាជរដ្ឋាភិបាលកម្ពុជា។

 ក្នុងពិធីនេះ  លោក គង់ ពុទ្ធិការ អគ្គនាយកអាជ្ញាធរជាតិព្រះវិហារ បានលើកឡើងថា ក្នុងរយៈពេល១ឆ្នាំនេះអាជ្ញាធរបានការពារ ថែរក្សា និងបានអភិវឌ្ឍបន្ថែមជាច្រើននៅក្នុងរមណីយដ្ឋានប្រាសាទកោះកេរនេះ។ លោកបន្តថា គិតត្រឹមឆ្នាំ២០២៤នេះ កោះកេរ គឺមានអាយុកាល១០៩៦ឆ្នាំ បន្ទាប់ពីបានប្រកាសជារាជធានីក្នុងសម័យអង្គរដ៏រុងរឿងរបស់អាណាចក្រខ្មែរ កាលពីឆ្នាំ៩២៨ ដោយព្រះបាទជ័យវរ្ម័នទី៤។

“កោះកេរ” គឺជា រាជធានីខ្មែរបុរាណតែមួយគត់ដែលមានឈ្មោះជាភាសារខ្មែរបុរាណផងហៅថា “ឆោកគ៌គ្យរ” និងឈ្មោះជាភាសាសំស្រ្កឹតផងថា “លិង្ហបុរ”។ បច្ចុប្បន្ន រមណីយដ្ឋានប្រាសាទកោះកេរ មានបុរាណដ្ឋានសរុបចំនួន១៦៩។ក្នុងនោះមានប្រាសាទចំនួន៧៦ និងទីតាំង បុរាណវិទ្យាជាច្រើនទៀតដូចជា ទីតាំងមនុស្សរស់នៅ ហេដ្ឋា រចនាសម្ព័ន្ធផ្លូវថ្នល់និងធារាសាស្ត្រ ពិសេសមានសិលាចារឹក បដិមាធំៗប្រកបដោយកាយវិការរស់រវើក ស្ថិតនៅក្នុងតំបន់ការពារកំណត់ដោយព្រះរាជក្រឹត្យឆ្នាំ២០០៤ និងក្រោយមកបានកែសម្រួលនៅឆ្នាំ២០២០មានទំហំសរុប៨៧៩ហិកតា ៤៣អា ដោយមានបែងចែកជា៣តំបន់ការពារ។

  លោកបន្តថា អាជ្ញាធរជាតិព្រះវិហារសង្ឃឹមថានឹងទទួលបាននូវកិច្ចសហប្រតិបត្តិការបន្តទៀតជាមួយដៃគូរដែលមានស្រាប់ ហើយទទួល បានដៃគូរថ្មីៗបន្ថែមទៀត ដើម្បីជម្រុញឲ្យសន្ទុះនៃការអភិរក្សនិងអភិវឌ្ឍនៅក្នុងកោះកេរ នេះឲ្យកាន់តែផុសផុលមួយកម្រិតទៀត។ អាជ្ញាធរជាតិព្រះវិហារក៏នឹងបន្តសហការជាមួយអាជ្ញាធរខេត្តព្រះវិហារដើម្បីកៀរគរ ការចូលរួមពីវិស័យឯកជនដើម្បីចូលរួមអភិវឌ្ឍលើហេដ្ឋារចនាសម្ព័ន្ធទេសចរណ៍ ក៏ដូចជាការបង្កើតនូវ ផលិតផលទេសចរណ៍ថ្មីៗទៀត។

  លោកគីម រិទ្ធី អភិបាលខេត្តព្រះវិហារ បានឲ្យដឹងថា ខេត្តព្រះវិហារមានផ្ទៃដីសរុប១៣.៨២១,៧៦ គីឡូមែត្រការ៉េ និងមានប្រជាជនសរុប២៣ម៉ឺននាក់ ស្ថិតនៅចម្ងាយ២៩៨គ.ម ពីរាជធានីភ្នំពេញ និង១៦០គ.ម ពីខេត្តសៀមរាប មានព្រំប្រទល់ជាប់ខេត្តកំពង់ធំ ខេត្តស្ទឹងត្រែង ខេត្តសៀមរាប និងខេត្តឧត្តរមានជ័យ និងមានព្រំប្រទល់អន្តរជាតិភាគខាងជើងជាប់នឹងប្រទេសថៃប្រវែង១២៩គ.ម ហើយជាប់នឹងប្រទេសឡាវប្រវែង១៤០គ.ម។ជាមួយគ្នានេះរមណីយដ្ឋានប្រាសាទកោះកេរ ស្ថិតនៅភាគពាយ័ព្យនៃព្រះរាជាណាចក្រកម្ពុជា ហើយមានចម្ងាយប្រមាណ១០០គ.ម ពីក្រុងសៀមរាប និងចម្ងាយ៣៧០គ.ម ពីរាជធានីភ្នំពេញ។

  ក្នុងឱកាសខួប១ឆ្នាំ សម្តេចធិបតី ហ៊ុន ម៉ាណែត បានផ្ញើសារលិខិតកោតសរសើរដោយស្មោះ ជូនចំពោះថ្នាក់ដឹកនាំ មន្ត្រីរាជការនៃក្រសួងវប្បធម៌និងវិចិត្រសិល្បៈ អាជ្ញាធរជាតិព្រះវិហារ អ្នកជំនាញជាតិ និងអន្តរជាតិ ដែលបានខិតខំព្យាយាមលះបង់ទាំងកម្លាំងកាយ ប្រាជ្ញានិងស្មារតី ប្រកបដោយភាពប៉ិនប្រសប់ និងវិជ្ជាជីវៈខ្ពស់ ពុះពារ ជម្នះ គ្រប់ការលំបាករហូតសម្រេចបាននូវសមិទ្ធផលដ៏ធំធេងនេះ។

  លោក ហាប់ ទូច រដ្ឋលេខាធិការ ក្រសួងវប្បធម៌និងវិចិត្រសិល្បៈ បានណែនាំឱ្យ អាជ្ញាធរមូលដ្ឋាននិងអាជ្ញាធរជាតិព្រះវិហារត្រូវខិតខំប្រឹងប្រែងអភិរក្សប្រាសាទកោះកេរ នេះនឹងប្រាសាទដទៃទៀត។ក្នុងខេត្តព្រះវិហារឲ្យបានល្អប្រសើរនិងជំរុញឲ្យមានការគិតគូររកភ្ញៀវទេសចរណ៍ជាតិនិងអន្តរជាតិឲ្យមុខកំសាន្តនៅតំបន់ខាងលើនេះប្រកបដោយផាសុកភាព ទាំងទៅ ទាំងមក៕

ដោយ៖ជុន កុសល

The post អាជ្ញាធរជាតិព្រះវិហាររៀបចំពិធីអបអរសាទរខួប១ឆ្នាំនៃការចុះរមណីយដ្ឋានប្រាសាទកោះកេរក្នុងបញ្ជីបេតិកភណ្ឌពិភពលោក appeared first on Kampuchea Thmey Daily.

បើតាមការផ្ដល់ព័ត៌មាន ដោយ អាជ្ញាធរជាតិព្រះវិហារ នៅថ្ងៃទី១៣ ខែធ្នូ ឆ្នាំ២០២៣ នេះ បានឱ្យដឹងថា លោក ផេង សំអឿន អគ្គនាយករងអាជ្ញាធរជាតិព្រះវិហារ ទទួលបន្ទុកការងារក្នុងរមណីយដ្ឋានប្រាសាទកោះកេរ អនុប្រធាននាយកដ្ឋាន និងមន្រ្តីជំនាញ បានទទួលស្វាគមន៍ ទស្សនកិច្ចនេះ។

ទស្សនកិច្ច របស់ មន្រ្តី នៃស្ថានទូតសហរដ្ឋអាមេរិកប្រចាំនៅប្រទេសកម្ពុជា នាពេលនេះ ក្នុងគោលបំណងដើម្បីឈ្វេងយល់ពីប្រវត្តិសាស្រ្ត ការសិក្សាស្រាវជ្រាវ និងកិច្ចការងារអភិរក្សរបស់អាជ្ញាធរជាតិព្រះវិហារ សម្រាប់ការសហប្រតិបត្តិការនាពេលអនាគត។

ក្នុងនោះក៏មានការធ្វើបទបង្ហាញអំពី ប្រវត្តិសាស្ត្រទូទៅ នៃប្រាសាទកោះកេរ បង្ហាញពីផែនការសិក្សាស្រាវជ្រាវនៅប្រាសាទចិន ការងារអភិរក្សតួប៉មឥដ្ឋនៅប្រាសាទក្រចាប់ និងលទ្ធលការងារផ្សេងៗទៀតនៅប្រាសាទធំ។

លើសពីនោះ គណៈប្រតិភូបានអញ្ជើញជាកិត្តិយស ចែកវិញ្ញាបនបត្រដល់មន្ត្រីអាជ្ញាធរជាតិព្រះវិហារ ដែលបានសិក្សាវគ្គបណ្ដុះបណ្តាលភាសារអង់គ្លេស ដោយ លោកស្រីសាស្ត្រាចារ្យ Barbara J. Anello ក្រោមជំនួយឧបត្ថម្ភដោយស្ថានទូតសហរដ្ឋអាមេរិកប្រចាំនៅប្រទេសកម្ពុជា ដែលផ្តល់ជូនចាប់តាំងពី ឆ្នាំ២០១៨ មកដល់បច្ចុប្បន្ន។ ក្នុងដំណើរទស្សនកិច្ចនេះ បានបញ្ចប់ទៅដោយជោគជ័យ និងមានភាពស្និទ្ធស្នាលជាទីបំផុត៕

រូបភាព និងអត្ថបទ៖ លោក ថាច់ ផានិត

The post ប្រតិភូស្ថានទូតសហរដ្ឋអាមេរិក ធ្វើទស្សនកិច្ច ឈ្វេងយល់ រមណីយដ្ឋានប្រាសាទកោះកេរ appeared first on Kampuchea Thmey Daily.

គួររម្លឹកថា ប្រាសាទកោះកេរ ត្រូវបានគណៈកម្មាធិការបេតិកភណ្ឌពិភពលោក នៃអង្គការយូណេស្កូ សម្រេចជាឯកច្ឆ័ន្ទ បញ្ចូលក្នុងបញ្ជីសម្បត្តិបេតិកភណ្ឌពិភពលោក កាលពីថ្ងៃទី១៧ ខែកញ្ញា ឆ្នាំ២០២៣ នៅទីក្រុង រីយ៉ាដ ប្រទេសអារ៉ាប៊ីសាអូឌីដ។ រដ្ឋាភិបាលកម្ពុជា បានប្រកាស ឱ្យគ្រប់ក្រសួងស្ថាប័នជាតិ និងឯកជន វត្តអារ៉ាម សាលារៀន ក្រុមហ៊ុន រោងចក្រ រៀបចំពិធីទូងស្គរ អបអរសាទរ នៅថ្ងៃទី២០ ខែកញ្ញា ឆ្នាំ២០២៣។

គួរបញ្ជាក់ថា ប្រាសាទកោះកេរមានទីតាំងស្ថិតនៅក្នុង ភូមិស្រយ៉ង់ជើង ឃុំស្រយ៉ង់ ស្រុកគូលេន ខេត្តព្រះវិហារ មានចម្ងាយប្រមាណ ៨០គីឡូម៉ែត្រ ពីទីរួមខេត្តព្រះវិហារ។

កាលពីឆ្នាំ២០១៨ កម្ពុជាបានចុះសិក្សាស្រាវជ្រាវនៅតំបន់ប្រាសាទកោះកេរ ខេត្តព្រះវិហារ និងប្រាសាទបន្ទាយឆ្មារ ខេត្តបន្ទាយមានជ័យ ដើម្បីស្នើដាក់ប្រាសាទខ្មែរទាំងពីរនេះទៅក្នុងបញ្ជីសម្បត្តិបេតិកភណ្ឌពិភពលោក បន្ទាប់ពីប្រាសាទអង្គរវត្តបានចុះបញ្ជីជាសម្បត្តិបេតិកភណ្ឌពិភពលោកនៅឆ្នាំ១៩៩២ ប្រាសាទព្រះវិហារនៅឆ្នាំ២០០៨ និងតំបន់ប្រាសាទសំបូរព្រៃគុកនៅឆ្នាំ២០១៧។

ទីតាំងប្រជុំប្រាសាទកោះកេរនេះ គឺជាអតីតរាជធានី “ឆោកគគ៌្យរ” របស់ព្រះបាទជ័យវរ្ម័នទី៤ ដែលត្រូវបានកសាងឡើងក្នុងសតវត្សទី១០ (៩២៨-៩៤២)។ ព្រះអង្គបានផ្លាស់ប្តូររាជធានីពីក្រុងយសោធរបុរៈ (ក្រុងអង្គរ) ទៅកាន់តំបន់កោះកេរនេះ ក្រោយពេលដណ្ដើមរាជបល្ល័ង្កពីក្មួយរបស់ព្រះអង្គ គឺព្រះបាទយសោវរ្ម័នទី២ ដែលសោយរាជ្យនៅក្រុងអង្គរ។ ប្រាសាទនេះកសាងឡើងតាមរចនាប័ទ្មកោះកេរ ដែលមានរាងស្រដៀងនឹងពីរ៉ាមីត៕

អត្ថបទ៖ ច័ន្ទ វីរៈ

The post អាជ្ញាធរជាតិព្រះវិហារ ផ្អាកការចូលទស្សនា រមណីយដ្ឋានប្រាសាទកោះករ ជាបណ្ដោះអាសន្ន appeared first on Kampuchea Thmey Daily.

អាជ្ញាធរជាតិព្រះវិហារ បានឱ្យដឹងថា នៅថ្ងៃទី១១ ខែកក្កដា ឆ្នាំ២០២៣ម្សិលមិញនេះ លោក គង់ ពុទ្ធិការ អគ្គនាយកអាជ្ញាធរជាតិព្រះវិហារ និងថ្នាក់ដឹកនាំមានកិច្ចប្រជុំពិភាក្សា ស្ដីពី គម្រោងការការពារបណ្ណសារបេតិកភណ្ឌពិភពលោកនៅអាស៊ីអាគ្នេយ៍ “Safeguarding World Heritage Site Archives in South-East Asia” ជាមួយ លោក Andrew Henderson អ្នកជំនាញផ្នែកបេតិកភណ្ឌឯកសារអន្តរជាតិ (International Documentary Heritage Expert) នៅស្នាក់ការអាជ្ញាធរជាតិព្រះវិហារ។

គម្រោងនេះពិភាក្សាពី ការបង្កើតបណ្ដាញគ្រប់គ្រងឯកសារ រក្សាទុកទិន្នន័យ និងគ្រប់គ្រងបណ្ណសារនៅតំបន់បេតិកភណ្ឌពិភពលោក។ លើសពីនេះ ភាគីពាក់់ព័ន្ធបានពិភាក្សាពីការគ្រប់គ្រង ឯកសារគម្រោង ប្លង់ រូបថត​ វីដេអូឯកសារ​ កំណត់ហេតុប្រចាំថ្ងៃ និងរបាយការណ៍បច្ចេកទេសតាមនាយកដ្ឋាននីមួយៗ ដើម្បីរក្សាទុកក្នុងបណ្ណសារដែលគ្រោងរៀបចំនៅពេលខាងមុខ ដើម្បីផ្ដល់ភាពងាយស្រួលសម្រាប់ស្វែងរកឯកសារ។

ក្រោយពីកិច្ចប្រជុំរួច លោក Andrew Henderson បានចុះត្រួតពិនិត្យទីតាំងរក្សាទុកឯកសារតាមនាយកដ្ឋានមួយចំនួន ដូចជា នាយកដ្ឋានអភិរក្ស និងបុរាណវិទ្យា នាយកដ្ឋានស្រាវជ្រាវ បណ្តុះបណ្តាល​ និងតម្កល់ឯកសារ នាយកដ្ឋានរដ្ឋបាល និងហិរញ្ញកិច្ចជាដើម។

បន្ទាប់មកអ្នកជំនាញការបានអញ្ជើញទស្សនារមណីយដ្ឋានប្រាសាទព្រះវិហារ និងសារមន្ទីរធម្មជាតិសកល សម្ដេចតេជោ ហ៊ុន សែន ព្រះវិហារ៕

The post កម្ពុជា ពិភាក្សា គម្រោងការការពារបណ្ណសារបេតិកភណ្ឌពិភពលោកនៅអាស៊ីអាគ្នេយ៍ appeared first on Kampuchea Thmey Daily.

តាមការផ្ដល់ព័ត៌មានពី អាជ្ញាធរជាតិព្រះវិហារ បានឱ្យដឹងថា ព្រឹត្តិការណ៍នេះបានធ្វើឡើងនៅម្សិលមិញ ថ្ងៃអាទិត្យ ទី៩ ខែកក្កដា ឆ្នាំ២០២៣ ក្រោមអធិបតីភាព លោក គង់ ពុទ្ធិការ អគ្គនាយកអាជ្ញាធរជាតិព្រះវិហារ ថ្នាក់ដឹកនាំ និងមន្រ្តី នៃអាជ្ញាធរជាតិព្រះវិហារ លោក​ យ៉ុង​ គឹមហ៊ាន​ តំណាង​ លោក​ គីម​ រឹទ្ធី​ អភិបាលខេត្តព្រះវិហារ​ ក្រុមការងារ Run With Sai ដែលដឹកនាំដោយ លោក អ៊ួន បឋម (សាយ) ជាស្ថាបនិកក្នុងការរៀបចំព្រឹត្តការណ៍ Preah Vihear Temple Run ឃុំស្រអែម អង្គភាពប្រចាំទិសប្រាសាទព្រះវិហារ បុគ្គលិកក្រុមហ៊ុនគាំទ្រកម្មវិធី និងស្ថាប័នផ្សេងៗទៀតសរុបជាង ៦០០នាក់។

កម្មវិធីនេះបានចាប់ផ្ដើមនៅម៉ោង ៦:៣០ នាទីព្រឹក រត់ចេញពីទីតាំងជើងភ្នំប្រាសាទព្រះវិហារ ឆ្ពោះទៅគោបុរៈទី៤ នៃប្រាសាទព្រះវិហារ ដែលមាន ២វិញ្ញាសា ក្នុងនោះមាន វិញ្ញាសារត់មានចម្ងាយ ៧គីឡូម៉ែត្រ និងវិញ្ញាសាដើរ ចម្ងាយ ៧០០ម៉ែត្រ។

កម្មវិធីនេះទទួលបានការឧបត្ថម្ភពី THE MANY FOUNDATION, V-ACTIVE, SMART AXIATA សហការពីក្រសួងវប្បធម៌ និងវិចិត្រសិល្បៈ ក្រសួងទេសចរណ៍ សហភាពសហព័ន្ធយុវជនកម្ពុជា រដ្ឋបាលខេត្តព្រះវិហារ អាជ្ញាធរជាតិព្រះវិហារ ព្រមទាំងដៃគូសហការជាច្រើនទៀត៕

The post ទិដ្ឋភាពកម្រ ព្រឹត្តិការណ៍កីឡារត់ឡើងភ្នំ ប្រាសាទព្រះវិហារ appeared first on Kampuchea Thmey Daily.

ពិធីសែនព្រេននេះ រៀបចំក្រោមអធិបតីភាព លោកបណ្ឌិត អ៊ា ដារិទ្ធ ប្រធាននាយកដ្ឋាន និងមន្ត្រីជំនាញ នាយកដ្ឋានអភិរក្ស និងបុរាណវិទ្យា នៃអាជ្ញាធរជាតិព្រះវិហារ នៅថ្ងៃទី២២ ខែមេសា ឆ្នាំ២០២៣នេះ។ នេះបើតាមការឱ្យដឹងពីក្រសួងវប្បធម៌ និងវិចិត្រសិល្បៈ នៅថ្ងៃនេះ។

ការសាងសង់បស្ពានឈើថ្មីនៅស្ពានហាលខាងលិច ដើម្បីលើកតម្លៃការប្រើប្រាស់ស្ពានហាលពីបុរាណឡើងវិញ និងរៀបចំសៀគ្វីទេសចរណ៍ថ្មី។ រីឯ ការសាងសង់កំរាលក្តារនៅពយតាឌី ដើម្បីការពារសំណឹកទីតាំងការដ្ឋានថ្មបុរាណ និងរៀបចំលើកតម្លៃពយតាឌី ឱ្យបានសមរម្យជាតំបន់ទេសចរណ៍៕

The post អាជ្ញាធរជាតិព្រះវិហារ បើកការដ្ឋានកំណាយស្រាវជ្រាវបុរាណវិទ្យា នៅប្រាសាទព្រះវិហារ appeared first on Kampuchea Thmey Daily.