តាមរបាយការណ៍ពីសមត្ថកិច្ច បានឱ្យដឹងថា នៅវេលាម៉ោង ៩និង៥៥នាទីយប់ ថ្ងៃទី១១ ខែឧសភា ឆ្នាំ២០២៦ កម្លាំងមន្ទីរស្រាវជ្រាវ និងបង្ក្រាបបទល្មើស សហការជាមួយកម្លាំងមូលដ្ឋានកងរាជអាវុធហត្ថស្រុកព្រៃកប្បាស បានចុះបង្ក្រាបករណីគ្រឿងញៀននៅចំណុចភូមិផ្សារជ្រែ ឃុំអង្គាញ់ ស្រុកព្រៃកប្បាស។ ក្រោយការស៊ើបអង្កេត និងសាកសួរជនសង្ស័យ សមត្ថកិច្ចបានបន្តពន្លាតដែនប្រតិបត្តិការទៅដល់ខេត្តកណ្តាល។ លុះដល់វេលាម៉ោង ១១និង១០នាទីព្រឹក ថ្ងៃទី១២ ខែឧសភា ឆ្នាំ២០២៦ កម្លាំងជំនាញបានសហការជាមួយកម្លាំងកងរាជអាវុធហត្ថក្រុងសំពៅពូន និងស្ថិតក្រោមការសម្របសម្រួលនីតិវិធីពីលោក គុជ គីមឡុង ព្រះរាជអាជ្ញាអមសាលាដំបូងខេត្តកណ្តាល ចុះបង្ក្រាបជាក់ស្តែងនៅចំណុចចំការស្វាយ ស្ថិតក្នុងភូមិព្រែកសឹង សង្កាត់សំពៅពូន ក្រុងសំពៅពូន ខេត្តកណ្តាល។

ជាលទ្ធផល សមត្ថកិច្ចបានឃាត់ខ្លួនជនសង្ស័យសរុបចំនួន៥នាក់ រួមមាន៖១- ឈ្មោះ ស៊ាង លីវណ្ណា អាយុ៣៣ឆ្នាំ រស់នៅស្រុកអង្គរបូរី ខេត្តតាកែវ។ ២- ឈ្មោះ ធី ទីន អាយុ២២ឆ្នាំ រស់នៅស្រុកពាមជរ ខេត្តព្រៃវែង។ ៣- ឈ្មោះ គង់ សុជាតិ ហៅ កាក់ អាយុ២៩ឆ្នាំ រស់នៅស្រុកពាមជរ ខេត្តព្រៃវែង។ ៤- ឈ្មោះ ភី សុភាព ហៅ រី អាយុ៣៨ឆ្នាំ រស់នៅស្រុកមោងឫស្សី ខេត្តបាត់ដំបង។ និង៥- ឈ្មោះ ស ចាន់ អាយុ២៥ឆ្នាំ រស់នៅស្រុកស្វាយលើ ខេត្តសៀមរាប។

ក្នុងប្រតិបត្តិការនោះ សមត្ថកិច្ចបានដកហូតវត្ថុតាងមួយចំនួន រួមមាន ម្សៅក្រាមពណ៌សថ្លាសង្ស័យជាគ្រឿងញៀនចំនួន១៣កញ្ចប់ ទម្ងន់សរុប ៣៤៣.៨៩ក្រាម ជញ្ជីងថ្លឹងថ្នាំញៀន១គ្រឿង, ដាវដែក២ដើម, ទូរស័ព្ទដៃ៨គ្រឿង, ម៉ូតូ២គ្រឿង និងសម្ភារៈសម្រាប់វេចខ្ចប់គ្រឿងញៀនមួយចំនួនទៀត។

សមត្ថកិច្ចបានបញ្ជាក់ថា ប្រតិបត្តិការបង្ក្រាបបទល្មើសគ្រឿងញៀននៅក្នុងភូមិសាស្ត្រខេត្តតាកែវ កំពុងត្រូវបានអនុវត្តយ៉ាងសកម្ម និងជាបន្តបន្ទាប់ក្រោមការដឹកនាំផ្ទាល់ពីលោកឧត្តមសេនីយ៍ត្រី សេង មហា ដែលបានដាក់បទបញ្ជាឱ្យកម្លាំងជំនាញបន្តបោសសម្អាតមុខសញ្ញាជួញដូរ និងចែកចាយគ្រឿងញៀនឱ្យអស់ពីមូលដ្ឋាន ដើម្បីរក្សាសន្តិសុខ សុវត្ថិភាព និងសណ្តាប់ធ្នាប់សង្គមជូនប្រជាពលរដ្ឋ។ ជនសង្ស័យទាំង៥នាក់ រួមជាមួយវត្ថុតាង ត្រូវបានការិយាល័យជំនាញកងរាជអាវុធហត្ថខេត្តតាកែវ កសាងសំណុំរឿងបញ្ជូនទៅសាលាដំបូងខេត្តតាកែវ ដើម្បីចាត់ការតាមនីតិវិធីច្បាប់៕

អត្ថបទ៖ វីរៈ

The post អាវុធហត្ថខេត្តតាកែវ បន្តបង្ក្រាបមុខសញ្ញាគ្រឿង​ញៀន​៥នាក់ ដកហូតថ្នាំញៀន និងវត្ថុតាងមួយចំនួន appeared first on Kampuchea Thmey Daily.

ប្រតិបត្តិការល្បាតនេះ ត្រូវបានអនុវត្តនៅតាមគោលដៅសំខាន់ៗ រួមមាន ទីប្រជុំជន វត្តអារាម តំបន់លេងល្បែងប្រជាប្រិយខ្មែរ និងតាមរមណីយដ្ឋានទេសចរណ៍នានាទូទាំងខេត្ត ដើម្បីបង្កើនភាពកក់ក្តៅ និងទំនុកចិត្តជូនភ្ញៀវទេសចរ ក្នុងអំឡុងពេលបុណ្យប្រពៃណីជាតិដ៏សំខាន់នេះ។

សកម្មភាពការពារសន្តិសុខយ៉ាងតឹងរ៉ឹង និងការរៀបចំល្អប្រសើរនេះ បានរួមចំណែកធ្វើឲ្យពិធីបុណ្យចូលឆ្នាំថ្មីប្រពៃណីជាតិខ្មែរ នៅខេត្តតាកែវ ប្រព្រឹត្តទៅដោយរលូន សុវត្ថិភាព និងពោរពេញដោយបរិយាកាសសប្បាយរីករាយ។​

សូមបញ្ជាក់ថា យោងតាមរបាយការណ៍ផ្លូវការ ក្នុងព្រឹត្តិការណ៍ «តាកែវសង្ក្រាន្ត ២០២៦» រយៈពេល ៣ថ្ងៃនេះ មានភ្ញៀវទេសចរចូលរួមកម្សាន្តសរុបប្រមាណជាង ៩០ម៉ឺននាក់ ក្នុងនោះភ្ញៀវទេសចរបរទេសមានចំនួន ៧,៣១៦នាក់ ដែលបង្ហាញពីការកើនឡើងនៃការចាប់អារម្មណ៍លើវិស័យទេសចរណ៍ក្នុងខេត្តតាកែវ៕

អត្ថបទ៖ វីរៈ

The post អាវុធហត្ថខេត្តតាកែវ ល្បាតរក្សាសន្តិសុខយ៉ាងតឹងរ៉ឹង ក្នុងអំឡុងពេលបុណ្យចូលឆ្នាំថ្មី appeared first on Kampuchea Thmey Daily.

តាមរបាយការណ៍របស់មូលដ្ឋានកងរាជអាវុធហត្ថខេត្តតាកែវ ប្រតិបត្តិការបង្ក្រាបនេះធ្វើឡើងកាលពីថ្ងៃទី៣១ ខែធ្នូ ឆ្នាំ២០២៥ នៅពីរគោលដៅផ្សេងគ្នា ទី១ នៅចំណុចផ្ទះសំណាក់យីហោរ លីហ៊ួរ ស្ថិតនៅភូមិស្នោ សង្កាត់រកាក្នុង ក្រុងដូនកែវ ខេត្តតាកែវ និងគោលដៅទី២នៅចំណុចក្នុងផ្ទះសំណាក់យីហោរ ប៉ារ៉ាឌី ស្ថិតនៅភូមិថ្នល់បំបែក សង្កាត់ចោមចៅបី ខណ្ឌពោធិ៍សែនជ័យ រាជធានីភ្នំពេញ។

ក្នុងប្រតិបត្តិការបង្ក្រាប កម្លាំងជំនាញបានរកឃើញវត្ថុតាង ម្សៅក្រាមពណ៌សថ្លា ចំនួន ០៧កញ្ចប់(ធំ៣) ទម្ងន់ ៣២៥.៤៤ក្រាម (ថ្លឹងទាំងសំបកថង់) ជញ្ជីងថ្លឹងថ្នាំញៀនចំនួន ០១គ្រឿង ម៉ូតូចំនួន ០៤គ្រឿង ទូរស័ព្ទ ចំនួន១២គ្រឿង និងថង់វេចខ្ចប់ថ្នាំញៀនមួយចំនួន។ ជនសង្ស័យ រួមទាំងវត្ថុតាង ត្រូវបានកម្លាំងការិយាល័យជំនាញ កំពុងកសាងសំណុំរឿងបញ្ជូនទៅសាលាដំបូងខេត្តតាកែវ ដើម្បីចាត់ការវិធានការតាមនីតិវិធីច្បាប់៕

The post អាវុធហត្ថខេត្តតាកែវសហការជាមួយអាវុធហត្ថលើផ្ទៃប្រទេស ស្រាវជ្រាវបង្ក្រាបក្រុមគ្រឿងញៀន​១១នាក់ រឹបអូសថ្នាំញៀន និងសម្ភារៈមួយចំនួន appeared first on Kampuchea Thmey Daily.

តាមការបញ្ជាក់ពីឧត្តមសេនីយ៍ត្រី សេង មហា​ បញ្ជាការដ្ឋានបច្ចុប្បន្នមានលក្ខណៈតូចចង្អៀតពិបាកទុកដាក់សម្ភារៈ មធ្យោបាយគ្រឿងបំពាក់កងកម្លាំង​ ដូចនេះហេីយទេីបលោកស្នេីទៅថ្នាក់ដឹកនាំដេីម្បីផ្លាស់ប្តូរទីតាំងទៅកន្លែងធំទូលាយដែលមានចម្ងាយប្រមាណ៣គីឡូម៉ែត្រពីទីតាំងចាស់។ 

លោកបញ្ជាក់ទៀតថា​ បញ្ជាការដ្ឋានថ្មីនេះ​ នឹងចាប់ផ្តេីមបុកគ្រឹះសាងសងនៅថ្ងៃទី៧​ ខែកុម្ភៈ​ ឆ្នាំ២០២៥​ ខាងមុខនេះ​ ដែលមានទីតាំងនៅភូមិត្រពាំងអង្គ​ សង្កាត់ក្រៅ​ ក្រុងដូនកែវ​ ខេត្តតាកែវ៕

​អត្ថបទ៖ វីរៈ

The post អាវុធហត្ថខេត្តតាកែវ គ្រោងសាងសង់អគារបញ្ជាការ​ដ្ឋានថ្មី​ ដើម្បីបំពេញតម្រូវការការងារ appeared first on Kampuchea Thmey Daily.

ការលើកឡើងរបស់មេបញ្ជាការកងរាជអាវុធហត្ថខេត្តតាកែវនេះ បានធ្វើឡើងកាលពីរសៀលថ្ងៃទី២ ខែមករា ឆ្នាំ២០២៥ ក្នុងពិធីប្រកាសចូលកាន់មុខតំណែង មេបញ្ជាការមូលដ្ឋាន កងរាជអាវុធហត្ថស្រុកអង្គរបូរី ថ្មី ដោយលោកវរសេនីយ៍ត្រី ស៊ូ ពិសិដ្ឋ ជំនួសលោកវរសេនីយ៍ឯក ម៉ៅ ញឹម ដែលត្រូវបានចូលនិវត្តន៍។

លោកឧត្តមសេនីយ៍ត្រី សេង មហា បានសង្កត់ធ្ងន់ថា សមត្ថកិច្ចកងរាជអាវុធហត្ថ ត្រូវតែចូលរួមធ្វើសកម្មភាពឱ្យបានខ្លាំងក្លាក្នុងការបង្រ្កាបក្រុមចោរលួច ចោរប្លន់ ក្រុមអ្នកប្រើប្រាស់ ចែកចាយគ្រឿងញៀន បង្រ្កាបល្បែងស៊ីសងខុសច្បាប់គ្រប់ប្រភេទ ដែលល្បែងនេះនាំឱ្យមានបញ្ហាអសន្តិសុខក្នុងសង្គម។ តាមរយៈសកម្មភាពរបស់កងរាជអាវុធហត្ថ វានឹងនាំឱ្យភូមិឃុំរបស់ប្រជាពលរដ្ឋក្លាយជាភូមិឃុំមានសុវត្ថិភាព គ្មានបងតូចបងធំ គ្មានការប្រើប្រាស់គ្រឿងញៀន ជាពិសេស វានឹងនាំឱ្យប្រជាពលរដ្ឋនៅតាមមូលដ្ឋាន គ្មានការព្រួយបារម្ភរឿងអសន្តិសុខសុវត្ថិភាពនោះទេ។

លោកមេបញ្ជាការក៏បានណែនាំដល់មន្រ្តីអាវុធហត្ថទាំងអស់ ត្រូវធ្វើយ៉ាងណាកុំយកខ្លួនទៅពាក់ព័ន្ធនឹងអំពើខុសច្បាប់ឱ្យសោះ ដូចជាទៅកាងឱ្យអ្នករកស៊ីបើកល្បែងខុសច្បាប់ ឬអ្នករកស៊ីគ្រឿងញៀន ដែលទង្វើទាំងអស់នេះជាទង្វើខុសច្បាប់ ហើយប្រសិនបើមានមន្រ្តីណាម្នាក់ប្រព្រឹត្តខុសច្បាប់ ត្រូវតែទទួលខុសត្រូវចំពោះមុខច្បាប់ដោយគ្មានការលើកលែងនោះទេ៕

​អត្ថបទ៖ វីរៈ

The post មេបញ្ជាការអាវុធហត្ថខេត្តតាកែវ ណែនាំមន្រ្តីក្រោមឱវាទកុំយកខ្លួនទៅពាក់ព័ន្ធបទល្មើសគ្រប់ប្រភេទ appeared first on Kampuchea Thmey Daily.

យោងតាមរបាយការណ៍របស់កងរាជអាវុធហត្ថខេត្តតាកែវ ប្រតិបត្តិការនេះបានឃាត់ខ្លួនជនសង្ស័យម្នាក់ឈ្មោះ ឆែម ជាតិ ភេទប្រុសអាយុ៣៨ឆ្នាំ ជនជាតិខ្មែរ រស់នៅភូមិសង្កែ ឃុំត្រពាំងសាប ស្រុកបាទី ខេត្តតាកែវ។ ចំណែកឈ្មោះ ស សុងឃៀង ភេទប្រុស អាយុ២៩ឆ្នាំ រស់នៅភូមិខ្សាច់លុប ឃុំត្រពាំងសាប ស្រុកបាទី ខេត្តតាកែវ ជាមេខ្លោងជួញដូរគ្រឿងញៀន កំពុងរត់គេចខ្លួន។

របាយការណ៍បញ្ជាក់ថា ក្នុងប្រតិបត្តិការនេះកម្លាំងបានរកឃើញថ្នាំញៀនសរុបជិត៤គីឡូក្រាមដែលជនសង្ស័យជីកកប់ក្រោមដី និងលាក់ទុកក្នុងធុងបាស់ ក្នុងរោងស័ង្កី នៅទីតាំងខាងលើ រួមតាំងសម្ភារមួយចំនួន។

ជនសង្ស័យដែលឃាត់ខ្លួន ត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្តតាកែវ ដើម្បីអនុវត្តវិធានការច្បាប់ ចំណែក មេខ្លោងដែលកំពុងរត់គេចខ្លួន កម្លាំងកំពុងស្រាវជ្រាវបន្ត៕

អត្ថបទ៖ សុខុម

The post អាវុធហត្ថខេត្តតាកែវ ឃាត់ខ្លួនជនសង្ស័យម្នាក់​រឹបអូសថ្នាំញៀនជិត៤គីឡូក្រាម appeared first on Kampuchea Thmey Daily.