លោកស្រី បាន ស្រីមុំ មានប្រសាសន៍នាំមកនូវការផ្ដាំផ្ញើសួរសុខទុក្ខពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែល សម្តេច តែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។ ក្នុងនោះ លោកស្រី ក៏បានសម្តែងនូវការសោកស្ដាយចំពោះការខូចខាតបាត់បង់ផ្ទះសម្បែង ទ្រព្យសម្បត្តិ ដោយគ្រោះមហន្តរាយ និងលើកទឹកចិត្តដល់ប្រជាពលរដ្ឋរងគ្រោះ សូមកុំអស់សង្ឃឹម ត្រូវខិតខំប្រឹងប្រែងប្រកបមុខរបររកស៊ី ដើម្បីអភិវឌ្ឍន៍សេដ្ឋកិច្ចគ្រួសារទៅថ្ងៃខាងមុខបន្តទៀត។

លោកស្រី លើកឡើងថា គ្រោះថ្នាក់ធម្មជាតិ គឺតែងតែកើតមានឡើងជាយថាហេតុ ជាក់ស្តែងកាលពីរសៀលថ្ងៃទី ២០ ខែមេសា ឆ្នាំ ២០២៦ មានភ្លៀងធ្លាក់ លាយឡំនឹងខ្យល់កន្ត្រាក់ បណ្តាលឱ្យលំនៅឋានរបស់ប្រជាពលរដ្ឋរលំទាំងស្រុង ចំនួន ១២ ខ្នង (ស្មើនឹង ១២ គ្រួសារ) , របើកដំបូលផ្ទះ ចំនួន ៧៥ ខ្នង (ស្មើនឹង ៧៥ គ្រួសារ) ​នៅឃុំស្ទឹងត្រង់ ស្រុកសាលាក្រៅ ប៉ុន្តែមិនប៉ះពាល់ដល់អាយុជីវិតមនុស្ស និងសត្វ នោះទេ ដូច្នេះសូមមានការប្រុងប្រយ័ត្នខ្ពស់។ បន្ថែមនោះ បើមានបញ្ហាអ្វីកើតឡើងក្នុងមូលដ្ឋានរបស់ប្រជាពលរដ្ឋរស់នៅ សូមប្រញាប់រាយការណ៍ទៅកាន់អាជ្ញាធរមូលដ្ឋានដែលនៅជិតបំផុតឱ្យបានលឿន ដើម្បីក្រុមការងារចុះជួយអន្តរាគមន៍ និងផ្តល់អំណោយសង្គ្រោះបន្ទាន់ បានទាន់ពេលវេលាក្នុងការចូលរួមសម្រាលការខ្វះខាតនានាជាបណ្តោះអាសន្ន។

ជាមួយនេះ លោកស្រី បាន ស្រីមុំ ក៏បានក្រើនរំលឹកដល់ប្រជាពលរដ្ឋទាំងអស់ ត្រូវបង្កើនការប្រុងប្រយ័ត្នខ្ពស់ ដើម្បីធានាបាននូវសុវត្ថិភាពផ្ទាល់ខ្លួន និងសេចក្តីសុខក្រុមគ្រួសារទាំងមូល ដែលងាយបង្កការគ្រោះថ្នាក់កើតឡើង និងសូមលើកទឹកចិត្តពលរដ្ឋ កុំឱ្យមានការអស់សង្ឃឹម ត្រូវខិតខំប្រឹងប្រែងប្រកបមុខរបររកស៊ី ដើម្បីអភិវឌ្ឍន៍សេដ្ឋកិច្ចគ្រួសារទៅថ្ងៃខាងមុខបន្តទៀត ហើយបើទោះបីជាអំណោយទាំងនេះ មិនអាចដោះស្រាយក្នុងជីវភាពរបស់ពួកគាត់បានយូរអង្វែងក្តី តែក៏អាចដោះស្រាយបានមួយរយៈផងដែរ ជាពិសេសត្រូវយកចិត្តទុកដាក់ថែទាំសុខភាព និងមានការប្រុងប្រយ័ត្នខ្ពស់ចំពោះគ្រោះធម្មជាតិនានា។

គួរជម្រាបថា អំណោយសង្គ្រោះបន្ទាន់ដែលផ្តល់ជូនប្រជាពលរដ្ឋរងគ្រោះដោយសារខ្យល់កន្ត្រាក់ រួមមាន ៖ អង្ករ ៥០ គីឡូក្រាម , តង់កៅស៊ូ ២ (4x6m និង2x3m) , ឃីត ១ កញ្ចប់ (ទឹកត្រី និងទឹកស៊ីអ៊ីវ , ត្រី ខ , កន្ទេល មុង ភួយ , ឆ្នាំងបាយ ឆ្នាំងខ្ទះ ចានបាយ វែកបាយ វែកសម្ល ,ទឹកសុទ្ធ) និងថវិកាចំនួន ៥០ ម៉ឺនរៀល៕
អត្ថបទ ៖ សេង សុវណ្ណារិទ្ធ

The post ពលរដ្ឋរងគ្រោះដោយខ្យល់កន្ត្រាក់ជិត ៩០ គ្រួសារ ក្នុងឃុំស្ទឹងត្រង់ ទទួលអំណោយសង្គ្រោះបន្ទាន់សាខាកាកបាទក្រហមកម្ពុជាខេត្តប៉ៃលិន appeared first on Kampuchea Thmey Daily.

លោក វ៉ាង វិនពីន បញ្ជាក់ថា ចិន និងកម្ពុជា គឺជាមិត្តដែកថែប នៅជាមួយគ្នាជាយូរណាស់មកហេីយ ហេីយចិននឹងបន្តសហការក្នុងការចូលរួមគាំទ្រដោះបញ្ហាព្រំដែនរវាងប្រទេសកម្ពុជា-ថៃ ដោយសន្តិវិធី។ លោក វ៉ាង វិនពីន (Wang Wenbin) បង្ហាញនូវការជឿជាក់បែបនេះ ក្នុងឱកាសនាំយកអំណោយមនុស្សធម៌ ជូនដល់បងប្អូនជនភៀសសឹក ដែលកំពុងស្នាក់នៅជម្រកបណ្តោះអាសន្នផ្ទះអតីតយុទ្ធជន នៅភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទាយមានជ័យ នាថ្ងៃទី១២ ខែមេសា ឆ្នាំ២០២៦។

ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ លោក វ៉ាង វិនពីន (Wang Wenbin) ក៏បានធ្វើការជូនពរទៅដល់ថ្នាក់ដឹកនាំ ក៏ដូចជាប្រជាជនកម្ពុជា ពិសេសបងប្អូនជនភៀសសឹកក្នុងឱកាសឆ្នាំថ្មី សូមមានសុភមង្គល គ្រប់ក្រុមគ្រួសារ និងឆាប់បានវិ់លត្រឡប់ទៅលំនៅឋានវិញ។

ប្រទេសចិន គឺជាប្រទេសដំបូងគេដែលបានផ្តល់អំណោយជូនដល់ជនភៀសសឹក តាមបន្ទាត់ព្រំដែនកម្ពុជា-ថៃ ពិសេសនៅក្នុងខេត្តបន្ទាយមានជ័យ ដែរនេះគឺជាការចូលរួមចំណែកលើកកម្ពស់ជីវភាពប្រចាំថ្ងៃរបស់ប្រជាពលរដ្ឋ ពិសេសប្រជាពលរដ្ឋភៀសសឹក ក្នុងខេត្ត ដែលបានរងផលប៉ះពាល់ដោយសារសង្គ្រាមឈ្លានពាន ពីសំណាក់យោធាថៃ បានដាក់កុងតឺន័រ និងរាយបន្លាលួសហ៊ុំព័ទ្ធ បន្តគ្រប់គ្រងទាំងកម្រោល ក្នុងដែនអធិបតេយ្យភាពរបស់កម្ពុជា ដោយបានបំផ្លិតបំផ្លាញហេដ្ឋារចនាសម្ព័ន្ធ ផ្ទះប្រជាពលរដ្ឋចំនួនជាង២ពាន់ខ្នងត្រូវបានយោធាថៃបំផ្លាញចោល៕

អត្ថបទ៖ អ ពៅ

The post ទូតចិនប្រចាំកម្ពុជា ជឿជាក់លើការដឹកនាំរបស់ប្រមុខរាជរដ្ឋាភិបាលកម្ពុជា ក្នុងការដោះស្រាយបញ្ហាតាមព្រំដែន appeared first on Kampuchea Thmey Daily.

ក្នុងនោះ រដ្ឋបាលខេត្តសៀមរាប ថវិកាចំនួន ១០,០០០ដុល្លារ ដឹកនាំដោយផ្ទាល់ពី លោក ប៉េង ពោធិ៍ សា អភិបាលខេត្តស្វាយរៀង ប្រគល់ជូនដល់លោក ប្រាក់ សោភ័ណ្ឌ អភិបាលខេត្តសៀមរាប ដើម្បីចាត់ចែងបន្តទៅដល់កងទ័ពជួរមុខ និងប្រជាពលរដ្ឋភៀសសឹក។

រដ្ឋបាលខេត្តបន្ទាយមានជ័យ ថវិកាចំនួន ១០,០០០ដុល្លារ ដឹកនាំប្រគល់ដោយដោយផ្ទាល់ពី លោក សុខ រស់ អភិបាលរងខេត្ត តំណាងលោក ប៉េង ពោធិ៍សា អភិបាលខេត្ត ជូនដល់លោក អ៊ុ រាត្រី អភិបាលខេត្តបន្ទាយមានជ័យដើម្បីចាត់ចែងបន្តទៅដល់កងទ័ពជួរមុខ និងប្រជាពលរដ្ឋភៀសសឹក។

រដ្ឋបាលខេត្តឧត្តរមានជ័យ ថវិកាចំនួន ១០,០០០ដុល្លារ ដឹកនាំប្រគល់ដោយផ្ទាល់ពី លោកស្រី យក់ ស៉ីណាត អភិបាលរងខេត្ត តំណាងលោក ប៉េង ពោធិ៍ សា អភិបាលខេត្ត ជូនដល់លោក អ៊ុន សុភ័ក្រ អភិបាលរងខេត្តឧត្តមមានជ័យ ដើម្បីឱ្យថ្នាក់ដឹកនាំខេត្តចាត់ចែងបន្តទៅដល់កងទ័ពជួរមុខ និងប្រជាពលរដ្ឋភៀសសឹក។

ដោយឡែក ​នៅថ្ងៃទី២ ខែមេសា ឆ្នាំ២០២៦ លោក ប៉េង ពោធិ៍សា អភិបាលខេត្តស្វាយរៀង បានដឹកនាំប្រតិភូខេត្តបន្តចុះសួរសុខទុក្ខប្រជាពលរដ្ឋភៀសសឹក ដែលរស់នៅក្នុងជុំរុំនៃខេត្តព្រះវិហារ និងបានទទួលការស្វាគមន៍យ៉ាងកក់ក្តៅពីសំណាក់លោក គីម រឹទ្ធី អភិបាលខេត្តព្រះវិហារផងដែរ។  

មានប្រសាសន៍នៅក្នុងឱកាសនោះ លោកអភិបាលខេត្ត បានពាំនាំនូវប្រសាសន៍ផ្តាំផ្ញើសាកសួរសុខទុក្ខ និងការគិតគូរយ៉ាងជ្រាលជ្រៅពីសំណាក់សម្ដេចធិបតី នាយករដ្ឋមន្ត្រី ចំពោះសុខទុក្ខ និងការរស់នៅរបស់ប្រជាពលរដ្ឋក្នុងមណ្ឌលសុវត្ថិភាពក្នុងស្មារតីសាមគ្គីភាព និងការចែករំលែក ដើម្បីជួយសម្រាលការលំបាកក្នុងកាលៈទេសៈនេះ។

លោកក៏បានថ្លែងអំណរគុណយ៉ាងជ្រាលជ្រៅចំពោះទឹកចិត្ត ថ្នាក់ដឹកនាំ មន្ត្រីរាជការ ក្រុមហ៊ុន ព្រមទាំងបងប្អូន ប្រជាពលរដ្ឋ និងសប្បុរសជនគ្រប់មជ្ឈដ្ឋាន ដែលបានចូលរួមចែករំលែកធនធានទៅតាមលទ្ធលភាពរៀងៗខ្លួន តាមរយៈរដ្ឋបាលខេត្តស្វាយរៀងដើម្បីឧបត្ថម្ភដល់វីរកងទ័ពជួរមុខ និងក្រុមគ្រួសារប្រជាពលរដ្ឋដែលកំពុងជម្លៀសចេញពីផ្ទះសម្បែងមករកទីកន្លែងសុវត្ថិភាព ដែលនេះពិតជាបានបង្ហាញពីការសាមគ្គីភាពជាធ្លុងមួយ ក្នុងនាមខ្មែររួមឈាមជ័រតែមួយ។

អំណោយ និងថវិកាដែលត្រូវឧបត្ថម្ភក្នុងឱកាសនោះដែររួមមាន៖

– ឧបត្ថម្ភជូនរដ្ឋបាលខេត្តព្រះវិហារ ថវិកាចំនួន ១០,០០០ដុល្លារ ,ម៉ូតូចំនួន ៥គ្រឿង និងគ្រឿងឧបភោគបរិភោគ ព្រមទាំងសម្ភារៈប្រើប្រាស់មួយចំនួនទៀត។

– ឧបត្ថម្ភជូនសឹករងខេត្តព្រះវិហារ ថវិកាចំនួន ១០,០០០ដុល្លារ, ម៉ូតូចំនួន ២៨គ្រឿង និងគ្រឿងឧបភោគបរិភោគ ព្រមទាំងសម្ភារៈប្រើប្រាស់មួយចំនួនទៀត។

– ឧបត្ថម្ភជូនដល់ប្រជាពលរដ្ឋក្នុងជំរុំភៀសសឹកទាំង ៣ជុំរុំ ក្នុងខេត្តព្រះវិហារ ចំនួន ១,៤៩៧គ្រួសារ ក្នុងមួយគ្រួសារ គ្រឿងឧបភោគបរិភោគ និងថវិកា ៥០,០០០ រៀលផងដែរ៕

ដោយ៖ ភក្ដី

The post ថ្នាក់ដឹកនាំខេត្តស្វាយរៀង នាំយកអំណោយសប្បុរសជន ជូនរដ្ឋបាលខេត្តចំនួន៤ ដើម្បីចែកដល់វីរកងទ័ព និងពលរដ្ឋភៀសសឹក appeared first on Kampuchea Thmey Daily.

ក្នុងការចែកជូននេះ បានផ្តល់ជូនដល់ក្រុមគ្រួសារកងទ័ពចំនួន ១៦ គ្រួសារ វីរកងទ័ព ៦៣ នាក់ និងសិស្សានុសិស្សជាកូនៗ របស់កងទ័ព ចំនួន ១៦ នាក់ ដើម្បីជួយសម្រាលបន្ទុកជីវភាព និងលើកទឹកចិត្តដល់កងកម្លាំងជួរមុខ។

ក្នុងឱកាសនោះផងដែរ លោក ហៃ វណ្ណា បានពាំនាំការសាកសួរសុខទុក្ខពី សម្ដេចតេជោ ហ៊ុន សែន ជូនដល់ក្រុមគ្រួសារកងទ័ព និងសិស្សានុសិស្ស ដោយបញ្ជាក់ពីការយកចិត្តទុកដាក់ និងការគាំទ្រយ៉ាងជ្រាលជ្រៅពីសំណាក់ថ្នាក់ដឹកនាំ ចំពោះកងទ័ពជួរមុខ និងគ្រួសាររបស់ពួកគាត់។

លោក ហៃ វណ្ណា បញ្ជាក់ថា សន្តិភាព និងស្ថិរភាពដែលប្រទេសជាតិទទួលបានសព្វថ្ងៃ គឺកើតចេញពីការខិតខំប្រឹងប្រែង និងការលះបង់យ៉ាងអស្ចារ្យរបស់វីរកងទ័ព ក្នុងការការពារអធិបតេយ្យភាព និងបូរណភាពទឹកដីកម្ពុជា។

ជាមួយគ្នានេះ លោកក៏បានថ្លែងអំណរគុណយ៉ាងជ្រាលជ្រៅចំពោះ លោកវីរសេនីយ៍ឯក ម៉ៅ សុវណ្ណ បញ្ជាការរង និងជានាយសេនាធិការ តំបន់ប្រតិបត្តិការសឹករងព្រះវិហារ តំណាង លោកឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់ប្រតិបត្តិការសឹករងព្រះវិហារ និងក្រុមការងារ ដែលបានជួយសម្របសម្រួល និងគាំទ្រការអនុវត្តបេសកកម្មនេះឲ្យប្រព្រឹត្តទៅដោយជោគជ័យ។

ជាចុងក្រោយ លោកបានថ្លែងអំណរគុណដល់សប្បុរសជនទាំងក្នុង និងក្រៅប្រទេស ដែលបានចូលរួមឧបត្ថម្ភធនធាន និងសម្ភារៈផ្សេងៗ តាមរយៈសមាគម ដើម្បីរួមចំណែកគាំទ្រដល់កងទ័ព និងសហគមន៍នៅតំបន់ជួរមុខ៕

The post ទីប្រឹក្សាសម្ដេចតេជោ ដឹកនាំក្រុមការងារមកពីជប៉ុន នាំយកអំណោយចែកជូនក្រុមគ្រួសារកងទ័ព និងវីរកងទ័ព នៅតំបន់ប្រតិបត្តិការខេត្តព្រះវិហារ appeared first on Kampuchea Thmey Daily.

អំណោយរបស់ឧត្តមសេនីយ៍ឯក ឌី វិជ្ជា និងលោកជំទាវ ហ៊ុន ម៉ាណា ត្រូវបានលោកឧត្តមសេនីយ៍ទោ ហួត សុធី ស្នងការនគរបាលខេត្តខេត្តសៀមរាប ដឹកជញ្ជូនយកទៅប្រគល់ជូនដល់ដៃកងទ័ពជួរមុខ។ អំណោយទាំងនោះ រួមមាន អង្ករ ៥០ការុង ទឹកបរិសុទ្ធចំនួន ៣០០កេស ភេសជ្ជៈ ៥កេស ធុងទឹកចំនួន១០ ចំណុះ ២០០០លីត្រ ដុំសម្រាប់ប្រើប្រាស់អ៊ីនធឺណិតចំនួន១ និងវិទ្យុទាក់ទងចំនួន១ផងដែរ។

ក្នុងនោះឱកាសនោះដែរ តំណាងកងទ័ពជួរមុខ បានថ្លែងអំណរគុណជ្រាលជ្រៅចំពោះទឹកចិត្តរបស់ឧត្តមសេនីយ៍ឯក ឌី វិជ្ជា និងលោកជំទាវ ហ៊ុន ម៉ាណា ដែលតែងតែងនឹករលឹកដល់សុខទុក្ខរបស់កងទ័ព ក៏ដូចជាកងនគរបាលនៅតាមបន្ទាត់ព្រំដែន ហើយបានផ្តល់អំណោយជាពិសេសទឹកបរិសុទ្ធ ដើម្បីបំពេញការប្រើប្រាស់របស់កងទ័ពនៅក្នុងរដូវក្តៅនេះផងដែរ៕

ដោយ៖ ជុន កុសល

The post អំណោយរបស់ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ត្រូវបាននាំយកទៅប្រគល់ជូនកងទ័ពជួរមុខទិសខេត្តព្រះវិហារ appeared first on Kampuchea Thmey Daily.

ក្នុងឱកាសនោះ  លោកឧត្ដមសេនីយ៍ឯក បាននាំនូវប្រសាសន៍ផ្ដាំផ្ញើសាកសួរសុខទុក្ខដោយក្តីនឹករលឹកពី សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលជានិច្ចជាកាលលោកតែងតែគិតគូរយកចិត្តទុកដាក់ចំពោះជីវភាព និងការរស់នៅរបស់បងប្អូនប្រជាពលរដ្ឋ ពិសេសបងប្អូនប្រជាពលរដ្ឋភៀសសឹកទាំងអស់ ។

លោកមានប្រសាសន៍ថា ការចែករទេះរុញដល់ជនពិការភាព គឺជាសកម្មភាពឆ្លុះបញ្ចាំងពីស្មារតីអាណិត ស្រឡាញ់ និងការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ចំពោះពលរដ្ឋដែលជួបការលំបាកហើយក៏ជាសកម្មភាពមនុស្សធម៌ដ៏សំខាន់ ដែលជួយសម្រាលបន្ទុក និងលើកកម្ពស់គុណភាពជីវិត។ តាមរយៈការផ្ដល់រទេះនេះ គឺជាការសម្រាលការលំបាក សម្រួលដល់ការធ្វើដំណើរ និងបង្ហាញពីការយកចិត្តទុកដាក់ចំពោះសុខុមាលភាពប្រជាពលរដ្ឋ។

ចំណែក លោក ឌី រ៉ាដូ អភិបាលរងខេត្ត បានគោរពថ្លែងអំណរគុណយ៉ាងជ្រាលជ្រៅដល់សម្តេចបវរធិបតី និងលោកជំទាវបណ្ឌិត និងក្រុមការងារ ដែលបាននាំអំណោយមកចែកជូនប្រជាពលរដ្ឋភៀសសឹកមានពិការភាពស្នាក់នៅក្នុងខេត្តសៀមរាប នាពេលនេះ។ លោកថា អំណោយដែលនាំមកចែកជូនប្រជាពលរដ្ឋភៀសសឹកនាពេលនេះ បានបង្ហាញពីការយកចិត្តទុកដាក់យ៉ាងខ្លាំងរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ចំពោះសុខុមាលភាព និងជីវភាពរស់នៅរបស់ប្រជាពលរដ្ឋ ជាពិសេសការចែករទេះរុញ បានធ្វើឱ្យបងប្អូនជនពិការលោកមានការសប្បាយចិត្តយ៉ាងខ្លាំង ដោយសារងាយស្រួលក្នុងការធ្វើដំណើររបស់ពួកគាត់។

ក្រៅពីអំណោយជារទេះរុញ ក្រុមការងារក៏បាននាំយកអំណោយមួយចំនួន ដោយក្នុងម្នាក់ទទួលបានរទេះរុញ ១គ្រឿង, ថ្នាំប៉ារ៉ាសេតាមុល ១ប្រអប់, សាប៊ូ ១ដុំ, ទឹកដោះគោខាប់ ១កំប៉ុង និងថវិកា ៥ម៉ឺនរៀល។ ក្នុងឱកាសនោះដែរ  លោកឧត្ដមសេនីយ៍ឯក និងក្រុមការងារ ក៏បានប្រគល់ម៉ូតូចំនួន ២គ្រឿង ដែលអំណោយរបស់សប្បុរសជននៅរាជធានីភ្នំពេញ ផ្តល់តាមរយៈ លោកប្រគល់ជូនដល់វីរកងទ័ពនៅឈរជើងនៅប្រាសាទតាក្របី និងប្រាសាទព្រះវិហារ ២គ្រឿង សម្រាប់ធ្វើដំណើរបំពេញការងារផងដែរ៕

ដោយ៖ គឿន វេត

The post ជនភៀសសឹកមានពិការភាពស្នាក់នៅក្នុងខេត្តសៀមរាប ទទួលបានរទេះរុញពី សម្តេចធិបតី និងលោកជំទាវ appeared first on Kampuchea Thmey Daily.

តំណាង​ឱ្យ​សប្បុរសធម៌​ដែល​បាន​ឧបត្ថម្ភ​ទាំង​ថវិកា និង​ស្បៀងអាហារ លោកស្រី ខៃ ចិន្តា ប្រធាន​សមាគម​អភិរក្ស​ដំរី​ខ្មែរ អៃ​រាវ​ត្តា បាន​នាំ​យក​អង្ករ និង​គ្រឿង​ឧបភោគ​បរិភោគ​សរុប​ប្រមាណ ១១ តោន ដើម្បី​ចែក​ជូន​ដល់​កងទ័ព​កម្ពុជា​នៅ​ជួរមុខ ជនភៀសសឹក​ក្នុង​ជំរំ និង​ប្រជាពលរដ្ឋ​ដែល​នៅតែ​អត់ធ្មត់​រស់នៅ​ក្នុង​ភូមិ​កំណើត ដោយ​មិន​បាន​រត់ចេញ​ពី​លំនៅឋាន ក្នុង​អំឡុង​ពេល​មាន​ការ​វាយ​ប្រហារ​ពី​ចោរ​សៀម​ឈ្លានពាន កាលពី​ខែ​ធ្នូ កន្លងទៅ។

នេះ​ជា​លើក​ទី ៣ ហើយ ដែល​លោកស្រី ខៃ ចិន្តា បាន​ចុះទៅ​ចែក​អំណោយ​ដោយ​ផ្ទាល់​នៅ​តំបន់​នេះ។ ក្នុង​ដំណើរ​នោះ លោកស្រី​មាន​ស្វាមី និង​កូនៗ អម​ដំណើរ រួម​ជាមួយ​ប្រធាន​សមាគម Urgence Humanitaire សប្បុរសធម៌​បន្ទាន់ ក្រុមការងារ​តំណាង​ម្ចាស់​ជំនួយ និង​សប្បុរសជន​ផ្សេងៗ​។ អំណោយ​ដែល​បាន​ចែក​ជូន រួមមាន ថ្នាំពេទ្យ អង្ករ មី អំបិល ស្ករស ខ្ទឹមស ឆៃប៉ូវ ត្រី​ប្រឡាក់ ទឹកស៊ីអ៊ីវ ទឹកត្រី ត្រីខ សៀង​ឆា សាប៊ូ នំ​ស្ករ​គ្រាប់ បារី ថ្នាំ​ប៉ូវ និង​អាហារ​សម្រាប់​ទាហាន ទឹក​សុទ្ធ សម្លៀក​បំពាក់​កុមារ និង​សម្ភារៈ​សិក្សា ជាច្រើន​ប្រភេទ​ទៀត។

ថ្វីត្បិតតែ​អំណោយ​ទាំងនេះ មិនអាច​ប្រៀបធៀប​ទៅ​នឹង​តម្រូវការ​ពិត​ប្រាកដ​របស់​ជនភៀសសឹក និង​កងទ័ព​កម្ពុជា​នៅ​ជួរមុខ​បាន​ទាំងស្រុង​ក្តី ប៉ុន្តែ​ទឹកចិត្ត​សប្បុរស និង​ក្តី​ស្រឡាញ់​ដែល​ផ្តល់ជូន គឺ​មាន​តម្លៃ​យ៉ាង​ធំធេង មិន​អាច​វាស់វែង​បាន។

គួរ​រំលឹក​ថា កាលពី​ចុងខែ​ធ្នូ​ កន្លងទៅ សមាគម​អៃ​រាវ​ត្តា ក៏បាន​ឧបត្ថម្ភ​ថវិកា​ចំនួន ៥,០០០ ដុល្លារ​អាមេរិក ដើម្បី​ជួយ​គាំទ្រ​ដល់​សមរភូមិ​មុខ និង​ជនភៀសសឹក នៅ​វិមាន ៧ មករា ផង​ដែរ​។

សមាគម​អៃ​រាវ​ត្តា បាន​បញ្ជាក់​ថា ក្រៅពី​បេសកកម្ម​អភិរក្ស​សត្វ​ដំរី ដែល​ជា​សត្វ​កម្រ សមាគម ​ក៏​ចូលរួម​សកម្ម​ក្នុង​ការងារ​សប្បុរសធម៌​សង្គម​ផង​ដែរ។ ទោះជា​ប្រឈម​នឹង​ការ​លំបាក​ផ្នែក​ហិរញ្ញវត្ថុ​ក៏​ដោយ សមាគម​ នៅតែ​បន្ត​ខិតខំ​ស្វែងរក​ជំនួយ ដើម្បី​គាំទ្រ​កងទ័ព​កម្ពុជា ដែល​ជា​វីរជន​ដ៏​ក្លាហាន បាន​បូជា​ជីវិត​ការពារ​បូរណភាព​ទឹកដី​ជាតិ។

ជាមួយ​គ្នា​នេះ សមាគម​អៃ​រាវ​ត្តា ក៏បាន​អំពាវនាវ និង​សូម​ស្វាគមន៍​ដល់​សប្បុរសជន​ទាំងអស់ ដែល​មាន​បំណង​ចូលរួម​ជួយ​ឧបត្ថម្ភ និង​រួម​ដៃ​ជាមួយ​សមាគម ក្នុង​ការងារ​មនុស្សធម៌​ នា​ពេល​បន្ត​ទៀត​៕

The post សមាគមអៃរាវត្តា និងសប្បុរសជន ចែកអំណោយជូនពលរដ្ឋ ២០០ គ្រួសារ និងកងទ័ពកម្ពុជា នៅខេត្តព្រះវិហារ appeared first on Kampuchea Thmey Daily.

សកម្មភាពមនុស្សធម៌នេះ បានធ្វើឡើងនៅមណ្ឌលសុវត្ថិភាពវត្តបាត់ថ្កៅ ស្រុកចុងកាល់ ខេត្តឧត្តរមានជ័យ ដែលជាទីតាំងប្រមូលផ្ដុំបងប្អូនប្រជាពលរដ្ឋភៀសសឹកពីតំបន់ជួរមុខ។

ក្នុងឱកាសជួបសំណេះសំណាលនោះ លោកអភិបាលក្រុងទាំងពីរ បានពាំនាំនូវការសួរសុខទុក្ខ និងការយកចិត្តទុកដាក់ខ្ពស់ចំពោះសុខទុក្ខរបស់ប្រជាពលរដ្ឋ ក្នុងកាលៈទេសៈដែលប្រទេសជាតិកំពុងរងការគំរាមកំហែងលើបូរណភាពទឹកដី ស្មារតី “ខ្មែរតែមួយ រួមគ្នាជួយខ្មែរ” គឺមានតម្លៃមិនអាចកាត់ថ្លៃបាន។ លោកថា «យើងត្រូវរួបរួមសាមគ្គីគ្នា ក្នុងគ្រាលំបាកត្រូវមានទុក្ខរួមទុក្ខ មានសុខរួមសុខ ដើម្បីការពារសន្តិភាព និងទឹកដីរបស់យើង»។

ចំពោះសកម្មភាពនេះមិនត្រឹមតែជាការផ្ដល់ជំនួយជាសម្ភារៈប៉ុណ្ណោះទេ ប៉ុន្តែគឺជាការផ្ដល់កម្លាំងចិត្តយ៉ាងធំធេងដល់ប្រជាពលរដ្ឋដែលកំពុងជួបការលំបាក ឱ្យដឹងថាពួកគេមិននៅឯកោឡើយ។

លោកអភិបាលក្រុង បានបញ្ជាក់ផងដែរថា ចំពោះអំណោយស្បៀង និងសម្ភារៈទាំងនេះ រដ្ឋបាលក្រុងបានរៀបចំគៀងគរពីសប្បុរសជនក្នុងខេត្តស្វាយរៀង ដោយស្មារតីខ្មែរតែមួយរួមគ្នា ខ្មែរស្រឡាញ់ខ្មែរជួយគ្នា៕

ដោយ៖ភក្ដី

The post អភិបាលក្រុងបាវិត និងក្រុងស្វាយរៀង នាំយកស្បៀង សម្ភារៈប្រើប្រាស់ ចែកជូនពលរដ្ឋភៀសសឹក​ ១ពាន់គ្រួសារ appeared first on Kampuchea Thmey Daily.