អ៊ីណូ Archives - Kampuchea Thmey Daily

អ៊ីណូ ស្នើសុំឲ្យបញ្ឈប់ការវែកញែករឿង វណ្ណដា ខណៈសាមីខ្លួនបានចេញមុខសុំទោសរួចហើយ

Din Thary — Thu, 15 Aug 2024 04:14:08 +0000

តារាចម្រៀងរៀមច្បងលោក អ៉ីណូ បានចេញមុខដោយស្នើសុំឲ្យមហាជន ឬអ្នកគាំទ្រ ពិសេសអ្នកដែលផុសចង់បាន View បញ្ឈប់ការវែកញែក និងចែករំលែករឿងកំហុសបន្តិចបន្តួចរបស់តារាចម្រៀងរ៉េប វណ្ណដា ដោយអចេតនាគឺពាក់មួកពេលមកដល់ព្រលានយន្តហោះជួបជាមួយអ្នកគាំទ្រ និងថ្នាក់ដឹកនាំដែលបានទៅទទួលស្វាគមន៍។

ជាមួយគ្នានឹងការចេញមុខស្នើសុំពីសំណាក់លោក អ៉ីណូ នេះដែរតារាប្រុសថ្គាមខ្លារូបនេះ ក៏បានលើកឡើងផងដែរពីចំណុចល្អៗក៏ដូចជាមោទនភាពដែល វណ្ណដា បានរំលេចចេញនៅសិល្បៈវប្បធម៌ខ្មែរកាន់ពិភពលោកដើម្បីឲ្យប្រទេសជិតខាងបានស្គាល់កាន់តែខ្លាំង និងល្បីរន្ទឺថែមទៀត។

លោក អ៊ីណូ បានលើកឡើងថា“ខ្ញុំបាទអ៊ីណូសុំបញ្ចេញយោលបល់បន្តិចក្នុងនាមជាប្រជាជនខ្មែរមួយរូបដែរ ទោះបីខ្ញុំគ្មានឋានៈអ្វីក៏ដោយ ហើយក៏មិនបានមានអត្ថន័យ ឬគំនិតចង់ទៅតោងប្អូន Vanda ដើម្បីល្បីនោះទេតែសូមសំណូមពរខាង Website មួយចំនួនមុនចុះផ្សព្វផ្សាយ ឬបំផុសបំផុល សូមថ្លឹងថ្លែងឲ្យបានច្បាស់បងណាបងគិតថា View សំខាន់ ឬ ប្រទេសជាតិ មុខមាត់ សំខាន់ ? សូមឆ្លើយ ?”

តារាចម្រៀង អ៉ីណូ បានឲ្យដឹងទៀតថា ចំណុចទី១ ខ្ញុំ បាទENO ព្រមទាំងបងបង ប្អូនប្អូន សិល្បៈទាំងអស់ ជាពិសេសប្រជាជនខ្មែរទាំងមូលបានដឹងហើយថា ប្អូន Vanda មានសម្ថភាពពេញលេញដែលបានរំលេចចេញនៅសិល្បៈវប្បធម៌ខ្មែរកាន់តែឲ្យប្រទេសជិតខាងបានស្គាល់កាន់តែខ្លាំង ហើយល្បីកក្រើក ឲ្យគេស្គាល់កាន់តែខ្លាំង និងបានលើកស្ទួយដល់ប្រទេសរបស់យើងតាមផ្នែកសិល្បៈ វប្បធម៌ នៅក្នុងសម័យថ្មីជំនាន់ថ្មីពិតជាអស្ចារ្យ។

ចំណុចទី២ គ្រាន់តែកំហុសបន្តិចបន្តួចដែលប្អូនភ្លេចដោះមួកសោះ ក៏ចាប់កំហុសផុសរៀបរាប់ធ្វើអ្វី ពេលខ្លះខ្ញុំក៏ធ្លាប់ទៅសម្តែងនៅប្រទេសគេដែរ ខ្ញុំយល់ទោះបីបន្តិចបន្តូចក៏ដោយ ប៉ុន្តែការធ្វើដំណើរតាមផ្លូវអាកា មានការអស់កំលាំងច្រើនម៉ោងអាចភ្លេចភ្លាំងមួយពេលអ៊ីចឹងហើយ ខ្ញុំសូមសំពះមែនសូមកុំជាន់ កុំផុសរៀបរាប់ធ្វើអ្វី ឬចង់បានតែ View ភ្លេចគិតមុខមាត់ប្រទេសខ្លួនឯង។

លោកបន្តថា លោកជឿជាក់ថា បងបងក៏ជាប្រជាជនខ្មែរដែរដូច្នេះគួរតែយល់មុន និងសម្រេចចិត្ត Post ឬផ្សព្វផ្សាយ មើលធ្វើចូលរួមផ្សព្វផ្សាយអ្វីដែរល្អៗក្នុងប្រទេសយើង ប្អូន Vanda គាត់ធ្វើបានល្អណាស់ហើយលោកជឿជាក់ថា គាត់យល់ច្បាស់។ សូមរួបរួមគ្នាបន្តិចបានទេ សូមចូលរួមលើកស្ទួយគ្នាបានទេ សូមចូលរួមអធ្យាស្រ័យគ្នាបានទេ សូមកុំប្រកាន់ច្រើនពេកបានទេ យើងកំពុងរស់ក្រោមដំបូលសន្តិភាពហើយ យើងគួរតែរួបរួមគ្នាស្រលាញ់គ្នាឲ្យខ្លាំងទៅដើម្បីឲ្យប្រទេសយើងកាន់តែអស្ចារ្យ។

តារាចម្រៀងមាឌធំដំបងលោក អ៉ីណូ បន្ថែមថា បើសំណេររបស់លោកធ្វើឲ្យពុកម៉ែបងប្អូនមិនពេញចិត្ត លោកសុខចិត្តខុស និងក៏សូមអធ្យាស្រ័យទុកជាមុន ព្រោះមនុស្សលោកជាមនុស្សត្រង់ អត់ថាអត់ មានថាមាន ឃើញយ៉ាងម៉ិនិយាយអ៊ីចឹង ចូលរួមទាំងអស់គ្នា ជំរុញកោតសរសើរលើកស្ទួយទាំងអស់គ្នា។

សូមបញ្ជាក់ថា បន្ទាប់ពីដឹងកំហុសដោយអចេតនា ភ្លាមនោះដែរតារាចម្រៀងរ៉េបដ៏ល្បី ម៉ាន់ វណ្ណដា ក៏បានចេញមុខសុំទោសដល់មហាជនជុំវិញការពាក់មួករបស់លោកនៅពេលមកដល់អាកាសយានដ្ឋានអន្តរជាតិភ្នំ ពេញផងដែរ។ លោកបានលើកឡើងថា «សុំទោសប៉ាម៉ាក់ និងលោកពូ រឿងមួកផង ព្រោះពាក់ជាប់ជិត ២០ម៉ោងហើយ។ ក្មួយសូមអភ័យទោសចំពោះកំហុសមួយនេះ។ សូមអរគុណអ្នករាល់គ្នាដែលស្វាគមន៍ខ្ញុំយ៉ាងកក់ក្តៅ និងភ្ញាក់ផ្អើលចំពោះការវិលត្រឡប់មកវិញរបស់ខ្ញុំ»៕

អត្ថបទ៖ ចាន់រ៉ា

The post អ៊ីណូ ស្នើសុំឲ្យបញ្ឈប់ការវែកញែករឿង វណ្ណដា ខណៈសាមីខ្លួនបានចេញមុខសុំទោសរួចហើយ appeared first on Kampuchea Thmey Daily.

អ៊ីណូ ហួសចិត្តខ្លាំង ខណៈរងការរិះគន់ប្រមាថពីមន្ត្រីម្នាក់

អ៊ិន ពិសី — Wed, 24 Jul 2024 02:47:43 +0000

តារាចម្រៀងមាឌធំដំបង លោក អ៊ីណូ បានបង្ហាញការអន់ចិត្ត និងហួសចិត្តខ្លាំង បន្ទាប់ពីរងការរិះគន់ប្រមាថពីសំណាក់មន្ត្រីម្នាក់។

ម្ចាស់បទ”អូនកុំយំ កុំយំ” លោក សាន ពេជ្រសុភារិទ្ធ ហៅ អ៊ីណូ បានបញ្ជាក់ថា លោកពិតជាមានអារម្មណ៍អន់ចិត្តចំពោះការចូលខមមិននូវពាក្យប្រមាថមួយនេះ។

ប្រាកដណាស់កាលពីថ្មីៗ កន្លងទៅនេះ ដូចមហាជនអ្នកគាំទ្របានដឹងហើយជុំវិញដំណឹងដ៏ភ្ញាក់ផ្អើល ក្រោយតារាចម្រៀងមាឌធំ ថ្គាមខ្លា លោក អ៊ីណូ បានប្រកាសរឿងជំពាក់បំណុលជាង ១០ ម៉ឺនដុល្លារ ពីកម្ចី Online ចិន , ធនាគារ និងឯកជនជាដើម។

លោក អ៊ីណូ បានរៀបរាប់ខ្លឹមសារថា «សុខៗ បងស័ក្ដិ ៤ ខមមិនជេរខ្ញុំ តើខ្ញុំខុសអ្វី ទាំងខ្ញុំគឺជាសិល្បៈធម្មតាទេ ហើយជាមនុស្សធម្មតាហ្នឹង អត់មើល Caption ខ្ញុំទេ? ខ្ញុំអត់យល់ បើលោកពុកខ្ញុំវិញជើងចាស់យោធាពិកាចូលនិវត្តន៍មានក្រមសីលធម៌ល្អណាស់ តែបងហេតុអ្វីសុខសុខបានមកជេរខ្ញុំអាចោលម្សៀត»។

ប្រតិកម្មរបស់លោក អ៊ីណូ ខាងលើនេះ បន្ទាប់ពីម្ចាស់គណនីហ្វេសប៊ុកមួយ បានចូលខមមិនរិះគន់ថា «សងលុយគេទៅ កុំទៅស្ពានជ្រោយចង្វាទៀត អាចោលម្សៀត»។

សូមបញ្ជាក់ថា ការរិះគន់នេះ ស្របពេលលោក អ៊ីណូ បានបង្ហោះសារថា «ចុម កែវ រំចង់ ចង់សាកជាមួយ ណូណូ ឆាប់ឆាប់នេះ ចូលរួមលើកស្ទួយគុនខ្មែរ»។

លោក អ៊ីណូ បានឆ្លើយតបទៀតដែរថា «ខ្ញុំកំពុងធ្វើការ Promote លើកស្ទួយជា Vlog របស់គុនខ្មែរ អត់ប៉ះពាល់បងទេ រីឯបងជាមន្ត្រីរាជការដែរ ហេតុអ្វីបងចេញមកជេរខ្ញុំ សុំស្គាល់កន្លែងបងធ្វើការផង ដើម្បីឲ្យប្អូនជាមនុស្សធម្មតា និងមហាជន សុំស្គាល់បងផង»។

ជាការពិតណាស់ ដំណឹង នៃការផុងខ្លួនក្នុងបំណុលជាង ១០ ម៉ឺនដុល្លារ ពីសំណាក់តារាចម្រៀងសាន់ដេ លោក អ៊ីណូ កន្លងមក បានធ្វើឲ្យមហាជន និងមិត្តភ័ក្ដិចង្កោមអ្នកសិល្បៈដូចគ្នា មានការភ្ញាក់ផ្អើល និងចាប់អារម្មណ៍ខ្លាំង រហូតមានខ្លះក៏បានជួយជាថវិកា និងខ្លះទៀតបង្ហាញការលើកទឹកចិត្តផងដែរ៕

អត្ថបទ ៖ ចាន់រ៉ា

The post អ៊ីណូ ហួសចិត្តខ្លាំង ខណៈរងការរិះគន់ប្រមាថពីមន្ត្រីម្នាក់ appeared first on Kampuchea Thmey Daily.

អ៊ីណូ ខកចិត្តខ្លាំង ខណៈធ្លាក់ខ្លួនអស់ទ្រព្យ មានគេបរិហាកិត្តិយស

Din Thary — Thu, 16 May 2024 04:17:21 +0000

ម្ចាស់បទ “អូនកុំយំ កុំយំ ” លោក សាន ពេជ្រសុភារិទ្ធ ហៅ អ៊ីណូ បានបង្ហាញអារម្មណ៍ហួសចិត្តខ្លាំងបន្ទាប់ពីធ្លាក់ខ្លួនក្នុងបំណុលក៏ស្រាប់តែមានបុគ្គលមួយចំនួនបាននិយាយបរិហារកិត្តិយស និងរងនូវពាក្យគេនិយាយមើលងាយដើម។

ប្រាកដណាស់កាលពីថ្មីៗកន្លងទៅនេះដូចមហាជនអ្នកគាំទ្របានដឹងហើយជុំវិញដំណឹងដ៏ភ្ញាក់ផ្អើលក្រោយតារាចម្រៀងមាឌធំ ថ្គាមខ្លាលោក អ៊ីណូ បានប្រកាសរឿងជំពាក់បំណុលជាង ១០ម៉ឺនដុល្លារពីកម្ចីOnlin eចិន, ធនាគារ និងឯកជនជាដើម។

លោក អ៊ីណូ បានរៀបរាប់ខ្លឹមសារថា «វាសាហាវធ្លាប់តែឭគេសាហាវនេសាទក្រពើតែអ្នកឯងរកស៊ីនេសាទមាត់ ដាក់គូថនិយាយ ដើរនិយាយ ជួបនិយាយចាក់រុក ឆ្កឹះឆ្កៀលសាហាវធ្វើឲ្យគេគ្រប់គ្នាខ្លាចរអាចង់បានតួឯកមែនយកចុះ អ្នកអើយគេគ្រប់គ្នាគេដឹងអស់ហើយ តែគេមិននិយាយប្រយ័ត្នអស់ញាតិ ហើយមិនបាច់ខំនិយាយចាក់រុកបង ដៀលបងពីក្រោយទេ បងរាល់ថ្ងៃខំប្រឹងតែរកលុយសងគេទេណាសុំទោសជំងឺតួឯកមែនប្រយ័ត្នណា»។

ទោះបីជាយ៉ាងណា តារាចម្រៀងសម្លេងធំលោក អ៊ីណូ មិនបានបញ្ចេញឈ្មោះថា បុគ្គលរូបនោះជាអ្នកគេឡើយ ខណៈអ្នកគាំទ្រលោកមួយចំនួនបានបញ្ចេញមតិលើកទឹកចិត្តផងដែរ។ បើគិតមកទល់ពេលនេះលោក អ៊ីណូ បានចាប់អាជីពសិល្បៈសាងភាពល្បីល្បាញមានរយៈពេលប្រមាណ ២០ឆ្នាំមកហើយតែអ្វីដែល គេកត់សម្គាល់ឃើញពេលនេះ គឺលោកត្រូវផុងខ្លួនក្នុងបំណុងអស់ទ្រព្យពីខ្លួន និងថែមទាំងនៅជំពាក់គេជាង ១០ម៉ឺនដុល្លារថែមទៀត។

ជាការពិតណាស់ ដំណឹងនៃការផុងខ្លួនក្នុងបំណុងជាង ១០ដុល្លាពីសំណាក់តារាចម្រៀងសាន់ដេ លោក អ៊ីណូ កន្លងមកបានធ្វើឲ្យមហាជន និងមិត្តភក្តិចង្កោមអ្នកសិល្បៈដូចគ្នាមានការភ្ញាក់ផ្អើល និងចាប់អារម្មណ៍ខ្លាំងរហូតមានខ្លះក៏បានជួយជាថវិការ និងខ្លះទៀតបង្ហាញការលើកទឹកចិត្តផងដែរ៕

អត្ថបទ៖ ចាន់រ៉ា

The post អ៊ីណូ ខកចិត្តខ្លាំង ខណៈធ្លាក់ខ្លួនអស់ទ្រព្យ មានគេបរិហាកិត្តិយស appeared first on Kampuchea Thmey Daily.

ម៉ា ដូណា ទម្លាយរឿងរបស់ អ៊ីណូ ក្រោយផុងខ្លួនក្នុងបំណុលជាង ១០ ម៉ឺនដុល្លារ

Dy Bunnara — Fri, 22 Mar 2024 04:28:16 +0000

ថ្មីៗនេះដូចមហាជនអ្នកគាំទ្របានដឹងហើយជុំវិញដំណឹងដ៏ភ្ញាក់ផ្អើលក្រោយ តារាចម្រៀងមាឌធំថ្គាមខ្លា លោក អ៊ីណូ បានប្រកាសរឿងជំពាក់បំណុលជាង ១០ ម៉ឺនដុល្លារពីកម្ចី Online ចិន, ធនាគារ និងឯកជនជាដើម។

ដំណឹងនៃការផុងខ្លួនក្នុងបំណុងជាង ១០ ម៉ឺនដុល្លារពីសំណាក់តារាចម្រៀងសាន់ដេលោក អ៊ីណូ បានធ្វើឲ្យមហាជននិងមិត្តភក្តិចង្កោមអ្នកសិល្ប:ដូចគ្នាមានការភ្ញាក់ផ្អើល និងចាប់អារម្មណ៍ខ្លាំងរហូតមានខ្លះបានជួយជាថវិការនិងខ្លះទៀតបង្ហាញការលើកទឹកចិត្តផងដែរ។

ចំណែកតារាកំប្លែង ម៉ា ដូណា ស្រាប់តែទម្លាយរឿងពិតមួយចំនួនរបស់លោក អ៊ីណូ អំឡុងពេលកំពុងជួបវិបត្តិផ្លូវចិត្ត។

ម៉ា ដូណា បានរៀបរាប់ថា គាត់ពិបាកពិតៗរកសុីខាតគ្រប់មុខ មិនមែនយកលុយទៅលេងល្បែងទេបងប្អូន។ ជារឿងពិតគាត់មិនបានកុហក់ពុកម៉ែបងប្អូនទេ។ តោះ មកដឹងរឿងគាត់ទាំងអស់គ្នាដែលគាត់មកនៅផ្ទះខ្ញុំមួយរយ:គាត់បានក្លាយជាមនុស្សផ្សេងនឹងចរិកខុសពីមុនសែនឆ្ងាយ ចេះយំ ភ័យ ស្លន់ ភាំង ភ្ញាក់ៗ ដេក មិនលក់ព្រោះត្រូវគេគំរាមនឹងមានការជេម្រាយនឹងប្រមាថអាយុជីវិត ដែលគាត់មិនដែលទទួលពាក្យបែបនឹងធ្វើអោយគាត់មានសម្ពាធផ្លូវចិត្តខ្លាំង។

តារាកំប្លែង ម៉ា ដូណាបានបន្តថា លោកធ្លាប់បានឲ្យយល់បល់គាត់ច្រើនទាក់ទងនឹងរឿងលុយចិនដែលមានការប្រាក់ពាក់កណ្តាល ឬ ជាងពាក់កណ្តាលលើកដាក់ចុះឡើងៗសងមិនចេះអស់ ហើយត្រូវពួកនឹងគំរាមគ្រប់ពេលអ្វីដែលសុំពុកម៉ែបងប្អូននៅពេលនេះសុំជួយផ្តល់កម្លាំងចិត្ត ដើម្បីដោះស្រាយផ្លូវចិត្តគាត់ដូចជួយអាយុជីវិតគាត់ផងហើយក៏សុំសរសើរដែលហ៊ានផុសបែបនេះ កិត្តិយសវាមិនសំខាន់ជាងផ្លូវចិត្តទេហើយក៏សុំចិត្តគ្រប់ម្ចាស់បំណុលជួយជាដើមគាត់ផងណាគ្នា។

តារាសម្តែងនិងកំប្លែងភេទទី៣ ម៉ា ដូណា បញ្ជាក់បន្ថែមថា មួយវិញទៀតបន្ទាប់ពីគាត់បង្ហោះកេរិ៍ខ្មាស់គាត់ហើយ សុំបណ្តាលក្រុមហ៊ុនទាំងអស់កុំបិទការងារគាត់អី។ សុំជួយផ្តល់ការងារគាត់ផងដើម្បីបន្តជីវិតទៅមុខ។

គួររម្លឹកដែរថា តារាចម្រៀងលោក សាន ពេជ្រសុភារិទ្ធ ហៅ ( អ៊ីណូ) ក្រោយសាងកេរ្តិ៍ឈ្មោះល្បីក្នុងវិថីសិល្បៈជិត ២០ ឆ្នាំកាលពីថ្មីៗកន្លងទៅនេះ តារាប្រុសរូបនេះបានដាច់ចិត្តចេញមុខទម្លាយរឿងដ៏ភ្ញាក់ផ្អើលជុំវិញរឿងផុងខ្លួនបំពាក់បំណុលខ្ទង់១០ម៉ឺនដុល្លារទាំ ងកម្ចីOnline ចិន ,ធនាគារនិងឯកជន៕

អត្ថបទ៖ ចាន់រ៉ា

The post ម៉ា ដូណា ទម្លាយរឿងរបស់ អ៊ីណូ ក្រោយផុងខ្លួនក្នុងបំណុលជាង ១០ ម៉ឺនដុល្លារ appeared first on Kampuchea Thmey Daily.

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

អ៊ិន ពិសី — Wed, 20 Mar 2024 02:44:45 +0000

ស្របពេលកំពុងជួបទុក្ខលំបាករឿងជំពាក់បំណុលជាង ១០ ម៉ឺនដុល្លារ តារាចម្រៀងមាឌធំ ថ្គាមខ្លា លោក អ៊ីណូ ស្រាប់តែប្រកាសឆន្ទៈក្នុងការជួយផ្សព្វផ្សាយផលិតផលកសិករខ្មែរដោយមិនគិតថ្លៃ ដើម្បីរកទីផ្សារជូនដល់ពួកគាត់។

តារាចម្រៀងម្ចាស់បទ”អូនកុំយំកុំយំ” លោក សាន ពេជ្រសុភារិទ្ធ ហៅ (អ៊ីណូ) ក្រោយជួបការលំបាក ពេលនេះក៏បានយល់ពីទឹកចិត្តមហាជនអ្នកគាំទ្រគ្រប់ខេត្ត-ក្រុង ដែលស្រឡាញ់រាប់អានរូបលោកអស់រយៈពេលជាង ១០ ឆ្នាំ កន្លងមកនេះ។ ទន្ទឹមនោះ លោក ក៏បានយល់ឃើញពីផលលំបាករបស់កសិករតាមស្រុកស្រែចម្ការ ដែលពិបាករកទីផ្សារផលិតផលខ្មែរក្នុងស្រុកជាលក្ខណៈគ្រួសារដែរ។

តារាចម្រៀង អ៊ីណូ បញ្ជាក់ថា «ក្នុងពេលដ៏លំបាកនេះ ខ្ញុំ ENO សូមប្រកាស នឹងជួយផ្សព្វផ្សាយពុកម៉ែ បងប្អូន យាយតា គ្រប់ផលិតផលខ្មែរលក្ខណៈគ្រួសារ ពិសេសផលិតផលកសិកម្មវិញគ្រប់ខេត្ត-ក្រុងតាមលទ្ធភាពដែលអាចធ្វើទៅបាន ដោយមិនគិតកម្រៃ។ សូមធ្វើការទំនាក់ទំនង ENO តាម Telegram ខាងក្រោម ០៨៨ ៩៩ ៩៩ ៤៨០»។

គួររម្លឹកដែរថា តារាចម្រៀងចាស់វស្សាលោក សាន ពេជ្រសុភារិទ្ធ ហៅ (អ៊ីណូ) ក្រោយសាងកេរ្តិ៍ឈ្មោះល្បីក្នុងវិថីសិល្បៈជិត ២០ ឆ្នាំ មកនេះ ស្រាប់តែកាលពីថ្មីៗ នេះ តារាប្រុសមាឌធំដំបងរូបនេះ បានដាច់ចិត្តចេញមុខទម្លាយរឿងដ៏ភ្ញាក់ផ្អើលជុំវិញរឿងផុងខ្លួនជំពាក់បំណុលខ្ទង់ ១០ ម៉ឺនដុល្លារ ទាំងកម្ចី Online ចិន ធនាគារ និងឯកជនជាដើម…៕

អត្ថបទ ៖ ចាន់រ៉ា

The post អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ appeared first on Kampuchea Thmey Daily.

ឃើញ អ៊ីណូ ទាល់ច្រកភរិយា កែវ វាសនា ផ្តល់ឱកាសការងាររកលុយដោះបំណុល

Din Thary — Mon, 18 Mar 2024 03:44:53 +0000

ដំណឹងនៃការផុងខ្លួនក្នុងបំណុងជាង ១០ដុល្លារពីសំណាក់តារាចម្រៀងសាន់ដេលោក អ៉ីណូ បានធ្វើឲ្យមហាជន និងចង្កោមអ្នកសិល្បៈដូចគ្នាមានការភ្ញាក់ផ្អើល និងចាប់អារម្មណ៍ខ្លាំងរហូតមានអ្នកខ្លះបានជួយជាថវិការ និងខ្លះទៀតបង្ហាញការលើកទឹកចិត្តផងដែរ។

ស្របពេលជាមួយគ្នានេះ គេឃើញភរិយាតារាចម្រៀងលោក កែវ វាសនា គឺអ្នកនាង លីម សុគ្ធធារី បានសម្តែងការអាណិតអាសូរដល់លោក អ៉ីណូ ក្នុងនោះអ្នកនាងក៏បានផ្តល់ឱកាសការងារជា Baដើម្បីជួយដល់តារាប្រុសរូបនេះ រកលុយដោះបំណុលគេផងដែរ។ ភរិយាលោក កែវ វាសនា បានរៀបរាប់ថា «ស្វាគមន៍បង ENO អ៉ីណូ ជា BA ផលិតផល SCI ទោះបងមានបញ្ហា និងបំណុលយ៉ាងណាក៏ដោយក៏ខ្ញុំផ្តល់ឱកាសការងារជូនបងដែរមិនរើសអើងទេ»។

អ្នកនាង លីម សុគ្ធធារី បញ្ជាក់ថា «គ្មានមនុស្សណាចង់រកស៊ីក្ស័យធន់ទេ ទោះខ្ញុំបានដឹងរឿងគាត់ខ្លះកន្លង មកក៏ដោយ តែទើបថ្ងៃនេះខ្ញុំដឹងរឿងគាត់ច្បាស់ហើយធ្វើឲ្យខ្ញុំព្រឺរោមខ្លាំងណាស់ដោយសារការគំរាមគំហែងគេជេដៀលទើបធ្វើឲ្យគាត់ទាល់ច្រកឆកលុយគេសងពីមួយទៅមួយ ការប្រាក់យ៉ាងសាហាវព្រៃផ្សៃ មិនមែន ១០ភាគរយ ឬ ២០ភាគរយ ដូចដែលយើងគិតទេ គឺគាត់ឆកលុយគេការសឹងតែ ៩០ភាគរយ ហើយ (ម្ចាស់បំណុលការសារហាវបែបនេះ គាត់ថាខ្មែរទេមិនមែនចិនទេ គាត់ថាចងការចិនធូជាងខ្មែរគេយោគយល់គាត់)»។

អ្នកនាង សុគ្ធធារី បន្តទៀតថា «ឧទារហណ៍ លុយដើម ៨០០០ដុល្លារត្រូវបង់ការគេមួយថ្ងៃ ១៨០ដុល្លារអ៊ីចឹងយើងគុណតែ ៣០ថ្ងៃក្នុងមួយខែគឺ ៥៤០០ដុល្លា ហើយគាត់បានបង់បែបហ្នឹងច្រើនខែគួរសមហើយតែដើមគាត់ជំពាក់គេគឺនៅ ៨០០០ដុល្លារដដែលនេះខ្ញុំនិយាយសង្ខេបៗតែម្ចាស់បំណុលតែម្នាក់ផងចុះទម្រាំ ៤ ឬ ៥នាក់ទៀតមួយថ្ងៃគាត់ត្រូវចំណាយការប្រាក់ជិត ៧០០ដុល្លារ (ទោះរកលុយបានប៉ុណ្ណាក៏គាត់រត់មិនរួចយូរអង្វែងដែរ) អ៊ីចឹងសូមបងៗម្ចាស់បំណុលឆកលុយ និងបងៗម្ចាស់បំណុលផ្សេងជួយយកតែដើមពីគាត់បានហើយ ព្រោះបងៗខ្លះស៊ីការគាត់បានលើសដើមឆ្ងាយណាស់»។

ភរិយាលោក កែវ វាសនា បន្តទៀតថា បំណុលដែលលោក អ៉ីណូ បានជំពាក់ដើមគេប្រហែលជាង ១០ម៉ឺនដុល្លា តែបើយកការសាហាវបែបហ្នឹង នោះលោកគឺរត់លេងរួចហើយ។ យ៉ាងណាអ្នកនាងនិយាយបែបនេះ អ្នកនាងក៏មិនមែនជាបងប្អូនរបស់លោក អ៉ីណូ នោះទេ គ្រាន់ជាអ្នកស្គាល់គ្នាទេ គឺគ្រាន់តែអ្នកនាងបានសួរនាំ ហើយនិងមានអារម្មណ៍រន្ធត់ អាណិតជាខ្លាំង ហើយសម្រាប់ការប្រាក់ការឆកលុយនេះថា លោក អ៉ីណូ ល្ងង់ក៏ថាបានតែដោយសារតែទាល់ខ្លាំង ការសឹងតែ ៩០ភាគរយក៏យកមកដោះទាល់ដែរដោយសារពាក្យគំរាមកំហែងពីម្ចាស់បំណុល។

អ្នកនាង លីម សុគ្ធធារី បន្ថែមថា ចុងក្រោយសុំម្ចាស់ Event ម្ចាស់ខនសឺតម្ចាស់ផលិតផលផ្សេងៗ និង ពុកម៉ែ បងប្អូនទាំងអស់កុំស្អប់គាត់នៅតែបន្តផ្តល់ការងារឲ្យគាត់ ស្រលាញ់គាំទ្រគាត់ដូចដើមផងចុះ ព្រោះគាត់ជាតារាដែលមានសម្ថភាព និងមានការតស៊ូ រឹងមាំជាខ្លាំងសម្រាប់ខ្ញុំការជួយគាត់កន្លងមកក៏មិនដែលចង់បានផលប្រយោជន៍ពីគាត់ម្តងណាទេ ការជួយរបស់ខ្ញុំគឺជាការជួយដោយចិត្តដោយក្តីអាណិតគាត់តែប៉ុណ្ណោះ៕

អត្ថបទ៖ ចាន់រ៉ា

The post ឃើញ អ៊ីណូ ទាល់ច្រកភរិយា កែវ វាសនា ផ្តល់ឱកាសការងាររកលុយដោះបំណុល appeared first on Kampuchea Thmey Daily.

ទឹកដល់ច្រមុះ !អ៊ីណូ ទម្លាយរឿងផុងខ្លួនជំពាក់បំណុល ខ្ទង់១០ម៉ឺនដុល្លារពីកម្ចី Onlineចិន ធនាគារ និងឯកជន

Sokhom Khon — Sun, 17 Mar 2024 07:04:48 +0000

តារាចម្រៀងម្ចាស់បទ”អូនកុំយំកុំយំ” លោកសាន ពេជ្រសុភារិទ្ធ ហៅ ( អ៊ីណូ) ក្រោយសាងកេរ្តិ៍ ឈ្មោះល្បីក្នុងវិថីសិល្បៈជិត២០ឆ្នាំមកនេះស្រាប់តែតារាប្រុសមាឌធំដំបងរូបនេះដាច់ចិត្តចេញមុខទម្លាយរឿងដ៏ភ្ញាក់ផ្អើលជុំវិញរឿងផុងខ្លួនបំពាក់បំណុលខ្ទង់១០ម៉ឺនដុល្លារទាំងកម្ចី Online ចិន ធនាគារ និងឯកជន ។

រឿងរ៉ាវដ៏ភ្ញាក់ផ្អើលសម្រាប់មហាជនអ្នកគាំទ្រនិងមិត្តក្នុងរង្វង់សិល្ប:ពាក់ព័ន្ធបំណុលនេះត្រូវបាន អ៊ីណូ ចេញមកប្រកាសដោយពុំមានការលាក់លៀ មកាលទៀបភ្លឺថ្ងៃទី១៧ខែមីនាឆ្នាំ២០២៤ ខណៈលោកថាលែងមានភាពខ្មាស់អៀនអ្វីទៀតហើយពោលគឺសុំត្រឹមតែអង្វរដល់ម្ចាស់បំណុលឲ្យមានការយោគយល់ និងផ្តល់ពេលវេលាដើម្បីលោករកលុយសងតាមដំណាក់កាល

អ៊ីណូ បានរៀបរាប់ថា”ជំរាបសួរពុកម៉ែបងប្អូនខ្ញុំឈប់លាក់ហើយខ្ញុំទៅមុខលែងរួចហើយសល់តែភាពល្បីល្បាញដែលពុកម៉ែបងប្អូនគាំទ្រផ្តល់ឱ្យជិត១៨ឆ្នាំមកនេះទេ ខ្ញុំអស់ពីខ្លួនហើយ ខ្ញុំឈប់លាក់ហើយ ខ្ញុំលែងខ្លាចខ្មាស់គេហើយ ពេលមានបានខ្ញុំមិនដែលអួ តអាងអីទេខ្ញុំតែងតែជួយគេតែហេតុអ្វីឥឡូវខ្ញុំមានកម្មពៀរបែបនេះ សុំគោរពសុំម្ចាស់បំណល់ដែលខ្ញុំបានជំពាក់សរុបចូលគ្នា១០ម៉ឺនដុល្លារជាងសូមគិតតែដើមខ្ញុំបានហើយខ្ញុំមិនបានគេចវេសទៅណាទេ ហើយសុំពេលបន្តិច រីឯថ្ងៃទី១៧ ខែមីនានេះ៣ម៉ឺនដុល្លារ ការ២៤០០ដុល្លារ ខ្ញុំរកអត់ទាន់ទេតើខ្ញុំត្រូវធ្វើដូចម្តេច?”។

អ៊ីណូ បន្តថា លោកពុកទាហានពិការចូលនិវត្ត កំពុងឈឺរវើរវាយរីឯអ្នកម្តាយគ្រូបង្រៀនចូលនិវត្តចាស់ៗអស់ហើយផ្ទះពួកគាត់ក៏ត្រូវជាប់ធនាគារបង់គេយឺតរហូត តើឱ្យលោកត្រូវធ្វើបែបណា ? រយៈពេលប៉ន្មានឆ្នាំបន្ទាប់ពីក្ស័យធន់ការងាររកស៊ីខ្លាំងចាប់តាំងពីកូវីដរហូតមកដល់សេដ្ឋកិច្ចធ្លាក់មកនេះដោយមិនមែនយកទៅលេងល្បែងអី្វទេ លោកហ៊ានស្បថ។ លោកថា ខ្លួនបានលាក់បាំងរហូតធ្វើឱ្យលោកឪពុកអ្នក ម្តាយធ្លាក់ខ្លួនឈឺដោយសារតែលោកជាប់បំណុលគេច្រើនលាក់បាំងគេប្រឹងសើចប្រឹងច្រៀងលើឆាកប្រឹងឆ្កួតប្រឹងជា ប្រឹងលក់ដូរឱ្យគេ ដើម្បីសងបំណុលគេ។

លោក អ៊ីណូ និយាយទៀតថា រាល់ថ្ងៃធ្លាក់ខ្លួនមកនៅ ផ្ទះជួលរកខនសឺតបានមួយសូរៗពីភាពល្បីល្បាញខ្លួន ដែលពុកម៉ែបងប្អូនបានផ្តល់ឱ្យបានមកទប់តែបំណុលបង់គេប្រចាំថ្ងៃពេលខ្លះគេងអត់បាយទៀតក៏មានអស់អ្នករាប់រកក្បែរខ្លួន ធ្វើឱ្យជ្រុលខ្លួនហ៊ានទៅខ្ចីកម្ចីលុយរាប់លុយឈរឬ លុយខែ ដែលមានការថ្លៃៗមកទប់បំណុលការរកស៊ី ដែលបានក្ស័យធន់ និងទប់បំណុលគេ សងគេមិនទាន់ខ្លាចគេផុសរូបខ្លាចខ្មាសគេ ខ្លាចគេខឹង ខ្លាចគេប្ដឹង ហ៊ានប្រថុយខ្លួនទៅកម្ចីOnlineចិនថែមទៀតដឹងហើយ ឭហើយថា មិនល្អ តែគេឆាតទាក់ទាញអារម្មណ៍តាមTelegramធ្វើឱ្យខ្វះអ្នកប្រឹក្សាយោបល់ហ៊ានទៅខ្ចីកម្ចីonlineចិនដែលមានការច្រើនជាងពាក់កណ្តាល ទៅទប់បំណុលពីម្ចាស់បំណុលមួយទៅម្ចាស់បំណុលមួយរហូតកើ តជាកូនតគ្នាតែខ្ញុំមិនបានខឹងម្ចាស់បំណុលទាំងអស់នោះទេ។

យ៉ាងណា អ៊ីណូ បានបន្តទៀតថា”ខ្ញុំក៏អរគុណ ដែលគេឱ្យខ្ញុំខ្ចី ដោយសារគេមានទំនុកចិត្តពីភាពល្បីល្បាញខ្លួនឯងតែដោយសារ គេមិនដឹងថាកំពុងពិបាកខ្លាំងដើម្បីយកសងគេតតគ្នាផុសរៀបរាប់ទាំងទៀបភ្លឺនេះដោយសារទប់លែងជាប់ហើយពេល ខ្លះសងគេរៀងរាល់ប្រចាំថ្ងៃ ក្នុង១ថ្ងៃអស់ជិតមួយពាន់ដុល្លារទៅមួយពាន់ជាងតែរយៈពេលចុងក្រោយនេះអស់ពីខ្លួនអស់អ្វីៗទាំងអស់អស់សមត្ថភាពហើយពេលខ្លះសងគេប្រចាំខែអស់ អស់លុយរលីងសូម្បីតែ១ ដុល្លារក៏គ្មានដែរពេលខ្លះបង់ផ្ទះជួលគេយឺត គេយកសោមកចាក់មិនឱ្យចូលពីក្រៅក៏មាន”។

លោកសូមសំពះឱ្យម្ចាស់បំណុលដែលបានឃើញការផុស ជួយអាណិតលោកឱ្យលោកសងតែដើមបានហើយហើយសុំពេលបន្តិចឈប់ជេរដៀលគំរាមលោកទៀតទៅលោកពិតជាភ័យខ្លាំងណាស់ ព្រោះមិនបានគេចវេសទេ គឺប្រឹងលក់កំព្យូទ័រប្រឹងលក់ទូរស័ព្ទឱ្យគេ ប្រឹងទៅច្រៀងទម្លាក់ទាំងតម្លៃខ្លួនទៀតដើម្បីសងបំណុល។

សុំទោសលោកពុកអ្នកម្តាយដែលកូនប្រុសម្នាក់នេះធ្វើមិនបានល្អសុំទោសហ្វេនៗ និងពុកម៉ែបង ប្អូនដែលលាក់បាំង និងកំសាកយ៉ាងនេះលោកអស់ពីខ្លួនហើយ។ លោកក៏បានអំពាវនាវដល់ម្ចាស់ Eventsម្ចាស់ខនសឺតម្ចាស់ផលិតផលផ្សេងៗ និងពុកម៉ែបងប្អូនឃើញហើយកុំខឹង កុំស្អប់លោក សូមនៅតែគាំទ្រនៅតែស្រលាញ់ ផ្តល់ការងារឱ្យលោកបានធ្វើបន្តផងព្រោះលោ កទប់លែងជាប់ហើយទើបថ្ងៃនេះបានលោកហ៊ានផុស ដោយលែងខ្មាសអៀន៕

អត្ថបទ៖ចាន់រ៉ា

The post ទឹកដល់ច្រមុះ !អ៊ីណូ ទម្លាយរឿងផុងខ្លួនជំពាក់បំណុល ខ្ទង់១០ម៉ឺនដុល្លារពីកម្ចី Onlineចិន ធនាគារ និងឯកជន appeared first on Kampuchea Thmey Daily.

អ៊ីណូ អះអាងថា ភាពល្បីល្បាញជិត ២០ ឆ្នាំ បានដោយសារពុកម៉ែបងប្អូន និងការខំប្រឹងខ្លួនឯង

អ៊ិន ពិសី — Wed, 03 May 2023 08:32:51 +0000

តារាចម្រៀងម្ចាស់បទ”អូនកុំយំកុំយំ” លោក អ៊ីណូ បន្ទាប់ពីសាងកេរ្តិ៍ឈ្មោះល្បីក្នុងវិថីសិល្បៈជិត ២០ ឆ្នាំ មកនោះ ស្រាប់តែតារាប្រុសមាឌធំដំបងរូបនេះ ដាច់ចិត្តចេញមកនិយាយបើកកកាយរឿងរ៉ាវផ្ទាល់ខ្លួនចាប់តាំងពីចូលសិល្បៈដំបូងមកទល់ពេលបច្ចុប្បន្ន។

ជាមួយការបើកកកាយជីវិតសិល្បៈដែលខំសាងឡើងយូរឆ្នាំមកហើយនេះ លោក អ៊ីណូ អះអាងថា លោកចូលសិល្បៈ គ្មានខ្សែ ឬអ្នកនៅជ្រោមជ្រែងពីក្រោយខ្នងទេ គឺបានមកដោយសារការគាំទ្ររបស់ពុកម៉ែបងប្អូន និងការខំប្រឹងខ្លួនឯង។ លោក អ៊ីណូ បានរៀបរាប់ថា «ឈ្មោះជាអ្នកចម្រៀងល្បីដ៏សាមញ្ញគ្មានគ្នា ខ្នង អ្វីទេ គឺល្បីដោយសារពុកម៉ែបងប្អូន និងការខំប្រឹងដោយខ្លួនឯង»។

លោក អ៊ីណូ បញ្ជាក់ថា លោកចូលសិល្បៈឆ្នាំ ២០០៥ ទទួលបានជាប់ជ័យលាភីនៅក្នុងក្លឹបតារាមាសតន្ត្រី គ្រូបង្រៀនលោកគ្រូ ហួរ ឡាវី បន្ទាប់មកដើរសុំគេច្រៀង រហូតចុងឆ្នាំ ២០០៩ ទើបបានរកភាពល្បីឃើញ។ បទចម្រៀងល្បីទាំងអស់ មិនថាច្រៀងខ្លួនឯង ឬនិពន្ធឲ្យគេ ភាគច្រើននិពន្ធខ្លួនឯងទាំងទំនុកច្រៀង និង Melody ថ្មី មិនដែលអួតទេ ដោយដាក់ឈ្មោះថា(ម៉ៅឃ្លី)។

តារាប្រុសលោក អ៊ីណូ បន្តថា «សិល្បៈ ១៨ ឆ្នាំ នៅតែល្បី មិនមែនមកពីខ្ញុំទេ គឺដោយសារតែកម្លាំងគាំទ្ររបស់ពុកម៉ែបងប្អូន តាំងពីមានហ្វេន ២០០៩ រហូតមានហ្វេនបន្តបន្ទាប់ឆ្នាំ រហូតឆ្នាំ ២០២៣។ ឆ្នាំ ២០២៣ Concert គ្រប់ Events តូចធំ ពេល Eno ឡើង ហ៊ោកញ្ជ្រៀវ គាំទ្រ ស្រែកហៅឈ្មោះ ENO ENO… និងចេះច្រៀងគ្រប់បទរបស់ខ្ញុំបាទ ENO ហើយស្រែកថា ENo នៅតែខ្លាំង»។

តារាចម្រៀងលោក អ៊ីណូ និយាយបន្ថែមទៀតថា «ពេលនោះមិនមែនស៊ីជោរទេ តែពេលនោះដូចទះកំផ្លៀងខ្ញុំឲ្យកាន់តែស្វាហាប់ សម្ដែងឲ្យអស់ពីសមត្ថភាព ដើម្បីពុកម៉ែបងប្អូន។ គោរព អរគុណ ពុកម៉ែបងប្អូន ENO មិនធ្វើឲ្យពុកម៉ែបងប្អូនខកបំណងទេ»។

ជាការកត់សម្គាល់ តារាចម្រៀងចាស់លោក អ៊ីណូ គិតមកដល់ពេលនេះលោកបានប្រឡូកក្នុងវិស័យសិល្បៈចម្រៀងមានរយៈពេលប្រមាណជិត ២០ ឆ្នាំហើយ ខណៈទីផ្សារគាំទ្រ និងប្រជាប្រិយភាព រក្សាបានមិនចាញ់តារាប្រុស-ស្រីរួមជំនាន់ឯទៀតទេ៕

អត្ថបទ ៖ ចាន់រ៉ា

The post អ៊ីណូ អះអាងថា ភាពល្បីល្បាញជិត ២០ ឆ្នាំ បានដោយសារពុកម៉ែបងប្អូន និងការខំប្រឹងខ្លួនឯង appeared first on Kampuchea Thmey Daily.