អ្នកគ្រប់គ្រង Archives - Kampuchea Thmey Daily

ចង់ឈោងតំណែងអ្នកគ្រប់គ្រងដោយជោគជ័យ ត្រូវមានគន្លឹះ ៥ យ៉ាងនេះក្នុងខ្លួន

សាង ស្រីល័ក្ខ — Fri, 24 Jun 2022 03:43:57 +0000

Management trainee (MT) គឺជាកម្មវិធីបណ្ដុះបណ្ដាលបុគ្គលិកថ្មីនៅក្រុមហ៊ុន។ ជាទូទៅ កម្មវិធីនេះត្រូវបានផ្តល់ជូនដល់និយោជិតដែលទើបតែបញ្ចប់ការសិក្សាថ្មីៗ ឬមានបទពិសោធន៍ខ្លី ដើម្បីទទួលបានការបណ្ដុះបណ្ដាលអំពីដំណើរការប្រតិបត្តិការទាំងមូលរបស់ក្រុមហ៊ុន។

គន្លឹះសម្រាប់សិក្ខាកាមគ្រប់គ្រងជោគជ័យ គឺត្រូវការជាចាំបាច់ ព្រោះក្នុងកម្មវិធីនេះ បេក្ខជនត្រូវឆ្លងកាត់ដំណើរការដ៏យូរ និងការប្រកួតប្រជែងដ៏ស្វិតស្វាញ។ បន្ទាប់ពីឆ្លងកាត់ដំណើរការនេះ បេក្ខជនអាចត្រូវបានគេដាក់ក្នុងតួនាទីជាយុទ្ធសាស្ត្រនៅកម្រិតគ្រប់គ្រងក្រុមហ៊ុន និងក្លាយជាអ្នកដឹកនាំ។ សម្រាប់អ្នកដែលកំពុងសិក្សាកម្មវិធីនេះ ខាងក្រោមនេះ ជាការណែនាំសម្រាប់សិក្ខាកាមគ្រប់គ្រងដោយជោគជ័យ ដើម្បីមានលក្ខណៈគ្រប់គ្រាន់ និងត្រូវបានទទួលយកនៅក្រុមហ៊ុនណាមួយដែលខ្លួនប៉ង។

១ អភិវឌ្ឍជំនាញការទូត ជំនាញការទូតគឺជាសំណុំនៃសមត្ថភាពដែលមានប្រយោជន៍ សម្រាប់ការកសាង និងរក្សាទំនាក់ទំនងរវាងបុគ្គល។ នេះគឺសំខាន់ព្រោះនៅពេលដែលអ្នកចូលទៅក្នុងពិភពនៃការងារ អ្នកនឹងត្រូវបានតម្រូវឲ្យធ្វើការជាមួយមនុស្សជាច្រើន។ ជំនាញការទូតរួមមានសមត្ថភាពក្នុងការទំនាក់ទំនង និងការចរចា ភាពជាអ្នកដឹកនាំ ការគ្រប់គ្រងអារម្មណ៍ និងការដោះស្រាយបញ្ហា។ អ្នកត្រូវតែស្ទាត់ជំនាញនូវសមត្ថភាពស៊េរីនេះ ប្រសិនបើអ្នកចង់ទទួលបានជោគជ័យក្នុងការឆ្លងកាត់សិក្ខាកាមគ្រប់គ្រង និងកាន់កាប់មុខតំណែងសំខាន់ៗនៅក្នុងក្រុមហ៊ុន។

២ ធ្វើឲ្យមានភាពវៃឆ្លាតខាងអារម្មណ៍ ភាពវៃឆ្លាតខាងអារម្មណ៍ គឺត្រូវការអ្នកដែលនឹងក្លាយទៅជាអ្នកដឹកនាំនៅក្នុងក្រុមហ៊ុនមួយ។ នៅពេលអ្នកដឹកនាំ អ្នកនឹងប្រាស្រ័យទាក់ទងជាមួយមនុស្សជាច្រើនក្នុងស្ថានភាពផ្សេងៗ។ ការមានភាពឆ្លាតវៃផ្លូវអារម្មណ៍ល្អ នឹងធ្វើឲ្យអ្នកស្ងប់ក្នុងអាកប្បកិរិយាណាមួយ ឬក្នុងស្ថានភាពផ្សេងៗ ដូច្នេះវានឹងបង្កើតការសម្រេចចិត្តបានត្រឹមត្រូវ។ ភាពវៃឆ្លាតខាងអារម្មណ៍ក៏នឹងរារាំងអ្នក ពីភាពផ្តាច់ការក្នុងការដឹកនាំ ដោយបើកចិត្តឲ្យទូលាយជាងមុនក្នុងការបញ្ចូល និងការគ្រប់គ្រងខ្លួនឯងឲ្យខ្លាំង នៅពេលដែលរឿងមិននឹកស្មានដល់កើតឡើង។ អ្នកក៏នឹងយល់ថាវាកាន់តែងាយស្រួល ក្នុងការបង្កើតទំនាក់ទំនងជាមួយភាគីជាច្រើន។

៣ មានភាពបត់បែន និងបើកចំហចំពោះគំនិតថ្មីៗ ក្នុងនាមជាអ្នកដឹកនាំដ៏មានសក្ដានុពល អ្នកគួរតែមានភាពបត់បែន និងបើកចំហចំពោះគំនិតថ្មីៗ។ ប្រសិនបើអ្នកបន្តប្រើវិធីចាស់ឬបុរាណពេក វាលែងមានប្រសិទ្ធភាព ក្នុងការអនុវត្តន៍ចំពោះការងារសព្វថ្ងៃនេះ។ ទោះបីជាអ្នកត្រូវតែមានភាពបត់បែនក៏ដោយ អ្នកក៏ត្រូវមានគោលការណ៍ និងជំនឿដែលត្រូវតែកាន់កៅអីអ្នកដឹកនាំ។ កុំបណ្ដោយឲ្យភាពបត់បែននោះឃ្លាតឆ្ងាយពីគោលការណ៍ដែលអ្នកកាន់ឲ្យសោះ។

៤ បង្កើនជំនាញគ្រប់គ្រងពេលវេលា ដើម្បីក្លាយជាអ្នកដឹកនាំដែលមានការងារច្រើនត្រូវធ្វើ អ្នកត្រូវតែមានយុទ្ធសាស្ត្រសម្រាប់គ្រប់គ្រងពេលវេលារបស់ខ្លួនឯងឲ្យបានល្អ។ កំណត់ពេលវេលាការងារសម្រាប់ខ្លួនឯង និងបុគ្គលិកផ្សេងទៀតផងដែរ។ គន្លឹះក្នុងការគ្រប់គ្រងពេលវេលាឲ្យបានល្អ គឺធ្វើជាមនុស្សដែលផ្ដោតអារម្មណ៍ ជាមួយនឹងសមត្ថភាពនេះ ប ញ្ហានៅកន្លែងធ្វើការ នឹងត្រូវបានដោះស្រាយយ៉ាងងាយស្រួល។

៥ រៀនស្ងប់ស្ងាត់ពេលមានបញ្ហា

ការភ័យស្លន់ស្លោចំពោះបញ្ហានឹងធ្វើឲ្យចិត្តវឹកវរ។ ជាលទ្ធផល អ្នកមានឱកាសខ្ពស់ក្នុងការធ្វើខុស នៅពេលធ្វើការសម្រេចចិត្ត។ ដើម្បីរកដំណោះស្រាយចំពោះរាល់បញ្ហាដែលមាន អ្នកត្រូវតែគិតអំពីវាដោយចិត្តត្រជាក់ និងអារម្មណ៍ស្ងប់។ សូមចងចាំថា អ្នកគឺជាអ្នកដឹកនាំដ៏មានសក្តានុពល អ្វីដែលអ្នកដឹកនាំ នឹងក្លាយជាគំរូសម្រាប់បុគ្គលិកផ្សេងទៀត។ ប្រសិនបើអ្នកបង្ហាញភាពស្លន់ស្លោ អ្នកក្រោមបង្គាប់របស់អ្នក នឹងភ័យស្លន់ស្លោដូចគ្នា។

ទាំងនេះគឺជាគន្លឹះខ្លះៗសម្រាប់ជោគជ័យក្នុងការឆ្លងកាត់សិក្ខាកាមគ្រប់គ្រង ការបណ្តុះបណ្តាលដែលនឹងធ្វើឲ្យអ្នកកាន់កាប់តំណែងជាយុទ្ធសាស្ត្រនៅក្នុងក្រុមហ៊ុនណាមួយដែលចង់បាន៕

ប្រែសម្រួល៖ សាង ស្រីល័ក្ខ

ចុចអាន៖មនុស្សចូលចិត្តពន្យារពេល ឬដំអក់ក្នុងការងារ មាន ៦ ប្រភេទនេះ

ចុចអាន៖ចង់ក្លាយជាថ្នាក់នាយក (director) ក្នុងវ័យសាមប្លាយ?

The post ចង់ឈោងតំណែងអ្នកគ្រប់គ្រងដោយជោគជ័យ ត្រូវមានគន្លឹះ ៥ យ៉ាងនេះក្នុងខ្លួន appeared first on Kampuchea Thmey Daily.

លក្ខណៈពិសេស ៤ យ៉ាងសម្រាប់អ្នកគ្រងតំណែងថ្មីដែលត្រូវមានជាចាំបាច់

សាង ស្រីល័ក្ខ — Thu, 06 May 2021 01:21:52 +0000

ការគ្រប់គ្រងមនុស្ស ពិតជាមិនងាយស្រួលនោះទេ។ ធនធានមនុស្ស មិនមែនជាធនធានសម្ភារឡើយ ដូច្នេះតែងទាមទារជំនាញ និងទេពកោសល្យខ្ពស់ ទើបដឹកនាំក្រុមឲ្យរលូនទៅបាន។

អ្វីដែលរឹតពិបាកបន្ថែមទៀតនោះ គឺអ្នកគ្រប់គ្រងថ្មី ទើបតែឡើងនៅទីតាំងឈរជើងថ្មី។ ប៉ុន្តែលើលោកនេះ គ្មានអ្វីងាយស្រួលស្រាប់ហើយ។ បានឱកាសហើយ ប្រឹងធ្វើប៉ុន្មានយ៉ាងខាងក្រោមនេះទៀតទៅ៖

បង្កើតបរិយាកាសសហការគ្នា

បង្កើតបរិយាកាសសហការជាមួយបុគ្គលិកគ្រប់ផ្នែក នោះនឹងទទួលបានការគោរពនិងឲ្យតម្លៃសម្រាប់អ្នកគ្រប់គ្រងថ្មីទាំងឡាយ។ ក្នុងនាមជាអ្នកគ្រប់គ្រង ត្រូវតែជាអ្នកចាប់ផ្ដើមបង្កើតវប្បធម៌ក្រុមហ៊ុនដែលមានការស្វាគមន៍គ្នាមុនអ្នកផ្សេង។ យើងអាចលើកទឹកចិត្ត ឲ្យមានការប្រាស្រ័យទាក់ទង និងបញ្ចេញមតិយោបល់តាមរយៈការប្រជុំគ្នាមួយទល់មួយជាប្រចាំ និងផ្តល់អាទិភាពឲ្យសមាជិកក្រុមទាំងអស់ស្មើៗគ្នា។

តម្រង់ទិសបុគ្គលិក

ក្នុងនាមជាអ្នកគ្រប់គ្រងថ្មីម្នាក់ គួរតែផ្តោតលើការជួយបុគ្គលិករបស់ខ្លួនឲ្យរីកចម្រើនជាលក្ខណៈបុគ្គលនិងរួមគ្នា។ ត្រូវស្គាល់បុគ្គលិកតាមកម្រិតផ្ទាល់ខ្លួនរបស់ពួកគេ ដូច្នេះយើងអាចជួយពួកគេបង្កើនសមត្ថភាពឲ្យកាន់តែល្អប្រសើរ។ បន្ថែមពីលើនោះទៀត ខ្លួនជាអ្នកដឹកនាំ ត្រូវស្វែងរកអ្វីដែលដំណើរការនិងអ្វីដែលមិនដំណើរការនៅក្នុងស្ថាប័ន ហើយដោះស្រាយបំបាត់បញ្ហា ដូច្នេះនិយោជិកអាចបំពេញការងារបានយ៉ាងល្អ។

រក្សាទំនាក់ទំនងឲ្យល្អបំផុត

ការប្រាស្រ័យទាក់ទងគឺជាកម្លាំងរុញច្រាននៅពីក្រោយទំនាក់ទំនងសង្គមជោគជ័យទាំងឡាយ។ ជាពិសេសក្នុងឋានៈជាអ្នកគ្រប់គ្រង វារឹតតែត្រូវការទំនាក់ទំនងល្អជាមួយមនុស្សជុំវិញខ្លួនមិនថាអ្នកក្រៅស្ថាប័ន ឬបុគ្គលិកក្រោមបង្គាប់ ឬមិត្តរួមការងារផ្សេងទៀតនោះទេ។ ទោះបីយើងជាមេកោយ បើសិនត្រូវការអ្នកជួយ នោះសុំជំនួយទៅ។ ចាប់ផ្តើមជជែកដោយបើកចំហរដើម្បីបង្កើនទំនុកចិត្តចំពោះគ្នា។

ជំរុញទឹកចិត្តបុគ្គលិកគ្រប់គ្នា

បុគ្គលិកម្នាក់ៗរមែងចង់បានតម្លៃរបស់ខ្លួន ទោះពួកគេស្ថិតក្នុងតួនាទីតូចតាចក៏ដោយ។ បើសិនពួកគេទទួលអារម្មណ៍ថាខ្លួនគ្មានតម្លៃ នោះពួកគេនឹងគ្មានកម្លាំងចិត្តធ្វើការទេ។

អ្នកគ្រប់គ្រងថ្មីគួរតែចំណាយពេលខ្លះដើម្បីស្វែងយល់ពីភាពខ្លាំងរបស់សមាជិកក្រុមនីមួយៗ និងចំណុចដែលពួកគេត្រូវការការគាំទ្របន្ថែម។ សកម្មភាពនេះ ធ្វើឲ្យនិយោជិកឃើញថា យើងកំពុងជម្រុញនិងលើកទឹកចិត្តពួកគេឲ្យធ្វើបានល្អក្នុងតួនាទីរបស់ខ្លួន៕

ប្រែសម្រួល៖ សន្យា

ប្រភព៖ BND

ចុចអាន៖ចង់ក្លាយជាថ្នាក់នាយក (director) ក្នុងវ័យសាមប្លាយ?

ចុចអាន៖៤ វិធី ពីអ្នកគ្រប់គ្រងទូទៅ ក្លាយជាប្រធានគ្រប់គ្រងក្រុមហ៊ុន

The post លក្ខណៈពិសេស ៤ យ៉ាងសម្រាប់អ្នកគ្រងតំណែងថ្មីដែលត្រូវមានជាចាំបាច់ appeared first on Kampuchea Thmey Daily.

៤ វិធី ពីអ្នកគ្រប់គ្រងទូទៅ ក្លាយជាប្រធានគ្រប់គ្រងក្រុមហ៊ុន

សាង ស្រីល័ក្ខ — Fri, 30 Apr 2021 09:30:00 +0000

តើត្រូវការអ្វីខ្លះ ដើម្បីឈានដល់តំណែងជាថ្នាក់ដឹកនាំ? បើចង់ធ្វើក្លាយជានាយកម្នាក់ តើអ្នកទៅដល់ទីនោះយ៉ាងដូចម្ដេច?
ខាងក្រោមនេះ គឺជាលក្ខណៈទាំង៤ ដែលអ្នកត្រូវតែមាន ពីកម្រិតអ្នកគ្រប់គ្រងទូទៅឈានដល់ជានាយកគ្រប់គ្រង។

១. អភិវឌ្ឍអ្នកគ្រប់គ្រងផ្សេងទៀត

ចរិតសំខាន់បំផុតដែលអ្នកគួរមាន នៅពេលចង់ក្លាយជានាយកដែលមានសក្ដានុពលខ្ពស់ គឺត្រូវតែមានទេពកោសល្យ សម្រាប់អភិវឌ្ឍអ្នកគ្រប់គ្រងថ្មី។ នេះគឺជាអ្វីដែលសំខាន់បំផុត ដែលនាយកគួរធ្វើសម្រាប់ក្រុមហ៊ុន។

វាក៏ជាវិធីដែលក្រុមហ៊ុនធានា នូវភាពជោគជ័យ នាពេលអនាគតរបស់ខ្លួន។ ត្រូវចងចាំថា បើគ្មានបំពង់បង្ហូរប្រេងដ៏រឹងមាំ និងជាប់លាប់របស់អ្នកគ្រប់គ្រងទេ ទីបំផុតក្រុមហ៊ុននឹងរសាត់បាត់ទៅឆ្ងាយ។

វាមិនដូចនៅអាជីពជាអ្នកគ្រប់គ្រងទូទៅ ដែលអ្នកធ្លាប់ផ្ដោតជាចម្បងលើការអភិវឌ្ឍសមត្ថភាពតូចៗ តែជានាយកត្រូវតម្រូវឱ្យមានវិធីសាស្ត្រខុសគ្នា ជាមូលដ្ឋាន។

២. បង្កើតខ្លួនឯងជាអ្នកដឹកនាំមានសមត្ថភាព

ជានាយកត្រូវតែមានសមត្ថភាពដឹកនាំមនុស្សនិងក្រុម ដែលពួកគេមិនបានគ្រប់គ្រងដោយផ្ទាល់។ ម៉្យាងវិញទៀតនាយកត្រូវដឹកនាំគម្រោងដែលមានក្នុងក្រុម និងផ្នែកជាច្រើនផ្សេងទៀត ខុសពីតួនាទីអ្នកគ្រប់គ្រង។

៣. កំណត់ស្តង់ដារថ្មីសម្រាប់ភាពរីកចម្រើន

អ្នកគ្រប់គ្រងត្រូវមានតួនាទីដឹកនាំក្រុម ដើម្បីអនុវត្តដោយភាពជឿជាក់ និងដើម្បីបំពេញ ឬលើសពីបទដ្ឋានការងារដែលមានស្រាប់ ដោយបង្កើនប្រសិទ្ធភាពការងាររបស់ក្រុម ធៀបនឹងគោលការបច្ចុប្បន្ន។

ប៉ុន្តែតួនាទីនាយក មិនដូចប្រធានគ្រប់គ្រងទេ នាយកត្រូវការគិតឲ្យប្លែកពីនេះ។ ចាំបាច់ត្រូវផ្ដោតការយកចិត្តទុកដាក់ខ្ពស់ លើការកំណត់ស្តង់ដារថ្មីជានិច្ច។ ហើយធ្វើការផ្លាស់ប្ដូរ ការកែលំអឬបង្កើនជាជំហាននៃភាពជោគជ័យ។ ជួយជំរុញក្រុមមួយឱ្យឱបក្រសោបការកែលំអនៃការបញ្ជាទិញ ដែលមានទំហំខ្ពស់ ជាងពេលបច្ចុប្បន្ន។

៤. បង្រៀនគំរូដល់ពួកគេ កុំចេញតែបញ្ជាជាងសកម្មភាព

អ្នកដឹកនាំថ្នាក់គ្រប់គ្រងជាអ្នកកំណត់វិធីសាស្ត្រនិងសកម្មភាពឲ្យបានត្រឹមត្រូវ និងទទួលខុសត្រូវក្រុមចំពោះប្រតិបត្តិការ។ ប៉ុន្តែនាយកមិនដូចអ្នកគ្រប់គ្រងឡើយ ពួកគេត្រូវតែជាអ្នកពូកែបង្រៀន ជំនួសឲ្យការចេញតែបញ្ជា។ ម៉្យាងវិញទៀត នាយកត្រូវការស្វែងយល់ពីគំរូនៃការបង្កើតសារ ដែលមានប្រសិទ្ធភាពនៅក្នុងសេណារីយ៉ូណាមួយ ហើយត្រូវដឹងពីមូលហេតុដែលការផ្ញើសារជាវិធីល្អ៕

ប្រែសម្រួល៖ សាង ស្រីល័ក្ខ

ចុចអាន៖ជំនាញទន់សំខាន់ៗចំនួន ៥ ដែលអ្នកដឹកនាំគ្រប់រូបគួរមានជាចាំបាច់

ចុចអាន៖មេដឹកនាំល្អគឺអ្នកដែលអាចបង្កើតមេដឹកនាំបន្តជាច្រើនទៀតបាន

The post ៤ វិធី ពីអ្នកគ្រប់គ្រងទូទៅ ក្លាយជាប្រធានគ្រប់គ្រងក្រុមហ៊ុន appeared first on Kampuchea Thmey Daily.

វិធីសាស្ត្រ ៤ យ៉ាងគ្រប់គ្រងមនុស្សមានបទពិសោធន៍ច្រើនជាងខ្លួន

សាង ស្រីល័ក្ខ — Wed, 21 Apr 2021 01:23:43 +0000

ក្នុងនាមជាអ្នកដឹកនាំ យើងប្រាកដជាចង់ឲ្យបុគ្គលិករបស់ខ្លួនចូលចិត្តនិងគោរពស្រឡាញ់។ ប៉ុន្តែវាមិនងាយស្រួលនោះទេក្នុងរឿងនេះ ជាពិសេសធ្វើជាដឹកនាំបុគ្គលិកចាស់ដែលមានបទពិសោធន៍យូរជាងយើង។

នៅទីនេះ KPT Plus សូមបង្ហាញតិចនិក ៤ យ៉ាងដែលអាចជួយដោះស្រាយជាមួយបុគ្គលិកចាស់បទពិសោធន៍ជាងអ្នក៖

មិនធ្វើការប្រកួតប្រជែងគ្នា

ធម្មជាតិមនុស្សចូលចិត្តប្រកួតប្រជែង និងមានបក្សពួកស្ទើរនៅគ្រប់ទិសទី មិនមែនតែនៅកន្លែងការងារប៉ុណ្ណោះទេ។ ទោះបីរឿងនេះកើតឡើងនៅកន្លែងការងារអ្នកក៏ដោយ តែអ្នកដែលជាមេដឹកនាំត្រូវបង្ហាញថា កន្លែងការងាររបស់អ្នកមិនមានបក្សពួកនិយមនោះទេ ជាពិសេសអ្នកគាំទ្រមនុស្សក្រោមបង្គាប់ដោយស្នើភាពគ្នា។ ម្យ៉ាងទៀត ការិយាល័យរបស់អ្នកមិនផ្ដោតលើការប្រកួតប្រជែងគ្នានោះឡើយ តែផ្ដោតលើលទ្ធផលជោគជ័យរួមគ្នា។

ធ្វើតារាងការងារដោយផ្ដោតលើលទ្ធផល

ជារឿយៗបុគ្គលិកដែលមានបទពិសោធន៍ច្រើនរៀងមានអំនួតបន្តិច ព្រោះយល់ថាខ្លួនជារៀមច្បងនិងធ្លាប់ឆ្លងកាត់ការងារក្រាស់ក្រែល។ ជួនកាលពួកគេមិនគោរពអ្នកដឹកនាំដែលក្មេងសេចក្ដីជាងខ្លួនទេ ហើយធ្វើការតាមអំពើរចិត្ត។ ក្នុងលក្ខខណ្ឌនេះ អ្នកត្រូវមានគោលការណ៍ និងតារាងពិន្ទុដើម្បីកំណត់លទ្ធផលការងារប្រចាំសប្ដាហ៍ឬប្រចាំខែ។ ទុកឲ្យតួលេខជាអ្នកវាស់វែងកិច្ចការដែលពួកគេធ្វើ នោះអ្នកក៏គ្មានការទិតៀនពីភាពលម្អៀងណាមួយដែរ។

ធ្វើជាមនុស្សកណ្ដាលក្នុងចំណោមបុគ្គលិក

ជាមេដឹកនាំ ប្រៀបបាននឹងម្ដាយឪពុកដែលត្រូវស្រឡាញ់កូនៗឲ្យស្មើគ្នា។ ដូចគ្នាដែរជាអ្នកត្រូវស្រឡាញ់ គោរព និងឲ្យតម្លៃអ្នកក្រោមបង្គាប់ឲ្យបានដូចៗគ្នាទាំងអស់។ មិនថា អ្នកចាស់មិនសូវចូលចិត្តអ្នក តែមិនមែនមានន័យថាអ្នកត្រូវធ្វើបែបនេះតបទៅវិញទេ។ពេលមានបញ្ហាត្រូវតែឈរនៅកណ្ដាល និងជួយដោះស្រាយពួកគេដោយភាពអត់ធ្មត់។

ធ្វើការជជែកគ្នាទៅវិញទៅមក

Men and women to discuss happily

គួររៀបចំវគ្គខ្លីៗ ឬការប្រជុំជាទៀងទាត់ដើម្បីចែករំលែកបទពិសោធន៍ល្អៗជាមួយគ្នា ហើយវាក៏ធ្វើឲ្យយើងអាចជិតស្និទ្ធគ្នា ព្រមទាំងយល់ពីបញ្ហាគ្នាទៅវិញទៅមកផងដែរ។

ប្រែសម្រួល៖ សន្យា

ប្រភព៖ brendanreid

ចុចអាន៖ចំណុចទាំងនេះ នាំឲ្យអ្នកគ្រប់គ្រងទទួលបានការគោរពលើសពីតួនាទីទៅទៀត

ចុចអាន៖គន្លឹះ ៦ យ៉ាងដើម្បីក្លាយជាអ្នកដឹកនាំល្អនៅកន្លែងធ្វើការ ប្រកបដោយជោគជ័យ

The post វិធីសាស្ត្រ ៤ យ៉ាងគ្រប់គ្រងមនុស្សមានបទពិសោធន៍ច្រើនជាងខ្លួន appeared first on Kampuchea Thmey Daily.

ចំណុចទាំងនេះ នាំឲ្យអ្នកគ្រប់គ្រងទទួលបានការគោរពលើសពីតួនាទីទៅទៀត

សាង ស្រីល័ក្ខ — Sat, 17 Apr 2021 02:30:00 +0000

អ្នកគ្រប់គ្រងគ្រប់រូបត្រូវរកវិធីល្អបំផុតដើម្បីដឹកនាំនិងលើកទឹកចិត្តប៉ុន្តែគោលការណ៍មូលដ្ឋានមួយចំនួននឹងជួយឲ្យអ្នកទទួលបានការគោរពសឹងលើសពីនាយកប្រតិបត្តិទៅទៀត។

១ យល់ពីតម្លៃរបស់និយោជិក

យើងដឹងហើយថា គ្រប់គ្នាចង់បានតម្លៃមួយ ហើយយើងតែងតែមិនអាចសម្រេចគោលបំណងម្នាក់ឯងបានទេ ដូច្នេះត្រូវខិតខំជួយបុគ្គលិកនានាឲ្យបានរីកចម្រើន មិនថាមុខការ ជំនៈឧបសគ្គរៀនបន្ថែម ចែករំលែកស្នាដៃ មិនដណ្ដើមយកតែឯង អ្នកនឹងឈ្នះ។

២ រក្សាភាពត្រឹមត្រូវ

ចៀសវាងការលេងល្បែងបក្សពួក ដាក់មហិច្ឆតាឬគំនុំឬមនោសញ្ចេតនាផ្ទាល់ខ្លួន ខ្ពស់ជាងស្មារតីជាក្រុម។ ព្រោះមនុស្សគ្រប់គ្នា គេឆាប់ដកការគោរពវិញណាស់ ចំពោះអ្នកគ្រប់គ្រងណាដែលមានសកម្មភាពអយុត្តិធម៌ ឬបម្រើអារម្មណ៍ខ្លួនឯង ជាជាងប្រយោជន៍រួម។

៣ ស្គាល់ចំណុចខ្លាំងរបស់សមាជិកនីមួយៗ

Smiling Asian young business women in casual wear standing in line with arms folded in meeting room. Row of Business men and women looking at camera

តាមរយៈការប្រើប្រាស់ភាពខ្លាំងពីធម្មជាតិរបស់និយោជិកមកបញ្ចូលទៅនឹងសក្តានុពលពេញលេញរបស់ក្រុម អ្នកមិនត្រឹមតែអនុញ្ញាតឲ្យនិយោជិកមានអារម្មណ៍ថា មានតម្លៃនិងជាចំនែកនៃសមិទ្ធិផលខ្ពស់ៗប៉ុណ្ណោះទេ ពួកគេក៏ពិបាករកមេដឹកនាំបានដូចទៀតដែរ។ នៅពេលដែលនិយោជិកសំរេចគោលដៅដ៏លំបាកឬទាញយកបានជ័យជម្នះចូរចាប់យកឱកាសជូនរង្វាន់និងនំាក្រុមដទៃទៀតឱ្យមានឱកាសទទយលបានជោគជ័យស្រដៀងគ្នាដែរ។

៤ ចេះប្រើពេលវេលាច្បាស់

កុំរំពឹងថា និយោជិកនឹងរៀនជំនាញថ្មីៗកែប្រែអាកប្បកិរិយា ឬកែលម្អការអនុវត្តការងាររបស់ពួកគេត្រឹមពេលមួយយប់ ត្រូវចេះទុកពេលវេលា ចេះវាយតម្លៃនិងកោតសរសើរជាជំហានៗ ។ កុំចង់ឲ្យគេល្អគ្រប់១០ ចូរយកចិត្តទុកដាក់លើការផ្លាស់ប្តូរបន្តិចបន្តួចទាំងនោះហើយដែលនឹងនាំមកនូវលទ្ធផលរឹងមាំរយៈពេលវែង។

៥ មានប្រតិកម្មរហ័សតែកុំសម្រេចចិត្តម្នាក់ឯង

បង្ហាញការគាំទ្រដល់កិច្ចខិតខំប្រឹងប្រែងរបស់សមាជិកក្រុមគ្មានអ្វីក្រៅតែពីផ្តល់ទំនុកចិត្ត បង្កើនជំនាញរបស់ពួកគេនិងធ្វើឲ្យប្រសើរឡើងនូវសមត្ថភាពក្នុងការសម្រេចចិត្តរបស់ពួកគេ ជាជាងយើងតែងតែសម្រេចចិត្តម្នាក់ឯង។ គេថាមេដឹកនាំបង្កើតមេដឹកនាំ បើអ្នកចេះតែសម្រេចចិត្ត តើពេលណាគេក្លាយជាមេដឹកនាំបាន? ការផ្តល់មតិ និងជួយជ្រោមជ្រែងឬដោះស្រាយបញ្ហាប្រឺម មិនអាចយឺតយ៉ាវបានទេ ។ គ្មានអ្នកណាកោតគោរពមេដឹកនាំដែលយឺតយ៉ាវ ពន្យាពេល គេចវេ៉សឡើយ។

ប្រែសម្រួល៖ឡាហ្សូលី

ចុចអាន៖ក្រុមហ៊ុនដែលភាន់ច្រឡំគ្នារវាង ទីផ្សារនិងផ្នែកលក់តែងតែបរាជ័យ

ចុចអាន៖ខ្វះ ៣ យ៉ាងនេះនឹងធ្វើឲ្យផលិតភាពការងារធ្លាក់ចុះ

The post ចំណុចទាំងនេះ នាំឲ្យអ្នកគ្រប់គ្រងទទួលបានការគោរពលើសពីតួនាទីទៅទៀត appeared first on Kampuchea Thmey Daily.

បើមិនដឹងរឿងទាំងនេះ រើសអ្នកគ្រប់គ្រងខុស វិនិយោគធំប៉ុណ្ណាក៏ចុងក្រោយដួលគ្រេង

សាង ស្រីល័ក្ខ — Mon, 09 Nov 2020 08:17:46 +0000

ទោះបីជាធនធានមនុស្សអាស្រ័យទំហំប្រាក់ខែ តែការគ្រប់គ្រងជាអ្វីមួយដែលម្ចាស់អាជីវកម្មអាចជោគជ័យឬក៏បរាជ័យយ៉ាងងាយ។

ការបង្កើតសំណុំនៃគោលបំណង (Directions-KPI) ដែលអាចវាស់វែងបាន សម្រាប់និយោជិកម្នាក់ៗគ្រាន់តែជាផ្នែកមួយនៃការគ្រប់គ្រងការអនុវត្តប៉ុណ្ណោះ ប៉ុន្តែការតាមដាននិងវាយតម្លៃជួយបុគ្គលិកទម្លុះឧបសគ្គ ត្រូវការអ្នកគ្រប់គ្រងដ៏មានសមត្ថភាព ពិសេសនៅថ្នាក់កណ្តាល (Middle Management ) ដែលជាទូទៅនៅគ្រប់គ្រងផ្នែកផលិតកម្មសេវាកម្ម។

សារៈសំខាន់នៃការគ្រប់គ្រង

អាចជួយជំរុញបុគ្គលិកស្គាល់ពីការរំពឹងទុកនៃក្រុម រើសយកសកម្មភាពសមហេតុផលនិងច្នៃប្រឌិត ផ្ដោតលើគោលដៅដែលពួកគេអាចយល់បាននិងច្បាស់លាស់ថាកំពុងឆ្ពោះទៅទីណា ការនេះអាចជំរុញឲ្យប្រសើរឡើងអំពីដំណើរការអាជីវកម្មគ្រប់ទំហំ ។

អ្នកគ្រប់គ្រងដែលល្អគឺ៖

១ ទទួលខុសត្រូវខ្ពស់

អ្នកគ្រប់គ្រងតម្រូវឲ្យរៀនទទួលយកទំនួលខុសត្រូវ បែងចែកគុណសម្បត្តិ ក៏ដូចជាមានឆន្ទៈក្នុងការប្រើមនុស្សឲ្យចំសមត្ថភាព និងចេះទទួលស្គាល់កូនចៅ ទទួលយកភាពខ្លាំងខ្សោយ។ មិនមែនចង្អុលតែកំហុស រំលឹកដដែលៗ ហើយបំបាត់គុណតម្លៃគ្នាចោលទេ។ ភាគច្រើនសេវាកម្មឬផលិតផលមួយ សង្វាក់ការងារមួយ ល្អឬមិនល្អ គេវាយតម្លៃ Manager។

២ ហ៊ានដោះស្រាយបញ្ហា

កុំគ្រាន់តែជាអ្នកសម្របសម្រួល។ ត្រូវមានបទពិសោធន៍ស្មានដឹងពីឥរិយាបថណាដែលមានសារៈសំខាន់ សម្រាប់ទទួលបានជោគជ័យរវាងក្រុម ដោះស្រាយទំនាស់ បង្កើនការចេះយោគយល់ខ្ពស់ជាវប្បធម៌ បង្កើតកិច្ចសហការគ្នាឆ្លងកាត់គ្រប់ឧបករណ៍ អ៊ីមែល កំណត់ប្រតិទិននិងផ្សេងៗទៀត។ មានការសន្ទនាដ៏ស្វិតស្វាញរុករកឱកាសដោះស្រាយបង្កើតទំនាក់ទំនងឲ្យកាន់តែល្អប្រសើរ ពីពេលមួយទៅពេលមួយ។

៣ ពូកែលើកទឹកចិត្ត

ការចូលរួមរបស់និយោជិកអាចកើនឡើងទ្វេដង នៅពេលដែលទេពកោសល្យផ្នែកគ្រប់គ្រងពូកែលើកទឹកចិត្ត ។ ប្រាក់ចំណូលជាមធ្យម ១៤៧ ភាគរយក្នុងក្រុមហ៊ុនដែលមានសន្ទុះលើកទឹកចិត្តល្អ ធៀបនឹងក្រុមហ៊ុនធម្មតា ។ គំនិតដ៏អស្ចារ្យសម្រាប់ការកោតសរសើរបុគ្គលិកនឹងផ្លាស់ប្ដូរបរិយាកាសទាំងមូលនៃក្រុមហ៊ុន ធ្វើឲ្យគ្រប់គ្នាយល់ថាគេមានសារៈសំខាន់ចំពោះក្រុមហ៊ុនក្លាយជាអ្នកគ្រប់គ្រងលើតួនាទីនីមួយៗ។

៤ ចេះផ្ដល់ព័ត៌មានគឺជាគន្លឹះ

អ្នកគ្រប់គ្រងល្អ តែងបង្កើតនូវវិធីសាស្ត្រថ្មីៗមិនធុញទ្រាន់ សម្រាប់ផ្ដល់ដំណឹងទាន់ពេលវេលា ចេះពន្យល់ និងជំរុញឲ្យ បុគ្គលិកមានភាពសកម្មក្នុងមុខនាទី។ មិនថាប្រជុំ ឆាត តាមបណ្ដាញសង្គម សរសេរកំណាព្យ គូរគំនូរ ឆ្លើយសំណួរយករង្វាន់ ការប្រជែងផលិតរឿងខ្លី ឬអ្វីក្តី ឲ្យតែអាចទាញឲ្យមានការយកចិត្តទុកដាក់ក្នុងចំណោមបុគ្គលិកឲ្យដឹងអំពីការវិវឌ្ឍន៍ចុងក្រោយបំផុតក្នុងស្ថាប័នខ្លួន ការខ្វះចន្លោះព័ត៌មាន បង្កើតការមន្ទិលនឹងលែងមាន ដែលនាំឲ្យគ្រប់គ្នាធ្វើការមិនចេះហត់នឿយពេញដោយសន្ទុះ។

៥ បំបាត់រាល់ការភ័យព្រួយ

កន្លែងល្អមួយ គឺគ្រប់គ្នាអាចការទុកចិត្តបាន ខណៈដែលកន្លែងដែលភាពភ័យខ្លាចលែងមាន។ និយោជិករត់ចេញពីកន្លែងជាច្រើនដែលគ្រប់គ្រងដោយបង្កើតបរិយាកាសគម្រាម បំភិតបំភ័យឲ្យខ្លាចជាជាងស្រលាញ់។ កន្លែងដែលអ្នកគ្រប់គ្រងប្រើអំណាចនៃតំណែងរបស់ពួកគេដើម្បីគ្រប់គ្រងក្រុម។ ការធ្វើជាអ្នកគ្រប់គ្រងបែបនេះបានតែមួយរយៈ ដោយសារតែគ្មានអាជីវកម្មណាអាចធ្វើឲ្យសមាជិកក្រុមបាត់បង់សមាជិកបន្ទរបន្ទាប់ទុកយើងម្នាក់សោយរាជ្យទេ។

៦ ចេះគ្រប់គ្រងស្ថានការណ៍

មិនថាបរិយាកាសអាក្រក់ប៉ុនណា អ្នកគ្រប់គ្រងល្អ អាចគ្រប់គ្រងពាក្យចចាមអារាមបានព្រោះគេទទួលបានទំនុកចិត្តពីបុគ្គលិក និងក្រុមទាំងមូល។ គេអាចគ្រប់គ្រងស្ថានការណ៍នានាបានយ៉ាងល្អ ក្នុងសមត្ថិកិច្ចក្រុមការងាររបស់ខ្លួន។

ប្រែសម្រួល៖ សុភា

ប្រភព BWS

ចុចអាន៖ក្មេងយ៉ាងណាក្តី នៅតែអាចក្លាយជាអ្នកដឹកនាំខ្លាំងម្នាក់ដរាបណាយល់រឿងទាំងនេះ

ចុចអាន៖រវាងអាជីវកម្មលក់និងផ្តល់សេវាកម្ម មួយណាល្អជាងសម្រាប់បើករកស៊ីដំបូង

The post បើមិនដឹងរឿងទាំងនេះ រើសអ្នកគ្រប់គ្រងខុស វិនិយោគធំប៉ុណ្ណាក៏ចុងក្រោយដួលគ្រេង appeared first on Kampuchea Thmey Daily.

៤ វិធី ពីអ្នកគ្រប់គ្រងទូទៅ ក្លាយជាប្រធានគ្រប់គ្រងក្រុមហ៊ុន

សាង ស្រីល័ក្ខ — Thu, 29 Oct 2020 09:13:38 +0000

តើត្រូវការអ្វីខ្លះ ដើម្បីឈានដល់តំណែងជាថ្នាក់ដឹកនាំ? បើចង់ធ្វើក្លាយជានាយកម្នាក់ តើអ្នកទៅដល់ទីនោះយ៉ាងដូចម្ដេច?
ខាងក្រោមនេះ គឺជាលក្ខណៈទាំង៤ ដែលអ្នកត្រូវតែមាន ពីកម្រិតអ្នកគ្រប់គ្រងទូទៅ ឈានដល់ជានាយកគ្រប់គ្រង។

១. អភិវឌ្ឍអ្នកគ្រប់គ្រងផ្សេងទៀត

មិនដូចនៅអាជីពជាអ្នកគ្រប់គ្រងទូទៅ ដែលយើងធ្លាប់ផ្ដោតជាចម្បងលើការអភិវឌ្ឍសមត្ថភាពតូចៗ តែជានាយកត្រូវតម្រូវឱ្យមានវិធីសាស្ត្រខុសគ្នា ជាមូលដ្ឋាន។

២. បង្កើតខ្លួនឯងជាអ្នកដឹកនាំមានសមត្ថភាព

៣. កំណត់ស្តង់ដារថ្មីសម្រាប់ភាពរីកចម្រើន

ប៉ុន្តែតួនាទីនាយក មិនដូចប្រធានគ្រប់គ្រងទេ នាយកត្រូវការគិតឲ្យប្លែកពីនេះ។ ចាំបាច់ត្រូវផ្ដោតការយកចិត្តទុកដាក់ខ្ពស់ លើការកំណត់ស្តង់ដារថ្មីជានិច្ច។ រួមទាំងធ្វើការផ្លាស់ប្ដូរ ការកែលំអឬបង្កើនជាជំហាននៃភាពជោគជ័យ។ ជួយជំរុញក្រុមមួយឱ្យឱបក្រសោបការកែលំអនៃការបញ្ជាទិញ ដែលមានទំហំខ្ពស់ ជាងពេលបច្ចុប្បន្ន។

៤. បង្រៀនគំរូដល់ពួកគេ កុំចេញតែបញ្ជាជាងសកម្មភាព

អ្នកដឹកនាំថ្នាក់គ្រប់គ្រងជាអ្នកកំណត់វិធីសាស្ត្រនិងសកម្មភាពឱ្យបានត្រឹមត្រូវ និងទទួលខុសត្រូវក្រុមចំពោះប្រតិបត្តិការ។

ប៉ុន្តែនាយកមិនដូចអ្នកគ្រប់គ្រងឡើយ ពួកគេត្រូវតែជាអ្នកពូកែបង្រៀន ជំនួសឱ្យការចេញតែបញ្ជា។ ម៉្យាងវិញទៀត នាយកត្រូវការស្វែងយល់ពីគំរូនៃការបង្កើតសារ ដែលមានប្រសិទ្ធភាពនៅក្នុងសេណារីយ៉ូណាមួយ ហើយត្រូវដឹងពីមូលហេតុដែលការផ្ញើសារ ជាវិធីល្អ៕

ប្រែសម្រួល៖ សាង ស្រីល័ក្ខ

ចុចអាន៖មហាសេដ្ឋីដែលធ្វើការងារមនុស្សធម៌លើសហួសពីអ្វីដែលយើងបានដឹង

ចុចអាន៖ក្បាច់គុនកុងហ្វូដែលកម្លាយចេញពីការប្រយុទ្ធរវាងសត្វពស់និងឥន្ទ្

អ្នកគ្រប់គ្រង Archives - Kampuchea Thmey Daily

ចង់ឈោងតំណែងអ្នកគ្រប់គ្រងដោយជោគជ័យ ត្រូវមានគន្លឹះ ៥ យ៉ាងនេះក្នុងខ្លួន

លក្ខណៈ​ពិសេស ៤ យ៉ាង​សម្រាប់​អ្នក​គ្រង​តំណែង​ថ្មី​ដែល​ត្រូវ​មាន​ជា​ចាំបាច់

៤ វិធី​ ពី​អ្នក​គ្រប់គ្រង​ទូទៅ ​ក្លាយ​ជា​​ប្រធាន​គ្រប់គ្រង​ក្រុមហ៊ុន

វិធីសាស្ត្រ ៤ យ៉ាង​គ្រប់គ្រង​មនុស្ស​មាន​បទពិសោធន៍​ច្រើន​ជាង​ខ្លួន

ចំណុច​ទាំង​នេះ នាំ​ឲ្យ​អ្នក​គ្រប់គ្រង​ទទួល​បាន​ការ​គោរព​លើស​ពី​តួនាទី​ទៅទៀត

បើ​មិន​ដឹង​រឿង​ទាំងនេះ រើស​អ្នក​គ្រប់គ្រង​ខុស វិនិយោគ​ធំ​ប៉ុណ្ណា​ក៏​ចុងក្រោយ​ដួល​គ្រេង

៤ វិធី​ ពី​អ្នក​គ្រប់គ្រង​ទូទៅ ​ក្លាយ​ជា​​ប្រធាន​គ្រប់គ្រង​ក្រុមហ៊ុន

លក្ខណៈពិសេស ៤ យ៉ាងសម្រាប់អ្នកគ្រងតំណែងថ្មីដែលត្រូវមានជាចាំបាច់

៤ វិធី ពីអ្នកគ្រប់គ្រងទូទៅ ក្លាយជាប្រធានគ្រប់គ្រងក្រុមហ៊ុន

វិធីសាស្ត្រ ៤ យ៉ាងគ្រប់គ្រងមនុស្សមានបទពិសោធន៍ច្រើនជាងខ្លួន

ចំណុចទាំងនេះ នាំឲ្យអ្នកគ្រប់គ្រងទទួលបានការគោរពលើសពីតួនាទីទៅទៀត

បើមិនដឹងរឿងទាំងនេះ រើសអ្នកគ្រប់គ្រងខុស វិនិយោគធំប៉ុណ្ណាក៏ចុងក្រោយដួលគ្រេង

៤ វិធី ពីអ្នកគ្រប់គ្រងទូទៅ ក្លាយជាប្រធានគ្រប់គ្រងក្រុមហ៊ុន