ការបញ្ចេញប្រតិកម្មរបស់អតីតអ្នកគ្រប់គ្រង MGC 2024 រូបនេះបានធ្វើឱ្យមហាជន និងអ្នកប្រើប្រាស់បណ្តាញសង្គមហ្វេសប៊ុកកំពុងមានការចាប់អារម្មណ៍នឹងវែកញែកជាច្រើនផងដែរ ខណ:លោកស្រី អុឹម សុគន្ធា មិនទាន់បង្ហាញមុខឬបញ្ជាក់ថាបវរកញ្ញារូបណានៅឡើយទេ។

តាមខ្លឹមសារសរសេររបស់អ្នកស្រី អុឹម សុគន្ធា កាលពីព្រលប់ថ្ងៃទី១០ ខែមីនា ឆ្នាំ២០២៥ បានលើកឡើងថា “ថ្លើមធំណាស់ ហ៊ានចូលប្រកួតរំលងខ្ញុំផង មិនដឹងថាដាក់ឈ្មោះអី្វឱ្យចំទេ អាត្មានិយមណាស់”។ អ្នកស្រីសង្កត់ធ្ងន់ទៀតថា បើបេក្ខភាពបវរកញ្ញារូបនោះ ហ៊ានរំលងខ្លួនបែបនេះ ខ្លួនក៏មិនទុកដែរ។

បន្ថែមពីលើនេះលោកស្រី អុឹម សុគន្ធា អតីតអ្នកគ្រប់គ្រង Miss Grand Cambodia 2024 បានបញ្ជាក់ខ្លីថា ប្រហែលឃើញខ្លួនស្លូតពេកមែន..នាងស្គាល់ Me តិចពេកហើយ ។ បើទោះបីជាយ៉ាងណា មកដល់ពេលនេះ គេនៅមិនទាន់ឃើញមានការបញ្ជាក់ច្បាស់ពីអ្នកស្រី អ៊ឹម សុគន្ធា ថាតើបវរកញ្ញារូបនោះជានណាឡើយ។ ប៉ុន្តែ ក្នុងនោះក៏មានការវែកញ៉ែកពីអ្នកគាំទ្រ ដោយខ្លះសង្ស័យថា ជាកញ្ញា ប៊ី សុធារី រីឯខ្លះទៀត ក៏សង្ស័យថាជាកញ្ញា ផន ស្រីពី ផងដែរ៕ អត្ថបទ៖ ចាន់រ៉ា

The post អតីតអ្នកគ្រប់គ្រង MGC 2024 អុឹម សុគន្ធា ផ្ទុះប្រតិកម្ម ខណៈបវរកញ្ញាម្នាក់ចូលប្រកួតរំលងខ្លួន appeared first on Kampuchea Thmey Daily.

ចំពោះការប្រតិកម្មដោយបញ្ចេញអារម្មណ៍មិនសប្បាយចិត្ត និងការព្រមានទម្លាយមុខបរវរកញ្ញាម្នាក់ពីសំណាក់អ្នកស្រី អុឹម សុគន្ធា ពេលនេះ ត្រូវគេដឹងថា ទើបតែជាលើទី១ ដែលអតីតអ្នកគ្រប់គ្រង Miss Grand Cambodia ២០២៤ រូបនេះ ផ្ទុះកំហឹងខ្លាំងព្រមានចាត់វិធានការផ្លូវច្បាប់ទៅលើបុគ្គលបរវរកញ្ញាម្នាក់នោះ។

បើតាមអ្នកស្រី អុឹម សុគន្ធា បានបញ្ចេញសំណេរនៅលើទំព័រហ្វេករបស់ខ្លួនដោយព្រមានថា “ការអត់ឱនមានដែនកំណត់ បើនៅតែបន្តឈ្លើយបែបនេះ ផុសឱ្យខ្មាស់គេម្ដង…”។ អ្នកនាងបានបញ្ជាក់ប្រាប់អ្នកគាំទ្រដោយខ្លីទៀតថា ខ្លួនគិតថាមិនចង់ផុសទេ តែនេះច្រើនដងពេកហើយ។

អតីតអ្នកគ្រប់គ្រង Miss Grand Cambodia អុឹម សុគន្ធា បានបញ្ជាក់បន្ថែមថា បវរកញ្ញារូបនោះឈ្លើយណាស់ មិនដែលឃើញទេខំជួយអត់ប្រយោជន៍ ទំនេរតិចទៀតទៅរកមេធាវីសិន។ ទោះបីយ៉ាងណា ក៏មានអ្នកគាំទ្រមួយចំនួនបានសួរនាំ ប៉ុន្តែនាងមិនទាន់បង្ហើបទេថាបរវរកញ្ញាម្នាក់នេះគឺជានណា ហើយកើតមានជម្លោះដោយរឿងអ្វីឱ្យពិតប្រាកដឡើយ៕ អត្ថបទ៖​ ចាន់រ៉ា

The post អតីតអ្នកគ្រប់គ្រង MGC ព្រមានបញ្ចេញមុខបរវរកញ្ញាម្នាក់ ដែលប្រើសម្តីមិនសមរម្យលើខ្លួន appeared first on Kampuchea Thmey Daily.

បន្ទាប់ពីឃើញមានអ្នកគាំទ្រខ្មែរមួយចំនួនចែករំលែក (ស៊ែរ) កម្មវិធីខាងលើនេះ អ្នកនាង អុឹម សុគន្ធា បាននិយាយថា “កុំថាឡើយចូលមើលកម្មវិធីហ្នឹង សូម្បីតែអូសឃើញក៏រំលងចោលដែរ ហើយសុំមិនយល់អ្នកយកមកផុសស៊ែរពីកម្មវិធីគេបានអី្វមកវិញ ខ្មាសផ្ទះលេខ ២ណាស់ គេ block មួយប្រទេសហើយ យើងនៅតាមកម្មវិធីគេមកផុសពេញហ្នឹងទៀត”។

ដោយឡែក រឿងដែលកាន់ហួសចិត្តថែមទៀតស្រាប់ តែមានគណនីហ្វេសប៊ុកមួយបានចូលទៅបញ្ចេញមតិឌឺដងទៅកាន់អ្នកនាង អុឹម សុគន្ធា តាមរយ:ខ្លឹមសារថា “កុំតូចចិត្តអី្វការស៊ែរការនិយាយ គឺបង្ហាញតែចំណុចអវិជ្ជមាន។ ចុះលោកស្រីគេវាយប្រហារ និងសើចចំអកយកលុយបោក និងពេលវេលា បើគិតទៅអស់រាប់សែនដុល្លារមិនទាំងហ៊ានប្តឹងគេផង អត់យល់?” ។

ឆ្លើយតបការលើកឡើងនេះភ្លាមៗនោះ អ្នកស្រី អុឹម សុគន្ធា បានបញ្ជាក់ថា និយាយរឿងអវិជ្ជមាន ខ្លួនមិនថាទេ តែបើផុសកម្មវិធីគេប្រឡងនឹងបានអី្វមកវិញ និងចោទសួរទៀតថា “បើហ៊ានថា គេបោកអ្នកនាងរាប់សែនដុលារ តើការដែលមិនធ្វើអី្វគេ នឹងយ៉ាងម្តេចវិញ?”។

អ្នកស្រីបន្តទៀតថា “ការប្តឹងមិនមែនជាការងាយស្រួលដូចការគិតរបស់លោកទេ បញ្ហានេះបើដោះមិនស្រួល នឹងមានបញ្ហាធំរវាងប្រទេសនិងប្រទេសហើយ ប្តឹងម្តងៗអស់លុយរាប់ម៉ឺនដុលារចំណាយពេលវេលាច្រើនណាស់”។ អ្នកនាង បានបញ្ជាក់បន្ថែមទៀតថា សម្រាប់រឿងលុយ នាងសុខចិត្តបោះចោល នាងមិនល្ងង់ទេ តែកុំឲ្យជាប់កម្មពារគ្នាទៀត អ្នកចង់បានរបស់គេមិនគឺចម្រើនទេ”។

គួររម្លឹកថា ក្រោយមានរឿងរ៉ាវដ៏ចម្រូងចម្រាស់អ្នកស្រី អុឹម សុគន្ធា អ្នកគ្រប់គ្រងកម្មវិធី Miss Grand Cambodia 2024 ធ្លាប់បានប្រកាសប្តេជ្ញានឹងអះអាងថា អ្នកនាងនឹងធ្វើគ្រប់យ៉ាងដើម្បីបិទ Miss Grand មិនឲ្យមាននៅកម្ពុជានាឆ្នាំក្រោយៗបន្តទៀតទេ៕ អត្ថបទ៖ ចាន់រ៉ា

The post អ្នកស្រី អុឹម សុគន្ធា ហួសចិត្តអ្នកចែករំលែក MGI មិនខ្មាសផ្ទះលេខ២ ខណ:គេ Block ខ្មែរស្ទើរមួយប្រទេស appeared first on Kampuchea Thmey Daily.

មុខក្លាយជាអគ្គនាយិកា ក្រុមហ៊ុនគ្រឿងសម្អាង HK7 Co,Ltd អ្នកស្រី អុឹម សុគន្ធា ធ្លាប់ធ្វើជាតារាសម្ដែង តារាបង្ហាញម៉ូត និងជាពិធីការិនី អំឡុងឆ្នាំ២០០៧ ដែលពេលនោះអ្នកស្រីទទួលបានការគាំទ្រជាខ្លាំងពីបណ្ដាលអ្នកគាំទ្រដោយបូករួមជាមួយសម្រស់ដ៏ស្រស់ស្អាតនិងសមត្ថភាពរបស់អ្នកស្រី។ ទន្ទឹមនឹងសន្ទុះគាំទ្រពីទស្សនិកជន អ្នកស្រីក៏ត្រូវបានផលិតកម្មសាន់ដេ ចាប់ដៃគូសម្ដែងជាមួយលោក គង់ រ៉ាយុទ្ធ នៅក្នុងបទចម្រៀងជាច្រើនរហូតអ្នកទាំងពីរបង្កើតជាចំណងស្នេហារួចមកក៏ភ្ជាប់ពាក្យស្ងាត់ៗ។ នៅឆ្នាំ ២០១២ អ្នកស្រី អុឹម សុគន្ធា និង លោក គង់ រ៉ាយុទ្ធ បានសម្រេចចិត្តចូលរោងការ នៅថ្ងៃទី១២ ខែមករា ក្រោយទំនាក់ទំនងស្នេហាអស់រយៈពេលជាច្រើនឆ្នាំ ហើយអ្នកទាំងពីរក៏បានបន្សល់ទុកចំណងដៃកូនប្រុសម្នាក់ និងស្រីម្នាក់។

ក្រោយរៀបការចូលគ្រួសាររបស់ លោក គង់ រ៉ាយុទ្ធ អតីតតារាសម្ដែង ដែលត្រូវជាម្ចាស់ហាងលក់សម្លៀកបំពាក់ «រ៉ាយុទ្ធហ្វេសហ្សិន» និងជាអនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច អ្នកស្រី អុឹម សុគន្ធា ក៏បានក្លាយជាបងថ្លៃរបស់តារាចម្រៀងស្រីពីរនាក់ទៀត គឺអ្នកនាង ផាន់ ម៉ូនីកា និងអ្នកនាង អេនជី។

បន្ទាប់ពីបញ្ចប់ជីវិតសិល្បៈទាំងស្រុង អ្នកស្រីនិងសាមី បានចាប់ផ្ដើមប្រកបមុខជំនួញជាច្រើននៅក្នុងដៃហើយដោយការខិតខំតស៊ូបូករួមជាមួយសំណាងមកដល់ទៀតនោះ អាជីវកម្មរបបរកស៊ីកាន់តែរីកចម្រើនពីមួយថ្ងៃទៅមួយថ្ងៃ បានធ្វើឲ្យអ្នកស្រី អុឹម សុគន្ធា បង្កើតប្រេន HK7 ផ្ទុះទីផ្សារក្នុងវិស័យអនឡាញ។ នៅឆ្នាំ២០២៣ ក្រោយពីជោគជ័យលើវិស័យលក់ផលិតផលសម្រស់ អ្នកស្រី អុឹម សុគន្ធា ក៏បានទិញសិទ្ធិប្រកួតកម្មវិធី Miss Grand Cambodia ហើយបានជ្រើសយកកញ្ញា ភឹម ស្រីនោ ជាម្ចាស់មកុដតំណាងឲ្យកម្ពុជាជាឆ្នាំដំបូងទៅប្រកួតនៅឆាកអន្តរជាតិ ចំណែកឯនៅឆ្នាំនេះវិញកម្មវិធីក៏បានជ្រើសយកកញ្ញា ប៊ី សុធារី ជាម្ចាស់កមុដតំណាងឲ្យកម្ពុជា តែជាអកុសលខាងស្ថាប័ន Miss Grand International ដកសិទ្ធិធ្វើជាម្ចាស់ផ្ទះភ្លាមៗក្រោមហេតុផលគ្មានស្ដង់ដា ក្រោយកម្ពុជាក្លាយខ្លួនជាម្ចាស់ផ្ទះរួមគ្នាជាមួយប្រទេសថៃ។ មកដល់ពេលនេះ អ្នកស្រី អុឹម សុគន្ធា ក៏ដូចជាកញ្ញា ប៊ី សុធារី បានដកខ្លួនពីការប្រកួត នឹងធ្វើសន្និសីទកាសែតបកស្រាយជុំវិញរឿងរ៉ាវចម្រូងចម្រាសជាមួយ MGI រួចហើយ៕

The post តើ អ្នកស្រី អុឹម សុគន្ធា មានប្រវត្តិយ៉ាងណាមុនក្លាយជាម្ចាស់ Miss Grand Cambodia? appeared first on Kampuchea Thmey Daily.

ម្ចាស់ Miss Grand Cambodia បានបញ្ជាក់ច្បាស់ៗក្នុងការធ្វើសន្និសីទកាសែតនៅព្រឹកនេះ ខ្លួនចំណាយលុយអស់ជិត ១០មុឺនដុល្លារគ្រាន់តែការរៀបចំធ្វើជាម្ចាស់ផ្ទះប៉ុន្មានថ្ងៃនេះ តែបែរជាស្ថាប័ន MGI ណាវ៉ាត់ ដកសិទ្ធិធ្វើជាម្ចាស់ផ្ទះភ្លាមៗពីកម្ពុជាក្រោមហេតុផល Unprofessional។

ការលើកឡើងនេះ ក្រោយមានរឿងរឿងចម្រូងចម្រាសជាមួយ MGI មិនគោរពតាមកិច្ចព្រមព្រៀងធ្វើជាម្ចាស់ផ្ទះ និងដកសិទ្ធិធ្វើជាម្ចាស់ផ្ទះហើយទៅធ្វើនៅប្រទេសថៃភ្លាមៗ ដោយមិនទុកមុខមាត់ឲ្យកម្ពុជា៕

The post ចាយជិត ១០មុឺនដុល្លារ គ្រាន់តែធ្វើជាម្ចាស់ផ្ទះ MGI ប៉ុន្មានថ្ងៃ appeared first on Kampuchea Thmey Daily.

តួយ៉ាង ក្នុងដំណើរការនៃកម្មវិធី គឺត្រូវរៀបចំធ្វើនូវម៉ោង ៦ល្ងាច ប៉ុន្តែលោក Nawat បែរជាចាប់ផ្តើមកម្មវិធីមុនពេល នៅម៉ោង ៤រសៀល ដោយមិនមានវត្តមានថ្នាក់មន្ត្រីក្រសួងទេសចរណ៍ ជាហេតុដែលអ្នកស្រី អុឹម សុគន្ធា ត្រូវបង្ខំចិត្តស្នើរសុំទៅកាន់ថ្នាក់ដឹកនាំក្រសួងដើម្បីលុបចោលវត្តមានចូលរួម។

ត្រង់ចំណុចនេះ អ្នកស្រីបញ្ជាក់ដោយហួសចិត្តដែរថា លោក Nawat មិនត្រឹមតែផ្លាស់ប្តូរកាលវិភាគតាមចិត្តឯងនោះទេ ថែមទាំងយករឿងនេះ មកចោទអ្នកស្រីថា “មិនអញ្ជើញថ្នាក់ដឹកនាំក្រសួងមក មិនផ្តល់កិត្តិយសដល់រូបលោក” ទាំងដែលលោកផ្ទាល់ ជាអ្នកប្រកាសថា លោកនឹងចាប់ផ្តើម Live កម្មវិធីនៅម៉ោង ៤រសៀល អ្នកណាមកមិនទាន់គឺ បិទ Hall ។

លើសពីនេះ ក្នុងជំនួបមួយទៀត ដែលតម្រូវឱ្យក្រុមបវរកញ្ញា ចូលជួបសម្តែងគួរសមជាមួយនឹងរដ្ឋមន្ត្រីក្រសួងទេសចរណ៍ ក៏លោក Nawat ទៅយឺតដែរ។ ជាក់ស្តែង បើតាមកាលវិភាគដែលព្រមព្រៀងគ្នារវាងអ្នកស្រី អុឹម សុគន្ធា និងលោក Nawat បញ្ជាក់ថា គឺមានជំនួបជាមួយនឹងរដ្ឋមន្ត្រីក្រសួងទេសចរណ៍ នៅម៉ោង ១០ព្រឹក ថ្ងៃទី៦ តុលា ប៉ុន្តែអ្នកដឹកនាំស្ថាប័នរូបនេះ បែរជាប្រកាសប្រាប់ក្រុមបវរកញ្ញាទាំងអស់ ឱ្យសម្រាកឱ្យយូរ ចាំជួបជុំគ្នានៅម៉ោង ៩:៣០នាទីទៅវិញ។

ត្រង់ចំណុចនេះ កញ្ញា ប៊ី សុធារី អះអាងថា នៅយប់មុនពេលជួបសម្តែងការគួរសមជាមួយរដ្ឋមន្ត្រីក្រសួងទេសចរណ៍ ក្រុមបវរកញ្ញាទាំងអស់មិនបានដឹងទាក់ទងនឹងកាលវិភាគឡើយ គឺធ្វើតាមតែអ្វីដែលក្រុមការងារលោក Nawat ទម្លាក់ក្នុងគ្រុប។ ជាក់ស្តែងនៅពេលនោះ លោក Nawat បញ្ជាក់នឹងក្រុមបវរកញ្ញាថា លោកអនុញ្ញាតឱ្យក្រុមបវរកញ្ញាសម្រាកឱ្យយូរនៅព្រឹកស្អែក ៩:៣០ នាទី សឹមចុះមកជួបជុំគ្នា។

ជុំវិញការលើកឡើងនេះ អ្នកស្រី អុឹម សុគន្ធា បានចោទសួរទៅកាន់អ្នកដឹកនាំស្ថាប័ន MGI វិញថា តើអ្នកណាជាអ្នកដែល Unprofessional ពិតប្រាកដ ទាំងដែលលោកតែងតែផ្លាស់ប្តូរកាលវិភាគ និងការរៀបចំតាមអារម្មណ៍ខ្លួនឯងបែបនេះ។

គួរបញ្ជាក់ដែរថា ចំពោះដំណើរការនៃការរៀបចំកម្មវិធីនេះ អ្នកស្រី អុឹម សុគន្ធា ក្នុងនាមជាម្ចាស់ផ្ទះនៃកម្មវិធី គឺបានសហការជាមួយក្រសួង និងអាជ្ញាធរពាក់ព័ន្ធស្របតាមលក្ខខណ្ឌស្តង់ដារ ក៏ដូចជាការចង់បានរបស់លោក Nawat ទាំងអស់ ដែលមិនត្រឹមតែធានានូវសុខសុវត្ថិភាពភ្ញៀវប៉ុណ្ណោះទេ គឺគិតគូរពីមុខមាត់ប្រទេសជាតិទាំងមូល៕ឌស្តង់ដារ ក៏ដូចជាការចង់បានរបស់លោក Nawat ទាំងអស់ ដែលមិនត្រឹមតែធានានូវសុខសុវត្ថិភាពភ្ញៀវប៉ុណ្ណោះទេ គឺគិតគូរពីមុខមាត់ប្រទេសជាតិទាំងមូល៕

The post អ្នកស្រី អុឹម សុគន្ធា៖ លោក Nawat មិនត្រឹមតែមិនធ្វើតាមកាលវិភាគទេ គឺមិនគោរពដល់មន្ត្រីក្រសួងថែមទៀត appeared first on Kampuchea Thmey Daily.

តាមរយៈការធ្វើសន្និសីទកាសែតនាព្រឹកនេះ អ្នកស្រី អុឹម សុគន្ធា បានលើកឡើងទាំងទឹកភ្នែកពីការមិនឲ្យតម្លៃលើក្រុមការងារ MGC ព្រមទាំងស្តីបន្ទោសបូករួមប្រើប្រាស់អំពើហិង្សាលើក្រុមការងារខ្មែរថែមទៀតផង។ អ្នកស្រីបានបន្តថា ទង្វើទាំងនេះវាមិនសមស្របជាមួយពាក្យស្លោករបស់ Miss Grand international ប្រើប្រាស់ពាក្យ” Stop the War and Violence” (បញ្ឈប់សង្គ្រាម និងអំពើហឹង្សា)។

ការធ្វើសន្និសីទកាសែតនេះ បន្ទាប់ពីមានរឿងចម្រូងចម្រាសជាមួយ MGI ក្រោមហេតុផល Unprofessional ព្រមទាំងដកសិទ្ធិធ្វើជាម្ចាស់ផ្ទះភ្លាមៗ៕

The post អ្នកស្រី អុឹម សុគន្ធា ស្រក់ទឹកភ្នែកក្រោយលើករឿងMGIប្រើហិង្សាលើក្រុមការងារខ្មែរ appeared first on Kampuchea Thmey Daily.

ការប្រកាសរបស់អ្នកស្រី អុឹម សុគន្ធា នេះបន្ទាប់ពីកើតមានរឿងដ៏ចម្រូងចម្រាស់ និងកំពុងក្លាយជាប្រធានបទក្តៅដូចទឹកបាក់ទំនប់ ក្រោយពេលអ្នកគ្រប់កម្មវិធី MGI របស់ថៃ គឺលោក ណាវ៉ាត់ បានប្រមាថមើលងាយមកលើក្រុមការងាររៀបចំរបស់កម្ពុជា ដែលបានផ្តាច់សិទ្ធិកម្ពុជាធ្វើជាម្ចាស់ផ្ទះទាំងពាក់កណ្តាលទីដោយការប្រមាថ។

បើតាមខ្លឹមសាររបស់អ្នកនាង អុឹម សុគន្ធា បានបញ្ជាក់ កាលពីយប់ថ្ងៃទី០៨ ខែតុលា ឆ្នាំ២០២៤ ដោយបានលើកឡើងដូច្នេះថា “តើបងប្អូនគាំទ្រទេ ឆ្នាំក្រោយគ្មានកម្មវិធីឈ្មោះថា Miss Grand នៅប្រទេសកម្ពុជាទេខ្ញុំនឹងធ្វើគ្រប់បែបយ៉ាងបិទកម្មវិធីនឹងចោល”។

អ្នកនាង អុឹម សុគន្ធា ក៏បានប្រកាសនឹងរៀបចំធ្វើសន្និសិតសារព័ត៌មាន នៅថ្ងៃទី០៩ ខែតុលា ឆ្នាំ២០២៤ ព្រឹកនេះដើម្បីបកស្រាយលម្អិតទាក់ទងនឹងរឿងរ៉ាវដែលបានកើតឡើងកន្លងមក រវាងក្រុមការងាររៀបចំរបស់កម្ពុជាជាមួយលោក ណាវ៉ាត់ ផងដែរ។

ទោះបីជាយ៉ាងណា កាលពីល្ងាចថ្ងៃទី០៨ ខែតុលា ម្សិលមិញស្រាប់តែផ្ទុះនូវរឿងដ៏រសើបថ្មីកើតឡើងថែមទៀត បន្ទាប់ពីមានដំណឹងថា ភាគីថៃ(លោក ណាវ៉ាត់) បានព្យាយាមទាក់ទងដើម្បីទិញបវរកញ្ញាខ្មែរទៅចូលរួមប្រកួត MGI 2024 ជំនួសកញ្ញា ប៊ី សុធារី ខណ:មានការជួយអន្តរាគមន៍អតីតអ្នកគ្រប់គ្រងកម្មវិធី MGC ចាស់ទៀតផង។

តែយ៉ាណាមិញ ជុំវិញរឿងរ៉ាវនេះ បវរកញ្ញាដែលល្បីថា ជាអ្នកដែលត្រៀមជំនួសកញ្ញា ប៊ី សុធារី ក៏បានចេញមុខបដិសេធរួចរាល់ហើយ មិនមានការបញ្ជាក់ជាក់លាក់។ ដោយឡែក ពាក់ព័ន្ធនឹងអតីតអ្នកគ្រប់គ្រងកម្មវិធី MGC ដែលថាបានទាក់ទងទៅលោកណាវ៉ាត់ ក៏មិនទាន់មានការអះអាងច្បាស់លាស់ពីសាមុីខ្លួននោះឡើយ៕ អត្ថបទ៖ ចាន់រ៉ា

The post អ្នកនាង អុឹម សុគន្ធា អះអាងថា នឹងធ្វើគ្រប់យ៉ាងដើម្បីបិទ Miss Grand មិនឲ្យមាននៅកម្ពុជា appeared first on Kampuchea Thmey Daily.