ក្នុងសន្និបាតបូកសរុបលទ្ធផលការងារ ឆ្នាំ២០២៤-២០២៥ និងលើកទិសដៅឆ្នាំ២០២៦-២០២៧ របស់គណៈកម្មាធិការជាតិលើកកម្ពស់សីលធម៌សង្គមតម្លៃស្ត្រី និងគ្រួសារខ្មែរ នៅថ្ងៃទី៥ ខែឧសភា ឆ្នាំ២០២៦ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានស្នើទៅកាន់អ្នកបង្កើតមាតិកាទាំងអស់ សូមផលិតវីដេអូដែលមានលក្ខណៈអប់រំ ជាប្រយោជន៍ដល់សង្គម ក្នុងនោះមានទាំងការអប់រំសីលធម៌ ចរិយាធម៌ និងសុជីវធម៌ ព្រោះអ្នកបង្កើតមាតិកាម្នាក់ៗសុទ្ធសឹងតែជាគំរូដល់សង្គម ហើយវីដេអូរបស់ខ្លួននីមួយៗ មានអ្នកចូលមើលច្រើន និងគ្រប់វ័យ ។

លោកជំទាវបណ្ឌិត សង្កេតឃើញថា មានវីដេអូរបស់អ្នកបង្កើតមាតិកាមួយចំនួន មានភាពមិនសមរម្យ ប្រើពាក្យសម្ដីអាសអាភាសមិនគួរប្រើបញ្ចូលក្នុងវីដេអូ ហើយបង្ហោះទៅលើបណ្ដាញសង្គម  (ដូចជាពាក្យ អា អញ ហែង ហង…) ខណៈដែលការស្លៀកពាក្យមួយចំនួន ក៏មិនសមរម្យ និងមានលក្ខណៈហួសហេតុពេក។ វីដេអូខ្លះទៀត មានកុមារដើរតួ ឲ្យមានការប្រើកាយវិការ និងពាក្យសម្ដីមិនល្អ រហូតមានការរិះគន់ផងដែរ ដែលបញ្ហាទាំងអស់នេះ សូមមានការកែសម្រួល។

ជាមួយនេះ ស្ត្រីទីមួយកម្ពុជា បានអំពាវនាវដល់គ្រប់ភាគីទាំងអស់ សូមចូលរួមលើកកម្ពស់តម្លៃសង្គម ព្រោះបច្ចុប្បន្នសម័យបច្ចេកវិទ្យាកំពុងមានការរីកចម្រើនខ្លាំង ដែលមានទាំងរឿងវិជ្ជមាន និងអវិជ្ជមានត្រូវបានបង្ហោះលើបណ្ដាញសង្គម ហើយចូលរួមទប់ស្កាត់ឥទ្ធិពពល មិនល្អទាំងអស់នោះ កុំឲ្យកើតមានបន្តនៅក្នុងសង្គមកម្ពុជា។

ក្នុងឱកាសនោះ លោកជំទាវបណ្ឌិត វាយតម្លៃខ្ពស់ និងកោតសរសើរ ពីកិច្ចខិតខំរបស់គណៈកម្មាធិការក្នុងការអនុវត្តអនុសាសន៍ទាំង ៦ចំណុច របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា រួមទាំងការបំពេញតួនាទីភារកិច្ចយ៉ាងសកម្ម ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ក្នុងការលើកកម្ពស់សីលធម៌សង្គម និងទប់ស្កាត់រាល់សកម្មភាពទាំងឡាយណា ដែលធ្វើឱ្យប៉ះពាល់ដល់សេចក្តីថ្លៃថ្នូរ និងវប្បធម៌ប្រពៃណីខ្មែរ ជាពិសេស គឺការធ្វើបច្ចុប្បន្នភាពលើសកម្មភាព របស់គណៈកម្មាធិការដើម្បីឆ្លើយតបទៅនឹងបរិការណ៍ និងការវិវត្តថ្មីរបស់សង្គម។

លោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានថ្លែងថា គណៈកម្មាធិការជាតិលើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ ត្រូវបានបង្កើតឡើង ក្នុងគោលបំណងថែរក្សា ការពារវប្បធម៌ជាតិ ធានាដល់ការគោរពសីលធម៌ និងសុភមង្គលគ្រួសារ ដោយការលើកកម្ពស់ស្ថានភាព តម្លៃ និងសុខុមាលភាពស្ត្រីខ្មែរ។

លោកស្រី បានបញ្ជាក់ថា ជារៀងរាល់ ២ឆ្នាំម្តង គណៈកម្មាធិការតែងតែធ្វើសន្និបាតបូកសរុបលទ្ធផល និងលើកទិសដៅការងារ ហើយក្នុងរយៈពេល ២០ឆ្នាំមកនេះ សម្រេចបានសមិទ្ធផលជាច្រើនដូចជា យុទ្ធនាការផ្សព្វផ្សាយអប់រំយ៉ាងទូលំទូលាយ ការលើកកម្ពស់សីលធម៌ សុជីវធម៌ក្នុងការរស់នៅប្រចាំថ្ងៃ ការបង្ការ និងបង្ក្រាបបទល្មើសភាពយន្ត ការជំរុញការអនុវត្តច្បាប់ដែលមានស្រាប់ ការទប់ស្កាត់អំពើហិង្សា និងការជួញដូរមនុស្សដល់ទីតាំងផ្ទាល់ និងការលើកកម្ពស់សីលធម៌សង្គមតាមរយៈប្រព័ន្ធឌីជីថល៕

The post ស្ត្រីទីមួយកម្ពុជា អំពាវនាវដល់អ្នកបង្កើតមាតិកាឱ្យចូលរួមលើកកម្ពស់តម្លៃសីលធម៌សង្គម appeared first on Kampuchea Thmey Daily.

រដ្ឋមន្ត្រីបានលើកឡើងថា ប្រព័ន្ធផ្សព្វផ្សាយបានដើរតួនាទីសំខាន់ ហើយក្នុងនោះបណ្តាញសង្គមបានក្លាយជាប្រភពព័ត៌មានដ៏សំខាន់របស់ប្រជាពលរដ្ឋ ជាពិសេស Facebook និង Tiktok គឺជាមូលដ្ឋានសំខាន់នៃការផ្តល់ព័ត៌មាន។ ត្បិត Facebook និង Tiktok សុទ្ធតែជាប្រភពព័ត៌មានដ៏សំខាន់ ប៉ុន្តែវាបានផ្តល់ទាំងផលប្រយោជន៍ និងគុណវិបត្តិ។ ចំពោះផលប្រយោជន៍ វាមានភាពសំម្បូរបែបនៅក្នុងការទទួលព័ត៌មាន, ប្រជាពលរដ្ឋ មានឱកាសទទួលបានព័ត៌មានលឿន​រហ័ស ហើយសម្បូរបែប។

ចំណែកគុណវិបត្តិ គឺមានព័ត៌មានដែលមិនសមប្រកប ព័ត៌មានដែលមានចរិកបំពុល បំភ្លៃ បំភ្លើស បំភាន់ ធ្វើឱ្យប្រជាពលរដ្ឋដែលមានចំណេះដឹងនៅមានកម្រិត ឬមិនមានប្រភពព័ត៌មានច្បាស់លាស់ មិនដឹងថាតើប្រភពព័ត៌មាននេះ ពិត ឬមិនពិត។ ជាចំណុចនៃបញ្ហាដែលសង្គមបច្ចុបន្ន កំពុងតែជួបប្រទះ។

លោកបានសង្កត់ធ្ងន់ថា «ប្រជាជនបច្ចុប្បន្ននេះ និន្នាការរបស់គាត់គឺទៅ Facebook និង Tiktok ដើម្បីទទួលបានព័ត៌មាន។ Facebook និង Tiktok លឿន ប៉ុន្តែជាមួយគ្នានេះ ក៏បង្កហានិភ័យទៅឱ្យប្រជាជន​ដែលជាអ្នកប្រើប្រាស់ ប្រសិនបើអ្នកផលិតមាតិកាទាំងអស់នោះអត់មានសីលធម៌ (បង្កើតនូវព័ត៌មានក្លែងក្លាយ បំភ្លៃ បំភ្លើស ដែលធ្វើឱ្យមានការយល់ច្រឡំ និងមានការគិតខុស ឬសម្រេចចិត្តខុស ឬប្រតិកម្មខុស)»។

បើតាមលោករដ្ឋមន្ត្រី មួយឆ្នាំចុងក្រោយនេះ ក្រសួងព័ត៌បានពង្រឹងលើការផ្សព្វផ្សាយព័ត៌មាន ដោយបានដាក់ចេញនូវយុទ្ធសាស្ត្រ ដើម្បីពង្រឹងសន្តិសុខព័ត៌មាន ដែលផ្តោតសំខាន់ទៅលើ ៣ចំណុច ទី១. ការទទួលបានសិទ្ធិទទួលបានព័ត៌មាន ២.គុណភាពព័ត៌មាន ៣.សុវត្ថិភាព័ត៌មាន។ លោកបន្តថា គុណភាពព័ត៌មាន និងសុវត្ថិភាព័ត៌មាន គឺជាមូលបទធំ ដែលត្រូវពង្រឹង ព្រោះប្រជាជនត្រូវការចំណេះដឹង ហើយអ្នកផលិតមាតិកាត្រូវគិតតម្រង់ទិសបន្ថែមទៀតពាក់ព័ន្ធកិច្ចការទាំងអស់ ជាពិសេសត្រូវគិតថា ការដែលយើងផ្សាយចេញ ឬការដែលយើងផលិតមាតិកា តើយើងត្រូវធ្វើយ៉ាងមិច ដើម្បីទាក់ទាញការមើលផង និងគោរពក្រមសីលធម៌ផង?

តាមរយៈកិច្ចប្រជុំនេះ រដ្ឋមន្ត្រីមក្រសួងព័ត៌មាន ក៏បានលើកទឹកចិត្តឱ្យអ្នកផលិតមាតិកា តាមបណ្តាញសង្គម ដែលផ្សព្វផ្សាយជុំវិញបញ្ហាព្រំដែន ឈរលើគោលការណ៍ត្រឹមត្រូវ មានប្រភពផ្លូវការច្បាស់លាស់ ដែលជាមូលដ្ឋានគ្រឹះដ៏រឹងមាំ។ ជាពិសេស ពេលផលិតមាតិការ ត្រូវគិតឱ្យបានល្អិតល្អន់ជៀសវាងបង្កឱ្យមានភាពចលាចលដល់សង្គម ហើយគួរជ្រើរើសប្រធានបទណា ដែលអាចជួយដល់ប្រជាជនឱ្យពួកគាត់បានយល់កាន់តែច្បាស់។ ជាមួយគ្នានេះ លោកក៏បាន គាំទ្រដល់អ្នកផលិតមាតិកាណា ដែលចង់ចុះទៅតាមបន្ទាត់ព្រំដែនផ្ទាល់ផងដែរ៕

ដោយ៖ គេន ម៉ាលិះ

The post រដ្ឋមន្ត្រីក្រសួងព័ត៌មាន ជំរុញឱ្យអ្នកផលិតមាតិកាតាមបណ្តាញសង្គម ផ្សាយអ្វីដែលពិត មិនបង្កចលាចលប៉ះពាល់ដល់សង្គម appeared first on Kampuchea Thmey Daily.

កិច្ចប្រជុំនេះ ធ្វើឡើងក្រោមអធិបតីភាព លោក នេត្រ ភក្ត្រា រដ្ឋមន្ត្រីក្រសួងព័ត៌មាន នៅសាលព្រះវិហារ ទីស្ដីការក្រសួងព័ត៌មាន។

កិច្ចពិភាក្សានេះ បានលើកយកប្រធានបទ សង្គម និងនយោបាយ ដើម្បីជាការតម្រង់ទិស លើកិច្ចការបូរណភាពដែនដី និងបញ្ហាទំនាស់ព្រំដែន ដល់អ្នកផលិតមាតិការ និងអ្នកអត្ថាធិប្បាយព័ត៌មាន តាមបណ្ដាញសង្គមប្រមាណ ២៩រូប៕

The post ក្រសួងព័ត៌មាន ប្រជុំពិភាក្សាតម្រង់ទិស ជាមួយអ្នកផលិតមាតិកា លើបញ្ហាព្រំដែន appeared first on Kampuchea Thmey Daily.

លោក ហួត ហាក់ រដ្ឋមន្រ្តីក្រសួងទេសចរណ៍ នៅរសៀលថ្ងៃទី ០៧ ខែតុលា ឆ្នាំ ២០២៥ បានអនុញ្ញាតឱ្យក្រុមអ្នកផលិតមាតិកា និងជា Influencer បរទេសល្បីៗ នៅប្រទេសកម្ពុជា ដឹកនាំដោយលោក Jesse McCaul ចូលជួបដើម្បីស្នើសុំអនុសាសន៍ដឹកនាំបន្តពីលើការផលិតមាតិកា ព្រមទាំងសំណើកិច្ចសហប្រតិបត្តិការជួយផ្សព្វផ្សាយអំពីកម្ពុជា និងសក្តានុពលទេសចរណ៍ នាទីស្តីការក្រសួង។

លោក ហួត ហាក់ រដ្ឋមន្រ្តីក្រសួងទេសចរណ៍ បានកោតសរសើរ និងវាយតម្លៃខ្ពស់ចំពោះការចូលរួមចំណែកដ៏សកម្មលើការផលិត និងចែករំលែកមាតិកាល្អៗ ពីកម្ពុជា និងសក្តានុពលទេសចរណ៍កម្ពុជាកន្លងមកដល់ប្រជាជននៅប្រទេស​កំណើតរបស់ខ្លួន និងប្រជាជនពិភពលោកទាំងមូល។​

លោករដ្ឋមន្រ្តីក៏បានស្នើដល់អ្នកផលិតមាតិកា និងជា Influencer ដែលមកពីប្រទេសផ្សេងៗ គ្នាតែមានចិត្តរួមគ្នាស្រលាញ់រស់នៅលើទឹកដីកម្ពុជាទាំងអស់យកចិត្តទុកដាក់ផលិតឱ្យបានល្អនូវមាតិកាអំពីប្រទេសកម្ពុជា ព្រមទាំង ពីសភាពការណ៍ពីតពីនយោបាយ សន្តិសុខ ស្ថិរភាពសង្គម សេដ្ឋកិច្ច និងការអភិវឌ្ឍលើគ្រប់វិស័យ ជាពិសេសការធានាសុខសុវត្ថិភាពភ្ញៀវទេសចររបស់រាជរដ្ឋាភិបាលកម្ពុជា ការចូលរួមប្រឆាំងនឹងព័ត៌មានក្លែងក្លាយដល់ Followers រាប់លាននាក់របស់ខ្លួនដែលនៅគ្រប់ទិសទីនៃពិភពលោក៕

The post អ្នកផលិតមាតិកា និងជា Influencer ល្បីៗ មកពីអន្តរជាតិ សម្រេចចិត្តរស់នៅកម្ពុជារហូត និងប្ដេជ្ញារួមគ្នាផ្សព្វផ្សាយសក្ដានុពលកម្ពុជា appeared first on Kampuchea Thmey Daily.

តាមរយៈសារពីទំព័រហ្វេសប៊ុកផ្លូវការ ពេជ្រ ពិសី បានរៀបរាប់ថា “ធ្លាប់តែទៅសៀមរាបថត Vlog ទៅលើកនេះ ថត Pre-Wedding អារម្មណ៍ខុសគ្នា”។ ខ្លឹមសារនៃសារនេះ ធ្វើឱ្យសាធារណជនដែលជាអ្នកគាំទ្រកញ្ញា បង្ហាញការសាទរជាថ្មី ខណៈកំពុងទទឹងចាំមើលរូបថត Pre-Wedding អ្នកទាំងពីរផងដែរ។

ទោះមិនទាន់បញ្ជាក់លម្អិតពីថ្ងៃមង្គលក៏ដោយ ក្នុងចំណោមមតិអបអរសាទរជាច្រើន មានមតិមួយបានណែនាំឱ្យអ្នកផលិតមាតិកាដ៏មានប្រជាប្រិយភាពរូបនេះ ថតជា Short film ផងដែរ។

ទាក់ទងនឹង Pre-Wedding ដែលមានជា Short film ឬយ៉ាងណានោះ​ សាមុីខ្លួនក៏តបវិញដោយបញ្ជាក់ឱ្យដឹងដែរថា ខ្លួនបានត្រៀមរួចជាស្រេចសម្រាប់អ្វីដែលអ្នកគាំទ្របានលើកឡើងនេះ។

គួររំលឹកថា ពេជ្រ ពិសី និងគូដណ្តឹង បាន​សាង​មុខ​របរ​មួយ​រួម​គ្នា​ ដោយ​បង្កើតផលិតផល​ម៉ាកមួយបន្ថែម​ពី​លើ​ការ​ផលិតមាតិកាកម្សាន្ត ហើយប្តូរបាននូវភាពជោគជ័យជាជំហានៗក្នុងការខំប្រឹងរបស់អ្នកទាំងពីរ។ ជាក់ស្តែង កន្លងទៅថ្មីៗនេះ អ្នក​ទាំង​ពីរ ក៏​ទើប​តែ​សម្រេច​បំណង​ប្រាថ្នា​ធំរបស់ខ្លួន ​ដោយ​បាន​ទិញ​ផ្ទះផ្ទាល់ខ្លួន ​និង​រថយន្ត​ក្នុង​ក្ដី​ស្រមៃផងដែរ។ ឯជំហានបន្ទាប់ឆាប់ៗនេះ គឺគម្រោងអាពាហ៍ពិពាហ៍របស់ខ្លួន៕

The post កៀកថ្ងៃមង្គល! ពេជ្រ ពិសី និងគូស្នេហ៍ទៅសៀមរាប ដើម្បីថត Pre-Wedding appeared first on Kampuchea Thmey Daily.

ហេតុផលនៃការបដិសេធនេះ បានធ្វើឱ្យមហាជន និងអ្នកមានឥទ្ធិពលលើកបណ្តាញសង្គម មានការហួសចិត្តនិងខឹងសម្បារជាខ្លាំង ខណៈក្នុងចំណោមនោះ មានអ្នកមួយចំនួនបានទម្លាយឈ្មោះក្រុមហ៊ុនផ្សេងទៀត តាមរយៈការបញ្ចេញមតិលើ post របស់អ្នកផលិតមាតិកាដែលបានចែករំលែកនូវរឿងរ៉ាវនេះផងដែរ។

ទោះមិនបានទម្លាយអត្តសញ្ញាណក្រុមហ៊ុន តែពាក់ព័ន្ធនឹងហេតុផលដែលនៅពីក្រោយការបដិសេធនេះ សាធារណជន ក៏ដូចជាអ្នកមានឥទ្ធិពលលើបណ្តាញទំនាក់ទំនងសង្គម បានសម្តែងការហួសចិត្តជាខ្លាំង និងណែនាំដល់អ្នកមាតិកាដទៃទៀតណា ដែលអាចនឹងជួបករណីដូច Navi Clifford គឺមិនបាច់ធ្វើការឱ្យក្រុមហ៊ុនប្រភេទនោះឡើយ។

តាមរយៈវីដេអូខ្លីជិត១នាទី អ្នកផលិតមាតិកាដ៏មានប្រជាប្រិយ គ្រីស ឌីណា បានបង្ហាញការមិនពេញចិត្ត និងស្នើដល់អ្នកដែលបានដឹងឮទាក់ទងនឹងក្រុមហ៊ុនប្រភេទខាងលើ អាចទាក់ទងប្រាប់លោកដោយផ្ទាល់ ក្នុងន័យដើម្បីលោកឈប់ធ្វើការជាមួយក្រុមហ៊ុននោះតែម្តង។ លោកស្នើដល់សាធារណជនដែរថា បើគ្រាន់តែក្នុងនាមជាអ្នកផលិតមាតិកាមួយរូប ដែលនិយាយពីប្រទេសជាតិ ការពារប្រទេសជាតិ ជួយប្រទេសជាតិ ក្រុមហ៊ុនណាមិនធ្វើការជាមួយដែរ ដូច្នេះមិនចាំបាច់គាំទ្រក្រុមហ៊ុនបែបនេះនោះទៀតទេ។

ទន្ទឹមនឹងបានដឹងឮនូវហេតុផលនេះ Q-win ដែលជាអ្នកផលិតកាដ៏មានប្រជាប្រិយមួយរូបដែរ បានសម្តែងការមិនពេញចិត្ត ខណៈក៏មិនខុសគ្នាពីសាធារណជនផងដែរ ដែលចង់ដឹងថា តើជាក្រុមហ៊ុនមួយណា។

The post សាធារណជន ហួសចិត្តនឹងហេតុផលដែលក្រុមហ៊ុនមួយបដិសេធមិនឱ្យអ្នកផលិតមាតិកាធ្វើការជាមួយ “ព្រោះឈឺឆ្អាលរឿងជាតិ” appeared first on Kampuchea Thmey Daily.

ថៃ​ បានចាប់ផ្តើមឈ្លានពានដោយការបាញ់បោះមកលើទឹកដីកម្ពុជាមុន តាំងពីថ្ងៃទី២៤ ខែកក្កដា ឆ្នាំ២០២៥ ហើយថៃខ្លួនឯងបានប្រឌិតព័ត៌មានថា កម្ពុជាជាអ្នកផ្តើមសង្គ្រាមមុនទៅវិញ។ សារព័ត៌មានថៃ ទាំងតូចទាំងធំ បានសរសេរបំផ្លើស និងបំភ្លៃការពិត ដើម្បីឱ្យពិភពលោកយល់ច្រឡំថា ខ្លួនជាជនរងគ្រោះ ចំណែកកម្ពុជា គឺជាអ្នកបង្កជម្លោះទៅវិញ ទាំងដែលថៃបានប្រើអាវុធធំៗមកវាយប្រហារកម្ពុជា ធ្វើឱ្យប៉ះពាល់ដល់ហេដ្ឋារចនាសម្ព័ន្ធ និងប្រជាជនស្លូតត្រង់ ថែមទាំងធ្វើឱ្យបែកបាក់ប្រាសាទព្រះវិហារមួយចំនួន ដែលជាសម្បត្តិបេតិកភណ្ឌពិភពលោកទៀត។ អ្នកជំនាញ២រូប គឺលោក តាន់ ហ្សង់ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រី និងបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា បានលើកឡើងដូចគ្នានៅថ្ងៃទី២៧ ខែកក្កដា លើបណ្តាញសង្គមហ្វេសប៊ុក ដោយសំណូមពរឱ្យកូនខ្មែរគ្រប់រូប បន្តផលិតមាតិកា និងសរសេរជាភាសាបរទេសឱ្យបានច្រើន ពីការឈ្លានពានរបស់ថៃលើបណ្តាញសង្គម។

លោក តាន់ ហ្សង់ហ្វ្រង់ស័រ បានសរសេរលើបណ្តាញសង្គមថា៖ “កុលបុត្រកុលធីតាកម្ពុជា… បណ្តាញសង្គមជាអាវុធ សូមបន្តផលិតមាតិកា ពិសេសជាភាសាបរទេស ដើម្បីយកឈ្នះពួកថៃឈ្លានពានក្នុងសង្គ្រាមសាធារណមតិ”។

ជាមួយគ្នានេះ លោកបណ្ឌិត យង់ ពៅ ក៏បានសំណូមពរលើហ្វេសប៊ុកដែរថា៖ “ខ្ញុំសំណូមពរខ្មែរទាំងឡាយ សូមនាំគ្នាសរសេរជាភាសាអង់គ្លេស នូវទង្វើឧក្រិដ្ឋកម្មសង្គ្រាមរបស់យោធាស្ដេចថៃ…បង្ហោះតាមបណ្ដាញសង្គមឱ្យបានច្រើន ដើម្បីពិភពលោកបានដឹង!” ។

តាមការសង្កេត ប្រជាពលរដ្ឋខ្មែរ ក៏ដូចជាយុវជន និងអ្នកបង្កើតមាតិកាបានរួមគ្នាជាកម្លាំងក្នុងការប្រកាសឱ្យពិភពលោកបានដឹងការពិតពីការឈ្លានពានរបស់ថៃលើកម្ពុជា ដោយបង្កើតមាតិកាជាភាសាអង់គ្លេស ចិន ជប៉ុន ជាដើម ឱ្យពិភពលោកបានដឹងពីភាពគឃ្លើនរបស់ថៃ។ ជាមួយគ្នានេះ កូនខ្មែរគ្រប់រូប ក៏បានសាមគ្គីគ្នាចូលរួមបរិច្ចាគឈាម ផ្តល់ស្បៀងអាហារ ថវិកា ដើម្បីជួយដល់កងទ័ពជួរមុខ និងប្រជាជនរាប់ពាន់គ្រួសារដែលបានជម្លៀសពីតំបន់គ្រោះថ្នាក់ទៅកាន់ទីកន្លែងសុវត្ថិភាព។

សូមជម្រាបថា កាលពីព្រឹកថ្ងៃទី២៧ ខែកក្កដា ក្នុងសន្និសីទសារព័ត៌មាន ស្តីពី បច្ចុប្បន្នភាពនៃការឈ្លានពានរបស់កងទ័ពថៃមកលើទឹកដីកម្ពុជា លោកស្រី ឧត្តមសេនីយ៍ឯក ម៉ាលី សុជាតា បានឱ្យដឹង ថៃ នៅតែបន្តឈ្លានពានមកកម្ពុជាដោយកំរោល និងមិនខ្លាចច្បាប់អន្តរជាតិ។ លោកស្រីថា ចំនួននៃការរំលោភបំពានពីភាគីថៃទាំងទទឹងទិស មិនរើសទីតាំង និងមិនរើសគោលដៅ បានបង្កវិនាសសកម្មយ៉ាងច្រើនជារៀងរាល់ថ្ងៃដោយបានបំផ្លិចបំផ្លាញហេដ្ឋារចនាសម្ព័ន្ធ និងជនស៊ីវិល រួមមានវត្តអារាម មណ្ឌលសុខភាព ស្ថានីយប្រងឥន្ធនៈ ផ្សារ ភូមិដ្ឋាន ប្រាសាទព្រះវិហារដែលជាសម្បត្តិបេតិកភណ្ឌពិភពលោក និងបង្កវិនាសសកម្ម រងរបួសដល់ជនស៊ីវិលមានស្ត្រី និងកុមារ និងចាស់ជរាផងដែរ៕

អត្ថបទ​៖ អុន ស្រីមាន

The post អ្នកជំនាញ៖ ខ្មែរបន្តផលិតមាតិកាជាភាសាបរទេសឱ្យបានច្រើនដើម្បីពិភពលោកដឹង និងយកឈ្នះថៃ appeared first on Kampuchea Thmey Daily.

សូមជម្រាបថា ចាប់តាំងពីមុនសរមភូមិក្តៅនៅតាមបណ្តោយព្រំដែនកម្ពុជា-ថៃ មានអ្នកសិល្បៈ និងអ្នកផលិតមាតិកាមួយចំនួន ដូចជា តារារ៉េបជួរមុខកម្ពុជា G-Devith, PeyPey Dy, Doctor Sem Ratana, នាយ ពាក់មី, អ្នកនាង ខាត់ សុឃីម ជាដើម ហាក់ផុសផុលខ្លាំងក្នុងការគាំទ្រវីរកងទ័ពជួរមុខ។ ពិសេសតាមរយៈការប្រតិកម្មតបនឹងការលាបពណ៌ពីក្រុមអ្នកប្រើប្រាស់បណ្តាញសង្គមថៃ ដែលប្រឹងចោទនិងលាបពណ៌កម្ពុជាគ្រប់រូបភាព។

ក្រៅពីនេះ ក៏មានការចូលរួមបកស្រាយព្រឹត្តិការណ៍ពិតជាក់ស្តែងនៃជម្លោះជាភាសាអង់គ្លេសពីអ្នកមានឥទ្ធិពលលើ socail media មួយចំនួនផ្សេងទៀត ក៏ដូចជាការចូលរួមចែករំលែកស្ថានការណ៍ពិតនៃសមរភូមិ ពីសិល្បករសិល្បការិនីល្បីមួយចំនួនផងដែរ។

ដ្បិតតែមានការចេញមុខជួយចែករំលែកដំណឹងពីអ្នកមានឥទ្ធិពលលើបណ្តាញសង្គមច្រើនហើយក្តី​ ប៉ុន្តែមហាជននៅតែទទូចសុំអ្នកសិល្បៈដ៏មានប្រជាប្រិយផ្សេងទៀត ពិសេសអ្នកល្បីឈ្នោះដល់ឆាកអន្តរជាតិ ចូលរួមក្នុងសមរភូមិផ្សព្វផ្សាយឱ្យបានផុសផុលជាមួយពលរដ្ឋកម្ពុជា ដើម្បីរកយុត្តិធម៌ជូនជាតិ។

គួររំលឹកដែរថា ក្នុងចង្កោមអ្នកសិល្បៈ តារារ៉េបកម្ពុជា G-Devith ត្រូវបានសាធារណជន និងប្រព័ន្ធផ្សព្វផ្សាយកម្ពុជា ទទួលស្គាល់ថា ជាអ្នកសិល្បៈខ្មែរមួយរូបដែលសកម្មភាពបំផុតក្នុងការឈឺឆ្អាលជាតិមាតុភូមិ ខណៈលោកតែងតែផុសផុលក្នុងការប្រតិកម្មតបព័ត៌មានក្លែងក្លាយរបស់បច្ចាមិត្ត ក៏ដូចជាស្វែងរកព័ត៌មានច្បាស់ការពីប្រភពបរទេស ជូនជាដំណឹងផងដែរ។ ទង្វើនេះ ធ្វើឱ្យអ្នកផលិតមាតិកាមួយចំនួន កោតសរសើរនិងមានការលើកឡើងដូច្នេះថា “តារារ៉េបរូបនេះ សកម្មផ្សព្វផ្សាយនិងប្រតិកម្មចំពោះការឈ្លានពានរបស់សៀម មិនខ្លាចសត្រូវ report បាត់អ្នក follower ជាង ៣លានផង ដូច្នេះគួរតែមានការចូលរួមដែរ ​ពីសំណាក់អ្នកសិល្បៈ ក៏ដូចជាអ្នកផលិតមាតិកាល្បីៗ៕

The post មហាជនទទូចឱ្យអ្នកមានឥទ្ធិពលលើ Media រួមគ្នាបញ្ចេញសារទៅកាន់ពិភពលោក ពីទង្វើកខ្វក់សៀម appeared first on Kampuchea Thmey Daily.