ការលើកឡើងរបស់លោកអភិបាលរងខេត្តនេះ ធ្វើឡើងក្នុងពិធីសំណេះសំណាលជាមួយមន្ត្រីរាជការនៃមន្ទីរព័ត៌មានខេត្តកែប និងអ្នកសារព័ត៌មានប្រចាំខេត្តកែប នៅសាលប្រជុំមន្ទីរព័ត៌មានកែប កាលពីរសៀលថ្ងៃទី៨ ខែមេសា ឆ្នាំ២០២៦។

លោក ប៊ុន យោង បានលើកឡើងថា វិស័យព័ត៌មាន គឺជាវិស័យមួយដែលជួយគាំទ្រដល់ការអភិវឌ្ឍផ្សព្វផ្សាយសមិទ្ធផលរបស់ខេត្តកែប និងជាស្ពានចម្លងនូវព័ត៌មានពិតពីប្រជាជនទៅកាន់រាជរដ្ឋាភិបាល និងពីរាជរដ្ឋាភិបាលទៅកាន់ប្រជាជន ដែលទាមទាអោយគ្រប់អ្នកសារព័ត៌មានត្រូវបុរេសកម្ម សកម្ម អន្តរសកម្ម រួមទាំងការយកចិត្តទុកដាក់ទប់ស្កាត់ ឆ្លើយតបអោយបានទាន់ពេលវេលាលើសាធារណមតិ ដែលមានភាពអវិជ្ជមាន ក្នុងចេតនាធ្វើអោយប៉ះពាល់ដល់សន្តិសុខសង្គមជាតិ។

លោកអភិបាលរងខេត្តក៏បានជំរុញដល់គ្រប់អ្នកសារព័ត៌មានទាំងអស់ បន្តចូលរូមផ្សព្វផ្សាយនូវសមិទ្ធផលថ្មីៗរបស់ខេត្តកែប អោយបានដល់ប្រជាពលរដ្ឋដោយឈលើក្រមសីលធម៌ វិជ្ជាជីវៈ និងសូមបន្តផ្សព្វផ្សាយ នូវអនុក្រឹត្យលេខ០៣ និងច្បាប់ស្តីពីការបង្ក្រាបបទល្មើសតាមប្រព័ន្ធបច្ចេកវិទ្យាអោយបានទូលំទូលាយ សំដៅលើកកម្ពស់សុខសុវត្ថិភាពប្រជាជននៅក្នុងមូលដ្ឋាន អោយមានភាពកក់ក្តៅ និងមានភាពរីកចំរើន៕

អត្ថបទ៖ សឹង រ៉ាត់

The post អាជ្ញាធរខេត្តកែបជំរុញឲ្យអ្នកសារព័ត៌មានបន្តផ្សព្វផ្សាយអនុក្រឹត្យលេខ០៣ និងច្បាប់ស្តីពីការបង្ក្រាបបទល្មើសតាមប្រព័ន្ធបច្ចេកវិទ្យា appeared first on Kampuchea Thmey Daily.

លោក យឿន ចាន់ អនុប្រធានមន្ទីរព័ត៌មានខេត្តទទួលបន្ទុករួម បានឱ្យដឹងថា ក្នុងខេត្តសៀមរាប មានអង្គភាពសារព័ត៌មានដែលកំពុងចរាចរណ៍ចំនួន ៤២អង្គភាព ក្នុងនោះមានស្នាក់ការអង្គភាពសារព័ត៌មានក្នុងខេត្តចំនួន ២៩ស្នាក់ការ និងមានភ្នាក់ងារយកព័ត៌មានសរុប ២១៣នាក់ ស្រី២៧នាក់។ សម្រាប់ត្រីមាសទី១ ឆ្នាំ២០២៦នេះ លោកថា ថ្វីត្បិតតែលទ្ធផលអនុវត្តន៍មានការឆ្លើយតបយ៉ាងល្អប្រសើរ ប៉ុន្តែមន្ទីរក៏នៅតែជួបបញ្ហាប្រឈមមួយចំនួន ដោយការគ្រប់គ្រងអ្នកសារព័ត៌មាននៅមិនទាន់មានភាពល្អប្រសើរ ដោយសារអ្នកសារព័ត៌មានមួយចំនួនឆ្លៀតឱកាសជ្រកក្រោមស្លាកជាអ្នកសារព័ត៌មានស្វែងរកប្រយោជន៍ផ្ទាល់ខ្លួន ហើយអង្គភាពមួយចំនួននៅមិនទាន់មកបំពេញតាមលក្ខខណ្ឌគុណវឌ្ឍិ និងវិជ្ជាជីវៈសារព័ត៌មាននៅឡើយ។

លោកបន្តថា ដើម្បីធានានិរន្តរភាព និងប្រសិទ្ធភាពការងារ មន្ទីរបានលើកទិសដៅសម្រាប់អនុវត្តន៍បន្ត រួមមាន បន្តរៀបចំសិក្ខាសាលា, វគ្គបណ្តុះបណ្តាល, ជំនួបអ្នកសារព័ត៌មានជាប្រចាំខែ បន្តជំរុញអង្គភាពព័ត៌មាន មកបំពេញតាមលក្ខខណ្ឌគុណវឌ្ឍិ និងវិជ្ជាជីវៈសារព័ត៌មាន ឱ្យកាន់តែមានប្រសិទ្ធភាព ។សហការជាមួយអង្គភាពព័ត៌មានក្នុងខេត្ត ដើម្បីផ្សព្វផ្សាយព័ត៌មាន និងព្រឹត្តិការណ៍សំខាន់ៗក្នុងខេត្ត។ សហការការងារព័ត៌មាន និងសាធារណមតិ ជាមួយរដ្ឋបាលខេត្ត មន្ទីរអង្គភាព អាជ្ញាធរក្រុងស្រុក ឃុំសង្កាត់ និងសារព័ត៌មានក្នុងខេត្ត ធ្វើការឆ្លើយតប ដើម្បីបន្សាបព័ត៌មានក្លែងក្លាយឱ្យបានទាន់ពេលវេលា។

លោក សុខ ថុល អភិបាលរងខេត្ត មានប្រសាសន៍ថា វិស័យព័ត៌មានក្នុងខេត្ត បានដើរតួនាទីយ៉ាងសំខាន់ប្រៀបបានដូចជាសរសៃបេះដូងដែលកំណត់ជោគវាសនានៃខេត្ត និងប្រទេសជាតិទាំងមូល។ លោកថា ខេត្តសៀមរាប មិនត្រឹមតែជាគោលដៅទេសចរណ៍ និងវប្បធម៌មួយមុខទេ ប៉ុន្តែជាចរន្តសេដ្ឋកិច្ច និងមុខមាត់របស់ប្រទេសកម្ពុជាផងដែរ។ កន្លងមករដ្ឋបាលខេត្ត បានយកចិត្តទុកដាក់ និងចូលរួមផ្សព្វផ្សាយព្រឹត្តិការណ៍នានាជាច្រើន ដោយបានសហការជាមួយមន្ទីរព័ត៌មានខេត្ត ក្នុងការផ្សាយផ្ទាល់ និងបន្តផ្ទាល់នូវរាល់ព្រឹត្តិការណ៍ធំៗដែលបានរៀបចំនៅក្នុងខេត្តសៀមរាប ក៏ដូចជាសកម្មភាព និងសមិទ្ធផលនានារបស់រាជរដ្ឋាភិបាលផងដែរ។

លោក សុខ ថុល បន្តថា នៅក្នុងសម័យបច្ចេកវិទ្យាឌីជីថលនេះ ការផ្សព្វផ្សាយព័ត៌មានចេញពីខេត្តសៀមរាប មិនត្រឹមតែសម្រាប់ពលរដ្ឋក្នុងស្រុកប៉ុណ្ណោះទេ ក៏ប៉ុន្តែជាបង្អួចសម្រាប់ពិភពលោកក្នុងការចាប់អារម្មណ៍ វាយតម្លៃ និងផ្តល់ការទុកចិត្តខ្ពស់មកលើកម្ពុជាទៀតផង។ សព្វថ្ងៃនេះ មានមនុស្សតិចតួចណាស់ដែលនៅបន្តទទួលបានព័ត៌មាន តាមរយៈប្រព័ន្ធផ្សព្វផ្សាយបែបប្រពៃណី ដូចជា ទូរទស្សន៍ វិទ្យុ និងកាសែត ខណៈដែលប្រជាជនភាគច្រើនបានក្លាយទៅជាអ្នកនិយមលេងអ៊ីនធឺណិត និងបានចាត់ទុកបណ្តាញសង្គមដូចជា Facebook TikTok និង YouTube ជាប្រភពផ្តល់ព័ត៌មានដ៏គួរឱ្យទុកចិត្តសម្រាប់ពួកគេ។

លោក កៅ អ៊ីមរ៉ន រដ្ឋលេខាធិការក្រសួងព័ត៌មាន មានប្រសាសន៍ថា អ្នកសារព័ត៌មានថាជាកម្លាំងចលករមិនអាចខ្វះបាន ក្នុងការជួយឆ្លុះបញ្ចាំងតថភាពសង្គម និងការអនុវត្តគោលនយោបាយរបស់រាជរដ្ឋាភិបាល ក្នុងការនាំយកព័ត៌មានពិត ច្បាស់លាស់ និងទាន់ហេតុការណ៍ ជូនដល់បងប្អូនប្រជាពលរដ្ឋ។ សម្រាប់ការរៀបចំសិក្ខាសាលានាថ្ងៃនេះ គឺពិតជាមានសារៈសំខាន់ណាស់ ព្រោះធម្មនុញ្ញវិជ្ជាជីវៈ គឺជាត្រីវិស័យសីលធម៌ ដែលជួយឱ្យបងប្អូនដើរលើផ្លូវត្រឹមត្រូវ ជៀសផុតពីការផ្សាយព័ត៌មានក្លែងក្លាយ ដែលបង្កភាពវឹកវរក្នុងសង្គម។ សម្រាប់លក្ខខណ្ឌគុណវុឌ្ឍិ គឺជាខ្នាតវាស់វែងសមត្ថភាព ដើម្បីធានាថា អ្នកសារព័ត៌មានយើងមានចំណេះដឹងពិត ចេះវិភាគ ចេះប្រើបច្ចេកវិទ្យា និងមានភាពអាជីពខ្ពស់។

រដ្ឋលេខាធិការ មានប្រសាសន៍ទៀតថា យើងចង់ឱ្យព័ត៌មានដែលចេញពីបងប្អូន គឺជាព័ត៌មានដែល “ប្លែក លឿន ទុកចិត្តបាន ពេលណា ទីណា ក៏ទទួលបាន” ដូចអ្វីដែលក្រសួងព័ត៌មានតែងតែប្រកាន់ខ្ជាប់។ យ៉ាងណាក្នុងន័យនេះ ឯកឧត្តមក៏បានលើកទឹកចិត្តឱ្យបងប្អូនអ្នកសារព័ត៌មានទាំងអស់ យកចិត្តទុកដាក់ក្រេបជញ្ជក់ចំណេះដឹងក្នុងសិក្ខាសាលានេះ ដើម្បីយកទៅអនុវត្តឱ្យមានប្រសិទ្ធភាព ក្នុងន័យលើកកម្ពស់សេរីភាពសារព័ត៌មាន និងការការពារសុវត្ថិភាពខ្លួនឯងក្នុងអាជីព៕

ដោយ៖ គឿនវេត

The post មន្ទីរព័ត៌មានខេត្តសៀមរាប ធ្វើសិក្ខាសាលាផ្សព្វផ្សាយធម្មនុញ្ញវិជ្ជាជីវៈសារព័ត៌មាន ដល់អ្នកសារព័ត៌មានក្នុងខេត្ត appeared first on Kampuchea Thmey Daily.

តាមរយៈ​សំណេរ​លើ​ទំព័រ​ហ្វេ​ស​ប៊ុក លោក បាន​បញ្ជាក់​ថា ទោះជា​យ៉ាងណា នៅ​មាន​អ្នក​សារព័ត៌មាន​មួយ​ចំនួន​តូច ដែល​ពេលខ្លះ​អាច​សរសេរ​ព័ត៌មាន​ដោយ​ផ្អែកលើ​ពាក្យសំដី ឬ​ដំណឹង​ដែល​ទទួល​បាន ដោយ​ខ្វះ​ការផ្ទៀងផ្ទាត់ និង​ការថ្លឹងថ្លែង​ពាក្យពេចន៍​តាមបែប​វិជ្ជាជីវៈ​។ លោក​ថា ការ​ខ្វះ​ការ​យកចិត្តទុកដាក់​បែប​នេះ អាច​នាំឱ្យមាន​ការប្តឹង​ផ្តល់​តាមផ្លូវ​ច្បាប់ ឬ​តម្រូវឱ្យធ្វើ​ការ​កែតម្រូវ​ភ្លាមៗ។

លោក ពុយ គា បាន​អះអាង​ថា ការ​តម្រូវ​ឱ្យ​កែ​អត្ថបទ​ដែល​ផ្សាយ​ខុស ឬ​ការ​ប្តឹង​ទៅ​តុលាការ គឺជា​វិធានការ​សកល​ដែល​ត្រូវបាន​អនុវត្ត​ជាទូទៅ​។ លោក​បន្ថែម​ថា ប្រសិនបើ​អ្នកសារព័ត៌មាន​រូប​ណា​មួយ​ត្រូវបាន​រកឃើញថា​មាន​កំហុស​ជា​បន្តបន្ទាប់ វា​អាចធ្វើឱ្យ​បាត់បង់​ជំនឿ​ទុកចិត្ត​ពី​មហាជន និង​ធ្វើ​ឱ្យ​កេរ្តិ៍ឈ្មោះ​រង​ការ​ខូចខាត​ក្នុងសង្គម​អ្នកសារព័ត៌មាន​ផងដែរ​។ ក្នុង​ករណី​ខ្លះ អ្នកសារព័ត៌មាន​អាច​ត្រូវ​បាន​ស្ថាប័ន​បណ្ដេញ​ចេញពី​ការងារ​។

ជាមួយគ្នានេះ លោក​ក៏បាន​លើកឡើងថា វិធានការ​ផ្សេងៗ ដូចជា​ការចាប់ខ្លួន និង​ពេលខ្លះ​រហូត​ដល់​វាយខ្នោះ ក្នុងករណី​ដែល​មិនមែនជា​បទល្មើស​ជាក់ស្តែង អាច​បង្ក​ផលប៉ះពាល់​ដល់​សេរីភាព​សារព័ត៌មាន និង​ធ្វើឱ្យ​រូបភាព​ប្រទេស​ទាំងមូល​រង​ការខូចខាត​បន្ថែមទៀត ជាពិសេស​ក្នុង​កាលៈទេសៈ​បច្ចុប្បន្ន​។ លោក ពុយ គា បាន​អំពាវនាវ​ឱ្យ​អាជ្ញាធរ​មេត្តា​ពិនិត្យ និង​គិតគូរ​លើ​រូបភាព​ប្រទេស​ទាំងមូល ចាប់ពី​ពេលនេះ​រហូត​ទៅ​មុខ​៕​

The post លោក ពុយ គា អំពាវនាវអាជ្ញាធរពិចារណាវិធានការចំពោះអ្នកសារព័ត៌មាន ដើម្បីរក្សាសេរីភាពសារព័ត៌មាន appeared first on Kampuchea Thmey Daily.

ថ្លែងនៅក្នុងឱកាសអញ្ជើញជាអធិបតីភាព ក្នុងពិធីបូកសរុបលទ្ធផលការងារព័ត៌មាន និងសោតទស្សន៍ ប្រចាំឆ្នាំ២០២៥ និងលើកទិសដៅអនុវត្តបន្តឆ្នាំ២០២៦ របស់មន្ទីរព័ត៌មានខេត្តតាកែវ នាថ្ងៃទី០៩ ខែមករា ឆ្នាំ២០២៦ លោក គឹម ហុង អនុរដ្ឋលេខាធិការក្រសួងព័ត៌មាន តំណាងដ៏ខ្ពង់ខ្ពស់លោក នេត្រ ភក្ត្រា រដ្ឋមន្រ្តីក្រសួងព័ត៌មាន បានមានប្រសាសន៍ថា ជាការពិត ព័ត៌មានជាកញ្ចុះឆ្លុះបញ្ចាំងអំពីតថភាពនៃសង្គម និងជាតម្រូវការរបស់ប្រជាពលរដ្ឋ និងភាពអសកម្មនានា ដើម្បីមានចំណាត់ការដោះស្រាយឱ្យបានចំគោលដៅ និងមានប្រសិទ្ធិភាព ដូច្នោះអ្នកសារព័ត៌មានទាំងអស់ត្រូវរួមគ្នា ដើម្បីផលិត និងផ្សព្វផ្សាយព័ត៌មានពិត ច្បាស់លាស់ មានប្រភពត្រឹមត្រូវ ដែលអាចជឿទុកចិត្តបានចំពោះមហាជនដែលជាអ្នកទស្សនា។

លោក គឹម ហុង បន្ថែមទៀតថា ព័ត៌មានមិនត្រឹមតែជាចំណីអារម្មណ៍ប៉ុណ្ណោះទេ ប៉ុន្តែគឺជា កញ្ចក់ឆ្លុះតថភាពសង្គម និងជាអាវុធដ៏មានឥទ្ធិពលក្នុងការចូលរួមចំណែកដោះស្រាយបញ្ហាអសកម្មនានា។ ក្នុងន័យនេះ អ្នកសារព័ត៌មានត្រូវបន្តដើរតួជាអ្នកស្វែងរកការពិត និងផ្ទៀងផ្ទាត់ប្រភពឱ្យបានច្បាស់លាស់បំផុត មុននឹងសម្រេចចិត្តផ្សព្វផ្សាយទៅកាន់មហាជន។ ក្នុងឆ្នាំ២០២៦នេះ យើងត្រូវរួមគ្នាបង្កើត ‘សុវត្ថិភាពព័ត៌មាន’ ដើម្បីការពារសាធារណជនពីការបំពុលដោយព័ត៌មានក្លែងក្លាយ ដែលអាចបង្កជាភាពវឹកវរក្នុងសង្គម។

លោក វ៉ី សំណាង អភិបាលនៃគណៈអភិបាលខេត្តតាកែវ ក៏បានមានប្រសាសន៍កោតសរសើរដល់តួនាទីរបស់អ្នកសារព័ត៌មាន និងតែងតែចាត់ទុកវិស័យព័ត៌មាន គឺជា ‘ភ្នែក ច្រមុះ និងត្រចៀក’ របស់រដ្ឋបាលខេត្ត ក៏ដូចជាសម្រាប់មនុស្សគ្រប់រូប។ បើគ្មានព័ត៌មានពិតទេ យើងក៏មិនអាចដឹងពីសុខទុក្ខ និងតម្រូវការជាក់ស្តែងរបស់ប្រជាពលរដ្ឋនៅមូលដ្ឋានបានឡើយ។ ហេតុដូច្នេះ លោកសូមលើកទឹកចិត្តឱ្យអ្នកសារព័ត៌មានទាំងអស់ ប្រកាន់ខ្ជាប់នូវក្រមសីលធម៌ ហ៊ាននិយាយការពិត ផ្សាយការពិត និងជួយអប់រំសង្គមតាមរយៈសំណេររបស់ខ្លួន ដើម្បីធ្វើជាមូលដ្ឋានគ្រឹះនៃចំណេះដឹង និងការសម្រេចចិត្តដ៏ត្រឹមត្រូវសម្រាប់សាធារណជន៕

អត្ថបទ៖ វីរៈ

The post មន្រ្តីជាន់ខ្ពស់អំពាវនាវដល់អ្នកសារព័ត៌មានបង្កើនការផលិត និងផ្សព្វផ្សាយព័ត៌មានប្រកប ដោយគុណភាព និងសុវត្ថិភាពសម្រាប់អ្នកទស្សនា appeared first on Kampuchea Thmey Daily.

សម្ដេចធិបតី ហ៊ុន ម៉ាណែត បានលើកឡើងនៅក្នុងសារលិខិតនៅថ្ងៃទី១៨ ខែធ្នូ ថា ជម្លោះតាមព្រំដែនកម្ពុជា និងថៃ ក្នុងពេលនេះ មិនត្រឹមតែមានការប៉ះទង្គិចផ្នែកកម្លាំងប្រដាប់អាវុធប៉ុណ្ណោះទេ ក៏ប៉ុន្តែមានសមរភូមិជាច្រើន ក្នុងនោះសមរភូមិព័ត៌មាន និងសតិអារម្មណ៍ ក៏បានកើតមានផងដែរ តាមគ្រប់រូបភាពបង្កើតឡើងដោយភាគីជម្លោះ និងជនឱកាសនិយម ដើម្បីដណ្តើមយកប្រៀបខ្លាំងលើសមរភូមិយោធា នយោបាយ ការទូត និងសមរភូមិព័ត៌មាន។

ក្នុងកាលៈទេសៈបែបនេះ សម្ដេចធិបតី បានអំពាវនាវដល់អ្នកសារព័ត៌មានជាតិ-អន្តរជាតិ និងអ្នកពាក់ព័ន្ធផ្សេងទៀត ឱ្យរក្សានូវក្រមសីលធម៌ និងវិជ្ជាជីវៈសារព័ត៌មាន ដោយមិនត្រូវប្រឌិតព័ត៌មានដើម្បីញុះញង់នាំឱ្យកើតមានអរិភាពបន្ថែម ឬបង្កការយល់ច្រឡំផ្សេងៗ ដែលអាចបង្កឱ្យស្ថានភាពជម្លោះកាន់តែមានភាពតានតឹង ក៏ដូចជាប៉ះពាល់សន្តិសុខជាតិ។

ស្របតាមប្រធានបទរបស់វេទិកានិពន្ធនាយកសារព័ត៌មានឆ្នាំ២០២៥ ស្តីពី តួនាទីអ្នកសារព័ត៌មាននៅពេលមានជម្លោះព្រំដែននោះ សម្ដេចធិបតី បានសង្កត់ធ្ងន់ដល់ការបន្តចូលរួមអនុវត្តនូវលក្ខខណ្ឌគុណវុឌ្ឍនិងវិជ្ជាជីវៈសារព័ត៌មាន ដើម្បីពង្រឹងសណ្តាប់ធ្នាប់សារព័ត៌មាន លើកកម្ពស់វិជ្ជាជីវៈ និងពង្រឹងគុណភាពព័ត៌មាន សុវត្ថិភាពព័ត៌មានឱ្យកាន់តែប្រសើរឡើង ព្រមទាំងបន្តចូលរួមប្រយុទ្ធប្រឆាំងព័ត៌មានក្លែងក្លាយឱ្យខានតែបាន ជាពិសេសក្នុងអំឡុងពេលដែលប្រទេសជាតិកំពុងស្ថិតក្នុងបញ្ហាជម្លោះព្រំដែន។

រាល់ការផ្សព្វផ្សាយព័ត៌មានទាក់ទងទៅនឹងបញ្ហាជម្លោះព្រំដែនពេលនេះ សម្ដេចនាយករដ្ឋមន្ត្រី ថា ត្រូវមានការត្រួតពិនិត្យផ្ទៀងផ្ទាត់ជាមួយប្រភពព័ត៌មានផ្លូវការរបស់ថ្នាក់ដឹកនាំ ក្រសួងស្ថាប័នមានសមត្ថកិច្ចឱ្យត្រឹមត្រូវ ដោយត្រូវធានាថា រាល់ការផ្សាយនិងចែករំលែកព័ត៌មាន នឹងមិនធ្វើឱ្យប៉ះពាល់ដល់ទឹកចិត្តកងទ័ព ឬបង្កការរំខានដល់ការបំពេញបេសកកម្មរបស់កងទ័ពជួរមុខឡើយ។

សម្ដេចបានសង្កត់ធ្ងន់ពីការហាមដាច់ខាតចំពោះការផ្សព្វផ្សាយ និងចែករំលែកព័ត៌មានអំពីទីតាំងឈរជើង ការចល័តទ័ព លេណដ្ឋានកងទ័ព ការប្រើប្រាស់គ្រឿងសព្វាវុធ ព្រមទាំងការសម្ងាត់របស់កងទ័ព ដែលនាំឱ្យអន្តរាយដល់សន្តិសុខជាតិ និងបង្កគ្រោះថ្នាក់ដល់អ្នកបំពេញបេសកកម្មជូនជាតិ។ ខណៈព័ត៌មានដែលបញ្ចេញដោយអ្នកលេងបណ្ដាញសង្គមមួយចំនួនដោយគ្មានប្រភពច្បាស់លាស់ គឺត្រូវមានការប្រុងប្រុយ័ត្ន៕

ដោយ៖​ធឿន វ៉ាន់សុង

The post នាយករដ្ឋមន្ត្រីទទូចឱ្យអ្នកសារព័ត៌មានបន្តទប់ស្កាត់ព័ត៌មានក្លែងក្លាយ ក្នុងពេលកម្ពុជានិងថៃកំពុងប្រយុទ្ធគ្នា appeared first on Kampuchea Thmey Daily.

ការលើកឡើងនេះ ធ្វើឡើងនៅថ្ងៃទី១៦ ខែធ្នូ ឆ្នាំ២០២៥ ក្នុងឱកាសលោកជាវាគ្មិនកម្មវិធីសន្ទនាមតិ«ជីវិតយើង សង្គមយើង»នៃវិទ្យុជាតិកម្ពុជាក្រោមប្រធានបទស្ដីពី៖ «ក្រមសីលធម៌វិជ្ជាជីវៈ និងសណ្ដាប់ធ្នាប់សារព័ត៌មាន»។ លោក ទេព អស្នារិទ្ធ បានរម្លឹកដាស់តឿន និងជំរុញទឹកចិត្តដល់អ្នកសារព័ត៌មានឱ្យបង្កើនការទទួលខុសត្រូវ ភាពហ្មត់ចត់ និងភាពស្មោះត្រង់ក្នុងការបំពេញភារកិច្ចផ្សព្វផ្សាយព័ត៌មាន ដើម្បីរក្សាបាននូវភាពជឿជាក់ និងភាពត្រឹមត្រូវតាមស្មារតីច្បាប់។

លោក ទេព អស្នារិទ្ធ និយាយថា ៖ «ការប្រើពាក្យអសុរោះ ជេរប្រមាទ ទាំងតាមរយៈរូបភាព ឬការអត្ថាធិប្បាយ ជាទង្វើប្រាសចាសក្រមសីលធម៌ ដោយបំពានលើសិទ្ធិបុគ្គល ឬការធ្វើឱ្យប៉ះពាល់ដល់សិទ្ធិ កិត្តិយស សេចក្តីថ្លៃថ្នូររបស់អ្នកដទៃ ដែលគឺជាទង្វើបំពានច្បាប់ជាធរមាន ហើយគេអាចប្តឹងបាន ហើយអ្នកពាក់ព័ន្ធនឹងត្រូវប្រឈម ផ្លូវច្បាប់។  រីឯការផ្សាយប៉ះពាល់ដល់សន្តិសុខជាតិ ស្ថិរភាព និងសណ្តាប់ធ្នាប់សង្គមជាទង្វើផ្ទុយច្បាប់ស្តីពីរបបសារព័ត៌មាន និងជាការបំពានក្រមសីលធម៌ធ្ងន់ធ្ងរ» ។

លោកបានបន្តថា អ្នកសារព័ត៌មានត្រូវតែស្វែងយល់ឱ្យបានច្បាស់ស៊ីជម្រៅអំពីសិទិ្ធ ករណីយកិច្ច និងការទទួលខុសត្រូវរបស់ខ្លួនជាអ្នកសារព័ត៌មាន និងត្រូវបន្តដុសខាត់ជំនាញនិងពង្រឹងសមត្ថភាព បទពិសោធន៍វិជ្ជាជីវៈសារព័ត៌មាន ដើម្បីបំពេញតួនាទីដោយក្រមសីលធម៌ពេញលេញ បម្រើដល់ប្រយោជន៍សាធារណៈ រួមចំណែកលើកកម្ពស់សិទ្ធិទទួលព័ត៌មានរបស់ប្រជាពលរដ្ឋ។

អ្នកនាំពាក្យ បន្ថែមទៀតថា អ្នកសារព័ត៌មាន និងអ្នកអនុវត្តក្នុងវិស័យសារព័ត៌មាន និងសោតទស្សន៍ទាំងអស់មានកាតព្វកិច្ចគោរពប្រតិបត្តិវិជ្ជាជីវៈរបស់ខ្លួនដោយអនុលោមតាមរដ្ឋធម្មនុញ្ញ ច្បាប់ស្តីពីរបបសារព័ត៌មាន ធម្មនុញ្ញវិជ្ជាជីវៈសារព័ត៌មាន ព្រមទាំងច្បាប់និងលិខិតបទដ្ឋានជាធរមាន  ដើម្បីការពារសុវត្ថិភាពក្នុងពេលបំពេញការងារ កុំឱ្យការអនុវត្តសេរីភាពប្រាសចាកក្រមសីលធម៌ ទៅរំលោភបំពានលើសិទ្ធិឯកជន កិត្តិយស សេចក្តីថ្លៃថ្នូររបស់បុគ្គល ឬប៉ះពាល់ដល់សន្តិសុខជាតិ និងសណ្ដាប់ធ្នាប់សាធារណៈ។

លោកបញ្ជាក់ថា ក្នុងឆ្នាំ២០២៥ នេះ ក្រសួងបានដោះស្រាយបណ្តឹងចំពោះអ្នកសារព័ត៌មានប្រមាណ៣០ករណី ពាក់ព័ន្ធនឹងការមិនប្រតិបត្តិតាមក្រមសីលធម៌ រំលោភលើឯកជនភាព សិទ្ធិបុគ្គល បំពានច្បាប់ប៉ះពាល់ដល់សន្តិសុខជាតិ។ លោកថា ការសម្របសម្រួលដោះស្រាយវិវាទដោយក្រសួងព័ត៌មានទាំងនេះបានផ្តល់យុត្តិធម៌ជូនអ្នកសារព័ត៌មាន និងភាគីក្នុងរឿង ព្រមទាំងការពារអ្នកកាសែតពីការប្រឈមនឹងវិធានការផ្លូវច្បាប់ធ្ងន់ធ្ងរ។ មិនតែប៉ុណ្ណោះ ក្រសួងក៏បានផ្តល់មេធាវីការពារក្តីជូនអ្នកសារព័ត៌មានផងដែរ សម្រាប់ករណីមួយចំនួនដែលបានឡើងដល់តុលាការ។

សូមបញ្ជាក់ថា គិតត្រឹមខែតុលា ឆ្នាំ២០២៥ មានអ្នកសារព័ត៌មាន ចំនួន ៨ ៧៣២ នាក់ ក្នុងនោះប្រមាណ១៣% ជាស្ត្រី កំពុងអនុវត្តការងាររបស់ខ្លួនពេញលេញ ដោយភាពស្របច្បាប់ ខណៈអង្គភាពសារព័ត៌មាន ដែលបានចុះបញ្ជីនៅក្រសួងព័ត៌មាន មានចំនួន១ ៥៥២ ទាំងប្រព័ន្ធផ្សព្វផ្សាយប្រពៃណី និងបែបថ្មី៕

The post អ្នកនាំពាក្យ៖ អ្នកសារព័ត៌មានត្រូវគោរពវិជ្ជាជីវៈ ជាពិសេស ពេលរាយការណ៍អំពីបញ្ហាព្រំដែនកម្ពុជា-ថៃ appeared first on Kampuchea Thmey Daily.

ការលើកឡើងរបស់អ្នកនាំពាក្យ បន្ទាប់ពីកាលពីថ្មីៗ អ្នកសារព័ត៌មានអនឡាញ បានប្រើប្រាស់កាយវិការ និងពាក្យសម្តីមិនសមរម្យដែលធ្វើឱ្យប៉ះពាល់ដល់សិទ្ធិរបស់ស្ត្រី ក្នុងប្រតិបតិការតាមចាប់អ្នកទោសដែលត្រូវបានរំដោះពីតុលាការនៅខេត្តស្វាយរៀង កាលពីថ្ងៃទី១៨ ខែវិច្ឆិកា ឆ្នាំ២០២៥។ ជាមួយគ្នានេះ ក្រសួងព័ត៌មានបានចាត់វិធានការភ្លាមៗ ដោយសម្រេចលុបចោលសុពលភាពបណ្ណសម្គាល់អត្តសញ្ញាណជាអ្នកសារព័ត៌មានរបស់បុគ្គលនោះ និងហៅមកណែនាំក្រោយពីបានរកឃើញមានកំហុសឆ្គងវិជ្ជាជីវៈធ្ងន់ធ្ងរ។ លោក បន្តទៀតថា ក្រសួងព័ត៌មាន ក៏បានដាក់បុគ្គលនោះ ក្នុងបញ្ជីហាមឃាត់មិនអនុញ្ញាតឱ្យធ្វើអាជីវកម្ម និងសកម្មភាពនានាក្នុងវិស័យព័ត៌មាននិងសោតទស្សន៍ចាប់ពីពេលនេះតទៅ។

លោក ទេព អស្នារិទ្ធ មានប្រសាសន៍ថា៖ “ជានិច្ចកាល ក្រសួងតែងបានតម្រង់ទិសលើការអនុវត្តការងាររបស់អ្នកសារព័ត៌មានទាំងអស់ឱ្យជាប់លាប់នូវធម្មនុញ្ញវិជ្ជាជីវៈសារព័ត៌មាន ជាពិសេស ទិដ្ឋភាពនានាពាក់ព័ន្ធនឹងការផ្សាយព័ត៌មានដែលអាចប៉ះពាល់ដល់សិទ្ធិ កិត្តិយស និងសេចក្តីថ្លៃថ្នូររបស់ស្ត្រីក៏ដូចជាជនរងគ្រោះ កុមារ និងសិទ្ធិបុគ្គល”។

បន្ថែមពីនេះ អ្នកនាំពាក្យក្រសួងព័ត៌មាន បញ្ជាក់ទៀតថា នៅក្នុងអាណត្តិទី៧​នេះ ក្រសួងបានអនុវត្តន៍នូវនិយាមអប្បបរមាពាក់ព័ន្ធ និងការផ្តល់បណ្ណសម្គាល់អ្នកសារព័ត៌មាន មុននឹងចេញបណ្ណដល់អ្នកសារព័ត៌មាន គឺក្រសួងពិនិត្យភ្ជាប់លក្ខខណ្ឌ ការគោរពធម្មនុញ្ញវិជ្ជាជីវៈ និងការយល់ដឹងពីធម្មនុញ្ញវិជ្ជាជីវៈសារព័ត៌មាន ដែលជាលក្ខខណ្ឌសំខាន់មួយក្នុងចំណោមលក្ខខណ្ឌផ្សេងទៀតក្នុងការវាយតម្លៃមុននឹងផ្តល់បណ្ណជូនអ្នកសារព័ត៌មាន។ ជាមួយគ្នានេះ ក្រសួងក៏បានអនុវត្តនិយាមអប្បបរមាដូចជាការកំណត់អាយុ សមត្ថភាព មានសញ្ញាបត្រពាក់ព័ន្ធ កម្រិតវប្បធម៌ចំណេះដឹង និងជំនាញសារព័ត៌មានមូលដ្ឋានគ្រឹះសម្រាប់លក្ខខណ្ឌក្នុងការផ្តល់បណ្ណសារព័ត៌មានផងដែរ។

លោក ទេព អស្នារិទ្ធ បានអំពាវនាវដល់អ្នកសារព័ត៌មានត្រូវគោរពច្បាប់ និងក្រមសីលធម៌វិជ្ជាជីវៈឱ្យបានខ្ជាប់ខ្ជួនស្របតាមធម្មនុញ្ញវិជ្ជាជីវៈសារព័ត៌មាន ក្នុងការអនុវត្តការងាររបស់ខ្លួន ប្រចាំថ្ងៃ ពិសេសមិនត្រូវផ្សាយព័ត៌មានដែលប៉ះពាល់ដល់កិត្តិយស និងសេចក្តីថ្លៃថ្នូររបស់ ស្ត្រី សិទ្ធិបុគ្គល មិនត្រូវប្រើពាក្យពេចន៍លែបខាយ រិះគន់ ឬបន្ទុះបង្អាប់ប៉ះពាល់ដល់ស្រ្តី ជនងាយរងគ្រោះ កុមារ ឬអ្នកមានជំងឺផ្លូវកាយ ឬផ្លូវចិត្តឡើយ។ លោកថា៖ “ចំពោះការបំពានមិនអនុវត្តតាម អ្នកប្រព្រឹត្តខុសនឹងត្រូវប្រឈមនឹងការ ទទួលខុសត្រូវតាមច្បាប់ស្តីពីរបបសារព័ត៌មាន និងលិខិតបទដ្ឋានពាក់ព័ន្ធ”។

សូមជម្រាបថា ក្នុងឆ្នាំ២០២៤ ក្រសួងបានដាក់ឱ្យអនុវត្តធម្មនុញ្ញវិជ្ជាជីវៈសារព័ត៌មាន ដែលក្រសួង និងមន្ទីរព័ត៌មានក្នុង២៥ រាជធានី ខេត្ត កំពុងបន្តពង្រឹងការប្រតិបត្តិធម្មនុញ្ញវិជ្ជាជីវៈសារព័ត៌មាន នេះក្នុងចំណោមអ្នកសារព័ត៌មាន ទាំងសារព័ត៌មានប្រពៃណី និងទំនើប។ ធម្មនុញ្ញវិជ្ជាជីវៈសារព័ត៌មាននេះ ជាលក្ខខណ្ឌសំខាន់មួយក្នុងចំណោម លក្ខខណ្ឌសម្រាប់ផ្តល់បណ្ណសម្គាល់អ្នកសារព័ត៌មានជូនអ្នកសារព័ត៌មានណាម្នាក់ ហើយក្នុងក្របខណ្ឌនៃការគ្រប់គ្រង និងការចេញបណ្ណ ដល់អ្នកសារព័ត៌មាន ក្រសួងបានអនុវត្តនិយាមអប្បបរិមា ដូចជា៖ តម្រូវឱ្យគោរពច្បាប់ស្តីពីរបបសារព័ត៌មាន លិខិតបទដ្ឋានគតិយុត្តជាធរមាន លក្ខខណ្ឌតម្រូវមានការកំណត់អាយុ សមត្ថភាពស្របច្បាប់ កម្រិតវប្បធម៌ សញ្ញាបត្រ ជំនាញសារព័ត៌មានគ្រឹះជាមូលដ្ឋាន និងការទទួលបានការបណ្តុះបណ្តាលវិជ្ជាជីវៈ៕

The post អ្នកនាំពាក្យ៖ ក្រសួងកំពុងបន្តពង្រឹងលើក្រមសីលធម៌​ និងធម្មនុញ្ញវិជ្ជាជីវៈសារព័ត៌មាន appeared first on Kampuchea Thmey Daily.

សពរបស់លោក ខៀវ ណាវី  អ្នកកាសែតជើងចាស់ ត្រូវបានដឹកយកទៅតម្កល់ធ្វើបុណ្យ តាមប្រពៃណី នៅលំនៅដ្ឋានរបស់លោក ស្ថិតក្នុងភូមិក្រាំងក្រូច ស្រុកកណ្តាលស្ទឹង ខេត្តកណ្តាល។ នេះបើតាមដំណឹងពីក្រុមគ្រួសារលោកផ្ទាល់។

នេះគឺជាដំណឹងដ៏ក្រៀមក្រំមួយសម្រាប់អតីតរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ចំពោះការបាត់បង់អតីតសហការីជាង៤ទសវត្ស។ ចំណែកអ្នកកាសែតជើងចាស់មួយរូបទៀត និងអ្នកគ្រូបង្រៀនផ្នែកសារព័ត៌មាន លោក មឿន ឈានណារិទ្ធ ក៏បានសម្ដែងការសោកសង្រេង និងរម្លឹកអំពីអនុស្សាវរីយ៍ក្នុងគ្រាធ្លាប់បំពេញការងារជាមួយគ្នា ក៏ដូចជាបួងសួងឱ្យវិញ្ញាក្ខន្ធរបស់លោក ខៀវ ណាវី បានទៅកាន់សុគតិភព។

អ្នកកាសែតជើងចាស់ ខៀវ ណាវី ដែលធ្លាប់បម្រើការងារនៅស្ថាប័នកាសែតជាច្រើនដូចជាកាសែតកម្ពុជា, កាសែតប្រជាជន, អតីតកាសែតកម្ពុជាថ្មី និងបានបោះពុម្ពសៀវភៅកំណាព្យដែលមាន​ចំណងជើងថា «កម្រងផ្កា ហុងដាសេតសង់» ក្នុងឆ្នាំ២០២១  ត្រូវបានគេកត់សម្គាល់ដោយ​ចាត់ទុកជាតួអង្គមួយរូបដែលសកម្មក្នុងការចូលរួមអភិវឌ្ឍន៍ក៏ដូចជាលើកកម្ពស់​វិស័យ​សារព័ត៌មាននៅកម្ពុជា៕

ដោយ៖ នរា

The post អតីតនិពន្ធនាយកកាសែតកម្ពុជាថ្មី លោក ខៀវ ណាវី  ទទួលមរណភាពក្នុងជន្មាយុ៦៥ឆ្នាំ appeared first on Kampuchea Thmey Daily.