សូម​បញ្ជាក់​ថា សិស្សសាលា​មធ្យម​វិចិត្រ​សិល្បៈ បាន​រួម​គ្នា​សម្ដែង​ទស្សនីយភាព​សិល្បៈ ស្នាដៃ​សិស្ស ឆ្នាំ​សិក្សា ២០២៤-២០២៥ រួមមាន របាំ​បុរាណ របាំ​ប្រពៃណី សៀក និង​ល្ខោនខោល​ជាដើម ដើម្បី​ប្រមូល​ថវិកា​ជួយ​ឧបត្ថម្ភ​កងទ័ព​ជួរមុខ និង​ជនភៀសសឹក​នៅ​តំបន់​ជម្លោះព្រំដែន​កម្ពុជា​-​ថៃ៕

The post រដ្ឋមន្ត្រីក្រសួងវប្បធម៌ បានទទួលការចូលរួមឧបត្ថម្ភជំនួយសប្បុរសធម៌ពី អ្នកឧកញ៉ា សំអាង វឌ្ឍនៈ ក្នុងកម្មវិធីសិល្បៈសប្បុរសធម៌ ដើម្បីវីរកងទ័ព appeared first on Kampuchea Thmey Daily.

ជាថ្មីម្តងទៀត ក្រុមហ៊ុន វឌ្ឍនៈ ប្រ៊ូវើរី ដែលដឹកនាំដោយអ្នកឧកញ៉ា សំអាង វឌ្ឍនៈ បន្តបង្ហាញឆន្ទៈ​ខ្ពស់​គាំទ្រវិស័យកីឡាដោយបានចូលរួមឧបត្ថម្ភកម្មវិធីកីឡាជាតិលើកទី៤ និងកីឡាជាតិជនពិការលើក​​ទី២ ឆ្នាំ២០២៤ ព្រមទាំងបានចូលរួមរត់ក្នុងពិធីរត់ភ្លើងគប់នៅតាមបណ្តាខេត្តក្រុងមួយចំនួន រហូត​​​ដល់ថ្ងៃពិធីបើកជាផ្លូវការនៃព្រឹត្តិការណ៍កីឡាជាតិលើកទី៤ និងកីឡាជាតិជនពិការលើកទី២ ឆ្នាំ២០២៤ ដែលបានធ្វើឡើងនាល្ងាចថ្ងៃទី៣០ ខែតុលា ឆ្នាំ២០២៤ នៅពហុកីឡដ្ឋានជាតិអូឡាំពិក ក្រោមអធិបតីភាពដ៏ខ្ពង់ខ្ពស់របស់   សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ជាមួយទស្សនីយភាពសិល្បៈដ៏សម្បូរបែប អ្នកចូលរួមអបអរសាទរយ៉ាងច្រើនកុះករ។

វិស័យកីឡាកម្ពុជារីកចម្រើនបាន ទាមទារការចូលរួមជាច្រើនរួមមានទាំងស្ថាប័នរដ្ឋ វិស័យឯកជន​ ព្រមទាំងអ្នកគាំទ្រ។ ក្រោមពាក្យស្លោក “ស្មារតីខ្មែរតែ១” របស់ វឌ្ឍនៈ ប៊្រូវើរី ក៏ដូច ក្នុងនាមជាក្រុមហ៊ុន​ក្នុង​ស្រុក​ផលិតនូវភេសជ្ជៈកីឡាដំបូងគេរបស់ប្រទេសកម្ពុជា ភេសជ្ជៈកីឡា វី អាកទីវ របស់ក្រុមហ៊ុន វឌ្ឍនៈ ប្រ៊ូវើរី បន្តចូលរួមលើកស្ទួយវិស័យកីឡាជាតិយ៉ាងសកម្មតាមរយៈការឧបត្ថម្ភគាំទ្រជាច្រើនដូចជា ឧបត្ថម្ភសហព័ន្ធកីឡា​បាល់ទាត់កម្ពុជា, ខេមបូឌាន ព្រីមៀរលីក, ក្លឹបកីឡាបាល់ទាត់, កីឡាប្រដាល់, កីឡា​ជាតិ​លើកទី៣,  ឧបត្ថម្ភព្រឹត្តិការណ៍ជាប្រវត្តិសាស្រ្តស៊ីហ្គេម និងកីឡា​អាស៊ាន​ប៉ារ៉ាហ្គេមលើក​ទី​១២ ឆ្នាំ​២០២៣ ដែល​កម្ពុជា​​​ធ្វើ​ជា​ម្ចាស់​ផ្ទះ​ ក៏ដូចជាវិស័យអប់រំ វីស័យសិល្បៈ សុខមាលភាពសង្គម និងសកម្មភាពជាច្រើនទៀតទាំងថ្នាក់មូលដ្ឋាន, ថ្នាក់ជាតិ និងអន្តរជាតិ។

ការគាំទ្រយ៉ាងសកម្មរបស់ក្រុមហ៊ុន វឌ្ឍនៈ ប្រ៊ូវើរី ចំពោះព្រឹត្តិការណ៍កីឡាជាច្រើន បានរួមចំណែកយ៉ាងសំខាន់ក្នុងការលើកកម្ពស់កេរ្តិ៍ឈ្មោះកីឡាជាតិ និងបង្កើតឱកាសសម្រាប់អត្តពលិកវ័យក្មេងបង្ហាញសមត្ថភាព និងខិតខំប្រឹងប្រែងក្នុងការលើកកម្ពស់វិស័យកីឡានៅកម្ពុជាទៅកាន់ឆាកអន្តរជាតិ ជាមួយមោទនភាពជាតិ ដោយ វឌ្ឍនៈ ប្រ៊ូវើរី ជឿជាក់ថាការវិនិយោគលើកីឡា គឺជាការវិនិយោគលើអនាគតរបស់យុវជន និងប្រទេសជាតិទាំងមូល។

នេះជាបេសកកម្មរយៈពេលវែងដែលទាមទារការចូលរួមពីពួកយើងទាំងអស់គ្នាដើម្បីឲ្យកីឡារបស់កម្ពុជាមាននិរន្តរភាព និងរីកចម្រើនឈានទៅមុខ។​

ក្រុមហ៊ុន វឌ្ឍនៈ ប្រ៊ូវើរី នឹងនៅតែបន្តចូលរួមគាំទ្រវិស័យកីឡារបស់ប្រទេសកម្ពុជា ដោយបានឧបត្ថម្ភព្រឹត្តិការណ៍កីឡាជាតិដ៏សំខាន់នេះក្នុងគោលបំណងបន្តបណ្តុះបណ្តាលសមត្ថភាពកីឡាករវ័យក្មេងដែលជាទំពាំងស្នងឫស្សីរបស់យើង និងចូលរួមជំរុញឲ្យយុវជនកម្ពុជាស្រឡាញ់កីឡា និងសុខភាព៕

The post អ្នកឧកញ៉ា សំអាង វឌ្ឍនៈ តំណាង វឌ្ឍនៈ ប្រ៊ូវើរី ចូលរួមរត់ភ្លើងគប់អបអរសាទរ ពិធីបើកកីឡាជាតិលើកទី៤ និងកីឡាជាតិជនពិការលើកទី២ ឆ្នាំ២០២៤ appeared first on Kampuchea Thmey Daily.

ការប្រកួត​ដ៏តានតឹង​រវាង​ក្រុម​ជើងខ្លាំងទាំង២នេះ បានរកឃើញម្ចាស់ពាននៅនាទីទី១២០ ដែលស៊ុត​បញ្ចូល​​ទីដោយកីឡាករ Marcus​ Haber ធ្វើឲ្យក្លិបព្រះខ័នរាជស្វាយរៀង យកជ័យជម្នះក្លាយជាជើងឯកពានរង្វាន់សម្តេចតេជោ ហ៊ុន សែន លើកទី១៧។ ក្នុងនាមជាដៃគូសហការរបស់ក្លិប ក្រុមហ៊ុន វឌ្ឍនៈ ប្រ៊ូវើរី បានឧបត្ថម្ភទឹកប្រាក់ ១ម៉ឺនដុល្លារ ដល់ក្លិបព្រះខ័នរាជស្វាយរៀង ដើម្បីចូលរួមអបអរសាទរជ័យជម្នះដ៏រីករាយនេះ។ លើសពីនេះ ក្រុមហ៊ុន​ វឌ្ឍនៈ ប្រ៊ូវើរី ក៏បានចូលរួមចែកជូនភេសជ្ជៈ វី-អាកទីវ ទាំង៥ ប្រភេទដោយ​ឥតគិតថ្លៃដល់អ្នកគាំទ្រទាំងអស់ជិត៣ម៉ឺននាក់ផងដែរ ដែលមានវត្តមានក្នុងព្រឹត្តិការណ៍ដ៏អស្ចារ្យនេះ។

គួរបញ្ជាក់ផងដែរថា ក្រុមហ៊ុន​ វឌ្ឍនៈ ប្រ៊ូវើរី តែងតែបានចូលរួមឧបត្ថម្ភ និងលើកស្ទួយវិស័យ​កីឡា​នៅកម្ពុជា ​ក្នុង​នោះ​​មានដូចជាការឧបត្ថម្ភគាំទ្រសហព័ន្ធកីឡាបាល់ទាត់កម្ពុជា ក្លិបកីឡា ការប្រកួតលីគកម្ពុជា ព្រមទាំងចូលរួមគាំទ្រកម្មវិធីកីឡាជាច្រើនផ្សេងៗទៀត រួមទាំងកម្មវិធីកីឡាថ្នាក់បឋម ថ្នាក់ឧត្តមសិក្សា ព្រមទាំងកីឡាថ្នាក់ជាតិផងដែរ៕

The post អ្នកឧកញ៉ា សំអាង វឌ្ឍនៈ ដៃគូសហការក្លិបព្រះខ័នរាជស្វាយរៀង ឧបត្ថម្ភទឹកប្រាក់១ម៉ឺនដុល្លារចំពោះជ័យជម្នះរបស់ព្រះខ័នរាជស្វាយរៀងក្នុងពានរង្វាន់សម្តេច ហ៊ុន សែន appeared first on Kampuchea Thmey Daily.

ពិធី​ចុះ​កិច្ចសន្យា​នេះ​ក៏មាន​ការចូលរួម​ពី​អ្នកឧកញ៉ា សំអាង វឌ្ឍនៈ អគ្គនាយក​ក្រុមហ៊ុន វឌ្ឍនៈ ប្រ៊ូ​វើ​រី សិល្បករ សិល្ប​ការិនី បវរកញ្ញា​កម្ពុជា រួម​ទាំង​ហ្វេ​នៗ​ជាច្រើន​ដែលមាន​វត្តមាន​ធ្វើជា​សក្ខីភាព នៃ​ការ​ចុះ​ហត្ថលេខា ព្រមទាំង​មានការ​ចាក់​បង្ហាញ​នូវ​វីដេអូ​ស្ពត​ពាណិជ្ជកម្ម​ថ្មី​របស់​ភេសជ្ជៈ​ប៉ូវ​កម្លាំង​គ្រុឌ ដែល​ចូលរួម​សម្តែង​លើកដំបូង​ពី​សំណាក់​សិល្ប​ការិនី​ចម្រៀង​រ៉េប ទេព បូ​ព្រឹក្ស យ៉ាង​រស់រវើក និង​ពោរពេញ​ដោយ​ថាមពល។

ក្នុង​ឱកាស​នោះ​ផង​ដែរ ទេព បូ​ព្រឹក្ស ក៏បាន​បង្ហាញ​នូវ​អារម្មណ៍​ដ៏​រំភើប​រីករាយ ជាពិសេស​ដែល​បាន​សហការ​ជាមួយ​ក្រុមហ៊ុន វឌ្ឍនៈ ប្រ៊ូ​វើ​រី ដើម្បី​បង្កើត និង​នាំ​យក​នូវ​ភាព​សប្បាយ​រីករាយ​អស្ចារ្យ​ក្នុង​កម្មវិធី​ប្រគំ​តន្ត្រី “NEW ERA” ដែល​រៀបចំ​ឡើងជា​កិច្ច​ស្វាគមន៍​រូបគាត់ សម្រាប់​ការ​ត្រឡប់មកវិញ ក្រោយពេល​សម្រាក​ពី​សិល្បៈ​មួយរយៈ ព្រមទាំង​បង្ហាញ​ពី​ការត្រៀមខ្លួន​រួចជាស្រេច​សម្រាប់​កម្មវិធី​ដ៏​អស្ចារ្យ​ជាច្រើន​ទៀត​ជាមួយ វឌ្ឍនៈ ប្រ៊ូ​វើ​រី បន្តបន្ទាប់​ក្នុងពេល​ឆាប់ៗ​ខាងមុខនេះ។

ដើម្បី​ស្វាគមន៍​វត្តមាន​របស់​សិល្ប​ការិនី​ចម្រៀង​រ៉េប ទេព បូ​ព្រឹក្ស ចូលមក​កាន់​គ្រួសារ វឌ្ឍនៈ ប្រ៊ូ​វើ​រី អ្នកឧកញ៉ា សំអាង វឌ្ឍនៈ មានប្រសាសន៍ថា “ទេព បូ​ព្រឹក្ស គឺជា​សិល្ប​ការិនី​មួយ​រូប ដែល​មាន​ទេពកោសល្យ មាន​ឆន្ទៈ​មោះមុត មាន​ភាព​ឆ្លាតវៃ និង​ចេះ​អភិវឌ្ឍន៍​សមត្ថភាព​ខ្លួន​បាន​យ៉ាង​ល្អ​ក្នុង​វិថី​សិល្បៈ ដែល​តែងតែ​នាំមក​នូវ​ភាព​អស្ចារ្យ ភាព​ភ្ញាក់ផ្អើល ភាព​ច្នៃប្រឌិត​ថ្មី ប្លែក​ក្នុង​ការផលិត​បទ​ចម្រៀង​ទាំង​បទ​បែប​មនោសញ្ចេតនា និង​បទ​បែប​ហ៊ី​ប​ហប​មក​អង្រួន​បេះដូង​យុវវ័យ​សម័យថ្មី”។

អ្នកឧកញ៉ា បាន​បន្ត​ទៀត​ថា “​ទេព បូ​ព្រឹក្ស តែង​ផ្តោត​សំខាន់​លើ​ការផលិត​បទ​ចម្រៀង​ដែល​មាន​គុណភាព ដែល​ឆន្ទៈ​បែប​ហ្នឹង គឺ​ស្របតាម​ឆន្ទៈ​របស់ វឌ្ឍនៈ ប្រ៊ូ​វើ​រី ដែល​តែងតែ​ផលិត​នូវ​ផលិតផល​ដែល​មាន​រសជាតិ និង​គុណភាព​ទទួលស្គាល់​លំដាប់​ពិភពលោក សម្រាប់​អតិថិជន​យើង​នៅ​គ្រប់​ទិសទី ដូច្នេះ​ហើយ​ការសហការ​រវាង វឌ្ឍនៈ ប្រ៊ូ​វើ​រី និង ទេព បូ​ព្រឹក្ស នឹង​នាំ​អ្វី​អស្ចារ្យ​សម្រាប់​រូបគាត់​ផ្ទាល់ ក៏ដូចជា​ភេសជ្ជៈ​ប៉ូវ​កម្លាំង​គ្រុឌ និង​ភេសជ្ជៈ វី​-​អាក​ទីវ របស់​យើង”។

គួរ​បញ្ជាក់​ថា ថវិកា​ទាំងអស់​ដែល​ទទួល​បាន​ពី​ការលក់​សំបុត្រ​ចូលរួម​ក្នុង​កម្មវិធី​ប្រគំ​តន្ត្រី “NEW ERA” ដែល​រៀបចំ​ជាពិសេស​ដោយ​ក្រុមហ៊ុន វឌ្ឍនៈ ប្រ៊ូ​វើ​រី សហការ​ជាមួយ​សិល្ប​ការិនី​ចម្រៀង​រ៉េប ទេព បូ​ព្រឹក្ស នឹង​យក​បរិច្ចាគ​ជួយ​ទៅដល់​មន្ទីរពេទ្យ​កុមារ​អង្គរ ដែល​នេះ​បង្ហាញ​ពី​ទឹកចិត្ត​ដ៏​សប្បុរស និង​ការចូលរួម​ដ៏​សំខាន់​ក្នុង​ការ​ជួយ​ដល់​សង្គមជាតិ ដែល​នៅ​ក្រុមហ៊ុន វឌ្ឍនៈ ប្រ៊ូ​វើ​រី តែងតែ​ធ្វើ​នា​ពេល​កន្លងមក៕

The post អបអរ ទេព បូព្រឹក្ស ត្រឡប់ចូលសិល្បៈវិញ និងក្លាយជាទូតសុច្ឆន្ទៈផ្លូវការរបស់​ភេសជ្ជៈប៉ូវកម្លាំងគ្រុឌ និងភេសជ្ជៈ​វី-អាកទីវ appeared first on Kampuchea Thmey Daily.

ជា​សក្ខីភាព នៃ​សមិទ្ធផល​ដ៏​អស្ចារ្យ​ដែល​ម៉ាក​សញ្ញា​ថ្មី​បំផុត​ទាំង ២ ទទួល​បាន​មេដាយ​មាស​គុណភាព​ផ្ទួន​គ្នា អ្នកឧកញ៉ា សំអាង វឌ្ឍនៈ អគ្គនាយក​ក្រុមហ៊ុន វឌ្ឍនៈ ប្រ៊ូ​វើរី និង​គណៈ​គ្រប់គ្រង​របស់​ក្រុមហ៊ុន​បាន​ចំណាយ​ពេល​ដ៏​មានតម្លៃ ដើម្បី​ចូលរួម​កម្មវិធី​ប្រគល់​ពានរង្វាន់​ប្រចាំ​ឆ្នាំ​ដោយ​ផ្ទាល់​នៅ​ទីក្រុង​ប្រ៊ូ​សែ​ល ប្រទេស​ហ៊ែល​ហ្សិក ដើម្បី​បង្ហាញ​ពី​ឆន្ទៈ​ដ៏​មោះមុត​របស់​ក្រុមហ៊ុន​ក្នុង​ការ​នាំ​យក​កិត្តិយស​ដែល​ផលិតផល​ក្នុងស្រុក​របស់​ខ្មែរ​ត្រូវ​បាន​ទទួលស្គាល់​នៅ​លើ​ឆាក​អន្តរជាតិ។

នៅ​លើ​វេទិកា នៃ​កម្មវិធី​នេះ​ផង​ដែរ អ្នក​ឧកញ៉ា សំអាង វឌ្ឍនៈ បាន​មាន​ប្រសាសន៍​ថា “​ទោះបី​វា​ជា​លើក​ទីមួយ​របស់ខ្ញុំ​នៅ​ទី​នេះ ប៉ុន្តែ​វា​មិនមែន​ជា​លើកទីមួយ​ដែល​ផលិតផល​របស់​ក្រុមហ៊ុន វឌ្ឍនៈ ប្រ៊ូ​វើ​រី ទទួល​បាន​មេដាយ​មាស​បញ្ជាក់​ពី​គុណភាព​ពី​កម្មវិធី MONDE SELECTION AWARDS នោះ​ឡើយ។ កន្លងទៅ ស្រា​បៀរ វឌ្ឍនៈ និង​ស្រា​បៀរ​គ្រុឌ ក៏​ទទួល​បាន​មេដាយ​មាស​ពី​ស្ថាប័ន​ដ៏​ល្បី​ល្បាញ​មួយ​នេះ​បន្ទាប់ពី​ឈាន​ជើង​ចូល​ទីផ្សារ​ក្នុង​ត្រឹម​រយៈពេល ៦ ខែ ហើយ​ពេលនេះ​សមិទ្ធផល​ថ្មី​របស់​យើង​ចំនួន ៥ ផ្សេង​ទៀត ក៏​ត្រូវ​បាន​ទទួល​ស្គាល់ និង​ផ្តល់​ជូន​មេដាយ​មាស​ត្រឹម​រយៈពេល​ដ៏​ខ្លី​ដូចគ្នា។ នេះ​មិនមែន​ជា​រឿង​ចៃដន្យ វា​កើត​ចេញពី​ឆន្ទៈ និង​កិច្ច​ខិតខំ​ប្រឹងប្រែង​របស់​ថ្នាក់​ដឹកនាំ បុគ្គលិក​គ្រប់​ផ្នែក ដៃគូ​អាជីវកម្ម ជាពិសេស​អតិថិជន​ដែល​តែងតែ​គាំទ្រ និង​ចូលចិត្ត​ផលិតផល​របស់​យើង​”។

គិត​មកទល់​ថ្ងៃនេះ ក្រុមហ៊ុន វឌ្ឍនៈ ប្រ៊ូ​វើ​រី មាន​ផលិតផល​សរុប​ទាំងអស់​ចំនួន ៨ ប្រភេទ គឺ ស្រាបៀរ វឌ្ឍនៈ, ស្រា​បៀរ គ្រុឌ​, ស្រា​បៀរ ដ្រា​ហ្គិន​, ភេសជ្ជៈ​ប៉ូវ​កម្លាំង គ្រុឌ​, ភេសជ្ជៈ​ប៉ូវ​កម្លាំង គ្រុឌ​អាយ​ស៍​, ភេសជ្ជៈ​កីឡា វី​-​អាក​ទីវ​, ភេសជ្ជៈ វី​-​អាក​ទីវ ក្រហម​, និង​ភេសជ្ជៈ វី​-​អាក​ទីវ បៃតង ដែល​គ្រប់​ផលិតផល​ទាំងអស់​សុទ្ធតែ​ទទួល​បាន​មេដាយ​មាស​បញ្ជាក់​ពី​គុណភាព​ពី​ស្ថាប័ន​ល្បីៗ​ទូទាំង​ពិភពលោក។ ចំណែក​ឯ​ស្រា​បៀរ ដ្រា​ហ្គិ​ន ទទួល​បាន​ពានរង្វាន់​ចំនួន​ពីរ​ផ្ទួន​គ្នា​ក្នុង​កម្មវិធី​ស្រាបៀរ​លំដាប់​ពិភពលោក WORLD BEER AWARDS ឆ្នាំ ២០២២ សម្រាប់​ជ័យលាភី​មាស (Cambodia Gold Lager Dark) និង​ជ័យលាភី​ស្រា​បៀរ​ទឹកខ្មៅ​ប្រចាំ​ប្រទេស​កម្ពុជា (Cambodia Country Winner Lager Dark) ពី​ចក្រភព​អង់គ្លេស​ភ្លាមៗ បន្ទាប់ពី​មាន​វត្តមាន​ក្នុង​ទីផ្សារ។

អ្នកឧកញ៉ា សំអាង វឌ្ឍនៈ ក៏បាន​បន្ត​ផង​ដែរ​ថា “​តាំងពី​ដើម​រៀងមក ឆន្ទៈ​របស់​យើង​គឺ​មិន​ត្រឹមតែ​ផលិត​នូវ​ផលិតផល​ដែល​មាន​គុណភាព​ល្អ​ដ៏​ពិតប្រាកដ លើស​ពី​នោះ​យើង​ចង់​នាំ​មោទកភាព និង​កិត្តិយស​ជូន​កម្ពុជា​ក្នុង​ការ​ផលិត​នូវ​ផលិតផល​ដែល​មាន​ស្តង់ដារ​ខ្ពស់​ប្រកួតប្រជែង​ទាំង​នៅ​ក្នុង​ថ្នាក់​តំបន់ និង​នៅ​ក្នុង​ពិភពលោក។ វឌ្ឍនៈ ប្រ៊ូ​វើ​រី គឺជា​ក្រុមហ៊ុន​ដែល​មាន​ម្ចាស់​ភាគហ៊ុន​ជា​ជនជាតិ​ខ្មែរ ១០០ ភាគរយ និង​ជា​ក្រុមហ៊ុន​ក្នុងស្រុក​គំរូ​ដំបូង​គេ​បង្អស់​ស្ម័គ្រចិត្ត​ចូលរួម​សហការ​បំពាក់ និង​ដាក់​ឲ្យ​ដំណើរការ​ឧបករណ៍​វាស់​ចំណុះ​ស្រា​បៀរ និង​ភេសជ្ជៈ​គ្មាន​ជាតិ​សុរា អនុលោម​តាម​សេចក្ដីណែនាំ​របស់​អគ្គនាយកដ្ឋាន​ពន្ធដារ​ដើម្បី​ធានា​បាន​តម្លាភាព​ចំណូល​ពន្ធអាករ​ជាតិ និង​ការ​ប្រកួតប្រជែង​ដោយ​ស្មើភាព​ប្រកបដោយ​សេចក្ដីថ្លៃថ្នូរ ហើយ​យើង​សូម​លើកទឹកចិត្ត​ដល់​ក្រុមហ៊ុន​ផ្សេងទៀត​ឲ្យ​ចូលរួម​អនុវត្ត​ទាំងអស់​គ្នា​ដើម្បី​បង្កើន​ចំណូល​ពន្ធ​សម្រាប់​ជំរុញ​កំណើន​សេដ្ឋកិច្ច​កម្ពុជា​”។

គួរ​បញ្ជាក់​ផង​ដែរ​ថា ក្រុមហ៊ុន វឌ្ឍនៈ ប្រ៊ូ​វើ​រី គឺជា​ក្រុមហ៊ុន​បុត្រ​សម្ព័ន្ធ​របស់ វឌ្ឍនៈ គ្រុប ដែល​ជា​គ្រុប​ដ៏​លេចធ្លោ​មួយ​ដែល​បាន​បង្កើត​ការងារ​ដល់​ពលរដ្ឋ​ខ្មែរ​ទាំង​ដោយ​ផ្ទាល់ និង​ដោយ​ប្រយោល​រាប់​ម៉ឺន​នាក់ និង​តែងតែ​ចូលរួម​ជំរុញ​ពិពិធ​កម្ម​ផលិតផល​ទំនិញ និង​សេវា​នៅ​ក្នុង​ស្រុក​ឲ្យ​កាន់តែ​មាន​ស្តង់ដារ និង​គុណភាព​ខ្ពស់ ប្រកាន់ខ្ជាប់​នូវ​គុណ​តម្លៃ​ស្នូល «គុណភាព ភាព​ច្នៃប្រឌិត សុខភាព សេវាកម្ម​ល្អ​ឯក និង​មេត្រីភាព​បរិស្ថាន» សម្រាប់​រាល់​ការ​វិនិយោគ​ទាំងឡាយ​នៅ​ក្នុង​ប្រទេស​កម្ពុជា​ដែល​រួមមាន វិស័យ​ធនាគារ វិស័យ​អចលនទ្រព្យ វិស័យ​បដិសណ្ឋារកិច្ច វិស័យ​ម្ហូបអាហារ​វិស័យ​ទំនិញ និង​សេវាកម្ម ព្រមទាំង​វិស័យ​សំខាន់ៗ ជាច្រើន​ទៀត៕

The post អ្នកឧកញ៉ា សំអាង វឌ្ឍនៈ ទៅទទួលពានរង្វាន់មេដាយមាស ៥ សម្រាប់ភេសជ្ជៈប៉ូវកម្លាំង គ្រុឌ និងភេសជ្ជៈ វី-អាកទីវ ពីប្រទេសប៊ែលហ្សិក appeared first on Kampuchea Thmey Daily.