សន្និសីទស្តីពីមហាសមុទ្រឥណ្ឌា ដែលបានរៀបចំធ្វើឡើងនៅទីក្រុង Port Louis សាធារណរដ្ឋម៉ូរីស គឺជាសន្និសីទលើកទី៩ បានប្រព្រឹត្តទៅកាលពីចុងសប្ដាហ៍កន្លងទៅ ក្រោមប្រធានបទ «ការទទួលខុសត្រូវរួមគ្នាសម្រាប់អភិបាលកិច្ចមហាសមុទ្រឥណ្ឌា» ដោយមានការចូលរួមពីរដ្ឋមន្រ្តី/អនុរដ្ឋមន្រ្តីនៃប្រទេសនានាជាង៣០។ ខណៈកម្ពុជា តំណាងចូលរួមដោយលោក អ៊ុន ឃាង រដ្ឋលេខាធិការក្រសួងការបរទេស។

ថ្លែងក្នុងសន្និសីទនោះ លោក អ៊ុន ឃាង ក៏ដូចជាតំណាងបណ្ដាប្រទេសផ្សេងទៀត សុទ្ធតែបានលើកឡើងពីបញ្ហាដែលប្រឈមក្នុងតំបន់មហាសមុទ្រឥណ្ឌា និងស្នើឱ្យមានសកម្មភាពរួមគ្នា ដើម្បីដោះស្រាយបញ្ហាប្រឈមទាំងនោះ។

ជុំវិញនឹងដំណោះស្រាយទាំងនោះ លោករដ្ឋលេខាធិការ អ៊ុន ឃាង បានបញ្ជាក់ជាថ្មីពីការគាំទ្ររបស់កម្ពុជាសម្រាប់យុទ្ធសាស្រ្តឥណ្ឌូ-ប៉ាស៊ីហ្វិក ដែលលើកកម្ពស់សន្តិភាព និងស្ថិរភាពតំបន់ និងមិនត្រូវប្រើប្រាស់ជាឧបករណ៍ប្រឆាំងទៅនឹងប្រទេសផ្សេងឡើយ ដោយលោកបានសង្កត់ធ្ងន់ដល់ការគោរពនូវមជ្ឈភាពអាស៊ាន រួមមានធម្មនុញ្ញអាស៊ាន និងទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិក។

យុទ្ធសាស្រ្តឥណ្ឌូ-ប៉ាស៊ីហ្វិក (Indo-Pacific Strategy) គឺជាក្របខណ្ឌនយោបាយ និងសន្តិសុខដ៏សំខាន់មួយមានគោលដៅពង្រឹងកិច្ចសហប្រតិបត្តិការនៅតំបន់ដែលលាតសន្ធឹងពីមហាសមុទ្រឥណ្ឌារហូតដល់មហាសមុទ្រប៉ាស៊ីហ្វិក។ យុទ្ធសាស្ត្រនេះ គឺត្រូវបានដាក់ចេញជាផ្លូវការដោយប្រធានាធិបតីសហរដ្ឋអាម៉េរិក ដូណាល់ ត្រាំ ក្នុងឆ្នាំ២០១៧ ដោយទទួលបានការគាំទ្រយ៉ាងខ្លាំងពីជប៉ុន អូស្ត្រាលី និងឥណ្ឌា។

ចំពោះកម្ពុជា រាជរដ្ឋាភិបាលតែងបានបង្ហាញការគាំទ្រដល់យុទ្ធសាស្ត្រឥណ្ឌូ-ប៉ាស៊ីហ្វិកនេះ ជាពិសេសនៅក្នុងក្របខណ្ឌកិច្ចសហប្រតិបត្តិការជាមួយជប៉ុន។

តាមរយៈវេទិកាស្តីពីមហាសមុទ្រឥណ្ឌា មន្ត្រីជាន់ខ្ពស់ការបរទេសខាងលើ ក៏បានគូសបញ្ជាក់ពីវិធានការនានារបស់កម្ពុជាដើម្បីពង្រឹងអភិបាលកិច្ចលំហសមុទ្រអន្តរជាតិផងដែរ ពិសេសថ្មីៗនេះ ការផ្តល់សច្ចាប័នរបស់កម្ពុជាចំពោះអនុសញ្ញាអង្គការសហប្រជាជាតិស្តីពីច្បាប់សមុទ្រ ដែលបានឆ្លុះបញ្ចាំងពីការប្តេជ្ញាចិត្តរបស់កម្ពុជាចំពោះច្បាប់អន្តរជាតិ ដែលសិទ្ធិ និងកាតព្វកិច្ចត្រូវបានកំណត់យ៉ាងច្បាស់លាស់ និងអនុវត្តស្នើភាពគ្នា៕

ដោយ៖ ធឿន វ៉ាន់សុង

The post កម្ពុជាបញ្ជាក់ជាថ្មីពីការគាំទ្រចំពោះយុទ្ធសាស្ត្រឥណ្ឌូ-ប៉ាស៊ីហ្វិក ដើម្បីលើកកម្ពស់សន្តិភាពតំបន់ appeared first on Kampuchea Thmey Daily.

កិច្ចប្រជុំអគ្គមេបញ្ជាការកងទ័ពឥណ្ឌូ-ប៉ាស៊ីហ្វិក បានប្រព្រឹត្តទៅក្រោមការដឹកនាំដោយនាយឧត្តមនាវី Samuel J. Paparo មេបញ្ជាការបញ្ជាការដ្ឋានឥណ្ឌូ-ប៉ាស៊ីហ្វិកសហរដ្ឋអាមេរិក ដើម្បីពិភាក្សាស្វែងយល់អំពីទស្សនវិស័យតំបន់ទាក់ទងការងារសន្តិសុខ ការស្វែងរកឱកាសពង្រឹងកិច្ចសហប្រតិបត្តិការ និងកំណត់ប្រធានបទសម្រាប់កិច្ចប្រជុំអគ្គមេបញ្ជាការកងទ័ពឥណ្ឌូ-ប៉ាស៊ីហ្វិក (CHODs) ឆ្នាំ២០២៥។

ក្នុងបទអន្តរាគមន៍ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានលើកឡើងពីបញ្ហាប្រឈមផ្នែកសន្តិសុខតាមប្រព័ន្ធអ៊ីនធឺណែត ឧក្រិដ្ឋកម្មឆ្លងដែន អំពើភេរវកម្ម ចោរសមុទ្រ ការប្រែប្រួលអាកាសធាតុ និងគ្រោះធម្មជាតិ ដែលទាមទារឱ្យមានការពង្រឹងកិច្ចសហការរវាងវិស័យយោធា និងស៊ីវិល តាមរយៈការចែករំលែកធនធាន ការផ្លាស់ប្តូរជំនាញ និងការធ្វើផែនការយុទ្ធសាស្ត្រ។

នាយឧត្តមសេនីយ៍ អគ្គមេបញ្ជាការ បានថ្លែងគាំទ្រដល់ការពង្រឹងកិច្ចសហប្រតិបត្តិការយោធាក្នុងតំបន់ និងរួមគ្នាដោះស្រាយរាល់បញ្ហាប្រឈមដោយសន្តិវិធី ដើម្បីឱ្យតំបន់ឥណ្ឌូ-ប៉ាស៊ីហ្វិកមានសន្តិភាព ស្ថិរភាព និងវិបុលភាព។ សម្រាប់កម្ពុជា ត្រៀមខ្លួនសម្រាប់ជំនួយមនុស្សធម៌ និងការសង្គ្រោះគ្រោះមហន្តរាយដែលកើតឡើង៕

The post មេបញ្ជាការទ័ពឥណ្ឌូ-ប៉ាស៊ីហ្វិក ជជែកគ្នាពីការពង្រឹងកិច្ចសហការយោធាក្នុងតំបន់   appeared first on Kampuchea Thmey Daily.

អំឡុងដំណើរទស្សនកិច្ចទៅកាន់កោះវ៉ានូអាទូ លោក Macron និយាយថា “យុទ្ធសាស្ត្ររបស់យើងនៅតំបន់ឥណ្ឌូប៉ាស៊ីហ្វិក គឺផ្អែកលើការចូលរួមផ្នែកការទូតនិងយោធា។ បុគ្គលិកយោធា ២០០ នាក់ទៀត នឹងត្រូវបញ្ជូនទៅ ហើយទឹកប្រាក់១៥០លានអឺរ៉ូ (១៦៣លានដុល្លារ) នឹងត្រូវបានបែងចែក សម្រាប់កងទ័ពរបស់យើងនៅទីនេះ”។

មុន​​ដល់ទៅ​កោះ​វ៉ានូអាទូ លោក Macron ក៏បាន​ទៅ​ទស្សនកិច្ច​ទឹក​ដី​បារាំងនៅ​ក្រៅ​ប្រទេសគឺ New Caledonia រយៈពេល៣ថ្ងៃផងដែរកាល​ពី​ថ្ងៃ​ចន្ទ។ 

លោក Macron បានកត់សម្គាល់ថា នៅក្រោមវិក្កយបត្រ “កម្មវិធីយោធា” របស់ខ្លួន ប្រទេសបារាំងគ្រោងនឹងវិនិយោគលើឧបករណ៍យោធា និងកម្លាំងមនុស្សនៅ New Caledonia ហើយ ទឹកប្រាក់រាប់លានអឺរ៉ូ នឹងត្រូវបែងចែកសម្រាប់ការអភិវឌ្ឍក្នុងតំបន់ នារយៈពេល៥ឆ្នាំខាងមុខ។

គួរបញ្ជាក់ថា ថវិកាការពារជាតិប្រចាំឆ្នាំរបស់បារាំង ត្រូវបានគេប៉ាន់ប្រមាណថា មានចំនួនសរុបជាង៤៥ពាន់លានអឺរ៉ូក្នុងឆ្នាំ២០២៣ ហើយបន្ទាប់មកបន្ថែមប្រហែល៣ពាន់លានអឺរ៉ូពីលើនោះជារៀងរាល់ឆ្នាំ ត្រឹមឆ្នាំ២០២៧ និងបន្ថែម៤.៣ពាន់លានអឺរ៉ូពីលើនោះទៀត ជារៀងរាល់ឆ្នាំចាប់ពីឆ្នាំ២០២៨ទៅ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ប្រទេសកំពុងផ្ទុះបាតុកម្មធ្ងន់ធ្ងរ តែលោក Macron បែរជារាំធ្វើព្រងើយ

The post បារាំង​ ប្រកាសបង្កើន​វត្តមាន​យោធា ​នៅតំបន់ ​ឥណ្ឌូ​ប៉ាស៊ីហ្វិក appeared first on Kampuchea Thmey Daily.

លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានសរសេរនៅលើហ្វេសប៊ុករបស់លោកថា ជំហរ ៣ របស់កម្ពុជា ទាក់ ទិនទៅនឹងទស្សនាទាន Indo-Pacific ទី១. នេះជាទស្សនទាន ដែលបម្រើគោលការណ៍សន្តិភាព និង អភិវឌ្ឃន៍, ទី២. នេះជាទស្សនាទាន ដែលមិនមានគោលដៅ ប្រឆាំងអ្នកណាទាំងអស់, នេះជាទស្សនាទាន ដែលត្រូវគោរពមជ្ឈភាពអាស៊ាន៕

The post ជំហររបស់កម្ពុជា ពាក់ព័ន្ធនឹងទស្សនាទានឥណ្ឌូ-ប៉ាស៊ីហ្វិក មានចំនួន ៣ចំណុចសំខាន់ៗ appeared first on Kampuchea Thmey Daily.

នៅឯសវនាការគណៈកម្មាធិការសេវាប្រដាប់អាវុធព្រឹទ្ធសភាកាលពីថ្ងៃអង្គារលោកឧត្តមនាវី John Aquilino បាននិយាយថា “ការព្រួយបារម្ភដ៏គ្រោះថ្នាក់បំផុតគឺកម្លាំងយោធាប្រឆាំងនឹងកោះតៃវ៉ាន់” ។

លោក Aquilino បាននិយាយថា កងកម្លាំងអាមេរិកដែលអាចឆ្លើយតបបានភ្លាមៗរួមជាមួយសម្ព័ន្ធមិត្ត និងដៃគូនឹងធ្វើឲ្យមានជំហររឹងមាំសម្រាប់ការរាំងស្ទះដល់ការងារនេះ ។

ក្រុមអ្នកសាធារណរដ្ឋកំពុងសម្តែងការព្រួយបារម្ភថារដ្ឋបាលលោក បៃដិន អាចសម្របសម្រួលជាមួយប្រទេសចិនលើបញ្ហាសន្តិសុខជាថ្នូរនឹងកិច្ចសហប្រតិបត្តិការរបស់ទីក្រុងប៉េកាំងក្នុងការដោះស្រាយការប្រែប្រួលអាកាសធាតុ និងបញ្ហាផ្សេងទៀត ។

លោក Aquilino បានប្រាប់សវនាការថា នាវាអាមេរិកគួរតែបន្តឆ្លងកាត់ច្រកសមុទ្រតៃវ៉ាន់ និងអនុវត្តសេរីភាពនៃការធ្វើនាវាចរណ៍ផ្សេងទៀត ខណៈដែលនាវាអាមេរិកបានធ្វើនាវាចរណ៍ផ្នែកខ្លះរួចទៅហើយនៃសមុទ្រចិនខាងត្បូងដែលទាមទារដោយទីក្រុងប៉េកាំង ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ដំណឹងល្អ! ការចាក់វ៉ាក់សាំងកូវីដលើស្ត្រីមានផ្ទៃពោះនៅ អាមេរិក មិនមានផលប៉ះពាល់អាក្រក់ឡើយ

ចុចអាន ៖ គ្រាន់​តែ​១​សប្តាហ៍​ បាញ់​សម្លាប់​នៅ​ទីសាធារណៈ​២​ដង​នៅ​អាមេរិក​​ លោក​ បៃដិន​ជំរុញ​សភា​អនុម័ត​ច្បាប់​គ្រប់​គ្រង​អាវុធ

The post អាមេរិក ៖ កោះតៃវ៉ាន់ជាក្ដីបារម្ភធំបំផុតនៅឥណ្ឌូ-ប៉ាស៊ីហ្វិក appeared first on Kampuchea Thmey Daily.