អ្នកនាំពាក្យក្រសួងការបរទេស លោកស្រី Pham Thu Hang បានថ្លែងនៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ថា ស្ថានទូតវៀតណាមប្រចាំប្រទេសថៃ និងមីយ៉ាន់ម៉ាបានបញ្ជាក់ថា គិតត្រឹមថ្ងៃទី ២២ ខែតុលា ពលរដ្ឋវៀតណាមប្រហែល ៧០ នាក់បានឆ្លងដែនពីមីយ៉ាន់ម៉ាចូលទៅក្នុងប្រទេសថៃ បន្ទាប់ពីការឆ្មក់ចូលប្រឆាំងឧក្រិដ្ឋកម្មដែលកំណត់គោលដៅលើបរិវេណក្លែងក្លាយ។

តាមរបាយការណ៍ពីកាសែត Tuoi Tre (យុវជន) ការឆ្មក់ចូលទាំងនេះបានបង្កឲ្យមានរលកនៃការឆ្លងកាត់ព្រំដែនខុសច្បាប់ចូលទៅក្នុងទឹកដីថៃ ដែលអាជ្ញាធរក្នុងប្រទេសនេះបានឃុំខ្លួនជនជាតិវៀតណាមជាង ១០០ នាក់ រួមជាមួយអ្នកផ្សេងទៀតមកពីប្រទេសជាច្រើន។

លោកស្រីបានមានប្រសាសន៍ថា ក្រសួងការបរទេសបានណែនាំស្ថានទូត និងនាយកដ្ឋានពាក់ព័ន្ធឲ្យសហការជាមួយភ្នាក់ងារក្នុងស្រុក និងបរទេស ដើម្បីអនុវត្តនីតិវិធីកុងស៊ុល និងសម្រួលដល់ការវិលត្រឡប់មកផ្ទះវិញដោយសុវត្ថិភាពរបស់ពលរដ្ឋវៀតណាមឲ្យបានឆាប់តាមដែលអាចធ្វើទៅបាន។

ជាចុងក្រោយនេះ លោកស្រី Pham Thu Hang បានព្រមានពលរដ្ឋវៀតណាមម្តងទៀត ឲ្យប្រុងប្រយ័ត្នចំពោះការផ្តល់ជូនការងារតាមអ៊ីនធឺណិត ដែលសន្យាថានឹងមានការងារងាយស្រួល ប្រាក់ខែខ្ពស់ ហើយត្រូវផ្ទៀងផ្ទាត់ព័ត៌មានដោយប្រុងប្រយ័ត្ន ដើម្បីចៀសវាងការបោកប្រាស់ដោយបណ្តាញជួញដូរមនុស្ស និងបោកប្រាស់ផ្សេងៗ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

អាល្លឺម៉ង់ ប្រកាសប្រាក់ចំណូលកើនឡើង បន្ទាប់ពី អ៊ុយក្រែន បញ្ជាទិញអាវុធ

The post ពលរដ្ឋវៀតណាម រត់ប្រសាចចូលដីថៃ ក្រោយ មីយ៉ាន់ម៉ា បើកការបង្ក្រាបឧក្រិដ្ឋជនអនឡាញ appeared first on Kampuchea Thmey Daily.

តាម​ការ​បញ្ជា​របស់​លោក​ឧត្តមសេនីយ៍ឯក Kittirat Panphet អគ្គស្នងការនគរបាលជាតិថៃ ដែល​បាន​ទៅ​ចូល​រួម​កិច្ច​ប្រជុំ​ជា​មួយ​អគ្គស្នងការ​នគរបាល​ជាតិ​កម្ពុជា​ ដើម្បី​សហការ​បង្ក្រាប​ឧក្រិដ្ឋកម្ម​ឆ្លងដែន ឬក្រុមឆបោកតាមអនឡាញស្របតាមគោលនយោបាយរបស់នាយករដ្ឋមន្ត្រីថៃនិងកម្ពុជា ពោលគឺកាលពីថ្ងៃសៅរ៍ និងថ្ងៃអាទិត្យកន្លងទៅនេះ សមត្ថកិច្ចកម្ពុជាបានបើកប្រតិបត្តិការ​បង្ក្រាបរុករកនិង​ចាប់​ខ្លួនក្រុមឧក្រិដ្ឋជនឆបោកតាមអនឡាញនៅតាមទីតាំងជាច្រើន និងចាប់ខ្លួនបានសរុប​ចំនួន​២១៥​នាក់ ​ក្នុង​នោះ​មាន​ជនជាតិ​ថៃ​ចំនួន​១២៥​នាក់ ​និង​ជនបរទេស​ចំនួន​៩០​នាក់ ហើយបាននិងកំពុងបន្តការ​បង្ក្រាប​និង​ចាប់ខ្លួន​ជា​បន្តបន្ទាប់ទៀត​ ដោយមានការសហការ​និងសម្របសម្រួល​រវាងសមត្ថកិច្ច​កម្ពុជានិងសមត្ថកិច្ចថៃ។

លោកថា ប្រតិបត្តិការនេះ គឺជាជំហានដំបូងដ៏សំខាន់ឆ្ពោះទៅរកការបង្រ្កាបជាបន្តបន្ទាប់ ដែល​ជាការចង់បាន​របស់ ​រដ្ឋាភិបាលនៃប្រទេស​ទាំងពីរឱ្យ​ចាត់វិធានការ​ដោះស្រាយ​បញ្ហា​ឧក្រិដ្ឋកម្មឆ្លងដែន ឬក្រុមឆបោកតាមអនឡាញដែលមិន​ត្រឹមតែឆបោកតែ​ប្រជាជន​ថៃ​ប៉ុណ្ណោះទេ ប៉ុន្តែក៏បានឆបោក​នៅទូទាំងពិភពលោកផងដែរ។ លោកថា ប្រតិបត្តិការបង្ក្រាបនិង​ចាប់ខ្លួនក្រុមនេះ នឹងបន្តធ្វើរហូតទាល់តែបោសសម្អាតឱ្យអស់ទាំងស្រុង៕

ប្រភព ៖ khaosod

The post ថៃ​-​កម្ពុជា ​បន្ត​បង្ក្រាប​ក្រុម​ឧក្រិដ្ឋជន​ឆបោកតាមអនឡាញនៅទីតាំងជាច្រើន និង​​រក​ឃើញ​ជនជាតិ​ថៃ​១២៥​នាក់​ appeared first on Kampuchea Thmey Daily.

​​

លោក​ អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស​បាន​​ឱ្យ​ដឹង​នៅ​ថ្ងៃ​នេះ​ថា​ ​​ចាប់ថ្ងៃទី១៣ ដល់ថ្ងៃទី១៧ ខែមករា ឆ្នាំ២០២៥ កម្លាំង​ជំនាញ​កងរាជអាវុធហត្ថខេត្តព្រះសីហនុ សហការ​ជាមួយ​កងរាជ​អាវុ​ធហត្ថរាជធានីភ្នំពេញ និង​កម្លាំង​ជំនាញ​ព័ត៌មាន​សន្តិសុខ​នៃ​កងរាជអាវុធហត្ថ​លើ​ផ្ទៃ​ប្រទេស ធ្វើ​ការ​ស្រាវជ្រាវ ​ស៊ើបអង្កេត ពន្លាត​ដែន​សមត្ថកិច្ចពីខេត្តព្រះសីហនុ ដល់​រាជធានីភ្នំពេញ ឃាត់​ខ្លួន​ជន​សង្ស័យ​បាន​ជា​បន្តបន្ទាប់ចំនួន៥នាក់ មាន​ដូច​ខាងក្រោម៖

១- ឈ្មោះ ​ភិន សាឌីម ភេទប្រុស អាយុ២៦ឆ្នាំ។

២- ឈ្មោះ ហៃ ពិសិដ្ឋ ភេទប្រុស អាយុ២២ឆ្នាំ។

៣- ឈ្មោះ កុល មុន្នីរ័ត្ន ភេទប្រុស អាយុ៣០ឆ្នាំ។

៤- ឈ្មោះ ហែម សុគន្ធ ភេទប្រុស អាយុ៣៦ឆ្នាំ។

៥- ឈ្មោះ មឿន វិចិត្រ ភេទប្រុស អាយុ១៦ឆ្នាំ។

​លោក​បាន​​ឱ្យ​ដឹង​ពី​​​ដំណើរ​រឿង​​នៅថ្ងៃទី១៣ ខែ​មករា ឆ្នាំ២០២៥ មន្ត្រីនគរបាល​យុត្តិធម៌​នៃ​​កងរាជអាវុធហត្ថ​ខេត្តព្រះសីហនុ បាន​ទទួល​បណ្ដឹង​ថា ​មាន​មន្ត្រីកងរាជ​អាវុធហត្ថ​ចំនួន​៤នាក់​ទៅ​៥នាក់​ បាន​ចាប់​ឆែក​ឆេរ​រថយន្ត​ និង​បាន​ចោទ​ថា​ ជន​រង​គ្រោះ​ដឹក​របស់​ខុស​ច្បាប់​ ​(ម៉ាស៊ីន​ផ្សព្វផ្សាយ​ល្បែង​អនឡាញ) ​និង​គំរាម​ទារ​ប្រាក់​ពី​ជនរង​គ្រោះ​ចំនួន​៣.០០០ដុល្លារ បើ​មិន​ព្រម​ទេ​ នឹង​ចាប់​ទាំង​មនុស្ស រថយន្ត ​និង​ម៉ាស៊ីន ​យក​ទៅ​កងរាជអាវុធហត្ថ​រាជធានីភ្នំពេញ​ រួច​ជន​រង​គ្រោះ​ក៏​យល់​ព្រម​ប្រគល់​ប្រាក់​សុទ្ធ​ចំនួន​៣.០០០ដុល្លារ ​ឱ្យ​ទៅ​ពួក​ជន​សង្ស័យ​នោះ​។​

​ដោយ​មាន​ការ​សម្រប​សម្រួល​នីតិវិធី​ពី​លោក​ ពេញ ពិសិដ្ឋ ព្រះរាជអាជ្ញារង​អម​សាលា​ដំបូង​ខេត្ត​ព្រះសីហនុ ​និង​លោក សេង ម៉េងស្រ៊ុន ព្រះរាជអាជ្ញារងអមសាលាដំបូងរាជធានីភ្នំពេញ បាន​ចុះ​ធ្វើ​ការ​ស្រាវ​ជ្រាវ ​ស៊ើប​អង្កេត ​ឃាត់​ខ្លួន​ជន​សង្ស័យ​ប្រព្រឹត្ត​បទ​ល្មើស​ជា​បន្ត​បន្ទាប់​ និង​ចាប់​យក​វត្ថុ​តាង​ពាក់ព័ន្ធបទ​ល្មើស​មួយ​ចំនួន។ មន្ត្រី​នគរបាល​យុត្តិធម៌​ នៃ​កងរាជអាវុធហត្ថខេត្តព្រះសីហនុ​ បាន​និង​កំពុង​កសាង​សំណុំរឿងបញ្ជូនទៅអយ្យការអមសាលាដំបូងខេត្តព្រះសីហនុ។

ក្រុម​របស់​ជន​សង្ស័យ​ខា​ង​លើ​នេះ ​បាន​ធ្វើ​សកម្មភាព​គំរាម​យក​ប្រាក់​ពី​ជនរងគ្រោះ​ មាន​ដូច​ជា​ជន​ជាតិ​ចិន ​និង​ជនជាតិ​ខ្មែរ ​យក​បាន​ប្រាក់​ចំនួន​ប្រមាណ​១០.០០០ដុល្លារ ដោយ​ធ្វើ​សកម្មភាព​ក្នុង​ទីតាំង​សង្កាត់​លេខ​៣ និង​សង្កាត់​លេខ​៤ ​ក្រុង​ព្រះសីហនុ ខេត្ត​ព្រះសីហនុ។

​កងរាជអាវុធហត្ថ ក៏​បាន​​អំពាវនាវ​ដល់​សាធារណជន មេត្តា​ចូល​រួម​សហការ​ផ្តល់​ព័ត៌មាន​ដល់​កម្លាំង​សមត្ថ​កិច្ច​​ដើម្បី​ទប់ស្កាត់​ និង​បង្ក្រាបបទ​ល្មើស ​រក្សាសន្តិសុខ សុវត្ថិភាពសង្គម។

​​

The post ឧក្រិដ្ឋជន​មួយ​ក្រុម​​ក្លែង​បន្លំ​ជា​សមត្ថកិច្ច ​ស្លៀក​ពាក់​ឯកសណ្ឋាន​កងរាជអាវុធហត្ថ និង​​នគរបាលជាតិ ​ធ្វើ​សកម្មភាព​ចាប់​ជំរិតទារប្រាក់​​នៅ​​ខេត្ត​ព្រះសីហនុ​ appeared first on Kampuchea Thmey Daily.

ក្រោយពីទទួលបានពាក្យបណ្តឹងខាងលើ ដោយអនុវត្តតាមបទបញ្ជារបស់ លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងនាយកដ្ឋាននគរនាយកដ្ឋាននគរបាល ដឹកនាំដោយលោកឧត្តមសេនីយ៍ទោ ប៉ុល រតនា, ឧត្តមសេនីយ៍ត្រី ហ៊ុន មុន្នីរ័ត្ន, វរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាននគរបាលព្រហ្មទណ្ឌ បានដឹកនាំសហការជាមួយកម្លាំងជំនាញស្នងដ្ឋាននគរបាលខេត្តស្វាយរៀង ចុះទៅដល់ទីតាំងកើតហេតុ ដើម្បីធ្វើការស្រាវជ្រាវ និងស៊ើបអង្កេត ករណីខាងលើ។

លុះនៅថ្ងៃទី២៩ ខែធ្នូ ឆ្នាំ២០២៤ វេលាម៉ោង១២៖០០នាទីរសៀល កម្លាំងជំនាញបានស្រាវជ្រាវរកឃើញ ជនរងគ្រោះខាងលើត្រូវបានក្រុមជនសង្ស័យបង្ខាំងចាក់សោរទុកនៅក្នុងផ្ទះជួលមួយកន្លែងស្ថិតនៅក្នុងភូមិតាពៅ សង្កាត់បាវិត ខេត្តស្វាយរៀង និងបានឃាត់ខ្លួនជនសង្ស័យជាបន្តបន្ទាប់ចំនួន ១២នាក់ រួមមាន៖ ទី១.ឈ្មោះ ហឿ ង៉ុកថាម ភេទស្រី អាយុ ២៦ឆ្នាំ ជនជាតិវៀតណាម ទី២.ឈ្មោះ ឡាំ ធី ញឺវិន ភេទស្រី អាយុ១៧ឆ្នាំ ទី៣.ឈ្មោះ ង្វៀង ទ្រីដាក ភេទប្រុស អាយុ ២៣ឆ្នាំ ជនជាតិវៀតណាម ទី៤.ឈ្មោះ ង្វៀង ហ្វានលឺ ភេទប្រុស អាយុ ៣៥ឆ្នាំ ជនជាតិវៀតណាម ទី៥.ឈ្មោះ ហ្វៀង វ៉ាន់ថាំង ភេទប្រុស អាយុ ១៩ឆ្នាំ ជនជាតិវៀតណាម។

ទី៦.ឈ្មោះ ហ្វាម វ៉ាន់ទូ ភេទប្រុស អាយុ ៣៥ឆ្នាំ ជនជាតិវៀតណាម ទី៧.ឈ្មោះ ដាវ ត្រុងហៀវ ភេទប្រុស អាយុ ៣៣ឆ្នាំ ជនជាតិវៀតណាម ទី៨.ឈ្មោះ ឡ ឌឹកទន់ ភេទប្រុស អាយុ ៣២ឆ្នាំ ជនជាតិវៀតណាម ទី៩.ឈ្មោះ ង្វៀង យីគឿង ភេទប្រុស អាយុ ២៨ឆ្នាំ ជនជាតិវៀតណាម ទី១០.ឈ្មោះ ង្វៀង វ៉ាន់ហ័ង ភេទប្រុស អាយុ ២២ឆ្នាំ ជនជាតិវៀតណាម ទី១១.ឈ្មោះ ហ្វាម វឹងវៀក ភេទប្រុស អាយុ ៣០ឆ្នាំ ជនជាតិវៀតណាម និងទី១២.ឈ្មោះ ងរ វ៉ានជាង ភេទប្រុស អាយុ២៣ឆ្នាំ ជនជាតិវៀតណាម។

បច្ចុប្បន្នជនសង្ស័យខាងលើ ត្រូវបាននាំខ្លួនមកកាន់នាយកដ្ឋាននគរបាលព្រហ្មទណ្ឌដើម្បីធ្វើការសាកសួរ៕

ដោយ៖ មករា

The post ឧក្រិដ្ឋជនវៀតណាម ១២នាក់ ត្រូវបានចាប់ខ្លួនពាក់ព័ន្ធករណីចាប់ជំរិតជនជាតិចិន នៅក្រុងបាវិត appeared first on Kampuchea Thmey Daily.

ក្រោយមក កាលពីខែមុន ប៉ូលិសក៏បានស៊ើបអង្កេតករណីចោរកម្មជាបន្តបន្ទាប់នៅក្នុងខេត្ត Jiangsu បានកំណត់អត្តសញ្ញាណបុរសម្នាក់ ដែលក្លែងខ្លួនធ្វើជាបុគ្គលិកអគ្គិសនីដោយប្រើរបាំងមុខមិនឲ្យគេកំណត់អត្តសញ្ញាណបាន។ ទាំងនេះគ្រាន់តែជាឧទាហរណ៍ពីរនៃនិន្នាការកើនឡើងនៅក្នុងប្រទេសចិន ដែលអ្នកជំនាញព្រមានថា អាចនាំឲ្យមានឧក្រិដ្ឋកម្ម លុះត្រាតែការលក់របាំងស៊ីលីកូនពិតប្រាកដត្រូវបានគ្រប់គ្រងជាក់លាក់។

មេធាវី Liu Jiong មកពីសាកលវិទ្យាល័យ Xiamen បានប្រាប់ Legal Daily ថា “ការធ្វើរបាំងមុខ​ គឺមិនខុសទេ ! ចំណុចសំខាន់គឺការគ្រប់គ្រងការប្រើប្រាស់របស់ពួកគេ អាជ្ញាធរពាក់ព័ន្ធគួរតែចាត់ថ្នាក់នៃភាពប្រាកដនិយមនៃរបាំងមុខ។”

លើសពីនេះ បញ្ហាមួយទៀតជាមួយរបាំងស៊ីលីកូននៅក្នុងប្រទេសចិន គឺអាចរកបានយ៉ាងទូលំទូលាយ តាមរយៈអ្នកលក់អនឡាញដើម្បីធានាថា របាំងមុខមានទំហំជាក់លាក់ដែលបានស្នើសុំដោយអ្នកទិញហើយមានភាពប្រាកដនិយមតាមដែលអាចធ្វើទៅបាន។ អាជីវកម្មមួយចំនួននៅលើវេទិកាដូចជា Taobao លក់របាំងស៊ីលីកូនដែលមើលទៅដូចតារាល្បី ប៉ុន្តែអ្នកផ្សេងទៀតនឹងទទួលយកការបញ្ជាទិញណាមួយ ដរាបណាអតិថិជនអាចផ្តល់ព័ត៌មានលម្អិតទាំងអស់ដែលចាំបាច់សម្រាប់ការបង្កើតរបាំងមុខ ដូចជារូបថត ការវាស់វែង និងសូម្បីតែការស្កេន 3D ជាដើម។

ជាក់ស្តែង មិនមែនគ្រប់គ្នាសុទ្ធតែទិញរបាំងស៊ីលីកូនដែលប្រាកដនិយមជ្រុល ដើម្បីប្រព្រឹត្តឧក្រិដ្ឋកម្មនោះទេ។ មនុស្សមួយចំនួនគ្រាន់តែចង់បន្លំខ្លួនជាមួយនឹងរបាំងមុខរបស់តារាល្បីៗដែលពួកគេចូលចិត្ត លេងសើចជាមួយមិត្តភក្តិ ឬគ្រាន់តែចង់ដឹងអំពីពួកគេ។ ប៉ុន្តែទស្សនាវដ្ដីចិន Shine សរសេរថា ការផ្តល់ជូនដែលមានតម្លៃថ្លៃជាងនៅក្នុងទីផ្សារពិសេសនេះ ជាញឹកញាប់ត្រូវបានទិញសម្រាប់គោលបំណងជាក់លាក់ ដូចជាការដោះសោទូរស័ព្ទរបស់ប្តីប្រពន្ធជាមួយនឹងការសម្គាល់មុខ រំលងប្រព័ន្ធសម្គាល់មុខដែលមានភាពស្មោះត្រង់ទាប ឬនាឡិកានៅកន្លែងធ្វើការនៅពេលធ្វើការពីផ្ទះ។

ជាពិសេស ស្រោមមុខស៊ីលីកូនដែលមានគុណភាពខ្ពស់ អាចមានតម្លៃរហូតដល់ ២៣,០០០ យន់ (៣,២០០ ដុល្លារ) ហើយចំណាយពេលរហូតដល់មួយខែដើម្បីធ្វើ ប៉ុន្តែអ្នកលក់ខ្លះទៅរហូតធានាសងលុយវិញ ប្រសិនបើរបាំងមុខមិនឆ្លងកាត់ការសម្គាល់មុខតាមស្មាតហ្វូន។ អតិថិជនមួយចំនួននៅលើ Taobao បានបញ្ជាក់ថា របាំងមុខដំណើរការជាមួយប្រព័ន្ធសម្គាល់មុខស្មាតហ្វូនមួយចំនួន ប៉ុន្តែមានការតស៊ូជាមួយនឹងកម្មវិធីដែលផ្តោតលើការធ្វើតេស្តពណ៌ភ្នែក និងស្បែក។

យ៉ាងណាមិញ ចិនមិនមែនជាប្រទេសតែមួយគត់នៅលើពិភពលោកដែលឧក្រិដ្ឋជនប្រើរបាំងស៊ីលីកូន ដើម្បីធ្វើសកម្មភាពទុច្ចរិតនោះទេ ប៉ុន្តែលទ្ធភាពនៃការប្រើប្រាស់ការក្លែងបន្លំបែបនេះ ដើម្បីចៀសផុតពីបច្ចេកវិទ្យាសម្គាល់មុខគឺជាបញ្ហាដ៏ធំមួយនៅក្នុងប្រទេស ដែលមានការឃ្លាំមើលស្ទើរតែគ្រប់ទីកន្លែង។ ការគំរាមកំហែងបានកើតឡើង បន្ទាប់ពីការកើនឡើងថ្មីៗនេះនៃការប្រើប្រាស់របាំងស៊ីលីកុនសម្រាប់សកម្មភាពឧក្រិដ្ឋ ខណៈដែលគេហទំព័រពាណិជ្ជកម្មអេឡិចត្រូនិកមួយចំនួន បានត្រួតពិនិត្យការស្វែងរករបាំងស៊ីលីកូននេះដូចគ្នា៕

អត្ថបទ៖ សាង ស្រីល័ក្ខ

The post ឧក្រិដ្ឋជននៅ ចិន កំពុងប្រើស្រោមមុខស៊ីលីកូនប្រព្រឹត្តអំពើទុច្ចរិត បង្កក្ដីបារម្ភខ្លាំង appeared first on Kampuchea Thmey Daily.

នៅក្នុងខែកុម្ភៈឆ្នាំ២០២៣ ប៉ូលិសក្នុងប្រទេសអូស្ត្រាលី បានចាប់ខ្លួនជនជាតិចិនចំនួន៩នាក់ ក្នុងការវាយឆ្មក់ជាបន្តបន្ទាប់ នៅទូទាំងទីក្រុងស៊ីដនី។ តាមការវិភាគ ក្រុមក្មេងទំនើងទាំងនោះ បានបើកដំណើរការប្រព័ន្ធធនាគារស្រមោលមួយ សម្រាប់ក្រុមឧក្រិដ្ឋជននានា។

ក្នុងចំណោមអ្នកដែលត្រូវបានចាប់ខ្លួននោះ មានម្នាក់ឈ្មោះ Steven Xin ជាដៃគូអាជីវកម្មនៅប្រទេសអូស្ត្រាលីរបស់ស្តេចល្បែងម៉ាកាវ Alvin Chau ដែលត្រូវបានកាត់ទោសឲ្យជាប់ពន្ធនាគារក្នុងប្រទេសចិនរយៈពេល១៨ឆ្នាំកាលពីខែមករា ពីបទលេងហ្គេមខុសច្បាប់ និងឧក្រិដ្ឋកម្មផ្សេងទៀត។

លោក Jason Tower នាយកផ្នែកកម្មវិធីមីយ៉ាន់ម៉ា នៅវិទ្យាស្ថានសន្តិភាពសហរដ្ឋអាមេរិក (USIP) និយាយថា បណ្តាញឧក្រិដ្ឋកម្មទាំងនេះ មានដើមទុនរាប់ពាន់លានដុល្លារឯណោះ។

លោកបានប្រាប់កាសែត The Straits Times ថា “វាបានឈានដល់ចំណុចដែលពួកគេគ្រប់គ្រងទឹកដីក្នុងប្រទេសមីយ៉ាន់ម៉ា តាមរយៈភាពជាដៃគូដែលពួកគេមាន ជាមួយកងកម្លាំងការពារព្រំដែននៅក្រោមកងទ័ពមីយ៉ាន់ម៉ា និងជាមួយកងជីវពលផ្សេងទៀតនៅទីនោះ។ អង្គការឧក្រិដ្ឋកម្មទាំងនេះ ក៏ប្រតិបត្តិការចេញពីប្រទេសនៅអាស៊ីអាគ្នេយ៍ផងដែរ ហើយកំពុងកំណត់គោលដៅលើមជ្ឈមណ្ឌលហិរញ្ញវត្ថុ នៅទូទាំងពិភពលោក រួមទាំងទីក្រុងឡុងដ៍ ឌូបៃ និងសិង្ហបុរី ផងដែរ។

លោកបន្តថា “អ្នកកំពុងមើលឃើញពីវិសាលភាពនៃបណ្តាញឧក្រិដ្ឋជនចិនទាំងនេះ ដែលបាននិងកំពុងប្រតិបត្តិការនៅក្នុងតំបន់អាស៊ីអាគ្នេយ៍ ហើយឥឡូវបានពង្រីកនៅទូទាំងពិភពលោក។ ពួកគេជាប់ពាក់ព័ន្ធនឹងការជួញដូរមនុស្សមកពីជាង៥០ប្រទេសផ្សេងៗ គ្នាចូលទៅក្នុងតំបន់”។

សូមបញ្ជាក់ កាលពីខែសីហា អង្គការសហប្រជាជាតិ បាននិយាយក្នុងរបាយការណ៍មួយថា មនុស្សរាប់សែននាក់កំពុងត្រូវបានជួញដូរដោយក្រុមឧក្រិដ្ឋជន និងបង្ខំឲ្យធ្វើការនៅក្នុងមជ្ឈមណ្ឌលបោកប្រាស់ និងប្រតិបត្តិការអនឡាញខុសច្បាប់ផ្សេងៗ នៅទូទាំងអាស៊ីអាគ្នេយ៍៕

ប្រែសម្រួល៖ Vann Vann

ប្រភព៖ Straits Times

ចុចអាន៖ សមត្ថកិច្ច​បន្ត​ឃាត់ខ្លួន​ជនសង្ស័យ​២​នាក់​ទៀត ពាក់ព័ន្ធ​នឹង​ករណី​ចូលរួម​រំដោះ​ជនជាតិ​ចិន​ដែល​ជា​មេក្លោង​ជួញដូរ​គ្រឿងញៀន​ដ៏​ធំ

The post អ្នកជំនាញអន្តរជាតិ៖ ក្រុមឧក្រិដ្ឋជនចិន កំពុងរាលដាលពាសពេញតំបន់អាស៊ីប៉ាស៊ីហ្វិក appeared first on Kampuchea Thmey Daily.

នៅក្នុងបណ្ដាញសង្គមហ្វេសប៊ុក និងតេលេក្រាម នាព្រឹកថ្ងៃទី ២៤ ខែសីហានេះ ឯកឧត្ដមបណ្ឌិត ហ៊ុន ម៉ាណែត បានសរសេរថា «សូមកោតសរសើរ និងថ្លែងអំណរគុណដល់អាជ្ញាធរ និងកងកម្លាំងចម្រុះគ្រប់លំដាប់ថ្នាក់ ដែលបានបំពេញភារកិច្ចរបស់ខ្លួនប្រកបដោយស្មារតីទទួលខុសត្រូវខ្ពស់ រហូតអាចស្វែងរកឃើញ និងចាប់បានជាបន្តបន្ទាប់នូវក្រុមឧក្រិដ្ឋជនរំដោះអ្នកទោស ដែលជាមេក្លោងគ្រឿងញៀន កាលពីថ្ងៃទី១៧ សីហា ២០២៣ កន្លងទៅ នៅក្នុងខេត្តសៀមរាប»។

ជាលទ្ធផល ទាំងក្រុមឧក្រិដ្ឋជន និងទាំងពិរុទ្ធជនគ្រឿងញៀន ដែលត្រូវបានរំដោះ ក៏ត្រូវបានចាប់ខ្លួនត្រឡប់មកវិញ កាលពីថ្ងៃទី ២២ ខែសីហា ឆ្នាំ ២០២៣កន្លងទៅនេះ។

ឯកឧត្ដមបណ្ឌិត ហ៊ុន ម៉ាណែត បានបញ្ជាក់ថា ជោគជ័យនៃបេសកកម្មដ៏មានសារៈសំខាន់នេះ គឺជាការអនុវត្តភារកិច្ច និងការចូលរួមចំណែកធានាការពារសន្តិសុខ និងសណ្តាប់ធ្នាប់សាធារណៈ ដែលជា “កិច្ចការអាទិភាពចម្បងរបស់រាជរដ្ឋាភិបាល សំដៅថែរក្សាសុវត្ថិភាព និងសេចក្តីសុខក្សេមក្សាន្តក្នុងការរស់នៅរបស់ប្រជាពលរដ្ឋឱ្យកាន់តែល្អប្រសើរ”។   

លោកនាយឧត្ដមសេនីយ៍ ម៉ក់ ជីតូ អគ្គស្នងការរងនគរបាលជាតិ មានប្រសាសន៍ក្នុងសន្និសីទសារព័ត៌មាន កាលពីព្រឹកថ្ងៃទី ២៣ ខែសីហាថា មកដល់ថ្ងៃនេះ កិច្ចសហប្រតិបត្តិការស្រាវជ្រាវបង្រ្កាបបទល្មើស ពាក់ព័ន្ធនឹងករណីក្រុមប្រដាប់អាវុធមួយ ដែលហៅថាធ្វើសកម្មភាពរំដោះ ឬប្លន់ទណ្ឌិត នៅខេត្តសៀមរាបនោះ ត្រូវចាប់ខ្លួនបានមកវិញហើយ។  

នាយឧត្ដមសេនិយ៍  ម៉ក់ ជីតូ បានបញ្ជាក់ទៀតថា នេះមិនមែនជាជោគជ័យរបស់ស្ថាប័ន ឬអង្គភាពណាមួយនោះទេ ព្រោះករណីនេះមានការប្រឹងប្រែងរួមគ្នា គ្រប់រាល់កងកម្លាំងទាំងអស់ដែលស្ថិតនៅក្រោមការដឹកនាំ របស់អគ្គស្នងការដ្ឋាននគរបាលជាតិ នៃក្រសួងមហាផ្ទៃ។

កាលពីថ្ងៃទី ២២ ខែសីហា ឆ្នាំ ២០២៣ កម្លាំងសមត្ថកិច្ច នៃមន្ទីរប្រឆាំងបទល្មើសគ្រឿងញៀន បានតាមប្រម៉ាញ់ និងឃាត់ខ្លួនមេក្លោងគ្រឿងញៀន ដែលត្រូវជាប់ទោស ៥២ឆ្នាំ ពីបទជួញដូគ្រឿងញៀនចំនួន ២លើកនោះ បានមកវិញហើយ។ ឧក្រិដ្ឋជនរូបនេះ ត្រូវបានក្រុមជនសង្ស័យបិទមុខ ៦នាក់ ជួយរំដោះឲ្យគេចខ្លួន នៅមន្ទីពេទ្យធ្មេញមួយកន្លែង ក្នុងខេត្តសៀមរាប កាលពីថ្ងៃទី ១៧ ខែសីហា ឆ្នាំ ២០២៣កន្លងទៅនេះ៕

The post ឯកឧត្ដមបណ្ឌិត ហ៊ុន ម៉ាណែត កោតសរសើរកងកម្លាំងចម្រុះ ដែលចាប់បានទណ្ឌិតមេក្លោងគ្រឿងញៀន និងក្រុមឧក្រិដ្ឋជនរំដោះអ្នកទោស appeared first on Kampuchea Thmey Daily.

លោក​វរសេនីយ៍ឯក នួន ស័ក្ដិ​ចំរើន​រិ​ទ្ធ ស្នងការ​រង ទទួល​ផែន​ការងារ​នគរបាល​ព្រហ្មទណ្ឌ​នៃ​ស្នងការដ្ឋាន​នគរបាល​ខេត្តសៀមរាប បាន​មានប្រសាសន៍​ឲ្យ​ដឹង​នៅ​ល្ងាច​ថ្ងៃ​ទី​២៣​នេះ​ថា ក្រោម​ការ​យក​ចិត្តទុកដាក់​ពី​សំណាក់​លោក​ឧ​ត្ត​ម​សេនីយ៍​ទោ តេង ច័ន្ទ​ណាត ស្នងការ​នគរបាល​ខេត្តសៀមរាប និង​ថ្នាក់ដឹកនាំ​ជំនាញ​នៃ​នគរបាល​អ​គ្គ​ស្នងការ​នគរ​បាល​ជាតិ ដោយមាន​ការសម្របសម្រួល​នីតិ​វិធី​ពី​លោក​មាស ច័ន្ទ​ពិសិដ្ឋ ព្រះរាជអាជ្ញា​អម​សាលាដំបូង​ខេត្តសៀមរាប ព្រមទាំង​មានការ​ចូលរួម​ពី​លោក​វរសេនីយ៍ឯក ដា ចំរើន អធិការ​នគរបាល​ក្រុង​សៀមរាប ទើប​កម្លាំង​សមត្ថកិច្ច​ជំនាញ​បើក​ការស្រាវជ្រាវ រហូត​ឈាន​ដល់​ឃាត់ខ្លួន​បាន​ជនសង្ស័យ​ជា​បន្តបន្ទាប់​ចំនួន​១៣​នាក់ ពាក់ព័ន្ធ​ករណី​ចូលរួម​អ្នក​រំដោះ​ជនជាតិ​ចិន​ម្នាក់​ដែល​ជា​មេក្លោង​ជួញដូរ​គ្រឿងញៀន​ដ៏​ធំ​។

លោក​បន្ត​ថា នៅ​វេលា​ម៉ោង​១២០០​នាទី​ថ្ងៃ​ទី​២៣ ខែសីហា ឆ្នាំ​២០២៣ កម្លាំង​ផែន​ព្រហ្មទណ្ឌ​នៃ​ស្នងការដ្ឋាន​នគរបាល​ខេត្តសៀមរាប សហការ​ជាមួយ​កម្លាំង​អធិការដ្ឋាន​នគរបាល​ក្រុង​សៀមរាប ចុះ​អនុវត្តន៍​ដីកា​បញ្ចា​ឲ្យ​ចូលខ្លួន​ជនសង្ស័យ​ឈ្មោះ ប្រាក់ ចំរើន ភេទ​ស្រី អាយុ​៣៨​ឆ្នាំ បច្ចុប្បន្ន​រស់នៅ​ភូមិ​វាល សង្កាត់​គោកចក ក្រុង​.​ខេត្តសៀមរាប ពាក់ព័ន្ធ​នឹង​ករណី រៀបចំ​ចាត់តាំង​ក្រុម​ជនប្រដាប់អាវុធ (​រំដោះ​អ្នកទោស​ដោយ​ក្រុម​ជនប្រដាប់អាវុធ​) ប្រព្រឹត្ត​កាលពី​ថ្ងៃទី​១៧ ខែសីហា ឆ្នាំ​២០២៣ នៅ​ចំណុច​គ្លីនិក​ពេទ្យធ្មេញ ជុំ ចិ​ន្ថា ស្ថិត​ក្នុង​ភូមិ​តាភុល សង្កាត់​ស្វាយដង្គំ ក្រុង​-​ខេត្តសៀមរាប តាម​ការ​អនុវត្តន៍​ដីកា​បញ្ជា​ឲ្យ​ចូលខ្លួន លេខ​៤០១ អ​.​យ​.​ឆ ចុះ​ថ្ងៃ​ច័ន្ទ​៥​កើត ខែស្រាព​ណ៍ ឆ្នាំថោះ បញ្ច​ស័ក ព​.​ស ២៥៦៧ ត្រូវ​នឹង​ថ្ងៃទី ២១ ខែសីហា ឆ្នាំ​២០២៣ ចេញ​ដោយ​លោក វង្ស សាវ៉ាត ព្រះរាជអាជ្ញារង អយ្យការ​អម​សាលាដំបូង​រាជធានី​ភ្នំពេញ ក្នុងពេល​ចុះ​អនុវត្តន៍​ដី​បញ្ជា​ឲ្យ​ខ្លួន​ខាង​ហើយ កម្លាំង​សមត្ថកិច្ច​បាន​ឃាត់ខ្លួន​ឈ្មោះ ខាន់ សុខា ហៅ​តឿ ភេទ​ប្រុស អាយុ​២៨​ឆ្នាំ ជនជាតិខ្មែរ ទីលំនៅ​បច្ចុប្បន្ន​ភូមិ​វាល សង្កាត់​គោកចក ក្រុង​-​ខេត្តសៀមរាប យកមក​សាកសួរ។

ក្រោយពី​កម្លាំង​សមត្ថកិច្ច​យើង​ធ្វើការ​សាកសួរ​ឈ្មោះ ខាន់ សុខា ហៅ​តឿ បាន​ឆ្លើយ​សារភាព​ថា នៅ​ថ្ងៃទី​១៧ ខែសីហា ឆ្នាំ​២០២៣ រូប​ខ្លួន​បាន​ចូលរួម​រំដោះ​ជនជាតិ​ចិន ឈ្មោះ Chen Hsin Han ដោយ​ឈ្មោះ ស៊ឹម សឿ​ម (​ត្រូវជា​ពូ​ថ្លៃ​)​បាន​ឲ្យ​ខ្លួន​បើក​ម៉ូតូ​ចំនួន​១​គ្រឿង ម៉ាក​Click ពណ៌​សរ ផលិត​ឆ្នាំ​២០២១ ពាក់​ផ្លាក់លេខ សៀមរាប 1AX-2307 ឱ្យ​ចាំ​យក​ជន​ជាតិចិន នៅ​ចំណុច​គ្លី​និ​ច​ពេទ្យធ្មេញ ជុំ ចិ​ន្ថា ក្នុងភូមិ​តាភុល សង្កាត់​ស្វាយដង្គំ ក្រុង​សៀមរាប ខេត្តសៀមរាប។ ដោយ​ឈ្មោះ ស៊ឹម សឿ​ម បាន​ឲ្យ​ប្រាក់​ចំនួន​៥០០$ (​ប្រាំ​រយ​ដុល្លារ​អាមេរិក​) នឹង​សន្យា​ថា ពេល​ការងារ​ចប់ នឹង​ឱ្យ​ម៉ូតូ​ដែល​ជិះ​ទៅ​ឌុប​ជនជាតិ​ចិន មក​ជា​កម្ម​សិទ្ធិ រួម​ទាំង​ប្រាក់​ចំនួន​១០០០$(​មួយ​ពាន់​ដុល្លារ​អាមេរិក​)​បន្ថែម​ទៀត។​ ដកហូត​វត្ថុតាង​បាន ម៉ូតូ​ចំនួន​២​គ្រឿង ម៉ាក​Click ពណ៌​សរ ផលិត​ឆ្នាំ​២០២១ ពាក់​ផ្លាកលេខ​សៀមរាប 1AX-2307 (​ផ្លាកលេខ​ក្លែងក្លាយ​) និង​ម៉ាក​Click ពណ៌​សរ ផលិត​ឆ្នាំ​២០២២ ពាក់​ផ្លាកលេខ​សៀមរាប 1AX-3223 (​ផ្លាកលេខ​ក្លែងក្លាយ​)។

បច្ចុប្បន្ន​កម្លាំង​នគរបាល​ជំនាញ​នៃ​ស្នងការដ្ឋាន​នគរបាល​ខេត្តសៀមរាប ​កំពុង​រៀបចំ​សំណុំរឿង​ដើម្បី​បញ្ជូន​ខ្លួន​ជនសង្ស័យ​ខាងលើ​ទៅ​តុលាការ ​ដើម្បី​ចាត់ការ​ទៅតាម​ផ្លូវច្បាប់​៕

ដោយ ៖ កុសល

The post សមត្ថកិច្ច​បន្ត​ឃាត់ខ្លួន​ជនសង្ស័យ​២​នាក់​ទៀត ពាក់ព័ន្ធ​នឹង​ករណី​ចូលរួម​រំដោះ​ជនជាតិ​ចិន​ដែល​ជា​មេក្លោង​ជួញដូរ​គ្រឿងញៀន​ដ៏​ធំ appeared first on Kampuchea Thmey Daily.