តាមការផ្សាយរបស់សារព័ត៌មានអាមេរិក The Hill នៅថ្ងៃសៅរ៍ទី៤ខែមេសាឆ្នាំ២០២៦ អ៊ីរ៉ង់បាញ់ត្រូវឧទ្ធម្ភាគចក្រទាំងពីរ ប៉ុន្តែមិនមានសេចក្តីរាយការណ៍ពីការធ្លាក់ទេ។

ទន្ទឹមនោះ មន្ត្រីអាមេរិកម្នាក់ បានប្រាប់ទៅ NBC ថា ឧទ្ធម្ភាគចក្រពិតបាញ់ត្រូវមែន ប៉ុន្តែទាហានទាំងអស់នៅក្នុងនោះ គឺមានសុវត្ថិភាព។

កាលពីថ្ងៃសុក្រ យន្តហោះចម្បាំង F-15E Strike Eagle ត្រូវអ៊ីរ៉ង់បាញ់ទម្លាក់នៅកណ្តាលប្រទេស ដោយក្នុងនោះអាកាសយានិកម្នាក់ក្នុងចំណោមពីរនាក់ ត្រូវបានរកឃើញនិងជួយសង្គ្រោះ នៅសល់ម្នាក់ទៀតមិនទាន់ដឹងដំណឹង។ 

ទោះបីជាយ៉ាងណាក៏ដោយ មិនមានការបញ្ជាក់ច្បាស់ឡើយថាតើយន្តហោះ ត្រូវបាញ់ទម្លាក់នៅទីតាំងណាឲ្យប្រាកដ។

ក្រោយមក អ៊ីរ៉ង់ ក៏ប្រកាសផ្តល់ប្រាក់រង្វាន់ ៦០ ០០០ដុល្លារ ដល់នរណា ដែលចាប់បានទាហាននៅរស់នោះ។

ពាក់ព័ន្ធរឿងនេះ សូម្បីប្រធានាធិបតីអាមេរិក ដូណាល់ ត្រាំ ក៏ទទួលស្គាល់ជាផ្លូវការដែរថា F-15 ពិតជាធ្លាក់មែន ប៉ុន្តែបញ្ជាក់ថា ការបាញ់ធ្លាក់នេះ នឹងមិនប៉ះពាល់ដល់ការចរចាឡើយ៕

អត្ថបទ៖ សុខ សុវណ្ណ

The post អ៊ីរ៉ង់ បាញ់ត្រូវទាំង Black Hawk និងឧទ្ធម្ភាគចក្រមួយគ្រឿងទៀត ដែលហោះទៅជួយ F-15 appeared first on Kampuchea Thmey Daily.

បើយោង​តាមសារព័ត៌មាន Daily Mail ការ​សាក​ល្បង​ដំបូងលើ​ជួរ​​អាត្លង់ទិក កងកម្លាំង​យោធាបាន​បាញ់​បង្ហោះ​អាវុធ Red Wolf ដ៏​ទំនើប​ចេញ​ពី​ឧទ្ធម្ភាគចក្រ AH-១Z Viper ដោយ​វាយ​លុក​គោល​ដៅ​ដែល​មាន​មូល​ដ្ឋាន​លើ​សមុទ្រ​ជា​មួយ​នឹង​ភាព​ជាក់​លាក់និង​​ច្បាស់​លាស់។​ ការ​បង្កើត​ឡើង​ដោយ​ L៣Harris, Red Wolf គឺ​ជា​ម៉ូ​ឌុល​កាំ​ជ្រួច​ដែល​មាន​សំឡេង​ខ្លាំង​ ​អាច​បញ្ជូន​ទិន្នន័យ​តម្រង់​គោល​ដៅ និងភ្ជាប់​គោល​ដៅ​ពី​ចម្ងាយ ​ផ្តល់​ឱ្យ​នូវ​សមត្ថភាព​ឧទ្ធម្ភាគចក្រ​ ដែល​​បាន​បម្រុង​ទុក​សម្រាប់​វេទិកា​ធំ​ជាង​នេះ​។

គួរ​ឱ្យ​ដឹង​ផង​ដែរ​ថា​សព្វា​វុធ​ដែល​បាញ់​ដោយ​ឧទ្ធម្ភាគចក្រ​នា​ពេល​បច្ចុប្បន្ន ដូចជា AGM-១១៤ Hellfire និង Joint Air-to-Ground Missile-Medium Range ត្រូវ​បាន​កំណត់​ត្រឹម​ប្រហែល​ ២១ម៉ាយ និង ១០ម៉ាយ​រៀងៗ​ខ្លួន ខណៈ​ដែល​ Red Wolf អាច​ឡើង​ដល់​ប្រហែល​ ២៣០​ម៉ាយ​ក្នុង​រយៈ​កម្ពស់​ទាប​ [ចំណាំ ១ម៉ាយ ប្រហែល ១.៦គីឡូម៉ែត្រ]។

ការ​សាក​ល្បងនេះ​​ជោគ​ជ័យ​ គឺ​ជា​ជំហាន​ឆ្ពោះ​ទៅ​មុខ​ដ៏​សំខាន់​មួយ​នៅ​ក្នុង​កម្ម​វិធី Long Range Attack Missile (LRAM) របស់​កង​យោធា​ ដែល​បង្ហាញ​ពី​ប្រព័ន្ធ​ជំនាន់​ក្រោយ ​ពង្រីក​ជួរ​វាយ​ប្រហារ​ឧទ្ធម្ភាគចក្រ​យ៉ាង​ខ្លាំង​។

នៅ​ក្នុង​ជម្លោះ​ប៉ា​ស៊ី​ហ្វិក​យ៉ាង​ខ្លាំង​ ប្រព័ន្ធ​នេះ​អាច​បង្អាក់​ឧបករណ៍​ចាប់​សញ្ញា​របស់​នាវា​ចម្បាំង​ជា​បណ្ដោះ​អាសន្ន ដោយ​បើក​បង្អួច​សម្រាប់​ការ​វាយ​ប្រហារ​ជា​បន្ត​បន្ទាប់​ដោយ​អាវុធ​ធំៗ ដូច​ជា​មី​ស៊ីល​ប្រឆាំង​នាវា​ចម្ងាយ​ឆ្ងាយ ឬ​មីស៊ីល​វាយ​ប្រហារ​រួម​គ្នា​។

កាល​ពី​ដើម​ខែ​នេះ លោក ត្រាំ​ បាន​ព្រមានថា សង្រ្គាម​រុស្ស៊ី និង​អ៊ុយ​ក្រែន​ដែល​កំពុង​បន្ត​អាច​ឈាន​ចូល​ទៅ​ជា​​សង្រ្គាម​លោក​។

លោក​ត្រាំ​បាន​ប្រាប់​អ្នក​យក​ព័ត៌មាន​នៅ​ថ្ងៃ​ទី១១ ខែ​ធ្នូ​ថា​៖ «រឿង​​នេះ​នឹង​បញ្ចប់​នៅ​ក្នុងសង្គ្រាម​លោក​លើក​ទី៣»។

ជាមួយនឹងតម្លៃប៉ាន់ស្មានប្រហែល ៣០០ ០០០ដុល្លាក្នុង​មួយ​ឯកតា​ L៣Harris មាន​គោល​បំណង​ផលិត​កាំ​ជ្រួច​រហូត​ដល់ ១០០០ដើម​ក្នុង​មួយ​​ឆ្នាំ។

របាយ​ការណ៍​ឧស្សាហកម្ម​បង្ហាញ​ថា Red Wolf ត្រូវ​បាន​គ្រោង​សម្រាប់​ការ​ដាក់​ពង្រាយ​ប្រតិបត្តិ​ការ​ដំបូង​នៅ​ឆ្នាំ២០២៦​ ខណៈ​ដែល​កង​កម្លាំង​​អាច​ផ្លាស់ទី​បាន​ច្រើន​ដើម្បី​ពង្រីក​ឃ្លាំង​ស្តុក​ទុក​នៃ​ការ​ចំណាយ​មាន​ប្រសិទ្ធិ​ភាព កូដ​កម្ម​រយៈ​ពេល​វែង និង​ប្រព័ន្ធ​ឈ្លប​យកការណ៍​ក្នុង​ការ​រៀប​ចំ​សម្រាប់​ជម្លោះ​កម្រិត​ខ្ពស់​ដែល​អាច​កើត​មាន​។

ប្រព័ន្ធ​នេះ​គឺ​ជា​ផ្នែក​មួយ​ដ៏​សំខាន់​នៃ​យុទ្ធសាស្ត្រ​របស់​មន្ទីរ​បញ្ច​កោណ ​ [Pentagon]ដើម្បី​ពង្រីក​ឃ្លាំង​អាវុធ​វាយ​ប្រហារពី​​ចម្ងាយ​ឆ្ងាយ​ដែល​មាន​តម្លៃ​សម​រម្យ​នៅ​ក្នុង​ព្រឹត្តិ​ការណ៍​នៃ​ជម្លោះ​ដែល​អូស​បន្លាយ ជា​ពិសេស​នៅ​ក្នុង​ឥណ្ឌូ​ប៉ា​ស៊ី​ហ្វិក ​ប្រព័ន្ធ​តម្លៃ​ខ្ពស់​ដូច​ជា Joint Air-to-Surface Standoff Missile-Extended Range និង Tomahawk ត្រូវ​បាន​កំណត់​ដោយ​ផលិតកម្ម និង​ការ​ចំណាយ​៕

ប្រែសម្រួល៖ ណឺ មិនា​

The post កង​កម្លាំង​យោធាអាមេរិកតេស្ត​​សាកល្បង​ប្រព័ន្ធវាយប្រហាររយៈចម្ងាយឆ្ងាយពីឧទ្ធម្ភាគចក្រ appeared first on Kampuchea Thmey Daily.

ឧទ្ធម្ភាគចក្រដឹកជញ្ជូនម៉ូដែលថ្មីទាំង៣គ្រឿង ដែលយោធាមីយ៉ាន់ម៉ាបានទទួលរួមមានឧទ្ធម្ភាគចក្រដឹកជញ្ជូនចំនួនពីរគ្រឿង និងឧទ្ធម្ភាគចក្រ VIP មួយគ្រឿងសម្រាប់មន្ត្រីជាន់ខ្ពស់។ ពិធីប្រគល់ជូននេះធ្វើឡើងនៅទីក្រុងណៃពិដោ ដោយមានការចូលរួមពីមេដឹកនាំយោធាលោក មីន អ៊ុងឡាំង ផងដែរ។

គួររម្លឹកថាកិច្ចព្រមព្រៀងទិញឧទ្ធម្ភាគចក្រនេះ មានតម្លៃប្រហែល ៨៦ លានដុល្លារ បានចុះហត្ថលេខាជាលើកដំបូងនៅអំឡុងឆ្នាំ ២០២០ ប៉ុន្តែបានពន្យារពេលដោយសារតែបញ្ហាម៉ាស៊ីន និងរដ្ឋប្រហារយោធាឆ្នាំ ២០២១ របស់មីយ៉ាន់ម៉ា។

ចំពោះលក្ខណៈពិសេសរបស់ឧទ្ធម្ភាគចក្រ Mi-38 គឺត្រូវបានផលិតដោយរោងចក្រឧទ្ធម្ភាគចក្រ Kazan របស់រុស្ស៊ី ត្រូវបានរចនាឡើងដើម្បីជំនួសម៉ូដែល Mi-8 និង Mi-17 ចាស់ៗ។ វាអាចដឹកអ្នកដំណើរបាន ៣០ នាក់ ឬទំនិញ ៦ តោន ហោះហើរបានល្បឿនរហូតដល់ ៣០០ គីឡូម៉ែត្រក្នុងមួយម៉ោង និងអាចធ្វើការក្នុងអាកាសធាតុអាក្រក់ចាប់ពី -៥០ °C ដល់ +៥០ °Cឯណោះ។

ទោះយ៉ាងណា រុស្ស៊ីបានបញ្ចប់ការសាងសង់ និងដឹកជញ្ជូនឧទ្ធម្ភាគចក្រ Mi-38 ចំនួន ១២ គ្រឿងចាប់តាំងពីឆ្នាំ ២០១៩ រួមទាំងឧទ្ធម្ភាគចក្រដែលបានលក់ទៅឱ្យប្រទេសមីយ៉ាន់ម៉ាផងដែរ។ រហូតមកដល់ពេលនេះ មានតែឧទ្ធម្ភាគចក្រមួយចំនួនតូចប៉ុណ្ណោះដែលត្រូវបានផលិត។

លើសពីនេះរុស្ស៊ីកំពុងតស៊ូជាមួយនឹងទណ្ឌកម្មរបស់លោកខាងលិច ដែលទណ្ឌកម្មទាំងនេះធ្វើឱ្យរុស្ស៊ីពិបាកទិញគ្រឿងបន្លាស់ និងបច្ចេកវិទ្យាពីប្រទេសលោកខាងលិច។ ដោយសារតែបញ្ហានេះ វិស័យអាកាសចរណ៍ស៊ីវិលរបស់រុស្ស៊ី (ក្រុមហ៊ុនអាកាសចរណ៍ និងក្រុមហ៊ុនឧទ្ធម្ភាគចក្រ) ប្រហែលជាមិនអាចថែទាំ ឬជំនួសយន្តហោះជាច្រើនរបស់ខ្លួននាពេលអនាគតបានទេ។ មន្ត្រីរុស្ស៊ីព្រមានថា យន្តហោះ និងឧទ្ធម្ភាគចក្ររាប់រយគ្រឿងអាចនឹងត្រូវផ្អាក (បញ្ឈប់ការហោះហើរ) នៅឆ្នាំ ២០៣០ ដោយសារតែខ្វះគ្រឿងបន្លាស់ និងការថែទាំ៕

អត្ថបទ៖ ប៊ុន សុភាព

The post មីយ៉ាន់ម៉ា ក្លាយជាប្រទេសដំបូងគេដែលប្រើឧទ្ធម្ភាគចក្រ Mi-38 ថ្មីរបស់រុស្ស៊ី appeared first on Kampuchea Thmey Daily.

តាមការចុះផ្សាយរបស់ CNN, យន្តហោះដឹកអ្នកដំណើររបស់ក្រុមហ៊ុន American Airlines បានបុកជាមួយឧទ្ធម្ភាគចក្រ Black Hawk ធ្លាក់ចូលទន្លេ Potomac នៅទីក្រុងវ៉ាស៊ីនតោន។

យន្តហោះដែលដឹកអ្នកដំណើរ៦០នាក់និងអាកាសយានិក៤នាក់នោះគឺជាប្រភេទ CRJ700 ផលិតដោយក្រុមហ៊ុន Bombardier នៅប្រទេសកាណាដា។ វាមានសមត្ថភាពដាក់មនុស្សបានចន្លោះ ៦៨ទៅ៧៨នាក់។

CRJ700 មាន​ម៉ាស៊ីនពីរ​ដែល​បំពាក់​នៅ​ផ្នែកខាង​ក្រោយ។ ស៊េរី CRJ-700 នេះគឺចាប់ផ្តើមហោះហើរលើកដំបូងក្នុងឆ្នាំ១៩៩៩ ប៉ុន្តែយន្តហោះដែលជួបគ្រោះអកុសលនៅអាមេរិក គឺមានលេខកន្ទុយ N709PS ផលិតឡើងក្នុងឆ្នាំ២០០៤។

ចំណែកឧទ្ធម្ភាគចក្រដែលបុកជាមួយយន្តហោះនេះ គឺជាឧទ្ធម្ភាគចក្រយោធាអាមេរិកប្រភេទ UH-60 Black Hawk ផលិតដោយក្រុមហ៊ុន Sikorsky Aircraft ដែលជាសម្ព័ន្ធរបស់ Lockheed Martin។

វាត្រូវបានបំពាក់ដោយម៉ាស៊ីនទួរប៊ីនភ្លោះ និងអាចផ្ទុកទាហានរហូតដល់១២នាក់ នៅក្នុងបេសកកម្មប្រយុទ្ធ។ យោងតាម Lockheed Martin, មានឧទ្ធម្ភាគចក្រ Black Hawks ជាង ៥ ០០០គ្រឿង កំពុងធ្វើប្រតិបត្តិការនៅទូទាំងអង្គភាពយោធាអាមេរិក និងជាមួយប្រទេសចំនួន ៣៥ ផ្សេងទៀតនៅជុំវិញពិភពលោក៕

អត្ថបទ៖ សុខ សុវណ្ណ

ចុចអាន៖ រកឃើញមនុស្សស្លាប់១៨នាក់ហើយ ក្នុងហេតុការណ៍យន្តហោះបុកជាមួយឧទ្ធម្ភាគចក្រ នៅ វ៉ាស៊ីនតោន

The post មកស្គាល់យន្តហោះនិងឧទ្ធម្ភាគចក្រ ដែលបុកគ្នានៅ វ៉ាស៊ីនតោន appeared first on Kampuchea Thmey Daily.

កាលពី​យប់​ថ្ងៃ​ទី ១៧ ខែ​កក្កដា ឆ្នាំ ២០២៤ ឯកឧត្ដម ហ៊ុន ម៉ានី បាន​មាន​ប្រសាសន៍​ថា រយៈពេល ៥ ថ្ងៃ​ហើយ ដែល​ឧទ្ធម្ភាគចក្រ​មួយ​គ្រឿង​បាន​បាត់ដាន​ទាក់ទង​នៅ​តំបន់​ជួរ​ភ្នំក្រវាញ ខណៈ​ពេល​កំពុង​ហ្វឹកហ្វឺន​ការ​ហោះហើរ។

ឯកឧត្ដម ហ៊ុន ម៉ានី មាន​ប្រសាសន៍​បន្ត​ថា «ក្នុង​នាម​ជា​ប្រជាជន​ខ្មែរ​មួយ​រូប ខ្ញុំ ពិតជា​មាន​ក្តី​បារម្ភ ព្រមទាំង​បាន និង​កំពុង​តាមដាន​យ៉ាង​យកចិត្តទុកដាក់​លើ​ករណី​នេះ»។

ឯកឧត្ដម ហ៊ុន ម៉ានី មាន​ប្រសាសន៍​បន្ត​ទៀត​ថា ឯកឧត្ដម សូម​យក​ឱកាស​នេះ ចូលរួម​ជាមួយ​ប្រជាជន​កម្ពុជា ផ្ញើ​សារ​សាកសួរ​សុខទុក្ខ​ជូន​ដល់​កម្លាំង​ចម្រុះ នៃ​កងយោធពលខេមរភូមិន្ទ និង​អ្នក​ពាក់ព័ន្ធ​ទាំងអស់ ដែល​កំពុង​ប្រឹងប្រែង​បំពេញ​បេសកកម្ម​រុករក​ឧទ្ធម្ភាគចក្រ​មួយ​គ្រឿង​នេះ ហើយ​សូម​ចូលរួម​ជាមួយគ្នា ក្នុង​ស្មារតី នៃ​ប្រតិបត្តិការ​រុករក​ពី​ចម្ងាយ។

ជាមួយ​នេះ ឯកឧត្ដម ហ៊ុន ម៉ានី មាន​ប្រសាសន៍​បន្ថែម​ថា ឯកឧត្ដម សូម​ចូលរួម​លើកទឹកចិត្ត និង​សូម​ផ្ដាំផ្ញើ​ដល់​កងកម្លាំង​ទាំងអស់ សូម​មាន​ការ​ប្រុងប្រយ័ត្ន​ខ្ពស់ ខណៈ​អាកាសធាតុ និង​ស្ថានភាព​ភូមិសាស្ត្រ​នៅ​តំបន់​នោះ កំពុង​មាន​ការ​លំបាក និង​ស្មុគស្មាញ និង​សូម​ជូនពរ​ឲ្យ​បេសកកម្ម​នេះ​ទទួល​បាន​ជោគជ័យ​ក្នុង​ពេល​ដ៏​ខ្លី​ខាងមុខ។

សូម​ជម្រាប​ថា ឧទ្ធម្ភាគចក្រ​យោធា​មួយ​គ្រឿង បាន​បាត់​ការ​ទាក់ទង​ពី​ទីបញ្ជាការ​ទ័ពអាកាស ក្នុង​ភូមិសាស្ត្រ​ជួរ​ភ្នំ​ក្រវាញ ខេត្ត​ពោធិ៍សាត់ និង ខេត្ត​កោះកុង កាលពី​ថ្ងៃ​ទី ១២ ខែ​កក្កដា ឆ្នាំ ២០២៤។

ចំពោះ​ការ​រុករក​ឧទ្ធម្ភាគចក្រ​មួយ​គ្រឿង ដែល​បាត់ដាន​នៅ​តំបន់​ជួរ​ភ្នំក្រវាញ​នេះ គិត​ត្រឹម​ថ្ងៃ​ទី ១៧ ខែ​កក្កដា ឆ្នាំ ២០២៤ មាន​រយៈពេល ៥ ហើយ មិន​ទាន់​មាន​ដំណឹង​នៅឡើយ​ទេ។

ពាក់ព័ន្ធ​ករណី​នេះ ក្រសួងការពារជាតិ បញ្ជាក់​ថា ឧបទ្ទវហេតុ​នេះ បាន​កើតឡើង​អំឡុង​ពេល​ហោះហើរ​ហ្វឹកហ្វឺន ដែល​ការ​ហោះហើរ​នេះ ស្ថិត​ក្នុង​ផែនការ​ហោះហើរ​ហ្វឹកហ្វឺន​ជាប្រចាំ​របស់​កងទ័ព​ជើង​អាកាស​នៅ​តំបន់​នោះ។ ដោយឡែក សមាសភាព​នៅ​ក្នុង​ឧទ្ធម្ភាគចក្រ​មាន​ចំនួន ២ នាក់ គឺ ប្រធាន​ក្រុម​ម្នាក់ និង អាកាសយានិក​ម្នាក់៕

The post ឯកឧត្ដម ហ៊ុន ម៉ានី កំពុងតាមដានយ៉ាងយកចិត្តទុកដាក់លើករណី​បាត់ដានឧទ្ធម្ភាគចក្រមួយគ្រឿង នៅតំបន់ជួរភ្នំក្រវាញ ខណៈការរុករក ៥ ថ្ងៃហើយ appeared first on Kampuchea Thmey Daily.

ក្រសួងការពារជាតិ សរសេរដូច្នេះ៖« ក្រោមកិច្ចខិតខំប្រឹងប្រែងយ៉ាងយកចិត្តទុកដាក់ពីក្រុមការងារជួយសង្រ្គោះ អស់រយៈពេលពេញមួយថ្ងៃ ចាប់តាំងពីព្រឹកថ្ងៃទី១៣ ខែកក្កដា ឆ្នាំ២០២៤ ក្រោមអាកាសធាតុមិនអំណោយផល និងឧបសគ្គជាច្រើនក្នុងបេសកកម្មរុករកឧទ្ធម្ភាគចក្រមួយគ្រឿង ដែលបានបាត់បង់ ការទាក់ទងពីទីបញ្ជាការទ័ពអាកាស ក្នុងពេលកំពុងហាត់ហ្វឹកហ្វឺន នៅភូមិសាស្ត្រជួរភ្នំក្រវាញ ស្ថិតក្នុងខេត្តពោធិ៍សាត់ និង ខេត្តកោះកុង ក្រុមការងារជួយសង្រ្គោះនៅមិនទាន់ប្រទះឬ រកឃើញឧទ្ធម្ភាគចក្រនេះនៅឡើយ »។

ក្រសួងការពារជាតិ ឱ្យដឹងថា នៅព្រឹកថ្ងៃទី ១៤ ខែកក្កដា ឆ្នាំ២០២៤ នេះ ក្រុមការងារជួយសង្រ្គោះ ដែលមានការចូលរួមពីបណ្តាកងឯកភាពពាក់ព័ន្ធក្នុងភូមិសាស្ត្របាត់បង់ឧទ្ធម្ភាគចក្រ នឹងខិតខំប្រឹងប្រែងបន្តសកម្មភាពស្វែងរកឧទ្ធម្ភាគចក្រដែលបានបាត់បង់បន្តទៀត។

តាមផែនការហោះហើររបស់កងទ័ពអាកាសកម្ពុជា គឺ ឧទ្ធម្ភាគចក្រមួយគ្រឿងនេះ​ បានហោះចេញពីរាជធានីភ្នំពេញនៅវេលាម៉ោង១១ ៖០០ នាទីព្រឹក តាមទិសដៅទៅតំបន់ថ្មដា ខេត្តពោធិ៍សាត់ និងត្រឡប់ទៅភ្នំពេញវិញនៅវេលាម៉ោង២រសៀល។ នៅលើឧទ្ធម្ភាគចក្រនេះ គឺ​មនុស្សចំនួន២នាក់ គឺលោក ស៊ុន ផ្លា​ ប្រធានក្រុមហោះហើរ និងលោក ខេង ឆៃយុទ្ធ ជាអាកាសយានិក។

ក្នុងប្រតិបត្តិការរុករកនេះ មានការចូលរួមពីសំណាក់កងកម្លាំងកងពលតូចដឹកជញ្ជូនលេខ៩៩ និងកងពលតូចលេខ៧០ រួមជាមួយកងកម្លាំងអាជ្ញាធរ ដែលដឹកនាំដោយលោក ខូយ រីដា អភិបាលខេត្តពោធិ៍សាត់ បានបើកប្រតិបត្តិការរុករកយ៉ាងសកម្មទាំងលើផ្ទៃដី និងមានឧទ្ធម្ភាគចក្ររុករកពីលើថែមទៀត៕   

ដោយ៖ ង៉ិល ណារ៉ាត់

The post រកពេញ១ថ្ងៃនៅតែមិនឃើញ ថ្ងៃនេះជំនាញការ បន្តរកឧទ្ធម្ភាគចក្រដែលបាត់ដាននៅជួរភ្នំក្រវាញ appeared first on Kampuchea Thmey Daily.

ក្រសួងការពារជាតិ នៅរសៀល ថ្ងៃទី១៣ ខែកក្កដា​ ឱ្យដឹងដូច្នេះ ៖«ឧទ្ធម្ភាគចក្រមួយគ្រឿង បានបាត់បង់ការទាក់ទងជាមួយទីបញ្ជាការទ័ពអាកាស នៅក្នុងភូមិសាស្ត្រជួរភ្នំក្រវាញ ស្ថិតក្នុងខេត្តពោធិ៍សាត់ និង ខេត្តកោះកុង ក្នុងពេលកំពុងហាត់ហ្វឹកហ្វឺន។ ឧបទ្ទវហេតុនេះបានកើតឡើងដោយសារអាកាសធាតុមិនអំណោយផល ហើយបណ្តាកងឯកភាពពាក់ព័ន្ធកំពុងធ្វើការរុករក ចាប់តាំងពីព្រឹកថ្ងៃទី ១៣ ខែកក្កដា ឆ្នាំ២០២៤ ចំពោះលទ្ធផលមិនទាន់ប្រទះឬរកឃើញឧទ្ធម្ភាគចក្រនោះឡើយ ក្រុមការងារ និងបន្តរុករកយ៉ាងយកចិត្តទុកដាក់ »។

តាមផែនការហោះហើររបស់កងទ័ពអាកាសកម្ពុជា គឺ ឧទ្ធម្ភាគចក្រមួយគ្រឿងនេះ​ បានហោះចេញពីរាជធានីភ្នំពេញនៅវេលាម៉ោង១១ ៖០០ នាទីព្រឹក តាមទិសដៅទៅតំបន់ថ្មដា ខេត្តពោធិ៍សាត់ និងត្រឡប់ទៅភ្នំពេញវិញនៅវេលាម៉ោង២រសៀល។ នៅលើឧទ្ធម្ភាគចក្រនេះ គឺ​មនុស្សចំនួន២នាក់ គឺលោក ស៊ុន ផ្លា​ ប្រធានក្រុមហោះហើរ និងលោក ខេង ឆៃយុទ្ធ ជាអាកាសយានិក៕

ដោយ៖ ង៉ិល ណារ៉ាត់

The post ក្រសួងការពារជាតិ៖ ឧទ្ធម្ភាគចក្រ១គ្រឿង បាត់ដានចេញពីរ៉ាដា នៅតំបន់ជួរភ្នំក្រវាញ appeared first on Kampuchea Thmey Daily.

នៅថ្ងៃអង្គារទី១១ខែកក្កដា មនុស្សចំនួន៥នាក់បានបាត់បង់ជីវិត ខណៈម្នាក់បាត់ខ្លួន បន្ទាប់ពីឧទ្ធម្ភាគចក្រដឹកភ្ញៀវទេសចរបរទេស ធ្លាក់ជិតភ្នំ Everest ក្នុងប្រទេសនេប៉ាល់។

ឧទ្ធម្ភាគចក្របានធ្លាក់នៅតំបន់ Lamajura ហើយក្រុមជួយសង្គ្រោះ បានរកឃើញសាកសពមនុស្ស៥នាក់ ហើយកំពុងស្វែងរកអ្នកទី៦។ នេះបើយោងតាមលោក Basanta Bhattarai ប្រធានរដ្ឋបាលក្នុងតំបន់។

សូមបញ្ជាក់ថា ឧទ្ធម្ភាគចក្រមួយនេះកំពុងធ្វើដំណើរកម្សាន្តទៅកាន់កំពូលភ្នំខ្ពស់បំផុតរបស់ពិភពលោក មុនពេលវិលត្រលប់ទៅរដ្ឋធានី កដ្ឋមណ្ឌូ វិញ ខណៈអ្នកទេសចរ ​ត្រូវ​បាន​គេ​ជឿ​ថា​ជា​ក្រុមគ្រួសារជនជាតិ​ម៉ិកស៊ិក ចំណែក​អ្នក​បើក​ឧទ្ធម្ភាគចក្រ គឺ​ជា​ជនជាតិ​នេប៉ាល់ ។

ស្របពេលជាមួយគ្នានោះ​ មន្ត្រីអាកាសយានដ្ឋាន Sagar Kadel និយាយថា លក្ខខណ្ឌអាកាសធាតុ អាចជាមូលហេតុបណ្តាលឲ្យឧទ្ធម្ភាគចក្រ Manang Air ធ្លាក់នៅភ្នំមួយនេះ ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ វីដេអូ ថតជាប់ ឧទ្ធម្ភាគចក្រ ២គ្រឿងហោះទៅបុកគ្នានៅ អូស្រ្តាលី សម្លាប់មនុស្សច្រើននាក់

The post ធ្លាក់ឧទ្ធម្ភាគចក្រដឹកភ្ញៀវទេសចរ ជិតភ្នំ Everest ស្លាប់មនុស្ស ៥នាក់ appeared first on Kampuchea Thmey Daily.