ក្រសួង​ការបរទេសបាន​បញ្ជាក់ពីការចាកចេញរបស់ លោកស្រី Davis ប៉ុន្តែ​បាន​បដិសេធថា លោកស្រី​មិនបានចាកចេញដោយ​សារតែ​មាន​ភាពមិន​ចុះ​សម្រុង​​ជាមួយប្រធានាធិបតីអាមេរិក​នោះ​ទេ​។

អ្នក​នាំពាក្យក្រសួង​ការបរទេស លោក Tommy Pigott លើក​ឡើង​ក្នុង​​សេចក្តីថ្លែងការណ៍មួយ​កាលពីថ្ងៃ​អង្គារថា៖ « ឯកអគ្គរដ្ឋទូត ​Davis គឺ​ជាអ្នកគាំទ្រយ៉ាងមុតមាំ​ ចំពោះកិច្ចខិតខំប្រឹងប្រែងរបស់​រដ្ឋបាល​ លោក ត្រាំ ដើម្បីនាំ​មកនូវសន្តិភាពយូរអង្វែងរវាងរុស្ស៊ី និងអ៊ុយក្រែន។​យ៉ាង​ណា Davis នឹងចាកចេញពីទីក្រុងកៀវ នៅ​ខែមិថុនា»។

គួរ​បញ្ជាក់​ថា លោកស្រី Davis បាន​បម្រើការជាភារធារី​ប្រចាំ​នៅ​ប្រទេសអ៊ុយក្រែនចាប់តាំងពីខែឧសភា ឆ្នាំ២០២៥ បន្ទាប់​ពី​ការលាលែង​ពីតំណែងរបស់​អតីត​ឯកអគ្គរដ្ឋ​ទូត លោក​ស្រី​ Bridget Brink ដែល​បានចោទប្រកាន់ លោក ត្រាំ ពីបទលួងលោមរុស្ស៊ី​។

មិនខុសគ្នាប៉ុន្មាន លោកស្រី​ Brink ធ្លាប់​បាន​ធ្វើការអត្ថាធិប្បាយមួយ​​ជាមួយ​កាសែត Detroit Free Press មិន​យូរ​ប៉ុន្មាន ​បន្ទាប់ពីលាលែង​ពីតំណែង​ ថា​៖ « ជាអកុសល គោល​នយោបាយនានា ចាប់​តាំង​ពីការចាប់ផ្តើម​នៃរដ្ឋបាល​ លោក ត្រាំ គឺ​ដាក់សម្ពាធ​លើជនរងគ្រោះ គឺ អ៊ុយក្រែន ជាជាងលើអ្នកឈ្លានពាន រុស្ស៊ី​ ទៅ​វិញ​»។

យ៉ាង​ណា លោក ត្រាំ បាន​ធ្វើឱ្យមនុស្សជាច្រើននៅក្នុងទីក្រុងកៀវ និងសហភាពអឺរ៉ុប​ខឹងសម្បារ ដោយលើកឡើងថា អ៊ុយក្រែន​អាចត្រូវធ្វើសម្បទាន​ដល់​រុស្ស៊ី រួមទាំងការប្រគល់ទឹកដីផងដែរ។

សហរដ្ឋអាមេរិកបាន​សម្របសម្រួលការចរចាជា​ច្រើនជុំរវាងរុស្ស៊ី និងអ៊ុយក្រែនពេញ​មួយឆ្នាំ២០២៥ ទោះបីជាគ្មាន​កិច្ច​ចរចា​ណាមួយ​ដែល​ជោគ​ជ័យ​ក៏​ដោយ​។

មិន​តែ​ប៉ុណ្ណោះ លោក ត្រាំ ក៏បានបំបែក​ការធ្វើពហិការការ​ទូត​របស់​លោកខាងលិច​ ចំពោះរុស្ស៊ី ​ដោយធ្វើជាម្ចាស់ផ្ទះទទួលប្រធានាធិបតីរុស្ស៊ី លោក ពូទីន នៅ​រដ្ឋ​ Alaska ក្នុង​ខែ​សីហា ឆ្នាំ២០២៥​ ៕

ប្រែសម្រួល៖ ណឺ មិនា

The post ទូតអាមេរិក​ប្រចាំ​អ៊ុយក្រែន​ប្រកាស​​លាលែង​ ព្រោះ​រដ្ឋបាល ត្រាំ​ ធ្លាក់​ដៃ​គាំទ្រដល់​ទីក្រុង​កៀវ​ appeared first on Kampuchea Thmey Daily.

ឯកអគ្គរដ្ឋទូតសាធារណរដ្ឋកូរ៉េ ប្រចាំព្រះរាជាណាចក្រ កម្ពុជា លោក គីម ឆាងយ៉ុង (KIM CHANGYONG) បានថ្លែងការគាំទ្របែនេះ ក្នុងពេលចូលជួបសម្តែងការគួរសមជាមួយនឹងលោក អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ពិភាក្សាលើប្រធានបទ ៖ បទល្មើសបោកប្រាស់ និងស្ថានភាពព្រំដែន នៅក្នុងភូមិសាស្រ្តខេត្ត នាថ្ងទី២៨ ខែមេសា ឆ្នាំ ២០២៦ នៅសាលប្រជុំ ខសាលាខេត្តបន្ទាយមានជ័យ។

ក្នុងជំនួបនោះ លោក អ៊ុំ រាត្រី ក៏បានបញ្ជាក់ថា អនុវត្តនូវបញ្ជាររបស់ប្រមុខរាជរដ្ឋាភិបាលកម្ពុជា រដ្ឋបាលខេត្តបន្ទាយមានជ័យក៏បាននឹងកំពុងខិតខំយកចិត្តទុកដាក់យ៉ាងខ្លាំងដោយ បានដាក់ចេញផែនការសកម្មភាព និងចាត់វិធានការជំរុញអនុវត្តយ៉ាងសកម្ម ក្នុងការបង្ក្រាបបទល្មើសឆបោកតាមប្រព័ន្ធបច្ចេកវិទ្យា បានចុះត្រួតពិនិត្យ និងបង្ក្រាបបទល្មើសឆបោកតាមប្រព័ន្ធបច្ចេកវិទ្យា(Online Scams) ដោយមានការសម្របសម្រួលនីតិវិធីពីព្រះរាជអាជ្ញារង នៃអយ្យការអមសាលាដំបូងខេត្ត សមត្ថកិច្ច ពាក់ព័ន្ធ ចុះពិនិត្យទីតាំងសង្ស័យមានជនបរទេសរស់នៅប្រមូលផ្ដុំលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា និងបទល្មើសផ្សេងៗនៅក្នុងភូមិសាស្រ្តសង្ស័យ និងបានចុះប្រតិបត្តិការបង្ក្រាបបានជាបន្តបន្ទាប់។

លោកទូត ក៏បានបង្ហាញនូវការកោតសរសើរចំពោះប្រមុខរាជរដ្ឋាភិបាលកម្ពុជា សម្តេចមហាវរបធិបតី ហ៊ុន ម៉ាណែត នាយក រដ្ឋមន្ត្រីនៃ ព្រះរាជាណាចក្រ កម្ពុជា បានដាក់ចេញនូវផែនការក្នុងការបោសសម្អាតបទល្មើសឆបោកតាមប្រព័ន្ធបច្ចេកវិទ្យា(Online Scams)   ដែលកំពុងអនុវត្ត ទទួលបានជោគជ័យ និងបានធ្វើការបង្ក្រាបលើឧក្រិដ្ឋជនឆបោកតាមប្រព័ន្ធបច្ចេកវិទ្យាបានជាបន្តបន្ទាប់។

ជាមួយគ្នានោះ ឯកអគ្គរដ្ឋទូត ក៏បានអរគុណចំពោះអាជ្ញាធរខេត្តបន្ទាយមានជ័យ ដែលបានយកចិត្តទុកដាក់ចំពោះបងប្អូនប្រជាជនកូរ៉េដែលកំពុងរស់នៅ និងធ្វេីការងារនៅក្នុងខេត្តបន្ទាយមានជ័យ ក្នុងការការពារសុខសុវត្ថិភាព ជាក់ស្តែងខណៈក្នុងកំឡុងពេលមានជម្លោះតាមបន្ទាត់ព្រំដែន ពិសេសអាជ្ញាធរខេត្តបន្ទាយមានជ័យ បានយកចិត្តទុកដាក់ទៅលើសុខទុក្ខរបស់បងប្អូនប្រជាពលរដ្ឋ ភៀសសឹក រួមទាំងកុមារភៀសសឹក ពិសេសក៏ដូចជាជនបរទេស ក៏ដូចជាជនជាតិកូរ៉េ ដែលរស់នៅក្នុងខេត្ត ទទួលបានការការពារសុវត្ថិភាពបានយ៉ាងល្អប្រសេីរ៕

ដោយ ៖ អេម ពៅ

The post ឯកអគ្គដ្ឋទូតកូរ៉េប្រចាំកម្ពុជាបង្ហាញការគាំទ្រ ការបោសសម្អាតបទល្មើសឆបោកតាមប្រព័ន្ធបច្ចេកវិទ្យា (Online Scams) appeared first on Kampuchea Thmey Daily.

លោក អ៊ិន តារា ត្រូវបានបញ្ចប់មុខតំណែងពីឯកអគ្គរាជទូតកម្ពុជាប្រចាំប្រទេសស្វីស និងពីប្រធានបេសកកម្មអចិន្ត្រៃយ៍ប្រចាំការិយាល័យអង្គការសហប្រជាជាតិ និងអង្គការអន្តរជាតិនានានៅទីក្រុងហ្សឺណែវ ហើយត្រូវតែងតាំងតំណែងជាអនុរដ្ឋលេខាធិការក្រសួងការបរទេស។ នេះបើតាមព្រះរាជក្រឹត្យ ចុះកាលពីថ្ងៃទី១៩ ខែវិច្ឆិកា ឆ្នាំ២០២៥ ប៉ុន្តែទើបត្រូវបានបង្ហាញឱ្យដឹងជាសាធារណៈ ពេលថ្មីៗនេះ។

ក្នុងព្រះរាជក្រឹត្យដដែលនេះ ព្រះមហាក្សត្រកម្ពុជា បានតែងតាំងមុខតំណែងលោក កែ សុវណ្ណ បច្ចុប្បន្នជាអនុរដ្ឋលេខាធិការក្រសួងការបរទេស ឱ្យទៅកាន់ជាឯកអគ្គរាជទូតកម្ពុជាប្រចាំនៅប្រទេសស្វីស និងជាប្រធានបេសកកម្មអចិន្ត្រៃយ៍ប្រចាំការិយាល័យអង្គការសហប្រជាជាតិ និងអង្គការអន្តរជាតិនានា ក្នុងទីក្រុងហ្សឺណែវ។

យោងព្រះរាជក្រឹត្យដាច់ដោយឡែកមួយទៀត ត្រូវបានតែងតាំងលោក ណូយ ជំនាញ ជាឯកអគ្គរាជទូត និងជាតំណាងអចិន្ត្រៃយ៍កម្ពុជាអមលេខាធិការដ្ឋានអាស៊ាន នៅទីក្រុងហ្សាការតា ប្រទេសឥណ្ឌូណេស៊ី ដើម្បីជំនួសកៅអីលោក ហេង សារិទ្ធ ដែលត្រូវបានចប់អាណត្តិបេសកកម្ម។ មុនការតែងតាំង លោក ណូយ ជំនាញ មានតួនាទីជាអគ្គនាយករងនៃអគ្គនាយកដ្ឋានអាស៊ាន ខណៈលោក ហេង សារិទ្ធ ដែលជាតំណាងអចិន្ត្រៃយ៍ចាស់ ត្រូវបានតែងតាំងជាអគ្គនាយកនៃអគ្គនាយកដ្ឋានអាស៊ី-ប៉ាស៊ីហ្វិក ជំនួសវិញ។

ដោយឡែក ប្រតិភូអចិន្ត្រៃយ៍កម្ពុជាប្រចាំអង្គការយូណេស្កូ នាទីក្រុងប៉ារីស លោកស្រី អ៊ុន បូផាន់ណា ក៏ត្រូវបានបញ្ចប់អាណត្តិការងារផងដែរ ដោយលោក ឡុង កុសល អគ្គនាយករងអាជ្ញាធរជាតិអប្សរា ត្រូវតែងតាំងជាប្រតិភូអចិន្ត្រៃយ៍ថ្មីរបស់កម្ពុជាប្រចាំអង្គការសហប្រជាជាតិផ្នែកវប្បធម៌មួយនេះ៕

អត្ថបទ៖ ធឿន វ៉ាន់សុង

The post កម្ពុជាផ្លាស់ប្ដូរតំណាងរបស់ខ្លួនប្រចាំនៅទីក្រុងហ្សឺណែវ អាស៊ាន និងយូណេស្កូ appeared first on Kampuchea Thmey Daily.

មុនចេញទៅបំពេញតួនាទីជាឯកអគ្គរាជទូត លោក ជុំ សុន្ទរី មានឋានៈជារដ្ឋលេខាធិការ និងជាអ្នកនាំពាក្យក្រសួងការបរទេសកម្ពុជា។

ក្នុងតួនាទីជាឯកអគ្គរាជទូតពេលនេះ មិនមែនជាការងារថ្មីថ្មោងរបស់លោក ជុំ សុន្ទរី ឡើយ តែជាបេសកកម្មដែលលោកធ្លាប់បានទទួលពីមុនមកហើយ ពោលអ្នកការទូតរូបនេះ ធ្លាប់បានចេញទៅបំពេញបេសកកម្មការទូតនៅប្រទេសជាច្រើន ក្នុងតួនាទីជាឯកអគ្គរាជទូតកម្ពុជាប្រចាំប្រទេសរុស្ស៊ី អូស្ត្រាលី នូវែលសេហ្សង់ និងជាឯកអគ្គរាជទូតនៅសហរដ្ឋអាមេរិក ក្នុងចន្លោះឆ្នាំ២០១៨ ដល់ឆ្នាំ២០២១។

បើតាមប្រវត្តិ លោក ជុំ សុន្ទរី ចូលបម្រើការនៅក្រសួងការបរទេស តាំងពីឆ្នាំ១៩៨០ ជាមន្ត្រីនៃនាយកដ្ឋានព័ត៌មាន៕

អត្ថបទ៖ ធឿន វ៉ាន់សុង

The post លោក ជុំ សុន្ទរី ក្លាយជាឯកអគ្គរាជទូតថ្មីរបស់កម្ពុជាប្រចាំប្រទេសជប៉ុន ជំនួសលោក ទុយ រី appeared first on Kampuchea Thmey Daily.

លើកឡើងនៅក្នុងសន្និសីទសារព័ត៌មាន នារសៀលថ្ងៃនេះ អ្នកនាំពាក្យក្រសួងការបរទេស លោក ជុំ សុន្ទរី បានថ្លែងឱ្យដឹងថា ដំណើរចុះពិនិត្យបញ្ហាតាមព្រំដែនរវាងកម្ពុជា និងថៃ ដែលដឹកនាំដោយប្រមុខការទូតកម្ពុជា លោកឧបនាយករដ្ឋមន្ត្រី ប្រាក់ សុខុន ប្រព្រឹត្តទៅក្នុងរយៈពេល២ថ្ងៃ គឺនៅថ្ងៃទី១ ខែសីហានេះ និងនៅថ្ងៃទី២ ខែសីហា ស្អែកនេះ។

បើតាមលោក ជុំ សុន្ទរី ដំណើរចុះពិនិត្យដោយមានការចូលរួមដោយអង្គទូត តំណាងអង្គការសហប្រជាជាតិ និងអង្គការអន្តរជាតិ នៅពេលនេះ គឺដើម្បីចុះត្រួតពិនិត្យតាមតំបន់រងផលប៉ះពាល់នៅខេត្តឧត្ដរមានជ័យ ដែលបង្កឡើងពីការវាយប្រហារដោយយោធាថៃ ពិសេសទីតាំងដែលយោធាថៃបានប្រើយន្តហោះ F-16 ទម្លាក់គ្រាប់បែកប្រភេទ MK-84 តែមិនទាន់ផ្ទុះនៅឡើយ និងទីតាំងភូមិដ្ឋាន វត្ត សាលា ដែលរងការខូចខាតដោយការទម្លាក់គ្រាប់នេះ។

ជាមួយគ្នានេះ ឧបនាយករដ្ឋមន្ត្រី ប្រាក់ សុខុន ក៏នឹងដឹកនាំអង្គទូត និងតំណាងអង្គការអន្តរជាតិ ដើម្បីចុះជួបសួរសុខទុក្ខ និងចែកអំណោយមួយចំនួនដល់កងទ័ពជួរមុខកម្ពុជា ដែលឈរជើងនៅសមរភូមិជួរមុខ ក្នុងខេត្តឧត្តរមានជ័យ ព្រមទាំងចុះសួរសុខទុក្ខជនភៀសសឹកផងដែរ៕ ដោយ៖ ធឿន វ៉ាន់សុង

The post រដ្ឋមន្ត្រីការបរទេសកម្ពុជា ដឹកនាំអង្គទូតចុះមើលទីតាំងដែលថៃទម្លាក់គ្រាប់ដោយយន្តហោះ F-16 appeared first on Kampuchea Thmey Daily.

ក្នុងជំនួបនោះ លោក ឆៃ ស៊ីណារិទ្ធ បានគូសបញ្ជាក់ពីការប្តេជ្ញាចិត្តខ្ពស់របស់រាជរដ្ឋាភិបាលក្នុងការបោសសម្អាតការឆបោកតាមប្រព័ន្ធបច្ចេកវិទ្យា តាមរយៈការបង្កើត គ.ប.ឆ.ប ដែលជាយន្តការបន្ថែម លើយន្តការមានស្រាប់។ លោកបានជម្រាបថា៖«ក្រោយការបង្កើត គ.ប.ឆ.ប. កម្ពុជាបានផ្តោតលើការស្រាវជ្រាវ ស៊ើបអង្កេត បង្រ្កាប និងបោសសម្អាត ព្រមទាំងចាត់វិធានការច្បាប់លើជនសង្ស័យ ដោយទទួលបានលទ្ធផលគួរឱ្យកត់សម្គាល់»។ លោកក៏បានសង្កត់ធ្ងន់លើសារៈសំខាន់នៃកិច្ចសហប្រតិបត្តិការអន្តរជាតិ សម្រាប់កិច្ចប្រឹងប្រែងរួមគ្នា ដើម្បីប្រឆាំងការឆបោកតាមប្រព័ន្ធបច្ចេកវិទ្យា ដែលបាននិងកំពុងកើតមានឡើងក្នុងប្រទេសជាច្រើន។ 

សម្រាប់លោក Vanlalvawna Bawitlung បានឯកភាពថា ការឆបោកតាមប្រព័ន្ធបច្ចេកវិទ្យាគឺជាបញ្ហាសកល ដែលទាមទារឱ្យប្រទេសទាំងអស់ផ្តល់កិច្ចសហប្រតិបត្តិការជាមួយគ្នា និងបានគូសបញ្ជាក់ថា ភាគីឥណ្ឌាត្រៀមខ្លួនជាស្រេចក្នុងការសហការ និងធ្វើការជាមួយកម្ពុជា ដើម្បីប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា។ ឯកអគ្គរដ្ឋទូតបានបញ្ជាក់ថា ភាគីឥណ្ឌាអាចពិនិត្យលទ្ធភាពពិចារណាផ្តល់កម្មវិធីកសាងសមត្ថភាព តាមសំណើរបស់ គ.ប.ឆ.ប. ។ ជាមួយគ្នានេះ ឯកអគ្គរដ្ឋទូតបានថ្លែងអំណរគុណចំពោះរាជរដ្ឋាភិបាលកម្ពុជា ចំពោះកិច្ចសហប្រតិបត្តិការកន្លងមក ជាពិសេសការជួយសង្គ្រោះពលរដ្ឋឥណ្ឌា ។

តាមរយៈជំនួបនេះ ភាគីទាំងពីរបានពិភាក្សា និងផ្លាស់ប្តូរយោបល់លើបទពិសោធកិច្ចសហប្រតិបត្តិការកន្លងមក រវាងប្រទេសទាំងពីរ និងបានឯកភាពលើជំហានបន្ទាប់មួយចំនួន ដើម្បីបន្តជំរុញកិច្ចសហប្រតិបត្តិការឱ្យបានកាន់តែជិតស្និទ្ធថែមទៀត រួមមានការចែករំលែកព័ត៌មាន ការស៊ើបអង្កេត ការកសាងសមត្ថភាព ការផ្លាស់ប្តូរបទពិសោធ និងការបញ្ជូនពលរដ្ឋឥណ្ឌាត្រឡប់ទៅប្រទេសកំណើតវិញឱ្យបានឆាប់៕

The post ទូតឥណ្ឌា អះអាងពីការត្រៀមខ្លួនសហការជាមួយកម្ពុជា បង្ក្រាបការឆបោកតាមអនឡាញ appeared first on Kampuchea Thmey Daily.

លោក វ៉ាង វិនពិន បានលើកក្នុងពេលបានចុះទស្សនាចម្ការស្ដេចទុរេនកំពត និងភ្លក្ស​ទុរេន​អៅ​ខាក់ កាលពីពេលថ្មីៗនេះ ដើម្បីស្វែងយល់ពីលក្ខណះពិសេស ប្រភេទទុរេនខ្មែរ ការដាំដុះថែ​ទាំ ប្រមូលផល ទុកដាក់ និងចែកចាយទុរេនតាមរបៀបខ្មែរ។

លោក វ៉ាង វិនពិន មានប្រសាសន៍ថា៖ «ខ្ញុំរីករាយដែលបានមកលេងចម្ការទុរេនកំពត និងភ្លក្ស​ទុរេន​​អៅខាក់ ដែលជាទុរេនឆ្ងាញ់ជាងគេលើពិភពលោក។ សូមអរគុណដល់សមាគ​មសហគ្រិន​វ័យ​ក្មេង​កម្ពុជា (YEAC) សម្រាប់ការទទួលស្វាគមន៍យ៉ាងកក់ក្តៅ។ ជឿជាក់ថាទុរេនខ្មែរឆ្ងាញ់​កាន់​តែ​ច្រើននឹងត្រូវនាំចេញទៅកាន់ប្រទេសចិននាពេលអនាគត»។

លោក ឃឹម ប៊ុនឡែន ស្ថានិក និងជាប្រធានសហគមន៍ចម្ការស្តេចទុរេនបានលើកឡើងថា កម្ពុជា​​ជា​ទឹកដីកសិកម្មថ្មី ដីមានជីវជាតិច្រើន ជាពិសេសដីដំណាំទុរេនជាប្រភេទជម្រើសដីល្អ, ហើយដំណាំនេះត្រូវការប្រើប្រាស់ជីថ្នាំកសិកម្មសរីរាង្គច្រើន ជីគីមីតិចតូច, ជាងនេះទៀតសោត ជា​ទម្លាប់​កសិករដាំទុរេននៅកម្ពុជាមានការប្រយ័ត្នប្រយែង និងគិតពីនិរន្តភាពនៃដើមទុរេន លើស​ពីចំ​ណូល​រយៈពេលខ្លី៕

អត្ថបទ៖ ឡេង ដេត

The post ទូតចិនសន្យាជួយផ្សព្វផ្សាយទុរេនខ្មែរ និងនាំចេញទៅកាន់ទីផ្សារចិន appeared first on Kampuchea Thmey Daily.

ការប្ដេជ្ញាចិត្តនេះបានធ្វើឡើងក្នុងពេលដែលលោក ស៊ិន សារៀម ឯកអគ្គរាជទូតកម្ពុជា ទើបតែងតាំងថ្មីប្រចាំនៅហ្វីលីពីន ចូលជួបសម្តែងការគួរសម និងប្រគល់សារតាំងជូនលោក ហ្វឺឌីណាន់ ម៉ាកូស ជេអវ (Ferdinand R. Marcos Jr.) ប្រធានាធិបតីហ្វីលីពីន នៅវិមាន Malacañang នារដ្ឋធានីម៉ានីល។

លោក ស៊ិន សារៀម ត្រូវបានព្រះមហាក្សត្រនៃកម្ពុជា ត្រាស់បង្គាប់តែងតាំងមុខតំណែងជាឯកអគ្គរាជទូតវិសាមញ្ញ និងពេញសមត្ថភាពរបស់កម្ពុជាប្រចាំហ្វីលីពីន ជំនួសលោក ផន ពៅ ដែលត្រូវចប់អាណត្តិបេសកកម្ម។ មុនមកកាន់ជាឯកអគ្គរាជទូត លោក ស៊ិន សារៀម មានតួនាទីជាអគ្គនាយករងនៃអគ្គនាយករដ្ឋានអាស៊ាន នៃក្រសួងការបរទេស។

ក្នុងជំនួបជាមួយលោកប្រធានាធិបតីហ្វីលីពីន កាលពីថ្ងៃទី២៥ ខែមីនា ឆ្នាំ២០២៥ លោកឯកអគ្គរាជទូត ស៊ិន សារៀម បានបញ្ជាក់ការប្តេជ្ញាពង្រឹង និងពង្រីកបន្ថែមទៀតនូវចំណងមិត្តភាព និងកិច្ចសហប្រតិបត្តិការរវាងកម្ពុជា និងហ្វីលីពីន ដើម្បីជាផលប្រយោជន៍ និងវិបុលភាពរបស់ប្រជាជននៃប្រទេសទាំងពីរ។ លោក ស៊ិន សារៀម បានរម្លឹកពីជំនួបពិភាក្សាប្រកបដោយផ្លែផ្កា និងការចុះហត្ថលេខាលើឯកសារអនុស្សរណៈនៃការយោគយល់គ្នា និងកិច្ចព្រមព្រៀងចំនួន៨ ទៅលើវិស័យសំខាន់ៗ រួមមាន ពាណិជ្ជកម្ម ការវិនិយោគ កសិកម្ម ទេសចរណ៍ ការងារ បច្ចេកវិទ្យាទូរគមនាគមន៍ និងវប្បធម៌ ក្នុងអំឡុងដំណើរទស្សនកិច្ចផ្លូវការដ៏ជោគជ័យរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅហ្វីលីពីន កាលពីខែកុម្ភៈ ឆ្នាំ២០២៥កន្លងទៅ។

លោកប្រធានាធិបតី ម៉ាកូស បានស្វាគមន៍ចំពោះវត្តមានរបស់លោកឯកអគ្គរដ្ឋទូត ហើយលោកប្រធានាធិបតីក៏បានគូសបញ្ជាក់ពីលទ្ធផលប្រកបដោយផ្លែផ្កានៃដំណើរទស្សនកិច្ចផ្លូវការរបស់សម្តេចធិបតី កន្លងទៅ ដែលជាសក្ខីភាពនៃទំនាក់ទំនងកាន់តែជិតស្និទ្ធ និងស៊ីជម្រៅរវាងកម្ពុជា និងហ្វីលីពីន។ លោកប្រធានាធិបតី បានបង្ហាញពីបំណងជំរុញ និងពង្រឹងទំនាក់ទំនងទ្វេភាគីហ្វីលីពីន-កម្ពុជាបន្ថែមទៀត និងបានទទួលស្គាល់នូវមូលដ្ឋានគ្រឹះដ៏រឹងមាំនៃទំនាក់ទំនង ដែលមានស្រាប់រវាងប្រទេសទាំងពីរ៕

The post នៅមុខប្រធានាធិបតី ម៉ាកូស, ឯកអគ្គរាជទូតថ្មីកម្ពុជាប្តេជ្ញាធ្វើឱ្យទំនាក់ទំនង​ប្រទេសទាំងពីរកាន់តែរឹងមាំ​ appeared first on Kampuchea Thmey Daily.