កិច្ចសហការនេះ គឺជាជំហានដ៏សំខាន់មួយក្នុងការផ្ដល់នូវដំណោះស្រាយហិរញ្ញវត្ថុដែលងាយស្រួលប្រើប្រាស់ មានតម្លាភាព ស្របតាមគោលការណ៍ជំនឿសាសនា ដោយគាំទ្រដល់សាសនិកឥស្លាមក្នុងការគ្រប់គ្រងហិរញ្ញវត្ថុរបស់ពួកគាត់ និងត្រៀមខ្លួនសម្រាប់ចូលរួមពិធីបុណ្យហាជ្ជី។

ពិធីចុះហត្ថលេខាលើអនុស្សរណៈយោគយល់គ្នានេះ បានប្រព្រឹត្តទៅកាលពីថ្ងៃទី៦ ខែមេសា ឆ្នាំ២០២៦ និងអញ្ជើញចូលរួមក្រោមអធិបតីភាព ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ដ្រី ទទួលបន្ទុកបេសកកម្មពិសេស និងលោក Askhat Azhikhanov នាយកប្រតិបត្តិការនៃធនាគារ ABA អមជាមួយនឹងអ្នកតំណាងមកពីសមាគម CATA និង ABA ជាច្រើនរូបទៀត។

មូលនិធិហាជ្ជី៖ ការគាំទ្រដល់ការសន្សំសម្រាប់ចូលរួមពិធីបុណ្យសាសនា

បង្កើតឡើងដោយ CATA កម្មវីធីទូរស័ព្ទ មូលនិធិហាជ្ជី (Hajj Fund mobile application) ផ្ដល់នូវផ្លែតហ្វមដោយឡែកមួយ ដល់សាសនិកនៃសហគមន៍ខ្មែរឥស្លាម ដើម្បីចុះឈ្មោះ និងរួមវិភាគទានទុកសន្សំសម្រាប់ហាជ្ជី យ៉ាងងាយស្រួល និងមានរចនាសម្ពន្ធច្បាស់លាស់។

ក្រោមកិច្ចសហការជាដៃគូនេះ ABA នឹងក្លាយជាមធ្យោបាយទូទាត់ផ្ដាច់មុខសម្រាប់ប្រមូលមូលនិធិហាជ្ជី។ ការរួមវិភាគទាន អាចធ្វើទៅបានតាមរយៈ ABA KHQR ឬកាតធនាគារ ដោយធានាបាននូវប្រតិបត្តិការដ៏សុវត្ថិភាព និងជាទីទុកចិត្ត។ ការភ្ជាប់ប្រព័ន្ធនេះ បង្កើនលទ្ធភាពចូលរួម មូលនិធិហាជ្ជី និងអនុញ្ញាតឲ្យអ្នកប្រើប្រាស់ គ្រប់គ្រងប្រាក់វិភាគទានរបស់ពួកគាត់យ៉ាងងាយស្រួល និងច្បាស់លាស់។

មុខងារ សន្សំគ្មានការប្រាក់ ក្នុង ABA Mobile

ទន្ទឹមនឹងនេះដែរ ABA បានដាក់ឲ្យប្រើប្រាស់មុខងារ សន្សំគ្មានការប្រាក់ ក្នុងកម្មវិធី ABA Mobile របស់ខ្លួន បង្កើតឡើងសម្រាប់អតិថិជនដែលចង់គ្រប់គ្រងហិរញ្ញវត្ថុរបស់ពួកគាត់ស្របតាមគោលការណ៍ច្បាប់ឥស្លាម។ មុខងារនេះ អនុញ្ញាតឲ្យអ្នកប្រើប្រាស់ ប្រែក្លាយគណនីសន្សំរបស់ខ្លួនទៅជា គណនីសន្សំគ្មានការប្រាក់ ដោយផ្ទាល់នៅក្នុងកម្មវិធី។ ការប្រាក់ទាំងឡាយដែលទទួលបានក្នុងគណនីនោះ នឹងត្រូវផ្ទេរទៅកាន់កម្មវិធីសប្បុរសធម៌នានា ដែលគ្រប់គ្រងដោយសមាគម CATA ដើម្បីគាំទ្រដល់សមាជិកសហគមន៍ដែលមានតម្រូវការ។

ដើម្បីបើកដំណើរការមុខងារ សន្សំគ្មានការប្រាក់ នៅក្នុង ABA Mobile អតិថិជនត្រូវ

• ចូលទៅ គណនី ក្នុង ABA Mobile
• ជ្រើសរើស គណនីណាមួយ រួចចុចលើសញ្ញា ចុចបី (…)
• ចុចបើក មុខងារ សន្សំគ្មានការប្រាក់
• ចុច ខ្ញុំបានអាន និងយល់ព្រមតាមលក្ខខណ្ឌ និង ចុច បើកដំណើរការឥឡូវនេះ

ការប្ដេជ្ញាចិត្តចំពោះសេវាហិរញ្ញវត្ថុប្រកបដោយបរិយាបន្ន

លោក Askhat Azhikhanov មានប្រសាសន៍នៅក្នុងពិធីសម្ពោធជាផ្លូវការ “នៅ ABA យើងខ្ញុំជឿជាក់ថា សេវាធនាគារមិនមែនផ្ដោតតែលើបច្ចេកវិទ្យា និងប្រសិទ្ធភាពប៉ុណ្ណោះទេ ប៉ុន្តែក៏ផ្ដោតលើ អ្នកប្រើប្រាស់ផងដែរ ពោលគឺជាការយល់ពីតម្លៃ ជំនឿ និងតម្រូវការរបស់សហគមន៍ដែលយើងខ្ញុំបម្រើសេវាជូន”។

លោកបន្ដថា “ភាពជាដៃគូរបស់យើងខ្ញុំជាមួយសមាគម CATA ឆ្លុះបញ្ចាំងពីការប្តេជ្ញាចិត្តរបស់យើងខ្ញុំ ក្នុងការផ្ដល់ជូននូវដំណោះស្រាយហិរញ្ញវត្ថុប្រកបដោយបរិយាបន្ន ឆ្លើយតបនឹងតម្រូវការជាក់ស្ដែង។ តាមរយៈ ការភ្ជាប់ប្រព័ន្ធទូទាត់ជាមួយ មូលនិធិហាជ្ជី និងមុខងារ សន្សំគ្មានការប្រាក់ នៅលើ ABA Mobile យើងខ្ញុំមានបំណងបង្កើតប្រព័ន្ធអេកូស៊ីស្ទែមសេវាធនាគារ ដែលគោរពលើពិពិធភាព និងបង្កើតគុណតម្លៃពិតប្រាកដសម្រាប់អតិថិជនគ្រប់រូបដែលយើងបម្រើសេវាជូន”។

លោក សែន សាម៉ាន នាយកប្រតិបត្តិនៃ CATA មានប្រសាសន៍ “អនុស្សរណៈយោគយល់នេះ គឺជាជំហានថ្មីដ៏សំខាន់មួយសម្រាប់សមាគមរបស់យើងខ្ញុំ។ ដោយមានការគាំទ្រផ្នែកឌីជីថលដ៏រឹងមាំរបស់ធនាគារ ABA ឥឡូវ សមាជិករបស់យើងខ្ញុំអាចគ្រប់គ្រងប្រាក់សន្សំរបស់ពួកគាត់យ៉ាងងាយស្រួល សុវត្ថិភាព និងស្ងប់ចិត្ត”។ 

ភាពជាដៃគូនេះ ឆ្លុះបញ្ចាំងពីការប្ដេជ្ញាចិត្តរួមរបស់ ABA និង CATA ក្នុងការលើកកម្ពស់បរិយាបន្នហិរញ្ញវត្ថុ និងពង្រីកលទ្ធភាពចូលប្រើសេវាហិរញ្ញវត្ថុស្របតាមតម្រូវការរបស់បងប្អូនសាសនិកឥស្លាមនៅកម្ពុជា។

អំពី ABA៖ 

ABA គឺជាធនាគារពាណិជ្ជធំជាងគេនៅកម្ពុជា គិតលើទ្រព្យសកម្មសរុប ប្រាក់បញ្ញើ និងប្រាក់កម្ចី យោងតាមរបាយការណ៍ត្រួតពិនិត្យរបស់ធនាគារជាតិនៃកម្ពុជាឆ្នាំ 2021-2025។

ធនាគារ ABA មាន 106 សាខា, ទីតាំងស្វ័យសេវា ABA 24/7 ចំនួន 45 កន្លែង, ម៉ាស៊ីនស្វ័យសេវាជាង 1,900 នៅទូទាំងប្រទេស, សេវាធនាគារអនឡាញ និងកម្មវិធីធនាគារតាមទូរស័ព្ទដ៏ទំនើប អនុញ្ញាតឲ្យអតិថិជនលើស 5 លាននាក់ ប្រើប្រាស់សេវាហិរញ្ញវត្ថុដ៏ទំនើបសម្បូរបែបនេះ។ អតិថិជនរបស់ធនាគារ រួមមានសាជីវកម្ម សហគ្រាសធុនតូចនិងមធ្យម មីក្រូអាជីវកម្ម និងបុគ្គល។

អំពី សមាគមអាម៉ាណះតាកាហ្វុលកម្ពុជា៖

សមាគមអាម៉ាណះតាកាហ្វុលកម្ពុជា (CATA) គឺជាសមាគមឥស្លាមមិនស្វែងរកប្រាក់កម្រៃ ដែលប្តេជ្ញាចិត្តក្នុងការលើកកម្ពស់សាមគ្គីភាព ការជួយជ្រោមជ្រែងគ្នាទៅវិញទៅមក និងការអភិវឌ្ឍប្រកបដោយចីរភាព នៅក្នុងសហគមន៍ខ្មែរឥស្លាម តាមរយៈគំនិតផ្តួចផ្តើមប្រកបដោយសីលធម៌ និងស្របតាមគោលការណ៍ច្បាប់ឥស្លាម (Shariah)។

CATA មានចក្ខុវិស័យចង់ឃើញសហគមន៍ឥស្លាមនៅកម្ពុជា ទទួលបាននូវសមត្ថភាពខ្ពស់ ចំណេះដឹងជ្រៅជ្រះ និងមានការរីកចម្រើនលើគ្រប់វិស័យនៃជីវភាពរស់នៅ ប្រកបដោយសេចក្តីថ្លៃថ្នូរបំផុត និងមានកម្រិតជីវភាពកាន់តែប្រសើរឡើង។

The post ធនាគារ ABA និងសមាគម CATA សហការគ្នា ដើម្បីបើកដំណើរការកម្មវិធី មូលនិធិហាជ្ជី និងមុខងារ សន្សំគ្មានការប្រាក់ សម្រាប់សហគមន៍ខ្មែរឥស្លាម appeared first on Kampuchea Thmey Daily.

សម្រាប់ការគ្រប់គ្រងរថយន្តដឹកជញ្ជូនធំៗ តើក្នុងមួយឆ្នាំៗ ត្រូវចំណាយថ្លៃប្រេងប៉ុន្មានស ម្រាប់ការបាត់បង់ដោយសារតែការលួចកិបកេងរបស់អ្នកបើកបរ? ការលួចបូមប្រេងយកទៅលក់ និងការកើនឡើងនៃតួលេខចាក់ប្រេងមិនពិត គឺជាបញ្ហាចាស់មិនងាយព្យាបាល។

ZO MOTORS ZM8 ផ្តល់នូវដំណោះស្រាយគ្រប់គ្រងតាមបែបឌីជីថលប្រកបដោយ “តម្លាភាព និង ប្រសិទ្ធភាពខ្ពស់បំផុត”៖

ការទូទាត់ការសាកអគ្គីសនី៖ ភ្ជាប់ជាមួយនឹងប្រព័ន្ធ ABA KHQR

ភាពវៃឆ្លាតក្នុងកាប៊ីន៖ អេក្រង់បញ្ជា ១២.៣ អ៊ីញ + កាមេរ៉ា ៣៦០ ដឺក្រេ

ផាសុកភាព៖ កៅអីអ្នកបើកបរមានបូមខ្យល់យ៉ាងទំនើប (Air Suspension Seat)

ZO MOTORS បានសហការជាមួយធនាគារ ABA ដើម្បីឱ្យការសាកអគ្គីសនីនៅតាមស្ថានីយ “រាប់រយស្ថានីយ រាប់ពាន់ទីតាំង” អាចទូទាត់តាមរយៈ KHQR។ អ្នកបើកបរមិនចាំបាច់កាន់សាច់ប្រាក់ ឬកាតប្រេងឥន្ធនៈទេ ម្ចាស់អាជីវកម្មអាចគ្រប់គ្រងការចំណាយបានភ្លាមៗតាម  រយៈគណនីក្រុមហ៊ុន។ នេះគឺជាការបិទរន្ធដោតនៃការកិបកេង និងបង្កើនប្រសិទ្ធភាពគ្រប់ គ្រងដល់កម្រិតខ្ពស់បំផុត។

ការគ្រប់គ្រងបែបឌីជីថលមិនត្រឹមតែបង្ហាញតាមរយៈប្រព័ន្ធគ្រប់គ្រងប៉ុណ្ណោះទេ ប៉ុន្តែថែម ទាំងឆ្លុះបញ្ចាំងតាមរយៈ ការគ្រប់គ្រងព័ត៌មានបែបបិទជិត របស់ ZO MOTORS ផងដែរ ។ យើងបានបង្កើតក្រុមឆ្លើយតបបន្ទាន់ដែលដឹកនាំដោយអ្នកគ្រប់គ្រងសេវាកម្មក្រោយការលក់ ដើម្បីធានាថារាល់បណ្តឹង និងព័ត៌មានជួសជុលនឹងទទួលបានការឆ្លើយតបក្នុងរយៈពេល ១ ម៉ោង។ ប្រព័ន្ធនឹងតាមដានវឌ្ឍនភាពនៃការជួសជុលដោយស្វ័យប្រវត្តិ  និងធ្វើការស្ទង់មតិពីអតិថិជន ដើម្បីលុបបំបាត់រាល់ភាពមិនច្បាស់លាស់ក្នុងសេវាកម្ម។ ចាប់តាំងពីការបណ្តុះបណ្តាលអំពីការប្រើប្រាស់សម្រាប់អ្នកប្រើប្រាស់ថ្មី រហូតដល់ការដាស់តឿនពីការថែទាំជាប្រចាំ “ការយកចិត្តទុកដាក់ខ្ពស់បំផុត” របស់យើងនឹងនៅជាប់ជាមួយរថយន្តរបស់លោកអ្នកជានិច្ច។តាមរយៈការគ្រប់គ្រងដែលប្រកបដោយតម្លាភាពនេះ ម្ចាស់អាជីវកម្មមិនត្រឹមតែកាត់បន្ថយចំណាយ និងបង្កើនប្រសិទ្ធភាពដល់កម្រិតអតិបរមា។

ព័ត៌មានបន្ថែមសូមទំនាក់ទំនងមកកាន់៖ Facebook : ZO MOTORS CAMBODIA

Tel : 0186398989(ចិន)  01865195555（ខ្មែរ)

The post ប្រតិបត្តិករប្រឆាំងអំពើពុករលួយជំនួសម្ចាស់រថយន្ត៖ ZM8 បានសហការជាមួយនឹងធនាគារ ABA ដើម្បីប្រតិបត្តិការតាមរយៈការស្កែន QR កូដ appeared first on Kampuchea Thmey Daily.

ក្រោមភាពជាដៃគូយុទ្ធសាស្រ្តនេះ ABA នឹងគាំទ្រដល់យុទ្ធនាការរៃអង្គាស និងស្វែងរកការឧបត្ថម្ភសម្រាប់អត្តពលិកកម្ពុជាត្រៀមព្រឹត្តិការណ៍កីឡាអូឡាំពិកនៅ Los Angeles​ ឆ្នាំ2028 របស់គណៈកម្មាធិការជាតិអូឡាំពិកកម្ពុជា ដែលផ្ដួចផ្ដើមឡើងក្នុងគោលបំណងបង្កើតមធ្យោបាយដ៏សុវត្ថិភាព និងជាទីទុកចិត្ត ដែលសាធារណជនអាចបរិច្ចាគ និងផ្ដល់ការឧបត្ថម្ភជាទឹកប្រាក់នានា ដើម្បីគាំទ្រដំណើររបស់អត្តពលិកយើង ក្នុងការត្រៀមខ្លួន និងរៀបចំចូលរួមព្រឹត្តិការណ៍កីឡាអូឡាំពិក។

តាមរយៈភាពជាដៃគូនេះ ABA នឹងក្លាយជាធនាគារផ្តាច់មុខសម្រាប់យុទ្ធនាការរៃអង្គាសនេះ ដោយផ្តល់នូវមធ្យោបាយសុវត្ថិភាព និង ងាយស្រួលសម្រាប់ទទួលការទូទាត់ និងការបរិច្ចាគនានាពីបងប្អូនសាធារណជន។ ភាគីទាំងពីរនឹងផ្សព្វផ្សាយអំពីយុទ្ធនាការនេះ នៅតាម ផ្លែតហ្វមឌីជីថលផ្សេងៗរបស់ខ្លួន ដើម្បីបញ្ជ្រាបការយល់ដឹង លើកទឹកចិត្តឲ្យមានការចូលរួម និងបង្កើនការផ្សព្វផ្សាយឲ្យកាន់តែទូលំទូលាយទូទាំងប្រទេស។

ការចូលរួមរបស់កម្ពុជា ក្នុងព្រឹត្តិការណ៍កីឡាអូឡាំពិក គឺលើសពីការប្រកួតប្រជែង – ការណ៍នេះ ឆ្លុះបញ្ចាំងពីភាពរឹងមាំ វឌ្ឍនភាព និងវត្តមានកាន់តែកើនឡើងរបស់កម្ពុជានៅលើវេទិកាកីឡាអន្តរជាតិ។ កីឡាអូឡាំពិកនៅ Los Angeles ឆ្នាំ​ 2028 គឺជាព្រឹត្តិការណ៍ដ៏សំខាន់មួយទៀត ក្នុងដំណើរវឌ្ឍនភាពនេះ ដែលទាមទារឲ្យមានការត្រៀមខ្លួនទុកជាមុន ស្ថិរភាពមូលនិធិ និងការឧបត្ថម្ភគាំទ្រនានា។

ពិធីចុះហត្ថលេខាលើអនុស្សរណៈយោគយល់នេះ បានធ្វើឡើងនៅថ្ងៃទី19 ខែមករា ឆ្នាំ2026 ដែលមានការចូលរួមដោយលោក Zhiger Atchabarov នាយករងប្រតិបត្តិ និងជានាយកប្រតិបត្តិការនៃធនាគារ ABA និងឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ព្រមទាំងក្រុមការងារពាក់ព័ន្ធនៃស្ថាប័នទាំងពីរ។

លោក Zhiger Atchabarov មានប្រសាសន៍ចំពោះភាពជាដៃគូនេះថា “កិច្ចសហការជាមួយគណៈកម្មាធិការជាតិអូឡាំពិកកម្ពុជា ឆ្លុះបញ្ចាំងពីការប្តេជ្ញាចិត្តជាបន្តបន្ទាប់របស់ធនាគារ ABA ក្នុងការគាំទ្រវិស័យកីឡាជាតិ ដែលស្របទៅនឹងគោលការណ៍ទំនួលខុសត្រូវសង្កម របស់ធនាគារយើងខ្ញុំ។ ផ្ដើមពីសមិទ្ធផលជោគជ័យនៃការចូលរួមរបស់យើងក្នុងនាមជាអ្នកឧបត្ថម្ភផ្ដាច់មុខសម្រាប់វិស័យធនាគារ កាលពីព្រឹត្តិការណ៍កីឡាស៊ីហ្គេម 2023 យើងខ្ញុំមានមោទនភាពក្នុងការបន្ដជ្រោមជ្រែង និងផ្ដល់ការគាំទ្រចាំបាច់នានាដល់អត្តពលិកខ្មែរយើង ខណៈពួកគាត់ត្រៀមខ្លួនសម្រាប់ព្រឹត្តិការណ៍កីឡាអូឡាំពិក 2028”។

លោកបានបន្ថែមថា “យើងខ្ញុំសូមកោតស្ញប់ស្ញែងដល់គណៈកម្មាធិការជាតិអូឡាំពិកកម្ពុជា ដែលតែងតែយកចិត្តទុកដាក់អភិវឌ្ឍសមត្ថភាពរបស់ អត្តពលិកយើង និងសូមជូនពរដល់អត្តពលិកគ្រប់រូប ឲ្យមានកម្លាំងមាំមួន ឆន្ទៈតស៊ូ ជាមួយនឹងស្មារតីកីឡាខ្ពស់បំផុត ខណៈពួកគាត់តំណាងកម្ពុជានៅលើឆាកអន្តរជាតិ។”

ឯកឧត្តម វ៉ាត់ ចំរើន ស្វាគមន៍យ៉ាងកក់ក្ដៅចំពោះកិច្ចសហការនេះ និងមានប្រសាសន៍ថា “ព្រឹត្តិការណ៍កីឡាអូឡាំពិក ដែលនឹងប្រព្រឹត្តទៅនាពេលខាងមុខនេះ បានផ្តល់ឱកាសដ៏មានតម្លៃសម្រាប់អត្តពលិកកម្ពុជា ក្នុងការចូលរួមប្រកួតក្នុងព្រឹត្តិការណ៍កីឡាអន្តរជាតិដ៏ធំបំផុតរបស់ពិភពលោក។ ជាមួយការគាំទ្រនៃយុទ្ធនាការរៃអង្គាស និងកិច្ចសហការជាដៃគូជាមួយធនាគារ ABA យើងខ្ញុំអាចត្រៀមលក្ខណៈបានពេញលេញដើម្បីឲ្យអត្តពលិកយើង ចូលរួមប្រកួតដោយទំនុកចិត្ត ពេញដោយមោទនភាព ព្រមទាំងបន្តមហិច្ឆតារួមក្នុងការបណ្តុះកូនខ្មែរ ឲ្យក្លាយជាជើងឯក អូឡាំពិកដំបូងគេបង្អស់”។

តាមរយៈភាពជាដៃគូនេះ ធនាគារ ABA និងគណៈកម្មាធិការជាតិអូឡាំពិកកម្ពុជា បានបញ្ជាក់ជាថ្មីនូវការប្តេជ្ញាចិត្តរួមរបស់ភាគីទាំងពីរចំពោះតម្លាភាព ឧត្តមភាព និងមោទនភាពជាតិ ដោយធានាថាអត្តពលិកកម្ពុជា មានធនធាន និងការគាំទ្រគ្រប់គ្រាន់ ដើម្បីឲ្យពួកគាត់សម្រេចបាននូវសក្តានុពលពេញលេញ។

The post ធនាគារ ABA និងគណៈកម្មាធិការជាតិអូឡាំពិកកម្ពុជា (NOCC)ចុះហត្ថលេខាលើអនុស្សរណៈយោគយល់ដើម្បីគាំទ្រអត្តពលិកកម្ពុជាសម្រាប់ព្រឹត្តិការណ៍កីឡាអូឡាំពិកឆ្នាំ 2028 appeared first on Kampuchea Thmey Daily.

ពានរង្វាន់នេះ ស្ដែងឲ្យឃើញយ៉ាងច្បាស់ពីភាពជោគជ័យរបស់ ABA Mobile  ដែលជាតួឯករបស់ធនាគារ ក្នុងនាមជាកម្មវិធីធនាគារឌីជីថល ដែលបាននាំមកនូវបទពិសោធថ្មីនៃការគ្រប់គ្រងហិរញ្ញវត្ថុរបស់ប្រជាពលរដ្ឋខ្មែរ។ ចាប់តាំងពីបានដាក់ឲ្យប្រើប្រាស់ជាផ្លូវការមួយទសវត្សកន្លងទៅ ABA Mobile បានអភិវឌ្ឍជាបន្តបន្ទាប់ក្លាយជាផ្លែតហ្វមដ៏ទូលំទូលាយ ដែលផ្ដល់លទ្ធភាពឲ្យប្រជាពលរដ្ឋខ្មែរ អាចគ្រប់គ្រងលុយកាក់ ក៏ដូចជាប្រើប្រាស់សេវាធនាគារប្រចាំថ្ងៃ ប្រកបដោយភាពងាយស្រួល សុវត្ថិភាពរឹងមាំ និងទំនុកចិត្តខ្ពស់។ 

ក្នុងចំណោមនវានុវត្តន៍សំខាន់ៗនៅក្នុង ABA Mobile គឺ មុខងារសោមុខសុវត្ថិភាព ដែលជាបច្ចេកវិទ្យាស្គាល់ផ្ទៃមុខដំបូងគេបង្អស់ក្នុងវិស័យធនាគារនៅកម្ពុជា។ ដោយត្រូវបានបង្កើតឡើង ដើម្បីការពារប្រតិបត្តិការដែលមានទឹកប្រាក់ច្រើនៗ និងការផ្លាស់ប្តូរព័ត៌មានសំខាន់ៗ មុខងារនេះ ឆ្លុះបញ្ចាំងពីការយកចិត្តដាក់ខ្ពស់របស់ធនាគារចំពោះអតិថិជន និងគិតគូវែងឆ្ងាយទុកជាមុន ក្នុងការការពារអតិថិជន ឲ្យប្រើប្រាស់ប្រកបដោយទំនុកចិត្តខ្ពស់ ក្នុងបរិការណ៍ដែលឌីជីថលកំពុងអភិវឌ្ឍរីកចម្រើន។ 

មុខងារដ៏សំខាន់មួយទៀត គឺ ណាវី ដែលជាជំនួយការនិមិត្តសម្រាប់សេវាធនាគារដំបូងគេបង្អស់នៅកម្ពុជា ។ ដោយមានវត្តមានក្នុង ABA Mobile និងមានសមត្ថភាពចេះច្រើនភាសា ណាវីអាចឆ្លើយតបរាល់សំណួររបស់អតិថិជនភ្លាមៗ ពាក់ព័ន្ធនឹង ABA ដែលជាកម្រិតស្តង់ដាថ្មីនៃការបម្រើអតិថិជន ដោយពួកគាត់អាចពឹងពាក់បានគ្រប់ពេល និងប្រកបដោយប្រសិទ្ធភាព។   

ដើម្បីជួយសម្រួលឲ្យអតិថិជនគ្រប់គ្រង និងសាងទម្លាប់ចាត់ចែងលុយកាក់ប្រកបដោយភាពឆ្លាតវៃ មុខងារវិភាគ ត្រូវបានដាក់ឲ្យប្រើប្រាស់នៅក្នុងផ្លែតហ្វមធនាគារផ្ទាល់ ហើយបានក្លាយជាតួអង្គសំខាន់ ក្នុងនាមជាជំនួយការគ្រប់គ្រងហិរញ្ញវត្ថុផ្ទាល់ខ្លួនសម្រាប់អតិថិជនគ្រប់រូប។ ជាមួយ មុខងារវិភាគ របស់ ABA Mobile អតិថិជនអាចតាមដាន មើលឃើញចំណាយច្បាស់ៗ កំណត់ខ្ទង់ចំណាយឲ្យត្រូវតាមបែបផែនរស់នៅរបស់ខ្លួនផ្ទាល់ ព្រមទាំមានរបាយការណ៍ស្វ័យប្រវត្ត និងសុក្រឹត ដែលអាចទាញយកភ្លាមៗ។ ហើយនេះ គឺជាសមត្ថភាពឈានមុខរបស់ ABA Mobile ក្នុងការជួយឲ្យអតិថិជន ធ្វើការសម្រេចចិត្តផ្នែកហិរញ្ញវត្ថុប្រកបដោយភាពឆ្លាតវៃ និងមានទំនុកចិត្តខ្ពស់។  

Asian Innovation Excellence Awards ជាព្រឹត្តិការណ៍ដ៏ធំមួយដែលធ្វើឡើងទទួលស្គាល់ភាពលេចធ្លោ និងគុណតម្លៃរបស់ស្ថាប័ន ក៏ដូចជាគ្រឹះស្ថាននានាដែលសម្រេចបានសមិទ្ធផលលេចធ្លោជាក់ស្ដែងអាចវាស់វែងបាន ហើយក៏ជាសមិទ្ធផលដែលអាចដោះស្រាយនូវរាល់បញ្ហានានារបស់អតិថិជនតាមរយៈនវានុវត្តន៍ ជាមួយការអភិវឌ្ឍប្រតិបត្តិការ។ កម្មវិធីនេះ ទទួលស្គាល់សមិទ្ធផល និងគំនិតផ្តួចផ្តើមនានាដែលនាំមកនូវឧត្តមប្រយោជន៍ ជួយជំរុញភាពរីកចម្រើនលើគ្រប់វិស័យនៅក្នុងតំបន់។ 

The post ធនាគារ ABA ឈ្នះពានរង្វាន់ “នវានុវត្តហិរញ្ញវត្ថុឆ្នើមប្រចាំឆ្នាំ” ដោយសារឧត្តមភាពធនាគារឌីជីថលឈានមុខរបស់ខ្លួន appeared first on Kampuchea Thmey Daily.

ទឹកចិត្តស្រឡាញ់ និងការប្តេជ្ញាចិត្តរបស់ ABA ចំពោះបច្ចេកវិទ្យាទំនើប និងការថែរក្សាប្រពៃណីវប្បធម៌ជាតិ បានជំរុញឲ្យ ABA ចូលរួមសាទរឱកាសចូលឆ្នាំខ្មែរឆ្នាំ 2025 ក្នុងកម្រិតថ្មីមួយទៀត។ តាមរយៈការរួមបញ្ចូលគ្នារវាងការច្នៃប្រឌិតបែបឌីជីថល ជាមួយអត្ថន័យ និងខ្លឹមសារយ៉ាងក្បោះក្បាយដែលឆ្លុះបញ្ចាំងពីប្រពៃណីបុណ្យជាតិ ធនាគារបានដាក់ចេញនូវយុទ្ធសាស្រ្តចម្រុះ ដែលទទួលបានការគាំទ្រយ៉ាងច្រើនពីប្រជាពលដ្ឋ និងកំណើនធនាគារ។

ការរួមបញ្ចូលវប្បធម៌បែបឌីជីថល

ផ្នែកមួយដ៏សំខាន់នៃយុទ្ធនាការឆ្នាំនេះ គឺម៉ូដរចនា “មហាសង្រ្កាន្ត” ដ៏រស់រវើក ក្នុងអេប ABA Mobile។ ដោយត្រូវបង្កើតឡើងសម្រាប់ទេវតាឆ្នាំថ្មី ស្របតាមតម្រាហោរាសាស្ត្របុរាណ ព្រមទាំងទិដ្ឋភាពៃពិធីបុណ្យចូលឆ្នាំខ្មែរ ម៉ូដរចនាថ្មីនេះ មានគោលបំណងរំលេចនូវវប្បធម៌ប្រពៃណីជាតិ និងលើកកម្ពស់មោទនភាពខ្មែរ តាំងពីបុរាណកាលគ្រប់ជំនាន់។

ត្រឹមតែប៉ុន្មានថ្ងៃបន្ទាប់ពីការដាក់ឲ្យប្រើប្រាស់ជាផ្លូវការ អ្នកប្រើប្រាស់ ABA Mobile ចំនួនប្រមាណ 2 លាននាក់ បានប្តូរមកប្រើផ្ទៃអេក្រង់នេះ ដែលពួកគាត់មិនត្រឹមតែទទួលបានបទពិសោធហិរញ្ញវត្ថុដ៏រស់រវើកប៉ុណ្ណោះទេ ថែមទាំងបានចូលរួមសាទរ និងផ្សព្វផ្សាយពង្សាវតារខ្មែរយើងតាមបែបទំនើបផងដែរ។ ការកើនឡើងនៃចំនួនប្រតិបត្តិការក្នុង ផ្នែកសេវាកម្ម ក៏បានបង្ហាញថាអតិថិជន បានប្រើប្រាស់សេវាហិរញ្ញវត្ថុ ក្នុងអេប បន្ថែមពីលើការជ្រើសយកម៉ូដរចនាមកប្រើប្រាស់ផងដែរ។

ជីវិតនិងវប្បធម៌ខ្មែរ តាមរយៈចម្រៀង និងភាពយន្តខ្លី

បន្ថែមពីលើភាពជោគជ័យនៃម៉ូដរចនា របស់ ABA Mobile ធនាគារក៏បានពង្រីកយុទ្ធនាការ បុណ្យចូលឆ្នាំខ្មែរ តាមរយៈសាច់រឿងប្រកបដោយភាពច្នៃប្រឌិត ទូទាំងបណ្តាញសង្គម និងផ្វែតហ្វមឌីជីថលផ្សេងៗ។ ដោយលាយបញ្ចូលចម្រៀងស្នាដៃដើមរបស់ខ្លួន និងភាពយន្តខ្លី ABA បាននាំយកទិដ្ឋភាពប្រពៃណីខ្មែរ ក្នុងបទពិសោធថ្មីស្រស់ស្រាយ ជូនទស្សនិកជន។

ផ្នែកដែលលេចធ្លោជាងគេ គឺវីដេអូចម្រៀង ដែលច្រៀងរួមគ្នាដោយ ព្រះនាង នរោត្តម ជេនណា និងសិល្បករ លោក ម៉ម ពេជ្ជរិទ្ធ ដែលបានបង្ហាញពីសាច់រឿងរបស់ទេវតាដែលយាងមកឋានកណ្តាល ដើម្បីអបអរពិធីបុណ្យចូលឆ្នាំខ្មែរ។ វីដេអូចម្រៀងនេះ បានទាក់ទាញចំណាប់អារម្មណ៍យ៉ាងខ្លាំងពីទស្សនិកជន ដែលគ្រាន់តែក្នុង Youtube ទទួលបានការចូលទស្សនាជាង ១លាន ដោយមិនមានការចំណាយជំរុញ ដែលបង្ហាញពីការស្រឡាញ់ពេញចិត្តរបស់ទស្សនិកជនការរួមបញ្ចូលនៃបច្ចេកវិទ្យាទំនើប និងប្រពៃណីវប្បធម៌ជាត ធ្វើឲ្យវីដេអូចម្រៀងនេះទទួលបានជោគជ័យ។ 

យុទ្ធនាការនេះ រំលេចបន្ថែមជាមួយភាគយន្តខ្លី ដែលជាសាច់រឿងមនោសញ្ចេតនាបែបកំប្លែង ក្រោមទិដ្ឋភាពបុណ្យចូលឆ្នាំថ្មីប្រពៃណីខ្មែរ លំអានវប្បធម៌ និងការប្រើប្រាស់ ABA Mobile យ៉ាងងាយស្រួល នៅតាមស្រុកភូមិ។ ជាមួយឈុតឆាកបែបកំប្លែង និងទិដ្ឋភាពវប្បធម៌ វីដេអូនេះទទួលបានការគាំទ្រយ៉ាងខ្លាំងពីសំណាក់ទស្សនិកជន ហើយក្លាយជាមាតិកាល្បី ដែលមានការចូលទស្សនាលើស 1 លានដង់ ត្រឹមតែរយៈពេល 24 ម៉ោងដំបូង។

ជារួម យុទ្ធនាការនេះ ត្រូវបានផ្សព្វផ្សាយដល់អ្នកប្រើប្រាស់ពិតប្រាកដប្រមាណជាង 8.7 លាននាក់ និងទទួលបានចំណាប់អារម្មណ៍ 123 លាន  ដែលក្លាយជាយុទ្ធនាការដ៏ទាក់ទាញបំផុតក្នុងប្រវត្តិសាស្ត្ររបស់ ABA។ ទិន្នន័យទាំងនេះ បានក្លាយជាសក្ខីភាពដែលបង្ហាញយ៉ាងច្បាស់ថា នវានុវត្ត និងវប្បធម៌ប្រពៃណីអាចដើរទន្ទឹមគ្នា ដើម្បីបង្កើតបានជាបទពិសោធរួម ដែលប្រទេសជាតិយើងរួមគ្នាគោរពប្រណិប័តន៍ និងអបអរសាទរ។

ការទទួលស្គាល់ពីស្ថាប័ន CMO Awards ពីរឆ្នាំជាប់ៗគ្នានេះ បានឆ្លុះបញ្ចាំងអំពីកិច្ចខិតខំប្រឹងប្រែងយ៉ាងមុតមាំរបស់ ABA ក្នុងការនាំមកនូវយុទ្ធនាការប្រកបដោយអត្ថន័យជ្រាលជ្រៅ និង ដើម្បីអតិថិជន ដែលមានទាំងភាពច្នៃប្រឌិត និងតម្លៃវប្បធម៌។ ក្នុងដំណើរឆ្ពោះទៅមុខ ABA បន្តផ្ដួចផ្ដើមនាំមកនូវបទពិសោធថ្មីៗនៃឧត្តមភាពទីផ្សារក្នុងវិស័យធនាគារ ដោយពង្រឹងជំហររបស់ខ្លួនកាន់តែទូលំទូលាយបន្ថែមតួនាទីជាស្ថាប័នហិរញ្ញវត្ថុ។

The post ផ្សារភ្ជាប់មរតកវប្បធម៌ជាតិ ជាមួយបច្ចេកវិទ្យាទំនើប: ABA ទទួលបានពានរង្វាន់ កិច្ចការទីផ្សារឆ្នើមប្រចាំឆ្នាំ 2025 appeared first on Kampuchea Thmey Daily.

បន្ថែមពីលើការភ្ជាប់ដោយជោគជ័យជាច្រើនឆ្នាំជាមួយ ABA PayWay ដែលជាផ្លែតហ្វមទូទាត់ពេញលេញ និងសម្បូរបែបរបស់ធនាគារ ឥឡូវ ក្រុមហ៊ុន T.O Group នឹងប្រើប្រាស់មុខងារ QR API របស់ PayWay ដើម្បីភ្ជាប់ការទូទាត់ QR ទៅក្នុងប្រព័ន្ធ POS និងប្រព័ន្ធចេញវិក្កយបត្ររបស់ក្រុមហ៊ុន T-O Group។ ការតភ្ជាប់នេះ នឹងអនុញ្ញាតឲ្យដៃគូអាជីវករបង្កើតកូដ QR – រួមមាន KHQR និងមធ្យោបាយទូទាត់ផ្សេងទៀត – ​និងទទួលប្រាក់ទូទាត់យ៉ាងលឿនស្រួលភ្លាមៗ ដោយភ្ញៀវ ឬអតិថិជនបង់ភ្លាម លុយចូលភ្លាមៗក្នុងពេលដំណាលគ្នា ជាមួយការបញ្ជាក់ភ្លាមៗក្នុងពេលជាក់ស្ដែង ទាំងការទូទាត់នៅហាងផ្ទាល់ និងអនឡាញ។

ចំណែកឯអតិថិជន ក៏ងាយស្រួលផងដែរ – កូដ KHQR នឹងបង្ហាញនៅលើអេក្រង់អ្នកគិតលុយ សន្លឹកវិក្កយបត្រ វិបសាយ និងលីងទូទាត់ ដោយផ្ដល់នូវមធ្យោបាយកាន់តែលឿនស្រួល និងសុវត្ថិភាពខ្ពស់ ដែលរាល់ប្រតិបត្តិការទូទាត់ ត្រូវការស្គែនតែមួយប៉ក់ប៉ុណ្ណោះ រួចស្រេច។  

ពិធីចុះហត្ថលេខា ត្រូវបានធ្វើឡើងនៅថ្ងៃទី11 ខែកញ្ញា ឆ្នាំ 2025 ដោយមានការអញ្ជើញចូលរួមពីលោក Zokhir Rasulov អគ្គនាយករងប្រតិបត្តិ និងជានាយកសេវាធនាគារឌីជីថលនៃធនាគារ ABA និងលោកស្រី ហេង វត្តី ប្រធានប្រតិបត្តិនៃក្រុមហ៊ុន T-O Group ព្រមទាំងក្រុមការងារពាក់ព័ន្ធរបស់ស្ថាប័នទាំងពីរ។

លោក Zokhir Rasulov មានប្រសាសន៍ថា “ភាពជាដៃគូសហការជាមួយក្រុមហ៊ុន T-O Group នេះ គឺជាជំហានដ៏មានសំខាន់មួយទៀត ឆ្ពោះទៅកាន់វឌ្ឍនភាពថ្មីនៃមធ្យោបាយទូទាត់នៅកម្ពុជា។ តាមរយៈការតភ្ជាប់ផ្លែតហ្វមទូទាត់ ABA PayWay ទៅក្នុងប្រព័ន្ធរបស់អាជីវករ យើងខ្ញុំកំពុងផ្ដល់លទ្ធភាពដល់បណ្ដាអាជីវកម្មតូចធំគ្រប់ទំហំ ក្នុងការទទួលប្រាក់តាម KHQR ​និងការទូទាត់ផ្អែកលើ QR ផ្សេងទៀតកាន់តែងាយស្រួល ព្រមទាំងផ្ដល់ភាពងាយស្រួលដល់អតិថិជនក្នុងការទូទាត់កាន់តែលឿន និងសុវត្ថិភាព។ យើងទាំងអស់គ្នារួមគ្នា យើងកំពុងពង្រីកវិសាលភាពនៃដំណោះស្រាយមិនប្រើក្រដាសប្រាក់ និងធ្វើឲ្យការទូទាត់ឌីជីថលក្លាយជាផ្នែកមួយនៃការរស់នៅប្រចាំថ្ងៃរបស់អ្នកប្រើប្រាស់ គ្រប់រូប។”

លោកស្រី ហេង វត្តី ប្រធានប្រតិបត្តិនៃក្រុមហ៊ុន T-O Group មានប្រសាសន៍ថា “នៅក្រុមហ៊ុន T-O Group​ យើងមានបេសកកម្មចម្បងក្នុងការពង្រឹងសក្ដានុពលរបស់ពាណិជ្ជករខ្មែរ —​ ជាពិសេស សហគ្រាសធុនតូច និងមធ្យម និងសហគ្រិនក្នុងស្រុក — ជាមួយនឹងឧបករណ៍ចាំបាច់ ដែលជួយជំរុញកំណើន និងប្រសិទ្ធភាព។ កិច្ចសហការជាមួយ ABA នាំយកមធ្យោបាយទូទាត់ដ៏ទំនើបប្រកបដោយនវានុវត្តន៍ ដែលសម្រួលដល់ប្រតិបត្តិការអាជីវកម្ម កាត់បន្ថយកំហុសឆ្គង និងបង្កើនទំនុកចិត្តរបស់អតិថិជន”។

ភាពជាដៃគូយុទ្ធសាស្រ្តនេះ ឆ្លុះបញ្ចាំងពីកិច្ចខិតខំប្រឹងប្រែងរួមក្នុងការគាំទ្រដំណើរវឌ្ឍនភាពឌីជីថល និងបរិយាបន្នហិរញ្ញវត្ថុរបស់កម្ពុជា។ ធនាគារ ABA និងក្រុមហ៊ុន T-O Group បានកំពុងតែរៀបចំមូលដ្ឋានគ្រឹះដ៏រឹងមាំ សម្រាប់ដំណើរវឌ្ឍនភាពកម្ពុជាឆ្ពោះទៅកាន់សង្គមទំនើប ដែលទូទាត់ដោយមិនប្រើក្រដាសប្រាក់។

The post ធនាគារ ABA និងក្រុមហ៊ុន T-O Group ពង្រឹងភាពជាដៃគូ ដើម្បីពង្រីកការទូទាត់ឌីជីថលនៅកម្ពុជា appeared first on Kampuchea Thmey Daily.

បង្កើតឡើងសម្រាប់តម្រូវការប្រចាំថ្ងៃរបស់ប្រជាពលរដ្ឋខ្មែរ មុខងារវិភាគ ផ្តល់មធ្យោបាយងាយស្រួលជូនអ្នកប្រើ ABA Mobile ក្នុងការស្វែងយល់ពីការចាយវាយ និងរំហូរទឹកប្រាក់របស់ពួកគេ និងធ្វើការសម្រេចចិត្តផ្នែកលុយកាក់បានគ្រប់ជ្រុងជ្រោយ – ភ្លាមៗពីទូរស័ព្ទដៃផ្ទាល់។

ឥឡូវ អ្នកប្រើ ABA Mobile អាចឃើញភ្លាមៗតាមរយៈគំនូសតាង និងដ្យាក្រាមថាតើលុយរបស់ពួកគាត់ចេញទៅណាខ្លះ និងចូលពីណាខ្លះ, តាមដានការចំណាយទៅតាមប្រភេទ និងគ្រប់គ្រងទម្លាប់ចាយវាយទៅតាមតម្រូវការ និងពេលវេលាជាក់ស្ដែង ដោយធ្វើឲ្យគោលដៅហិរញ្ញវត្ថុផ្ទាល់ខ្លួនរបស់ពួកគេសម្រេចបានរលូន។

ចុចតែពីរបីប៉ក់ អតិថិជន ABA អាច៖

• ឃើញលុយចូល និងលុយចេញទាំងអស់ ដែលបានដាក់ទៅតាមប្រភេទដោយស្វ័យប្រវត្តិ
• ដឹងលម្អិតពីការចំណាយ ដែលបង្ហាញនៅក្នុងតារាងចំណូលចំណាយច្បាស់ៗ ងាយស្រួលមើល
• កំណត់ការចាយវាយផ្ទាល់ខ្លួន ហើយតាមដានវឌ្ឍនភាព
• តាមដានការចាយវាយ ទៅតាមសប្ដាហ៍, ខែ, ឆ្នាំ ឬរយៈពេលជាក់លាក់ណាមួយទៅតាមការកំណត់។

មុខងារវិភាគនេះ អាចស្វែងរក និងប្រើប្រាស់យ៉ាងងាយស្រួលពីផ្ទាំងវិចិត្រ គណនីគោល នៅលើអេក្រង់ដើម, នៅក្នុងគណនី ABA នីមួយៗ ឬតាមរយៈប៊ូតុង វិភាគ។

លោក Zokhir Rasulov អគ្គនាយករងប្រតិបត្តិ និងជានាយក សេវាធនាគារឌីជីថល បានមានប្រសាសន៍ថា “ការដាក់ដំណើរការ មុខងារវិភាគ ក្នុង ABA Mobile គឺជាជំហានដ៏ធំមួយសម្រាប់ ABA និងអតិថិជនរបស់ខ្លួន។ ដំបូងបង្អស់នៅក្នុងប្រទេសកម្ពុជា អតិថិជនរបស់យើងខ្ញុំអាចមើលឃើញ និងស្វែងយល់កាន់តែលម្អិត និងស៊ីជម្រៅពីរបៀបចាត់ចែងលុយកាក់របស់ពួកគេ និងធ្វើការសម្រេចចិត្តបានច្បាស់លាស់ ពីទូរស័ព្ទដៃរបស់ពួកគេផ្ទាល់។ យើងខ្ញុំបង្កើតមុខងារនេះឡើង ឲ្យមានលក្ខណៈងាយស្រួល ច្បាស់លាស់ និងមានប្រយោជន៍សម្រាប់អតិថិជនគ្រប់រូប មិនថាពួកគាត់ជា ក្មេងវ័យជំទង់, គ្រប់គ្រងហិរញ្ញវត្ថុគ្រួសារ ឬបើកអាជីវកម្មខ្នាតតូច។

លោកបានបន្ថែម “យើងខ្ញុំជឿជាក់ថា មុខងារថ្មីនេះនឹងជួយប្រជាពលរដ្ឋខ្មែរកាន់តែច្រើន កាន់តែមានទំនុកចិត្តលើហិរញ្ញវត្ថុរបស់ពួកគេ ទម្លាប់ចាយវាយកាន់តែប្រសើរ និងរួមចំណែកធ្វើយ៉ាងណាឲ្យកម្ពុជាយើងកាន់តែមានវិបុលភាពរីកចម្រើ ពេញដោយបរិយាបន្នហិរញ្ញវត្ថុ។

មុខងារវិភាគថ្មី ឆ្លុះបញ្ចាំងពីការប្តេជ្ញាចិត្តរបស់ធនាគារ ABA ក្នុងការគាំទ្រចំណេះដឹងផ្នែកហិរញ្ញវត្ថុ និងបរិយាបន្នហិរញ្ញវត្ថុនៅកម្ពុជា ដោយផ្តល់នូវឧបករណ៍ដែលពួកគាត់ត្រូវការដើម្បីធ្វើការសម្រេចចិត្តផ្នែកលុយកាក់ប្រកបដោយភាពឆ្លាតវៃ និងច្បាស់លាស់ និងសុវត្ថិភាព។

ឥឡូវនេះ មុខងារវិភាគ មាននៅក្នុងកំណែចុងក្រោយបង្អស់របស់ ABA Mobile សម្រាប់ទាំង iOS និង Android។

The post ធនាគារ ABA ដាក់ដំណើរការមុខងារវិភាគហិរញ្ញវត្ថុដំបូងបង្អស់នៅកម្ពុជានៅក្នុង ABA Mobile appeared first on Kampuchea Thmey Daily.

ដូចសាលារដ្ឋក្នុងតំបន់ដាច់ស្រយាលដទៃទៀតដែរ សាលារៀននេះប្រឈមនឹងការខូចខាតទៅតាមអាយុកាលនៃសំណង់។ ជញ្ជាំងមានសភាពចាស់ មានស្នាមប្រេះ ដោយសារកត្តាអាកាសធាតុ បង្អួចនិងទ្វារត្រូវការជួសជុលបន្ថែម បរិយាកាសក្នុងបន្ទប់រៀនខ្វះខ្យល់ចេញចូលគ្រប់គ្រាន់ ចំណែកទីធ្លារខាងក្រៅវិញ ក៏មិនសូវមានផាសុកភាពគ្រប់គ្រាន់សម្រាប់សិស្សានុសិស្ស និងលោកគ្រូអ្នកគ្រូផងដែរ។ យ៉ាងណាមិញ រូបភាពទាំងអស់នោះក៏បានកែប្រែ ជំនួសមកវិញនូវបរិយាកាសល្អប្រសើរឡើងវិញប្រកបដោយភាពរស់រវើក។ 

ការចាប់ផ្តើមថ្មី 
ដោយយល់ពីផលរំខានដោយសារបញ្ហាទាំងនេះ មកលើការរៀនសូត្ររបស់សិស្សានុសិស្ស ធនាគារ ABA បានចេញមុខ ដើម្បីបង្កើតគម្រោងជួលជុលកែលម្អសាលារៀននេះឡើង។ អស់ពេលជាច្រើន សប្តាហ៍ សាលាបានទទួលការជួសជុលជាបន្តបន្ទាប់ សំដៅលើកកម្ពស់បរិយាកាសសិក្សាជូនដល់ សិស្សានុសិស្ស។ អគារមួយខ្នងដែលមានថ្នាក់រៀនចំនួន 5បន្ទប់ ត្រូវបានលាបពណ៌ថ្មី ដំបូលដែលរងនូវការធ្លុះធ្លាយ និងបង្អួចបាក់បែកក៏ត្រូវបានជួសជុល និងប្ដូរថ្មី។ ចំណែក កង្ហារព្យួរពិតាន ក៏បានបំពាក់ ដើម្បីផ្តល់នូវខ្យល់ត្រជាក់ពេលអាកាសធាតុក្តៅផងដែរ។  

នៅក្នុងបរិវេណសាលា មានបន្ថែមនូវបង់អង្គុយថ្មីសម្រាប់សិស្សសម្រាកពីម៉ោងសិក្សា អំពូលសូឡា បានតម្លើងដើម្បីបង្កើនសុវត្ថិភាព និងបំភ្លឺទីធ្លា និងធុងសំរាមសម្រាប់គ្រប់គ្រងកាកសំណល់ និងអនាម័យ ឲ្យកាន់តែប្រសើរក្នុងទីធ្លាសាលា។  

កុមារី វាសនា រស្មី ដែលជាសិស្សថា្នក់ទី 2 បានបង្ហាញចំណាប់អារម្មណ៍របស់ខ្លួន “ពេលមេឃក្តៅ ខ្ញុំឆាប់បែកញើសពិបាកក្នុងការរៀន។ ប៉ុន្តែ នៅពេលមេឃភ្លៀង ទឹកភ្លៀងបានសាចពីបង្អួចដែលបាក់បែក ធ្វើឲ្យទទឹកសៀវភៅរបស់ខ្ញុំ។ ខ្ញុំសូមអរគុណដល់ធនាគារ ABA ដែលបានជួយដល់សាលារៀនខ្ញុំ ឥឡូវនេះ ខ្ញុំ និងមិត្តរួមថ្នាក់ អាចអង្គុយរៀនក្នុងថ្នាក់ដោយស្រួលខ្លួន មិនខ្លាចសាចភ្លៀង ឬបែកញើសទៀតទេ។” 

​អបអរវឌ្ឍនភាពថ្មីរួមគ្នា 
នៅថ្ងៃទី12 ខែកក្កដា ឆ្នាំ2025 ពិធីប្រគល់អំណោយសប្បុរសធម៌បានរៀបចំឡើងនៅក្នុងបរិវេណ សាលាបឋមសិក្សាសន្លុង ផ្ទាល់ក្រោមវត្តមានលោក នុត បុរ៉ា អនុប្រធានមន្ទីរអប់រំខេត្តតាកែវ ព្រមទាំងបុគ្គលិក ABA​ លោកនាយកសាលា លោកគ្រូអ្នកគ្រូ និងសិស្សានុសិស្ស សរុបប្រមាណ 150 នាក់។ 

ក្រៅពីកម្មវិធីប្រគល់អំណោយផ្លូវការ ក្នុងថ្ងៃដដែលនោះ ក៏មានការចូលរួមធ្វើកិច្ចការសង្គមជុំគ្នាផងដែរ។ សិស្សានុសិស្ស បានដើរតួយ៉ាងសំខាន់ក្នុងសកម្មភាពមួយចំនួនដូចជា ការលាបពណ៌បង្អួច និងសរសេរពាក្យស្លោក ដើម្បីដាក់លម្អថ្នាក់រៀន។ សកម្មភាពដាំកូនឈើ និងផ្កាដើម្បីបង្កើនសម្រស់ បៃតងក្នុងបរិវេណសាលា។ 

កិច្ចការទាំងនេះ គឺជាបំណិនជីវិតមួយ ផ្ដល់ឱកាសដល់ក្មេងៗបង្កើនទំនួលខុសត្រូវ ចេះធ្វើការជាក្រុម និងចេះទំនាក់ទំនងរវាងគ្នានឹងគ្នា។ នេះជាមធ្យោបាយដ៏ល្អមួយ ដែលសិស្សអាចរៀនសូត្របានច្រើនលើសពីចំណេះនៅក្នុងសៀវភៅ។ 

ក្រុមការងារ ABA ក៏បានចូលរួមជាមួយសិស្សានុសិស្សយ៉ាងសកម្មភាពក្នុងការលាបថ្នាំពណ៌ សម្អាតទីធ្លា និងដាំកូនឈើ។ កិច្ចខិតខំប្រឹងប្រែងរួមគ្នានេះ បានឆ្លុះបញ្ជាំងពីស្មារតីនៃគម្រោងនេះ ពោលគឺ ចូលរួមពីសហគមន៍ និងការលើកកម្ពស់ការអប់រំ។ សិស្សានុសិស្សក៏ទទួលបានសម្ភារៈសិក្សាមួយចំនួនផងដែរ ដើម្បីជាការលើកទឹកចិត្តសម្រាប់ការចូលរួមរបស់ពួកគេ។ 

លោក មាស ខេមរា ប្រធានសាខា ABA ខេត្តតាកែវ បានថ្លែងនៅក្នុងកម្មវិធីថា “ថ្ងៃនេះ ជាព្រឹត្តិការណ៍ដ៏សំខាន់មួយទៀតនៅក្នុងកិច្ចខិតខំប្រឹងប្រែងរបស់យើង ដើម្បីលើកកម្ពស់គុណភាពអប់រំ។ ការជួសជុលកែលម្អសំខាន់ៗដល់សាលាបឋមសិក្សាសន្លុង មានគោលបំណងផ្តល់នូវ បរិយាកាសកាន់តែសុវត្ថិភាព ជាមួយសម្ភារបរិក្ខារគ្រប់គ្រាន់ អាចឲ្យសិស្សទទួលបានការជោគជ័យក្នុងការសិក្សា និងរីកចម្រើន។ យើងខ្ញុំនៅធនាគារ ABA មានមោទនភាពដែលបានរួមចំណែកក្នុងគម្រោងដ៏មានសារៈសំខាន់ដែលផ្តល់ប្រយោជន៍ផ្ទាល់ដល់យុវជនជំនាន់ក្រោយ។” 

ការជួសជុលកែលម្អនេះ ពីមួយសាលា ទៅមួយសាលា គម្រោងនីមួយៗឆ្លុះបញ្ចាំងពីកិច្ចប្រឹងប្រែងជា ជាបន្តបន្ទាប់របស់ ABA ក្នុងការបង្កើតសហគមន៍មួយដ៏រឹងមាំ ពេញដោយសមត្ថភាព។ 

តាមរយៈការវិនិយោគលើការអប់រំនៅថ្នាក់មូលដ្ឋាន ABA មិនគ្រាន់តែផ្ដោតលើការពង្រឹងហេដ្ឋារចនា សម្ពន្ធប៉ុណ្ណោះទេ ប៉ុន្តែក៏បញ្ជាក់ឡើងវិញនូវទំនួលខុសត្រូវសង្គមរបស់ខ្លួន ក្នុងការរួមចំណែកដល់វឌ្ឍនភាពជាតិ ឲ្យកាន់តែត្រចះត្រចង់ និងមានធនធានដែលទទួលបានអប់រំគ្រប់គ្រាន់។ 

The post កសាងអនាគតកាន់តែប្រសើរ៖ ការជួសជុលកែលម្អសាលារៀនក្នុងខេត្តតាកែវ របស់ធនាគារ ABA appeared first on Kampuchea Thmey Daily.