AFC Asian Cup Archives - Kampuchea Thmey Daily

លោក Koji ចង់ឲ្យ U-23 កម្ពុជាបន្តខំប្រឹងលេងដូចយប់មិញនៅលីគកំពូលកម្ពុជា

Sina Noun — Wed, 10 Sep 2025 02:24:13 +0000

គ្រូបង្វឹករបស់ U-23 កម្ពុជា លោក Koji Gyotoku បទពិសោធចំនួនប្រកួត៣ នៃវគ្គជម្រុះពូល G ដែលបញ្ចប់ទៅនេះសង្ឃឹមថាកូនក្រុមនឹងបន្តខំប្រែងឲ្យខ្លាំងដូចនេះដដែលនៅពេលចូលប្រកួតលីគកំពូលកម្ពុជាវិញ។

ទិដ្ឋភាពយប់មិញ

ឆ្លងកាត់វគ្គជម្រុះ ៣ប្រកួតនេះលោក Koji Gyotoku មើលឃើញពីភាពរីកចម្រើនរបស់កូនក្រុមទទួលបាននូវបទពិសោធល្អៗជាច្រើន។ ម្នាក់ៗមានការខំប្រឹងប្រែងលេងដោយអស់ពីកម្លាំងកាយចិត្តក្នុងការប្រកួតកន្លងទៅនេះ ស្របពេលពីមុនមកពួកគេមិនបានលេងដល់កម្រិតខ្លាំងដូចនេះឡើយ។

លោក Koji Gyotoku

គ្រូបង្វឹកជនជាតិជប៉ុនខាងលើនេះបន្តទៀតថា នៅពេលលីគកំពូលដំណើរការប្រកួតវិញលោកសង្ឃឹមថាកូនក្រុមបន្តខំប្រឹងលេងឲ្យខ្លាំងដូចនេះតទៅទៀត។ នៅតាមបណ្ដាប្រទេសអភិវឌ្ឍន៍លើកីឡាបាល់ទាត់គឺគេធ្វើបែបនេះរក្សាការលេងឲ្យអស់ៗពីសមត្ថភាពតាមរយៈការខំប្រឹងប្រែងបំផុតដូចទៅហ្នឹង ៣ប្រកួតទើបបញ្ចប់ទៅនេះ។

ទិដ្ឋភាពយប់មិញ

បញ្ជាក់ដែរថា បេសសកម្មរបស់ U-23 កម្ពុជាក្នុងវគ្គជម្រុះក្នុងពូល G ដើម្បីឡើងទៅជុំចុងក្រោយពានរង្វាន់ AFC Asian Cup 2026 បានបិទបញ្ចប់ហើយកាលពីយប់មិញនេះក្រោយក្រុមនិមួយៗរួមទាំងម្ចាស់ប្រកួតចប់ ៣ប្រកួតដូចគ្នា។ ពូល G នេះគឺលេខ១ បានលើក្រុមខ្លាំងអ៊ីរ៉ាក់ លេខ២ កម្ពុជា លេខ៣ អូម៉ង់ និងលេខ៤ ប៉ាគីស្ថាន។ កម្ពុជាធ្លាក់ត្រឹមវគ្គនេះហើយក្រោយ ៣ប្រកួត ឈ្នះ១ ស្មើ២ មាន៥ពិន្ទុ៕

ទិដ្ឋភាពយប់មិញ

អត្ថបទដោយ៖ នួន ស៊ីណា

The post លោក Koji ចង់ឲ្យ U-23 កម្ពុជាបន្តខំប្រឹងលេងដូចយប់មិញនៅលីគកំពូលកម្ពុជា appeared first on Kampuchea Thmey Daily.

ថ្ងៃនេះ ក្រុមអាស៊ានទាំង ៩ ប្រកួតជម្រុះ AFC Asian Cup ជុំទី២

chean virakbot — Tue, 10 Jun 2025 01:34:48 +0000

ការប្រកួតជើងឯកអាស៊ី វគ្គជម្រុះក្នុងពូលដើម្បីស្វែងរកកៅអីទៅជុំចុងក្រោយ AFC Asian Cup ឆ្នាំ២០២៧ នៅប្រទេសអារ៉ាប៊ីសាអ៊ូឌីត ឈានចូលជុំទី២ នៅថ្ងៃទី១០ ខែមិថុនា ឆ្នាំ២០៥នេះ។

ចំពោះក្រុមជម្រើសជាតិ ឥណ្ឌូណេស៊ី បានកក់កៅអីទៅជុំចុងក្រោយមុនគេនៅតំបន់អាស៊ាន ដោយសារពួកគេធ្វើបានល្អនៅវគ្គជម្រុះជើងឯកពិភពលោក ខណៈក្រុមជម្រើសជាតិកម្ពុជាបានធ្លាក់តាំងពីវគ្គជម្រុះខ្វែង (Playoffs) ជុំទី១មកម្ល៉េះ។ ដូច្នេះមានតែកម្ពុជាតែមួយគត់នៅតំបន់អាស៊ានដែលអស់ឱកាសលេងប្រកួតពាន AFC Asian Cup មុនគេ។

ខាងក្រោមជាកម្មវិធីប្រកួត ជុំទី២

ទីម័រខាងខាងកើត ប្រកួតជាមួយ ម៉ាល់ឌីវ (ម៉ោង១:៣០នាទីរសៀល)
ហ្វីលីពីន ប្រកួតជាមួយ តាហ្ស៊ីគីស្ថាន (ម៉ោង៦ល្ងាច)
ព្រុយណេ ប្រកួតជាមួយ ប៊ូតាន (ម៉ោង៧:១៥នាទីយប់)
សិង្ហបុរី ប្រកួតជាមួយ បង់ក្លាដែស (ម៉ោង៨យប់)
ថៃ ប្រកួតជាមួយ តួកមេនីស្ថាន (ម៉ោង១០យប់)
មីយ៉ាន់ម៉ា ប្រកួតជាមួយ ប៉ាគីស្ថាប (ម៉ោង៥:៣០នាទីល្ងាច)
ឡាវ ប្រកួតជាមួយ នេប៉ាល់ (ម៉ោង៧យប់)
ម៉ាឡេស៊ី ប្រកួតជាមួយ វៀតណាម (ម៉ោង៨យប់)

អត្ថបទ៖ វីរបុត្រ

The post ថ្ងៃនេះ ក្រុមអាស៊ានទាំង ៩ ប្រកួតជម្រុះ AFC Asian Cup ជុំទី២ appeared first on Kampuchea Thmey Daily.

បើត្រូវជំនួស អាចជាកម្ពុជា បន្ទាប់ពីប៉ាគីស្ថានដកខ្លួនពី Asian Cup

chean virakbot — Tue, 11 Feb 2025 01:20:37 +0000

ក្រុមបាល់ទាត់ជម្រើសជាតិ ប៉ាគីស្ថាន បានប្រកាសដកខ្លួនចេញពីការប្រកួតតជម្រុះក្នុងពូលពានរង្វាន់ទ្វីបអាស៊ី AFC Asian Cup ឆ្នាំ២០២៧ បន្ទាប់ពីត្រូវបានសហព័ន្ធកីឡាបាល់ទាត់អន្តរជាតិ (FIFA) បានផ្អាកដំណើរការ។

កាលពីថ្ងៃទី៧ ខែកុម្ភៈ ឆ្នាំ២០២៥ សហព័ន្ធកីឡាបាល់ទាត់អន្តរជាតិ (FIFA) បានពិន័យព្យួរសហព័ន្ធកីឡាបាល់ទាត់ប៉ាគីស្ថាន (PFF) ដោយមានប្រសិទ្ធភាពភ្លាមៗ បន្ទាប់ពីពួកគេបានបរាជ័យក្នុងការកែប្រែធម្មនុញ្ញរបស់ខ្លួនដើម្បីធានាបាននូវការបោះឆ្នោតប្រកបដោយយុត្តិធម៌ និងប្រជាធិបតេយ្យ សម្រាប់ការបំពេញកាតព្វកិច្ចរបស់ខ្លួនដែលបានកំណត់ដោយ FIFA ជាផ្នែកមួយនៃដំណើការប្រក្រតីរបស់ សហព័ន្ធកីឡាបាល់ទាត់ប៉ាគីស្ថាន។

បន្ទាប់ពីមក សហព័ន្ធកីឡាបាល់ទាត់អាស៊ី (AFC) បានកំណត់ពេលត្រឹមថ្ងៃទី៤ ខែមីនា ឆ្នាំ២០២៥ ដើម្បីឲ្យសហព័ន្ធកីឡាបាល់ទាត់ប៉ាគីស្ថាន រៀបចំមហាសន្និបាត ដើម្បីអនុម័តលើវិសោធកម្មនៃធម្មនុញ្ញរបស់ខ្លួនស្របតាមការបង្ហាញរបស់សហព័ន្ធកីឡាបាល់ទាត់អន្តរជាតិ និងសហព័ន្ធកីឡាបាល់ទាត់អាស៊ី។

ទោះបីជាយ៉ាងណា នៅយប់ថ្ងៃទី១០ ខែកុម្ភៈ ឆ្នាំ២០២៥ តាមរយៈផេក FootbalPakistaan.Com របស់សហព័ន្ធកីឡាបាល់ទាត់ប៉ាគីស្ថានបានប្រកាសថា ខ្លួនបានសម្រេចដកខ្លួនចេញពីការប្រកួតជម្រុះក្នុងពូលពានរង្វាន់ 2027 AFC Asian Cup ហើយ។

តាមរយៈការដកខ្លួននេះ នៅពូល E ពានរង្វាន់ 2027 AFC Asian Cup មានតែ៣ក្រុមប៉ុណ្ណោះគឺ ស៊ីរី អាហ្វហ្គានីស្ថាន និង មីយ៉ាន់ម៉ា។ ប្រសិនបើសហព័ន្ធកីឡាបាល់ទាត់អាស៊ីត្រូវដាក់ជំនួសមានតែ ក្រុមបាល់ទាត់ជម្រើសជាតិកម្ពុជា ប៉ុណ្ណោះ ពីព្រោះ ប៉ាគីស្ថាន បានប្រកួតជម្រុះបឋម ជាមួយ កម្ពុជា ដើម្បីទទួលបានកៅអី ឡើងទៅ វគ្គជម្រុះក្នុងពូល។

ការជម្រុះបឋមនោះ នៅជើងទី១ កម្ពុជា បានត្រឹមស្មើ ប៉ាគីស្ថាន ០-០ នៅពហុកីឡដ្ឋានជាតិអូឡាំពិក ប៉ុន្តែនៅជើងទី២ កម្ពុជា បានចាញ់ ប៉ាគីស្ថាន ដោយលទ្ធផល ១-០ នៅប្រទេសប៉ាគីស្ថាន។

រហូតមកដល់ពេលនេះ នៅមិនទាន់មានព័ត៌មានផ្លូវការណាមួយពីការសម្រេចរបស់សហព័ន្ធកីឡាបាល់ទាត់អាស៊ីឡើយ៕

ប្រែសម្រួល៖ វីរបុត្រ

The post បើត្រូវជំនួស អាចជាកម្ពុជា បន្ទាប់ពីប៉ាគីស្ថានដកខ្លួនពី Asian Cup appeared first on Kampuchea Thmey Daily.

កម្ពុជា អាចជំនួសនៅពាន Asian Cup បើ FIFA ព្យួរ ប៉ាគីស្ថាន តម្កល់ទុក

chean virakbot — Fri, 07 Feb 2025 06:44:34 +0000

ក្រុមបាល់ទាត់ជម្រើសជាតិកម្ពុជា អាចនឹងជំនួសក្រុមបាល់ទាត់ជម្រើសជាតិ ប៉ាគីស្ថាន ក្នុងវគ្គជម្រុះពានរង្វាន់ Asian Cup ឆ្នាំ២០២៧ ប្រសិនបើការសម្រេចរបស់សហព័ន្ធកីឡាបាល់ទាត់អន្តរជាតិ (FIFA) រក្សាទុកជាធរមាន។

យោងតាមការផ្សាយរបស់ សារព័ត៌មាន Arabnews នៅថ្ងៃទី៧ ខែកុម្ភៈ ឆ្នាំ២០២៥ បានលើកឡើងថា សហព័ន្ធកីឡាបាល់ទាត់អន្តរជាតិ (FIFA) បានពិន័យព្យួរសហព័ន្ធកីឡាបាល់ទាត់ប៉ាគីស្ថាន (PFF) ដោយមានប្រសិទ្ធភាពភ្លាមៗ បន្ទាប់ពីពួកគេបានបរាជ័យក្នុងការកែប្រែធម្មនុញ្ញរបស់ខ្លួនដើម្បីធានាបាននូវការបោះឆ្នោតប្រកបដោយយុត្តិធម៌ និងប្រជាធិបតេយ្យ សម្រាប់ការបំពេញកាតព្វកិច្ចរបស់ខ្លួនដែលបានកំណត់ដោយ FIFA ជាផ្នែកមួយនៃដំណើការប្រក្រតីរបស់ សហព័ន្ធកីឡាបាល់ទាត់ប៉ាគីស្ថាន។

ការព្យួរនេះនឹងត្រូវបានដកវិញ ដរាបណា សហព័ន្ធសហព័ន្ធកីឡាបាល់ទាត់ប៉ាគីស្ថានរៀបចំមហាសន្និបាត ដើម្បីអនុម័តលើវិសោធកម្មនៃធម្មនុញ្ញរបស់ខ្លួនស្របតាមការបង្ហាញរបស់សហព័ន្ធកីឡាបាល់ទាត់អន្តរជាតិ និងសហព័ន្ធកីឡាបាល់ទាត់អាស៊ី។

ប្រសិនបើការសម្រេចនេះត្រូវបានកម្កល់ទុក នោះក្រុមបាល់ទាត់ជម្រើសជាតិកម្ពុជាអាចត្រូវបានដាក់ជំនួសក្នុងវគ្គជម្រុះពានរង្វាន់ 2027 Asian Cup ឆ្នាំ២០២៧៕

ប្រែសម្រួល៖ វីរបុត្រ

The post កម្ពុជា អាចជំនួសនៅពាន Asian Cup បើ FIFA ព្យួរ ប៉ាគីស្ថាន តម្កល់ទុក appeared first on Kampuchea Thmey Daily.

U20 កម្ពុជា ប៉ះ ក្រុមជើងឯក អ៊ូបេគីស្ថាន ម៉ោង២ថ្ងៃនេះ

chean virakbot — Mon, 23 Sep 2024 00:49:54 +0000

ក្រុមបាល់ទាត់ជម្រើសជាតិកម្ពុជាអាយុ២០ឆ្នាំ (U20) នឹងប្រកួតជាមួយ ក្រុមជម្រើសជាតិ អ៊ូបេគីស្ថាន វគ្គជម្រុះក្នុងពូល B ពានរង្វាន់ AFC U20 Asian Cup China PR 2025 វេលាម៉ោង២រសៀល ថ្ងៃទី២៣ ខែកញ្ញា នៅឆាយនីសតៃប៊ិ។

នេះជាការប្រកួតលើកទី២របស់ក្រុមយុវជនកម្ពុជា បន្ទាប់ពីការប្រកួតបើកឆាកទទួលបានជ័យជម្នះដោយលទ្ធផល ៤-១ លើក្រុមយុវជននេប៉ាល់ កាលពីថ្ងៃសៅរ៍ ទី២១ ខែកញ្ញា ប៉ុន្តែជាការប្រកួតលើកទី១របស់ក្រុមយុវជនអ៊ូបេគីស្ថាន។

អ៊ូបេគីស្ថាន ជាក្រុមការពារតំណែងជើងឯកឆ្នាំចាស់ដែលពួកគេបានឈ្នះកាលពីឆ្នាំ២០២៣ ដូច្នេះជាការប្រកួតដ៏លំបាកបំផុតសម្រាប់ក្រុមកម្ពុជា។ ជាពិសេសទៀតនោះ ពួកគេមានកម្លាំងស៊ុហ្វពេញល្អ ខុសពីកម្ពុជាដែលបានចំណាយកម្លាំងអស់១ប្រកួតហើយ។

គិតតារាងពិន្ទុបណ្តោះអាសន្ននៅក្នុងពូល B កម្ពុជាមាន៣ពិន្ទុ កំពុងឈរលើកំពូលតារាង ហើយបារ៉ែន មាន៣ពិន្ទុ ស្ថិតនៅលេខ២ បន្ទាប់ពីយកឈ្នះម្ចាស់ផ្ទះឆាយនិសតៃប៊ិ នៅចុងម៉ោងដោយលទ្ធផល ១-០។ អ៊ូបេគីស្ថាន ស្ថិតនៅលេខ៣ ហើយឆាយនីសតៃប៊ិ លេខ៤ និងនេប៉ាល់លេខ៥។

លើកទី២ហើយដែលបុរសសញ្ជាតិជប៉ុនបានដឹកនាំក្រុមយុវជនកម្ពុជាក្នុងវគ្គជម្រុះពានរង្វាន់ AFC U20 Asian Cup បន្ទាប់ពីដឹកនាំលើកទី១ កាលពីឆ្នាំ២០២០។ លោកបានបង្កើតប្រវត្តិសាស្ត្រជាលើកដំបូងដោយបានឆ្លងផុតវគ្គជម្រុះក្នុងពូល និងបានឡើងទៅជុំផ្តាច់ព្រ័ត្រ។ ឆ្លងកាត់៤ប្រកួត ក្រុម U20 កម្ពុជា បានយកឈ្នះ ថៃ ២-១, ឈ្នះព្រុយណេ ៣-០, ឈ្នះ កោះម៉ារីណាខាងជើង ៩-០ និងចាញ់ ម៉ាឡេស៊ី ៤-៥ ដើម្បីក្លាយជាក្រុមលេខ២ល្អបំផុតក្នុងពូលបានឡើងទៅជុំផ្តាច់ព្រ័ត្រ។

កាលពីខែមិថុនា ឆ្នាំ២០២៤ លោក Koji Gyotoku បានដឹកនាំក្រុមយុវជនកម្ពុជាអាយុ១៦ឆ្នាំធ្វើបានល្អមែនទែន វគ្គសន្សំពិន្ទុក្នុងពូលពានរង្វាន ASEAN U-16 Boys Championship នៅប្រទេសឥណ្ឌូណេស៊ី។ ក្រុម U16 កម្ពុជាមិនចាញ់សោះក្នុងការប្រកួតសន្សំពិន្ទុ៣លើកគឺឈ្នះ មីយ៉ាន់ម៉ា ២-១, ឈ្នះ ព្រុយណេ ៦-០ និង ស្មើ វៀតណាម ១-១ ប៉ុន្តែមិនបានឡើងវគ្គពាក់កណ្តាលផ្តាច់ព្រ័ត្រ ដោយសារចាញ់គ្រាប់បាល់វៀតណាម ដែលមាន៧ពិន្ទុស្មើគ្នា។ នៅពូលផ្សេង ថៃ និងអូស្ត្រាលី ក៏មាន៧ពិន្ទុ ស្មើនឹងកម្ពុជាដែរ។

ការប្រកួតជម្រុះក្នុងពូល ពានរង្វាន់ AFC U20 Asian Cup នេះ គឺមាន១០ពូល ដែលក្រុមលេខ១ក្នុងពូលចំនួន១០ និងក្រុមលេខ២ល្អបំផុតក្នុងពូលចំនួន៥ សរុប ១៥ក្រុមឡើងទៅជុំចុងក្រោយ បូករួមទាំងម្ចាស់ផ្ទះចិនត្រូវជា១៦ក្រុម៕

អត្ថបទ៖ វីរបុត្រ

The post U20 កម្ពុជា ប៉ះ ក្រុមជើងឯក អ៊ូបេគីស្ថាន ម៉ោង២ថ្ងៃនេះ appeared first on Kampuchea Thmey Daily.

២៤ក្រុមឡើងជុំទី៣ 2027 AFC Asian Cup ខណៈកម្ពុជាក្រុមអាស៊ាន១គត់ធ្លាក់

chean virakbot — Wed, 11 Sep 2024 05:03:06 +0000

បន្ទាប់ពីការប្រកួតជម្រុះជុំទី២ចប់ ពេលនេះរកឃើញក្រុម២៤ឡើងទៅជុំទី៣ ដែលជាវគ្គជម្រុះក្នុងពូល ពានរង្វាន់ AFC Asian Cup ឆ្នាំ២០២៧ ដែលប្រទេសអារ៉ាប៊ីសាអ៊ូឌីត ធ្វើជាម្ចាស់ផ្ទះ។

ក្រុម៣ដែលជាប់ជម្រុះជុំទី២ និងបានឡើងជុំទី៣គឺ ព្រុយណេ ទីម័រខាងកើត និងស្រីលង្កា។ ការឡើងវគ្គបន្តនេះ ព្រុយណេ បានយកឈ្នះ ម៉ាកាវ ទាំងពីរជើង ៤-០។ ទីម័រខាងកើត យកឈ្នះ ម៉ុងហ្គោលី ទាំងពីរជើង ៤-៣ និង ស្រីលង្កា យកឈ្នះ កម្ពុជា ដោយប៉េណាល់ទី ៤-២ ក្រោយស្មើគ្នា ២-២។

ចំណែក ក្រុមជម្រើសជាតិឡាវ ប៊ូតាន និង ម៉ាល់ឌីវ បានឡើងជុំទី៣ ក្នុងនាមជាក្រុមចាញ់ល្អបំផុតកាលពីជុំទី២ និងក្រោមពេលក្រុមជម្រើសកោះហ្គាម បានដកខ្លួន ដូច្នេះក្រុមទាំង៣នេះបានឡើងទៅជុំទី៣ដោយស្វ័យប្រវត្តិ។

ចំណែក១៨ក្រុមផ្សេងទៀត អាហ្វាហ្គានីស្ថាន ម៉ាឡេស៊ី ស៊ីរី បង់ក្លាដែស មីយ៉ាន់ម៉ា តាជីគីស្ថាន ឆាយនីសតៃប៊ិ នេប៉ាល់ ថៃ ហុងកុង ប៉ាគីស្ថាន តួកមេនីស្ថាន ឥណ្ឌា ហ្វីលីពីន វៀតណាម លីបង់ សិង្ហបុរី និង យេម៉ែន បានឈរចាំនៅជុំទី៣ដោយស្វ័យប្រវត្តិក្នុងនាមជាក្រុមមានចំណាត់ថ្នាក់ FIFA ល្អ។

ក្រុមទាំង២៤ នឹងត្រូវចាប់ឆ្នោតជ្រើសរើសពូលនៅថ្ងៃទី១៩ ខែធ្នូ ឆ្នាំ២០២៤ ដើម្បីបែងចែកជា៦ពូល ក្នុង១ពូលមាន៤ក្រុម។ ការប្រកួតសន្សំពិន្ទុក្នុងពូល លក្ខណៈក្នុងដី និងក្រៅដី ចាប់ពីថ្ងៃទី២៥ ខែមីនា ឆ្នាំ២០២៥ ដល់ថ្ងៃទី៣១ ខែមីនា ឆ្នាំ២០២៦ ដើម្បីជ្រើសរើសយក៦ក្រុមពោលគឺលេខ១ក្នុងពូលនីមួយៗឡើងទៅជុំផ្តាច់ព្រ័ត្រជាមួយក្រុមជម្រើសជាតិ១៨ដែលឈរចាំ។

ក្រុម១៨ដែលនៅចាំជុំចុងក្រោយស្វ័យប្រវត្តិគឺ ម្ចាស់ផ្ទះអារ៉ាប៊ីសាអ៊ូឌីត អូស្ត្រាលី អ៉ីរ៉ាក់ អ៉ីរ៉ង់ អ៊ូបេគីស្ថាន កាតា អារ៉ាប់រួម ជប៉ុន កូរ៉េខាងត្បូង អូម៉ង់ ប៉ាឡេស្ទីន បារ៉ែន ហ្ស៊កដានី ចិន ឥណ្ឌូណេស៊ី កូរ៉េខាងជើង គុយវែត និងគីជីស្ថាន ក្នុងនាមជាក្រុមធ្វើបានល្អក្នុងវគ្គជម្រុះជើងឯកពិភពលោក (FIFA World Cup 2026)។

កម្ពុជាបានក្លាយជាក្រុមអាស៊ានតែ១គត់ក្នុងចំណោម១១ប្រទេសបានធ្លាក់ត្រឹមវគ្គជម្រុះជុំទី២ ខណៈ៩ប្រទេសឡើងទៅជុំទី៣ និងឥណ្ឌូណេស៊ី ជាក្រុមល្អបំផុតរង់ចាំនៅជុំផ្តាច់ព្រ័ត្រ៕

អត្ថបទ៖ វីរបុត្រ

The post ២៤ក្រុមឡើងជុំទី៣ 2027 AFC Asian Cup ខណៈកម្ពុជាក្រុមអាស៊ាន១គត់ធ្លាក់ appeared first on Kampuchea Thmey Daily.

ក្រុមណាឡើងវគ្គបន្ត កម្ពុជា ប៉ះ ស្រីលង្កា យប់នេះជាការជួបគ្នាលើកទី៥?

chean virakbot — Tue, 10 Sep 2024 03:12:29 +0000

ក្រុមបាល់ទាត់ជម្រើសជាតិ កម្ពុជា និង ស្រីលង្កា នឹងមានក្រុមមួយឡើងជុំបន្តក្នុងពានរង្វាន់ 2027 AFC Asian Cup នៅពេលក្រុមទាំងពីរត្រូវជួបគ្នាវគ្គជម្រុះ ជើងទី២ វេលាម៉ោង៧យប់ ថ្ងៃទី១០ ខែកញ្ញា ឆ្នាំ២០២៤ នៅពហុកីឡដ្ឋានជាតិអូឡាំពិក។

ការប្រកួតជើងទី២នេះពិតជាសំខាន់ណាស់សម្រាប់ក្រុមទាំងពីរ បន្ទាប់ពីជើងទី១បញ្ចប់ទៅដោយលទ្ធផលស្មើគ្នា ០-០ កាលពីថ្ងៃទី៥ ខែកញ្ញា ឆ្នាំ២០២៤ នៅទឹកដីស្រីលង្កា ដូច្នេះក្រុមទាំងពីរត្រូវការឈ្នះរៀងៗខ្លាំងដើម្បីបង្កើតប្រវត្តិសាស្ត្រថ្មីឡើងទៅវគ្គបន្ត។

ក្នុងសន្និសីទសារព័ត៌មានកាលពីថ្ងៃទី៩ ខែកញ្ញា ឆ្នាំ២០២៤ លោក Abdullah Almutairi គ្រូបង្វឹកស្រីលង្កា បាននិយាយថា ការប្រកួតនឹងក្លាយជាការប្រកួតដ៏អស្ចារ្យសម្រាប់អ្នកគាំទ្ររបស់ក្រុមជម្រើសជាតិទាំងពីរ។

មុនពេលធ្វើដំណើរមកទឹកដីកម្ពុជា លោក Almutairi បានសន្យាចំពោះអ្នកគាំទ្ររបស់ខ្លួនពីការប្តេជ្ញាយកជ័យជម្នះឲ្យខាងតែបាននៅលើទឹកដីកម្ពុជា។ ជាពិសេសក្រុមរបស់លោកនឹងបង្ហាញទម្រង់ខុសប្លែកពីក្រុមស្រីលង្កាកាលពីមុន។

ជាមួយគ្នានេះ លោក Felix Dalmas បាននិយាយថា នេះជាការប្រកួតលើកទី១សម្រាប់អ្នកគាំទ្រកម្ពុជាដែលឃើញជម្រើសជាតិរបស់ខ្លួនលេងតទល់ជាមួយក្រុមដែលមានកីឡាករស្ទើរតែកីឡាករអឺរ៉ុបទាំងអស់ ហើយលោករំពឹងផ្តល់ភាពរីករាយដល់អ្នកគាំទ្រតាមរយៈលទ្ធផលវិជ្ជមានសម្រាប់ឡើងទៅវគ្គបន្ត។

កម្ពុជាស្ថិតនៅចំណាត់ថ្នាក់លេខ១៨០ ក្នុងតារាងចំណាត់ថ្នាក់ពិភពលោក FIFA Ranking ខណៈ ស្រីលង្កា ស្ថិតនៅលេខ២០៥ ដែលជាចំណាត់ថ្នាក់ទាបបំផុត។ ទោះបីជាចំណាត់ថ្នាក់ខុសគ្នា ប៉ុន្តែបើនិយាយពីគុណភាព និងសមត្ថភាពកីឡាករហាក់មិនសូវខុសប្លែកគ្នាប៉ុន្មានឡើយ។

ស្រីលង្កា បានប្រើប្រាស់កីឡាករដែលហៅមកពីក្រៅប្រទេសស្ទើរទាំងអស់សម្រាប់ជម្រើស១១នាក់ដំបូងនៅលើទីលានកាលពីជើងទី១។ ចំណែកកម្ពុជាកីឡាករទាំងអស់ដែលបង្ហាញខ្លួននៅលើទីលានគឺសុទ្ធតែជាកីឡាករលេងក្នុងលីគកំពូលកម្ពុជា។

កម្ពុជា និង ស្រីលង្កា ធ្លាប់ជួបគ្នា៤លើកគឺកម្ពុជាឈ្នះ២លើក ស្រីលង្កាឈ្នះ១លើក និងស្មើគ្នា១លើក។ ជួបគ្នាលើកដំបូង កម្ពុជាទទួលបានជោគជ័យយ៉ាងធំធេងក្នុងលទ្ធផល ៦-១ សម្រាប់ការប្រកួតមិត្តភាពអន្តរជាតិ នៅក្រៅដី ក្នុងឆ្នាំ១៩៧២។

ការជួបគ្នាលើកទី២ កម្ពុជា បានចាញ់ ស្រីលង្កា ដោយលទ្ធផល ០-១ សម្រាប់ការប្រកួតមិត្តភាពអន្តរជាតិ នៅក្រៅដីកាលពីឆ្នាំ២០០១។ ការជួបគ្នាលើកទី៣ក្នុងការប្រកួតមិត្តភាពអន្តរជាតិដោយកម្ពុជាបានលត់ស្រីលង្កា ដោយលទ្ធផល ៤-០ នៅទឹកដីរបស់កម្ពុជាកាលពីឆ្នាំ២០១៦។

ចុងក្រោយបំផុត ក្រុមទាំងពីរបានបញ្ចប់ដោយលទ្ធផលស្មើគ្នា ០-០ ជើងទី១ វគ្គជម្រុះ AFC 2027 Asian Cup។

ប្រវត្តិជួបគ្នា៤លើក

ស្រីលង្កា ១-៦ កម្ពុជា (មិត្តភាពអន្តរជាតិ ឆ្នាំ១៩៧២)
ស្រីលង្កា ១-០ កម្ពុជា (មិត្តភាពអន្តរជាតិ ឆ្នាំ២០០១)
កម្ពុជា ៤-០ ស្រីលង្កា (មិត្តភាពអន្តរជាតិ ឆ្នាំ២០១៦)
ស្រីលង្កា ០-០ កម្ពុជា (ជម្រុះពានរង្វាន់ AFC Asian Cup 2027) ឆ្នាំ២០២៤

សូមបញ្ជាក់ថា ការប្រកួតជម្រុះនេះត្រូវជ្រើសរើសក្រុមចំនួន៣ឡើងទៅជុំទី៣ (វគ្គជម្រុះក្នុងពូល) ក្នុងចំណោមប្រទេស៦គឺ ម៉ុងហ្គោលី ទីម័រខាងកើត ព្រុយណេ ម៉ាកាវ ស្រីលង្កា និងកម្ពុជា។

លទ្ធផលជម្រុះជើងទី១

ទីម័រខាងកើត ៤-១ ម៉ុងហ្គោលី
ព្រុយណេ ៣-០ ម៉ាកាវ
ស្រីលង្កា ០-០ កម្ពុជា

កម្មវិធីប្រកួត ជើងទី២ ថ្ងៃទី១០ ខែកញ្ញា ឆ្នាំ២០២៤

ម៉ុងហ្គោលី vs ទីម័រខាងកើត (ម៉ោង៣រសៀល)
កម្ពុជា vs ស្រីលង្កា (ម៉ោង៧យប់)
ម៉ាកាវ vs ព្រុយណេ (ម៉ោង៨យប់)

អត្ថបទ៖ វីរបុត្រ

The post ក្រុមណាឡើងវគ្គបន្ត កម្ពុជា ប៉ះ ស្រីលង្កា យប់នេះជាការជួបគ្នាលើកទី៥? appeared first on Kampuchea Thmey Daily.

គ្រូស្រីលង្កាជឿថា ក្រុមខ្លួននឹងឈ្នះកម្ពុជា នៅជើងទី២

Pha Rothana — Fri, 06 Sep 2024 04:10:22 +0000

ការប្រកួតជើងទី១ វគ្គជម្រុះពានរង្វាន់ AFC Asian Cup 2027 រវាងក្រុមជម្រើសជាតិស្រីលង្កា និង ជម្រើសជាតិកម្ពុជា បានបញ្ចាប់ក្នុងលទ្ធផលស្មើគ្នា ០-០ នៅថ្ងៃទី៥ ខែកញ្ញា ឆ្នាំ២០២៤។

លោក Abdullah Al Mutairi គ្រូបង្វឹកក្រុមជម្រើសជាតិស្រីលង្កា បានលើកឡើងថា ប្រសិនការប្រកួតមានគ្រាប់បាល់នៅជើងទី១ ប្រហែលជាល្អសម្រាប់ស្រីលង្កាក្នុងនាមជាម្ចាស់ផ្ទះ។ ទោះបីជាយ៉ាងណា លោកនៅតែជឿជាក់លើក្រុមរបស់លោកនឹងទទួលបានជ័យជម្នះសម្រាប់ការប្រកួតជើងទី២នៅទឹកដីកម្ពុជា។

ការជឿជាក់បែបនេះ បន្ទាប់ពីក្រុមរបស់លលោកបានបង្ហាញទម្រង់លេងយ៉ាងល្អដោយបានដាក់សម្ពាធខ្លាំងលើក្រុមភ្ញៀវ ទាំងកាគ្រប់គ្រងបាល់ និងបង្កើតឱកាសគ្រោះថ្នាក់នៅប្រអប់ទីរបស់កម្ពុជា ប៉ុន្តែគ្មានសំណាងទម្លាយសំណាញ់ទី។

លោក Mutairi បាននិយាយថា ៖«វានឹងល្អជាងនេះ បើយើងរកបានគ្រាប់បាល់ និងឈ្នះការប្រកួតនេះ។ យើងបានសន្យាចំពោះអ្នកគាំទ្រថា យើងនឹងបង្ហាញទម្រង់លេងខុសប្លែកពីធម្មតា។ យើងមិនអាចបញ្ចប់ទីបានល្អ ប៉ុន្តែយើងបានលេងតាមការគម្រោងទុក។ យើងធានាចំពោះប្រជាជនរបស់យើងថា យើងទៅប្រកួតនៅក្រៅដី ដើម្បីជោគជ័យ និងឡើងទៅជុំបន្ទាប់»។

លោក Abdullah Al Mutairi ទើបចូលដឹកនាំក្រុមស្រីលង្កាក្នុងនាមជាគ្រូបង្វឹកបណ្ដោះអាសន្នកាលពីប៉ុន្មានសប្តាហ៍មុនប៉ុណ្ណោះ ប៉ុន្តែលោកបានដើរតួយ៉ាងសំខាន់ក្នុងការរៀបចំក្រុមដោយបានកោះហៅកីឡាករមកពីក្រៅប្រទេស១៥នាក់។

ចំពោះការប្រកួតនៅជើងទី២ នឹងធ្វើនៅថ្ងៃទី១០ ខែកញ្ញា នៅពហុកីឡដ្ឋានជាតិអូឡាំពិក ប្រទេសកម្ពុជា៕

ប្រែសម្រួល៖ ផា រតនា

The post គ្រូស្រីលង្កាជឿថា ក្រុមខ្លួននឹងឈ្នះកម្ពុជា នៅជើងទី២ appeared first on Kampuchea Thmey Daily.

AFC Asian Cup Archives - Kampuchea Thmey Daily

លោក​ Koji ចង់​ឲ្យ​ U-23​ កម្ពុជា​បន្ត​ខំប្រឹង​លេង​ដូច​យប់​មិញ​នៅ​លីគ​កំពូល​កម្ពុជា​

ថ្ងៃ​នេះ ក្រុម​អាស៊ាន​ទាំង​ ៩ ប្រកួត​ជម្រុះ AFC Asian Cup ជុំទី​២

បើ​ត្រូវ​ជំនួស​ អាច​ជា​កម្ពុជា បន្ទាប់​ពី​ប៉ាគីស្ថាន​ដក​ខ្លួន​ពី Asian Cup

កម្ពុជា អាច​ជំនួសនៅពាន Asian Cup បើ FIFA ព្យួរ ប៉ាគីស្ថាន តម្កល់ទុក

U20 កម្ពុជា ប៉ះ ក្រុមជើងឯក អ៊ូបេគីស្ថាន ម៉ោង​២ថ្ងៃនេះ

២៤ក្រុម​ឡើង​ជុំទី៣ 2027 AFC Asian Cup ខណៈកម្ពុជា​ក្រុម​អាស៊ាន១គត់ធ្លាក់

ក្រុមណាឡើងវគ្គបន្ត កម្ពុជា ប៉ះ ស្រីលង្កា យប់នេះ​ជា​ការ​ជួប​គ្នា​លើក​ទី​៥?

គ្រូស្រីលង្កាជឿថា ក្រុមខ្លួននឹងឈ្នះកម្ពុជា នៅជើង​ទី២

លោក Koji ចង់ឲ្យ U-23 កម្ពុជាបន្តខំប្រឹងលេងដូចយប់មិញនៅលីគកំពូលកម្ពុជា

ថ្ងៃនេះ ក្រុមអាស៊ានទាំង ៩ ប្រកួតជម្រុះ AFC Asian Cup ជុំទី២

បើត្រូវជំនួស អាចជាកម្ពុជា បន្ទាប់ពីប៉ាគីស្ថានដកខ្លួនពី Asian Cup

កម្ពុជា អាចជំនួសនៅពាន Asian Cup បើ FIFA ព្យួរ ប៉ាគីស្ថាន តម្កល់ទុក

U20 កម្ពុជា ប៉ះ ក្រុមជើងឯក អ៊ូបេគីស្ថាន ម៉ោង២ថ្ងៃនេះ

២៤ក្រុមឡើងជុំទី៣ 2027 AFC Asian Cup ខណៈកម្ពុជាក្រុមអាស៊ាន១គត់ធ្លាក់

ក្រុមណាឡើងវគ្គបន្ត កម្ពុជា ប៉ះ ស្រីលង្កា យប់នេះជាការជួបគ្នាលើកទី៥?

គ្រូស្រីលង្កាជឿថា ក្រុមខ្លួននឹងឈ្នះកម្ពុជា នៅជើងទី២