AFF Women’s Cup Archives - Kampuchea Thmey Daily

កម្ពុជា ត្រូវបង្កើនការប្រកួតនារីឲ្យច្រើន ទើបអាចប្រជែងនឹងក្រុមកម្រិតខ្ពស់

Pha Rothana — Mon, 09 Dec 2024 02:57:02 +0000

ឆ្នាំ២០២៥ខាងមុខ ក្រុមបាល់ទាត់នារីកម្ពុជាមានភារកិច្ចក្នុងពានរង្វាន់អន្ដរជាតិធំ២គឺព្រឹត្តិការណ៍កីឡាសុីហ្គេមនៅប្រទេសថៃ និងការប្រកួតពានរង្វាន់ ASEAN Championship។

លោក ឃួន ឡាបូរ៉ាវី គ្រូបង្វឹកក្រុមបាល់ទាត់ជម្រើសជាតិនារីកម្ពុជា បានប្រាប់សារព័ត៌មាន«កម្ពុជាថ្មី»ថា ៖«ការប្រកួតអន្តរជាតិ២នៅឆ្នាំក្រោយ ពិតជាសំខាន់សម្រាប់ការអភិវឌ្ឍក្រុម ប៉ុន្តែអ្វីដែលយើងយកចិត្តទុកដាក់មុននឹងយើងអាចទៅប្រជែងជាមួយគេបានគឺការអភិវឌ្ឍលីគនារីឲ្យប្រសើរ។ ពីព្រោះក្រុមជម្រើសជាតិនារីយើងមិនអាចធ្វើអ្វីបានច្រើនទេ សំខាន់នៅក្នុងក្រុមគាត់ផ្ទាល់។ ពេលកីឡាការិនីទទួលបានបទពិសេធច្រើនក្នុងការលេងកម្រិតខ្ពស់ ដូច្នេះពេលពួកគាត់ប៉ះក្រុមជម្រើសខ្លាំងលើឆាកអន្តរចាតិ ពួកគាត់មានអារម្មណ៍ធម្មតា មិនមានសម្ពាធអ្វីទេ»។

មុនការប្រកួតពានរង្វាន់ AFF Women’s Cup ឆ្នាំ២០២៤ចាប់ផ្ដើម សហព័ន្ធកីឡាបាល់ទាត់កម្ពុជា បានរៀបចំការប្រកួតលីគនារី។ ការប្រកួតលីគនារីនេះហើយបានជួយឲ្យកីឡាការិនីបាល់ទាត់តាមបណ្តាក្លិបនានាបង្ហាញសមត្ថភាព បង្កើនបទពិសោធ និងបច្ចេកទេស។ ប្រការនេះបានជួយឲ្យសហព័ន្ធកីឡាបាល់ទាត់កម្ពុជាមានលទ្ធភាពជ្រើសរើសកីឡាការិនីដើម្បីត្រៀមខ្លួនបានល្អ។

ជាលទ្ធផល ក្រុមនារីកម្ពុជាធ្វើបានល្អក្នុងពានរង្វាន់ AFF Women’s Cup ឆ្នាំ២០២៤ដោយទទួលបានចំណាត់ថ្នាក់លេខ១ និងទទួលបានកៅអីឡើងទៅពានរង្វាន់កម្រិតទី១ ASEAN Championship ឆ្នាំ២០២៥។

លោក ឃួន ឡាបូរ៉ាវី បានបន្ថែមថា ៖«នេះជាអ្វីដែលខ្ញុំតែងតែមើលឃើញ។ មុនពេលខ្ញុំចូលមកដឹកនាំក្រុមនារី ខ្ញុំបានឃើញពីសក្ដានុពលរបស់កីឡាការិនីរបស់យើង ប៉ុន្តែដោយសារយើងមិនទាន់ធ្វើអស់ពីសមត្ថភាពទេ ទាក់ទងជាមួយការអភិវឌ្ឍពួកគាត់។ ឧទាហរណ៍ យើងមានតែលីគនារី ប៉ុន្តែលីគយុវជនរបស់នារីគឺអត់មាន។ ដូច្នេះបច្ចេកទេសមូលដ្ឋានគ្រឹះរបស់ពួកគាត់មិនល្អទេ។ ប្រសិនមានការប្រកួតកម្រិតយុវជននារីបន្ថែម យើងនឹងសំបូរធនធានកីឡាការិនីច្រើន»។

អត្ថបទ៖ ផា រតនា

The post កម្ពុជា ត្រូវបង្កើនការប្រកួតនារីឲ្យច្រើន ទើបអាចប្រជែងនឹងក្រុមកម្រិតខ្ពស់ appeared first on Kampuchea Thmey Daily.

លោកគ្រូ ឃួន ឡាប៊ូរ៉ាវី សូមទោសដែលមិនអាចយកពានជូនជាតិ

chean virakbot — Fri, 06 Dec 2024 01:37:53 +0000

លោក ឃួន ឡាប៊ូរ៉ាវី គ្រូបង្វឹកក្រុមបាល់ទាត់នារីជម្រើសជាតិកម្ពុជាសូមទោសដែលមិនអាចយកពានរង្វាន់ ASEAN Women’s Cup ឆ្នាំ២០២៤ មកស្រុកកំណើតបាន ប៉ុន្តែលោកសប្បាយចិត្តនូវទម្រង់លេងរបស់ក្រុមបាល់ទាត់នារីកម្ពុជា។

លោកបាននិយាយថា ៖«សូមទោសដែលខ្ញុំអាចយកពានរង្វាន់ទៅស្រុកកំណើតបាន ប៉ុន្តែខ្ញុំពិតជាសប្បាយចិត្តសម្រាប់ការលេងរបស់ក្រុមកីឡាការិនីនៅក្នុងព្រឹត្តិការណ៍នេះ។ យើងបានកែប្រែចិត្តគំនិតដែលយើងអាចលេងបាល់ទាត់នៅក្នុងសម័យទំនើប»។

ក្រុមនារីកម្ពុជាបានចាញ់ ក្រុមនារីឥណ្ឌូណេស៊ី ដោយលទ្ធផល ១-៣ ក្នុងវគ្គផ្តាច់ព្រ័ត្រពានរង្វាន់ ASEAN Women’s Cup យប់ថ្ងៃទី៥ ខែធ្នូ ឆ្នាំ២០២៤ នៅប្រទេសឡាវ ដើម្បីទទួលបានចំណាត់ថ្នាក់លេខ២។ យ៉ាងណា នេះជាកំណត់ត្រាថ្មីដំបូងមិនធ្លាប់មានក្នុងវិស័យបាល់ទាត់កម្ពុជាដែលឈានដល់វគ្គផ្តាច់ព្រ័ត្រសម្រាប់ពានរង្វាន់អន្តរជាតិ។

ជាពិសេសក្រុមបាល់ទាត់នារីកម្ពុជារំកិលខ្លួនពីកម្រិតទី២ឡើងទៅកម្រិតទី១ ពានរង្វាន់ ASEAN Women’s Championship ឆ្នាំ២០២៥ ដែលប្រជុំដោយក្រុមខ្លាំងគឺ ថៃ វៀតណាម ហ្វីលីពីន និងមីយ៉ាន់ម៉ា។

សម្រាប់ព្រឹត្តិការណ៍ ASEAN Women’s Cup នេះ ក្រុមនារីកម្ពុជាបានឈ្នះ២ប្រកួត ស្មើ១ប្រកួត និងចាញ់១ប្រកួត ដោយស៊ុតចូលដៃគូ៦គ្រាប់ និងត្រូវបានដៃគូស៊ុតចូល៣គ្រាប់។ កីឡាការិនីកម្ពុជា ពឿន គន្ធា បានក្លាយជាម្ចាស់ពានរង្វាន់ស្បែកជើងមាស ក្នុងនាមជាកីឡាការិនីរកបានគ្រាប់បាល់បានច្រើនជាងគេប្រចាំព្រឹត្តិការណ៍។

លោក ឃួន ឡាប៊ូរ៉ាវី បានក្លាយជាគ្រូបង្វឹកកម្ពុជាទី១ដែលបានដឹកនាំក្រុមឈានដល់វគ្គផ្តាច់ព្រ័ត្រក្នុងពានរង្វាន់ផ្លូវការអន្តរជាតិ។ នេះជាលើកដំបូងហើយដែលលោកទទួលបន្ទុកជាគ្រូបង្គោលជម្រើសជាតិ ខណៈកន្លងមកលោកធ្លាប់ធ្វើជាគ្រូជំនួយ បន្ទាប់ពីលោកបានចូលនិវត្តន៍ពីអាជីពជាកីឡាករបាល់ទាត់៕

អត្ថបទ៖ វីរបុត្រ

The post លោកគ្រូ ឃួន ឡាប៊ូរ៉ាវី សូមទោសដែលមិនអាចយកពានជូនជាតិ appeared first on Kampuchea Thmey Daily.

កំណត់ត្រា៣របស់ក្រុមនារីកម្ពុជាលើឆាកអន្តរជាតិ

chean virakbot — Fri, 06 Dec 2024 01:04:46 +0000

ក្រុមបាល់ទាត់នារីជម្រើសជាតិកម្ពុជាទទួលបានចំណាត់ថ្នាក់លេខ២ពានរង្វាន់ ASEAN Women’s Cup ឆ្នាំ២០២៤ បន្ទាប់ពីបានចាញ់ ក្រុមនារីឥណ្ឌូណេស៊ី ដោយលទ្ធផល ១-៣ នៅវគ្គផ្តាច់ព្រ័ត្រ យប់ថ្ងៃទី៥ ខែធ្នូ ឆ្នាំ២០២៤ នៅប្រទេសឡាវ។

ក្រុមបាល់ទាត់នារីកម្ពុជាធ្វើបានយ៉ាងល្អឥតខ្ចោះចាប់តាំងពីវគ្គសន្សំពិន្ទុក្នុងពូលរហូតដល់វគ្គផ្តាច់ព្រ័ត្រ។ នៅវគ្គសន្សំពិន្ទុក្នុងពូល ក្រុមនារីកម្ពុជាបានឈ្នះម៉ាឡេស៊ី ២-០ និងស្មើ ឥណ្ឌូណេស៊ី ០-០ រកបាន៤ពិន្ទុ ឈរលើកំពូលតារាងពូល A ដើម្បីផ្លងផុតវគ្គជម្រុះក្នុងពូល។

នៅវគ្គពាក់កណ្តាលផ្តាច់ព្រ័ត្រ ក្រុមនារីកម្ពុជាបានឈ្នះ ទីម័រខាងកើត ដោយលទ្ធផល ៣-០ ដើម្បីបន្តដំណើរទៅដល់វគ្គផ្តាច់ព្រ័ត្រដែលជួបឥណ្ឌូណេស៊ីជាថ្មី បានចាញ់ដោយលទ្ធផល ១-៣ ដើម្បីទទួលបានចំណាត់ថ្នាក់លេខ២។ តាមរយៈការទទួលបានចំណាត់ថ្នាក់លេខ២នេះ ក្រុមនារីកម្ពុជាទទួលបានកៅអីឡើងទៅប្រកួតពានរង្វាន់កម្រិតទី១ ASEAN Women’s Championship ឆ្នាំ២០២៥។

ក្រុមនារីឡើងទៅពានរង្វាន់ ASEAN Women’s Championship 2025

លេខ១៖ ក្រុមនារីឥណ្ឌូណេស៊ី
លេខ២៖ ក្រុមនារីកម្ពុជា
លេខ៣៖ ក្រុមនារីសិង្ហបុរី

តាមរយៈសមិទ្ធផលនេះ ក្រុមបាល់ទាត់នារីកម្ពុជាបានបង្កើតកំណត់ត្រា៣យ៉ាងលើឆាកអន្តរជាតិ។

ឡើងវគ្គពាក់កណ្តាលផ្តាច់ព្រ័ត្រ កីឡាស៊ីហ្គេម លើកដំបូង ឆ្នាំ២០២៣
ឡើងវគ្គពាក់កណ្តាលផ្តាច់ព្រ័ត្រ ពាន ASEAN Women’s Cup ឆ្នាំ២០២៤ លើកដំបូង
ឡើងវគ្គផ្តាច់ព្រ័ត្រ ពាន ASEAN Women’s Cup ឆ្នាំ២០២៤ លើកដំបូង ដោយទទួលបានចំណាត់ថ្នាក់លេខ២

កន្លងមក ក្រុមបាល់ទាត់បុរសកម្ពុជាធ្លាប់ទទួលបានពានរង្វាន់ក្នុងវគ្គជម្រុះ AFF Championship កាលពីឆ្នាំ២០១៦ដោយបានយកឈ្នះ ឡាវ ដោយលទ្ធផល ២-១, ឈ្នះ ព្រុយណេ ដោយលទ្ធផល ៣-០ និងឈ្នះ ទីម័រខាងកើត ដោយលទ្ធផល ៣-២ ដើម្បីទទួល បានកៅអីឡើងជុំចុងក្រោយ 2016 AFF Championship និងក្រុម U23 កម្ពុជាធ្លាប់ឡើងវគ្គពាក់កណ្តាលផ្តាច់ព្រ័ត្រកីឡាស៊ីហ្គេម ឆ្នាំ២០១៩៕

អត្ថបទ៖ វីរបុត្រ

The post កំណត់ត្រា៣របស់ក្រុមនារីកម្ពុជាលើឆាកអន្តរជាតិ appeared first on Kampuchea Thmey Daily.

ចូលរួមលើកទឹកចិត្ត ក្រុមនារីកម្ពុជា ទទួលបានលេខ២ ពាន ASEAN Women’s Cup 2024

chean virakbot — Thu, 05 Dec 2024 14:44:07 +0000

ក្រុមបាល់ទាត់នារីជម្រើសជាតិកម្ពុជាទទួលបានចំណាត់ថ្នាក់លេខ២ ពានរង្វាន់ ASEAN Women’s Cup ឆ្នាំ២០២៤ បន្ទាប់ពីចាញ់ ក្រុមនារីឥណ្ឌូណេស៊ី ដោយលទ្ធផល ១-៣ ក្នុងវគ្គផ្តាច់ព្រ័ត្រ យប់ថ្ងៃទី៥ ខែធ្នូ ឆ្នាំ២០២៤ នៅប្រទេសឡាវ។

នៅវគ្គពាក់កណ្តាលផ្តាច់ព្រ័ត្រ ក្រុមនារីកម្ពុជាបានឈ្នះ ទីម័រខាងកើត ដោយលទ្ធផល ៣-០ ដើម្បីបន្តដំណើរទៅដល់វគ្គផ្តាច់ព្រ័ត្រដែលជួបឥណ្ឌូណេស៊ីជាថ្មី ប៉ុន្តែបានចាញ់ដោយលទ្ធផល ១-៣។

ក្រុមនារីឡើងទៅពានរង្វាន់ ASEAN Women’s Championship 2025

លេខ១៖ ក្រុមឥណ្ឌូណេស៊ី
លេខ២៖ ក្រុមនារីកម្ពុជា
លេខ៣៖ ក្រុមនារីសិង្ហបុរី

អត្ថបទ៖ វីរបុត្រ

The post ចូលរួមលើកទឹកចិត្ត ក្រុមនារីកម្ពុជា ទទួលបានលេខ២ ពាន ASEAN Women’s Cup 2024 appeared first on Kampuchea Thmey Daily.

យប់នេះ កម្ពុជា បោះជំហានទៅបង្កើតប្រវត្តិសាស្ត្រថ្មីក្នុងបាល់ទាត់ ជាមួយឥណ្ឌូណេស៊ី

chean virakbot — Thu, 05 Dec 2024 00:59:40 +0000

វេលាម៉ោង៧:៣០នាទីយប់ ថ្ងៃទី៥ ខែធ្នូ ឆ្នាំ២០២៤ ក្រុមបាល់ទាត់នារីជម្រើសជាតិកម្ពុជា ប្រកួតជាមួយ ក្រុមនារីឥណ្ឌូណេស៊ី វគ្គផ្តាច់ព្រ័ត្រពានរង្វាន់ ASEAN Women’s Cup នៅប្រទេសឡាវដើម្បីបង្កើតប្រវត្តិសាស្ត្រថ្មីក្នុងវិស័យបាល់ទាត់។

ក្រុមនារីកម្ពុជាត្រូវបានជ្រើសរើសកីឡាការិនីស្ទើរទាំងស្រុងចេញពីក្រុមលេងក្នុងលីគបាល់ទាត់នារីកម្ពុជា ប៉ុន្តែក៏មានកីឡាការិនីខ្មែរ-កាណាដាម្នាក់មកពីក្រៅប្រទេសគឺ ឈីវ សាលីណា។

ក្រុមនារីឥណ្ឌូណេស៊ី បានរៀបចំខ្លួនយ៉ាងល្អសម្រាប់ការប្រកួតក្នុងពានរង្វាន់ ASEAN Wome’s Cup នេះ។ ពួកគេមិនត្រឹមតែជ្រើសរើសកីឡាការិនីល្អៗនៅក្នុងស្រុកប៉ុណ្ណោះទេ ប៉ុន្តែជ្រើសរើសកីឡាការិនីមកពីក្រៅប្រទេសរហូតដល់៥នាក់។

កីឡាការិនី Claudia Scheunemann អាយុទើប១៥ឆ្នាំជាកម្លាំងដ៏សំខាន់របស់ឥណ្ឌូណេស៊ី។ កីឡាការិនីរូបនេះរកបាន២គ្រាប់ហើយក្នុងព្រឹត្តិការណ៍នេះគឺរកបាន១គ្រាប់នៅពេលឈ្នះ ម៉ាឡេស៊ី ១-០ នៅវគ្គសន្សំពិន្ទុក្នុងពូល និង១គ្រាប់ទៀតនៅពេលឈ្នះ សិង្ហបុរី ៣-០ នៅវគ្គពាក់កណ្តាលផ្តាច់ព្រ័ត្រ។

សម្រាប់កម្ពុជាវិញ កីឡាការិនី ពឿន គន្ធា ដែលលេងក្នុងតំណែងបម្រើការពារកំពុងក្លាយជាកីឡាការិនីរកបានគ្រាប់បាល់ច្រើនជាងគេក្នុងពានរង្វាន់ ASEAN Wome’s Cup គឺរកបាន១គ្រាប់នៅពេលកម្ពុជា ឈ្នះ ម៉ាឡេស៊ី ២-០ វគ្គសន្សំពិន្ទុក្នុងពូល និង២គ្រាប់ទៀតរកបាននៅពេលកម្ពុជាឈ្នះ ទីម័រខាងកើត ៣-០ នៅវគ្គពាក់កណ្តាលផ្តាច់ព្រ័ត្រ។

កីឡាការិនីឥណ្ឌូណេស៊ី Claudia Scheunemann (២គ្រាប់) កំពុងប្រជែងស្បែកជើងមាសជាមួយកីឡាការិនីកម្ពុជា ពឿន គន្ធា (៣គ្រាប់)។

នេះជាប្រវត្តិសាស្ត្រដំបូងសម្រាប់ក្រុមទាំងពីរបានឈានដល់វគ្គផ្តាច់ព្រ័ត្រ។ ក្រុមទទួលបានជ័យជម្នះនឹងស្គាល់រសជាតិពានរង្វាន់អន្តរជាតិដំបូង។ ជាពិសេស វិស័យបាល់ទាត់កម្ពុជាមិនធ្លាប់ទទួលបានពានរង្វាន់ ឬមេដាយអន្តរជាតិឡើយ ទាំងបុរស និងនារី តាំងពីក្រោយសម័យសង្គ្រាម។

ប្រវត្តិជួបគ្នា២លើកកន្លងមក ក្រុមនារីកម្ពុជាមិនធ្លាប់ឈ្នះក្រុមនារីឥណ្ឌូណេស៊ីឡើយ។ ជួបគ្នាលើកទី១ កម្ពុជា ចាញ់ ៤-០ ក្នុងពានរង្វាន់ AFF Women’s Championship កាលពីឆ្នាំ២០១៩ និងលើកទី២ស្មើគ្នា ០-០ ក្នុងពានរង្វាន់ ASEAN Wome’s Cup ឆ្នាំ២០២៤នេះ។

ទោះបីជាយ៉ាងណា បើផ្អែកលើទម្រង់លេងដែលលទ្ធផលស្មើគ្នាចុងក្រោយគឺ ក្រុមនារីកម្ពុជាហាក់ល្អប្រសើរជាងទាំងការគ្រប់គ្រងបាល់ និងឱកាសស៊ុតមុខទេ ប៉ុន្តែគ្មានសំណាងរកបានគ្រាប់បាល់ទម្លាយសំណាញ់ទីឥណ្ឌូណេស៊ី ដូច្នេះការជួបគ្នាលើកទី៣ វគ្គផ្តាច់ព្រ័ត្រដណ្តើមលេខ១ ពានរង្វាន់ ASEAN Wome’s Cup គឺជាឱកាសល្អសម្រាប់ក្រុមនារីកម្ពុជា។

សូមបញ្ជាក់ថា ក្រុមទទួលបានចំណាត់ថ្នាក់លេខ១ លេខ២ និងលេខ៣ ក្នុងពានរង្វាន់ ASEAN Women’s Cup ឆ្នាំ២០២៤នេះទទួលបានកៅអីឡើងទៅកាន់ពានរង្វាន់កម្រិតទី១ ASEAN Women’s Championship ឆ្នាំ២០២៥។ ពេលនេះ កម្ពុជា និងឥណ្ឌូណេស៊ី បានកក់កៅរួចហើយ ខណៈ ទីម័រខាងកើត និង សិង្ហបុរី ត្រូវប្រកួតដណ្តើមយកចំណាត់ថ្នាក់លេខ៣៕

អត្ថបទ៖ វីរបុត្រ

The post យប់នេះ កម្ពុជា បោះជំហានទៅបង្កើតប្រវត្តិសាស្ត្រថ្មីក្នុងបាល់ទាត់ ជាមួយឥណ្ឌូណេស៊ី appeared first on Kampuchea Thmey Daily.

តើកម្ពុជា ស្គាល់រសជាតិពានអន្តរជាតិដំបូងទេ ពេលប៉ះឥណ្ឌូណេស៊ី ថ្ងៃស្អែក?

chean virakbot — Wed, 04 Dec 2024 04:04:55 +0000

ក្រុមបាល់ទាត់នារីជម្រើសជាតិកម្ពុជានឹងប្រកួតជាមួយ ក្រុមនារីឥណ្ឌូណេស៊ី វគ្គផ្តាច់ព្រ័ត្រពានរង្វាន់ ASEAN Wome’s Cup វេលាម៉ោង៧:៣០នាទីយប់ ថ្ងៃទី៥ ខែធ្នូ ឆ្នាំ២០២៤ នៅប្រទេសឡាវ។

ក្រុមនារីកម្ពុជា

នេះជាប្រវត្តិសាស្ត្រដំបូងសម្រាប់ក្រុមទាំងពីរបានឈានដល់វគ្គផ្តាច់ព្រ័ត្រ។ ក្រុមទទួលបានជ័យជម្នះនឹងស្គាល់រសជាតិពានរង្វាន់អន្តរជាតិដំបូង។ ជាពិសេស វិស័យបាល់ទាត់កម្ពុជាមិនធ្លាប់ទទួលបានពានរង្វាន់ ឬមេដាយអន្តរជាតិឡើយទាំងបុរស និងនារី ចាប់តាំងពីក្រោយសម័យសង្គ្រាមមក។

ក្រុមនារីកម្ពុជាស្ថិតក្រោមការដឹកនាំរបស់លោកគ្រូបង្វឹក ឃួន ឡាប៊ូរ៉ាវី បានជ្រើសរើសកីឡាការិនីស្ទើរទាំងស្រុងចេញពីក្រុមលេងក្នុងលីគបាល់ទាត់នារីកម្ពុជា ប៉ុន្តែក៏មានកីឡាការិនីខ្មែរ-កាណាដាម្នាក់មកពីក្រៅប្រទេសគឺ ឈីវ សាលីណា។

ចំណែក ក្រុមនារីឥណ្ឌូណេស៊ី បានរៀបចំខ្លួនយ៉ាងល្អសម្រាប់ការប្រកួតក្នុងពានរង្វាន់ ASEAN Wome’s Cup នេះ។ ពួកគេមិនត្រឹមតែជ្រើសរើសកីឡាការិនីល្អៗនៅក្នុងស្រុកប៉ុណ្ណោះទេ ប៉ុន្តែជ្រើសរើសកីឡាការិនីមកពីក្រៅប្រទេសរហូតដល់៥នាក់។

ក្រុមនារីឥណ្ឌូណេស៊ី

សមាជិកឥណ្ឌូណេស៊ីដែលកោះហៅមកពីក្រៅប្រទេសគឺ ខ្សែការពារ Noa Leatomu អាយុ២១ឆ្នាំ លេងនៅក្លិប Alemannia Aachen ប្រទេសអាល្លឺម៉ង់។ ខ្សែបម្រើ Katarina Stalin អាយុ១៥ឆ្នាំ លេងនៅក្លិប Sporting Blue Valley សហរដ្ឋអាមេរិក។ ខ្សែបម្រើ Estella Loupatty អាយុ២១ឆ្នាំ លេងនៅក្លិប AFC Vrouwen ប្រទេសហូឡង់ និងខ្សែប្រយុទ្ធ Claudia Scheunemann អាយុ១៥ឆ្នាំ លេងនៅក្លិប Hamburger SV ប្រទេសអាល្លឺម៉ង់ និងខ្សែប្រយុទ្ធ Sydney Hopper អាយុ១៧ឆ្នាំ លេងនៅក្លិប Tulsa SC សហរដ្ឋអាមេរិក។

កីឡាការិនី Claudia Scheunemann (លេខ៩)

ថ្វីត្បិតអាយុទើប១៧ឆ្នាំ Claudia រកបាន១៣គ្រាប់ឲ្យជម្រើសជាតិនារីឥណ្ឌូណេស៊ីគឺ១គ្រាប់នៅក្រុម U17, ៦គ្រាប់នៅ U20 និង ៦គ្រាប់នៅក្រុមធំ។ កីឡាការិនីរូបនេះធ្លាប់ស៊ុតចូលកម្ពុជា១គ្រាប់ក្នុងការប្រកួត AFF U19 Women’s Championship កាលពីឆ្នាំ២០២៣។

កីឡាការិនី ពឿន គន្ធា

កីឡាការិនី Claudia Scheunemann (២គ្រាប់) កំពុងជាបេក្ខភាពប្រជែងស្បែកជើងមាសជាមួយកីឡាការិនី ពឿន គន្ធា (៣គ្រាប់)។

សូមបញ្ជាក់ថា ក្រុមលេខ១ លេខ២ និងលេខ៣ ក្នុងពានរង្វាន់ ASEAN Wome’s Cup ឆ្នាំ២០២៤នេះទទួលបានកៅអីឡើងទៅកាន់ពានរង្វាន់កម្រិតទី១ ASEAN Women’s Championship ឆ្នាំ២០២៥។ ពេលនេះ កម្ពុជា និងឥណ្ឌូណេស៊ី បានកក់កៅរួច ហើយ ខណៈ ទីម័រខាងកើត និង សិង្ហបុរី ត្រូវប្រកួតដណ្តើមយកចំណាត់ថ្នាក់លេខ៣៕

អត្ថបទ៖ វីរបុត្រ

The post តើកម្ពុជា ស្គាល់រសជាតិពានអន្តរជាតិដំបូងទេ ពេលប៉ះឥណ្ឌូណេស៊ី ថ្ងៃស្អែក? appeared first on Kampuchea Thmey Daily.

រឿងអស្ចារ្យមួយទៀត! ក្រុមនារីកម្ពុជា ទទួលបានកៅអី ASEAN Women’s Championship 2025

chean virakbot — Mon, 02 Dec 2024 10:18:18 +0000

ក្រុមបាល់ទាត់នារីកម្ពុជាបានធានាកៅអីឡើង ពានរង្វាន់នារីលំដាប់ទី១ប្រចាំតំបន់អាស៊ាន ASEAN Women’s Championship 2025 ដោយស្វ័យប្រវត្តិ បន្ទាប់ពីឈ្នះ ទីម័រខាងកើត ដោយលទ្ធផល ៣-០ វគ្គពាក់កណ្តាលផ្តាច់ព្រ័ត្រ ក្នុងពានរង្វាន់ ASEAN Women’s Cup នៅថ្ងៃទី២ ខែធ្នូ ឆ្នាំ២០២៤។

ពានរង្វាន់ ASEAN Women’s Cup 2024 គឺជាកម្មវិធីប្រកួតបាល់ទាត់នារីអាស៊ានកម្រិតទី២ ដែលត្រូវជ្រើសរើសយក៣ក្រុមឡើងទៅកាន់ពានរង្វាន់ ASEAN Women’s Championship នៅឆ្នាំ២០២៥ដែលមានក្រុមខ្លាំង ហ្វីលីពីន វៀតណាម និងថៃ កំពុងរង់ចាំ។

ក្រុមដែលស្ថិតនៅលំដាប់កំពូលទាំង៣ក្នុងពានរង្វាន់ ASEAN Women’s Cup 2024 ទទួលបានកៅអីឡើងទៅកាន់ពានរង្វាន់ ASEAN Women’s Championship ដូច្នេះក្រុមបាល់ទាត់នារីកម្ពុជាបានឡើងវគ្គផ្តាច់ព្រ័ត្រគឺស្ថិតនៅលំដាប់កំពូលទាំង២ហើយ។ ទោះការប្រកួតវគ្គផ្តាច់ព្រ័ត្រ ឈ្នះ ឬចាញ់ ក៏ដោយ។

ក្រុមបាល់ទាត់នារីកម្ពុជាកំពុងធ្វើបានយ៉ាងល្អក្នុងពានរង្វាន់នារីអាស៊ានកម្រិតទី២នេះ។ កាលវគ្គសន្សំពិន្ទុក្នុងពូល ក្រុមនារីកម្ពុជាបានស្មើជាមួយ ឥណ្ឌូណេស៊ី ០-០ និងបានយកឈ្នះ ម៉ាឡេស៊ី ដោយលទ្ធផល ១-០ ដើម្បីទទួលបានចំណាត់ថ្នាក់លេខ១ក្នុងពូលបានឡើងទៅកាន់វគ្គពាក់កណ្តាលផ្តាច់ព្រ័ត្រ ដែលនេះជាកំណត់ត្រាថ្មី។

នៅវគ្គពាក់កណ្តាលផ្តាច់ព្រ័ត្រ ក្រុមនារីកម្ពុជា រឹតតែធ្វើបានល្អថែមទៀតដោយបានលត់ក្រុមនារីទីម័រខាងកើត ដោយលទ្ធផល ៣-០ ដើម្បីបង្កើតកំណត់ត្រាថ្មីមួយទៀតក្នុងការឡើងទៅកាន់វគ្គផ្តាច់ព្រ័ត្រជាលើកដំបូងដែលត្រូវជួបក្រុមនារីឥណ្ឌូណេស៊ី ជាថ្មី បន្ទាប់ពីឥណ្ឌូណេស៊ី បានយកឈ្នះ សិង្ហបុរី ដោយលទ្ធផល ៣-0 ក្នុងវគ្គពាក់កណ្តាលផ្តាច់ព្រ័ត្រដូចគ្នា។

នៅចាំបានថា កាលពីឆ្នាំ២០២៣ ក្រុមបាល់ទាត់នារីកម្ពុជាបានបង្កើតកំណត់ត្រាជាលើកដំបូង ក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ ក្នុងកីឡាស៊ីហ្គេម ដែលកម្ពុជាធ្វើជាម្ចាស់ផ្ទះ។ ក្រោយចប់ស៊ីហ្គេម ក្រុមនារីកម្ពុជាត្រូវបានរំសាយ ប៉ុន្តែនៅឆ្នាំ២០២៤ សហព័ន្ធកីឡាបាល់ទាត់កម្ពុជាបានបង្កើតឲ្យការប្រកួតលីគនារីឡើងវិញដែលជាឱកាសសម្រាប់កីឡាការិនីបាល់ទាត់កម្ពុជាបង្ហាញសមត្ថភាព។ ការប្រកួតលីគនារីនេះជាផ្នែកមួយយ៉ាងសំខាន់ជួយឲ្យក្រុមបាល់ទាត់នារីកម្ពុជាមានគុណភាពល្អ។

ដូច្នេះនៅឆ្នាំ២០២៥ខាងមុខ ក្រុមបាល់ទាត់នារីកម្ពុជាមានភារកិច្ចប្រកួតក្នុងពានរង្វាន់ ASEAN Women’s Championship និងកីឡាស៊ីហ្គេម លើកទី៣៣ នៅប្រទេសថៃ៕

កីឡាការិនី ពឿន គន្ធា កំពុងរកបានគ្រាប់បាល់ច្រើនជាងគេ (៣គ្រាប់)

អត្ថបទ៖ វីរបុត្រ

The post រឿងអស្ចារ្យមួយទៀត! ក្រុមនារីកម្ពុជា ទទួលបានកៅអី ASEAN Women’s Championship 2025 appeared first on Kampuchea Thmey Daily.

ជាប្រវត្តិសាស្ត្រដំបូង! នារីកម្ពុជា លត់ ទីម័រខាងកើត៣គ្រាប់ ឡើងវគ្គផ្តាច់ព្រ័ត្រ ASEAN Women’s Cup 2024

chean virakbot — Mon, 02 Dec 2024 09:58:41 +0000

ក្រុមបាល់ទាត់នារីជម្រើសជាតិកម្ពុជា បានឡើងទៅកាន់វគ្គផ្តាច់ព្រ័ត្រពានរង្វាន់ ASEAN Women’s Cup 2024 បន្ទាប់ពីបានយកឈ្នះ ក្រុមនារីទីម័រខាងកើត ដោយលទ្ធផល ៣-០ ក្នុងវគ្គពាក់កណ្តាលផ្តាច់ព្រ័ត្រ។

គ្រាប់បាល់ទី១រកបានដោយកីឡាការិនី សឿន វិផា សម្រាប់ការស៊ុតពិន័យ១១ម៉ែត្រនៅនាទី៣៦ និង២គ្រាប់ទៀតរកបានដោយកីឡាការិនី ពឿន គន្ធា នៅនាទី៧៤ និងនាទី៩០តាមរយៈការស៊ុតយ៉ាងស្អាតទាំងពីរគ្រាប់។

តាមរយៈជ័យជម្នះនេះ ក្រុមនារីកម្ពុជាបានបង្កើតប្រវត្តិសាស្ត្រជាលើកដំបូង ក្នុងការឡើងទៅកាន់វគ្គផ្តាច់ព្រ័ត្រ ពានរង្វាន់ ASEAN Women’s Cup បន្ទាប់ពីបង្កើតកំណត់ត្រាម្តងហើយក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រកាលពីថ្ងៃទី២៩ ខែវិច្ឆិកា ឆ្នាំ២០២៤។

អ្វីដែលកាន់តែពិសេស ក្រុមនារីកម្ពុជាបានធានាកៅអីដោយស្វ័យប្រវត្តិឈានទៅពានរង្វាន់នារីលំដាប់ទី១ប្រចាំតំបន់អាស៊ានគឺ ASEAN Women’s Championship ដែលមានក្រុមខ្លាំង ហ្វីលីពីន ថៃ និង វៀតណាម កំពុងរង់ចាំនៅឆ្នាំ២០២៥។

សូមបញ្ជាក់ថា ពានរង្វាន់ ASEAN Women’s Cup 2024 នឹងជ្រើសរើសយក៣ក្រុមគឺលេខ១ លេខ២ និងលេខ៣ ឡើងទៅកាន់ពានរង្វាន់ ASEAN Women’s Championship។ ជាក់ស្តែង ក្រុមនារីកម្ពុជាឡើងវគ្គផ្តាច់ព្រ័ត្រគឺមានន័យថា បើឈ្នះនៅវគ្គផ្តាច់ព្រ័ត្រ ទទួលបានលេខ១ ឬបើចាញ់ទទួលបានចំណាត់ថ្នាក់លេខ២៕

កីឡាការិនី ពឿន គន្ធា

អត្ថបទ៖ វីរបុត្រ

The post ជាប្រវត្តិសាស្ត្រដំបូង! នារីកម្ពុជា លត់ ទីម័រខាងកើត៣គ្រាប់ ឡើងវគ្គផ្តាច់ព្រ័ត្រ ASEAN Women’s Cup 2024 appeared first on Kampuchea Thmey Daily.

AFF Women’s Cup Archives - Kampuchea Thmey Daily

កម្ពុជា ត្រូវបង្កើន​ការប្រកួតនារីឲ្យ​ច្រើន​ ទើប​អាច​ប្រជែង​នឹង​ក្រុមកម្រិតខ្ពស់

លោក​គ្រូ ឃួន ឡាប៊ូរ៉ាវី សូម​ទោស​ដែល​មិន​អាច​យក​ពាន​ជូន​ជាតិ

កំណត់​ត្រា៣​របស់​ក្រុម​នារី​កម្ពុជាលើ​ឆាក​អន្តរជាតិ

ចូល​រួម​លើក​ទឹក​ចិត្ត ក្រុម​នារី​កម្ពុជា ទទួល​បាន​លេខ​២ ពាន ASEAN Women’s Cup 2024

យប់​នេះ កម្ពុជា បោះ​ជំហាន​ទៅ​បង្កើត​ប្រវត្តិ​សាស្ត្រ​ថ្មី​​ក្នុង​បាល់ទាត់ ជា​មួយ​​ឥណ្ឌូណេស៊ី

តើ​កម្ពុជា​ ស្គាល់​រស​ជាតិ​ពាន​អន្តរជាតិ​ដំបូង​ទេ ពេលប៉ះ​ឥណ្ឌូណេស៊ី ថ្ងៃស្អែក?

រឿង​អស្ចារ្យ​មួយ​ទៀត! ក្រុម​នារីកម្ពុជា ទទួល​បានកៅអី ASEAN Women’s Championship 2025

ជាប្រវត្តិ​សាស្ត្រដំបូង! នារីកម្ពុជា លត់ ទីម័រ​ខាង​កើត៣​គ្រាប់ ​ឡើង​វគ្គ​ផ្តាច់​ព្រ័ត្រ ASEAN Women’s Cup 2024

កម្ពុជា ត្រូវបង្កើនការប្រកួតនារីឲ្យច្រើន ទើបអាចប្រជែងនឹងក្រុមកម្រិតខ្ពស់

លោកគ្រូ ឃួន ឡាប៊ូរ៉ាវី សូមទោសដែលមិនអាចយកពានជូនជាតិ

កំណត់ត្រា៣របស់ក្រុមនារីកម្ពុជាលើឆាកអន្តរជាតិ

ចូលរួមលើកទឹកចិត្ត ក្រុមនារីកម្ពុជា ទទួលបានលេខ២ ពាន ASEAN Women’s Cup 2024

យប់នេះ កម្ពុជា បោះជំហានទៅបង្កើតប្រវត្តិសាស្ត្រថ្មីក្នុងបាល់ទាត់ ជាមួយឥណ្ឌូណេស៊ី

តើកម្ពុជា ស្គាល់រសជាតិពានអន្តរជាតិដំបូងទេ ពេលប៉ះឥណ្ឌូណេស៊ី ថ្ងៃស្អែក?

រឿងអស្ចារ្យមួយទៀត! ក្រុមនារីកម្ពុជា ទទួលបានកៅអី ASEAN Women’s Championship 2025

ជាប្រវត្តិសាស្ត្រដំបូង! នារីកម្ពុជា លត់ ទីម័រខាងកើត៣គ្រាប់ ឡើងវគ្គផ្តាច់ព្រ័ត្រ ASEAN Women’s Cup 2024