កិច្ចសន្យារបស់ខ្សែការពារ អាល្លឺម៉ង់ វ័យ ៣២ ឆ្នាំ ជាមួយ Real Madrid គឺជិតផុតកំណត់ហើយ។ ប្រសិនបើរូបគេមិនបន្តកិច្ចសន្យាថ្មី នោះនឹងក្លាយជាកីឡាករគ្មានតម្លៃខ្លួននៅរដូវក្តៅឆ្នាំ ២០២៦។ ថ្មីៗនេះ Ronaldo ត្រូវបានគេអះអាងថា កំពុងដើរតួជាអ្នកបញ្ចុះបញ្ចូលក្លិប Al-Nassr ឱ្យនាំយកអតីតខ្សែការពាររបស់ Chelsea រូបនេះ មកលេងជាមួយខ្លួននៅលីគ Saudi Pro League។

យោងតាមសារព័ត៌មាន Fichajes បានឱ្យដឹង ថា Rudiger ពេលនេះមានសិទ្ធិចរចាជាមួយក្លិបដទៃដោយសេរី ដោយសាររូបគេនៅសល់កិច្ចសន្យាជាមួយ Real Madrid តិចជាង ៦ ខែ។ ក្លិប Al-Nassr កំពុងត្រៀមខ្លួនធ្វើការប្រកួតប្រជែងជាមួយក្លិបផ្សេងៗយ៉ាងខ្លាំង ដើម្បីនាំយកខ្សែការពារ អាល្លឺម៉ង់ រូបនេះមកកាន់ទឹកដី អារ៉ាប៊ីសាអ៊ូឌីត តាមការចង់បានរបស់ Ronaldo។

ពាក់ព័ន្ធការបន្តកិច្ចសន្យាថ្មីរវាង Rudiger និង Real Madrid ត្រូវបានគេដឹង ថា ហាក់មិនភាពរីកចម្រើននោះទេ។ ប្រការនេះបានធ្វើឱ្យពាក្យចចាមអារ៉ាមជាច្រើន ថា Rudiger អាចនឹងចាកចេញពីទឹកដី Santiago Bernabeu នៅចុងបញ្ចប់រដូវកាល ២០២៥-២០២៦ នេះ៕

ប្រែសម្រួល៖ សេម កុសល
ប្រភព៖ GOAL

The post Ronaldo កំពុងជម្រុញថ្នាក់លើ Al-Nassr ឱ្យចុះកុងត្រាយកតារាឆ្នើម Real Madrid ម្នាក់ appeared first on Kampuchea Thmey Daily.

David Alaba ត្រូវបាន Real Madrid ចុះកិច្ចសន្យាយកបានពីក្លិប Bayern Munich កាលពីរដូវកាលក្តៅឆ្នាំ ២០២១ ដោយគ្មានតម្លៃខ្លួន។ ទោះបីជាយ៉ាងណា ការប្តូរទ្រនំមកកាន់រាជធានី អេស្ប៉ាញ របស់ខ្សែការពារសញ្ជាតិ អូទ្រីស វ័យ ៣៣ ឆ្នាំ គឺធ្វើមិនសូវបានល្អដូចកាលនៅ Bayern Munich នោះទេ ដោយសារជានិច្ចជាកាល រូបគេតែងរងរបួសជាញឹកញាប់។

ចំណែក Antonio Rudiger វិញ ចាប់តាំងពីចាកចេញពី Chelsea ផ្លាស់មកកាន់ Real Madrid នៅរដូវក្តៅឆ្នាំ ២០២២ រូបគេបានក្លាយជាខ្សែការពារដ៏រឹងមាំ និងជាកីឡាករដ៏សំខាន់របស់ក្រុមអធិរាជស។ ទោះបីជាយ៉ាងណា នា ២ រដូវកាលចុងក្រោយ ខ្សែការពារសញ្ជាតិ អាល្លឺម៉ង់ វ័យ ៣២ ឆ្នាំហាក់ពុំសូវបង្ហាញខ្លួនបានជាប់លាប់ទេ នោះក៏ដោយសារកត្តាវ័យផង បញ្ហារបួសផង ហើយបច្ចុប្បន្នក៏មានកីឡាករក្មេងៗជំនាន់ក្រោយមកជំនួសកន្លែងរបស់រូបគេផងដែរ។

គួរឱ្យដឹងថា ខ្សែការពារទាំង ២ ខាងលើ នឹងអស់សុពលភាពកិច្ចសន្យាជាមួយ Real Madrid នៅខែ មិថុនា ឆ្នាំ ២០២៦ ខាងមុខហើយ។ យ៉ាងណាក៏ដោយ គិតត្រឹមពេលនេះ គឺមិនទាន់មានព័ត៌មានណាមួយ បានបញ្ជាក់អំពីការបន្តកិច្ចសន្យាថ្មីរបស់កីឡាករទាំង ២ នៅឡើយទេ៕

ប្រែសម្រួល៖ សេម កុសល
ប្រភព៖ Fabrizio Romano

The post ខ្សែការពារឆ្នើម ២ រូប នឹងចាកចេញពី Real Madrid នៅចុងរដូវកាលនេះ appeared first on Kampuchea Thmey Daily.

នៅក្នុងការប្រកួតវគ្គផ្តាច់ព្រ័ត្រពាន Copa del Rey ដែល Real Madrid បរាជ័យក្រោមថ្វីជើងក្រុម Barcelona ៣-២ កាលពីយប់រំលងអាធ្រាត្រឈានចូលថ្ងៃ អាទិត្យ ទី ២៧ ខែ មេសា មានកីឡាកររបស់ក្រុមអធិរាជស ៣ នាក់ ដែលទទួលបានកាត​ក្រហម​នៅចុងម៉ោង ក្នុងនោះមាន Antonio Rudiger, Lucas Vazquez និង Jude Bellingham។

យ៉ាងណាមិញ ក្នុងចំណោមកីឡាករទាំង ៣ នាក់ខាងលើ គឺ Rudiger បានក្លាយជាមុខសញ្ញា ដែលអាចទទួលរងពិន័យធ្ងន់ជាងគេ ដោយសាររូបគេបានប្រើកាយវិការច្រឡោតខ្លាំងទៅលើមន្ត្រីអាជ្ញាកណ្តាល។ តាមរយៈកាយវិការមិនសមរម្យបែបនេះ សារព័ត៌មាន Cadena SER បានរាយការណ៍ថា ខ្សែការពារសញ្ជាតិ អាល្លឺម៉ង់ វ័យ ៣២ ឆ្នាំ អាចនឹងត្រូវគេដាក់ពិន័យព្យួរការប្រកួតពី ៤ ទៅ ១២ ប្រកួត។

ទោះបីជាមិនមានការពិន័យនេះ ក៏ Rudiger អាចនឹងត្រូវសម្រាកនៅក្រៅទីលានមួយរយៈធំផងដែរ ដោយសាររូបគេបានរងរបួសជង្គង់ ហើយត្រូវបានគេរាយការណ៍ថា អាចនឹងត្រូវសម្រាកព្យាបាលរបួសរយៈពេលវែង៕

ប្រែសម្រួល៖ សេម កុសល
ប្រភព៖ Sportskeeda

The post កីឡាករ Real Madrid ម្នាក់ប្រឈមពិន័យ ៤ ទៅ ១២ ប្រកួត បន្ទាប់ពីការប្រកួតទល់ Barcelona appeared first on Kampuchea Thmey Daily.