ក្នុងនាមលោក អ៊ុន ចាន់ដា អភិបាលខេត្ត លោក ប៊ិន ឡាដា អភិបាលស្រុក បានមានប្រសាសន៍ ដោយបានលើកឡើងពីស្ថានភាពទូទៅការអភិវឌ្ឍន៍ រីកចម្រើនទូទាំងស្រុក និងបញ្ហាសន្តិសុខសណ្តាប់ធ្នាប់ ពិសេសបញ្ហាគ្រឿងញៀនក្នុងមូលដ្ឋានដែល គណៈកម្មាធិការត្រួតពិនិត្យគ្រឿងញៀនស្រុកស្រីសន្ធរ បានខិតខំធ្វើការប្រយុទ្ធប្រឆាំងដើម្បីសុវត្ថិភាពរបស់ប្រជាពលរដ្ឋយើង។

ថ្លែងក្នុងនាម លោកនាយឧត្តមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន ក្នុងឱកាសនោះ លោកឧត្តមសេនីយ៍ឯក លឹម តុងហួត បានពាំនាំការកោតសរសើរពី សន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជូនចំពោះ អាជ្ញាធរគ្រប់ថ្នាក់នៃខេត្តកំពង់ចាមនិយាយជារួមនិងនិយាយដោយឡែកអាជ្ញាធរស្រុកស្រីសន្ធរ ដែលបានចូលរួមចំណែកក្នុងការងារប្រយុទ្ធប្រឆាំងគ្រឿងញៀន។

លោកឧត្តមសេនីយ៍ឯក លឹម តុងហួត បានថ្លែងបន្តស្រុកស្រីសន្ធរ ជាស្រុកទី២ដែលបានធ្វើការងារផ្សព្វផ្សាយដល់ប្រតិបត្តិករផ្ទាល់ដល់គ្រប់សមាសភាព ចូលរួមពីមេឃុំ មេភូមិ ព្រមទាំងនាយកសាលាទូទាំងស្រុកសូមបន្តយកចិត្តទុកដាក់ លើកកម្ពស់ការងារផ្សព្វផ្សាយនេះ ឱ្យបានទូលំទូលាយពីបញ្ហាគ្រឿងញៀន ក៏ដូចជាជំរុញការប្រើប្រាស់ App NoDrug ដល់ប្រជាពលរដ្ឋ សិស្សានុសិស្ស ដើម្បីប្រសិទ្ធភាព បង្ការទប់ស្កាត់បានកុំឲ្យប្រជាពលរដ្ឋធ្លាក់ចូលទៅក្នុងអន្ទាក់នៃគ្រឿងញៀន ” ខ្ញុំនិងអ្នកគ្មានបញ្ហាគ្រឿងញៀន គ្រួសារយើងនឹងគ្មានគ្រឿងញៀន ភូមិយើងនឹងគ្មានគ្រឿងញៀន ហើយសហគមន៍យើងនឹងសុខសាន្ត មានការអភិវឌ្ឍ “។

លោក ជុំ នីម មេឃុំព្រែករំដេង បានថ្លែងនូវការចាប់អារម្មណ៍ និងអរគុណដល់ថ្នាក់ដឹកនាំអាជ្ញាធរជាតិប្រយុទ្ធប្រឆាំងគ្រឿងញៀនក៏ដូចជាថ្នាក់ដឹកនាំខេត្ត ស្រុកស្រីសន្ធរ ដែលបានយកចិត្តទុកដាក់លើកកម្ពស់ការយល់ដឹងពាក់ព័ន្ធនឹង បញ្ហាគ្រឿងញៀន App NoDrug ដើម្បីប្រសិទ្ធភាពការងារប្រយុទ្ធប្រឆាំងគ្រឿងញៀននៅមូលដ្ឋាន៕

The post អាជ្ញាធរភូមិ-ឃុំស្រុកស្រីសន្ធរ ទទួលបានចំណេះដឹងពីបញ្ហាគ្រឿងញៀននិង ការប្រើប្រាស់App NoDrug appeared first on Kampuchea Thmey Daily.

ការអំពាវនាវនេះ ធ្វើឡើងក្នុងឱកាស លោក គួច ចំរើន អភិបាល នៃគណៈអភិបាលខេត្តកណ្ដាល អញ្ជើញជាគណៈអធិបតី ក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុ ឬប្លង់រឹង ចំនួនជាង១មុឺនបណ្ណ ជូនដល់ប្រជាពលរដ្ឋចំនួន ១២ភូមិ រួមមាន៖ ភូមិរទាំង ភូមិរទាំងត្បូង ស្ថិតក្នុងឃុំភូមិធំ ភូមិព្រែកត្រែង ភូមិព្រែកត្រែង២ ភូមិសំរោងក្អែរ ភូមិសំរោងក្អែរ២ ភូមិសំរោងក្អែរ៣ ស្ថិតក្នុងឃុំសំរោងធំ និងភូមិព្រែកដូង ភូមិកំពង់ស្វាយ ភូមិកំពង់ស្វាយ២ ភូមិព្រែកតានប់ ភូមិព្រែកតានប់២ ស្ថិតក្នុងឃុំកំពង់ស្វាយ ស្រុកកៀនស្វាយ កាលពីព្រឹកថ្ងៃទី១៨ ខែមីនា ឆ្នាំ២០២៦។

លោកអភិបាលខេត្តលើកឡើងពីបញ្ហាជួញដូរមនុស្សអំពាវនាវដល់ឪពុកម្ដាយ អាណាព្យាបាលទាំងអស់ ត្រូវមានការប្រុងប្រយ័ត្នខ្ពស់ ចំពោះល្បិកកលនៃការបោកប្រាស់ ការលួងលោមគ្រប់រូបភាពពីជនឧក្រិដ្ឋដែលមានបំណងក្នុងការឆបោកជួញដូរមនុស្ស ករណីសង្ស័យត្រូវពិគ្រោះនិងសហការជាមួយអាជ្ញាធរ សមត្ថកិច្ចក្នុងមូលដ្ឋានរបស់ខ្លួន ដើម្បីជួយអន្តរាគមន៍ កុំបណ្ដោយឱ្យកូនចៅរបស់យើងរងគ្រោះដោយការឆបោក។

លោកអភិបាលបានបន្ថែមថា ចំពោះបញ្ហាគ្រឿងញៀន សូមលើកទឹកចិត្តដល់ប្រជាពលរដ្ឋ ជាពិសេសយុវជនសូមប្រើប្រាស់កម្មវិធី App Nodrug ដើម្បីរាយការណ៍អំពីសកម្មភាពបទល្មើសគ្រឿងញៀនមកកាន់សមត្ថកិច្ច ដើម្បីបង្ក្រាបបានទាន់ពេលវេលាដោយរក្សាការសម្ងាត់ជូន។

ដោយឡែកចំពោះបញ្ហាសណ្ដាប់ធ្នាប់តាមដងផ្លូវ ក្នុងស្រុកកៀនស្វាយ លោកអភិបាលខេត្ត បានស្នើដល់ប្រជាពលរដ្ឋចូលរួមសហការ រៀបចំសណ្ដាប់ធ្នាប់តាមដងផ្លូវលើចិញ្ចើមផ្លូវ សូមបញ្ឈប់ការតយ៉ាប ការសង់រោង ការលក់ដូរលើចិញ្ចើមផ្លូវ មុនពេលអាជ្ញាធរចុះរៀបចំសណ្តាប់ធ្នាប់ និងរុះរើនាពេលខាងមុខ ការរៀបចំសណ្ដាប់ធ្នាប់តាមដងផ្លូវនេះ គឺមានសារៈសំខាន់ណាស់ ក្រុមការងារជួយសម្រួលការធ្វើចរាចរណ៍ទៅមក របស់បងប្អូនប្រជាពលរដ្ឋកាត់បន្ថយបាននូវគ្រោះថ្នាក់ចរាចរណ៍ និងលើសោភ័ណ្ឌភាពតាមដងផ្លូវ៕

The post អាជ្ញាធរខេត្តកណ្តាល ស្នើពលរដ្ឋប្រុងប្រយ័ត្ន និងរាយការណ៍សមត្ថកិច្ចបើសង្ស័យមានScam online ក្នុងមូលដ្ឋាន appeared first on Kampuchea Thmey Daily.

លោក គួច ចំរើន អភិបាលខេត្តកណ្តាល បានក្រើនរំលឹកដល់អាជ្ញាធរស្រុក ភូមិ ឃុំ និងប្រជាពលរដ្ឋទាំងអស់ សូមមានការប្រុងប្រយ័ត្នខ្ពស់ ចំពោះគ្រោះអគ្គីភ័យក្នុងរដូវប្រាំងនេះ ត្រូវមានការគ្រប់គ្រង ឱ្យបានល្អនូវការប្រើប្រាស់ភ្លើងផ្សេងៗមាន ទានធូប ចង្ក្រានហ្គាស  ប្រព័ន្ធអគ្គិសនីនៅតាមលំនៅឋាន ស្រែចម្ការ ឬ ក៏នៅកន្លែងផ្សេងៗ រាល់ពេលចេញពីផ្ទះត្រូវពិនិត្យបិទភ្លើង ពន្លត់ទានធូប ចង្ក្រានហ្គាស មើលឱ្យសព្វគ្រប់ ដើម្បីបង្ការគ្រោះអគ្គិភ័យដែលអាចកើតឡើងជាយថាហេតុ ដល់គ្រួសាររបស់ខ្លួន និងអ្នកជិតខាង។  

ការក្រើនរំលឹកនេះ ធ្វើឡើងក្នុងឱកាសដែល លោក គួច ចំរើន អភិបាលខេត្តកណ្តាល និងលោក នូ សាខន ប្រធានក្រុមប្រឹក្សាខេត្ត អញ្ជើញជាគណៈអធិបតី ក្នុងពិធីចែកប័ណ្ណកម្មសិទ្ធិដីធ្លី ឬវិញ្ញាបនបត្រសម្គាល់ម្ចាស់អចលនវត្ថុចំនួន ២០,៦១៥ប័ណ្ណ  ជូនប្រជាពលរដ្ឋចំនួន ២៣ភូមិ ក្នុងឃុំទួលព្រេជ ស្រុកអង្គស្នួល កាលពីថ្ងៃទី១១ ខែមីនា ឆ្នាំ២០២៦ នៅក្នុងបរិវេណវត្តឱង្ការ ស្ថិតនៅក្នុងភូមិថ្មី ឃុំទួលព្រេជ ស្រុកអង្គស្នួល។

ក្នុងនោះផងដែរ លោក គួច ចំរើន អភិបាលខេត្តកណ្តាល បានអំពាវនាវដល់ ពលរដ្ឋ សូមកុំបន្តទិញប្រេងឥន្ធនៈមកស្តុកទុកក្នុងផ្ទះ ដែលអាចបង្ករជាការឆាបឆេះ ហើយរដ្ឋបាលក្រុង-ស្រុក ត្រូវសហការណ៍ជាមួយមន្ទីរជំនាញពាក់ព័ន្ធ ចុះត្រួតពិនិត្យការលក់ប្រេង ធ្វើយ៉ាងណាឱ្យពួកគាត់លក់ទៅតាមការកំណត់តម្លៃរបស់ក្រសួងពាណិជ្ជកម្ម ដែលបានកំណត់។

ជាមួយគា្នផងដែរ លោក គួច ចំរើន អភិបាលខេត្តកណ្តាល បានស្នើដល់អាជ្ញាធរក្រុង-ស្រុក ទាំងអស់ត្រូវយកចិត្តទុកដាក់ចំពោះបញ្ហាចគ្រោះថ្នាក់រាចរណ៏ ត្រូវបន្តខិតខំដាក់ចេញនូវវិធានការនានាសំដៅកាត់បន្ថយគ្រោះថ្នាក់ចរាចរណ៏ក្នុងមូលដ្ឋានខេត្តកណ្តាល ឱ្យមានការថយចុះជាលំដាប់ ពិសេសសូមប្រជាពលរដ្ឋទាំងអស់គោរពច្បាប់ចរាចរណ៍ និងមានការប្រុងប្រយ័ត្នខ្ពស់ក្នុងការបើកបរ សូមកុំខ្លាចតែប៉ូលីសចរាចរណ៍ ត្រូវខ្លាចការបាត់បង់ជីវិតវិញទើបជារឿងសំខាន់។

ដោយឡែកសម្រាប់យុវជន សូមជៀសឱ្យឆ្ងាយពីគ្រឿងញៀន សូមយុវជនជួយអប់រំណែនាំដល់មិត្តភក្កិ ជៀសឱ្យឆ្ងាយពីគ្រឿងញៀន ករណីចាំបាច់ត្រូវរាយការណ៍មកសមត្ថកិច្ចដើម្បីចាត់វិធានការបញ្ជូនមកដាក់មណ្ឌលបន្សាបគ្រឿងញៀន ជាពិសេសសូមរួមគ្នាប្រើប្រាស់ App Nodrug ដើម្បីរាយការណ៍កាន់សមត្ថកិច្ចដោយរក្សាការសំងាត់ ដើម្បីបង្ក្រាប និងលុបបំបាត់ការប្រើប្រាស់គ្រឿងញៀន៕ ដោយ ៖ អុឹងម៉េង

The post អភិបាលខេត្តកណ្ដាល ក្រើនរំលឹកដល់ពលរដ្ឋនិងអាជ្ញាធរ មូលដ្ឋានមានការប្រុងប្រយ័ត្នខ្ពស់ ចំពោះគ្រោះអគ្គីភ័យក្នុងរដូវប្រាំង appeared first on Kampuchea Thmey Daily.

ក្នុង​នាម​អភិបាលស្រុកសៀមបូក លោក សួង ហ៊ី ក្នុងឱកាសនោះ  លោក ហម ថ្លា បានជម្រាបជូនប្រជាសហគមន៍អេកូទេសចរណ៍ អូរឬស្សីកណ្ដាល បានជម្រាបជូន​ពីការងារមួយចំនួនដើម្បីលើកកម្ពស់បាននូវជីវភាពរស់នៅ សុខភាព អនាម័យ បរិស្ថាន សន្តិសុខ សណ្តាប់ធ្នាប់ និងទាក់ទាញទេសចរណ៍ ក្នុងមូលដ្ឋានអូរឬស្សីកណ្ដាល ស្រុកសៀមបូក ខេត្តស្ទឹងត្រែង។

ក្នុងនាម នាយឧត្តមសេនីយ៍ មាស វិរិទ្ធ អគ្គលេខាធិការ ក្នុងឱកាសនោះ ឧត្តមសេនីយ៍ឯក លឹម តុងហួត បានថ្លែងនូវការកោតសសើរ និងបានលើកយកបញ្ហាគ្រឿងញៀន និងអត្ថប្រយោជន៍App NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀន និងបានសំណូមពរ​ហើយ​ក៏ទទួលបានការឆ្លើយតបពីអ្នកចូលរួមទាំងអស់ថាប្ដេជ្ញាជួយផ្សព្វផ្សាយពីបញ្ហាគ្រឿងញៀនក៏ដូចជា App NoDrug ដល់ប្រជាសហគមន៍ ក្រុមគ្រួសារ ក៏ដូច​ជារួមគ្នាដើម្បីបានឆ្ពោះទៅកសាងបាននូវសុវត្ថិភាពសហគមន៍ពីបញ្ហាផ្សេងៗក្នុងនោះគឺមានបញ្ហាគ្រឿងញៀន​ជាចម្បង៕

The post អាជ្ញាធរ និងប្រជាសហគមន៍ទេសចរណ៍អូរឬស្សី​កណ្ដាល​រីករាយ ទទួល​បាន​ចំណេះដឹង​ពីបញ្ហា​គ្រឿងញៀន និងApp NoDrug appeared first on Kampuchea Thmey Daily.

ទន្ទឹមនេះ អ្នកប្រើប្រាស់ App នេះក៏អាចចូលរួមជាយោបល់ លើកជាសំណូមពរ ផ្តល់ជាព័ត៌មាន ឬរាយការណ៍ជូនសមត្ថកិច្ចពាក់ព័ន្ធនឹងបទល្មើសគ្រឿងញៀន ដើម្បីទទួលបានការឆ្លើយតប ឬកិច្ចអន្តរាគមន៍តាមបញ្ហាដែលពួកគាត់បានជួបប្រទះ ក្នុងនោះរួមទាំងការឆ្លើយតបចំពោះបងប្អូនដែលមានកូនចៅ ឬញាតិមិត្តញៀនគ្រឿងញៀន ក៏អាចស្វែងរកព័ត៌មាន និងស្នើសុំកិច្ចអន្តរាគមន៍តាមរយៈកម្មវិធីទូរសព្ទដៃនេះផងដែរ។

ម្យ៉ាងទៀត អ្នកចូលមើលក៏អាចទទួលបាននូវចំណេះដឹងទូទៅពាក់ព័ន្ធនឹងគ្រឿងញៀន និងចំណេះដឹងពាក់ព័ន្ធនឹងការពង្រឹងសមត្ថភាពបំណិនជីវិត ដែលជាមូលដ្ឋាន ក្នុងការបង្ការ និងការពារខ្លួន ការពារគ្រួសារ ក៏ដូចជាមិត្តភក្តិ កុំឱ្យពាក់ព័ន្ធ ឬចាញ់ការបោកបញ្ឆោទឱ្យទៅប្រើប្រាស់គ្រឿងញៀន។ ការរាយការណ៍តាមរយៈកម្មវិធីទូរសព្ទដៃ App NoDrugs ធានាបាននូវសុវត្ថិភាព និងការសម្ងាត់ ១០០%។

ការផ្សព្វផ្សាយពីការប្រើប្រាស់ និងគុណសម្បត្តិនៃកម្មវិធីទូរសព្ទដៃខាងលើនេះ ត្រូវបានធ្វើឡើងនៅក្នុង«យុទ្ធនាការផ្សព្វផ្សាយអប់រំ ស្តីពីបញ្ហាគ្រឿងញៀន» នៅទីរួមខេត្តស្វាយរៀង នៅព្រឹក ថ្ងៃទី១៨ ខែវិច្ឆិកា ឆ្នាំ២០២៥ ដោយមានសមាសភាពចូលរួមពីអគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន, ថ្នាក់ដឹកនាំរដ្ឋបាលខេត្ត, មន្រ្តីរាជការ, កងកម្លាំងប្រដាប់អាវុធ, លោកគ្រូ អ្នកគ្រូ, សិស្សានុសិស្ស និងយុវជន យុវនារី ចំនួនប្រហែលជាង ៥០០ នាក់ ដែលរៀបចំដោយក្រសួងព័ត៌មាន ក្នុងនាមជាប្រធានគណៈកម្មការទទួលបន្ទុកផ្សព្វផ្សាយអប់រំ នៃគណៈបញ្ជាការយុទ្ធនាការប្រយុទ្ធប្រឆាំងគ្រឿងញៀនខុសច្បាប់៕

The post រាយការណ៍ពីករណីគ្រឿងញៀន តាមរយៈ App NoDrugs ដើម្បីកម្ពុជាគ្មានគ្រឿងញៀន appeared first on Kampuchea Thmey Daily.

ក្នុងឱកាសនោះ នាយឧត្តមសេនីយ៍ មាស វិរិទ្ធ បានថ្លែងបន្តដោយសង្កត់ធ្ងន់ថាគ្រប់មូលដ្ឋានទាំងអស់ត្រូវធានាថាគ្មានការរាលដាលញាំញីដោយសារគ្រឿងញៀនស្របពេលដែលយើងមានលទ្ធភាពដោះស្រាយនិងអរគុណដល់គ្រប់សមាសភាពដែលបានចាត់ទុកថា App NoDrug ជាមធ្យោបាយសំខាន់ ទាន់សម័យ រហ័ស ចំណាយតិច ចំណេញច្រើន និងមានប្រសិទ្ធភាពខ្ពស់។ 

ក្នុងឱកាសនោះដែរ នាយឧត្តមសេនីយ៍ មាស វិរិទ្ធ បន្តទៀតថា App NoDrug ជាដំណភ្ជាប់រវាងសមត្ថកិច្ចនិងប្រជាពលរដ្ឋក្នុងការដោះស្រាយរាល់ករណីគ្រឿងញៀនហើយចំនួនរាយការណ៍កើនឡើងបានធ្វើឱ្យបទល្មើសគ្រឿងញៀននិងបទល្មើសផ្សេងៗទៀតនៅមូលដ្ឋានមានការថយចុះគួរកត់សំគាល់ ក្នុងនោះគឺមានអ្នករាយការណ៍ករណីគ្រឿងញៀនសរុបចំនួន២៤៥៧ ដោះស្រាយសម្រេចបានជាង៨៧%ក្នុងចំណោមអ្នកប្រើApp ចំនួន ៥៣០០០នាក់។ 

ជាមួយគ្នានេះ នាយឧត្តមសេនីយ៍ មាស វិរិទ្ធ បានស្នើសុំដល់គ្រប់សមាសភាពឱ្យបន្តជំរុញការទាញយកនិងប្រើប្រាស់App NoDrug បង្កើនការផលិតមាតិកា បង្កើនល្បឿនឆ្លើយតបករណីរាយការណ៍បង្កើនទំនុកចិត្តដល់ប្រជាពលរដ្ឋ៕

The post នាយឧត្តមសេនីយ៍ មាស វិរិទ្ធ ៖ គ្រប់មូលដ្ឋានទាំងអស់ត្រូវធានាថាគ្មានការញាំញីដោយសារគ្រឿងញៀន appeared first on Kampuchea Thmey Daily.

សិក្ខាសាលានេះ ប្រព្រឹត្ត​ទៅ​ក្រោម​កិច្ចសហការ​ពី​អគ្គលេខាធិការដ្ឋាន​អាជ្ញាធរជាតិ​ប្រយុទ្ធប្រឆាំងគ្រឿងញៀន ក្រសួងប្រៃសណីយ៍និងទូរគមនាគមន៍ អាជ្ញាធរ​ជាតិប្រយុទ្ធនឹងជំងឺអេដស៍ និងរដ្ឋបាលខេត្តកំពត។

លោកជំទាវ ទេព រ៉ូដា អនុរដ្ឋលេខាធិការ​ក្រសួងប្រៃសណីយ៍​និង​ទូរគមនាគមន៍​តំណាង​គណៈកម្មាធិការប្រយុទ្ធ នឹង​ជំងឺ​អេដស៍​ក្រសួងប្រៃសណីយ៍និងទូរគមនាគមន៍ បាន​ថ្លែង​អំណរ​គុណ​ដល់​ភាគី​សហការ​ដោយ​បាន​លើក​យក​ពី​ការ​ករណីលាក់លួចដឹកជញ្ជូនគ្រឿងញៀន​តាម​បញ្ញើ​ប្រៃសណីយ៍​ហើយ​ត្រូវ​បាន​អាជ្ញាធរបង្រ្កាបបាននិងសារៈសំខាន់នៃចំណេះដឹងពីបញ្ហាគ្រឿងញៀនអេដស៍ ដែល​អាច​ជួយ​ដល់​ខ្លួនឯង ក្រុមគ្រួសារ និងសង្គមជាតិ។

លោក ខៀវ រិទ្ធិភណ្ឌ អភិបាលរងខេត្តកំពតបានលើកឡើងពីការងារបង្ការ ទប់ស្កាត់ បង្រ្កាប​គ្រឿងញៀន​ជា​ការងារ​មានសារៈសំខាន់ ដោយ​លោក​បាន​បញ្ជាក់​ថា ទោះបី​បញ្ហា​គ្រឿងញៀន​ក្នុង​ខេត្តកំពត​មាន​ការ​ធ្លាក់​ចុះ​បើ​ប្រៀបធៀប​ជា​មួយ​គ្រា​មុន​យ៉ាង​ណា​ក៏​ដោយ ក៏​រដ្ឋបាល​ខេត្តក្រោម​ការ​ដឹកនាំ​របស់ លោក​បណ្ឌិត ម៉ៅ ធនិន អភិបាលខេត្ត​កំពត​បាន​បន្ត​ដាក់​ចេញ​ការងារ​ប្រយុទ្ធប្រឆាំងគ្រឿងញៀន​ដែល​ជា​ការងារ​អាទិភាព​ដើម្បី​ការពារសុវត្ថិភាពសង្គម និង​បន្ត​យក​ចិត្ត​ទុក​ដាក់​ពី​សុខុមាលភាព​ប្រជាពលរដ្ឋ។

ក្នុងឱកាស​នោះដែរ ឧត្តមសេនីយ៍ត្រី យិន យឿត អនុប្រធាននាយកដ្ឋានផ្សព្វផ្សាយអប់រំ និងទំនាក់ទំនង​សាធារណៈ នៃអគ្គលេខាធិការដ្ឋានអាជ្ញាធរជាតិ​ប្រយុទ្ធប្រឆាំងគ្រឿងញៀន និង​លោក​សាស្ត្រាចារ្យ វេជ្ជបណ្ឌិត ហោ ប៊ុនឡេង អនុប្រធានអាជ្ញាធរប្រយុទ្ធជំងឺអេដស៍ បាន​ថ្លែង​នូវ​អំណរគុណ​និង​បាន​ចែក​រំលែក​ចំណេះដឹង​ជូន​ដល់​សិក្ខាកាម​ទាំងអស់​ពី អ្វី​ទៅ​ជា​គ្រឿងញៀន? ផល​ប៉ះពាល់​លើ​អ្នក​ប្រើប្រាស់ គ្រួសារ និងសង្គម ការ​បង្ការ​និង​ទប់ស្កាត់​បញ្ហា​គ្រឿងញៀន​តាម​ប្រៃសណីយ៍ និង​អត្ថប្រយោជន៍​នៃ​កម្មវិធី​ទូរសព្ទដៃNoDrug ចំណេះ​ដឹង​និង​ការ​រាយការណ៍​យក​គ្រឿងញៀនចេញពីសហគមន៍ និងយុទ្ធសាស្ត្រនិងវិធាននានាឆ្លើយតបនឹងមេរោគអេដស៍-ជំងឺអេដស៍​ឆ្ពោះទៅការបញ្ចប់អេដស៍។

ថ្លែង​ក្នុង​នាម លោក ជា វ៉ាន់ដេត  រដ្ឋមន្រ្តីក្រសួងប្រៃសណីយ៍និងទូរគមនាគមន៍ នាឱកាសនោះដែរ លោក ខាយ ឃុនហេង រដ្ឋលេខាធិការ​និង​ជា​ប្រធាន​គណៈកម្មាធិការប្រយុទ្ធ​នឹង​ជំងឺអេដស៍​ក្រសួង​ប្រៃសណីយ៍​និង​ទូរគមនាគមន៍​បានជំរុញ​ដល់​សិក្ខាកាម​ដែល​បាន​ចូល​រួម​ទាំងអស់​ត្រូវ​យក​ចំណេះ​ដឹង​ដែល​កើតពី​កិច្ចខិតខំប្រឹងប្រែង​ក្រេប​ជញ្ជក់​ពី​វាគ្មិន​នៃ​សិក្ខា​សាលា​ទៅ​អនុវត្ត​ក៏​ដូច​ជា​ផ្សព្វផ្សាយ​បន្ត​ដើម្បី​ប្រសិទ្ធភាព​ និង​ការ​ទទួលខុសត្រូវការងារ និងសូមបន្តជំរុញការទាញយក និងប្រើប្រាស់​កម្មវិធីទូរស័ព្ទ NoDrug សម្រាប់​ស្វែងយល់​និង​រាយការណ៍​រាល់បញ្ហាគ្រឿងញៀន​ក្នុង​សហគមន៍​ដើម្បី​ទទួល​បាន​ការ​ដោះស្រាយ​ទាន់​ពេល​វេលា៕

The post លោក ខាយ ឃុនហេង ៖ មន្ត្រីរាជការ​និង​ប្រតិបត្តិករ​ប្រៃសណីយ៍​និង​ទូរគមនាគមន៍​នៅខេត្តកំពត ទទួល​បាន​ចំណេះដឹង​ពី​គ្រឿងញៀន អេដស៍ និងApp NoDrug appeared first on Kampuchea Thmey Daily.

ជាក់ស្ដែង​កាលពី​ថ្ងៃ​ទី ៥ ខែ​កក្កដា ឆ្នាំ ២០២៥ ថ្មីៗ នេះ លោក​ឧត្ដមសេនីយ៍ទោ ឃន តារាសម្បត្តិ អគ្គលេខាធិការ​រង បញ្ជា​កម្លាំង​អនុ​គណៈកម្មការ បាន​ផ្តល់​ព័ត៌មាន​ដល់​កម្លាំង​ស្នងការដ្ឋាន​នគរបាល​រាជធានី​ភ្នំពេញ ចុះ​ទៅ​ដល់​ទីតាំង និង​ធ្វើការ​ស្រាវជ្រាវ​មុខសញ្ញា​ដែល​ប្រជាពលរដ្ឋ​រាយការណ៍ នៅ​ចំណុច​បន្ទប់​ជួល​គ្មាន​លេខ ផ្លូវ​បេតុង ភូមិ​សាមគ្គី សង្កាត់​ឫស្សីកែវ ខណ្ឌ​ឫស្សីកែវ រាជធានី​ភ្នំពេញ។

ប្រភព​ព័ត៌មាន​បាន​ឲ្យ​ដឹង​ថា នៅ​ទីតាំង​បន្ទប់​ជួល​គ្មាន​លេខ​មួយ​កន្លែង ក្នុង​ខណ្ឌ​ឫស្សីកែវ មាន​ក្រុម​ជនសង្ស័យ​បាន​ប្រើប្រាស់​គ្រឿងញៀន និង​លួចលាក់​បង្កប់​ល្បែង​ស៊ីសង បង្ក​ការ​អុកឡុក​ក្នុង​ភូមិ​សាមគ្គី សង្កាត់​ឫស្សីកែវ យ៉ាង​អនាធិបតេយ្យ ដោយ​មាន​ការ​ភ័យខ្លាច ពលរដ្ឋ​បាន​ធ្វើការ​រាយការណ៍​ជូន​សមត្ថកិច្ច​តាម App NoDrug ដើម្បី​សមត្ថកិច្ច​អន្តរាគមន៍។

ជា​លទ្ធផល​ក្រោយពី​បាន​ធ្វើការ​ស្រាវជ្រាវ និង​កំណត់​មុខសញ្ញា​ដែល​តែងតែ​ធ្វើ​សកម្មភាព​ប្រើប្រាស់​គ្រឿងញៀន និង​អុកឡុក នៅ​ក្នុង​ខណ្ឌ​ឫស្សីកែវ កម្លាំង​ការិយាល័យ​ប្រឆាំង​គ្រឿងញៀន បាន​ធ្វើការ​បង្ក្រាប​ជាក់ស្ដែង​ករណី​ជួញដូរ ប្រើប្រាស់​ដោយ​ខុសច្បាប់​នូវ​សារធាតុ​ញៀន និង​កាន់កាប់​អាវុធ​ដោយ​គ្មាន​ការអនុញ្ញាត រួម​ទាំង​ឃាត់ខ្លួន​ជនសង្ស័យ រួមមាន ៖ ឈ្មោះ ណាង រ៉ូ ភេទ​ប្រុស អាយុ ១៨ ឆ្នាំ ជនជាតិ​ខ្មែរ​(​ម្ចាស់​ថ្នាំ​) , ឈ្មោះ លី ម៉េងហួរ ភេទ​ប្រុស អាយុ ២០ ឆ្នាំ ជនជាតិ​ខ្មែរ (​មាន​សារធាតុ​ញៀន​) , ឈ្មោះ ឡៃ ថា ភេទ​ប្រុស អាយុ ៤២ ឆ្នាំ ជនជាតិ​ខ្មែរ​(​មាន​សារធាតុ​ញៀន​) , ឈ្មោះ អាត សារី​ហ្វី​ន ភេទ​ប្រុស អាយុ ១៩ ឆ្នាំ ជនជាតិ​ខ្មែរ (​មាន​សារធាតុ​ញៀន​) , ឈ្មោះ យី សុខ​ហេង ភេទ​ប្រុស អាយុ​ ២៤ ​ឆ្នាំ ជនជាតិខ្មែរ​(​មាន​សារធាតុ​ញៀន​) , ឈ្មោះ ម៉ៅ រិ​ន ភេទ​ប្រុស អាយុ ៤០ ឆ្នាំ ជនជាតិ​ខ្មែរ​(​មាន​សារធាតុ​ញៀន​) , ឈ្មោះ ទ្រិ​ញ វេង ភេទ​ប្រុស អាយុ ៤៣ ឆ្នាំ ជនជាតិ​ខ្មែរ​(មាន​សារធាតុ​ញៀន​) , ឈ្មោះ កែវ តី ភេទ​ស្រី អាយុ ៣២ ឆ្នាំ ជនជាតិ​ខ្មែរ​(​មាន​សារធាតុ​ញៀន​)។ ដោយឡែក​វត្ថុតាង​ដកហូត​បាន​រួមមាន ៖ ក្រាម​ពណ៌​ស​ថ្លា សង្ស័យ​ជា​គ្រឿងញៀន ចំនួន ១ កញ្ចប់ , ឧបករណ៍​សម្រាប់​ប្រើប្រាស់​គ្រឿងញៀន​មួយ​ចំនួន , ដាវ​ដែក​កែច្នៃ​ , ពូថៅ និង​ញញួរ សរុប​ចំនួន ១២ ដើម , កុំព្យូទ័រ ចំនួន ៤ គ្រឿង , ទូ​លេង​ហ្គេម ចំនួន ៥ និង ទូ​សម្រាប់​បាញ់​ត្រី ចំនួន ១ គ្រឿង។

បច្ចុប្បន្ន ជនសង្ស័យ និង​វត្ថុតាង ត្រូវ​បាន​បញ្ជូន​មកកាន់​ការិយាល័យ​ប្រឆាំង​គ្រឿងញៀន នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​កសាង​សំណុំរឿង​ចាត់ការ​តាម​នីតិវិធី​ច្បាប់៕

អត្ថបទ ៖ រដ្ឋា

The post ពលរដ្ឋរាយការណ៍តាម App Nodrug ចាប់ជនសង្ស័យប្រុស-ស្រី ៨ នាក់ ក្នុងមូលដ្ឋានខណ្ឌឫស្សីកែវ appeared first on Kampuchea Thmey Daily.