នៅរដូវកាលនេះ ក្រុម Arsenal បានឡើងមកដល់វគ្គផ្តាច់ព្រ័ត្រពាន UCL ជាលើកទី ២ ក្រោយខកខានអស់រយៈពេល ២០ ឆ្នាំ ប៉ុន្តែជាអកុសល ពួកគេបានត្រឹមជើងឯករងប៉ុណ្ណោះ បន្ទាប់ពីចាញ់ PSG នៅវគ្គផ្តាច់ព្រ័ត្រកាលពីថ្ងៃ សៅរិ៍ ទី ៣០ ខែ ឧសភា ក្នុងវគ្គបាល់កាត់សេចក្តី ១១ ម៉ែត្រ ៣-៤ បន្ទាប់ពី ១២០ នាទីស្មើគ្នា ១-១។

ទោះបីជាទទួលបានចំណាត់ថ្នាក់លេខ ២ ក៏ពិតមែន ប៉ុន្តែ Arsenal ត្រូវបានសារព័ត៌មាន The Athletic រាយការណ៍ ថា រកបានប្រាក់ចំណូលសរុបមិនចាញ់ក្រុម PSG ប៉ុន្មានឡើយ ពោលគឺទទួលបានរហូតដល់ទៅ ១៦៦.៥ លានដុល្លារអាមេរិក។

ដោយឡែកក្រុម ក្រុមជើងឯក PSG វិញ ទទួលបានប្រាក់រង្វាន់សរុបលើស Arsenal ត្រឹមតែជាង ៣ លានដុល្លារប៉ុណ្ណោះ ដោយទទួលបានចំនួន ១៧០ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ Legit

The post Arsenal ទទួលបានប្រាក់រង្វាន់នៅ UCL ខ្ទង់​រយលានដុល្លារ មិនចាញ់ PSG ទោះត្រឹមជាជើង​ឯករង appeared first on Kampuchea Thmey Daily.

ក្រោយខកខានលើកពាន Premier League អស់រយៈពេល ២២ ឆ្នាំ ពោលតាំងពីឆ្នាំ ២០០៤ មក នៅទីបំផុតក្រុម Arsenal បានស្គាល់រស់ជាតិនៃការលើកពាននេះឡើងវិញ ក្រោយ Manchester City ភ្លាត់ស្មើក្រុម Bournemouth ក្នុងលទ្ធផល ១-១ កាលពីថ្ងៃទី ២០ ខែ ឧសភា កន្លងទៅ។

លទ្ធផលនេះ បានធ្វើឱ្យ Arsenal បន្តឈរលេខ ១ មាន ៨២ ពិន្ទុ និងកំពុងនាំមុខ Man City ដល់ទៅ ៤ ពិន្ទុ។ ការប្រកួតលីគកំពូល អង់គ្លេស នៅសល់តែ ១ ប្រកួតទៀតប៉ុណ្ណោះ។ ដូច្នេះ ទោះប្រកួតក្រោយរវាងក្រុមទាំង ២ មានមួយណាឈ្នះ ឬ ក៏ចាញ់ក៏លែងសំខាន់ទៀតដែរ។

យោងតាមសារព័ត៌មាន Express បានឱ្យដឹងថា ក្រុម Arsenal នឹងទទួលបានប្រាក់ចំណូលសរុបរហូតដល់ទៅ ២៣៦.៣០ ទៅ ២៣៩ លានដុល្លារអាមេរិកពីការឈ្នះជើងឯក Premier League រដូវកាលនេះ។

ប្រាក់ចំណូល ដែលនឹងទទួលបាននេះ ត្រូវបានគេគិតទៅលើការចែកភាគលាភរបស់ Premier League ដែលទទួលបានពីការលក់សិទ្ធផ្សាយចំនួន ១៣០ លានដុល្លារអាមេរិក, ប្រាក់រង្វាន់ពីការឈ្នះពានចំនួន ៧១.២៩ លានដុល្លារអាមេរិក និងប្រាក់ពីការលក់សិទ្ធផ្សាយរបស់ក្លិបផ្ទាល់ចំនួន ៣៣.៤៣ លានដុល្លារអាមេរិក ទៅ ៣៦.៧៩ លានដុល្លារអាមេរិក។

ប្រាក់ចំណូល Arsenal រកបាននៅរដូវកាលនេះ គឺមានចំនួនច្រើនជាង Liverpool រកបានក្រោយពីការឈ្នះជើងឯកនៅរដូវកាលមុន ដែលពេលនោះរកបានសរុបចំនួន ២៣៥ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ Express

The post Arsenal ទទួល​បានប្រាក់ជាង ២៣៦​លានដុល្លារ​ ពី​ការ​​ឈ្នះ​ជើងឯកលីគ​កំពូល​អង់គ្លេស appeared first on Kampuchea Thmey Daily.

យោងតាមអ្នកកាសែត អ៉ីតាលី លោក Fabrizio Romano បានឱ្យដឹង ថា មានកីឡាករ ១១ នាក់បានរងរបួស អំឡុងពេលលេងឱ្យជម្រើសជាតិរបស់ពួកគេរៀងៗខ្លួន ហើយកីឡាករទាំងនោះត្រូវបានដកឈ្មោះពីក្រុមភ្លាមៗ។ កីឡាករទាំង ១១ នាក់នោះរួមមាន Bukayo Saka, Declan Rice, Noni Madueke, Eberechi Eze, Jurrien Timber, Martín Zubimendi, Leandro Trossard, William Saliba, Gabriel Magalhães, Piero Hincapié និង Martin Ødegaard។

សមាសភាពកីឡាកររបួសខាងលើ គឺសុទ្ធតែជាកីឡាករសំខាន់ៗក្នុងក្រុមធំរបស់ Arsenal នៅរដូវកាលនេះ។ យ៉ាងណាមិញ បញ្ហារបួសនេះ ក៏បានបង្កជាការព្រួយបារម្ភផងដែរ សម្រាប់ក្រុមកាំភ្លើងធំទាំងមូល ដោយសារពួកគេកំពុងស្ថិតនៅក្នុងបេក្ខភាពប្រជែងពាន ៣ ដូចជា Premier League (កំពុងឈរកំពូលតារាង), Champions League (ឈានចូលវគ្គ ៨ ក្រុម) និងពាន FA Cup (ឈានចូលវគ្គ ៨ ក្រុម)។

ទោះបីជាយ៉ាងណា មិនទាន់មានព័ត៌មានលម្អិតអំពីបញ្ហារបួសរបស់កីឡាករទាំង ១១ នាក់នេះនោះទេ ថា តើពួកគេមានស្ថានភាពរបួសកម្រិតណា និងត្រូវសម្រាកនៅក្រៅទីលានរយៈពេលប៉ុន្មាន៕

ប្រែសម្រួល៖ សេម កុសល
ប្រភព៖ Fabrizio Romano

The post កីឡាករ Arsenal ដល់ ១១ នាក់របួស ពេល​លេង​ឱ្យ​ជម្រើសជាតិ ចំពេលក្រុមមមារញឹកប្រជែង​ពាន appeared first on Kampuchea Thmey Daily.

Saka ជាយុវជនថ្នាលរបស់ Arsenal ផ្ទាល់តែម្តង ដោយបានតម្លើងមកកាន់ក្រុមធំជាលើកដំបូងនៅរដូវកាល ២០១៩-២០២០។ កីឡាករមានកិច្ចសន្យាដល់រដូវក្តៅឆ្នាំ ២០២៧ ប៉ុន្តែឥឡូវនេះកីឡាករវ័យ ២៤ ឆ្នាំ បានសម្រេចបន្តកិច្ចសន្យារយៈពេល ៥ ឆ្នាំបន្ថែមទៀតជាមួយក្រុមកាំភ្លើងធំ ពោលគឺដល់ខែ មិថុនា ឆ្នាំ ២០៣១។ ប្រការនេះ បានធ្វើឱ្យរូបគេទទួលបានប្រាក់ពលកម្មរហូតដល់ទៅ ៤០ ម៉ឺនដុល្លារអាមេរិកក្នុងមួយសប្តាហ៍ ដែលជាចំនួនច្រើនជាងគេបំផុតនៅក្លិប និងស្ថិតនៅលំដាប់លេខរៀងទី ៥ ក្នុងលីគកំពូល អង់គ្លេស។

បច្ចុ​​ប្បន្ន Erling Haaland របស់ Manchester City ឈរលេខ ១ ជាកីឡាករមានប្រាក់ពលកម្មថ្លៃបំផុតនៅ អង់គ្លេស ពោលគឺចំនួន ៧០.៦ ម៉ឺនដុល្លារអាមេរិកក្នុងមួយសប្តាហ៍។ ខ្សែប្រយុទ្ធរបស់ Liverpool កីឡាករ Mohamed Salah ឈរលេខ ២ រកបាន ៥៤ ម៉ឺនដុល្លារអាមេរិកក្នុងមួយសប្តាហ៍។ ខ្សែបម្រើ Casemiro របស់ Manchester United ឈរលេខ ៣ រកបាន ៤៧ ម៉ឺនដុល្លារអាមេរិកក្នុងមួយសប្តាហ៍។

ខ្សែការពារ Virgil van Dijk របស់ Liverpool ឈរលេខ ៤ រកបាន ៤៧ ម៉ឺនដុល្លារអាមេរិកក្នុងមួយសប្តាហ៍ដូចគ្នា និងចុងក្រោយ Saka រកបាន ៤០ ម៉ឺនដុល្លារអាមេរិកក្នុងមួយសប្តាហ៍ ដែលស្មើគ្នាជាមួយ Bruno Fernandes ខ្សែបម្រើរបស់ Manchester United ផងដែរ៕

ប្រែសម្រួល៖ សេម កុសល
ប្រភព៖ Daily Mail

The post Saka ឡើងឈរ Top 5 ជាកីឡាករមានប្រាក់ឈ្នួលខ្ពស់បំផុតនៅលីគ អង់គ្លេស ក្រោយបន្តកុងត្រាថ្មី appeared first on Kampuchea Thmey Daily.

នាយប់រំលងអាធ្រាត្រឈានចូលថ្ងៃ ព្រហស្បតិ៍ ទី ១៩ ខែ កុម្ភៈ ឆ្នាំ ២០២៦ ក្រុម Arsenal បានភ្លាត់ស្មើក្រុមកំពុងឈរនៅបាតតារាង Wolves ២-២ ដែលបានធ្វើឱ្យពួកគេបច្ចុប្បន្នមានគម្លាតពិន្ទុពីក្រុមឈរលេខ ២ Manchester City ៥ ពិន្ទុ។ ទោះជាយ៉ាងណា Man City នៅសល់ការប្រកួត ១ ប្រកួតទៀត។ ដូច្នេះ ប្រសិនបើការប្រកួតទល់នឹងក្រុម Newcastle នៅថ្ងៃ អាទិត្យ ទី ២២ ក្រុម Man City ឈ្នះ នោះគម្លាតពិន្ទុនឹងនៅសល់ត្រឹមតែ ២ ពិន្ទុប៉ុណ្ណោះ។

ចំណុចនេះបានធ្វើឱ្យអ្នកគាំទ្រចាប់អារម្មណ៍ជាខ្លាំង ដោយសារ Arsenal បានមានរឿងដដែលៗបែបនេះ ៣ រដូវកាលជាប់គ្នាមកហើយ។ ពួកគេតែងតែបង្ហាញទម្រង់លេងល្អនៅដើមរដូវកាល ហើយបែជាមានទម្រង់លេងធ្លាក់ចុះនៅចុងរដូវកាល ដែលធ្វើឱ្យពួកគេខកខានឈ្នះពាន Premier League និងទទួលបានត្រឹមជើងឯករងដល់ទៅ ៣ រដូវកាលជាប់គ្នា។

គិតត្រឹមបច្ចុប្បន្ន Arsenal កំពុងឈរជាក្រុមបានចំណាត់ថ្នាក់លេខ ២ ច្រើនបំផុត ចាប់តាំងពីលីគកំពូល អង់គ្លេស ប្រែឈ្មោះមកជា Premier League នៅឆ្នាំ ១៩៩២ ដោយមានកំណត់ត្រាចំនួន ៩ លើក។ យ៉ាងណា ក្រុមកាំភ្លើងធំក៏ធ្លាប់លើកពានបាន ៣ លើកផងដែរ គឺនៅរដូវកាល ១៩៩៧-៩៨, ២០០១-២០០២ និង ២០០៣-២០០០៤។

ងាកមកកាន់រដូវកាល ២០២៥-២០២៦ នេះវិញ តំណែងកំពូលតារាងរបស់ Arsenal កំពុងមានភាពផុយស្រួយនៅឡើយ ដោយសារមួយរយៈចុងក្រោយនេះពួកគេភ្លាត់ចាញ់ និងស្មើច្រើន ហើយបើ Man City ដែលជាក្រុមគូប្រជែងវិញ កំពុងឡើងជើងគួរឱ្យកត់សម្គាល់។ ដូច្នេះ បើរដូវកាលនេះ Arsenal ភ្លាត់ទទួ់បានចំណាត់ថ្នាក់លេខ ២ ទៀត នឹងនឹងក្លាយជាលើកទី ១០ ហើយ ក្នុងប្រវត្តិសាស្ត្រ Premier League៕

អត្ថបទ៖ សេម កុសម

The post Arsenal កំពុងកាន់កំណត់ត្រាជាក្រុម​បានលេខ ២ ច្រើនបំផុតក្នុងប្រវត្តិសាស្ត្រលីគ​កំពូល​អង់គ្លេស appeared first on Kampuchea Thmey Daily.

លោក Henry ហាក់មានភាពជឿជាក់យ៉ាងខ្លាំងលើ Arsenal ក្នុងរដូវកាល ២០២៥-២០២៦ ។ ចំណុចធំមួយ ដែលលោកមើលឃើញក្រុមកាំភ្លើងធំ នឹងអាចឈ្នះពាន UCL ដោយសារ លោកគិតថា ពួកគេក្នុងរដូវកាលនេះ គឺមានក្រុមមួយ ដែលល្អជាងក្រុមណាទាំងអស់នៅក្នុងតំបន់ អឺរ៉ុប។

ថ្លែងក្រោយ Arsenal យកឈ្នះលើក្រុម Athletic Club ២-០ កាលពីថ្ងៃ អង្គារ៍ ទី ១៦ ខែ កញ្ញា កន្លងទៅ លោក Henry បាននិយាយអំពីក្រុម នឹងអាចឈ្នះពាន UCL រដូវកាលនេះ ថា៖ «នាពេលបច្ចុប្បន្ននេះ ខ្ញុំនឹងនិយាយ ថា គ្មាននរណាម្នាក់មានក្រុមដ៏ស៊ីជម្រៅដូច Arsenal ទេ ទាក់ទងនឹងគុណភាពក្រុម។ ក្រុមខ្លះ អាចផ្តល់ឱ្យពួកគេនូវជម្រើសដ៏ល្អ ដើម្បីចាប់ផ្តើមជម្រើស ១១ នាក់ដំបូង ប៉ុន្តែប្រសិនបើអ្នកមើលទៅលើ Arsenal វិញ គឺពួកគេមានក្រុមដ៏ល្អដល់ទៅ ២ ក្រុម។ ប៉ុន្តែឥឡូវនេះ និយាយដោយស្មោះត្រង់ទៅ វាត្រូវតែជាឆ្នាំ ដើម្បីឈ្នះអ្វីមួយ។ វាត្រូវតែ អ្នកមិនអាចរំលងបានទេ»។

ទន្ទឹមនឹងនេះ លោក Henry ក៏បានលើកឡើង អំពីក្រុមមួយចំនួនទៀត ដូចជា Liverpool និង Manchester City ដែលពួកគេក៏អាចជាក្រុមគ្រោះថ្នាក់ នឹងប្រជែងពានរង្វាន់ UCL នៅរដូវកាលនេះផងដែរ៕

ប្រែសម្រួល៖ សេម កុសល
ប្រភព៖ pulsesports

The post វីរបុរស បារាំង លោក Henry បានចុចឈ្មោះក្រុម អង់គ្លេស មួយ នឹងឈ្នះ UCL រដូវកាលនេះ appeared first on Kampuchea Thmey Daily.

គិតត្រឹមថ្ងៃទី ៣០ ខែ កក្កដា ឆ្នាំ ២០២៥ ក្លិបហង្សក្រហម Liverpool បានឈរនៅលើគេ ជាក្លិបដែលចាយលុយច្រើនបំផុត ក្នុងការទិញចូលកីឡាករថ្មី​ចូល។ បន្ទាប់មក Chelsea ឈរលេខ ២, Arsenal ឈរលេខ ៣, Manchester United ឈរលេខ ៤ និង Manchester City ឈរនៅលេខ ៥។

ខាងក្រោម គឺជាទិន្នន័យលំអិត​ ដែលដកស្រង់ចេញពី Transfer Market អំពីក្លិបទាំង ៥ ក្នុងក្របខណ្ឌ Premier League បាន​ចំណាយ​ច្រើនជាងគេបំផុត ក្នុងការទិញកីឡាករថ្មីនៅរដូវក្តៅនេះ៖

• Liverpool ចាយលុយសរុបអស់ ចំនួន ៣៥៨.៩ លានដុល្លារអាមេរិក
• Chelsea ចាយលុយសរុបអស់ ចំនួន ២៨២.៨៧ លានដុល្លារអាមេរិក
• Arsenal ចាយលុយសរុបអស់ ចំនួន ២៥៨.៨៥ លានដុល្លារអាមេរិក
• Man United ចាយលុយសរុបអស់ ចំនួន ១៧៦.១ លានដុល្លារអាមេរិក
• Manchester City ចាយលុយសរុបអស់ ចំនួន ១៦៨ លានដុល្លារអាមេរិក៕

អត្ថបទ៖ សេម កុសល
ប្រភព៖ Transfer Market

The post ក្លិប ៥ ប្រចាំ លីគ​កំពូល​អង់គ្លេស ចាយលុយ​ច្រើនបំផុត​​ត្រៀម​ខ្លួន​រដូវកាលនេះ appeared first on Kampuchea Thmey Daily.

នៅយប់រំលងអាធ្រាត្រឈានចូលថ្ងៃ ព្រហស្បតិ៍ ទី ៨ ខែ ឧសភា ក្រុមកាំភ្លើងធំ Arsenal បានធ្លាក់ចេញពីពាន UCL ត្រឹមវគ្គពាក់កណ្តាលផ្តាច់ព្រ័ត្រ ក្រោយពួកគេបរាជ័យក្រោមថ្វីជើងក្រុមអ្នកមានបារាំង PSG ក្នុងការប្រកួតជើងទី ២ ដោយលទ្ធផល ២-១ ខណៈសរុប​ទាំង ២ ជើង ពួកគេចាញ់ ៣-១។

ក្រោយចប់ការប្រកួតភ្លាម លោក Arteta បានលើកឡើងយ៉ាងគួរឱ្យចាប់អារម្មណ៍ថា ៖ «ខ្ញុំពិតជាមានមោទកភាពចំពោះកីឡាករខ្លាំងណាស់។ ចំពោះអ្វីដែលខ្ញុំបានឃើញ គឺ ១០០% ខ្ញុំមិនគិតថា មានក្រុមណាល្អជាង Arsenal ក្នុងការប្រកួតប្រជែងពាននេះឡើយ ប៉ុន្តែពួកយើងត្រូវធ្លាក់ចេញហើយ»។

សូមបញ្ជាក់ថា Arsenal នៅក្នុងរដូវកាលនេះ ដែលស្ថិតក្រោមការដឹកនាំរបស់លោក Arteta គឺពុំបានឈ្នះណាមួយឡើយ ដែលពួកគេមានវត្តមានក្នុងការប្រកួតប្រជែង រួមមាន Premier League, FA Cup, Carabao Cup និង Champions League៕

ប្រែសម្រួល៖ សេម កុសល
ប្រភព៖ BBC

The post Arteta អះអាងថា គ្មាន​ក្រុមណាល្អជាង Arsenal ទេ ក្នុងពាន UCL ឆ្នាំនេះ appeared first on Kampuchea Thmey Daily.