Asian Women's Volleyball Championship Archives - Kampuchea Thmey Daily

ក្រុមជម្រើសជាតិខ្លាំង ៣២ ប្រកួតជើងឯកបាល់ទះពិភពលោកខែក្រោយ

chean virakbot — Fri, 22 Aug 2025 02:42:00 +0000

ក្រុមបាល់ទះជម្រើសជាតិចំនួន ៣២ ត្រូវប្រជែងដណ្តើមជើងឯកបាល់ទះពិភពលោក (FIVB Men’s Volleyball World Championship) ចាប់ពីថ្ងៃទី១២ ដល់ទី២៨ ខែកញ្ញា ឆ្នាំ ២០២៥ នៅប្រទេសហ្វីលីពីន។

អ៉ីតាលី ជាជើងឯកកាលពីឆ្នាំ ២០២២

នេះជាលើកដំបូងដែលការប្រកួតជើងឯកបាល់ទះពិភពលោក រៀបចំនៅតំបន់អាស៊ីអាគ្នេយ៍ ដែលហ្វីលីពីនទទួលធ្វើម្ចាស់ផ្ទះ។ ក្រុមបាល់ទះជម្រើសជាតិ ហ្វីលីពីន ទទួលបានកៅអីជុំចុងក្រោយដោយស្វ័យប្រវត្តិក្នុងនាមជាម្ចាស់ផ្ទះ ហើយក៏ជាលើកដំបូងសម្រាប់ហ្វីលីពីន ដែលបានប្រកួតជុំចុងក្រោយ។ ក្រុមជម្រើសជាតិផ្សេងៗទៀតសុទ្ធតែមានចំណាត់ថ្នាក់ល្អ និងជាប់វគ្គជម្រុះតាមតំបន់ និងទ្វីបរៀងៗខ្លួន។

រូបមន្តនៃការប្រកួត ក្រុមបាល់ទះជម្រើសជាតិទាំង ៣២ ត្រូវបានបែងចែកជា ៨ ពូល ដែលក្នុង ១ ពូលមាន ៤ ក្រុម។ បន្ទាប់ពីចប់វគ្គសន្សំពិន្ទុក្នុងពូល ក្រុមលេខ ១ និងលេខ ២ នៃពូលទាំង ៨ ឡើងទៅវគ្គ ១៦ ក្រុមចុងក្រោយ ដែលជាវគ្គខ្វែងពោលគឺក្រុមឈ្នះ ឡើងវគ្គបន្ត ហើយក្រុមចាញ់ធ្លាក់។ ក្រុមឈ្នះដោយលទ្ធផល ៣-០ ឬ ៣-១ ទទួលបាន ៣ ពិន្ទុ ហើយក្រុមចាញ់សូន្យពិន្ទុ ខណៈក្រុមដែលឈ្នះដោយលទ្ធផល ៣-២ ទទួលបាន ២ ពិន្ទុ ហើយក្រុមចាញ់ទទួលបាន ១ពិន្ទុ។

ក្រុមជើងឯក ទទួលបានពាន មេដាយមាស និងប្រាក់រង្វាន់ ១ លានដុល្លារអាមេរិក។ ក្រុមចំណាត់ថ្នាក់លេខ២ ទទួលបានមេដាយប្រាក់ និងប្រាក់រង្វាន់ ៥០ម៉ឺនដុល្លារ ខណៈម្ចាស់មេដាយសំរិទ្ធ ទទួលបានប្រាក់រង្វាន់ ២៥ម៉ឺនដុល្លារអាមេរិក។ ក្រុមបាល់ទះជម្រើសជាតិ អ៉ីតាលី ជាម្ចាស់ការពារជើងឯកឆ្នាំចាស់ ដែលពួកគេបានឈ្នះកាលពីឆ្នាំ ២០២២។

ក្រុមនៃពូលទាំង ៨ មានដូចខាងក្រោម

ពូល A ៖ ហ្វីលីពីន (ម្ចាស់ផ្ទះ) អ៉ីរ៉ង់ អេហ្ស៊ីប និង ទុយនេស៊ី
ពូល B ៖ ប៉ូឡូញ ហូឡង់ កាតា និង រ៉ូម៉ានី
ពូល C ៖ បារាំង អាហ្សង់ទីន ហ្វាំងឡង់ និង កូរ៉េខាងត្បូង
ពូល D ៖ សហរដ្ឋអាមេរិក គុយបា ព័រទុយហ្គាល់ និង កូឡុំប៊ី
ពូល E ៖ ស្លូវេនី អាល្លឺម៉ង់ ប៊ុលហ្គារី និង ឈីលី
ពូល F ៖ អ៉ីតាលី អ៊ុយក្រែន បែលហ្ស៊ិក និង អាហ្សេរី
ពូល G ៖ ជប៉ុន កាណាដា តួកគី និងលីប៊ី
ពូល H ៖ ប្រេស៊ីល ស៊ែប៊ី ឆេក និង ចិន

ប្រេស៊ីល

ចិន

គុយបា

បារាំង

អ៉ីតាលី

ជប៉ុន

ប៉ូឡូញ

ស្លូវេនី

អត្ថបទ៖ វីរបុត្រ

The post ក្រុមជម្រើសជាតិខ្លាំង ៣២ ប្រកួតជើងឯកបាល់ទះពិភពលោកខែក្រោយ appeared first on Kampuchea Thmey Daily.

ការប្រកួតបាល់ទះនារីជើងឯកអាស៊ី២០២៣មាន១៤ក្រុមចាប់ផ្តើមថ្ងៃស្អែក

chean virakbot — Tue, 29 Aug 2023 03:05:01 +0000

ការប្រកួតបាល់ទះនារីជើងឯកអាស៊ី លើកទី២២ (2023 Asian Women’s Volleyball Championship) នឹងចាប់ផ្តើមនៅថ្ងៃស្អែក ទី៣០ ខែសីហា ឆ្នាំ២០២៣ ដែលមានក្រុមខ្លាំងៗនៅតំបន់អាស៊ីចំនួន១៤ចូលរួមប្រកួតនៅខេត្ត Nakhan Ratchasima ប្រទេសថៃ។

តាមការគ្រោងទុក ក្រុមជាប់វគ្គជម្រុះចំនួន១៧ដែលទទួលបានកៅអីឡើងទៅប្រកួតជុំផ្តាច់ព្រ័ត្រនៅប្រទេសថៃ ប៉ុន្តែមានក្រុម៣គឺ ឥណ្ឌូណេស៊ី នូវេលសេឡុង និង ស្រីលង្កា បានដកខ្លួន ដូច្នេះនៅសល់តែ១៤ក្រុមប៉ុណ្ណោះដែលត្រូវប្រជែងគ្នាឆ្នាំ២០២៣នេះ។

ការប្រកួតត្រូវបានបែងចែកជា៤ពូលគឺពូល A B C និង D ដែលត្រូវប្រកួតវគ្គសន្សំពិន្ទុក្នុងពូលពីថ្ងៃទី៣០ ខែសីហា ដល់ថ្ងៃទី១ ខែកញ្ញា មុនពេលបន្តប្រកួតវគ្គខ្វែង និងប្រកួតដណ្តើមចំណាត់ថ្នាក់ចាប់ពីថ្ងៃទី៣ រហូតដល់ថ្ងៃទី៦ ខែកញ្ញាទើបចប់។

នេះជាលើកទី២២នៃព្រឹត្តិការណ៍ប្រកួតបាល់ទះនារីជើងឯកអាស៊ី បន្ទាប់ពីរៀបចំលើកដំបូងតាំងពីឆ្នាំ១៩៧៥។ តាមប្រវត្តិមានតែ៣ប្រទេសប៉ុណ្ណោះដែលធ្លាប់ឈ្នះជើងឯកគឺ ក្រុមនារីចិនឈ្នះជើងឯកច្រើនជាងគេបំផុតរហូតដល់១៣ដង ខណៈក្រុមនារីជប៉ុនធ្លាប់ឈ្នះ៥ដង និងក្រុមនារីថៃធ្លាប់ឈ្នះ២ដង។

ក្រុមនារីជប៉ុនជាម្ចាស់ការពារតំណែងជើងឯកឆ្នាំចាស់ដែលបានឈ្នះកាលពីឆ្នាំ២០១៩ ប៉ុន្តែនៅឆ្នាំ២០២១មិនបានរៀបចំការប្រកួតទេដោយសារវិបត្តិកូវីដ-១៩។

ពូល A៖ ថៃ (ម្ចាស់ផ្ទះ) អូស្ត្រាលី និង ម៉ុងហ្គោលី

ពូល B៖ ជប៉ុន អ៉ីរ៉ង់ និង ឥណ្ឌា

ពូល C៖ កូរ៉េខាងត្បូង ឆាយនីសតៃប៊ិ វៀតណាម និង អ៊ូបេគីស្ថាន

ពូល D៖ ចិន កាហ្សាក់ស្ថាន ហុងកុង និង ហ្វីលីពីន

សូមបញ្ជាក់ថា ក្រុមជើងឯក ក្រុមលេខ២ និងក្រុមលេខ៣ ទទួលបានកៅអីដោយស្វ័យប្រវត្តិ ឡើងទៅចូលរួមប្រកួតបាល់ទះជើងឯកពិភពលោកឆ្នាំ២០២៥ (2025 World Championship)៕

អត្ថបទ៖ វីរបុត្រ

The post ការប្រកួតបាល់ទះនារីជើងឯកអាស៊ី២០២៣មាន១៤ក្រុមចាប់ផ្តើមថ្ងៃស្អែក appeared first on Kampuchea Thmey Daily.

Asian Women's Volleyball Championship Archives - Kampuchea Thmey Daily

ក្រុម​ជម្រើស​ជាតិ​ខ្លាំង ៣២ ប្រកួត​ជើង​ឯក​បាល់ទះ​ពិភព​លោក​ខែ​ក្រោយ

ការ​ប្រកួតបាល់ទះ​នារីជើង​ឯកអាស៊ី២០២៣មាន១៤ក្រុមចាប់ផ្តើមថ្ងៃស្អែក

ក្រុមជម្រើសជាតិខ្លាំង ៣២ ប្រកួតជើងឯកបាល់ទះពិភពលោកខែក្រោយ

ការប្រកួតបាល់ទះនារីជើងឯកអាស៊ី២០២៣មាន១៤ក្រុមចាប់ផ្តើមថ្ងៃស្អែក