BamBam Archives - Kampuchea Thmey Daily

BamBam បញ្ចប់កិច្ចសន្យាផ្តាច់មុខជាមួយ Abyss ក្រោយសហការគ្នាអស់ពេល ៤ឆ្នាំ

សាង ស្រីល័ក្ខ — Thu, 06 Feb 2025 08:15:13 +0000

នៅថ្ងៃទី ០៦ ខែកុម្ភៈ ឆ្នាំ ២០២៥ ទីភ្នាក់ងារសារព័ត៌មានកូរ៉េខាងត្បូង JTBC បានរាយការណ៍ថា ក្រុមហ៊ុន Abyss ដែលជាទីភ្នាក់ងាររបស់តារាថៃ (BamBam) បានចេញសេចក្តីថ្លែងការណ៍ដ៏សំខាន់មួយដោយបញ្ជាក់ថា កិច្ចសន្យាពិសេសជាមួយតារាប្រុសបានបញ្ចប់ហើយ។

សេចក្តីថ្លែងការណ៍ក៏បានបញ្ជាក់ថា «យើងបាននិយាយជាមួយ BamBam យូរហើយ! បន្ទាប់ពីការពិភាក្សាយ៉ាងយកចិត្តទុកដាក់ យើងបានសម្រេចចិត្តបញ្ចប់កិច្ចសន្យា។ សូមអរគុណដោយស្មោះចំពោះ BamBam ដែលបាននៅជាមួយយើងអស់រយៈពេល ៤ ឆ្នាំកន្លងមកនេះ ចាប់ពីពេលនេះតទៅ យើងនឹងគាំទ្រការប្រឈមថ្មី និងផ្លូវអនាគតរបស់គាត់។ សូមឲ្យមនុស្សគ្រប់គ្នាផ្តល់ក្តីស្រឡាញ់ ហើយបន្តការយកចិត្តទុកដាក់ដោយមិនងាករេ»។

សម្រាប់ BamBam គាត់បានបង្ហាញខ្លួនជាលើកដំបូងជាសមាជិករបស់ GOT7 ក្នុងឆ្នាំ ២០១៥ ហើយបានសកម្មក្នុងវិស័យផ្សេងៗ មុនពេលសម្រេចចិត្តចុះកុងត្រាផ្តាច់មុខនៅឆ្នាំ ២០២១។ ក្នុងនាមជាសិល្បករទោលជាមួយក្រុមហ៊ុន Abyss និងបានចេញអាល់ប៊ុមទោលដំបូងរបស់ខ្លួនដែលមានចំណងជើងថា riBBon បន្ទាប់មកបានចាប់ផ្តើមអាជីពទោលពេញលេញរបស់គាត់។

ពេញមួយឆ្នាំដែល តារាចម្រៀងប្រុស២៧ឆ្នាំបាននៅជាមួយក្រុមហ៊ុន Abyss គាត់ត្រូវបានគេស្គាល់ថាជាតារាកម្សាន្តគ្រប់ទិសទី។រាប់ចាប់តាំងពីការបង្កើតកម្មវិធី YouTube ផ្ទាល់ខ្លួនដែលមានឈ្មោះថា BamHouse ឬឈ្មោះកូរ៉េ Bamjib និងទទួលបានការស្រឡាញ់ជាច្រើនពីអ្នកគាំទ្រ។ តាមរយៈការចេញអាល់ប៊ុមជាបន្តបន្ទាប់ មិនថាជាអាល់ប៊ុមពេញ “Sour & Sweet” និងអាល់ប៊ុមតូច “BAMESIS” ក៏ដូចជាការប្រគំតន្ត្រីនៅប្រទេសផ្សេងៗ៕

អត្ថបទ៖ សាង ស្រីល័ក្ខ

ចុចអាន៖ប្អូនស្រីតួ សាន់ឆាយ ប្រាប់ហេតុផលមិនធ្វើបុណ្យសពឲ្យបងស្រីនៅលើទឹកដីកំណើត

The post BamBam បញ្ចប់កិច្ចសន្យាផ្តាច់មុខជាមួយ Abyss ក្រោយសហការគ្នាអស់ពេល ៤ឆ្នាំ appeared first on Kampuchea Thmey Daily.

តំណាង OA បដិសេធពាក្យចចាមអារ៉ាមដែលថា Jennie បង្កាត់ភ្លើងស្នេហ៍ជាមួយ BamBam

សាង ស្រីល័ក្ខ — Thu, 19 Sep 2024 07:07:51 +0000

តំណាងផលិតកម្ម OA Entertainment របស់ Jennie បានប្រញាប់ធ្វើការបដិសេធជាផ្លូវការចំពោះពាក្យចចាមអារ៉ាមថា នាងមានទំនាក់ទំនងស្នេហាជាមួយនឹងសមាជិកក្រុម GOT7 ឬតារាចម្រៀងទោល BamBam។ នេះបើយោងតាមសារព័ត៌មានកម្សាន្តជាច្រើននៅក្នុងប្រទេសកូរ៉េខាងត្បូងបានរាយការណ៍យ៉ាងគគ្រឹកគគ្រេង។

យ៉ាងណា កាលពីថ្ងៃទី ១៧ ខែកញ្ញា Jennie និង BamBam ត្រូវបានគេប្រទះឃើញញ៉ាំអាហារជាមួយអ្នកស្គាល់គ្នានៅភោជនីយដ្ឋានមួយក្នុងរដ្ឋ LA(ទឹកដីអាមេរិក)។ គេជឿថាអ្នកសិល្បៈទាំងពីរមានអ្នកគ្រប់គ្រងរបស់ពួកគេអមដំណើរ។ ប៉ុន្តែរូបភាពរបស់អ្នកទាំងពីរបានសាយភាយពាសពេញអ៉ិនធើណេតដោយចោទប្រកាន់ថា ពួកគេកំពុងលួចបង្កាត់ភ្លើងស្នេហ៍ជាមួយគ្នា។

ក្រោយមក ដោយយោងតាមអ្នកតំណាងរបស់ OA នៅថ្ងៃទី ១៩ ខែកញ្ញា បាននិយាយថា “ដោយសារតែ Jennie និង BamBam គឺជាមិត្តជិតស្និទ្ធនឹងគ្នា ពួកគេបានជួបគ្នានៅសហរដ្ឋអាមេរិកដើម្បីញ៉ាំអាហារជាមួយគ្នាតែប៉ុណ្ណោះ” ។

ទន្ទឹមនឹងនេះដែរ មនុស្សជាច្រើនសន្មត់ថាកាលបរិច្ឆេទរបស់ពួកគេអាចត្រូវបានផ្សារភ្ជាប់ទៅនឹងការបង្ហាញខ្លួនដែលអាចទៅរួចរបស់ Jennie នៅក្នុងកម្មវិធីរបស់ BamBam ដែលមានចំណងជើងថា ‘Bamhome’ ដើម្បីផ្សព្វផ្សាយបទចម្រៀងទោលរបស់នាងនាពេលខាងមុខ។

មិនត្រឹមតែប៉ុណ្ណឹងទេ កាលពីថ្ងៃទី០៩ ខែកញ្ញា ទីភ្នាក់ងាររបស់ Jennie OA (ODDATELIER) បានបង្ហាញការវិវឌ្ឍន៍ដ៏សំខាន់មួយដែល រូបនាងបានចុះហត្ថលេខាជាមួយ Columbia Records ដោយសម្គាល់ជំពូកថ្មីក្នុងនាមជាសិល្បករទោលក្រោមស្លាកសញ្ញាអាមេរិកដ៏ល្បីល្បាញ។ លើសពីនេះ OA បានប្រកាសថា Jennie នឹងត្រលប់មកវិញនូវបទចម្រៀងទោលថ្មីដែលគ្រោងសម្រាប់ខែតុលា ដែលជាការចេញទោលដំបូងរបស់នាងចាប់តាំងពី ‘You & Me’ ៕

អត្ថបទ៖ សាង ស្រីល័ក្ខ

ចុចអាន៖សមាជិក MONSTA X ២រូប ធ្លាយរូបអាស្រូវផឹកស៊ីជាមួយស្រីម្នាក់

The post តំណាង OA បដិសេធពាក្យចចាមអារ៉ាមដែលថា Jennie បង្កាត់ភ្លើងស្នេហ៍ជាមួយ BamBam appeared first on Kampuchea Thmey Daily.

ទស្សនិកជនថា Lisa ទៅវៀតណាម ដោយសារតែហេតុផលមួយប៉ុណ្ណោះ

សាង ស្រីល័ក្ខ — Thu, 19 Oct 2023 05:07:29 +0000

នៅប៉ុន្មានថ្ងៃមកនេះសារព័ត៌មានធំៗជាច្រើនបានចុះផ្សាយពីដំណើររបស់ Lisa សមាជិកក្រុម BLACKPINK និងបងប្អូនជីដូនមួយរបស់នាង ទៅវិស្សមកាលនៅទីក្រុងហូជីមិញ ប្រទេសវៀតណាម។ ស្របពេលដែលវាបានសាយភាយពេញបណ្ដាញសង្គម បង្កឲ្យមានការរំភើបចិត្តក្នុងចំណោមអ្នកគាំទ្រជាច្រើន។

ទោះបីជាពាក់ម៉ាសក៏ដោយនិងស្លៀកជិតៗខ្លួនសឹងចំណាំមិនស្គាល់ក្ដី ប៉ុន្តែស្ទីលរបស់ Lisa បានធ្វើអ្នកគាំទ្រនៅតែមើលស្គាល់ច្បាស់ថាជានាងខណៈដែលនាងស្លៀកពាក់ស្រដៀងគ្នាសម្រាប់ការបង្ហាញខ្លួនចុងក្រោយនៅឯពិធីខួបកំណើតរបស់ឪពុកចុងនាង។

ទោះយ៉ាងណាក៏ដោយទស្សនិកជនសុទ្ធតែស្មានដឹងថាសមាជិកក្រុម BLACKPINK រូបនេះធ្វើដំណើរទស្សនកិច្ចនៅប្រទេសវៀតណាម ប្រហែលជាទៅចូលរួមការប្រគំតន្ត្រីនាពេលខាងមុខរបស់ BamBam សមាជិកក្រុម GOT7 ដែលនឹងមកដល់នៅថ្ងៃទី ២១ ខែតុលា។

លើសពីនេះ អ្នកគាំទ្រទូទាំងពិភពលោកដឹងហើយថា Lisa និង BamBam គឺជាមិត្តជិតស្និតនឹងគ្នាមកជាយូរហើយចាប់តាំងពីអ្នកទាំងពីរបង្ហាញមុខជាតារា K PoP ដំបូងៗមកម្លេះ។ ដូច្នេះ មិនមែនជារឿងចម្លែកនោះទេ ដែលនាងបានទៅវៀតណាម ដើម្បីគាំទ្រសមាជិកក្រុម GOT7 រូបនេះ៕

ប្រែសម្រួល សាង ស្រីល័ក្ខ

ចុចអានខ្លាចប្រវត្តិសាស្ត្រច្រំដែល Tong សុខចិត្តធ្វើរឿងនេះសម្រាប់ Ploy

The post ទស្សនិកជនថា Lisa ទៅវៀតណាម ដោយសារតែហេតុផលមួយប៉ុណ្ណោះ appeared first on Kampuchea Thmey Daily.

BamBam ប្រាប់ថា កាលទៅអាមេរិកជាមួយ Jackson ត្រូវខ្មោចលង

សាង ស្រីល័ក្ខ — Tue, 29 Aug 2023 06:54:32 +0000

អ្នកគាំទ្រជាច្រើនមានការភ្ញាក់ផ្អើលដ៏ធំបំផុត នៅពេលដែល Bambam សមាជិកក្រុម GOT7 បាននិយាយអំពីរឿងរ៉ាវខ្មោចក្នុងកម្មវិធី The Ghost Radio ថា លោកធ្លាប់ត្រូវខ្មោចលងកាលទៅអាមេរិកជាមួយ Jackson។

ហេតុការណ៍នេះបានកើតឡើងនៅសណ្ឋាគារមួយក្នុងទីក្រុង L.A. ខណៈកំពុងធ្វើដំណើរជាមួយសមាជិក GOT7។ លោកបានបញ្ចាក់ថា “សណ្ឋាគារនេះត្រូវបានរៀបចំដោយក្រុមការងារ ជាសណ្ឋាគារថ្មី ហើយពួកយើងបានចូលសម្រាកប្រហែលម៉ោង ១០យប់ ពេលនោះខ្ញុំកំពុងដេកនៅលើគ្រែ ហើយនៅទល់មុខគ្រែមានកញ្ចក់រាងជារង្វង់ធំមួយ វាឆ្លុះឲ្យឃើញរាងកាយទាំងមូលរបស់យើងនៅលើគ្រែ”។

សមាជិកក្រុម GOT7 រូបនេះនិយាយបន្តទៀតថា “ខ្ញុំជាជនជាតិថៃដើមកំណើតចិន ចំណែក Jackson ជាជនជាតិចិនហើយយើងមានជំនឿថា យើងដេកមានកញ្ចក់ឆ្លុះបញ្ចាំងវាបង្ហាញពីរាសីមិនល្អទេ។ ប៉ុន្តែក្រោយមកយើងទាំងពីរបានដេកលក់ដោយមិនដឹងខ្លួន។ ភ្លាមៗនោះមាននរណាម្នាក់បានជាន់ពោះរបស់ Jackson។ ខ្ញុំឃើញភ្នែកគាត់មើលនិងញញឹមមកកាន់ខ្ញុំ។ ពេលនោះខ្ញុំដឹងថាខ្ញុំត្រូវខ្មោចលងហើយ! ខ្ញុំចាប់ផ្ដើមភ័យខ្លាច ហើយសូត្រធម៌៣ដង។ បន្ទាប់ពីសូត្ររួច ខ្ញុំភ្ញាក់ឡើងបែកញើស ស្របពេលដែល Jackson ក៏ភ្ញាក់ដែរ”។

យ៉ាងណាមិញ Bambam ក៏បានបញ្ចាក់ដែរថា នេះជាលើកទីមួយហើយដែលលោកត្រូវខ្មោចលងនៅលើទឹកដីអាមេរិកក្នុងសណ្ឋាគារមួយនៃទីក្រុងL.A.បែបនេះ។ ក្រោយជួបហេតុការណ៍រន្ធត់ លោកក៏មិនបានប្រាប់មិត្តរួមក្រុម GOT7 អំពីរឿងរ៉ាវខ្មោចលងនោះដែរ៕

ប្រែសម្រួល៖ សាង ស្រីល័ក្ខ

ចុចអាន៖រូបរាងចុងក្រោយរបស់ Lee Min Ho មិនមែនធាត់ តែហើមមុខចំណាំសឹងមិនស្គាល់

The post BamBam ប្រាប់ថា កាលទៅអាមេរិកជាមួយ Jackson ត្រូវខ្មោចលង appeared first on Kampuchea Thmey Daily.

អ្នកគាំទ្រផ្ទុះកំហឹង ក្រោយ BamBam សមាជិកក្រុម GOT7 ត្រូវគេរើសអើងពូជសាសន៍

សាង ស្រីល័ក្ខ — Wed, 12 Apr 2023 08:09:21 +0000

វាបានក្លាយជាបញ្ហារឿងមួយដែលធ្វើឲ្យអ្នកគាំទ្រក្រុម GOT7 ផ្ទុះកំហឹង បន្ទាប់ពី Business Genius ដែលមាននាយក Paik ឬគេស្គាល់ថាជា The Restaurateur Paik Ep2 បានចាក់ផ្សាយឃ្លិបមួយកាលពីថ្ងៃទី០៩ ខែមេសា នៅលើកញ្ចក់ទូរទស្សន៍ tvN ដោយក្នុងនោះមាន BamBam របស់ GOT7 ជាអ្នកចូលរួម។

កម្មវិធីនេះដែរ ជាកម្មវិធីមេចុងភៅលំដាប់លេខ ១ របស់ប្រទេសកូរ៉េ ក្នុងនាមជាអ្នកសម្របសម្រួល រួមទាំងមនុស្សល្បីៗជាច្រើន ដោយមាន BamBam ចូលរួមយ៉ាងគគ្រឹកគគ្រេងផងដែរ។ ក្នុងឃ្លិបនោះ Business Genius បានទៅថតនៅទីក្រុង Marrakesh ប្រទេសម៉ារ៉ុក ក្នុងភោជនីយដ្ឋានជាមួយគ្នានៅទីនោះ។ ផ្នែកខ្លះនៃកម្មវិធីត្រូវបានចែករំលែកនៅលើបណ្តាញ theqoo រហូតដល់វាក្លាយជាប្រធានបទក្តៅ និងមានអ្នកចូលមើលជាង ៤០,០០០ ដង នៅពេលដែល Bambam ដើរតាមផ្លូវដើម្បីយកសាច់ដែលគេបានបញ្ជា។ ប៉ុន្តែនៅពេលនោះ មានបុរសម្នាក់ដែលមកពីតំបន់នោះបានដើរកាត់ ហើយស្រែកដាក់តារាប្រុសរូបនេះសួរថា តើ BamBam ជាជនជាតិចិនឬយ៉ាងណា ប៉ុន្តែទន្ទឹមនឹងនេះ លោកបានឆ្លើយភ្លាមថា ជាជនជាតិកូរ៉េ។

ទោះយ៉ាងណាឃ្លិបមួយនោះ បានល្បីល្បាញពាសពេញបណ្ដាញសង្គម និងធ្វើឲ្យមានការរិះគន់យ៉ាងខ្លាំងថា តើ BamBam ត្រូវស្វាគមន៍ថាជាជនជាតិចិន ដែលនេះបង្ហាញពីការប្រកាន់ពូជសាសន៍ច្បាស់ណាស់។ ដោយអ្នកគាំទ្រជនជាតិថៃម្នាក់ដែលបានចែករំលែកឃ្លិបនោះបញ្ជាក់ថា សម្រាប់អ្នកដែលមិនស្គាល់ ពេលមនុស្សស្បែកសស្រែកដាក់ជនជាតិអាស៊ីថា ចិនជាប្រភេទប្រកាន់ពូជសាសន៍ណាស់។

មនុស្សមួយចំនួននិយាយថា ការរើសអើងជាតិសាសន៍កើតឡើងទូទាំងពិភពលោកជាមួយជនជាតិអាស៊ី ជាពិសេសត្រូវបានគេបូករួមគ្នាជាមួយប្រទេសចិន គំរូបែបនេះគឺជាការរើសអើងជាតិសាសន៍ តើយើងពិតជាពេញចិត្តទេនៅពេលដែលមនុស្សចង្អុលថា យើងបែបនេះនៅពេលដែលយើងមិនមាន ដូចនេះ គឺជាការរើសអើងជាតិសាសន៍ពិតៗ៕