នៅរដូវកាលនេះ Rashford ត្រូវបានគេរាយការណ៍ អំពីការផ្ទេរយ៉ាងភ្ញាក់ផ្អើល ដោយរូបគេបានសម្រេចកិច្ចព្រមព្រៀង ផ្លាស់ទៅកាន់ក្លិបអ្នកមានបុណ្យ FC Barcelona ក្នុងលក្ខខណ្ឌខ្ចីជើងមួយរដូវកាល អមជាមួយជម្រើសទិញផ្តាច់។ កីឡាករសញ្ជាតិ អង់គ្លេស វ័យ ២៧ ឆ្នាំ បានជោគជ័យក្នុងការពិនិត្យសុខភាពជាមួយក្លិបយក្ស អេស្ប៉ាញ ហើយ គ្រប់យ៉ាងរង់ចាំតែការចុះកិច្ចសន្យាចុងក្រោយ និងប្រកាសផ្លូវការប៉ុណ្ណោះ។

ដកស្រង់ប្រភពចេញពី BBC បានឱ្យដឹងថា Barcelona នៅតែមានបញ្ហាក្នុងការចុះឈ្មោះកីឡាករថ្មី ដោយ​សារ​តែវិបត្តិហិរញ្ញវត្ថុ ប៉ុន្តែក្លិបក៏មានឆន្ទៈចង់បាន Rashford ជាអចិន្ត្រៃយ៍នៅរដូវកាលក្រោយផងដែរ ប្រសិនបើគេបង្ហាញសមត្ថភាពល្អ តាមអ្វីដែលក្លិបចង់បាន។

យ៉ាងណា Man United ក៏មិនចង់ទុកខ្សែប្រយុទ្ធសញ្ជាតិ អង់គ្លេស រូបនេះទៀតដែរ ដោយក្លិបនឹងដាក់លក់រូបគេក្នុងតម្លៃ ៤១ លានដុល្លារអាមេរិក ប្រសិនបើ Barcelona ចង់ទិញផ្តាច់នៅរដូវកាលក្រោយ ២០២៥-២០២៦។

ប្រែសម្រួល៖ សេម កុសល
ប្រភព៖ Metro

The post Man United ប្រាប់ពីតម្លៃដាក់លក់ Rashford បើ Barcelona ចង់ទិញផ្តាច់រដូវកាលក្រោយ appeared first on Kampuchea Thmey Daily.

ពេលវេលារបស់ Martinez ទំនងជិតដល់ពេលបញ្ចប់ជាមួយក្រុម Aston Villa ហើយ ទោះកិច្ចសន្យារបស់គេនៅសល់ដល់ឆ្នាំ ២០២៩ ក៏ដោយ បន្ទាប់ពីអ្នកចាំទីវ័យ ៣២ ឆ្នាំរូបនេះ ត្រូវបានគេចុះផ្សាយថា រូបគេបានសម្រេចចិត្តរួចរាល់ ក្នុងការចាកចេញពីទឹកដី Villa Park នៅរដូវក្តៅនេះ។

យោងតាមការចុះផ្សាយដោយលោក Fernando Czyz អ្នកកាសែតប្រចាំស្ថាប័ន DSports បានឱ្យដឹងថា បច្ចុប្បន្នមាន Barcelona និង Man United សុទ្ធតែបានបង្ហាញចំណាប់អារម្មណ៍ចង់បានលើកអ្នកចាំទីម្ចាស់ពាន World Cup ២០២២ ជាមួយ អាហ្សង់ទីន រូបនេះ។

សូមបញ្ជាក់ថា Martinez បានចាកចេញពី Arsenal មកចូលរួមជាមួយ Aston Villa ក្នុងឆ្នាំ ២០២០ ខណៈក្នុងការស្នាក់នៅទឹកដី Villa Park រយៈពេល ៥ ឆ្នាំមកនេះ អ្នកចាំទីសញ្ជាតិ អាហ្សង់ទីន បានតួយ៉ាងសំខាន់នៅក្នុងក្រុម៕

ប្រែសម្រួល៖ សេម កុសល
ប្រភព៖ beIN SPORTS

The post Barcelona និង Man United កំពុងប្រជែងគ្នាចង់បានអ្នកចាំទីដៃស្អិត Martinez appeared first on Kampuchea Thmey Daily.

ក្រុមរហស្សនាមអ្នកមានបុណ្យ Barcelona បានធ្លាក់ចេញពីពាន UCL ត្រឹមវគ្គពាក់កណ្តាលផ្តាច់ព្រ័ត្រសម្រាប់រដូវកាល ២០២៤-២០២៥ បន្ទាប់ពីបរាជ័យក្រោមថ្វីជើងក្រុម Inter Milan នៅទឹកដី អ៉ីតាលី ក្នុងការប្រកួតជើងទី ២ ដោយលទ្ធផល ៤-៣ ខណៈសរុបលទ្ធផលទាំង ២ ជើង ពួកគេចាញ់ ៧-៦។

ក្រោយធ្លាក់ចេញពីពាន UCL ភ្លាម Lamine Yamal បានបង្ហោះសារនៅលើគណនី IG ផ្ទាល់ខ្លួនថា៖ «ពួកយើងបានផ្តល់អ្វីគ្រប់យ៉ាងអស់ហើយ។ ឆ្នាំនេះពួកយើងមិនអាចយកវាបាន ប៉ុន្តែពួកយើងនឹងត្រឡប់មកវិញដោយគ្មានការសង្ស័យ។ ពួកយើងនឹងមិនបញ្ឈប់ទេ រហូតទាល់តែពួកយើងសម្រេចគ្រប់យ៉ាងជាមួយក្លិបនេះ ឱ្យសក្តិសមនឹងតម្លៃដ៏ខ្ពង់ខ្ពស់របស់ក្លិប។ ខ្ញុំនឹងរក្សាការសន្យារបស់ខ្ញុំ ហើយយកពាននេះមកជូន Barcelona។ ពួកយើងនឹងមិនបញ្ឈប់ទេ រហូតទាល់តែពួកយើងទទួលបានវា។ ប៉ុន្តែនៅថ្ងៃអាទិត្យ វាគឺមានវគ្គផ្តាច់ព្រ័ត្រមួយទៀត ហើយពួកយើងបន្តជាមួយគ្នា។ សូមបន្តស្ថិតស្ថេរយូរអង្វែង Barca»។

សូមបញ្ជាក់ជាថ្មីថា Barcelona ដែលជាក្រុមម្ចាស់ជើងឯក UCL ៥ សម័យ គឺបានបញ្ចប់ភារកិច្ចក្នុងពាន អឺរ៉ុប ត្រឹមនេះហើយ ប៉ុន្តែនៅថ្ងៃ អាទិត្យ ទី ១១ ចុងសប្តាហ៍នេះ ពួកគេនឹងត្រូវមានភារកិច្ចសំខាន់មួយប្រកួតទៀត ដោយត្រូវជួបក្រុម Real Madrid នៅក្នុងការប្រកួតសប្តាហ៍ទី ៣៥ នៃក្របខណ្ឌ La Liga។ ការប្រកួតនេះ ក៏ជាការកំណត់ជោគវាសនាការឈ្នះជើងឯកលីគ La Liga របស់ Barcelona ផងដែរ។ ប្រសិនបើពួកគេឈ្នះ Real Madrid នោះ ពួកគេនឹងក្លាយជើងឯកពានលីគកំពូល អេស្ប៉ាញ រដូវកាល ២០២៤-២០២៥ នៅថ្ងៃនោះតែម្តង៕

អត្ថបទ៖ សេម កុសល

The post Lamine Yamal ចេញសារយ៉ាងម៉ឺងម៉ាត់ ដោយសន្យានឹងយកពាន UCL ជូន Barcelona ឱ្យបាន appeared first on Kampuchea Thmey Daily.

នារាត្រីនេះវេលាម៉ោង ២ រំលងអាធ្រាត្រឈានចូលថ្ងៃទី ពុធ ទី ៦ ខែ ឧសភា ឆ្នាំ ២០២៥ ក្រុម Barcelona នឹងត្រូវធ្វើទៅទឹកដី អ៉ីតាលី ជួបតទល់គ្នាជាមួយក្រុម Inter Milan នៅក្នុងការប្រកួតជើងទី ២ វគ្គពាក់កណ្តាលផ្តាច់ព្រ័ត្រពាន UCL។

យ៉ាងណា មុនការប្រកួតនេះមកដល់ គឺ Barcelona មានទាំងដំណឹងល្អផង និងអាក្រក់ផង។ ដំណឹងល្អ គឺខ្សែប្រយុទ្ធឆ្នើម Robert Lewandowski បានត្រឡប់មកវិញហើយ បន្ទាប់ពីរបួសសរសៃពួរ។ ចំណែកដំណឹងមិនល្អ គឺពួកគេនឹងអវត្តមានកីឡាករសំខាន់ ២ នាក់ គឺខ្សែការពារស្លាបស្តាំ Jules Kounde និងខ្សែការពារស្លាបឆ្វេង Alejandro Balde ដោយសារបញ្ហារបួសដូចគ្នា។

ក្រៅអំពីកីឡាករទាំង ២ ខាងលើ គឺអ្នកចាំទី Marc-Andre ter Stegen ដែលទើបតែជាពីរបួសសរសៃជង្គង់ ACL ក៏បានអវត្តមានផងដែរ ដោយសារគាត់បានរងរបួសនេះតាំងពីដើមរដូវកាល ដូច្នេះហើយទើបគាត់ពុំត្រូវបាន Barcelona ចុះឈ្មោះចូលក្នុងបញ្ជីប្រកួតប្រជែងក្នុងពាន UCL។

អត្ថបទ៖ សេម កុសល

The post ដំណឹងល្អ Lewandowski មកវិញ ខណៈដំណឹងមិនល្អ Barca អវត្តមានកម្លាំងសំខាន់ ២ នាក់យប់នេះ appeared first on Kampuchea Thmey Daily.

Kross បានបង្ហាញការកោតសរសើរជាខ្លាំង លើ Pedri ហើយលោកក៏បានលើកឡើងយ៉ាងគួរឱ្យចាប់អារម្មណ៍ ថាយុវជនវ័យ ២២ ឆ្នាំរបស់ Barcelona រូបនេះជាកីឡាករល្អបំផុតក្នុងពិភពលោកនាពេលបច្ចុប្បន្ន នៅក្នុងតំណែងរបស់គេផងដែរ។

ដកស្រង់ពាក្យសម្តីដើមចេញពី Managing Barca ខ្សែបម្រើសញ្ជាតិ អាល្លឺម៉ង់ វ័យ ៣៤ ឆ្នាំបាននិយាយយ៉ាងដូច្នេះថា៖ «នៅក្នុងក្រសែភ្នែករបស់ខ្ញុំ Pedri ជាកីឡាករម្នាក់ ដែលសំខាន់ជាង Lamine Yamal, Raphinha ឬ Lewandowski ទៅទៀត។… Pedri គឺជាកីឡាករបច្ចុប្បន្ន ដែលល្អបំផុតនៅលើពិភពលោក ក្នុងតំណែងរបស់គាត់»។

គួរដឹងថា Pedri នៅរដូវកាលនេះ កំពុងក្លាយជាកម្លាំងស្នូលដ៏សំខាន់របស់ Barcelona ដោយរូបគេបង្ហាញខ្លួនសរុបបានចំនួន ៥៤ ប្រកួត រកបានគ្រាប់បាល់ចំនួន ៦ គ្រាប់ និង assist ចំនួន ៧ លើក៕

ប្រែសម្រួល៖ សេម កុសល
ប្រភព៖ Sportskeeda

The post Kroos ចុចឈ្មោះកីឡាករ Barcelona ម្នាក់ សំខាន់ជាង Yamal, Raphinha, Lewandowski appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា ខ្សែការពារសញ្ជាតិ បារាំង រូបនេះ​នឹងសម្រាកនៅក្រៅទីលានរយៈពេល ៣ សប្តាហ៍។ យ៉ាងណា នេះគឺជាដំណឹងមិនល្អមួយផងដែរសម្រាប់ Barcelona ដោយសារបច្ចុប្បន្នពួកគេកំពុងស្ថិតក្នុងការប្រកួតប្រជែងខ្លាំងទាំងពាន La Liga និង Champions League។

Kounde បានជួបបញ្ហារបួសនេះ អំឡុងការប្រកួតជើងទី ១ វគ្គពាក់កណ្តាលផ្តាច់ព្រ័ត្រពាន UCL ដែល Barcelona ស្មើគ្នា ៣-៣ ទល់នឹងក្រុម Inter Milan កាលពីយប់រំលងអាធ្រាត្រឈានចូលថ្ងៃទី ១ ខែ ឧសភា ខណៈរូបគេនឹងអវត្តមានការប្រកួតជើងទី ២ នៅថ្ងៃទី ៧ ខែ ឧសភា សប្តាហ៍ក្រោយ ដែលជាការប្រកួតដ៏សំខាន់៕

ប្រែសម្រួល៖ សេម កុសល
ប្រភព៖ Fabrizio Romano

The post Barcelona នឹងអវត្តមានកីឡាករជម្រើសដំបូងម្នាក់ទល់​នឹង Inter Milan ជើងទី ២ appeared first on Kampuchea Thmey Daily.

Barcelona កំពុងរៀបចំគម្រោងយ៉ាងហ្មត់ចត់អំពីគម្រោងអនាគត ដោយស្វែងរកខ្សែប្រយុទ្ធថ្មី ដែលមានសក្តានុពលម្នាក់មកជំនួស Robert Lewandowski ក្នុងរយៈពេលវែង។

Lewandowski បានចាកចេញពី Bayern Munich មកចូលរួមជាមួយ Barcelona កាលពីរដូវក្តៅឆ្នាំ ២០២២។ ខ្សែប្រយុទ្ធសញ្ជាតិ ប៉ូឡូញ វ័យ ៣៦ ឆ្នាំរូបនេះ បានដើរតួជាខ្សែប្រយុទ្ធស្នូលដ៏សំខាន់របស់ក្រុមអ្នកមានបុណ្យក្នុងរយៈពេលជិត ៣ រដូវកាលមកនេះ ខណៈកិច្ចសន្យារបស់គាត់ នៅសល់តែ ១ រដូវកាលទៀតប៉ុណ្ណោះ ពោលគឺត្រឹមខែ មិថុនា ឆ្នាំ ២០២៦។

ដកស្រង់ប្រភពចេញពី beIN SPORTS បានឱ្យដឹងថា ក្រុមប្រឹក្សាភិបាលរបស់ Barcelona បានណែនាំទៅប្រធានក្លិបលោក Joan Laporta និងគ្រូបង្វឹកថ្មីលោក Hansi Flick ឱ្យតាមដានលើ Alverez ព្រោះពួកគេជឿជាក់ថា ខ្សែប្រយុទ្ធសញ្ជាតិ អាហ្សង់ទីន វ័យ ២៥ ឆ្នាំរូបនេះនឹងក្លាយជាអ្នកជំនួស Lewandowski ដ៏សក្តិសម​បំផុត​នា​ពេល​បច្ចុប្បន្ន។ រូប​គេ​នឹង​ក្លាយ​ជា​​ដៃ​គូ​ដ៏​មាន​សក្តានុពល​ជា​មួយ Lamine Yamal, Pedri និង Pau Cubarsi ជាដើម។ ថ្នាក់ដឹកនាំរបស់ Barcelona នឹងជម្រុញលើការផ្ទេរនេះនៅឆ្នាំ ២០២៦ ប្រសិនបើមានភាពអំណោយផល លើ កត្តាហិរញ្ញវត្ថុ។

សូមបញ្ជាក់ថា Alvarez ដែលជាម្ចាស់ជើងឯក World Cup ២០២២ ជាមួយអាហ្សង់ទីន គឺនៅសល់កិច្ចសន្យារយៈពេល ៥ ឆ្នាំទៀតជាមួយ At Madrid ពោល គឺដល់ខែ មិថុនា ឆ្នាំ ២០៣០៕

ប្រែសម្រួល៖ សេម កុសល
ប្រភព៖ beIN SPORTS

The post Barcelona ដាក់ផែនការយកខ្សែប្រយុទ្ធ​សញ្ជាតិ អាហ្សង់ទីន​ម្នាក់មក​ជំនួស Lewandowski appeared first on Kampuchea Thmey Daily.

ក្លិបទាំង ២ បានប្រកាសបញ្ជីឈ្មោះកីឡាករ ត្រៀម​ប៉ះ​គ្នា​នៅ​កីឡដ្ឋាន Estadio de La Cartuja ក្នុងទីក្រុង Sevilla នារាត្រីនេះរួចរាល់ហើយ ខណៈសង្កេតឃើញ Barcelona អវត្តមានកីឡាករសំខាន់ ៤ នាក់ រីឯ Real Madrid អវត្តមាន ៣ នាក់។

កីឡាកររបស់ Barca ដែលអវត្តមានរាត្រីនេះរួមមាន Robert Lewandowski (របួសសរសៃពួរ), Marc Bernal (របួសជង្គង់), Marc Casado (របួសជង្គង់) និង Alejandro Balde (របួសសរសៃពួរ)។

ដោយឡែកកីឡាកររបស់ Real Madrid អវត្តមាន​កីឡាករ Eder Militao និង Dani Carvajal របួសជង្គង់ដូចគ្នាតាំងពីដើមរដូវកាល ហើយ​ Eduardo Camavinga ទើបរងរបួសសាច់ដុំកាលពីពេលថ្មីៗនេះ។

សូមបញ្ជាក់ជាថ្មីថា ការប្រកួតវគ្គផ្តាច់ព្រ័ត្រពាន Copa del Rey រវាង Barca និង Real Madrid រាត្រីនេះ នឹងធ្វើឡើងនៅកីឡដ្ឋាន Estadio de La Cartuja វេលាម៉ោង ៣ រំលងអាធ្រាត្រឈានចូលថ្ងៃទី អាទិត្យ ទី ២៧ ខែ មេសា៕

អត្ថបទ៖ សេម កុសល

The post Barca អវត្តមាន​កីឡាករសំខាន់ ៤ នាក់ ខណៈ Real Madrid អវត្តមាន​ ៣នាក់ មុនប៉ះគ្នាយប់នេះ appeared first on Kampuchea Thmey Daily.