សុន្ទរកថាស្តី​ពី​រដ្ឋសហព័ន្ធ​ ដែលជាសុន្ទរកថាដំបូងនៃអាណត្តិទីពីររបស់ប្រធានាធិបតីត្រាំ ដែលបានធ្វើឡើងនៅឯវិមានរដ្ឋសភា ឬ​ហៅថា «វិមានកាពីតូល»​របស់​សហរដ្ឋអាមេរិកក្នុងទីក្រុងវ៉ាស៊ីនតោនឌីស៊ី កាលពីយប់ថ្ងៃទី ២៤កុម្ភៈ ​ឆ្នាំ​២០២៦ ដោយមានការចូលរួមពីកូនៗទាំងអស់ រួមទាំងលោកជំទាវទីមួយ Melania Trump ផងដែរ។

នៅថ្ងៃនោះ កូនពៅលោកត្រាំគឺជាសមាជិកគ្រួសារតែម្នាក់គត់ដែលពាក់ក្រវ៉ាត់កពណ៌ខៀវ។ នៅក្នុងនយោបាយអាមេរិក ពណ៌ក្រហមត្រូវបានផ្សារភ្ជាប់ជាទូទៅជាមួយគណបក្សសាធារណរដ្ឋ និងពណ៌ខៀវជាមួយគណបក្សប្រជាធិបតេយ្យ ប៉ុន្តែក្មេងជំទង់នេះតែម្នាក់ឯងគត់ បានពាក់ក្រវ៉ាត់កដែលមានពណ៌ផ្ទុយ​ពីគេ​​ក្នុង​ជួរបក្ស​និង​គ្រុមគ្រួសារ​។

ដោយមិនរាប់បញ្ចូល ​លោក Barron កូនប្រុសផ្សេងទៀតដូចជា លោក Eric និងលោក Donald Jr. ស្វាមីរបស់កូនស្រីច្បង Ivanka រួមទាំងលោកត្រាំផងដែរនោះ សុទ្ធតែបានពាក់ក្រវ៉ាត់កពណ៌ក្រហម​។ ចំណែកមន្ត្រីរដ្ឋបាលកំពូលៗដូចជាប្រធានបុគ្គលិកសេតវិមាន លោក​ Susie Wiles ក៏ប្រើពណ៌មិនខុសគ្នាដែរ។

បន្ទាប់ពីរូបភាពនិងវីដេអូឃ្លិបរបស់ Barron បានសាយភាយពាសពេញប្រព័ន្ធផ្សព្វផ្សាយ ភ្លាមៗនោះដែរស្រាប់តែមានប្រតិកម្មចម្រុះតាមអ៊ីនធឺណិតយ៉ាងភ្លូកទឹកភ្លូកដី ដោយអ្នកគាំទ្រសាធារណរដ្ឋមួយចំនួនបានយល់ឃើញថា ពណ៌ក្រវ៉ាត់កនោះគឺជាសោកនាដកម្ម ហេតុដូច្នេះហើយ តើអ្នកណាអនុញ្ញាតឲ្យ Barron ជ្រើសរើសពណ៌ក្រវ៉ាត់កបែបនេះ? អ្នកខ្លះថា ក្រវ៉ាត់ករបស់គេមើលទៅរលុង និងមិនមានតុល្យភាព អ្នកផ្សេងទៀតថែមទាំងបានផ្តល់យោបល់ដោយកំប្លែងថា សមាជិកគ្រួសារគួរតែជួយកែសម្រួលក្រវ៉ាត់កដល់កូនពៅផង។

ទោះជាយ៉ាងណាក៏ដោយ ក៏មានអ្នកលេងអ៊ីនធឺណិតលើកឡើងថា វាដូចជាគ្មានអត្ថន័យជាក់លាក់ណាមួយនៅពីក្រោយពណ៌ក្រវ៉ាត់កនោះទេ។ តាមពិត Barron តែងតែពាក់ក្រវ៉ាត់កពណ៌ខៀវ ដូចជាពេលដែលគាត់បង្ហាញខ្លួនជាសាធារណៈជាលើកដំបូង ដើម្បីគាំទ្រយុទ្ធនាការរបស់ឪពុកក្នុងខែកក្កដា ឆ្នាំ ២០២៤ និងនៅឯពិធីស្បថចូលកាន់តំណែងរបស់ប្រធានាធិបតីត្រាំ ក្នុងខែមករា ឆ្នាំមុន។

សូម្បីតែប្រព័ន្ធផ្សព្វផ្សាយមួយចំនួន រួមទាំង New York Post, Daily Mail និង Daily Express US ក៏បានរាយការណ៍អំពីពណ៌ក្រវ៉ាត់កខុសគ្នាតែមួយគត់របស់ Barron ផងដែរ។ កាសែតDaily Mail បានបញ្ជាក់ថា មិនដូចបងប្អូនរបស់គាត់ផ្សេងទៀតទេ លោក Barron មិនបានបង្ហាញទស្សនៈនយោបាយផ្ទាល់ខ្លួនជាសាធារណៈទេ។

លើសពីនេះ អ្នកចូលរួមសុន្ទរកថាស្តីពីស្ថានភាពសហភាព បានបង្ហាញវត្តមានរបស់ពួកគេតាមរយៈស្ទីលម៉ូដសម្លៀកបំពាក់ផ្សេងៗ។ នៅពេលដែលសុន្ទរកថាត្រូវបានផ្សាយផ្ទាល់ទូទាំងអាមេរិក ក្រោមការចាប់អារម្មណ៍យ៉ាងខ្លាំងពីប្រព័ន្ធផ្សព្វផ្សាយ ពួកគេបានប្រើវាជាឱកាស ដើម្បីបង្ហាញសារនយោបាយរបស់ពួកគេរៀងៗខ្លួន៕

អត្ថបទ៖ សាង ស្រីល័ក្ខ

The post កូនប្រុស​ពៅត្រាំពាក់​ក្រវ៉ាត់ក ផ្ទុយ​ពី​ត្រាំនិង​តំណាង​បក្ស ​ផ្ទុះការ​ចាប់អារម្មណ៍​ខ្លាំង​ appeared first on Kampuchea Thmey Daily.

ដោយសារតែមានកម្ពស់ជាង២ម៉ែត្រ និងរូបរាងសង្ហា បានធ្វើឲ្យក្មេងជំទង់រូបនេះ មានការចាប់អារម្មណ៍យ៉ាងខ្លាំងពីប្រព័ន្ធផ្សព្វផ្សាយ និងសាធារណៈជនទូទាំងពិភពលោក។ ជាពិសេស រឿងរ៉ាវឯកជនដែលពាកព័ន្ធនឹងកូនប្រុសពៅរបស់លោកត្រាំផ្ទាល់តែម្ដង។

យោងតាម របាយការណ៍ប្រព័ន្ធផ្សព្វផ្សាយអន្តរជាតិបាននិយាយថា Barron នឹងត្រៀមចាប់ផ្តើមឆ្នាំទី២ នៅថ្ងៃទី៣ ខែកញ្ញា តែមុននឹងចូលភាគច្រើនសិស្សត្រូវចំណាយពេលសម្រាករដូវក្តៅ ដោយអ្នកខ្លះផ្តោតលើស្នេហា ឬការសំរាកលំហែកាយជាដើម។ ផ្ទុយទៅវិញ រូបគេបានផ្តោតលើការធ្វើផែនការអាជីវកម្ម និងបានជួបប្រជុំយ៉ាងយកចិត្តទុកដាក់ជាមួយដៃគូ ដើម្បីពិភាក្សាអំពីផែនការចាប់ផ្តើមអាជីវកម្មទៅវិញ។

ប្រភព​មួយ​ទៀតបាន​និយាយ​ថា គាត់​កំពុង​តែ​ខិត​ខំ​ប្រឹង​ប្រែង​ដើម្បី​បង្កើត​ផល​ប្រយោជន៍​ហិរញ្ញវត្ថុ​ផ្ទាល់​ខ្លួន និង​រក្សា​ទំនាក់​ទំនង​ជិត​ស្និទ្ធ​ជាមួយ​អ្នក​ពាក់​ព័ន្ធ បើ​ទោះ​បី​ជាខ្លួន​​រវល់​យ៉ាង​ណា​ក៏​ដោយ។ Barron នៅតែឆ្លៀតពេលសម្រាប់គ្រួសាររបស់គាត់ សូម្បីតែបន្ទាប់ពីលោកត្រាំ ត្រលប់មកសេតវិមានក្នុងខែមករាឆ្នាំនេះក៏ដោយ។

នៅក្នុងខែឧសភា Barron ធ្លាប់មានពាក្យចចាមអារ៉ាមថា មានទំនាក់ទំនងស្នេហាជាមួយមនុស្សស្រីម្នាក់ ដោយអ្នកទាំងពីរតែងតែឃើញចំណាយពេលជាមួយគ្នា។ យ៉ាង​ណា​មិញ មិត្ត​ជិត​ស្និទ្ធ​​បាន​បង្ហើប​ថា មិន​ដែល​ឮ​គាត់​និយាយ ឬទម្លាយទំនាក់​ទំនង​នោះ​ទេ ដោយ​កូនលោកត្រាំបាន​សង្កត់​ធ្ងន់​ថា ស្នេហា​មិន​សំខាន់​សម្រាប់គេទេ គាត់​ផ្ដោត​លើ​ការ​សិក្សា គ្រួសារ​ដែល​គាត់​ស្រលាញ់ និង​ជំនួញ​ដែល​កំពុងចាប់​ផ្ដើមតែប៉ុណ្ណោះ។

ជាក់ស្ដែង នៅក្នុងខែមករា យោងតាមរបាយការណ៍ Newsweek បានរាយការណ៍ថា គាត់មានបំណង ដើរតាមគន្លងរបស់ឪពុកគាត់ចូលទៅក្នុងអចលនទ្រព្យ ពោលគឺរូបគេ ពិត​ជា​បង្ហាញ​ការ​ចាប់​អារម្មណ៍​លើ​មុខ​ជំនួញ​តាំងតែពីនៅវ័យ​ក្មេង។

ប្រភពមួយបានបង្ហើបថា Barron ចាប់អារម្មណ៍លើគ្រប់ទិដ្ឋភាពនៃអាជីវកម្ម រួមទាំងការអភិវឌ្ឍន៍អចលនទ្រព្យ ប្រាក់ចំណេញ និងការចូលរួមក្នុងគម្រោងជោគជ័យ។ គាត់មានគំនិតផ្ទាល់ខ្លួន និងយល់ពីអ្វីដែលមនុស្សអាយុដូចជារូបគេត្រូវការ។ ជារួម កូនពៅលោកត្រាំ ជាមមនុស្សឆ្លាតវៃ និងមានស្មារតីជាសហគ្រិន។

នៅខែកក្កដា ឆ្នាំ ២០២៤ លោក Barron រួមជាមួយនឹងដៃគូពីរនាក់បានចុះបញ្ជីក្រុមហ៊ុនមួយដែលមានឈ្មោះថា Trump, Fulcher & Roxburgh Capital Inc. នៅ Wyoming ជាមួយនឹងគោលដៅនៃប្រតិបត្តិការអាជីវកម្មវិនិយោគអចលនទ្រព្យ។

ទោះ​ជា​យ៉ាង​ណា​ បន្ទាប់​ពី​ទទួល​បាន​ជ័យ​ជម្នះ​ក្នុង​ការ​បោះ​ឆ្នោត​របស់​លោក ដូណាល់ ត្រាំ កាល​ពី​ខែ​វិច្ឆិកា ក្រុមហ៊ុន​ត្រូវ​បាន​រំលាយ​ភ្លាមៗ។ ដៃគូម្នាក់បាននិយាយថា ហេតុផលសម្រាប់ការបិទនេះ គឺដើម្បីចៀសវាងភាពចម្រូងចម្រាសក្នុងអំឡុងពេលអន្តរកាល បន្ទាប់ពី លោកត្រាំត្រឡប់ទៅសេតវិមាន ហើយថាពួកគេមានគម្រោងបើកវាឡើងវិញនៅនិទាឃរដូវ។

ដោយឡែក យោងតាមទស្សនាវដ្តី Forbes និង The New York Times គាត់បានចូលរួមក្នុងអាជីវកម្មរូបិយប័ណ្ណអេឡិចត្រូនិកតាមរយៈក្រុម Trump ដោយទទួលបានប្រាក់ចំណេញយ៉ាងច្រើន។

របាយការណ៍នោះបង្ហាញថា ទ្រព្យសម្បត្តិសុទ្ធរបស់កូនពៅប្រធាធិបតីអាមេរិក បន្ទាប់ពីបង់ពន្ធគឺប្រហែល ២៥ លានដុល្លារអាមេរិក។ ប្រព័ន្ធផ្សព្វផ្សាយមួយចំនួនបានប៉ាន់ប្រមាណថា នៅពេលរាប់បញ្ចូលទាំងអចលនទ្រព្យ ការជឿទុកចិត្ត និងទ្រព្យសម្បត្តិផ្សេងទៀត អាចខ្ពស់ដល់ទៅ ៧៦ទៅ ៨០លានដុល្លារអាមេរិក ។ យ៉ាង​ណា​មិញ តួលេខ​ទាំង​នេះ​មិន​ត្រូវ​បាន​គេ​បញ្ជាក់​ជា​ផ្លូវ​ការ​ទេ៕

អត្ថបទ៖ សាង ស្រីល័ក្ខ

ចុចអាន៖ប៊ិចដែលប្រធានាធិបតីកូរ៉េ ជូនជាអំណោយដល់លោកត្រាំ មានតែមួយគត់ក្នុងលោក

The post កូនពៅលោកត្រាំ លះបង់ស្នេហា ត្រៀមដើរតាមគន្លងឪពុក appeared first on Kampuchea Thmey Daily.

ថ្វីដ្បិតតែអត្តសញ្ញាណមិត្តស្រីរបស់កូនពៅលោកត្រាំ មិនត្រូវបានបង្ហាញឲ្យដឹងនោះ ប្រភពជិតស្និទ្ធនឹងគាត់បានប្រាប់ សារព័ត៌មាន Radar Online ថា គាត់មានមិត្តស្រីដ៏អស្ចារ្យម្នាក់ ហើយតែងតែដើរលេងជាមួយនាងគ្រប់ពេល។ គាត់ក៏មានមិត្តភក្តិ គ្រាន់តែមិនចូលចិត្តការយកចិត្តទុកដាក់ចំពោះគ្នាប៉ុណ្ណោះ។

ប្រភពដដែលបានបន្ថែមថា គាត់កាន់តែដូចម្តាយរបស់គាត់គឺលោកស្រី Melania ពោលគឺរក្សាចរិតស្ងប់ស្ងាត់ ហើយបន្តធ្វើការ។ ជាពិសេស គាត់មិនព្យាយាមធ្វើជាសិស្សពូកែ ឬចូលរួមសកម្មភាពក្នុងសាលាទេ។ ដោយសារតែក្មេងនេះមានចរិតនយោបាយតាំងពីកំណើត។

មុនពេលឪពុកឈ្នះការបោះឆ្នោតប្រធានាធិបតីឆ្នាំ២០២៤ លោកដូណាល់ត្រាំ បាននិយាយអំពីកូណប្រុសពៅ នៅក្នុងបទសម្ភាសន៍មួយនៅលើ PBD Podcast ជាមួយ Patrick Bet-David ។ នៅពេលសួរថាតើកូនប្រុសរបស់គាត់ ល្អជាមួយមនុស្សស្រីឬអត់? លោកបានឆ្លើយថា «ខ្ញុំមិនប្រាកដថាគាត់មានមិត្តស្រីទេ។ គាត់មិនខ្វល់នឹងការនៅម្នាក់ឯងទេ ប៉ុន្តែគាត់ជាបុរសដែលចុះសម្រុងជាមួយមនុស្សគ្រប់គ្នា»។

លើសពីនេះ លោកប្រធានាធិបតីវ័យ៧៨ឆ្នាំក៏បានសរសើរកូនប្រុសរបស់គាត់ថា គេជាមនុស្សឆ្លាត ជាសិស្សពូកែ ក៏ដូចជាក្មេងប្រុសដែលមានចិត្តល្អផងដែរ។

ដោយឡែក លោកស្រី Melania Trump ដែលបង្ហាញមុខក្នុងកម្មវិធី The Five របស់ Fox News បាននិយាយដែរថា កូនប្រុសរបស់លោកស្រីតែងតែរីករាយនឹងថ្នាក់រៀន និងសាស្រ្តាចារ្យដែលបង្រៀន។ គាត់កំពុងធ្វើបានល្អ រីកចម្រើន និងចូលចិត្តការត្រលប់មកទីក្រុងញូវយ៉ក។

បារ៉ុន ត្រាំ ដែលបច្ចុប្បន្នកំពុងសិក្សាផ្នែកធុរកិច្ចនៅសាលា Stern School of Business ហាក់ដូចជាកំពុងរស់នៅក្នុងជីវិតនៅមហាវិទ្យាល័យយ៉ាងសប្បាយរីករាយ។ លើសពីនេះ គ្រប់គ្នាសុទ្ធតែដឹងថា ក្មេងជំទង់រូបនេះគឺមនុស្សដែលស្រីៗជាច្រើនប្រាថ្នានៅជិត និងត្រូវគេចាត់ថាជាបុរសពិត។ ជាពិសេសនោះដោយសារតែរូបរាងខ្ពស់ និងសង្ហា ទើបធ្វើឲ្យទាក់ទាញចិត្តមនុស្សជាច្រើន៕

អត្ថបទ៖ សាង ស្រីល័ក្ខ

ចុចអាន៖Elon Musk ទះដៃសប្បាយអរជាងគេ ខណៈកូនពៅលោកត្រាំ បែរស្ងប់ស្ងាត់ខ្លាំង

The post ធ្លាយចចាមអារ៉ាមថា កូនពៅលោកត្រាំ កំពុងបង្កាត់ភ្លើងស្នេហ៍ជាមួយនារីវ័យក្មេងម្នាក់ appeared first on Kampuchea Thmey Daily.

បារ៉ុនត្រូវបានគេឃើញអមដំណើរម្តាយរបស់គាត់ គឺស្ត្រីទីមួយអាមេរិក Melania Trump ទៅកាន់ Trump Tower កាលពីថ្ងៃទី ៣០ ខែមីនា។ គាត់ស្លៀកសំលៀកបំពាក់ពណ៌ខ្មៅ រួមទាំងអាវក្រៅពណ៌ខៀវងងឹត ព្រមទាំងពាក់នាឡិកាម៉ាក Rolex Daytona ពណ៌មាស។ យោងតាមទស្សនាវដ្តី Vogue ការជ្រើសរើសម៉ូដែលនាឡិកានេះមួយផ្នែកបង្ហាញពីចំណូលចិត្តរបស់ Barron សម្រាប់ការស្លៀកពាក់ឆើតឆាយ ងាយស្រួល និងបង្ហាញសកម្មភាពរហ័សរហួន។

នៅក្នុងពិភពនាឡិកា ម៉ូដែល Daytona របស់ម៉ាកស្វីស ត្រូវបានគេចាត់ទុកថាជារឿងព្រេងនិទាន ហើយតែងតែត្រូវបានស្វែងរកដោយអ្នកចូលចិត្តនាឡិកា។ ការរចនានេះត្រូវបានបង្កើតឡើងក្នុងឆ្នាំ ១៩៦៣ ដែលដាក់ឈ្មោះតាមទីលានប្រណាំងរថយន្តស្ព័រដ៏ល្បីល្បាញនៅរដ្ឋផ្លរីដា ជាមួយនឹងបច្ចេកទេសផលិតដ៏ស្មុគស្មាញបំផុត។ ជាមួយនឹងឧបករណ៍វាស់ស្ទង់ បញ្ជរចំនួនបី និងឧបករណ៍រុញ នាឡិកាក្លាយជាឧបករណ៍កំណត់ពេលវេលាច្បាស់លាស់សម្រាប់អ្នកប្រណាំងដែលស៊ូទ្រាំ។ ផលិតផលមានថាមពលបម្រុងពី ៥០ ទៅ ៧២ម៉ោង។

ក្នុងរយៈពេល ៦២ ឆ្នាំកន្លងមកនេះ ក្រុមហ៊ុនបានចេញផ្សាយកំណែជាច្រើន ដែលម៉ូដែលដែលមាន bezels ធ្វើពី cerachrom រឹងត្រូវបានចាត់ទុកថាប្រើប្រាស់បានយូរបំផុត។ Cerachrom គឺជាសម្ភារៈសេរ៉ាមិចដែលមានបច្ចេកវិទ្យាខ្ពស់ ធន់នឹងការច្រេះ ធន់នឹងការកកិតឬ ឆ្កូត និងមិនរលាយដោយសារកាំរស្មីយូវីឡើយ។

ទោះជាយ៉ាងណា ការបង្ហាញខ្លួនជាមួយនាឡិកាប្រណិតបែបនេះ មហាជនជាច្រើនកម្រនឹងឃើញរូបភាពរបស់ក្មេងជំទង់វ័យ ១៩លើកបង្ហាញគេឯងណាស់។ ដូច្នេះហើយ រូបភាពរបស់បារ៉ុនដើរជាម្ដាយ នៅតែជាចំណាប់អារម្មណ៍និងការយល់ឃើញខុសៗគ្នាពីភ្នែកអ្នកទស្សនា។

ដោយឡែក កាលពីខែធ្នូ ឆ្នាំ ២០២៤ ក្នុងកម្មវិធី Fox and Friends លោកស្រី Melania បាននិយាយថា មុនពេលចូលរៀននៅមហាវិទ្យាល័យ កូនប្រុសរបស់គាត់បានដឹងថា ការសិក្សា និងជីវិតរបស់គាត់នឹងមិនធម្មតាដូចមិត្តភ័ក្តិរបស់គាត់ដែរ។ លោកស្រីបាននិយាយដោយមោទនភាពចំពោះ Barron ដោយកត់សម្គាល់ថា កូនប្រុសមានកម្លាំងគ្រប់គ្រាន់ដើម្បីយកឈ្នះលើកាលៈទេសៈរបស់គាត់។

មិនតែបុណ្ណោះ នៅលើសារព័ត៌មាន Fox News ប្រធានាធិបតីអាមេរិកបានសរសើរកូនប្រុសរបស់គាត់ ចំពោះទេពកោសល្យអាជីវកម្ម ដោយសរសើរកូនប្រុសពៅរបស់គាត់ថាជាមនុស្សឆ្លាតវៃ និងពូកែខាងបច្ចេកវិទ្យា ។ មនុស្សដែលនៅខាងក្រៅគ្រួសារត្រាំ មានការចាប់អារម្មណ៍ជាមួយនឹងការយល់ដឹងយ៉ាងជ្រាលជ្រៅរបស់ Barron អំពីពិភពលោក។ អ្នករចនា Nathan Pearceបានអត្ថាធិប្បាយថា Barron គឺចាស់ទុំលើសពីឆ្នាំរបស់គាត់ មានចំណេះដឹង រួសរាយរាក់ទាក់ រាក់ទាក់ និងសប្បុរស៕

អត្ថបទ៖ សាង ស្រីល័ក្ខ

ចុចអាន៖Elon Musk ទះដៃសប្បាយអរជាងគេ ខណៈកូនពៅលោកត្រាំ បែរស្ងប់ស្ងាត់ខ្លាំង

The post ទាក់ទាញការចាប់អារម្មណ៍ កូនពៅលោកត្រាំ ពាក់នាឡិកា តម្លៃមួយគ្រឿងចូលខ្ទង់់់ម៉ឺនដុល្លារ appeared first on Kampuchea Thmey Daily.

នៅក្នុងវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គម លោក Elon Musk បាន​បង្ហាញ​ការ​សាទរ​ជា​ខ្លាំង​ជាមួយ​ទឹក​មុខ​ដ៏​ញញឹមញញែម ហើយ​និង​លើក​មេ​ដៃ​ពីរ​​បង្ហាញ​​ពី​ការ​គាំទ្រ ព្រមទាំងអបអរសាទរយ៉ាងសប្បាយរីករាយនៅក្នុងសាលប្រជុំ បន្ទាប់ពីប្រធានាធិបតីថ្មីរបស់សហរដ្ឋអាមេរិក ដូណាល់ ត្រាំ បានប្តេជ្ញាថានឹងដាំទង់ជាតិអាមេរិកនៅលើភពអង្គារនៅក្នុងសុន្ទរកថា ក្រោយការសម្ពោធរបស់លោកនៅ Mount Everest ។ ផ្ទុយពីមហាសេដ្ឋីអាមេរិក កូនប្រុសពៅប្រចាំគ្រួសារត្រាំ​ ហាក់ដូចជាស្ងប់ស្ងាត់ពេក និងបង្ហាញទឹកមុខនឹងធឹងក្នុងបរិយាកាសដ៏ឪឡារិកនេះ។

បន្ទាប់ពីមហាជមនបានទស្សនានូវឃ្លិបវីដេអូនោះរួច ពួកគេបានផ្ដល់ជាមតិរួមថា Elon គឺជាថាមពលដែលគ្រប់គ្នាចង់បាន ប៉ុន្តែ បារ៉ុន ត្រាំ គឺជាថាមពលដែលតែងតែបង្ហាញដល់មនុស្ស។​​ វាដូចជានៅសាលាបឋមសិក្សា គ្រូបង្រៀនតែងតែដាក់ក្មេងស្វាហាប់នៅក្បែរសិស្សដែលមានអាកប្បកិរិយាច្រលើសបើស។ Elon Musk តែងតែមើលទៅដូចមិត្តរួមថ្នាក់ដ៏គួរឲ្យរំខានដែលបោះយន្តហោះក្រដាសពីជួរខាងក្រោយ ចំណែកកូនលោកត្រាំ មើលទៅដូចជាប្រធានកិច្ចប្រជុំទូទៅ។

ទោះបីជាយ៉ាងណាក៏ដោយ ការបន្ទាបខ្លួនរបស់ បារ៉ុន ត្រាំ គឺមិនមែនជារឿងចម្លែកសម្រាប់អ្នកដែលស្គាល់កូនប្រុសពៅលោកត្រាំឡើយ។ ទោះបីជាគាំទ្រឪពុករបស់គាត់ក៏ដោយក្មេងជំទង់វ័យ១៨ឆ្នាំរូបនេះ មិនដែលចេញ​សេចក្តីថ្លែងការណ៍ជាសាធារណៈទេ។ ក្នុងអំឡុងពេលឃោសនាបោះឆ្នោតប្រធានាធិបតី ស្ត្រីទីមួយ Melania បានប្រយ័ត្នប្រយែងក្នុងការរក្សាកូនប្រុសឲ្យនៅឆ្ងាយពីការយកចិត្តទុកដាក់តាមដែលអាចធ្វើទៅបាន។

មិនតែប៉ុណ្ណោះ យោងតាមរបាយការណ៍ផ្សេងៗក៏បានបញ្ចាក់ដែរថា បារ៉ុន ត្រាំ ​តែងតែផ្តល់ដំបូន្មានដល់ប្រធានាធិបតីអាមេរិកថ្មី អំពីរបៀបភ្ជាប់ទំនាក់ទំនងជាមួយអ្នកបោះឆ្នោតនៃសម័យ GenZ ដូចជារូបគេជាដើម។ ជាពិសេសនៅក្នុងបទសម្ភាសន៍មួយដែលផ្សាយជាមួយ Fox News លោកត្រាំ ក៏ធ្លាប់បានចែករំលែកដោយមោទនភាព និងសរសើរកូនប្រុសចំៗថា រូបគេពិតជាក្មេងដ៏អស្ចារ្យ ហើយក៏ជាសិស្សល្អបំផុត បើទោះជាគេមានឪពុកជាប្រធាធិបតីអាមេរិកក៏ដោយ៕

អត្ថបទ៖ សាង​​ ស្រីល័ក្ខ

ចុចអាន៖មិត្តស្រីមហាសេដ្ឋី Bezos ស្លៀកពាក់មិនសមរម្យនៅក្នុង​ពិធី​ស្បថ​ឡើង​កាន់​តំណែងរបស់លោក ត្រាំ

The post Elon Musk ទះដៃសប្បាយអរជាងគេ ខណៈកូនពៅលោកត្រាំ បែរស្ងប់ស្ងាត់ខ្លាំង appeared first on Kampuchea Thmey Daily.

អ្នកទស្សនាជាច្រើនបានសម្លឹងមើលសមាជិកម្នាក់ទៀតនៃគ្រួសាររត្រាំ គឺ បារ៉ុន ត្រាំ បានក្លាយជាចំណាប់អារម្មណ៍មនុស្សរាប់លាន់នាក់ ជាពិសេសប្រព័ន្ធផ្សព្វផ្សាយ និងបណ្តាញសង្គមទូទាំងពិភពលោក។ កម្ពស់របស់គេ ខ្ពស់ជាងអ្នកប្រយុទ្ធ MMA Colby Covington និងអ្នកជំនួញដែលមានវត្តមាននៅក្នុងព្រឹត្តិការណ៍នេះទៅទៀត។

កូនប្រុសតែមួយគត់របស់ជំទាវទី១ Melania ពីមុនមកត្រូវគេស្គាល់ដោយសារតែជាក្មេងប្រុសស្ងប់ស្ងាត់ ពុំសូវនិយាយច្រើន និងកម្រលេចមុខលើបណ្ដាញសង្គមណាស់។ ជាពិសេស នៅពេលដែលលោកត្រាំចូលកាន់តំណែងកាលពីឆ្នាំ ២០១៦ ក្មេងជំទង់ទទួលបានការចាប់អារម្មណ៍ពីសាធារណជន ដោយសាររូបរាងដ៏លេចធ្លោ និងសម្រស់ដែលបានទទួលពីឪពុក។ ពេលនេះបារ៉ុនកាន់តែមានភាពចាស់ទុំជាងមុន មិនត្រឹមតែមានមុខមាត់ស្រស់សង្ហាប៉ុណ្ណោះទេ ថែមទាំងមានស្ទីលម៉ូដសម្លៀកបំពាក់បែបសាមញ្ញនៅពេលបង្ហាញខ្លួនក្បែរឪពុកម្ដងៗ។

ជារឿយៗកូនប្រុសរបស់លោកត្រាំ តែងតែជ្រើសរើសសំលៀកបំពាក់ពណ៌ស្រាលៗ ដូចជា អាវប៉ូឡូ ខោកាគី និងស្បែកជើងប៉ាតា ដែលជាស្ទីលមួយរបស់ក្មេងជំទង់។ ប៉ុន្តែនៅឯព្រឹត្តិការណ៍ផ្លូវការប៉ារ៉ុន ស្រាប់តែបង្ហាញឈុតពណ៌ទឹកប៊ិចចាស់អាវធំបែបចាស់ទុំកាន់តែគួរឲ្យស្រលាញ់ជាងមុន។ ដូច្នេះហើយ រូបថតនេះមិនត្រឹមតែបង្ហាញពីកម្ពស់របស់បារ៉ុនប៉ុណ្ណោះទេ ប៉ុន្តែថែមទាំងបង្ហាញពីអាកប្បកិរិយាស្ងប់ស្ងាត់ និងកាយវិការរបស់គាត់ផងដែរ។ អ្នក​គាំទ្រ​ជា​ច្រើន​គិត​ថា​កូនលោកត្រាំកាន់តែមាន​ភាព​ចាស់​ទុំ​ច្រើន ហើយក៏កំពុងតែត្រៀម​ខ្លួន​ជា​ស្រេច​សម្រាប់​ជំហាន​ធំៗ​នៅ​ពេល​អនាគតផងដែរ។

មិនត្រឹមតែប៉ុណ្ណឹងទេ សូម្បីតែរូបភាពរបស់បារ៉ុន ត្រាំ កាលនៅនៅវិមាន Mar-a-Lago ស្រាប់តែត្រូវបានគេសម្រុកជីកកកាយសារជាថ្មីម្ដងទៀត ហើយទាក់ទាញអ្នកទស្សនាជាង ២៨លានដងនៅលើវេទិកា X។ កែវភ្នែកទាំងអស់បានផ្តោតលើកម្ពស់ដ៏លេចធ្លោ​ និងរូបរាងដ៏សង្ហារបស់គ្រួសារលោក ដូណាល់ ត្រាំ ។ នៅក្នុងបទសម្ភាសន៍មួយដែលផ្សាយជាមួយ Fox News លោកត្រាំធ្លាប់បានចែករំលែកដោយមោទនភាព និងសរសើរកូនប្រុសចំៗថា រូបគេពិតជាក្មេងដ៏អស្ចារ្យ ហើយក៏ជាសិស្សល្អបំផុត បើទោះជាគេមានឪពុកជាប្រធាធិបតីអាមេរិកក៏ដោយ។

កាលពីកន្លងទៅ សូម្បីតែមហាសេដ្ឋីជំនួញជនជាតិអាមេរិក-អ៊ីរ៉ង់ លោក Patrick Bet-David ដែលជាអ្នកស្គាល់គ្នាក្នុងគ្រួសារត្រកូលត្រាំ ក៏បានសរសើរកូនប្រុសពៅថា ជាមនុស្សម៉ឺងម់ាត់ កំប្លែង និងមានអាកប្បកិរិយាល្អ ហើយថែមទាំងមានអត្តចរិតសុភាពរាបសា ចេះដាក់ខ្លួននឹងមនុស្សចាស់ជាងខ្លួន៕

អត្ថបទ៖ សាង ស្រីល័ក្ខ

ចុចអាន៖ត្រួសៗពីទ្រព្យសម្បត្តិរបស់ ដូណាល់ ត្រាំ ក្រោយឈ្នះឆ្នោតប្រធានាធិបតីឆ្នាំ ២០២៤

The post លោក ត្រាំ ជាប់ឆ្នោត​ភ្លាម កូនប្រុសពៅកម្ពស់២ម៉ែត្រ ក្លាយជាបុគ្គលលេចធ្លោជាថ្មី appeared first on Kampuchea Thmey Daily.

កាលពីថ្ងៃទី ០៤ ខែមិថុនា អតីតជំទាវទីមួយរបស់សហរដ្ឋអាមេរិកលោកស្រី Melania Trump និងកូនប្រុសរបស់គាត់គឺ Barron Trump ត្រូវបានអ្នកប្រមាញ់ព័ត៌មានថតចំពេលពួកគេដើរចេញពីអគារ Trump Tower នៃទីក្រុងញូវយ៉ក។ នៅក្នុងការបង្ហាញខ្លួនចុងក្រោយនេះ កូនប្រុសលោក Donald Trump បានទាក់ទាញការចាប់អារម្មណ៍ជាមួយនឹងរូបរាងដ៏អស្ចារ្យ ក្នុងពេលដែលគេកម្រនឹងបង្ហាញខ្លួនជាសាធារណៈឲ្យមហាជនបានឃើញណាស់។

តាមពិតទៅ Barron Trump ជាក្មេងប្រុសដែលត្រូវបានគេមើលដោយពិភពលោក នៅពេលដែលលោក Trump បានក្លាយជាប្រធានាធិបតីសហរដ្ឋអាមេរិកមកម៉្លេះ។ នៅអាយុ១៨ ឆ្នាំ Barron បច្ចុប្បន្នមានកម្ពស់ជិត ២ ម៉ែត្រ និងសង្ហាខ្លាំងប្លែកខុសកាលរូបគេនៅក្មេង។ ចំណែកឯ ស្ទីលស្លៀកពាក់របស់អតីតចៅហ្វាយនាយវ័យក្មេងរបស់សេតវិមាន រូបនេះ ក៏ត្រូវបានគេសរសើរថាតែងតែសង្ហានិងទាក់ទាញភ្នែកក្រុមអ្នកប្រមាញ់រូបភាពជានិច្ច។

ជាមួយគ្នានេះដែរ តាមរយៈរូបភាពដែលគេប្រមាញ់បានបង្ហាញឲ្យឃើញអតីតតារាបង្ហាញម៉ូដ Melania Trump បានស្លៀកឈុតពណ៌ត្នោតខ្ចីដ៏ប្រណិត និងកាន់កាបូបក្នុងដៃអមដោយកូនប្រុសដើរពីក្រោយ។ បន្ទាប់មកម្តាយ និងកូនប្រុសបានចាកចេញយ៉ាងលឿននៅក្នុងរថយន្ត SUV ការពារគ្រាប់កាំភ្លើងរបស់ Secret Service ។ តាម​ប្រភពជិតដិតបានបញ្ចាក់ថា អ្នកទាំងពីរបានចាកចេញពីអគារ Trump Tower ដើម្បីទៅ Bedminster រដ្ឋ New Jersey ហើយអាចរស់នៅទីនេះក្នុងពេលដ៏ខ្លីខាងមុខនេះ។

Barron Trump ត្រូវគេដឹងថា បានបញ្ចប់ការសិក្សាពីសាលា Oxbridge Academy នៅ West Palm រដ្ឋ Florida កាលពីថ្ងៃទី ១៧ ខែឧសភាកន្លងទៅនេះ។ អតីតប្រធានាធិបតី Donald Trump និងភរិយា​ បានចូលរួមអបអរសាទរកូនប្រុសរបស់ពួកគេក្នុងការបញ្ចប់ការសិក្សា។ បច្ចុប្បន្ននេះ មិនទាន់មានព័ត៌មានថា សាកលវិទ្យាល័យមួយណាដែលក្មេងជំទង់វ័យ១៨ឆ្នាំ នឹងចូលរៀនបន្ទាប់ ឬមានគម្រោងអ្វីនៅពេលអនាគតនោះទេ។

ដោយឡែក យោងតាមប្រព័ន្ធផ្សព្វផ្សាយផ្សេងទៀតថា អតីតកូនប្រុសទីមួយរបស់អាមេរិកនៅតែរស់នៅក្នុងសេតវិមានជាមួយឪពុកម្តាយ ហើយរូបគេទៀតសោតនៅតែទទួលបានការចាប់អារម្មណ៍ជាពិសេសពីប្រព័ន្ធផ្សព្វផ្សាយ និងមតិសាធារណៈ។ ទោះជាយ៉ាងណាក៏ដោយ មិនដូចបងប្អូនបង្កើតរបស់ផ្សេងទៀតទេ Barron Trump មានរបៀបរក្សារការរស់នៅបែបឯកជន ហើយត្រូវបានការពារដោយភាពឯកជនដាច់ខាតរបស់គ្រួសារជានិច្ចកាល។

ថ្មីៗនេះអតីតប្រធានាធិបតី Donald Trump បាននិយាយថាកូនប្រុសអាយុ ១៨ ឆ្នាំរបស់គាត់ត្រូវបាន ស្វែងរកយ៉ាងខ្លាំងដោយសាកលវិទ្យាល័យ។ នៅក្នុងបទសម្ភាសន៍មួយដែលផ្សាយជាមួយ Fox News លោក Trump បានចែករំលែកដោយមោទនភាពថា “តាមវិធីខ្លះ កូនប្រុសរបស់ខ្ញុំពិតជាអស្ចារ្យណាស់! ក្មេងប្រុសនេះមានកម្ពស់ខ្ពស់ សង្ហា និងជាសិស្សល្អណាស់។ Barron បានដាក់ពាក្យទៅសាកលវិទ្យាល័យ ហើយត្រូវបានទទួលយកជារឿយៗ”។

កាលពីកន្លងទៅ មហាសេដ្ឋីជំនួញជនជាតិអាមេរិក-អ៊ីរ៉ង់ លោក Patrick Bet-David ដែលជាអ្នកស្គាល់គ្នាក្នុងគ្រួសារអតីតប្រធាធិបតីអាមេរិក ក៏បានសរសើរកូនប្រុសពៅ Trump ថាជាមនុស្សម៉ឺងម់ាត់ កំប្លែង និងមានអាកប្បកិរិយាល្អ ហើយថែមទាំងមានអត្តចរិតសុភាពរាបសា ចេះដាក់ខ្លួននឹងមនុស្សចាស់ជាងខ្លួន៕

អត្ថបទ៖ ​សាង ស្រីល័ក្ខ

ចុចអាន៖មហាសេដ្ឋីឥណ្ឌា Ambani ធ្លាក់តំណែងជាអ្នកមានបំផុតនៅអាស៊ី ក្រោយ Adani វ៉ាដាច់ភឹង

The post ពេញវ័យ១៨ឆ្នាំ កូនប្រុសលោក Trump ក្លាយជាចំណាប់អារម្មណ៍ពិភពលោក ដោយសារកម្ពស់ ២ ម៉ែត្រ appeared first on Kampuchea Thmey Daily.