Bigo Live Archives - Kampuchea Thmey Daily

ឥណ្ឌូណេស៊ី ចង់បិទ Telegram ចោល ព្រោះចែកចាយមាតិកាអាសអាភាសនិងផ្សព្វផ្សាយល្បែងអនឡាញ

Sok Sovann — Thu, 29 Aug 2024 09:02:22 +0000

តាមការចុះផ្សាយរបស់ Jakarta Globe កាលពីថ្ងៃពុធទី២៨ខែសីហា, ប្រទេសឥណ្ឌូណេស៊ី កំពុងពិចារណាបិទ Telegram និង Bigo ចោលតែម្តង ព្រោះថា កម្មវិធីទាំងពីរនេះ ជាប់ពាក់ព័ន្ធការចែកចាយមាតិកាអាសអាភាសនិងផ្សព្វផ្សាយល្បែងអនឡាញ។

(រូបថត៖ ANTARA)

រដ្ឋមន្ត្រីទំនាក់ទំនងនិងព័ត៌មានឥណ្ឌូណេស៊ី លោក Budi Arie Setiadi បានឲ្យដឹងថា តាមពិតក្រសួងព្រមានដល់កម្មវិធីទាំងពីរនេះរួចទៅហើយ ប៉ុន្តែការឆ្លើយតបមកវិញគឺមិនគ្រប់គ្រាន់ អាចយកជាការបានឡើយ ប៉ុន្តែយើងក៏កំពុងសិក្សាបន្ថែមផងដែរលើបញ្ហានេះ។

ទោះបីជាយ៉ាងណាក៏ដោយ ប្រសិនបើកម្មវិធីទាំងនេះ នៅមិនអើពើនឹងការព្រមានទៀត យើងនឹងបិទចោលតែម្តង ដោយគ្មានស្ទាក់ស្ទើរឡើយ។

ព័ត៌មាននេះកើតឡើង បន្ទាប់ពី អាជ្ញាធរបារាំងចាប់ខ្លួនមេ Telegram លោក Pavel Durov កាលពីថ្ងៃសៅរ៍សប្តាហ៍មុននៅអាកាសយានដ្ឋាន Le Bourget ក្នុងទីក្រុងប៉ារីស។

(រូបថត៖ APA)

ក្រោយមក រដ្ឋអាជ្ញាទីក្រុងប៉ារីសប្រកាសថា លោក Durov ប្រឈមនឹងការចោទប្រកាន់បទឧក្រិដ្ឋកម្មចំនួន១២ករណី ក្នុងនោះរួមមានទាំងការចែកចាយរូបភាពអាសអាភាសរបស់កុមារ ជួញដូរគ្រឿងញៀន ក្លែងបន្លំ អំពើឧក្រិដ្ឋកម្ម និងមិនព្រមសហការជាមួយនឹងការស៊ើបអង្កេតផងដែរ។

យ៉ាងណា កាលពីថ្ងៃពុធ តុលាការក្រុងប៉ារីស បានសម្រេចដោះលែងលោក Durov ឲ្យនៅក្រៅឃុំជាមួយលក្ខខណ្ឌបង់ប្រាក់៥លានអឺរ៉ូ ហើយត្បិតតែដោះលែងបែបនេះមែន ប៉ុន្តែលោក Durov ត្រូវស្ថិតក្រោមការត្រួតពិនិត្យរបស់តុលាការនិងហាមឃាត់ចាកចេញពីប្រទេសបារាំង ហើយត្រូវរាយការណ៍ទៅប៉ូលិសពីរដងក្នុងមួយសប្តាហ៍ផងដែរ។

សូមបញ្ជាក់ថា ប្រទេសឥណ្ឌូណេស៊ី មានប្រជាជនសរុបជាង ២៧៥លាននាក់ ហើយក្នុងនោះមានអ្នកប្រើប្រាស់ Telegram ជាង ២៧លាននាក់៕

អត្ថបទ៖ សុខ សុវណ្ណ

ចុចអាន៖ មេ Telegram ត្រូវដោះលែងឲ្យនៅក្រៅឃុំ ហាមចាកចេញពីប្រទេសបារាំង

The post ឥណ្ឌូណេស៊ី ចង់បិទ Telegram ចោល ព្រោះចែកចាយមាតិកាអាសអាភាសនិងផ្សព្វផ្សាយល្បែងអនឡាញ appeared first on Kampuchea Thmey Daily.

ខណៈរក្សាគម្លាតក្នុងសង្គម Bigo Live ជួយកែភាពអផ្សុកដល់អ្នក ហើយថែមទាំងជួយឲ្យអ្នកទទួលប្រាក់ចំណូលបានខ្ទង់ពាន់ដុល្លារក្នុងមួយខែៗ

Sorn Phanith — Mon, 28 Jun 2021 09:28:20 +0000

● Bigo Live បានចាប់ដំណើរការនៅឆ្នាំ ២០១៦ ហើយបានក្លាយជាអ្នកដឹកនាំឈានមុខគេនៅក្នុងវិស័យផ្សាយបន្តផ្ទាល់ (Live Streaming App) ជាប់លំដាប់លេខ១នៅលើពិភពលោក ក្នុងរយៈពេលតែ ៥ ឆ្នាំប៉ុណ្ណោះ។

● Bigo Live ជាកម្មវិធីផ្សាយបន្តផ្ទាល់នេះមានអ្នកប្រើប្រាស់ជាង ៤០០ លាននាក់ក្នុងចំណោម ជាង ១៥០ប្រទេស ដែលមានអ្នកប្រើប្រាស់សកម្មប្រចាំខែចំនួន ២៣.១ លាននាក់

● នៅប្រទេសកម្ពុជា Bigo Live មានកំណើនអ្នកប្រើប្រាស់ដល់ទៅ ៣លាននាក់មកដល់បច្ចុប្បន្ននេះ។

BIGO LIVE TECHNOLOGY PTE. LTD. (BIGO) ដែលជាក្រុមហ៊ុនផ្តើតទៅលើវេទិកាទំនាក់ទំនងយុគសម័យថ្មីនឹងពេញនិយមមានដូចជា Bigo Live (កម្មវិធីផ្សាយបន្តផ្ទាល់) និង Likee (វីដេអូខ្លី)។ Bigo Live ដែលជាសហគមន៍ផ្សាយបន្តផ្ទាល់ចល័តឈានមុខគេ ដែលមានអ្នកប្រើប្រាស់ជាង ៤០០ លាននាក់ពីប្រទេសជាង ១៥០ ទូទាំងពិភពលោកនឹងមានការិយាល័យ ជាង២០ទូទាំងពិភពលោក។ បានបង្កើតឡើងក្នុងឆ្នាំ ២០១៦ Bigo Live បច្ចុប្បន្នគឺជាអ្នកនាំមុខគេនៅក្នុងវិស័យផ្សាយបន្តផ្ទាល់ (Live Streaming)។ កម្មវិធីនេះបានឆ្លងកាត់ការរីកចម្រើនដ៏ធំធេងនៅក្នុងមូលដ្ឋានអ្នកប្រើប្រាស់និងសកម្មភាពបន្តផ្ទាល់ដែលមានអ្នកប្រើប្រាស់សកម្មប្រចាំខែជាមធ្យមចំនួន ២៣.១ លាននាក់ កើនឡើង ១៨.៦% ពីមួយឆ្នាំទៅមួយឆ្នាំ។

ការកើនប្រជាប្រិយភាពក្នុងកំឡុងពេលនៃការរីករាលដាលនៃជំងឺរាតត្បាតកូវីដ១៩ នៅប្រទេសកម្ពុជា

ក្រុមហ៊ុន BIGO LIVE TECHNOLOGY PTE. LTD (BIGO) ទទួលបានជោគជ័យជាបន្តបន្ទាប់នៅទូទាំងពិភពលោក ការរីកចម្រើនឥតឈប់ឈរនិងមូលដ្ឋានអ្នកប្រើប្រាស់សកម្មកំពុងលេចចេញជារូបរាងកាន់តែខ្លាំងឡើងក៏ដូចជានៅកម្ពុជា ដូច្នេះហើយក្រុមហ៊ុនក៏បានបើកដំណើរការការិយាល័យនៅក្នុងស្រុកតាំងពីចុងឆ្នាំ ២០១៨ ដើម្បីជួយសម្រួលនឹងដោះស្រាយបញ្ហាផ្សេងៗដល់អ្នកប្រើប្រាស់ ក្នុងស្រុកផ្ទាល់ផងដែរ។ ការមានបុគ្គលិកតំណាងក្នុងស្រុក បានធ្វើឲ្យទំនាក់ទំនងទៅវិញទៅមករវាងបុគ្គលិក និង អ្នកផ្សាយផ្ទាល់ ក៏ដូចជាភ្នាក់ងារមានភាពងាយស្រួលច្រើន។

ខណៈដែលទីក្រុងភ្នំពេញនិងតំបន់ភាគច្រើន នៅក្នុងប្រទេសបានអនុវត្តការរឹតត្បិតចរាចរណ៍និងការអនុវត្តគម្លាតក្នុងសង្គម អំឡុងពេលរីករាលដាលនៃជំងឺរាតត្បាតកូវីដ១៩ មនុស្សភាគច្រើនបានប្រើប្រព័ន្ធអីនធើណេតច្រើន។ ហើយ Bigo Live នៅកម្ពុជាក៏មានការកើនឡើងនៃចំនួនអ្នកប្រើប្រាស់និងការទាញយកកម្មវិធីដែលមានអ្នកប្រើប្រាស់ជាង ៣លាន នាក់ ចំនួនភ្នាក់ងារ (Agency) ជិត១០០នាក់ និង អ្នក Live (Host)ជាង ១០០០ នាក់ដែលកំពុងតែប្រើប្រាស់ Bigo Live ហើយពួកគាត់កំពុងតែទទួលបានប្រាក់ចំណូលជារៀងរាល់ខែ ពីការ Live បានយ៉ាងច្រើនទៀតផង។ Bigo Live រួមចំណែកមួយដល់សំខាន់ដល់អ្នកប្រើប្រាស់នាកំឡុងពេលបិទខ្ទប់ និងការអនុវត្តគម្លាតក្នុងសង្គម ថែមទាំងបានផ្តល់នូវមតិការដែលអត្ថប្រយោជន៍ពីអ្នកផ្សាយផ្ទាល់ និងអ្នកប្រើប្រាស់ ដូចជា វីដេអូរបង្រៀនអំពីការថែទាំសម្រស់ ការកម្សាន្ត ការបញ្ជេញទេពកោសល្យច្រៀង រាំកម្សាន្ត ជជែកកម្សាន្ត និងកាន់តែពិសេសទៀតនោះ បានផ្តល់នូវប្រាក់ចំណូលបន្ថែមដល់ពួកគាត់ខណៈពេលដ៍លំបាកនៃប្រជាជនកម្ពុជាផងដែរ។

បទពិសោធន៍របស់អ្នក Live (Host) នឹង ភ្នាក់ងារ (Agency) និង អត្ថប្រយោជន៍ពីការប្រើប្រាស់ Bigo Live

អ្នក Live (Host) មួយចំនួនបានក្លាយជាអ្នក Live ផ្លូវការ ហើយអ្នកខ្លះក៏បានក្លាយទៅជាភ្នាក់ងារផ្លូវការ (Agency) ដែលកំពុងទទួលបានប្រាក់ខែខ្ទង់ពាន់ដុល្លារផងដែរ។ ខាងក្រោមនេះជាការដកស្រង់មតិយោបល់ផ្ទាល់ពីអ្នកផ្សាយផ្ទាល់របស់ Bigo Live ពីនៅកម្ពុជា៖

នាងខ្ញុំឈ្មោះ Ti Yaa Ning អាយុ២១ឆ្នាំ ដែលមាន Agency ឈ្មោះ GIRLY បច្ចុប្បន្ននាងខ្ញុំគ្រប់គ្រងនឹងបង្រៀន កូនក្រុមជា១០០នាក់អំពីរបៀបលេង ប្រើប្រាស់ របៀបរកលុយតាម Bigo Live។ ដំបូងឡើយខ្ញុំមិនដែលស្គាល់ Bigo Live ឡើយ ថ្ងៃមួយនាងខ្ញុំបានមើលនៅក្នុងFacebook ក៏បានឃើញការផ្សព្វផ្សាយជ្រើសរើសភ្នាក់ងារ BIGO LIVE នាងខ្ញុំក៏បានដាក់ពាក្យ។ នាងខ្ញុំមិនជឿថា អាចរកលុយយ៉ាងងាយៗតាម Bigo live បាននោះដែល។ បន្ទាប់ពីនាងខ្ញុំធ្វើការជាភ្នាក់ងាររយៈពេលមួយខែដំបូងមកនាងខ្ញុំក៏ចាប់ផ្តើមរកលុយបានតែម្តង។ នាងខ្ញុំបានចូលធ្វើការជាភ្នាក់ងារ BIGO LIVE តាំងពី ខែ០៥ ឆ្នាំ ២០២០ មកម្ល៉េះ។

ក្នុងនាម នាងខ្ញុំជាភ្នាក់ងាររបស់ក្រុមហ៊ុន BIGO LIVE ខ្ញុំអាចរកប្រាក់ចំណូលជាមធ្យមគឺ ១២០០ដុល្លារ/ខែ ហើយខ្ញុំក៏ទទួលបាននូវអត្ថប្រយោជន៍ជាច្រើនផងដែរ នោះគឺ ការទទួលបាននូវបទពិសោធន៍ជាភ្នាក់ងាររបស់ក្រុមហ៊ុន ហើយក៏អាចរកប្រាក់ចំណូលបានសម្រាប់ផ្គត់ផ្គង់គ្រួសារ មិនត្រឹមតែប៉ុណ្ណេះ គឺខ្ញុំទទួលបានការរាប់អានពីមិត្តយ៉ាងច្រើន ទាំងមិត្តក្នុងស្រុក និងមិត្តនៅក្រៅស្រុក។

នាងខ្ញុំឈ្មោះ T’ling Ting ខ្ញុំស្គាល់ Bigo តាមរយៈគ្រូរបស់ខ្ញុំ គាត់បានណែនាំខ្ញុំឲ្យស្គាល់ និងបង្រៀនខ្ញុំឲ្យចេះលេង។ ខ្ញុំចាប់ផ្តើមលេង Bigo ចាប់តាំងពី ខែកក្កដា ឆ្នាំ២០២០ មកម្ល៉េះ។ ពេលខ្ញុំចាប់ផ្តើមឡាយជាមួយ Bigo ខ្ញុំទទួលបានអត្ថប្រយោជន៍ជាច្រើនដូចជា៖ ទទួលបានប្រាក់ចំណូល និងប្រាក់លើកទឹកចិត្តជាច្រើនដូចជា៖ ប្រាក់ ៤០ភាគរយ រង្វាន់ PK រង្វាន់ Live Houseរង្វាន់ Family Battle និង រង្វាន់ជាច្រើនទៀត។ អាចបង្កើតទំនាក់ទំនងជាច្រើនជាមួយ Bigo Live ក្នុងនាមខ្ញុំជា Official Host របស់ Bigo Live ខ្ញុំអាចរកចំណូលជាមធ្យម ៥០០ ដុល្លា ក្នុងមួយខែ ដោយគ្រាន់តែឡាយនៅពេលទំនេរប៉ុណ្ណោះ។ មុនខ្ញុំចូលឡាយ Bigo Live ខ្ញុំពិតជាមិនដែលដឹងថា Bigo Live អាចរកប្រាក់ចំណូលបាន និងមានភាពសប្បាយរីករាយបែបនេះទេ តាំងពីខ្ញុំបានចូលមកលេង Bigo Live ធ្វើឲ្យជីវិតខ្ញុំកែប្រែ ទាំងប្រាក់ចំណូល និងភាពសប្បាយរីករាយ និងការបង្កើនមិត្តភាពជាច្រើនទៀតផង។ ជាចុងក្រោយខ្ញុំ សូមអរគុណយ៉ាងជ្រាលជ្រៅដែលបានបង្កើតកម្មវិធីនេះឡើង ដែលធ្វើឲ្យប្រាក់ចំណូលបានកើនឡើង និងទទួលបានភាពសប្បាយរីករាយទៀតផង។

នាងខ្ញុំឈ្មោះ Seav Mouy ខ្ញុំស្គាល់ Bigo តាមរយមិត្តរបស់ខ្ញុំ។ ខ្ញុំចាប់ផ្តើមលេង Bigo ចាប់តាំងពី ខែកក្កដា ឆ្នាំ២០២០ មកម្ល៉េះ។ ពេលខ្ញុំចាប់ផ្តើមឡាយនៅលើ Bigo ខ្ញុំទទួលបានអត្ថប្រយោជន៌ជាច្រើនដូចជា៖ ទទួលបានប្រាក់ចំណូល និងប្រាក់លើកទឹកចិត្តជាច្រើនដូចជា៖ ប្រាក់ ៤០ភាគរយ រង្វាន់ PK រង្វាន់ Live House រង្វាន់ Family Battle និង រង្វាន់ជាច្រើនទៀត។ អាចបង្កើតទំនាក់ទំនងជាច្រើនជាមួយ Bigo Live ខ្ញុំជា Official Host របស់ Bigo Live អាចរកចំណូលជាមធ្យម ៥០០ដុល្លារ ក្នុងមួយខែ ដោយគ្រាន់តែឡាយនៅពេលទំនេរប៉ុណ្ណោះ។ មុនខ្ញុំចូលឡាយ Bigo Live ខ្ញុំពិតជាមិនដែលដឹងថា Bigo Live អាចរកប្រាក់ចំណូលបាន និងមានភាពសប្បាយរីករាយបែបនេះទេ តាំងពីខ្ញុំបានចូលមកលេង Bigo Live ធ្វើឲ្យជីវិតខ្ញុំកែប្រែ ទាំងប្រាក់ចំណូល និងភាពសប្បាយរីករាយ និងការបង្កើនមិត្តភាពជាច្រើនទៀតផង។ ជាចុងក្រោយខ្ញុំសូម អរគុណសូមអរគុណយ៉ាងជ្រាលជ្រៅដែលបានបង្កើតកម្មវិធីនេះឡើង ដែលធ្វើឲ្យប្រាក់ចំណូលបានកើនឡើង និងទទួលបានភាពសប្បាយរីករាយទៀតផង។

ដើម្បីចុះឈ្មោះចូលធ្វើជាអ្នកLive ផ្លូវការ (Host)និងភ្នាក់ងារ (Agency) សូមចូលបំពេញតាមLinkខាងក្រោម៖

https://forms.gle/PUxbpmDTFt8vrA4g7

ទាញយក Bigo Live លើ App Store ឬ Google Play

ពត័មានបន្ថែម សូមទាក់ទង

Facebook Page: Bigo Live Cambodia

Tel: +855 10 309 413

Email: cambodia@bigo.tv

Website: www.bigo.tv

The post ខណៈរក្សាគម្លាតក្នុងសង្គម Bigo Live ជួយកែភាពអផ្សុកដល់អ្នក ហើយថែមទាំងជួយឲ្យអ្នកទទួលប្រាក់ចំណូលបានខ្ទង់ពាន់ដុល្លារក្នុងមួយខែៗ appeared first on Kampuchea Thmey Daily.

Bigo Live Archives - Kampuchea Thmey Daily

ឥណ្ឌូណេស៊ី ចង់បិទ Telegram ចោល ព្រោះចែក​ចាយមាតិកាអាសអាភាសនិងផ្សព្វផ្សាយល្បែងអនឡាញ

ឥណ្ឌូណេស៊ី ចង់បិទ Telegram ចោល ព្រោះចែកចាយមាតិកាអាសអាភាសនិងផ្សព្វផ្សាយល្បែងអនឡាញ