យ៉ាងណាមិញ ព័ត៌មានមួយនេះ​បាន​សាយភាយ​យ៉ាង​ឆាប់រហ័ស​នៅលើ​បណ្តាញ​សង្គម និង​ធ្វើ​ឲ្យមនុស្ស​ជាច្រើនចូលរួមបបញ្ចេញមតិយ៉ាងព្រោងព្រាត។ អ្នកខ្លះគិតថារឿងនេះមិនទំនងទាល់តែសោះ ហើយអាចជារឿងកំប្លែងប៉ុណ្ណោះ។ ប៉ុន្តែ​ក៏មាន​មតិ​ថា មាន​នារី​វ័យក្មេង​អ្នកមាន​មួយចំនួន​គ្មាន​អ្វី​ក្រៅពី​លុយ​ តែងតែដេញ​តារា​ប្រុស​យ៉ាង​ក្លាហាន​បែបនេះគឺជារឿងធម្មតានោះទេ​។

នៅពេលផ្ដលបទសម្ភាស Bosco Wong បាននិយាយថា គាត់បានសម្រេចចិត្តមិនរៀបការឡើយ គឺដើម្បីសងសឹកម្តាយដែលបានបំផ្លាញក្ដីស្រលាញ់ដំបូង ដែលលោកមានចំពោះអតីតមិត្តស្រី ហើយ​វា​នៅតែ​លងបន្លាច​គាត់​រហូតមកដល់​សព្វថ្ងៃ​។ គាត់បានស្រលាញ់គ្នាតាំងពីតាំងពីគាត់រៀនថ្នាក់ទី៦។ នៅពេលនោះលោកបាននាំមិត្តស្រីទៅផ្ទះដោយរីករាយ ណែនាំនាងដល់គ្រួសារ ហើយសង្ឃឹមថានឹងទទួលបានពរជ័យ ប៉ុន្តែអ្វីដែលនឹកស្មានមិនដល់នោះគឺ ម្តាយរបស់គាត់បានជះទឹកត្រជាក់មកលើគាត់។

នាពេលនោះ ម្ដាយលោកមិនត្រឹមតែមានទឹកមុខសោះកក្រោះចំពោះមិត្តស្រីប៉ុណ្ណោះទេ ថែមទាំងប្រើពាក្យគំរោះគំរើយ ស្តីបន្ទោស និងហាក់ដូចជាដេញគូស្នេហ៍របស់កូនប្រុសទៀតផង។ ក្រោម​ការ​រិះគន់ និង​ប្រឆាំង​ពី​ម្តាយ​ ស្នេហា​ដំបូង​មិន​អាច​ស្ថិតស្ថេរ​យូរ​អង្វែង​ឡើយ។ រឿង​ស្នេហា​ដែល​បែកបាក់​បាន​បន្សល់​ទុក​នូវ​សញ្ញាណ​មិន​អាច​លុប​បាន​ក្នុង​ចិត្ត​របស់ Bosco Wong អស់​រយៈពេល​ជា​ច្រើន​ឆ្នាំ។ គាត់មិនអាចយល់ពីមូលហេតុដែលម្តាយជ្រៀតជ្រែកក្នុងជីវិតស្នេហារបស់គាត់យ៉ាងឃោរឃៅ និងឈឺចាប់យ៉ាងនេះ។ ប្រហែលជានោះហើយជាមូលហេតុដែលគាត់ប្រើពាក្យដែលហាក់ដូចជាចំអកដើម្បីបង្ហាញពីអាកប្បកិរិយារបស់គាត់ចំពោះម្តាយបង្កើត។

ប៉ុន្តែ​តាម​ពិត លោកនៅ​តែ​ស្រឡាញ់​ម្ដាយ​របស់​ខ្លួន​យ៉ាង​ខ្លាំង។ ទាក់​ទង​នឹង​ការ​ពិត​ដែល​គាត់​មិន​បាន​រៀប​ការ​នោះ ទំព័រ ១៦៣ បាន​ចែង​ថា មូលហេតុ​ត្រូវ​បាន​ជះ​ឥទ្ធិពល​ពី​ម្តាយ​គាត់។ ក្រោយ​លែងលះ​ ម្ដាយ​មិន​ត្រឹមតែ​ចិញ្ចឹម​កូន​ដោយ​ខ្លួនឯង​ប៉ុណ្ណោះ​ទេ ថែមទាំង​ត្រូវ​ស៊ូទ្រាំ​នឹង​ការ​និយាយដើម​ពីអ្នកជិតខាងជាច្រើន​ទៀត​។ លោករៀបរាប់ថា៖ «ខ្ញុំនៅចាំច្បាស់ថា យាយរបស់ខ្ញុំតែងតែស្តីបន្ទោសម្តាយខ្ញុំ បន្ទោសគាត់ថារៀបការជាមួយមនុស្សខុស ធ្វើឲ្យគាត់យំ»។ ប្រហែលជានេះជាហេតុផលដែលម្តាយរបស់តារាសម្តែងមិនជឿលើស្នេហានិងអាពាហ៍ពិពាហ៍ ហើយតែងតែភ័យខ្លាចថាកូនប្រុសរបស់គាត់នឹងដើរលើផ្លូវដូចគ្នា។

ដោយ​ទទួល​ឥទ្ធិពល​ពី​ម្តាយ​លោក Bosco Wong ក៏​មិន​ចង់​រៀប​ការ​ដែរ ទោះ​បី​មាន​ស្នេហា​ច្រើន​ក៏​ដោយ។ គាត់ធ្លាប់ជា playboy ដ៏ល្បីល្បាញនៅក្នុងវិស័ងកម្សាន្ត ធ្វើឲ្យស្រីៗជាច្រើនលង់ស្នេហ៍។ តារាប្រុសរូបនេះមានទំនាក់ទំនងស្នេហាយ៉ាងស្វិតស្វាញជាមួយតារាស្រី Myolie Wu រួមរស់ជាមួយគ្នាអស់រយៈពេល ៨ ឆ្នាំ ប៉ុន្តែនៅតែបែកគ្នា។ បន្ទាប់ពីនោះមក តារាសម្តែងរូបនេះបានឆ្លងកាត់ទំនាក់ទំនងរយៈពេលខ្លីជាច្រើន ហើយនៅតែរីករាយនឹងជីវិតនៅលីវ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

The post ធ្លាយពាក្យចចាមអារ៉ាមមួយថា Bosco Wong មានអ្នកចង់ចិញ្ចឹម appeared first on Kampuchea Thmey Daily.

លោក​បាន​និយាយ​ថា​៖ «​អ្នក​អាច​នឹង​ឃើញ​ខ្ញុំ​វង្វេង ឬ​អនុវត្ត​ជាក់ស្តែង​ពេក ប៉ុន្តែ​សម្រាប់​ខ្ញុំ រឿង​សំខាន់​បំផុត​គឺ​ម្តាយ​ខ្ញុំ ការងារ និង​មិត្តភក្តិ​របស់ខ្ញុំ​។ ស្នេហាមិនអាចបង្ខំបានទេ»។

តារាចម្រៀងប្រុសវ័យ៤៥ឆ្នាំបាននិយាយបន្ថែមថា ខណៈដែលគាត់មិនទាន់ច្បាស់ថា តើទស្សនៈរបស់គាត់ចំពោះអាពាហ៍ពិពាហ៍នឹងផ្លាស់ប្តូរនាពេលអនាគតឬយ៉ាងណានោះ បច្ចុប្បន្ននេះគាត់កំពុងរស់នៅក្នុងជីវិតនៅលីវ និងមិនមានគម្រោងបង្កើតកូននោះទេ។ លោក​បាន​រៀបរាប់​ថា ខ្លួននៅឆេវឆាវ អារម្មណ៍​មិន​ទាន់​ចាស់​ទុំ និង​មិន​ទាន់​ត្រៀម​ខ្លួន​ជា​ឪពុកគេនូវឡើយទេ។ ក្នុង​ពេល​ទំនេរ លោក Wong ចូល​ចិត្ត​ចេញ​ទៅ​ញ៉ាំ​អាហារ​ជាមួយ​មិត្តភ័ក្តិ និង​លះបង់​ពេល​វេលា​ដើម្បី​ចំណង់​ចំណូល​ចិត្ត​របស់​គាត់​សម្រាប់​ការ​ធ្វើ​លំហាត់​ប្រាណ។

លើសពីនេះតួឯកប្រុសក្នុងរឿង «អង្គរក្សបេះដូង» មានទំនាក់ទំនងជាច្រើន ហើយត្រូវបានភ្ជាប់ទៅពាក្យចចាមអារ៉ាមអំពីទំនាក់ទំនងស្នេហាជាច្រើនផងដែរ។ ទំនាក់ទំនងដ៏យូរបំផុតរបស់គាត់គឺជាមួយតារាសម្ដែងហុងកុង Myolie Wu ដែលគាត់បានបែកបាក់គ្នាក្នុងឆ្នាំ ២០១២ បន្ទាប់ពីនៅជាមួយគ្នាអស់រយៈពេល ៨ ឆ្នាំ។ Wong បាន​ទទួល​ស្គាល់​ថា​គាត់​បាន​តស៊ូ​ក្នុង​ការ​ផ្តល់​នូវ​អារម្មណ៍​សុវត្ថិភាព​សម្រាប់​ដៃគូ​របស់​គាត់។ បន្ថែម​ពី​លើ​នេះ អតីត​មិត្ត​ស្រី​របស់​លោក​ត្រូវ​បាន​គេ​រាយការណ៍​ថា មិន​ពេញ​ចិត្ត​ពី​ម្តាយ​របស់​លោក​ឡើយ។

គួរជម្រាបជូនថា​ Bosco Wong បានចាប់ផ្តើមអាជីពរបស់គាត់នៅឆ្នាំ ១៩៩៩ នៅប៉ុស្ត្តី៍ទូរទស្សន៍ TVB ជាកន្លែងដែលគាត់បានរៀបចំកម្មវិធីផ្សេងៗ ហើយបានបង្ហាញខ្លួននៅក្នុងរឿងភាគជាច្រើនជារឿងបន្ថែម មុនពេលចាប់ផ្តើមសម្តែងជាផ្លូវការនៅឆ្នាំ ២០០២។ គាត់ត្រូវបានគេស្គាល់ថាល្អបំផុតសម្រាប់តួនាទីរបស់គាត់នៅក្នុងរឿង «Triumph in the Skies», «Wars of In-laws» និង «Dicey Business»ជាដើម៕

អត្ថបទ៖ សាង ស្រីល័ក្ខ

ចុចអាន៖ដោយសារជីវភាព តួហុងកុង Peter បង្ខំចិត្តច្រៀងនៅក្លឹបកម្សាន្ត ទាំំងស្ពាយជំងឺមហារីកជាប់កាយ

The post ក្នុងវ័យ៤៥ឆ្នាំ Bosco Wong ព្រលយថា មិនមានគម្រោងរៀបការទេ appeared first on Kampuchea Thmey Daily.

យោងតាមសារព័ត៌មាន The Straits Times បានរាយការណ៍ថា ក្រុមហ៊ុនចែកចាយភាពយន្ត Mega Films របស់ប្រទេសម៉ាឡេស៊ីបានបំភ្លឺថា តារាប្រុសវ័យ៤៣ឆ្នាំរូបនេះ កំពុងបង្កើតឈុតឆាកពីខ្សែភាពយន្តឡើងវិញ ដែលគាត់បានមកប្រទេសម៉ាឡេស៊ីដើម្បីផ្សព្វផ្សាយ។

ទីភ្នាក់ងារដដែលបានបញ្ចាក់បន្ថែមនៅលើប្រព័ន្ធផ្សព្វផ្សាយសង្គមកាលពីថ្ងៃអង្គារដែរថា «​ដើម្បីឆ្លើយតបទៅនឹងវីដេអូថ្មីៗរបស់ Bosco Wong ដែលកំពុងចរាចរលើបណ្តាញអ៊ីនធឺណែត យើងសូមបញ្ជាក់ថា វាគឺជាការបង្កើតឡើងវិញនូវបរិយាកាសដ៏ខ្លាំងក្លាពីខ្សែភាពយន្ត ។ក្នុងនាមជាអ្នកដឹកនាំរឿង Bosco Wong តែងតែសម្តែងដោយភាពស្មោះត្រង់ និងមិនមានចេតនាបោកប្រាស់ ឬប្រើប្រាស់កិត្តិនាមរបស់គាត់ខុសនោះទេ»។

Channel News Asia បានកត់សម្គាល់ថា វីដេអូដែលប្រមូលបានការចូលមើលជាង ១.២ លានដងនៅលើ Facebook បានបង្ហាញពីសកម្មភាពរបស់លោកដែលកំពុងអង្គុយលើតុ ហើយស្រែកជេរទៅកាន់បុគ្គលិកម្នាក់ដោយប្រាប់គេឲ្យទៅហៅអ្នកគ្រប់គ្រងហាងចេញមកជួបគាត់។ ក្រោយមក​ គាត់ហាក់ដូចជាស្ងប់ចិត្តនៅពេលដែលចានអាហារថ្មីត្រូវបានលើកដោយអ្នកគ្រប់គ្រង ប៉ុន្តែមានការខកចិត្តម្តងទៀតនៅពេលរកឃើញសណ្តែកដីនៅក្នុងអាហារ។

ថ្វីត្បិតតែបុគ្គលិកធ្វើការសុំទោស និងស្នើឲ្យរៀបចំអាហារថ្មីក៏ដោយ ក៏តារា TVB ទះតុ ហើយស្រែកថា «​ម៉ោងប៉ុន្មានហើយ? អ្នក​ត្រូវ​តែ​ទៅធ្វើអាហារ​ឡើង​វិញ ហើយ​ខ្ញុំ​នៅ​តែ​ចាំ​ទៀតមែន?»។

នៅក្រោមវីដេអូនេះ អ្នកទស្សនាមួយចំនួនបានសម្តែងការអាណិតអាសូរចំពោះឧប្បត្តិហេតុដែលគេសន្មត់ថាលោកគឺជាតារាប្រុសដែលខ្វះសុជីវធម៌បំផុត ខណៈអ្នកផ្សេងទៀតសង្ស័យថាឧបទ្ទវហេតុនេះគឺជាសម្ដែងភាពយន្តណាមួយ ដោយចង្អុលមីក្រូហ្វូនដែលអាចមើលឃើញនៅលើអាវរបស់គាត់។

សូមជម្រាបជូនថា Bosco Wong បានចាប់ផ្តើមអាជីពរបស់គាត់នៅបណ្តាញទូរទស្សន៍ TVB ក្នុងឆ្នាំ ១៩៩៩ ដោយធ្វើជាម្ចាស់ផ្ទះកម្មវិធីផ្សេងៗ ហើយបានបង្ហាញខ្លួនជាការបន្ថែមនៅក្នុងរឿងភាគជាច្រើនរហូតដល់ការសម្ដែងជាផ្លូវការរបស់គាត់ក្នុងឆ្នាំ ២០២២។ គាត់មានភាពល្បីល្បាញដោយសារតួនាទីរបស់គាត់នៅក្នុងរឿង “Triumph in the Skies”” Wars of In-laws” និង “Dicey Business” ៕

អត្ថបទ៖ សាង ស្រីល័ក្ខ

ចុចអាន៖តារាសម្ដែង William តាមពិត មានប្រវត្តិគ្រួសារជាមហាសេដ្ឋីអចលនទ្រព្យហុងកុង

The post ធ្លាយវីដេអូ​ Bosco Wong ស្តី​បន្ទោស​អ្នករត់តុ​ហាងមួយនៅម៉ាឡេស៊ី​ រហូតផ្ទុះកំហឹងពីមហាជន appeared first on Kampuchea Thmey Daily.