យោងតាមសាច់ញាត្តិរបស់តារាចម្រៀងវ័យ៤៣ឆ្នាំ បានបញ្ចាក់ថា បច្ចុប្បន្ននេះនាងកំពុងរស់នៅក្នុងផ្ទះដែលពោរពេញដោយសំរាម និងកាកសំណល់សត្វ ហើយមិនខ្វល់ពីការសម្អាតវាឡើយ។ ស្ថានភាពរស់នៅដ៏កខ្វក់ និងគ្មានអនាម័យរបស់ Britney Spears ធ្វើឲ្យគ្រប់គ្នាព្រួយបារម្ភ។ ទោះ​បី​ជា​យ៉ាង​ណា មិត្តភ័ក្តិ និង​សាច់​ញាតិ​មិន​អាច​ជ្រៀត​ជ្រែក​ជីវិត​ឯកជន​របស់​សិល្បករ​រូប​នេះ​បាន​ឡើយ។

មិនតែប៉ុណ្ណោះ អ្នកដែលជិតស្និទ្ធនឹងតារាស្រីបាននិយាយថា ផ្ទះរបស់នាងរញ៉េរញ៉ៃ មិនបានសម្អាត បន្ទាប់ពីសត្វចិញ្ចឹមរបស់នាងចូលបន្ទប់ទឹក គ្មាននរណាម្នាក់សម្អាតផ្ទះជារៀងរាល់ថ្ងៃ ហើយនាងរស់នៅដូចជាមនុស្សចាស់ គ្មានទំនួលខុសត្រូវ ប្រៀបដូចជាមនុស្សបាក់ទឹកចិត្ត។

ទោះជាយ៉ាងណាក៏ដោយ កាលពីពេលថ្មីៗនេះ Britney Spears តែងតែបង្ហោះរូបភាព និងវីដេអូប្លែកៗនៅលើទំព័រផ្ទាល់ខ្លួន។ ស្ថានភាពរបស់តារាចម្រៀងគឺដូចគ្នាទៅនឹង Justin Bieber ដែរ។ ចាប់តាំងពីឆ្នាំ ២០២៣ មក Britney Spears បានចាក់សោការអត្ថាធិប្បាយ ហើយចាប់ផ្តើមបង្ហោះវីដេអូដែលខ្លួននាងរាំយ៉ាងអានាចា ឬឈុតប៊ីគីនី ហើយថែមទាំងរូបថតអាក្រាតកាយនៅលើទំព័រផ្ទាល់ខ្លួនរបស់នាងទៀតផង។

ក្នុងចំណោមនោះ ទស្សនិកជនមានការភ្ញាក់ផ្អើល និងភ័យខ្លាច នៅពេលដែល Britney បានចែករំលែកឃ្លិបនៃការរាំរបស់នាង ដោយមិនគ្រប់គ្រង់ដោយកាំបិតធំចំនួន២ នៅក្នុងដៃរបស់នាង។ ទោះបីជាតារាស្រីរូបនេះបញ្ជាក់ថា កាំបិតទាំង២ដែលប្រើនោះជាកាំបិតក្លែងក្លាយក៏ដោយ ក៏អ្នកលេងអ៊ីនធឺណិតនៅតែដឹងថា តារាស្រីរងរបួសត្រង់ភ្លៅ និងដៃនៅក្នុងវីដេអូដែលបានបង្ហោះនៅពេលក្រោយ។

នៅលើទំព័រផ្ទាល់ខ្លួនរបស់នាង Britney Spears ក៏មិនបានលាក់បាំងការពិតដែលថានាងមានរបួសផ្លូវចិត្តដោយសារទំនាក់ទំនងដ៏តានតឹង និងឃ្លាតឆ្ងាយពីកូនតាមរយៈការបង្ហោះដែលមានខ្លឹមសារថា «ពួកយើងជាមនុស្ស ដូច្នេះមនុស្សគ្រប់រូបនឹងមានពេលវេលាដ៏ផុយស្រួយ និងទន់ខ្សោយ។ ឆ្នាំដ៏លំបាកបំផុតនៃជីវិតរបស់ខ្ញុំគឺពេលដែលខ្ញុំនៅឆ្ងាយពីកូន ២អស់រយៈពេល ៣ ឆ្នាំ។ ខ្ញុំត្រូវបានកាត់ផ្តាច់ពីការទាក់ទងគ្នា មិនត្រូវបានអនុញ្ញាតឲ្យតេទូរស័ព្ទ ឬ លេងជាមួយកូនឡើយ។

បើទោះបីជា ការលែងលះ របួសក្រោយសម្រាល ការប្រើសារធាតុញៀន… បណ្តាលឱ្យ Spears ទទួលរងពីជំងឺបាយប៉ូឡា។ តារា​ចម្រៀង​រូប​នេះ​ធ្វើ​ឲ្យ​មាន​ការ​ភ្ញាក់​ផ្អើល​ជា​ច្រើន​ដង​ជាមួយ​នឹង​រូបភាព​ស្រើបស្រាល កោរ​សក់ បង្ហាញ​ពី​សតិ​មិន​ប្រក្រតី​ជា​ខ្លាំង។ Britney Spears បានទទួលការព្យាបាលផ្លូវចិត្តជាកាតព្វកិច្ចចំនួនពីរក្នុងឆ្នាំ ២០០៨។ ក្នុងឆ្នាំ ២០១៩ នាងបានបន្តសម្រាកព្យាបាលនៅមន្ទីរពេទ្យសម្រាប់ការព្យាបាលផ្លូវចិត្តមួយរយៈ។ ដោយសារតែបញ្ហាសមត្ថភាពអាកប្បកិរិយា នាងក៏ត្រូវបានតុលាការដកហូតពីមន្ទីរឃុំឃាំងកូនរបស់នាង ហើយប៉ូលិសបានមកត្រួតពិនិត្យផ្ទះរបស់នាង។

នៅឆ្នាំ ២០២១ តារាចម្រៀងរូបនេះបានគេចផុតពីអាណាព្យាបាលរយៈពេល ១៣ ឆ្នាំរបស់ឪពុកនាងគឺលោក Jamies Spears ។ បន្ទាប់ពីនោះមក នាងបានជួបប្រទះនឹងភាពតក់ស្លុតនៃការលែងលះពី Sam Asghari ការរលូតកូន និងត្រូវបានឃ្លាតឆ្ងាយពីកូនប្រុសទាំងពីរ។ នៅឆ្នាំ ២០២៤ ទំនាក់ទំនងរវាង Britney Spears និងកូនប្រុសទាំងពីររបស់នាង Sean Preston និង Jayden James កាន់តែរឹងមាំបន្តិចម្តងៗ។ យ៉ាង​ណា​ក៏​ដោយ ស្ថានភាព​សុខភាព​ផ្លូវ​ចិត្ត​របស់​សិល្បករ​រូប​នេះ​មិន​បាន​ប្រសើរ​ឡើង​ឡើយ៕

អត្ថបទ៖ សាង ស្រីល័ក្ខ

ចុចអាន៖Elon Musk លែងមានងារជាអ្នកមានជាងគេលើលោក ខណៈស្ថាបនិក Oracle វ៉ាដាច់វិញ

The post Britney Spears រស់ក្នុងផ្ទះពេញដោយសំរាម ខណៈផ្លូវចិត្តកាន់តែដើរដល់ផ្លូវទាល់ appeared first on Kampuchea Thmey Daily.

អ្នក​បម្រើលើយន្តហោះដែលមានការព្រួយបារម្ភ បានសុំឲ្យ​តារា Britney Spears ដកបារីរបស់នាង ហើយតារាចម្រៀង​រូប​នេះ បានធ្វើតាមការស្នើសុំ។ នៅពេលចុះចត អាជ្ញាធរបានជួបនាង និងព្រមានអំពីអាកប្បកិរិយាមិនល្អ បន្ទាប់មកឲ្យតារាចម្រៀងចាកចេញទៅ ដោយមិនបន្តការចោទប្រកាន់ណាមួយឡើយ​ពីសំណាក់​អាជ្ញាធរ​​។

ដោយឡែក នៅក្នុងការបង្ហោះលើបណ្តាញ​សង្គម Instagram នៅថ្ងៃបន្ទាប់ នាង​ Britney Spears បានសារភាព​ថា នាងបានផឹកស្រា និងជក់បារីនៅលើយន្តហោះ ហើយបានរៀបរាប់ពីឧប្បត្តិហេតុដោយហៅវាថា ជារឿងគួរឲ្យអស់សំណើច និងមិនគួរឲ្យជឿ។

តារាស្រីវ័យ៤៣ឆ្នាំ បានសរសេររៀបរាប់ថា «យន្តហោះខ្លះដែលខ្ញុំជិះ អ្នកមិនអាចជក់បារីបានភាគច្រើន ប៉ុន្តែមួយនេះគឺខុសគ្នា ព្រោះមានអ្នកកាន់ភេសជ្ជៈនៅខាងក្រៅកៅអី»! ពេលនោះ មិត្ត​ភក្តិ​របស់​នាងបាន​ដុត​បារី​មួយដើមឲ្យនាង នាំឲ្យនាង​ជឿ​ថា​ ការ​ជក់​បារី​ត្រូវ​បាន​អនុញ្ញាតនៅ​លើ​យន្តហោះ។ ក្រោយមក តារា​ចម្រៀង Britney Spears បានសុំ​ទោស​ចំពោះ​ទង្វើ​របស់​នាង ប៉ុន្តែ​បាន​ហៅ​ការ​ឆ្លើយ​តប​របស់​ក្រុម​អ្នក​បម្រើ​លើ​យន្តហោះ​ថា មានមនុស្សម្នាក់មិន​ចូល​ចិត្តនាងពេល​ឡើង​យន្តហោះ។

ឧបទ្ទវហេតុនេះបានកើតឡើងនៅពេលដែលតារាប៉ុបវិលត្រលប់មកដល់​ផ្ទះវិញ ពីវិស្សមកាលនៅប្រទេសម៉ិកស៊ិក។ ប៉ុន្មានថ្ងៃមុននេះ តារាចម្រៀងតែងតែបង្ហោះរូបថតខ្លួនក្នុងឈុតប៊ីគីនី ហែលទឹក និងសម្រាកលំហែ នៅលើទំព័រផ្ទាល់ខ្លួនរបស់នាង។ តារា​ចម្រៀងហាក់​កំពុង​អបអរ​ជីវិត​នៅ​លីវ​ បន្ទាប់​ពី​ចែក​ផ្លូវ​ជាមួយ​មិត្ត​ប្រុស Paul Richard Soliz បាន​មួយ​ខែ។ ប្រភពជិតស្និទ្ធបានបង្ហើបឲ្យដឹងថា Britney Spears មានអារម្មណ៍ធូរស្រាល បន្ទាប់ពីចាកចេញពីទំនាក់ទំនងដ៏ច្របូកច្របល់របស់នាង៕

អត្ថបទ៖ សាង ស្រីល័ក្ខ

ចុចអាន៖​លោក Wang Xiaofei រិះគន់អតីតភរិយា នាង​ សានឆាយ ក្រោយរៀបការ​ប្រពន្ធថ្មី

The post តារាចម្រៀង Britney Spears ត្រូវអាជ្ញាធរព្រមាន ក្រោយបំពានច្បាប់​សុវត្ថិភាព​​លើយន្តហោះ appeared first on Kampuchea Thmey Daily.

ទីភ្នាក់ងារសារព័ត៌មាន The Sun កាលពីថ្ងៃទី២៣ ខែមករា បានទទួលរបាយការណ៍ពីប្រភពចំនួន ៣ ទាក់ទងនឹងបញ្ហារបស់តារាចម្រៀង Britney Spears ត្រូវបានហាមឃាត់មិនឲ្យប្រើប្រាស់តំបន់នេះនៅឯសណ្ឋាគារ Westlake Village ដ៏ល្បីល្បាញក្នុងទីក្រុង LA ។ នេះក៏ព្រោះតែនាងតែងតែហែលដោយគ្មានពាក់អាវបិតបាំងដើមទ្រូង និងមានឥរិយាបទចម្លែកគ្រប់ពេល ទើបធ្វើឲ្យភ្ញៀវផ្សេងទៀតមិនសប្បាយចិត្ត និងមិនស្រួលក្នុងការចែករំលែកកន្លែងជាមួយនាង។

អ្នកខាងក្នុងបានប្រាប់ The Sun ថា​ បុគ្គលិកនៅសណ្ឋាគារដ៏ល្បីល្បាញមានការខកចិត្តយ៉ាងខ្លាំងចំពោះអាកប្បកិរិយារបស់ Britney ហើយ​មិន​អាច​ធ្វើ​អ្វី​បាន​ក្រៅ​ពី​ហាម​មិនឲ្យតារា​ចម្រៀង​ស្រី​រូប​នេះ​ប្រើ​អាង​ហែល​ទឹក​ជា​បណ្ដោះ​អាសន្ន។

លើស​ពី​នេះ ​អ្នក​ខាងក្នុង​ក៏​បាន​បង្ហើបឲ្យ​ដឹង​ផង​ដែរ​ Britney គឺជាអ្នកគាំទ្រដ៏ធំនៃស្ប៉ាម៉ាស្សា និងហាងកែសម្ផស្សរបស់សណ្ឋាគារ។ សណ្ឋាគារនេះផ្តល់ជូននូវអាងហែលទឹកក្នុងផ្ទះដ៏ធំមួយ សេវាកម្មម៉ាស្សា និងការព្យាបាលសម្រាប់ភ្ញៀវ។

ទោះយ៉ាងណាក៏ដោយ អ្នកតំណាងរបស់ Britney បាននិយាយថានេះមិនមែនជាការពិតទេ។ ប៉ុន្តែ​សណ្ឋាគារ​ដែល​ចាប់​ផ្តើម​រឿង​នេះ​នៅ​ស្ងៀម ហើយ​មិន​ឆ្លើយ​ថា តើ​បុគ្គលិក​សណ្ឋាគារ​ពិត​ជា​បាន​ហាមប្រាម Britney មិន​ឲ្យ​ប្រើ​សេវា​ឬ​ក៏​អត់។ វាហាក់បីដូចជា Britney ពីមុនបានចុះផ្សាយរូបថតនៃរូបរាងដើមទ្រូងរបស់នាងនៅក្នុងឈុតសណ្ឋាគារមួយ តាមរយៈ Instagram Britneyspears ដែលនៅតែត្រូវបានកំណត់ទៅជាគណនីផ្ទាល់ខ្លួន។

ប្រភពរបស់ The Sun បាននិយាយទៀតថា ទោះបីជា Britney ជាអតិថិជនកំពូលក៏ដោយ ប៉ុន្តែ វា​មិន​ដូច​ជា​នាង​អាច​បញ្ចេញ​ដើមទ្រូង​និង​បង្ហាញ​ខ្លួន​ជុំវិញ​សណ្ឋាគារ​តាមចិត្តនោះ​ទេ។ ដោយសារតែក្រៅពី Britney មានភ្ញៀវ A-List ជាច្រើននាក់ទៀតនៅក្នុងសណ្ឋាគារ ហើយពួកគេមានការមិនពេញចិត្តយ៉ាងខ្លាំងចំពោះអាកប្បកិរិយាចម្លែកៗ និងរំខានរបស់នាង៕

អត្ថបទ៖ សាង ស្រីល័ក្ខ

ចុចអាន៖បង្ហោះរូប២សន្លឹកបែបរោលរាល តារាសិចស៊ី Kratae ទាក់ចិត្តប្រុសៗបញ្ចេញមតិព្រាត

The post Britney Spears​ ត្រូវសណ្ឋាគារដ៏ល្បីមួយហាមឃាត់នាង បន្ទាប់ពីហែលទឹកអាក្រាតកាយក្នុងអាង appeared first on Kampuchea Thmey Daily.

អ្នកទាំង ២ បានជួបគ្នានៅក្រោយឆាកនៃការប្រគំតន្ត្រីរបស់ Britney Spears នៅឆ្នាំ ២០០៣ ។ គ្រានោះ Britney Spears មានអាយុ ២២ ឆ្នាំ និងមានកេរ្តិ៍ឈ្មោះល្បីល្បាញទៅហើយ ។

Britney Spears រៀបរាប់ថា មិត្តភ័ក្ដិរបស់នាងម្នាក់បាននាំ Taylor Swift មកច្រៀងឲ្យនាងស្ដាប់ ហើយពេលនោះ Taylor ច្រៀងបានពិរោះណាស់ ថែមទាំងចេះលេងហ្គីតាទៀតផង បន្ទាប់មកពួកគេបានថតរូបជាមួយគ្នាទុកជាអនុស្សាវរីយ៍ ។

ថ្មីៗនេះ Taylor Swift ក្លាយជានារីជោគជ័យទាំងរឿងស្នេហា និងអាជីព ខណៈ Britney Spears មានបញ្ហាឥតឈប់ឈរ ជាពិសេសទើបតែបែកបាក់ស្វាមីវ័យក្មេងលោក Sam Asghari ។

គួររំលឹកថា Britney Spears បានចេញសៀវភៅមួយក្បាលនិយាយពីជីវិតរបស់នាងដែលមានចំណងជើង “The Woman in Me” ហើយបើតាមមហាជនដែលធ្លាប់អាន បានឲ្យដឹងថា Britney Spears ជាស្ត្រីគួរឲ្យអាណិត រឹងមាំ និងពូកែណាស់ ទើបនាងអាចមានថ្ងៃនេះ ៕

ប្រែសម្រួល៖ វារី

ប្រភព៖ Asianone

ចុចអាន៖ មកដឹងរឿងរ៉ាវដែល Britney Spears សរសេរក្នុងសៀវភៅអំពីអតីតស្វាមីក្មេង

ចុចអាន៖ Taylor Swift ឈ្នះពានដល់ទៅ ២០ ក្នុងកម្មវិធី Billboard Music Awards ឆ្នាំ ២០២៣

The post Britney Spears ធ្លាប់ជួប Taylor Swift តាំងពីនាងនៅក្មេង មិនទាន់ល្បីម្ល៉េះ appeared first on Kampuchea Thmey Daily.

នាងចាត់ទុកលោក Sam ជា “អំណោយពីព្រះ” និងកោតសរសើរគាត់ជាច្រើនចំណុច ព្រោះគ្រានោះមិនទាន់លែងលះដាច់ស្រេចនៅឡើយទេ ។

Britney បានឲ្យដឹងថា គ្រាន់តែឃើញ Sam ភ្លាមស្រលាញ់ភ្លែតតែម្ដង ហើយពួកគេមិនអាចបាត់គ្នាបានទេ ។ Sam តែងតែលើកទឹកចិត្តនាង បង្រៀនឲ្យចេះមើលថែខ្លួនឯង បណ្ដាលឲ្យតារាចម្រៀងរូបនេះបាក់ចិត្តស្រលាញ់គាត់ជាខ្លាំង ។

យ៉ាងណាក្ដី ពួកគេរៀបការបានត្រឹម ១៤ ខែប៉ុណ្ណោះ បែរជាត្រូវលែងលះគ្នាវិញ ។ ដោយសារតែការលែងលះកើតឡើងក្រោយសរសេរសៀវភៅចប់  Britney បាននិយាយថា “ភាគ ២ អាចនឹងចេញបន្ទាប់ពីភាគ ១” ។

គួរជម្រាបថា អ្នកទាំងពីរជួបគ្នាលើកដំបូង កាលពីខែតុលា ឆ្នាំ ២០១៦ តាមរយៈការថតវីដេអូចម្រៀង “Slumber Party” និងរៀបការក្នុងខែមិថុនា ឆ្នាំ ២០២២ នៅផ្ទះនៃទីក្រុង California របស់ Britney ទៀតផង ៕

ប្រែសម្រួល៖ វារី

ប្រភព៖ pagesix

ចុចអាន៖ Britney Spears លាតត្រដាងរឿងឈឺចាប់បំផុតក្នុងជីវិតពេលទាក់ទងជាមួយ Justin Timberlake

The post មកដឹងរឿងរ៉ាវដែល Britney Spears សរសេរក្នុងសៀវភៅអំពីអតីតស្វាមីក្មេង appeared first on Kampuchea Thmey Daily.

​រឿងនេះត្រូវបាន Britney បង្ហាញនៅក្នុងសៀវភៅរបស់នាងដែលមានចំណងជើងថា “The Woman In Me” ។ មកទល់បច្ចុប្បន្ន សៀវភៅរបស់កំពូលតារាចម្រៀងខាងលើរកចំណូលបាន ១៥ លានដុល្លារហើយ ទោះបីចេញលក់មិនទាន់គ្រប់មួយខែផងក៏ដោយ ។

នាងបានឲ្យដឹងថា លោក Justin មិនសប្បាយចិត្តនឹងការមានផ្ទៃពោះទេ ព្រោះពួកគេនៅក្មេងពេក ដូច្នេះទើបសម្រេចចិត្តរំលូតកូនចេញ ។ Britney បានពណ៌នាការរំលូតកូននោះថាជា “រឿងដ៏ឈឺចាប់បំផុតដែលខ្ញុំធ្លាប់ជួបប្រទះក្នុងជីវិត” ។

គួរបញ្ជាក់ថា ពេលអ្នកទាំងពីរទាក់ទងគ្នា Britney មានអាយុ ១៧ ឆ្នាំប៉ុណ្ណោះ ហើយបែកគ្នាវិញនៅឆ្នាំ ២០០២ ។ ក្រោយមក Britney ក៏មានកូន ២ នាក់ជាមួយតារារ៉េប Kevin Federline ដែលនាងរៀបការជាមួយនៅឆ្នាំ ២០០៤ ។ ចំណែកឯអាពាហ៍ពិពាហ៍ចុងក្រោយជាមួយតារាសម្តែងវ័យ ២៩ ឆ្នាំ Sam Asghari ក៏ត្រូវបានបញ្ចប់ បន្ទាប់ពីរៀបការបាន ១៣ ខែប៉ុណ្ណោះ ៕

ប្រែសម្រួល៖ វារី

ប្រភព៖ newssky

ចុចអាន៖ ទើបតែដឹង Britney Spears បែកក្បាលរហូតដល់ដេរ ពេលឈ្មោះគ្នាជាមួយអតីតស្វាមី

The post Britney Spears លាតត្រដាងរឿងឈឺចាប់បំផុតក្នុងជីវិតពេលទាក់ទងជាមួយ Justin Timberlake appeared first on Kampuchea Thmey Daily.

លោក Harvey Levin ស្ថាបនិក TMZ បានទម្លាយនៅក្នុងភាពយន្តឯកសារ Britney Spears: Divorce & Despair ដែលចាក់ផ្សាយលើកញ្ចក់ទូរទស្សន៍ Fox កាលពីថ្ងៃព្រហស្បតិ៍ថា “នាង និង Sam កំពុងនៅក្នុងបន្ទប់សណ្ឋាគារមួយ ហើយនាងបានដួលទៅបុកតុកាហ្វេ បណ្ដាលឲ្យបែកក្បាលខ្លាំង តម្រូវឲ្យដេរផ្ចិតវិញ” ។

ទន្ទឹមនេះ ផលិតករប្រតិបត្តិ Charles Latibeaudiere ក៏បាននិយាយនៅក្នុងភាពយន្តឯកសារដែលថា Spears ចោទប្រកាន់ច្រើនពេក ធ្វើឲ្យ Asghari ទទួលយកលែងបាន ទើបគាត់បញ្ចប់អាពាហ៍ពិពាហ៍ទៅ ។

តារាចម្រៀងវ័យ ៤១ ឆ្នាំ និងតារាសម្តែងវ័យ ២៩ ឆ្នាំបានឈានដល់ការលែងលះ បន្ទាប់ពីរៀបការទើបតែបាន ១៣ ខែប៉ុណ្ណោះ ។

យ៉ាងណាមិញ សារព័ត៌មាន DailyMail.com កំពុងទាក់ទងអ្នកតំណាងរបស់ Spears និង Asghari ដើម្បីសុំការអត្ថាធិប្បាយបន្ថែមហើយ ។

បើតាមរបាយការណ៍កន្លងមក Spears ធ្លាប់ប្រើអំពើហិង្សាទៅលើ Asghari ជាច្រើនដង ជួនកាលធ្វើឲ្យជាំភ្នែកទៀតផង ។ បញ្ហានេះបានកើតឡើងមកអស់រយៈពេល ៧ ឆ្នាំ បើតាមសារព័ត៌មាន TMZ ៕

ប្រែសម្រួល៖ វារី

ប្រភព៖​ Dailymail

ចុចអាន៖ Britney Spears ទទួលការព្យាបាលផ្លូវចិត្ត ក្រោយស្វាមីវ័យក្មេងប្ដឹងលែងលះ

The post ទើបតែដឹង Britney Spears បែកក្បាលរហូតដល់ដេរ ពេលឈ្មោះគ្នាជាមួយអតីតស្វាមី appeared first on Kampuchea Thmey Daily.

អតីតគ្រូបង្វឹកផ្ទាល់ខ្លួន បានក្លាយជាស្វាមីពេញច្បាប់របស់ Britney Spears កាលពីដើមឆ្នាំ២០២២ កន្លងទៅ ហើយបច្ចុប្បន្នលោក Sam Asghari កំពុងប្ដឹងលែងលះភរិយា ក្រោមហេតុផលរស់នៅមិនចុះសម្រុង ខណៈភាគីខាងស្រីហាក់រងសម្ពាធយ៉ាងខ្លាំង ដែលពេលនេះកំពុងទទួលការព្យាបាលពីពេទ្យផ្លូវចិត្ត។

យោងតាមប្រភពផេក Six បានរាយការណ៍ថា ទោះបី Britney Spears កំពុងព្យាបាលផ្លូវចិត្តក្ដី ប៉ុន្តែមិត្តភក្តិកំពុងដុតដៃដុតជើងជួយរកមេធាវីឱ្យនាង ដើម្បីដោះស្រាយបណ្ដឹងលែងលះពីភាគីខាង Sam Asghari ។ ជុំវិញការបែកបាក់អាពាហ៍ពិពាហ៍ ចំពោះ Britney Spears ក៏មានការភ្ញាក់ផ្អើលដែរ ដែល Sam សម្រេចចែកផ្លូវពីនាង ព្រោះនាងនៅស្រឡាញ់ស្វាមីនៅឡើយ៕

ប្រែសម្រួល៖ សន្យា

ចុចអាន៖ ដាក់ពាក្យលែងលះរួច អតីតស្វាមី Britney Spears ទទួលបានទ្រព្យ ១០លានដុល្លារ

ចុចអាន៖ ឌីជេ សូដា ធ្លាប់ត្រូវចោរប្លន់រំលោភ កាលអាយុ ៦ឆ្នាំ

The post Britney Spears ទទួលការព្យាបាលផ្លូវចិត្ត ក្រោយស្វាមីវ័យក្មេងប្ដឹងលែងលះ appeared first on Kampuchea Thmey Daily.