Bruno បានចាយការប្រកួតចំនួន ៣១៩ ប្រកួត ដើម្បីរកបានគ្រាប់បាល់ច្រើនជាង ១០០ គ្រាប់ និង ១០០ បញ្ជូនជូន Manchester United។ ការប្រកួតទី ៣១៩ របស់ Bruno គឺនៅក្នុងការប្រកួត ដែលក្រុម Man United យកឈ្នះលើក្រុម Aston Villa ៣-១ កាលពីថ្ងៃទី ១៥ ខែ មីនា ឆ្នាំ ២០២៦។

នៅក្នុងការប្រកួតនោះ ខ្សែបម្រើសញ្ជាតិ ព័រទុយហ្គាល់ រកបាន ២ បញ្ជូនជូនក្រុម។ គិតមកដល់ពេលនេះ Bruno រកបានគ្រាប់បាល់សរុបបានចំនួន ១០៦ គ្រាប់ និង ១០៣ បញ្ជូនហើយ ក្នុងការបង្ហាញខ្លួន ៣២០ ប្រកួតជាមួយ Man United។

តាមរយៈកំណត់ត្រានេះ បានធ្វើឱ្យ Bruno បំបែកកំណត់ត្រា Messi និង Ronaldo ឡើងមកឈរនៅតំណែងលេខ ១ ជាកីឡាកររកបានគ្រាប់បាល់ ១០០ គ្រាប់ និង ១០០ បញ្ជូនជូន ១ ក្លិបលឿនបំផុតក្នុងប្រវត្តិសាស្ត្រ។ ពីមុន កំណត់ត្រានេះ ត្រូវបានកាន់កាប់ដោយ Messi ដែលចាយការប្រកួតចំនួន ៣៣៨ ប្រកួតជាមួយ Barcelona ខណៈ Ronaldo ឈរលេខ ២ ចាយការប្រកួតចំនួន ៣៤១ ប្រកួតជាមួយ Real Madrid៕

ប្រែសម្រួល៖ សេម កុសល
ប្រភព៖ Sport Star

The post Bruno បំបែកកំណត់ត្រា M10 និង CR7 ជាកីឡា​កររកបាន ១០០ គ្រាប់ និង បញ្ជូន ១០០ លើក ឱ្យមួយក្លិប​លឿនបំផុត appeared first on Kampuchea Thmey Daily.

អំឡុងពេលទីផ្សារដោះដូរកីឡាកររដូវក្តៅនេះ នាខែ មិថុនា កន្លងទៅ Bruno ត្រូវបានក្លិប Al-Hilal នៃលីគ អារ៉ាប៊ីសាអ៊ូឌីត ដាក់សំណើចង់ទិញផ្តាច់យកគេពី Man United ក្នុងតម្លៃ ១៣៥ លានដុល្លារអាមេរិក និងឱ្យប្រាក់ឈ្នួលខ្ពស់កប់ពពករហូតដល់ទៅ ៩៤.៥ ម៉ឺន​ដុល្លារអាមេរិក ក្នុងមួយសប្តាហ៍។

ប៉ុន្តែបន្ទាប់ពីធ្វើការពិចារណាយ៉ាងហ្មត់ចត់ ខ្សែបម្រើសញ្ជាតិ ព័រទុយហ្គាល់ វ័យ ៣០ ឆ្នាំបានសម្រេចចិត្តបដិសេធនូវសំណើនេះ ហើយបានយល់ព្រមស្នាក់នៅជាមួយក្រុមបិសាចក្រហមបន្តទៀត។ ទោះបីជាយ៉ាងណា សារព័ត៌មាន Mail បានចុះផ្សាយថ្មីៗនេះថា Bruno នឹងបើកចិត្តទទួលយកគម្រោងថ្មីនៅចុងបញ្ចប់រដូវកាល ២០២៥-២០២៦ ហើយគាត់អាចនឹងពិចារណាផ្លាស់ទៅកាន់ក្លិបនៅ អារ៉ាប៊ីសាអ៊ូឌីត, លីគ MLS របស់សហរដ្ឋអាមេរិក ឬក្រុមលំដាប់កំពូលណាមួយក្នុងតំបន់ អឺរ៉ុប។

គួរឱ្យដឹងថា Bruno ត្រូវបាន Man United ចុះកិច្ចសន្យាយកបាននៅរដូវក្តៅឆ្នាំ ២០២០ ខណៈកិច្ចសន្យារបស់គេ គឺនៅសល់រយៈពេល ២ ឆ្នាំទៀត ពោលគឺដល់ខែ មិថុនា ឆ្នាំ ២០២៧៕

ប្រែសម្រួល៖ សេម កុសល
ប្រភព៖ Sportbible

The post Bruno កំពុងគិតចាក​ចេញពី Man United ខណៈក្លិបអ្នកមានមួយហ៊ានទិញផ្តាច់តម្លៃ ១៣៥ លានដុល្លារ appeared first on Kampuchea Thmey Daily.

លោក Amorim បានទម្លាយពីកិច្ចពិភាក្សាមួយចំនួនរវាងលោក និង Bruno រហូតធ្វើឱ្យលោកហ៊ានធានាថា ប្រធានក្រុមរូបនេះ នឹងមិនចាកចេញពីទឹកដី Old Trafford ផ្លាស់ទៅកាន់ទឹកដី អេស្ប៉ាញឡើយ។ អ្នកចាត់ការសញ្ជាតិ ព័រទុយហ្គាល់ វ័យ ៣៩ ឆ្នាំ បានលើកឡើងបែបនេះ បន្ទាប់ពីថ្មីៗនេះមានសេចក្តីរាយការណ៍ថា ក្រុមអធិរាជសកំពុងពិចារណាចង់ដេញថ្លៃទឹកប្រាក់ចំនួន ១១៦ លានដុល្លារអាមេរិក ចុះកុងត្រាយកតារាវ័យ ៣០ ឆ្នាំពី Man United។

ថ្លែងអំពីអនាគតរបស់ Bruno នៅក្នុងសន្និសីទកាសែត មុនការប្រកួតរវាងក្រុមបិសាក្រហម ទល់នឹង Nottingham Forest កាលពីថ្ងៃ អង្គារ៍ ទី ១ ម្សិលមិញ លោក Amorim បានមានប្រសាសន៍យ៉ាងដូច្នេះថា៖ «វានឹងមិនកើតឡើងទេ។… ខ្ញុំចង់ឱ្យ Bruno បន្តនៅទីនេះ។ ពួកយើងចង់ឈ្នះ Premier League ម្តងទៀត។ ពួកយើងចង់បានកីឡាករល្អបំផុតនៅជាមួយយើង។ គាត់នៅក្មេងនៅឡើយ ព្រោះគាត់អាចលេងបាន ៥៥ ប្រកួតរៀងរាល់រដូវកាល។ ទាំងការបញ្ជូន (assist) និងស៊ុតបញ្ចូលទី គាត់ទើបតែមានវ័យ ៣០ ឆ្នាំប៉ុណ្ណោះ។ គាត់ជាកីឡាករ ដែលយើងចង់ឱ្យនៅទីនេះ។ គាត់នឹងមិនទៅទីណាទាំងអស់។… គាត់ជាមនុស្សម្នាក់ ដែលជាអ្នកគាំទ្រ Manchester United ចង់​បាន។ គាត់ពិតជាមានអារម្មណ៍បែបនេះ។ នេះជាប្រភេទកីឡាករ ដែលពួកយើងចង់បាន។ គាត់នឹងមិនទៅណាទេ ព្រោះខ្ញុំបាននិយាយជាមួយគាត់រួចហើយ»។

សូមបញ្ជាក់ថា Bruno គឺនៅសល់កិច្ចសន្យាជាមួយ Man United ២ រដូវកាលទៀត ពោលគឺដល់ខែ មិថុនា ឆ្នាំ ២០២៧៕

ប្រែសម្រួលអត្ថបទ៖ សេម កុសល
ប្រភព៖ Metro

The post Amorim ទម្លាយហេតុផលធំចំពោះ​ Bruno នឹងមិនចាកចេញទៅ R.Madrid appeared first on Kampuchea Thmey Daily.