ក្នុង​សន្និសីទ​សារព័ត៌មាន​​កាល​ពី​ល្ងាច​ថ្ងៃ​សុក្រ ទី​២១ ខែ​កក្កដា​ បានបង្ហាញ​ថា ការ​ប្រកួត​រវាង​​ជើង​ខ្លាំងទាំង​ពីរ​ត្រូវ​ធ្វើ​លក្ខណៈ​ប្រដាល់​សកល​​ដោយ​ប្រើ​ពេល​៦​ទឹក ក្នុង​១​ទឹក​មាន​៣​នាទី​ និង​សម្រាក​២​នាទី ស្រប​ពេល Pacquiao មាន​ជំនាញ​ប្រដាល់​សកល និង ​Buakaw មាន​ជំនាញ​ឃីកបុកស៊ីង និង​មួយ​ថៃ។

លោក Vinij ​អ្នក​រៀបចំ​ការ​ប្រកួត​បាន​និយាយ​ថា ៖«យើង​មាន​កិត្តិយស​ណាស់ដែល​មាន Pacquiao និង Buakaw សម្រាប់​ការ​​ប្រកួត​ជា​ប្រវត្តិ​សាស្ត្រ។ ឱកាស​បែប​នេះ​មួយ​ជីវិត​មាន​ម្តង» ប៉ុន្តែ​លោក​បញ្ជាក់​ថា ការ​រៀបចំ​ឲ្យ​វីរបុរស​ទាំង​ពីរ​បាន​ជួប​គ្នា​នេះ​ឡើង​ពិត​ជា​ពិបាក​ណាស់។

លោក Vinij មិន​បាន​បញ្ជាក់​ពី​កាលបរិច្ឆេទ​ច្បាស់​លាស់​សម្រាប់​ការ​ប្រកួត​ឡើយ ប៉ុន្តែ​ប្រហែល​ជា​នៅក្នុង​​ត្រី​មាស​ទី១​នៃ​ឆ្នាំ​២០២៤។ លោកបាន​ប៉ាន់​ស្មាន​ថា ការ​រៀបចំ​ឲ្យ​មាន​ព្រឹត្តិការណ៍​ប្រកួត​នេះ​ឡើង​អាច​ចំណាយ​អស់​ប្រមាណ​២៥​លាន​ដុល្លារ​អាមេរិក។ សម្រាប់​​អ្នក​ឈ្នះ​នឹង​ទទួល​បាន​ខ្សែ​ក្រវាត់១​គ្រឿង និង​ប្រាក់​រង្វាន់ហោច​ណាស់​១០​លាន​បាត (ប្រហែល៣០​ម៉ឺន​ដុល្លារ​អាមេរិក)។

សាមី​ខ្លួន​កីឡាករ​ម្នាក់​ៗគ្រោង​ប្រើ​ប្រាស់​ប្រាក់​រង្វាន់ និង​ប្រាក់​ឧបត្ថម្ភ​ជា​ការងារ​សប្បុរស​ធម៌។ ជាក់​ស្តែង Buakaw គ្រោង​កសាង​មហាវិទ្យាល័យ​មួយថៃ​ដើម្បីបណ្តុះបណ្តាល​ជំនាញ​មួយ​ថៃ និង​វិទ្យាសាស្ត្រ​កីឡា។

កីឡាករ​ថៃ​​បាន​និយាយ​​ក្នុង​សន្និសីទ​ថា ការ​ប្រកួត​ជា​មួយ Pacquiao ជា​ក្តី​ស្រមៃ​របស់​ខ្លួន​ជា​យូរ​មក​ហើយ​មុន​ពេល​ចូលនិវត្តន៍ និង​ស្ទើរ​តែ​មិន​ជឿ​ថា វា​​អាច​កើត​ឡើង​ជា​ការ​ពិត។

ចំណែក​ Pacquiao បាន​និយាយ​ថា ៖«ខ្ញុំ​នឹង​ប្រឹង​ឲ្យ​អស់​ពី​សមត្ថភាព និង​ធ្វើ​ឲ្យ​បាន​ល្អ​បំផុត​ដើម្បី​អ្នក​គាំទ្រ​ពេញ​ចិត្ត»៕

ប្រែ​សម្រួល៖ វីរបុត្រ

The post តើ​អ្នកឈ្នះរវាង Pacquiao និង Buakaw ទទួលបានប្រាក់រង្វាន់ប៉ុន្មាន? appeared first on Kampuchea Thmey Daily.

តាមគ្រោង​​ទុក​ជំនួប​មិត្តភាព​អន្តរជាតិ​​​របស់​កំពូល​អ្នក​ប្រដាល់​ទាំង​ពីរ​ត្រូវ​​ប្រកួត​លក្ខខណ្ឌ​ប្រដាល់សកល​មាន​ចំនួន​៦​ទឹក ក្នុង​១​ទឹក​មាន​៣​នាទី និងសម្រាក​២​នាទី។ ការ​ប្រកួត​នេះ​អាច​នឹង​ធ្វើ​នៅ​ទី​ក្រុង​ល្បែង ម៉ាកាវ នៃ​ប្រទេស​​ចិន នៅ​ខែ​មករា ឆ្នាំ២០២៤។

Manny Pacquiao បាន​និយាយ​ថា ៖«ការ​ប្រកួត​នេះ​នឹង​អស្ចារ្យ»។

ក្រៅ​ពីការ​ប្រកួត​មិត្តភាព​​គួរ​ឲ្យ​ចាប់​អារម្មណ៍​សម្រាប់អ្នក​ទស្សនា​ទូទាំង​ពិភព​លោក ការ​ប្រកួត​នេះដាក់​គោល​ដៅ​សំខាន់​គឺ​ស្វែង​រក​ប្រាក់​​ចំណូល​សម្រាប់​សប្បុរស​ធម៌​។ ជា​ពិសេស​កីឡាករ​ថៃ Buakaw គ្រោង​ប្រើ​ប្រាស់​លុយ​ដែល​ទទួល​បាន​ពី​ការ​ប្រកួត​នេះ​ដើម្បី​កសាង«​​មហា​វិទ្យាល័យ​មួយ​ថៃ»​ដែល​ជា​កន្លែង​​​​បណ្តុះ​បណ្តាល​​ប្រដាល់​មួយ​ថៃ និង​វិទ្យាសាស្ត្រ​កីឡា។

Pacquiao ជា​កីឡាករ​ប្រដាល់​ជំនាញ​ប្រដាល់​សកល​ដែល​ធ្លាប់​ប្រកួត​បាន​៧២​ដង ក្នុង​នោះ​ឈ្នះ៦២ ចាញ់​៨​ដង និង​ស្មើ​២​ដង ​ហើយ​ជា​ម្ចាស់​ខ្សែ​ក្រវាត់​ពិភព​លោក​៨​ប្រភេទ​ទម្ងន់​ផ្សេងគ្នា។

ដោយ​ឡែក Buakaw ជា​អ្នក​ប្រដាល់​ឃីកបុកស៊ីង​ដែល​ធ្លាប់​ប្រកួត​បាន​២៧៨​ដង ក្នុង​នោះ​ឈ្នះ​២៤០​ដង ចាញ់​២៤​ដង និង​ស្មើ​១៤ ហើយ​ក៏មាន​ខ្សែ​ក្រវាត់​ជា​ច្រើន​គ្រឿង៕

អត្ថបទ៖ វីរបុត្រ

The post ជំនួប​វីរបុរស Pacquiao និង Buakaw មានគោលដៅធំមួយ appeared first on Kampuchea Thmey Daily.

នាយកប្រតិបត្តិ Fresh Air Festival គ្រោងនឹងរៀបចំព្រឹត្តិការណ៍កីឡាដ៏សំខាន់មួយទៀត នៅក្នុងប្រទេសថៃ ពោលគឺការប្រកួតប្រដាល់រវាងកីឡាករថៃ Buakaw Banchamek និងស្តេចប្រដាល់ហ្វីលីពីន Manny Pacquiao។

សម្រាប់សន្និសីទ​សារព័ត៌មាន​ដើម្បី​ប្រកាសអំពី​ព្រឹត្តិការណ៍​នេះ និង​ការ​ចុះ​ហត្ថលេខា​លើ​កិច្ច​សន្យា​ផ្លូវ​ការ គឺ​គ្រោង​ធ្វើ​នៅ​ថ្ងៃ​ទី២១ខែ​កក្កដា។

យោងតាមការបង្ហោះ Facebook ដោយអ្នកសរសេរព័ត៌មានកីឡាដ៏ល្បីឈ្មោះមួយរូបរបស់ថៃ បានឲ្យដឹងថា លោក Vinij Lertratanachai នាយកប្រតិបត្តិក្រុមហ៊ុន Fresh Air កំពុងរៀបចំព្រឹត្តិការណ៍កីឡាអន្តរជាតិដ៏អស្ចារ្យដែលមានឈ្មោះថា “The Match 3”។ Buakaw នឹង​ឡើង​សង្វៀន​ប្រដាល់​ ​ប្រកួត​ជាមួយ Manny Pacquiao ដែលជាអតីត​ម្ចាស់​ខ្សែក្រវាត់​ប្រដាល់​ពិភពលោក​ ក្នុង​ប្រភេទ​ទម្ងន់​ជាច្រើន។

ការ​ប្រកួត​នឹង​ធ្វើ​ឡើង​នៅ​ខែ​មករាឆ្នាំ​២០២៤ ក្នុង​ប្រទេស​ថៃ ចំណែកសន្និសីទសារព័ត៌មាន និងការចុះកិច្ចសន្យាជាផ្លូវការ នឹងធ្វើឡើងនៅសប្តាហ៍ក្រោយក្នុងអគារពាណិជ្ជកម្ម Icon Siam វេលាម៉ោង៤រសៀល។

Pacquiao ក៏នឹង​មាន​វត្តមាន​ក្នុង​សន្និសីទ​កាសែតដែរ ហើយ​ទីកន្លែង​ប្រកួត​នឹង​ត្រូវ​បង្ហាញ​នៅ​ថ្ងៃ​នោះតែម្តង៕

ប្រែសម្រួល៖ Vann Vann

ប្រភព៖ Nation

ចុចអាន៖ ដឹងទេ មានកីឡាករប្រដាល់តែម្នាក់គត់ ដែលផ្តួល Buakaw ឲ្យសន្លប់បាន

The post ថៃ រៀបចំការប្រកួតប្រដាល់ជាប្រវត្តិសាស្រ្ត​ រវាង Buakaw និង Pacquiao appeared first on Kampuchea Thmey Daily.

លោកឧកញ៉ា ស្រី ចាន់ថន បានប្រកាសនៅលើទំព័រហ្វេសប៊ុកនារសៀលថ្ងៃទី០២ខែកុម្ភៈ ឆ្នាំ២០២៣ថា បើកីឡាករខ្មែររូបណាវាយឈ្នះ Buakaw លោកនឹងឲ្យវិឡាមួយ ឡានមួយគ្រឿង និងថវិកាបន្ថែមប្រចាំរយៈពេល១០ឆ្នាំ។

លោកឧកញ៉ាបានប្រកាសបែបនេះ ក្រោយមានវីដេអូមួយដែល Buakaw ហាក់បង្ហាញពីការមើលស្រាលដល់កីឡាករខ្មែរ និងមានសំណេរបញ្ជាក់ថា “រឿងកម្ពុជាដាក់គុនខ្មែរ នៅស៊ីហ្គេមជាសិទ្ធិរបស់គេ យើងមិនអាចនិយាយបានទេ ហើយគុនខ្មែរ គឺត្រឹមតែលំដាប់អាស៊ាន យើងកុំទៅខ្វល់អី។ យើងត្រូវនិយាយដល់ក្នុងព្រឹត្តិការណ៍អូឡាំពិក ព្រោះរបស់ថៃយើង Original “ លេខ១ ទៅហើយ”។

ក្នុងអាជីពជាអ្នកប្រដាល់ Buakaw ប្រកួតបាន២៧៧ដង ឈ្នះ២៤០ដង (ផ្តួលដៃគូឲ្យសន្លប់៧៣ដង) ចាញ់២៤ដងនិងស្មើ១៣ដង។

ទោះបីជាយ៉ាងណាក៏ដោយ ក្នុងចំណោមការចាញ់ទាំង២៤ដងនោះ Buakaw ធ្លាប់សន្លប់តែម្តងគត់ ក្រៅពីនោះសុទ្ធសឹងតែជាការចាញ់ដោយពិន្ទុ។

តើកីឡាកររូបណាដែលមានសមត្ថភាពខ្ពស់អាចផ្តួល Buakaw ឲ្យសន្លប់បាន?

កីឡាករតែមួយរូបគត់ដែលផ្តួល Buakaw ឲ្យសន្លប់បានគឺ Yoshihiro Sato សញ្ជាតិជប៉ុន។

Sato បានវាយ Buakaw ឲ្យសន្លប់នៅទឹកទី៣ ក្នុងវគ្គ៨នាក់ចុងក្រោយដណ្តើមខ្សែក្រវាត់ K-1 MAX នៅប្រទេសជប៉ុន ក្នុងឆ្នាំ២០០៨។ ប៉ុន្តែ១៤ឆ្នាំក្រោយមក Buakaw អាចសងសឹក Sato បានវិញក្នុងព្រឹត្តិការណ៍ Rajadamnern World Series នៅប្រទេសថៃ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Fight Sports

ចុចអាន៖ ឧកញ៉ា ស្រី ចាន់ថន ប្រកាសផ្ដល់ផ្ទះវីឡាតម្លៃ​២៧​ម៉ឺនដុល្លារ រថយន្ដមួយគ្រឿង និងប្រាក់ប្រចាំ​រយៈពេល១០ឆ្នាំ បើកីឡាករខ្មែរវាយឈ្នះប៊ូខាវ

The post ដឹងទេ មានកីឡាករប្រដាល់តែម្នាក់គត់ ដែលផ្តួល Buakaw ឲ្យសន្លប់បាន appeared first on Kampuchea Thmey Daily.