ទោះជាយ៉ាងណាក៏ដោយ នាពេលនេះជាប្រធានបទដ៏ក្តៅគគុកដែលមហាជនជាច្រើនកំពុងតាមដានរឿងរឿងខ្ចីលុយ ៦២ លានបាត របស់ លោកជំទាវ Maynie Minimay ដែលជាពាណិជ្ជករល្បីឈ្មោះ បានប្រកាសស្វែងរកទ្រព្យ ៥ យ៉ាងដែលតារាខ្ចី ហើយបានព្រមានថា អ្នកដែលទិញរបស់ពីភាគីម្ខាងទៀត វា​ក៏​អាច​នឹង​ត្រូវ​រង​ការ​ចោទ​ប្រកាន់​ពី​បទ​ទទួល​បាន​ទំនិញ​លួច​ដែរ ដែល​មាន​មនុស្ស​ជា​ច្រើន​បាន​ស្មាន​ថា​អាច​ជា​តារា​ស្រី​ដែល​មាន​អក្សរ​កាត់​ថា D ។

កាលពីថ្មីៗនេះ នៅថ្ងៃទី ១៨ ខែមីនា ឆ្នាំ ២០២៥ Chompoo Araya A. Hargate ដែលជាបងស្រីជិតស្និទ្ធរបស់ Due Arisara បានផ្តល់បទសម្ភាសន៍ជាលើកដំបូងរបស់នាង។ ទាក់ទងនឹងបញ្ហា ប្រព័ន្ធ​ផ្សព្វផ្សាយ​បាន​សួរ​តាំង​ពី​ព័ត៌មាន​នេះ​ចាប់​ផ្ដើម​ផ្សព្វផ្សាយ តើ Dew បាន​ទាក់ទង​មក​យើង​ដើម្បី​ផ្ដល់​ជូន​អ្នក​នូវ​ព័ត៌មាន​ថ្មីៗ​ឬ​ទេ? ដោយសារតែខ្លួនគាត់ផ្ទាល់ មិនសូវមានសកម្មភាពលើបណ្ដាញសង្គមទាល់តែសោះ ទើប Chompoo ឆ្លើយយ៉ាងច្បាស់ថា ពួកគេមិនបាននិយាយគ្នាទាល់តែសោះ។

លើសពីនេះ Chompoo Araya ក៏ត្រូវបានគេសួរថា នាងបារម្ភរឿង Due ដែរទេ? ព្រោះ​ព័ត៌មាន​នេះ​មាន​អ្នក​តាមដាន​ខ្លាំង​ណាស់។ ខ្លួន​ផ្ទាល់​បាន​សារភាព​ដោយ​ត្រង់​ថា «Due ជា​ប្អូន​ស្រី​នៅ​ក្រោម​ភ្នាក់ងារ​ដដែល​ដែល​ខ្លួន​ស្គាល់​យូរ​មក​ហើយ។ វា​ជា​រឿង​ធម្មជាតិ​ដែល​មាន​ចំណង​រវាង​ពួកគេ។ ប៉ុន្តែ​ខ្លួន​ខ្ញុំ​ផ្ទាល់​បាន​ដឹង​អំពី​រឿង​នេះ​រួម​ជា​មួយ​អ្នក​ផ្សេង​ទៀត​។ ហើយ​ខ្ញុំ​មិន​ដឹង​ព័ត៌មាន​លម្អិត​ក្នុង​ទិដ្ឋភាព​ផ្សេង​ទៀត​ទេ ដូច្នេះ​ខ្ញុំ​មិន​គិត​ថា​ខ្ញុំ​អាច​ផ្តល់​ដំបូន្មាន ឬ​យោបល់​ណា​មួយ​លើ​បញ្ហា​នេះ​ទេ»។

នៅចុងបញ្ចប់នៃកិច្ចសម្ភាសន៍ Chompoo Araya បានប្រាប់អ្នកសារព័ត៌មានថា នាងពិតជាមិនដឹងថា ពេលនេះ Due Arisara កំពុងនៅប្រទេសថៃ ឬយ៉ាងណានោះទេ។ ចំពោះ​អារម្មណ៍​របស់​នាង​បន្ទាប់​ពី​បាន​ដឹង​អំពី​ករណី​ខ្ចី​ប្រាក់​ចំនួន ៦២ លាន​បាត Chompoo បាន​និយាយ​ថា នាងផ្ទាល់ពិតជាចង់ឲ្យមនុស្សគ្រប់គ្នាសប្បាយចិត្ត ក៏មិនចូលចិត្តឃើញនរណាម្នាក់រងទុក្ខទេ ឬចលាចលបែបនេះទេ។

យ៉ាងណាមិញ ជម្លោះរវាងលោកជំទាវ Maynie Minimay និងអតីតតារាសម្តែងល្បីឈ្មោះ Due Arisara នៅតែក្តៅគគុកកាលពី ១៨ មីនា ២០១៥ ហាក់អស់ការអត់ធ្មត់ ដោយសារនាងទុកពេល១ខែ ដើម្បីចរចារយកទ្រព្យសម្បត្តិដែលខ្ចីបូករួមទាំងកាបូប និងគ្រឿងបន្ថែម តម្លៃ​សរុប​គឺ​ជាង ៦២​លាន​បាត ប៉ុន្តែ​ភាគី​ម្ខាង​ទៀត​បាន​ស្ងាត់​ឈឹង។ ទាល់​តែ​ចេញ​មុខ​ប្រកាស​ទាមទារ​តាម​បណ្ដាញ​សង្គមទើបបណ្ដាលឲ្យកើតជារឿងរ៉ាវភ្ញាក់ផ្អើលបែបនេះ៕

អត្ថបទ៖ សាង ស្រីល័ក្ខ

ចុចអាន៖អាងតែជាកូនសេដ្ឋី ស្វាមី Chompoo ឲ្យកាដូឆ្នាំថ្មីដល់បុគ្គលិកមិនសំចៃដៃឡើយ

The post Chompoo ថាស្គាល់ Due ជាយូរហើយ តែអត់ដឹងរឿងខ្ចី​របស់ប្រេនៗពីសេដ្ធីទេ appeared first on Kampuchea Thmey Daily.

កូនសេដ្ឋីរូបនេះត្រូវបានគេដឹងថា មាន​អាជីវកម្ម​ផលិត​ខ្សែភ្លើង​ក្រោម​ម៉ាក​យីហោ Vnine ​ដោយបាន​បង្កើត​ប្រាក់​ចំណូល​ដល់​គ្រួសារត្រកូល Rangsisingpipat យ៉ាងក្រាស់ក្រែល។ ​រូបលោកផ្ទាល់ក៏ត្រូវបានស្រឡាញ់ដោយអ្នកគ្រប់គ្នានៅក្នុងក្រុមហ៊ុន មិនមែនដោយសារតែភាពមានបាននោះទេ ប៉ុន្តែជាចរិតលក្ខណៈផ្ទាល់ខ្លួនទោះកូនអ្នកមានក្ដី។

យ៉ាងណា កាលពីពេលថ្មីៗនេះ វីដេអូឃ្លិបមួយត្រូវបានលាតត្រដាងក្នុងឱកាសនៃពិធីជប់លៀងឆ្នាំថ្មីឆ្នាំ ២០២៥ របស់ក្រុមហ៊ុន Vnine ​ដែលលោក Nott Visrut បានផ្ដល់នូវអំណោយពិសេសជាច្រើនដល់បុគ្គលិករបស់ខ្លួន ដោយរៀបចំកាដូជាច្រើន ដើម្បីផ្តល់រង្វាន់ដល់អ្នកដែលបានខិតខំពេញមួយឆ្នាំកន្លងមក។ នៅក្នុងប្រាក់រង្វាន់មានទាំង iPad, នាឡិកា Apple, ទូរស័ព្ទ iPhone, សាច់ប្រាក់, មាស, ឧបករណ៍អគ្គិសនី,, កង់ និង ម៉ូតូ ជាដើម។

បន្ទាប់ពី វីដេអូឃ្លិបរបស់​ឪពុកកូន៣បង្ហោះសាធារណៈ​​ វាបានធ្វើឲ្យអ្នកគំាទ្រជាច្រើនសម្រុកចូលទៅបញ្ចេញមតិយ៉ាង​ច្រើន​សន្ធឹក​ដោយលើកសរសើរថា នេះជានាយកប្រតិបត្តិដែលបុគ្គលិកគ្រប់គ្នាប្រាថ្នា និងយល់ចិត្តបុគ្គលិកថាចង់បានអីឲ្យប្រាកដ។ ជាមួយគ្នានោះដែរ មានអ្នកខ្លះថែមទាំងចង់ក្លាយជាបុគ្គលិកក្នុងក្រុមហ៊ុនរបស់ស្វាមី Chompoo ថែមទៀតផង។

ទោះជាយ៉ាងណា ក៏មិនមែនជារឿងចម្លែកពេកនោះទេដែលលោក Nott Visrut រៀបអំណោយជារង្វាន់ច្រើនសន្ធឹកសម្រាប់បុគ្គលិកឆ្នើមក្នុងក្រុមហ៊ុនរបស់លោក។ កន្លងមក លោកក៏ធ្លាប់ប្រគល់សាច់ប្រាក់ដល់កូនចៅក្រោមបង្គាប់យ៉ាងច្រើន ដើម្បីជាការលើកទឹកចិត្តដល់ពួកគេក្នុងរយៈកាលពេញ១ឆ្នាំនេះ៕

អត្ថបទ៖ សាង ស្រីល័ក្ខ

ចុចអាន៖ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី

The post អាងតែជាកូនសេដ្ឋី ស្វាមី Chompoo ឲ្យកាដូឆ្នាំថ្មីដល់បុគ្គលិកមិនសំចៃដៃឡើយ appeared first on Kampuchea Thmey Daily.

តាមរយៈកម្មវិធី Tee Tai Krua ដែលបានចាក់ផ្សាយកាលពីថ្ងៃទី ១៣ ខែសីហាឆ្នាំមុន Chompoo និងនិងម្ដាយរបស់នាងបានក្លាយជាភ្ញៀវកិត្តិយសដោយធ្វើការរៀបរាប់អំពីជីវិតអតីតកាលរបស់ពួកគេ ធ្លាប់តស៊ូត្រូវប្រយុទ្ធ ទម្រាំតែខ្លួនអាចមានថ្ងៃនេះមកបាន។

នៅក្នុងកម្មវិធីដដែល តារាសម្ដែងជួរមុខក្នុងប្រទេសថៃបាននិយាយត្រង់ឃ្លាមួយថា ធ្វើការដោយការតាំងចិត្ត និងការអត់ធ្មត់ ហើយត្រូវគិតថា អ្វី​គ្រប់​យ៉ាង​មាន​ពេល​វេលា​របស់​ខ្លួន​ ត្រូវតែជឿលើភាពត្រឹមត្រូវ ហើយសូមចងចាំថា អ្វីគ្រប់យ៉ាងដែលកើតឡើងមានតម្លៃរបស់វាទាំងអស់។ ឥឡូវនេះប្រព័ន្ធផ្សព្វផ្សាយសង្គមធ្វើឲ្យយើងយល់ ក្លាយជាអ្នកមានក៏លឿន ប៉ុន្តែអ្វីគ្រប់យ៉ាងមានពេលវេលា។ វាគ្រាន់តែថាយើងមិនត្រូវវង្វេង ជឿលើភាពត្រឹមត្រូវ វាត្រូវការការអត់ធ្មត់និងភាពអត់ធន់តែប៉ុណ្ណោះ។

យ៉ាងណាក៏ដោយ បន្ទាប់ពី Chompoo បានបកស្រាយនូវភាពតស៊ូរបស់ខ្លួននមាពេលកន្លងមក​ មនុស្ស​ជា​ច្រើន​បាន​​ទះដៃ​អបអរសាទរ​ ជាមួយនឹងការកោតសរសើរយ៉ាងខ្លាំង ពីតារាស្រីរូបនេះដែលគេឃើញថានាងពិតជាប្រឹងប្រែងអត់ធ្មត់និងតាំងចិត្តខ្លាំងណាស់។ មិនមែនសុខៗអ្នកម្ដាយកូន៣ និងជាតារាម៉ូដែលមានជីវិតហៃសូឡូយឆាយនោះទេ។

មិនត្រឹមតែប៉ុណ្ណឹងទេ Chompoo ក៏ត្រូវបានគេដឹងថា ​ទោះជានាងមានសំណាងបានស្វាមីជាសេដ្ធីក្នុងប្រទេសថៃក៏ពិតមែន ប៉ុន្តែជីវិតបច្ចុប្បន្ននេះបានបង្រៀនឲ្យរូបនាងនៅតែប្រឹងធ្វើការ ប្រឹងរកលុយជារបស់ខ្លួនជាជាងហុចដៃសុំលុយប្ដី ឬប្រព្រិត្តិនូវអំពើបោកប្រាស់មហាជនដើម្បីតែលុយមួយមុខដែរ។

យ៉ាងណាមិញ ងាកមកកាន់ក្រុមហ៊ុន The iCon Group ដែលជាអ្នកផ្សព្វផ្សាយពាណិជ្ជកម្មអនឡាញដ៏ល្បីមួយ បានរងនូវការជាប់ចោទពីបទក្លែងបន្លំសាធារណៈ ការលាងលុយកខ្វក់ និងបទល្មើសពាក់ព័ន្ធដែលបានប៉ះពាល់ដល់ជនរងគ្រោះជាង ៧០០នាក់។ ក្នុងនោះមានតារាប្រុសស្រីល្បីៗជួរមុខក្នុងប្រទេសថៃកំពុងត្រូវប៉ូលិសស៊ើបអង្កេត ខណៈពេលដែលម្នាក់ៗចេញមុខមកបកស្រាយរៀងៗខ្លួនថា ពួកគេត្រឹមតែទូតសុឆន្ទៈតំណាងផលិតផល មិនមែនជាម្ចាស់ភាគហ៊ុនរួមឡើយ៕

អត្ថបទ៖ សាង ស្រីល័ក្ខ

ចុចអាន៖Min ចេញ​មុខ​សុំ​ទោស​ទាំងទឹក​ភ្នែក បន្ទាប់ពី​ជាប់ចោទឃោសនាឲ្យក្រុមហ៊ុនបោកប្រាស់

The post ល្បីរឿងតារាថៃបោកលុយផ្អើលប្រទេស ឃ្លិបមួយ របស់ Chompoo ធ្លាប់ផ្ដាំថា គ្មានអ្វីបានមកដោយងាយទេ appeared first on Kampuchea Thmey Daily.

ក្នុង​រូបរាង​ទី​៣ ​តារាស្រីវ័យ៤២ឆ្នាំ បាន​ជ្រើសរើស​ស្លៀក​រ៉ូប​សាច់​ក្រណាត់​ពណ៌​ខ្មៅវែងបិទដងខ្លួនរបស់នាងជិតគ្មានសល់ប៉ុន្តែអ្វីដែលគេចាប់អារម្មណ៍ខ្លាំងបំផុតនោះគឺឈុតនេះរំលេចឲ្យឃើញសាច់ខាងក្នុងគ្មានសល់នោះទេ។ ក្រោយមករូបភាពរបស់នាងបានបង្ហោះពេញបណ្ដាញអ៉ិ​នធើណេត រហូតគេហទំព័រម៉ូដល្បី redcarpet-fashionwards.com បានសរសេរ​ប្រកាស​ពី​សម្លៀក​បំពាក់របស់នាងថាមិនសមនឹង​បង្ហាញដល់ភ្នែកបរទេសឡើយ។

គេហទំព័រម៉ូដល្បីនោះបានសរសេរសារយ៉ាងវែងអន្លាយថា “Araya បានត្រលប់មកកម្រាលព្រំក្រហមក្នុងពិធីបើកមហោស្រពភាពយន្ត Cannes។ នៅប្រទេសបារាំងយប់នេះ យើង​បាន​តាមដាន​ស្ទីល​ស្លៀកពាក់​របស់ទូត​សុឆន្ទៈម៉ាក L’Oréal របស់​ថៃ​មួយ​រយៈ​មក​ហើយ។ រ៉ូបចរនេះគឺជារូបរាងដ៏អាក្រក់បំផុតរបស់នាង នៅលើកំរាលព្រំក្រហម យើងពិតជាមានការខកចិត្តយ៉ាងខ្លាំងចំពោះឈុតបែបនេះ។ ទោះ​ជា​រ៉ូប​សាច់​ក្រណាត់​ស្អាត តែ​ជឿ​ថា Araya អាច​ធ្វើ​បាន​ល្អ​ជាង​នេះ”។

លើសពីនេះ គេហទំព័រ​បាន​ប្រៀបធៀប​រូបភាព​របស់​តារា​ម៉ូដែល​ស្លៀក​ឈុត​ដូចគ្នា​នឹង Chompoo Araya ហើយថាគេមានរបៀបនៃការស្លៀកពាក់ស្អាតបាតជាងនាងផង។ តែនាងបែរជាបង្ហាញគេនូវឈុតមិនសមទំនងមួយទៅកាន់ព្រឹត្តិការណ៍លំដាប់អន្តរជាតិ។ នេះជាអ្វីដែលធ្វើឲ្យហ្វេនមានការខកចិត្តជាខ្លាំង មិនដូចឆ្នាំមុនៗ ដែលនាងស្អាតភ្លឹងៗរកកន្លែងទាស់គ្មានឡើយ៕

អត្ថបទ៖ សាង ស្រីល័ក្ខ

ចុចអាន៖Bang Si Hyuk ដាក់​ញត្តិ​ទៅ​តុលាការ ​ក្នុង​នាមជាថៅកែផលិតកម្ម HYBE

The post គេហទំព័រ​ម៉ូដ​មួយ ​រិះ​គន់​ Chompoo ​ដែលស្លៀកពាក់មិនសមទំនង លើកម្រាលព្រំក្រហម Cannes appeared first on Kampuchea Thmey Daily.

ជាក់ស្ដែង តារាសំម្ដែងជួរមុខក្នុងប្រទេសថៃ Chompoo Araya បានបង្ហាញខ្លួនជាអន្តរជាតិដំបូងគេក្នុងកម្មវិធី Fashion Week កាលពីពេលថ្មីៗនេះ។ ស្របពេលដែល គេហទំព័រម៉ូដសំលៀកបំពាក់ Celeb’s Style បានប្រកាសពីតារាស្រីដែលមានស្ទីលស្លៀកពាក់ល្អបំផុតនៅក្នុងព្រឹត្តិការណ៍កម្រាលព្រំក្រហមផ្ដាច់គេ។ ក្នុងនោះ នាងបង្ហាញ​រូបរាង​គួរ​ឲ្យចាប់​អារម្មណ៍​ចំនួន ១០​ ​ក្នុង​កម្មវិធី Paris Haute Couture Week Spring/Summer ​រយៈ​ពេល ៣ ថ្ងៃ ​។

កម្មវិធីលំដាប់អ​ន្តរជាតិនេះ បានប្រារព្ធធ្វើឡើងនៅទីក្រុងប៉ារីស ប្រទេសបារាំង ក្នុងពេលដែល Chompoo Araya បានស្លៀកយីហោលំដាប់ពីរគឺ Chanel និង Armani Privé។ នៅថ្ងៃដំបូងនៃការដើរម៉ូដ ម្ចាស់ក្សត្រីម៉ូដរបស់ថៃរូបនេះ បានបង្ហាញការរចនាផ្ទុយគ្នាពីរជាមួយនឹងឈុតខ្មៅ – ស – ក្រហមជាប្រធានបទ។ ចំណែកយីហោ Chanel តារាស្រីរូបនេះបានបញ្ចេញនូវរូបរាងដ៏ក្មេងជាងវ័យជាមួយនឹងរ៉ូប tweed សាមញ្ញ តុបតែងដោយខ្សែក camellia ពីខ្សែ Chanel Haute Couture បន្ទាប់មកនៅលើកម្រាលព្រំក្រហម Armani Privé នាងបានបង្ហាញភាពស្រស់ស្អាត នៅក្នុងសំលៀកបំពាក់រ៉ូបអត់ដៃ។

ទោះយ៉ាងណាក៏ដោយ តារាស្រីកើតក្នុងឆ្នាំ ១៩៨១ បានចូលរួមជាបន្តបន្ទាប់នៅក្នុងព្រឹត្តិការណ៍នៃផ្ទះម៉ូដ Jean Paul Gaultier, Viktor&Rolf, Balmain, Zuhair Murad និង Valentino។ ក្នុងនោះ ទស្សនិកជនសង្កេតឃើញថា ពណ៌ដែលនាងចូលចិត្ត​ស្លៀកលើកម្រាលព្រំក្រហមភាគច្រើន តែខ្មៅនិងស៕

សូមទស្សនារូបភាពខាងក្រោម

អត្ថបទ៖ សាង ស្រីល័ក្ខ

ចុចអាន៖អ្នក​រចនា​ម៉ូដ​ដ៏​ល្បី​ម្នាក់ទម្លាយថា ចង្កេះ​ Lisa តូចខ្លាំងសឹងតែរកមិនឃើញ

The post Chompoo ក្លាយជាតារាបង្ហាញម៉ូដក្នុងកម្មវិធី Paris Couture Week ល្អផ្ដាច់គេ appeared first on Kampuchea Thmey Daily.

យោងតាមប្រភពពីគេហទំព័រថៃ Sanook បានបង្ហោះនូវរូបភាពអ្នកម្ដាយហៃសូ Chompoo ក្នុងសំលៀកបំពាក់ថ្មីស្រឡាងមួយឈុតទៀត ក្នុងពេលមើលដំបូងដូចជានាងកំពុងតែដណ្ដប់ភួយ ដើរបង្អួតសម្រស់ក្នុងទឹកដីប៉ារីស។ ថ្វីដ្បិតតែជាម៉ូដមួយមើលទៅរាងរញ៉េរញ៉ៃក៏ពិតមែន ប៉ុន្តែនៅពេលតារាសម្ដែងរូបនេះបើកក្រណាត់ដែលនាងដណ្ដប់ចេញពីរាងកាយ ទើបដឹងថា តាមពិត Chompoo លាក់ភាពសិចស៊ីនៅខាងក្នុង។

ដោយសារតែសម្រស់ដ៏ឆើតឆាយនៃឈុតចម្លែកដូចភួយពណ៌ផ្ទៃមេឃស្រាលរបស់ Chompoo បានធ្វើឲ្យទស្សនិកជនដែលនិយមតាមដាននាងចូលមកបញ្ចេញមតិព្រាត ទាក់ទិននឹងសំលៀកបំពាក់នេះមិនខុសពីសព្វដងនោះទេ។ ជាពិសេស ឈុតដ៏ស្មុគស្មាញគ្មានពីរនេះ មានតែនាងប៉ុណ្ណោះហ៊ានស្លៀកចេញក្រៅ ហើយក៏សក្តិសមនឹងរាជិនីម៉ូដក្នុងឧស្សាហកម្មកម្សាន្តផងដែរ។

ទោះយ៉ាងណាក៏ដោយ សំលៀកបំពាក់ប្លែកៗដែលតារាសម្ដែងមានស្វាមីជាសេដ្ធីរូបនេះស្លៀកចូលរួមកម្មវិធីក្រៅប្រទេសមិនមែនជារឿងប្លែកភ្នែករបស់អ្នកគាំទ្រតាំងពីដើមទីមកម្ល៉េះ។ កាលពីប៉ុន្មានថ្ងៃមុន នាងទើបតែលេងខ្លួនក្នុងឈុតពណ៌ក្រហមចាំភ្នែកដល់ថ្នាក់ទស្សនិកជនប្រៀបផ្ទឹមនាងដូចមនុស្សភពក្រៅថែមទៀត៕

សូមទស្សនារូបភាពខាងក្រោម៖

អត្ថបទ៖ សាង ស្រីល័ក្ខ

ចុចអាន៖Bella ត្រូវ​ជនមិនស្គាល់មុខ​​បង្កើត​ Facebook ក្លែងក្លាយបន្លំសុំលុយពីហ្វេន

The post ឈុតរបស់ Chompoo ប្លែកពេក អ្នកគាំទ្រស្មានថានាងដណ្ដប់ភួយដើរម៉ូដនៅប៉ារីស appeared first on Kampuchea Thmey Daily.

ដ្បិតថាពីធីមង្គលការរបស់តារាសម្តែងស្រី Pitchanart Sakhakorn និងអ្នកជំនួញ Akkhawat Kongsirikan បានកន្លងផុតទៅច្រើនថ្ងៃក្ដី។ ប៉ុន្តែរូបភាពពោរពេញទៅដោយបរិយាកាសនៃសេចក្តីស្រឡាញ់ភាពកក់ក្តៅរីករាយនៅតែលេចត្រដែតលើបណ្ដាញសង្គមនាប៉ុន្មានថ្ងៃនេះ។

ក្រៅពីការផ្តោតអារម្មណ៍លើរកូនក្រមុំនិងកូនកំលោះ ភ្ញៀវដែលមកអបអរសាទរព្រឹត្តិការណ៍ក៏ទទួលបានការចាប់អារម្មណ៍យ៉ាងច្រើនផងដែរ។ ដោយសារតែផ្នែកខ្លះនៃភ្ញៀវដែលបានចូលរួមក្នុងព្រឹត្តិការណ៍នេះ​គឺជាមនុស្សនៅក្នុងឧស្សាហកម្មកម្សាន្តថៃ។ ហើយជាការពិតណាស់ មនុស្សម្នាក់ក្នុងចំណោមមនុស្សដែលត្រូវផ្តោតអារម្មណ៍ខ្លាំងបំផុតនោះគឺ Chompoo Araya ។

នៅក្នុងព្រឹត្តិការណ៍នេះអ្នកម្ដាយកូន៣រូបនេះ បានស្លៀកសំលៀកបំពាក់ពណ៌បៃតងខ្ចីពីយីហោZuhair Muradដែលជាការប្រមូលផ្តុំនិទាឃរដូវឆ្នាំ ២០២៤ ។​ ចំណែកឯគ្រឿងអលង្ការទាំងអស់បានមកពីម៉ាក់យីហោ​ BVLGAGAI រួមទាំងក្រវិលខ្សែដៃនិងខ្សែដៃមួយពីយីហោ Cartier ។ ដោយឡែក សម្រាប់កាបូបដៃតូចរូបឆ្មាគឺជារបស់យីហោ Judith Liber មានតម្លៃ ៤៩៩៥ ដុល្លារឯណោះ៕

ប្រែសម្រួល៖ សាង ស្រីល័ក្ខ

ចុចអាន៖លេចមុខ Chompoo ចូលរួមក្នុងមង្គលការរបស់តួរឿង “ខ្មោចត្រឡោកបែក”

The post ចូលរួមមង្គលការមិត្តសំឡាញ់ Chompoo Araya តុបតែងកាយអស់រាប់លានដុល្លារ appeared first on Kampuchea Thmey Daily.

កាលពីថ្ងៃទី១៧ ខែធ្នូ កន្លងទៅនេះតារាកំប្លែងថៃលោក Kohtee Aramboy  និងមិត្តស្រី Kwang Suphak បានសម្រេចប្រារព្ធពិធីមង្គលការ​ ចាប់ផ្តើមជីវិតរួមគ្នាជាប្តីប្រពន្ធផ្លូវការនៅថ្ងៃ១៧ ខែធ្នូឆ្នាំ ២០២៣ ដោយមានភ្ញៀវសុទ្ធតែជាមិត្តជិតស្និតប៉ុណ្ណោះ។

ទោះយ៉ាងណាក៏ដោយ វត្តមានរបស់តារាសម្ដែង Chompoo នាំ​កូន​ប្រុស​ជាទី​ស្រឡាញ់​ទៅ​ចូលរួម​អបអរសាទរ Kohtee Aramboy  ក្នុង​ពិធី​មង្គលការ បានធ្វើឲ្យមហាជនមានការភ្ញាក់ផ្អើលយ៉ាងខ្លាំង​សឹងមិនដឹងថាអ្នកទាំងពីរគឺជាមិត្តនឹងគ្នាឡើយ។​ ហើយនៅលើគណនីផ្ទាល់របស់នាង ក៏បានបង្ហោះរូបភាពនិងខេបសិនបញ្ចាក់ថាមកចូលរូមមង្គលការមិត្តសំឡាញ់ Kohtee។

លើសពីនេះវត្តមានរបសើតារាសម្ដែងកូន៣ បានធ្វើឲ្យកូនកំលោះមានក្ដីរំភើបខ្លាំងរហូតចូលទៅបញ្ចេញមតិពីក្រោមរូបភាពថា អរគុណណាស់មិត្ត សម្រាប់កិត្តិយសនៃការមកចូលរួមពិធីមង្គលការមួយនេះ។ ខ្ញុំពិតជាមិនដឹងថាត្រូវផ្តល់ពាក្យអ្វីដល់អ្នក ប៉ុន្តែអ្នកបានចាប់យកបេះដូងរបស់ខ្ញុំមិត្តជាទីស្រឡាញ់។

យ៉ាងណាមិញ រវាង Chompoo Araya និង Kohtee Aramboy ពួកគេធ្លាប់ជួបគ្នាសម្ដែងក្នុងរឿងបែបកំ​ប្លែង CRAZY CRYING LADY​ កាលឆ្នាំ ២០១២ ធ្លាប់កក្រើកប្រទេសថៃ ដោយសារតែការសម្ដែងរបស់អ្នកទាំងពីរយ៉ាងក្រមិចក្រមើមបង្ហាញជូនដល់ទស្សនិកជន៕

អត្ថបទៈ សាង ស្រីល័ក្ខ

ចុចអាន៖សេពគប់គ្នាជិត១០ឆ្នាំ តួកំប្លែងថៃក្នុងរឿង “ប្រុសលក់ខ្លួន” ចូលរោងការថ្ងៃនេះ

The post លេចមុខ Chompoo ចូលរួមក្នុងមង្គលការរបស់តួរឿង “ខ្មោចត្រឡោកបែក” appeared first on Kampuchea Thmey Daily.