CL Archives - Kampuchea Thmey Daily

CL ជាប់ចោទពីបទ មិនចុះបញ្ជីភ្នាក់ងារកម្សាន្តឲ្យស្របច្បាប់

សាង ស្រីល័ក្ខ — Thu, 22 Jan 2026 08:37:22 +0000

ប៉ូលិសយ៉ុងសាននៃទីក្រុងសេអ៊ូល នឹងបញ្ជូន CL សមាជិកក្រុម 2NE1 ក្រោមការចោទប្រកាន់ពីបទ ដំណើរការភ្នាក់ងារកម្សាន្តដែលមិនបានចុះបញ្ជីនៅថ្ងៃទី ២៣ ខែមករា។ ចំណែកបុគ្គលម្នាក់ទៀត គឺនាយកប្រតិបត្តិ A នៃភ្នាក់ងារកម្សាន្តដែលមិនបានចុះបញ្ជី AA Group (ជម្រករបស់តារាសម្តែង Kang Dong Won) ក៏នឹងត្រូវបញ្ជូនទៅចោទប្រកាន់នៅថ្ងៃដដែលនោះផងដែរ ចំពោះការចោទប្រកាន់ដូចគ្នា។

ដោយសារ Kang Dong Won ផ្ទាល់មិនបានចូលរួមក្នុងការគ្រប់គ្រង និងប្រតិបត្តិការជាមួយបុគ្គល AA Group ដូច្នេះ ប៉ូលិសបានសន្និដ្ឋានថា តារាសម្តែងរូបនេះផ្ទាល់នឹងមិនប្រឈមមុខនឹងការចោទប្រកាន់ឡើយ។

យ៉ាងណាក៏ដោយ ពីមុនមក CL បានបង្កើតភ្នាក់ងារផ្ទាល់ខ្លួនរបស់នាងឈ្មោះ «Very Cherry» ក្នុងឆ្នាំ ២០២០។ បន្ទាប់មក ភ្នាក់ងារនេះបានធ្វើអាជីវកម្មជាភ្នាក់ងារកម្សាន្តដោយមិនបានចុះបញ្ជីស្របច្បាប់អស់រយៈពេលប្រហែល ៥ឆ្នាំ។

បញ្ហារបស់តារាល្បីៗដែលដំណើរការភ្នាក់ងារផ្ទាល់ខ្លួន ដោយមិនបានចុះបញ្ជីជាផ្លូវការបានលេចចេញជារូបរាងឡើងក្នុងខែកញ្ញា ឆ្នាំមុន។ តារាល្បីៗជាច្រើនដែលត្រូវបានរាយការណ៍ក្នុងអំឡុងពេលនៃការចាប់អារម្មណ៍ឡើងវិញនេះបានអះអាងថា ពួកគេមិនបានដឹងអំពីតម្រូវការចុះឈ្មោះនោះទេ មុនពេលបន្តការចុះឈ្មោះនៅចុងឆ្នាំ ២០២៥៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

តស៊ូ៩ឆ្នាំ ហ្វាន់ ពីងពីង នៅតែស្ថិតក្រោមការហាមឃាត់ពីសិល្បៈចិនដដែល

The post CL ជាប់ចោទពីបទ មិនចុះបញ្ជីភ្នាក់ងារកម្សាន្តឲ្យស្របច្បាប់ appeared first on Kampuchea Thmey Daily.

ចាំអ៊ុតមើល! 2NE1 មានឪកាសមកសម្ដែងនៅស្រុកខ្មែរ

Linda — Mon, 11 Nov 2024 02:39:06 +0000

យើងដឹងស្រាប់ហើយថា កន្លងទៅនេះ CL មេក្រុមនៃ សមាជិកក្រុម 2NE1 ធ្លាប់បានមកសម្ដែងនៅស្រុកខ្មែរដល់ទៅ២លើកឯណោះ ដែលលើកទី២ កាលពីឆ្នាំ២០២២។ ជាពិសេស CL បានដើរទស្សនៈកិច្ចនៅឯវត្តភ្នំ ហើយក៏បានអ៊ុចធូប សំពះព្រះនៅក្នុងព្រះវិហារវត្តភ្នំផងដែរ។

អ្វីដែលធ្វើឲ្យអ្នកគាំទ្ររំភើបជាងគេនោះគឺ CL សន្យារថា នាងនឹងមកសម្ដែងឲ្យអ្នកគាំទ្រទស្សនាកម្សាន្ត នៅប្រទេសកម្ពុជាសារជាថ្មី នាពេលអនាគត់នេះ។ កន្លងផុតទៅអស់រយៈពេល២ឆ្នាំមក សមាជិកម្នាក់ទៀតក៏បានមកសម្ដែងនៅប្រទេសកម្ពុជាម្ដងជាលើកដំបូងគឺ Minzy ដែលជាសមាជិកពៅគេរបស់ក្រុម 2NE1។

បើទោះបីជាមកតែម្នាក់ឯងមែន ប៉ុន្ដែ Minzy បានច្រៀងចម្រៀងរបស់ក្រុម ដែលធ្វើឲ្យអ្នកគាំទ្រមានក្ដីរំភើបនឹងមានការសប្បាយរីករាយមែនទែន។ លើសពីនោះ រូបនាងក៏ទទួលបានការគាំទ្រយ៉ាងខ្លាំងក្លា មិនចាញ់ CL ប៉ុន្មាននោះទេ បើទោះបីជាឆាកតូច ហើយមិនមែនជាលក្ខណៈខនសឺតក៏ដោយ។

Minzy

តាមរយៈវត្តមានរបស់សមាជិកមកកាន់ប្រទេសកម្ពុជាបាន២រូបហើយនេះ អ្នកគាំទ្រមានការសង្ឃឹមយ៉ាងខ្ពស់ផងដែរថា 2NE1 នឹងមកសម្ដែងលក្ខណៈជាក្រុមនៅពេលខាងមុខនេះ។ យ៉ាងណាមិញ នៅមានសមាជិក២រូបទៀតដែលមិនទាន់បានមកដល់ទឹកដីខ្មែរ Sandara Park និង Park Bom អាចនឹងមកជាក្រុមឬយ៉ាងណា ចាំអ៊ុតមើលទាំងអស់គ្នា៕

Minzy

The post ចាំអ៊ុតមើល! 2NE1 មានឪកាសមកសម្ដែងនៅស្រុកខ្មែរ appeared first on Kampuchea Thmey Daily.

CL បង្ហាញនាឡិកាដៃតម្លៃ១៩ម៉ឺនដុល្លារ ជាផលិតផលមានកំណត់

សាង ស្រីល័ក្ខ — Tue, 23 Jan 2024 09:01:04 +0000

តាមប្រភពពីសារព័ត៌មាន Allkpop បញ្ចាក់ថា CL អតីតមេក្រុម 2Ne1 បានបង្ហាញនាឡិកា Royal Oak តម្លៃ ១៩៥,០០០ ដុល្លារសម្រាប់យីហោដ៏ល្បីនៃស៊េរី Audemars Piguet x Tamara Ralph Concept Flying Tourbillon ជាចំនួនមានកំណត់។

ក្រុមហ៊ុនផលិតនាឡិកាដ៏ប្រណិតរបស់ប្រទេសស្វីសដ៏ល្បីល្បាញ Audemars Piguet ទើបតែបានបញ្ចេញនូវការបង្កើតថ្មីបំផុតរបស់ខ្លួន ដែលជានាឡិកាដែលមានកំណត់ ហើយត្រូវបានបង្កើតឡើងដោយសហការជាមួយ Tamara Ralph ។ នាឡិកាដៃផ្តាច់មុខនេះ មានត្រឹមតែ ១០២ គ្រឿងប៉ុណ្ណោះ ហើយអ្វីលកាន់តែពិសេស វាត្រូវបានបង្ហាញយ៉ាងប្រណីតដោយ CL តែមួយគត់ថែមទៀតផង។

ជាមួយគ្នានោះថែមទៀត យីហោនេះបានពន្យល់ថា “Audemars Piguet បង្ហាញនូវ Royal Oak Concept Flying Tourbillon Limited Edition ថ្មី ដែលត្រូវបានបង្កើតឡើងដោយសហការជាមួយអ្នករចនាម៉ូដ Haute Couture Tamara Ralph ។ ជាពិសេស វាទទួលបានការបំផុសគំនិតដោយការរួមបញ្ចូលគ្នានូវសោភ័ណភាពភាពជាស្ត្រី ភាពច្នៃប្រឌិតគ្មានព្រំដែនកំណត់ និងភាពឆើតឆាយដែលមិនចេះចប់ ការបោះពុម្ពមានកំណត់ក្នុងពណ៌ផ្កាឈូក 18-cara ពណ៌មាសស្រោបដោយ Frosted Gold ហើយប្រើបន្ទះរលាយពណ៌ដែលមានកម្រិតប្លែកពីពណ៌ត្នោត និងសំរិទ្ធទៅពណ៌មាស។

យីហោដដែលនេះបានពន្យល់ថែមទៀតថា តារាចម្រៀងកូរ៉េខាងត្បូង CL បានយកគំរូតាមនាឡិកាម៉ាក Limited edition edition ខណៈដែលនាងបានបង្ហាញនូវភាពទាក់ទាញរបស់នាង ដោយការស្លៀកពាក់ និងពាក់់នាឡិកាប្រណីតក្នុងរចនាប័ទ្មដិតតែមួយគត់របស់នាង៕

អត្ថបទ៖ សាង ស្រីល័ក្ខ

ចុចអាន៖ ម្ដាយ Coco Lee យំក្នុងថ្ងៃខួបកំណើតកូន ខណៈគ្រួសារមិនទាន់ស្ងប់ចិត្តការស្លាប់របស់នាង

The post CL បង្ហាញនាឡិកាដៃតម្លៃ១៩ម៉ឺនដុល្លារ ជាផលិតផលមានកំណត់ appeared first on Kampuchea Thmey Daily.

CL គាំទ្រ G-Dragon ជាសាធារណៈ ចំពេលមានរឿងអាស្រូវគ្រឿងញៀន

សាង ស្រីល័ក្ខ — Mon, 20 Nov 2023 01:48:54 +0000

បន្ទាប់ពីប្រកាសភាពគ្មានកំហុសរបស់ខ្លួនម្តងហើយម្តងទៀត G-Dragon កំពុងទទួលបានការគាំទ្រពីទស្សនិកជន និងមនុស្សជិតស្និទ្ធ ព្រមទាំងមេក្រុម BIGBANG បាននិយាយការពារសមាជិករបស់ខ្លួន ចំពេលមានរឿងអាស្រូវគ្រឿងញៀន។

ទន្ទឹមនោះទៀតសោត CL អតីតសមាជិកក្រុម 2NE1 គឺជាមិត្តជិតស្និទ្ធចុងក្រោយគេដែលនិយាយជាសាធារណៈដើម្បីគាំទ្រ G-Dragon ។ នៅលើទំព័រផ្ទាល់ខ្លួនរបស់តារា K Pop រូបនេះបានបង្ហោះរូបភាពដែលថតជាមួយ G-Dragon រួមជាមួយនិមិត្តសញ្ញា chrysanthemum និងសារដើម្បីការពារមនុស្សដែលនាងស្គាល់យ៉ាងស្និតស្នាលបំផុត។ រូបតំណាងនេះត្រូវបានបង្កើតឡើងដោយអ្នកគាំទ្រដើម្បីលើកទឹកចិត្ត និងគាំទ្រ G-Dragon នៅលើបណ្តាញសង្គម។

កាយវិការនេះបានបង្ហាញពីមិត្តភាពដ៏ជ្រាលជ្រៅរបស់ CL និង G-Dragon ។ តារាប្រុស និងតារាស្រីតែងតែចៀសវាងការប្រាស្រ័យទាក់ទងគ្នា ដើម្បីចៀសវាងពាក្យចចាមអារ៉ាមថាមានស្នេហា ប៉ុន្តែ G-Dragon និង CL គឺបើកចំហរជិតស្និទ្ធនឹងគ្នា។ ប្រសិនបើ G-Dragon ជាមេក្រុម BIGBANG នោះ CL គឺជាអ្នកដឹកនាំក្រុម 2NE1។ តារាទាំងពីរបានស្និទ្ធស្នាលនឹងគ្នាយ៉ាងឆាប់រហ័ស ដោយសារតែរសជាតិតន្ត្រី និងស្ទីលម៉ូដស្រដៀងគ្នាតាំងពីដើមទីមកម្ល៉េះ។

ភ្លាមៗក្រោយការចោទប្រកាន់ពីការប្រើប្រាស់គ្រឿងញៀនបានផ្ទុះឡើង G-Dragon តែងតែអះអាងថាខ្លួនគ្មានកំហុស។ ស្របពេលកាលពីថ្ងៃទី៦ ខែវិច្ឆិកា តារាប្រុសរូបនេះក៏បានបង្ហាញខ្លួនយ៉ាងសកម្ម និងសហការជាមួយប៉ូលិសស៊ើបអង្កេត។ G-Dragon បានទទួលលទ្ធផលតេស្តថ្នាំអវិជ្ជមាន និងបានបញ្ជូនសំណាកសម្រាប់ការធ្វើតេស្តឲ្យកាន់តែស៊ីជម្រៅលើសមុនថែមទៀត។

បន្ទាប់មក តារាប្រុសរូបនេះបានចូលរួមក្នុងកិច្ចសម្ភាសន៍ផ្តាច់មុខជាមួយ Yonhap ដើម្បីបំភ្លឺពីការសង្ស័យនៃការប្រើប្រាស់គ្រឿងញៀន។ មេក្រុម BIGBANG មិនអាចទប់អារម្មណ៍របស់គាត់បានទេ ហើយស្រក់ទឹកភ្នែកនៅចុងបញ្ចប់នៃការសន្ទនា។ ក្នុងនោះលោកបានបញ្ជាក់ថា ខ្លួនមិនបានប្រើប្រាស់គ្រឿងញៀន ហើយក៏មិនស្គាល់អ្នកគ្រប់គ្រងក្លឹបរាត្រី និងវេជ្ជបណ្ឌិត ដែលត្រូវបានចោទប្រកាន់ពីបទផ្តល់សារធាតុហាមឃាត់ផងដែរ។

G-Dragon បានពន្យល់ថា រាងកាយរបស់គាត់អាចបត់បែនបានជាងមនុស្សធម្មតា ដោយសារតែហាត់រាំយូរ ហើយគាត់ក៏ស្ទាក់ស្ទើរ ព្រោះគាត់បានគិតដោយប្រុងប្រយ័ត្ននូវពាក្យនីមួយៗ។ មេក្រុម BIGBANG រូបនេះក៏បានបញ្ជាក់ពីការសង្ស័យរបស់គាត់ក្នុងការចំអកឲ្យអាជ្ញាធរ និងប្រព័ន្ធផ្សព្វផ្សាយនៅថ្ងៃដែលគាត់បង្ហាញខ្លួនទៅកាន់ប៉ូលិសថា “វាមើលទៅដូចនោះ ប៉ុន្តែតាមពិត ខ្ញុំមិនមានន័យបែបនេះទេ។ ខ្ញុំក៏ជាមនុស្សដែរ ដូច្នេះខ្ញុំមានអារម្មណ៍។ “នៅពេលដែលអ្នកមើលទៅមានការព្រួយបារម្ភ និងអសន្តិសុខ៕

ប្រែសម្រួល៖ សាង ស្រីល័ក្ខ

ប្រភព៖korea

ចុចអាន៖សមាជិក BlackPink ៣ រូប សុទ្ធតែមានសកម្មភាព ខណៈ Lisa លែងមានអ្នកអើពើ

The post CL គាំទ្រ G-Dragon ជាសាធារណៈ ចំពេលមានរឿងអាស្រូវគ្រឿងញៀន appeared first on Kampuchea Thmey Daily.

មួយឈុតដែល CL ពាក់ទៅវត្តភ្នំ សាមញ្ញតែថ្លៃមិនធម្មតា

សាង ស្រីល័ក្ខ — Mon, 28 Nov 2022 08:59:55 +0000

បន្ទាប់ពីធ្វើការប្រគំតន្ត្រីក្នុងប្រទេសកម្ពុជាកាលពីយប់ថ្ងៃទី ២៦ ខែវិច្ឆិកា CL បានធ្វើឲ្យហ្វេនជាច្រើនមានការចាប់អារម្មណ៍ និងបង្ហាញពីការគាំទ្រនាងតាំងពីប្រលានយន្តហោះរហូតដល់កម្មវិធីយ៉ាងភ្លូកទឹកភ្លូកដី។

ដោយឡែក ក្រោយការប្រគំតន្ត្រីចប់សព្វគ្រប់ តារា K PoP រូបនេះបានដើរកម្សាន្តលំហែកាយ និងចូលទៅទស្សនានៅរមណីយដ្ឋានវត្តភ្នំ ប្រកបដោយទឹកមុខសប្បាយរីករាយ ខណៈនាងក៏បានបង្ហោះរូបភាពមួយចំនួននៅលើបណ្ដាញសង្គមថែមទៀតផង។

បើទោះបីជា CL បានតុបតែងខ្លួនយ៉ាងសាមញ្ញក្នុងឈុតអាវធំពណ៌ក្រហមបិទបាំងជិតនិងសំពត់វែងពណ៌ខ្មៅក្ដី ប៉ុន្តែមហាជនជាច្រើនពិតជាមានការចាប់អារម្មណ៍យ៉ាងខ្លាំង លើឈុតមួយនេះ។ បន្ថែមពីនេះ ហ្វេនរបស់នាងក៏ចង់ដឹងពីតម្លៃអាវក្រៅនិងសំពត់ផងដែរ។ សម្រាប់អាវក្រៅរបស់ CL បើតាមប្រភពបានឲ្យដឹងថា វាជាអាវដែលមានតម្លៃជិត៧០០ដុល្លារឯណោះ ពីយីហោល្បីមួយ Miletta Baummeister ខណៈសំពត់មានតម្លៃ៧០២.៥ដុល្លារ ៕

អត្ថបទ៖ សាង ស្រីល័ក្ខ

ចុចអាន៖YoonA និង IU ទាក់ទាញចំណាប់អារម្មណ៍លើកម្រាលព្រំក្រហម ក្នុងកម្មវិធី Blue Dragon 2022

The post មួយឈុតដែល CL ពាក់ទៅវត្តភ្នំ សាមញ្ញតែថ្លៃមិនធម្មតា appeared first on Kampuchea Thmey Daily.

CL ទទួលបានការស្វាគមន៍ការមកដល់យ៉ាងកក់ក្ដៅពីហ្វេនជាច្រើន ពិសេសអាយដល Top5 អ្នកឧកញ៉ា សំអាង វឌ្ឍនៈ ដោយផ្ទាល់ នៅអាកាសយានដ្ឋានអន្តរជាតិភ្នំពេញប្រទេសកម្ពុជា កាលពីយប់មិញនេះ!

អ៊ិន ពិសី — Sat, 26 Nov 2022 06:19:05 +0000

កំពូលតារាចម្រៀងអន្តរជាតិKPOP កញ្ញា Chaelin ដែលត្រូវបានគេស្គាល់ជា CL បានមកដល់ព្រលានយន្តហោះប្រទេសកម្ពុជា ដោយសុវត្ថិភាព អមជាមួយនឹងការស្វាគមន៍ដ៏កក់ក្ដៅរបស់ អ្នកឧកញ៉ា សំអាង វឌ្ឍនៈ និង អ្នកគាំទ្រយ៉ាងច្រើនកុះករ នៅអាកាសយានដ្ឋានអន្តរជាតិភ្នំពេញ កាលពីយប់មិញ។ ឈានជើងមកដល់ទឹកដីកម្ពុជាភ្លាម តារាងចម្រៀងក៏ដូចជាRapper សញ្ជាតិកូរ៉េរូបនេះបានក្លាយជាចំណាប់អារម្មណ៍ដ៏លេចធ្លោ ជាមួយស្ទាយសំលៀកបំពាក់ដ៏ស្រស់ស្អាត ដែលធ្វើឲ្យអ្នកគាំទ្រគ្រប់គ្នា រំភើបរីករាយ ស្ទើរតែពេញក្នុងអាកាសយានដ្ឋានអន្តរជាតិភ្នំពេញតែងម្ដង។

កញ្ញា CL ក៏បានបង្ហាញនូវគារវកិច្ចគោរពដល់ អគ្គនាយកក្រុមហ៊ុន វឌ្ឍនៈ ប្រ៊ូវើរី អ្នកឧកញ៉ា សំអាង វឌ្ឍនៈ សម្រាប់ឱកាសជាថ្មីមកកាន់ប្រទេសកម្ពុជា ក៏ដូចជាអារម្មណ៍រំភើប និងរីករាយជាខ្លាំង ដែលបានឃើញអ្នកគាំទ្រជាច្រើននាក់ មកឈររង់ចាំទទួលស្វាគមន៍ ថែមទាំងមានការទទួលដោយឡានសារ៉ែនអមដំណើរប្រកបដោយភាពគគ្រឹកគគ្រេង។

កញ្ញា CL នឹងវត្តមានជាថ្មីម្តងទៀតក្នុងប្រទេសកម្ពុជា ដើម្បីមកចូលរួមសម្ដែងក្នុងមហាព្រឹត្តិការណ៍ ដ៏អស្ចារ្យ “VATTANAC វ ALL IN FESTIVAL” ដែលរៀបចំដោយ ក្រុមហ៊ុន វឌ្ឍនៈ ប្រ៊ូវើរី ជាមួយនឹង វត្តមានរបស់ កំពូលតារាចម្រៀងជួរមុខក្នុងស្រុកជាច្រើនរូបទៀតដូចជា កញ្ញា មាស សុខសោភា ពូ ឃ្លាំង លោក នីកូ កញ្ញា រ៉ាប៊ី លោក G-Devith ព្រមទាំងអាយដលទាំង ៤ ដែលកំពុងទទួលបានការគាំទ្រយ៉ាងខ្លាំងពីទស្សនិកជនគឺ អាយដល លឹម តិចម៉េង ស៊ឹម ច័ន្ទពន្លឺ ថុល សុភិទិ និងនាង ដាវីន។

មិនត្រឹមតែប៉ុណ្ណោះ ទស្សនិកជន នឹងទទួលបាននូវបទពិសោធន៍កាន់តែសប្បាយ ជាមួយការប្រគំតន្ត្រី EDM ពី DJ ដ៏ល្បី និងស្រស់ស្អាត DJ AviDa ព្រមទាំងសកម្មភាពកម្សាន្តជាច្រើនទៀត។

កុំភ្លេចណា៎! ត្រៀមខ្លួនហ៊ោឲ្យស្អកកនារាត្រីនេះ នៅជិតរង្វង់មូល នាងមច្ឆា បរិវេណOCIC ក្នុងក្រុងភ្នំពេញ ចាប់ពីម៉ោង ១០ ព្រឹកតទៅ៕

The post CL ទទួលបានការស្វាគមន៍ការមកដល់យ៉ាងកក់ក្ដៅពីហ្វេនជាច្រើន ពិសេសអាយដល Top5 អ្នកឧកញ៉ា សំអាង វឌ្ឍនៈ ដោយផ្ទាល់ នៅអាកាសយានដ្ឋានអន្តរជាតិភ្នំពេញប្រទេសកម្ពុជា កាលពីយប់មិញនេះ! appeared first on Kampuchea Thmey Daily.

Queen of K-pop CL និងកំពូលតារាចម្រៀងជាច្រើនប្រចាំប្រទេសកម្ពុជា នឹងមានវត្តមានក្នុងព្រឹត្តិការណ៍ដ៏ធំ Vattanac វ All in Festival នាចុងខែវិច្ឆិកានេះ

អ៊ិន ពិសី — Thu, 20 Oct 2022 08:49:32 +0000

Queen of K-pop ដ៏ល្បីល្បាញ CL នឹងត្រលប់មកប្រទេសកម្ពុជាសាជាថ្មីម្តងទៀត ក្រោមការអញ្ជើញរបស់ ក្រុមហ៊ុន វឌ្ឃនៈ ប្រ៊ូវើរី ដើម្បីចូលរួមសម្តែងក្នុងកម្មវិធីដ៏ធំប្រចាំឆ្នាំ Vattanac វ All in Festival នាថ្ងៃទី ២៦ ខែវិច្ឆិកា ឆ្នាំ ២០២២ រួមជាមួយនឹងវត្តមានកំពូលតារាចម្រៀងជួរមុខក្នុងស្រុកជាច្រើនរូបទៀតដូចជា កញ្ញា មាស សុខសោភា ពូ ឃ្លាំង លោក នីកូ កញ្ញា រ៉ាប៊ី លោក G-Devith ព្រមទាំងអាយដលទាំង ៤ ដែលកំពុងទទួលបានការគាំទ្រយ៉ាងខ្លាំងពីទស្សនិកជន គឺអាយដល លឹម តិចម៉េង ស៊ឹមច័ន្ទពន្លឺ ថុល សុភិទិ និងនាង ដាវីន។

Vattanac វ All in Festival បានបង្កឲ្យមានភាពភ្ញាក់ផ្អើលយ៉ាងខ្លាំង បន្ទាប់ពីបញ្ចេញជាវីដេអូ Teaser ដំបូងរបស់ខ្លួន បង្ហាញពីតម្រុយ នៃវត្តមានរបស់រាជិនី K-pop ដ៏មានប្រជាប្រិយភាព មិនត្រឹមតែនៅប្រទេសកូរ៉េ គឺទូទាំងអាស៊ី អឺរ៉ុប និងអាមេរិក។

ព្រឹត្តិការណ៍ដ៏កក្រើករបស់ក្រុមហ៊ុន វឌ្ឍនៈ ប្រ៊ូវើរី មួយនេះ បានធ្វើឲ្យអ្នកគាំទ្រវិស័យ KPOP និងអ្នកគាំទ្ររបស់ CL ផ្ទាល់ សប្បាយរីករាយ និងរំភើបជាខ្លាំង ជាមួយនឹងវត្តមានជាលើកទី ២ របស់គាត់ ដោយពុំមានអ្នកនឹកស្មានដល់។ មិនត្រឹមតែប៉ុណ្ណោះ ការចូលរួមរបស់កំពូលតារាដ៏ពេញនិយមក្នុងស្រុកជាច្រើនរូប ការប្រគំតន្ត្រី EDM ពី DJ ដ៏ល្បី និងស្រស់ស្អាត DJ AviDa ព្រមទាំងសកម្មភាពកម្សាន្តសប្បាយជាច្រើនដែលនឹងរៀបចំឡើងដោយម៉ាកយីហោទាំង ៤ របស់ វឌ្ឍនៈ ប្រ៊ូវើរី មានដូចជា ស្រាបៀរ វឌ្ឍនៈ ដ្រាហ្គិន គ្រុឌ និងភេសជ្ជៈប៉ូវកម្លាំងគ្រុឌ នឹងបន្ថែមភាពអស្ចារ្យ និងមិនអាចខកខានបានក្នុងកម្មវិធីដ៏ធំបំផុតប្រចាំឆ្នាំមួយនេះ។

ក្រុមហ៊ុន វឌ្ឍនៈ ប្រ៊ូវើរី បង្កើតកម្មវិធី VATTANAC វ ALL IN FESTIVAL នេះឡើងក្នុងគោលបំណងតបស្នងទៅដល់អ្នកគាំទ្រ និងបង្ហាញពីការខិតខំប្រឹងប្រែង ទឹកចិត្ត និងក្តីស្រលាញ់ ដែលខ្លួនបានបង្កើត និងដាក់អ្វីៗគ្រប់យ៉ាងនូវរាល់កិច្ចការងារ និងផលិតផលដែលខ្លួនបានផលិតឡើងសម្រាប់អតិថិជន។

សម្រាប់សំបុត្រចូលរួមទស្សនាព្រឹត្តិការដ៏រំភើបអស្ចារ្យ និងកម្រប្លែកដែលមិនធ្លាប់មានពីមុនមកនេះ អ្នកអាចស្វែងរកបានតាមរយៈភ្នាក់ងារលក់ផលិតផលរបស់ក្រុមហ៊ុន វឌ្ឍនៈ ប្រ៊ូវើរី ដែលបានកំណត់ទូទាំងប្រទេស៕

The post Queen of K-pop CL និងកំពូលតារាចម្រៀងជាច្រើនប្រចាំប្រទេសកម្ពុជា នឹងមានវត្តមានក្នុងព្រឹត្តិការណ៍ដ៏ធំ Vattanac វ All in Festival នាចុងខែវិច្ឆិកានេះ appeared first on Kampuchea Thmey Daily.

មុនល្បីល្បាញនិងមានកេរ្តិ៍ឈ្មោះលើពិភពលោក CL ឆ្លងកាត់ជីវិតលំបាកបែបណាខ្លះ ក្នុងវិស័យ k-pop?

សាង ស្រីល័ក្ខ — Tue, 19 Apr 2022 01:30:00 +0000

មានឈ្មោះពិតថា Lee Chae Rin ជាតារារ៉េប តារាចម្រៀង និងជាអ្នកនិពន្ធបទចម្រៀង k pop របស់កូរ៉េខាងត្បូង។ នាងជាអតីតសមាជិក 2NE1 ហើយបទល្បីៗដែលមហាជនស្គាល់តារារូបនេះ មានដូចជា “Crush”, “Lollipop”, “I Don’t Care”, “The Leaders”, “Baby I Miss You” និង “If I Were You” ។

បើនិយាយពីពានរង្វាន់ និងការសរសើរ នាងបានឈ្នះពានរង្វាន់ ’20’s Style Award’ ក្នុងកម្មវិធី MNET 20’s Choice Awards ។ CL ត្រូវបានគេដាក់ឈ្មោះថា “Hottest Female Star of ២០១៣” ‘ដោយ MYX Philippines ក្រៅពីនេះ នាងបានឈ្នះពានរង្វាន់ កំពូលសិល្បករស្រី នៅក្នុងព្រឹត្តិការណ៍ YinYueTai V-Chart Awards។

អាជីព សិល្បកររូបនេះ ច្រៀងជាលើកដំបូងនៅពេលនាងមានអាយុ ១៥ ឆ្នាំ។ បន្ទាប់មកនាងត្រូវបានគេបង្ហាញវត្តមាននៅក្នុង “Intro” របស់ Big Bang ក្នុងឆ្នាំ ២០០៧ ។ ក្នុងឆ្នាំដដែលនោះ នាងបានសម្ដែងជាលើកដំបូង នៅលើឆាក។ ក្រោយៗមកទៀត នាងបានសម្តែងជាលើកដំបូងម្ដងទៀត ដោយរ៉េបក្នុងបទរបស់តារា Uhm Jung-hwa ក្នុងឆ្នាំ២០០៨។ មួយឆ្នាំក្រោយមក នាងបានយកឈ្មោះ CL ជាឈ្មោះនៅលើឆាក ហើយបានក្លាយជាតារាចម្រៀងរ៉េបនាំមុខក្រុមចម្រៀងនារី 2NE1 ដោយមាន Minzy, Sandara Park និង Park Bom នាឆ្នាំ ២០០៩ ក្នុងផលិកម្ម JYP Entertainment។ ក្រុមនេះបានសហការជាមួយក្រុម Big Bang ក្នុងបទ “Lollipop” ។ បន្ទាប់មក ពួកគេបានចេញបទចម្រៀង “I Don’t Care” សម្រាប់ EP ដំបូងរបស់ពួកគេ ដែលមានចំណងជើងថា ‘2NE1’ ។

យ៉ាងណាមិញ បទចម្រៀងនេះបានទទួលជោគជ័យយ៉ាងខ្លាំង ហើយត្រូវបានដាក់ក្នុងតារាងជាច្រើន។ នៅខែសីហាឆ្នាំ ២០០៩ CL បានសហការជាមួយ Teddy Park និង G-Dragon សម្រាប់បទចម្រៀង “The Leaders”។ មិនយូរប៉ុន្មាន នាងបានសហការជាមួយ Minzy សម្រាប់បទចម្រៀង “Please Don’t Go” បន្ទាប់មកនៅថ្ងៃទី ២៨ ខែឧសភា ឆ្នាំ ២០១៣ នាងបានចេញបទចម្រៀងទោលដំបូងរបស់នាង ដែលមានចំណងជើងថា “The Baddest Female” និងបានសហការនិពន្ធបទ “Crush” “Baby I Miss You” និង “If I Were You” សម្រាប់អាល់ប៊ុមទីពីររបស់ 2NE1 ‘Crush’ ។ អាល់ប៊ុមនេះ ត្រូវបានចេញផ្សាយក្នុងខែមីនា ២០១៤។ នាងក៏ធ្លាប់ជាតារាមួយរូបបានសម្ដែងនៅក្នុងពិធីបិទអូឡាំពិករដូវរងា នៅពហុកីឡាដ្ឋានអូឡាំពិក Pyeongchang ក្នុងខែកុម្ភៈ ឆ្នាំ ២០១៨។

នាងក៏ជាតារា k pop ដែលឈ្នះពានរង្វាន់ People’s Choice Awards លើកទី ៤៥ សម្រាប់ស្ត្រីអាស៊ីដែលបំផុសគំនិតបំផុតក្នុងឆ្នាំ ២០១៩ ដូចគ្នា ។

ជីវិតឯកជន CL កើតនៅថ្ងៃទី ២៦ ខែកុម្ភៈ ឆ្នាំ ១៩៩១ នៅទីក្រុងសេអ៊ូល ប្រទេសកូរ៉េខាងត្បូង ដោយមានឪពុកម្ដាយឈ្មោះ Lee Ki Jin និង Hong Yu-ra ។ នាងធំឡើងជាមួយប្អូនស្រីឈ្មោះ Lee Ha-rin ។។ ក្នុងវ័យកុមារភាព នាងបានផ្លាស់ទីលំនៅជាញឹកញាប់ ជាមួយគ្រួសារ ដោយសារតែការងាររបស់ឪពុកនាង។ CL បានចំណាយពេលជាច្រើនក្នុងជីវិតដំបូងរបស់នាង នៅសហរដ្ឋអាមេរិក ជប៉ុន និងបារាំង។

ស្នាដៃក្នុងពិភពតន្ត្រី នាងបានហ្វឹកហាត់នៅ JYP Entertainment មុនពេលចូលរួមជាមួយ YG Entertainment ។ ក្នុងនាមជាសិល្បករ ដែលមានលក្ខណៈពិសេស នាងបានចេញបទចម្រៀង ដូចជា Hot Issue , DJ , What, The Leaders , Kiss, Dirty Vibe , Daddy , Surrender , Dopeness , និង Cut It Up ។ ចំពោះអាជីពទោលនាង បានចេញបទចម្រៀងជាច្រើនដូចជារួមមាន Please Don’t Go , The Baddest Female , MTBD , Doctor Pepper , Hello Bitches , Lifted , Rewind , Done , I Quit , One and Only , និង THNX ។

មកដល់ពេលនេះ តារាចម្រៀងកូរ៉េខាងត្បូង មានសកម្មភាពលើ Facebook, YouTube, Twitter និង Instagram។ CL មានប្រជាប្រិយភាពយ៉ាងខ្លាំង នៅលើគេហទំព័របណ្ដាញសង្គម ដោយមានតាមដានប្រហែល ១.១ លាននាក់ និងអ្នកតាមដានប្រហែល ៦.៧ លាននាក់នៅលើ Twitter និង Instagram ៕

ប្រែសម្រួល៖ សាង ស្រីល័ក្ខ

ចុចអាន៖ពិតជាអភិជនមែន! កាបូបប្រេន Hermès របស់ Aum មួយៗ តម្លៃស្ទើរស្មើវីឡាខ្ទង់លានដុល្លារ

ចុចអាន៖CL ចូលទ្រនំថ្មី ជាមួយតារាល្បីៗដូចជា Dua Lipa

The post មុនល្បីល្បាញនិងមានកេរ្តិ៍ឈ្មោះលើពិភពលោក CL ឆ្លងកាត់ជីវិតលំបាកបែបណាខ្លះ ក្នុងវិស័យ k-pop? appeared first on Kampuchea Thmey Daily.