OH! SOME ជាគោលដៅលក់ទំនិញពេញនិយម ផ្តល់ជូនអតិថិជននូវផលិតផលល្បីៗ ថ្មីៗ និងសម្បូរបែប រហូតដល់ទៅ ១៥ប្រភេទផ្សេងៗគ្នា ដោយមានអីវ៉ាន់លក់រាប់ពាន់មុខដែលមកពីជុំវិញពិភពលោក។ ក្នុងនោះមានទាំងផ្នែកផលិតផលសម្រស់ និងផលិតផលថែរក្សាស្បែក, គ្រឿងសម្អាង យកមកពីកូរ៉ខាងត្បូង និងជប៉ុន មានដូចជាប្រេន Hatomugi, Lululun, Skin1004, Eunyul, Curesys, Purederm, ផលិតផលកម្សាន្តសម្រាប់ក្មេងៗ ព្រមទាំងអាហារសម្រន់ និងភេសជ្ជៈជាច្រើនប្រភេទ ដែលលោកអ្នកឈានជើងចូលនៅ OH!SOME តែមួយកន្លែង ក៏មានមានផលិតផលជាច្រើនប្រភេទដែលជាតម្រូវការប្រចាំថ្ងៃ។

អ្វីដែលធ្វើឱ្យរំភើបសម្រាប់អ្នកគាំទ្រ Disney នៅកម្ពុជា ដែលចង់បានផលិតផល Disney collaboration  ផលិតជាពិសេស គឺថាអ្នកទាំងអស់គ្នាអាចមកស្វែងរកបាននៅក្បែរខ្លួនតែម្តង ដោយនៅ OH!SOME នេះ លោកអ្នកអាចរកមើលផលិតផល Disney collaboration ជាច្រើនមុខ ដូចជាកាបូប, ដបទឹក, គ្រឿងសម្អាង និង plushies  វត្ថុអនុស្សាវរីយ៍ពិសេសៗ ពីតួអង្គគំនូរជីវចលរបស់ Disney ល្បីៗ ដែលលោកអ្នកស្រលាញ់ចូលចិត្ត មានដូចជា Donald Duck , Stitch , Lotso, Alien, Buzz Lightyear និង Red Panda Mei ពីស្ទូឌីយ៉ូPixar ជាដើម។

ជឿជាក់ថានេះជាហាងលក់រាយដ៏ទាក់ទាញមួយ ខុសប្លែកពីហាងលក់រាយនានានៅក្នុងទីក្រុងភ្នំពេញ ផ្តល់នូវបទពិសោធន៍ទិញទំនិញដ៏អស្ចារ្យដោយហាងមានពណ៌ចម្រុះនេះមានទំហំដល់ទៅ  ១០០០ម៉ែត្រការ៉េ។ ដោយ OH!SOME ជា One-stop shop កន្លែងតែមួយ ប្រមូលផ្តុំទាំងអស់  នាំយកផលិតផលទាន់សម័យជាង ១០,០០០ មុខក្នុងពេលតែមួយដល់អតិថិជននៅកម្ពុជាជាមួយភាពលេចធ្លោពីខាងក្រៅនូវពណ៌លឿងដែលជាពណ៌របស់យីហោ OH!SOME។ ជាពិសេសក្រៅពីទំនិញដ៏សម្បូរបែប ពេលឈានជើងចូលទៅដល់ខាងក្នុងហាងមានម៉ាស៊ីនចាប់តុក្កតា (Claw machines) ឱ្យអតិថិជនលេងកម្សាន្ត មានការតុបតែងពណ៌ចម្រុះ ការដេគ័រ cute cute សាកសមបំផុតសម្រាប់អ្នកនិយមថតរូប ព្រោះទីនេះក្រៅពីអាចទិញទំនិញ លោកអ្នកអាចស្វែងរកទីតាំងថតរូបដែលលោកអ្នកស្រលាញ់បានថែមទៀតផង។

ហើយដើម្បីអបអរសាទរការបើកសម្ពោធ OH!SOME នឹងរៀបចំសកម្មភាពសប្បាយៗជូនអតិថិជន ជាច្រើនចាប់ពីថ្ងៃទី០១ ដល់ថ្ងៃទី០៨ ខែធ្នូ ត្រៀមខ្លួនដើម្បីឈ្នះរង្វាន់ដ៏គួរឲ្យភ្ញាក់ផ្អើល រួមមានកាដូ ម៉ាសបិទមុខ, គ្រឿង accessories និង plush toys ជាច្រើន ដោយគ្រាន់តែចូលរួមលេងហ្គេម Monopoly game ដែលហាងបានរៀបចំ។

ហាងទំនិញលក់រាយ OH!SOME ជាម៉ាកយីហោទទួលបានប្រជាប្រិយភាពយ៉ាងខ្លាំងនៅក្នុងប្រទេសឥណ្ឌូនេស៊ី និងម៉ាឡេស៊ី មុនពេលចូលទៅក្នុងប្រទេសកម្ពុជា។ OH!SOME មានវត្តមានបើកសាខា ជាលើកដំបូងនៅកម្ពុជា នៅថ្ងៃទី១ ខែធ្នូ ខាងមុខនេះ នៅផ្សារទំនើប AEON Mean Chey ក្នុងរាជធានីភ្នំពេញ។  រហូតមកដល់ពេលនេះ OH!SOME បានបើកជាង៨០សាខា និងបន្តបើកបន្ថែមទៀតនៅតំបន់អាស៊ីអាគ្នេយ៍៕

The post មុនគេនៅស្រុកខ្មែរ OH! SOME ហាងទំនិញ One-Stop trendy ប្រមូលផ្តុំសុទ្ធតែផលិតផល Disney ផលិតជាពិសេស ថែមទាំងគ្រឿងសម្អាង កូរ៉េ និងជប៉ុន សុទ្ធៗ appeared first on Kampuchea Thmey Daily.

តួលេខរបស់ Box Office នៅកូរ៉េខាងត្បូង បានរាយការណ៍ថា ​ រឿង The Little Mermaid ក្លាយជាខ្សែភាពយន្តដែលរកចំណូលបានតិចបំផុត និងជារឿងដែលទទួលបានការ Rate អន់បំផុតក្នុងចំណោមខ្សែភាពយន្ត Disney ផ្សេងទៀត។

អ្នកដែលទស្សនារួចបានរិះគន់ឥតសំចៃពីគុណភាពនៃខ្សែភាពយន្តរឿង The Little Mermaid ថាបានបញ្ចូលនូវចម្រៀងយ៉ាងច្រើនលើសលុប បង្កឱ្យមានការធុញទ្រាន់។ ចំណែកតួឯកស្រីមិនសក្តិសមសូម្បីបន្តិចទៅនឹងតួព្រះនាង Ariel ។ មិនតែប៉ុណ្ណោះទស្សនិកជនរិះគន់ Disney ថា បានធ្វើការឃោសនាបំផ្លើសសាច់រឿង។

យ៉ាងណាមិញ ជុំវិញការរិះគន់ខាងលើ ទស្សនិកជនអន្តរជាតិបានប្រតិកម្មមិនពេញចិត្តថា ទស្សនិកជនកូរ៉េកំពុងបង្ហាញចេតនារើសអើងពូជសាសន៍ ចំពោះតារាសម្ដែង Halle Bailey ដែលជនជាតិស្បែកខ្មៅ៕

ប្រែសមម្រួល៖ សន្យា

ចុចអាន៖ កូរ៉េខាងត្បូងពង្រាយប៉ូលិសជាង ៦០០នាក់ ក្នុងព្រឹត្តិការណ៍ខួប ១០ឆ្នាំរបស់ BTS

ចុចអាន៖ អ្នកគាំទ្រជំរុញឱ្យ Matt ទាក់ទងនឹង Great ក្រោយឃើញពួកគេស្និទ្ធស្នាលគ្នាលើសពីមិត្ត

The post ភាពយន្ត The Little Mermaid បរាជ័យក្នុងការចាក់បញ្ចាំងនៅកូរ៉េ appeared first on Kampuchea Thmey Daily.

១. Frozen ២០១៣

តួអង្គសំខាន់ៗគឺម្ចាស់ក្សត្រី Elsa ដែលមានវេទមន្តទឹកកក និងព្រះនាង Anna ជាប្អូនស្រីបានរងគ្រោះដោយសារវេទមន្តធ្វើឲ្យកកបេះដូង ។ អ្នកគាំទ្រចង់មើលរឿងទម្រង់មនុស្សព្រោះវេទមន្តទឹកកកជាពិសេសតែម្ដង ។

២. Moana ២០១៦

Moana គឺជាកូនស្រីរបស់មេកោះ Motunui នាងបានផ្សងព្រេងលើមហាសមុទ្រដើម្បីស្វែងរក Maui ទៅដាក់បេះដូង Ta Fiti នៅកន្លែងដើមវិញ ។

៣. Brave ២០១២

Merida ជាព្រះនាងនៃ DunBroch នាងបដិសេធការរៀបអភិសេក ហើយក៏ជាព្រះនាងដំបូងបំផុតដែលគ្មានស្នេហា ។ ក្នុងដំណើររឿងមានទាក់ទងនឹងបណ្ដាសាសត្វខ្លាឃ្មុំ ដែលអ្នកគាំទ្រចង់ឃើញជាទិដ្ឋភាពពិតៗ ។

៤. Tangled ២០១០

បើព្រះនាង Rapunzel សម្ដែងដោយមនុស្សពិត ចំណុចដែលគួរឲ្យចាប់អារម្មណ៍បំផុតគឺសក់ដ៏វែងពណ៌មាសរបស់នាង និងប្រាសាទអាថ៌កំបាំងខ្ពស់ក្នុងព្រៃរបស់យាយធ្មប់ ។

៥. The Princess & The Frog ២០០៩

ចំណែកឯរឿងព្រះនាងកង្កែបវិញក៏មានមហាជនចាំគាំទ្រមិនតិចដែរ គេចង់ដឹងថាពេលនាងមានទំនាក់ទំនងជាមួយព្រះរាជបុត្រកង្កែបនឹងមានទិដ្ឋភាពប្លែកកម្រិតណា ។

សម្រាប់ឆ្នាំ ២០២៤ ផងដែរ Disney មានគម្រោងចេញរឿងមួយជាទម្រង់មនុស្សគឺ ព្រះនាងព្រិលស ប៉ុន្តែរងការរិះគន់ខ្លាំងដូចរឿងទេពមច្ឆាតូច ២០២៣ ព្រោះតួអង្គមនុស្សមានពណ៌សម្បុរមិនដូចតួអង្គតុក្កតា ៕

ប្រែសម្រួល ៖ វារី

ចុចអាន ៖ ក្រោយសម្ដែងភាពយន្តរបស់ Disney តារាស្រី ៤រូបនេះ ត្រូវគេចាត់ទុកជា “ព្រះនាង” ក្នុងជីវិតពិត

The post រឿងតុក្កតា Disney ទាំង ៥ ដែលអ្នកគាំទ្រចង់ឲ្យមានមនុស្សសម្ដែង appeared first on Kampuchea Thmey Daily.

១. Dole Whip

Dole Whip ជាប្រភេទការ៉េមរសជាតិម្នាស់មានលក្ខណៈទន់ល្មួតដែលណែនាំដោយ Dee Rolle មេចុងភៅប្រតិបត្តិនៅហាង The Edison ក្នុងDisney Springs ។

២. Poke Bowl

Poke Bowl ជាម្ហូបអាហារដែល Romina ចុងភៅ​ដុត​នំនៅហាង Space ២២០ ណែនាំ វាមានលក់ក្នុងស្តង់ហាវ៉ៃនៅ Epcot ។ នាងប្រាប់ថាម្ហូបនេះធ្វើពីត្រីធូណានិងម្នាស់ជាដើមទើបវាឆ្ងាញ់ប្លែកជាងគេ ហើយអ្នកគួរសាកអ្វីដែលថ្មីទោះបីម្ហូបនោះប្លែកយ៉ាងណាក៏ដោយ ។

៣. នំការ៉ុត

មួយវិញទៀត Romina បានណែនាំនំការ៉ុតនៅហាង Space ២២០ ដែលនាងធ្វើការផងដែរ នាងនិយាយថាមនុស្សជាច្រើនចូលចិត្តវាណាស់ ។

៤. នំក្រូច pistachio ប្រេងអូលីវ

នំនេះជាបង្អែមសំណព្វចិត្តរបស់ Romina ដែលមានរូបរាងស្រដៀងដុំថ្មក្នុងលំហ ហើយញ៉ាំទៅទំនងស្រដៀងអាចម៍ផ្កាយ ។

៥. សាច់ជ្រូកក្រៀម

អ្នកស្រី Dee និយាយថាសាច់ជ្រូកក្រៀមនៅហាង The Edison គឺជាម្ហូបមួយក្នុងចំណោមម្ហូបសំណព្វចិត្តរបស់គាត់ ព្រមទាំងត្រូវបានភ្ញៀវពេញចិត្តជាច្រើនទៀតផង ៕

ប្រែសម្រួល ៖ វារី

ចុចអាន ៖ អត្ថប្រយោជន៍មាស 24K ទាំង ១៩ ចំណុច មាននៅក្នុងម្ហូបអាហារ និងគ្រឿងសម្អាង

The post អាហារ ៥ មុខ ណែនាំឲ្យភ្លក់នៅសួនកម្សាន្ត Disneyland ដោយចុងភៅប្រចាំ  appeared first on Kampuchea Thmey Daily.

១. អតីតប្រធានាធិបតី Barack Obama

ក្នុងអំឡុងពេលយុទ្ធនាការឃោសនាបោះឆ្នោតឆ្នាំ ២០១៨ នៅទីក្រុង Anaheim រដ្ឋកាលីហ្វ័រញ៉ា លោក Obama បានរំឭកពីកាលដែលគាត់ត្រូវបណ្ដេញចេញពី Disneyland ក្នុងនាមជានិស្សិតនៅមហាវិទ្យាល័យ Occidental ដោយសារជក់បារីក្នុងសួន ។

២. តារាសម្ដែង Blake Lively

ក្នុងឆ្នាំ ២០០៩ Blake ប្រាប់ David Letterman ថាកាលពីនាងអាយុ ៦ ឆ្នាំនិងបងប្រុសឈ្មោះ Eric អាយុ ១២ ឆ្នាំត្រូវ Disneyland ពិន័យមិនឲ្យចូលមួយឆ្នាំពេញព្រោះពួកគេលួចចូលដោយមិនបង់ប្រាក់ ។

៣. តារាសម្ដែង Rebel Wilson

Rebel និយាយថានាងត្រូវ Disneyland ពិន័យមិនឲ្យចូលរយៈពេល ៣០ ថ្ងៃក្រោមមូលហេតុថតរូបក្នុងបន្ទប់ទឹកដែលខុសវិន័យរបស់សួន ។

៤. អ្នកចម្រៀង Bruce Springsteen

កាលពីឆ្នាំ ២០១៧ លោក Bruce និងក្រុមតន្ត្រីមានដំណើរកម្សាន្តទៅកាន់ Disneyland ប៉ុន្តែត្រូវគេដេញចេញមកវិញមកពីពួកគាត់មិនព្រមដោះកន្សែងចងក្បាលចេញ ។

៥. តារាម៉ូដែល Grace Jones

Grace បានហែកអាវរបស់ខ្លួនចេញ ខណៈពេលសម្តែងនៅ House of Blues ដែលមានទីតាំងនៅក្នុង Disneyland នាងត្រូវគេហាមមិនឲ្យចូលពេញមួយជីវិតមកពីមូលហេតុនេះឯង ៕

ប្រែសម្រួល ៖ វារី

ចុចអាន ៖ បុគ្គលល្បី ៥ រូប ធ្លាប់ត្រូវបណ្ដេញចេញពីការងារមុនទទួលជោគជ័យ

The post បុគ្គលល្បីលំដាប់ពិភពលោក ៥ រូប​ ធ្លាប់ខុសវិន័យនៅ Disneyland appeared first on Kampuchea Thmey Daily.

Emma Watson

Emma Watson ធ្លាប់​ធ្វើ​ឱ្យ​អ្នក​គាំទ្រវក់ចិត្តខ្លាំងនឹងស្រស់ដ៏ផូរផង់ កាលនាង​សម្ដែង​ជាតួ​ព្រះនាង Belle ក្នុង​រឿង Beauty and The Beast។ ខ្សែភាពយន្តនេះបានចេញផ្សាយកាលពីឆ្នាំ ២០១៧ ហើយបានរុញច្រានឱ្យតារាស្រីអាមេរិករូបនេះ ទទួលបានភាពជោគជ័យយ៉ាងត្រចះត្រចង់។ មិនថាភាពយន្តរឿង Beauty and The Beast បញ្ចប់ទៅច្រើនឆ្នាំហើយក្ដី បច្ចុប្បន្ន Emma Watson នៅ​តែទទួលបាន​ចាប់​អារម្មណ៍ពី​អ្នក​សារព័ត៌មាននានា គ្រប់​ការ​បង្ហាញ​ខ្លួនរបស់នាង។

Elle Fanning

តួនាទីរបស់ព្រះនាង Aurora ក្នុងរឿង Maleficent បានធ្វើឱ្យឈ្មោះរបស់ Elle Fanning ខ្ទរខ្ទារយ៉ាងឆាប់រហ័ស។ នាងធ្វើឱ្យទស្សនិកជនចងចាំមិនភ្លេចនូវទេពកោសល្យសម្ដែង និងសម្រស់ស្រស់ស្អាតប្រៀបបាននឹងព្រះនាងក្នុងព្រេងនិទានពិតៗ។

គ្រប់វត្តមានរបស់នាងទាំងនៅលើកញ្ចក់ទូរទស្សន៍ កម្មវិធីកម្រាលព្រំក្រហម និងសូម្បីរូបថតអត់ផាត់មុខនៅលើបណ្ដាញសង្គមផ្ទាល់ខ្លួនរបស់នាង សុទ្ធតែទទួលបានការកោតសរសើរមិនដាច់ពីមាត់ពីមហាជន។

Lily James

ព្រះនាង Cinderella ជាតួដែល Lily James បានយកឈ្នះបេះដូងទស្សនិកជនរាប់លាននាក់។ នាងជាតួស្រីដ៏ឥតខ្ចោះសម្រាប់តួព្រះនាងរូបនេះ ព្រោះតែទឹកមុខ និងរូបរាងនាង សម្ដែងឈុតណាក៏សក្តិសម​ និងទាក់ទាញបំផុត។

រីឯក្នុង​ជីវិត​ពិតវិញ ​ Lily James ​ក៏នៅតែទាក់ទាញទស្សនិកជនជាច្រើន មិនថានាងស្លៀកពាក់បែបណាឡើយ។

Naomi Scott

Naomi Scott ត្រូវបានផលិតកររបស់ Disney ជ្រើសរើសឱ្យដើរតួជាព្រះនាង Jasmine នៅក្នុង Aladdin ។ ដោយសារតារាស្រីរូបនេះ មានឈាមជ័រជាជនជាតិអាស៊ី និងអ៊ឺរ៉ុប ដូច្នេះហើយ ទើបនាងទទួលបានការចាប់អារម្មណ៍ពីសំណាក់អ្នកនិយមលេងអ៊ីនធឺណិត កាន់តែខ្លាំងឡើង ក្រោយសម្ដែងជា​ព្រះនាង​ Jasmine។

នៅក្នុងជីវិតពិត Naomi Scott ជាតារាស្រីដែលនិយមផ្លាស់ប្តូរស្ទីលតែងខ្លួនប្លែកៗគួរឱ្យចាប់អារម្មណ៍ ជាពិសេសមុខមាត់បែបអាស៊ីរបស់នាង ត្រូវគេចាត់ទុកជាស្រីស្អាតមួយរូបក្នុងពិភព Disney៕

ប្រែសម្រួល៖ សន្យា

ចុចអាន៖ ៣ មេរៀនជីវិតសំខាន់ៗពីភាពយន្តគំនូរជីវចលរបស់ Disney

The post ក្រោយសម្ដែងភាពយន្តរបស់ Disney តារាស្រី ៤រូបនេះ ត្រូវគេចាត់ទុកជា “ព្រះនាង” ក្នុងជីវិតពិត appeared first on Kampuchea Thmey Daily.

ប្រទេសនេះបានស្នើឱ្យក្រុមហ៊ុន Disney កាត់ចោលនូវឈុតឆាកដែលបង្ហាញអត្តសញ្ញាណរបស់ LGBTQ ពីខ្សែភាពយន្តកំពូលវីរបុរស Marvel ចុងក្រោយបង្អស់រឿង “Doctor Strange in the Multiverse of Madness” ដែលគ្រោងនឹងចេញផ្សាយនៅដើមខែឧសភា មុនពេលវាត្រូវបានចាក់បញ្ចាំងនៅទីនោះ។

ប៉ុន្តែរហូតមកដល់ពេលនេះ Disney បានបដិសេធចំពោះការកែសម្រួលដែលបានស្នើសុំ ហើយនៅតែរក្សាជំហរទុកឈុតឆាក ១២វិនាទីនោះដដែល។

នាយកគ្រប់គ្រងភាពយន្តបរទេសរបស់អារ៉ាប៊ីសាអូឌីត លោក Nawaf Alsabhan និយាយថា ការស្រឡាញ់ភេទដូចគ្នាគឺជាបទល្មើសនៅក្នុងប្រទេស ដែលត្រូវបានហាមប្រាមយ៉ាងតឹងរឹង។ ដូច្នេះការផ្សព្វផ្សាយពីការស្រឡាញ់ភេទដូចគ្នា មិនត្រូវបានអនុញ្ញាតឡើយ។ យ៉ាងណាក្ដីលោកថា ភាពយន្ត​នេះមិន​ត្រូវ​បាន​ហាមឃាត់​ទាំងស្រុងទេ ប្រសិនបើផលិតករព្រម​កែសម្រួលឈុតឆាកដែលខាងលោកបានស្នើសុំ។

គួរបញ្ជាក់ថា នេះមិនមែនជាលើកទីមួយទេដែលភាពយន្ត Marvel បង្កភាពចម្រូងចម្រាសនៅក្នុងប្រទេសអារ៉ាប៊ីសាអូឌីត ព្រោះថាកាលពីខែវិច្ឆិកាឆ្នាំមុន ភាពយន្តហូលីវូដរឿង “Eternals” ដែលបង្ហាញពីគូស្នេហ៍ស្រឡាញ់ភេទដូចគ្នា ក៏ធ្លាប់បានបដិសេធបញ្ចាំងនៅក្នុងប្រទេសមួយនេះដែរ៕

ប្រែសម្រួល៖ សន្យា

ចុចអាន៖ កូនប្រុស Beckham ប្រាប់ពីអាជីពដែលខ្លួនចង់សម្រេច មុនពេលយកកូន

The post អារ៉ាប៊ីសាអូឌីត ហាមបញ្ចាំងរឿង Doctor Strange ក្រោមហេតុផលដ៏រសើបមួយ appeared first on Kampuchea Thmey Daily.

ដូចគ្នាដែរ ភាពយន្តគំនូរជីវចល ៣ រឿងរបស់ Disney បាននាំមកនូវមេរៀនជីវិតសំខាន់ៗសម្រាប់ត្រិះរិះ និងអាចយកទៅអនុវត្តលើការរស់នៅបាន។

តើជាមេរៀនអ្វីខ្លះ? ចង់ដឹង? តោះ! ​អាន!

“សម្រស់ស្អាតពិត បានមកពីចិត្តនិងបេះដូងបរិសុទ្ធ”​ -រឿង Beauty and the Beast

តួអង្គ Belle បង្រៀនយើងកុំឲ្យវិនិច្ឆ័យពីចរិតរបស់នរណាម្នាក់ដោយផ្អែកលើតែរូបរាងខាងក្រៅរបស់គេ។ ប្រសិនបើយើងចង់វិនិច្ឆ័យនរណាម្នាក់ យើងគួរតែចំណាយពេលមើលគេឲ្យយូរបន្តិចដែរ។

នាង Belle មិនរើសអើងសត្វចម្លែកនោះទេ ប៉ុន្តែនាងព្យាយាមយល់ពីគេ ទោះបីជាគេមានរូបរាងមិនស្អាតសង្ហារក៏ដោយ។ ​ទីបំផុត ពួកគេបានរស់នៅជាមួយគ្នាពោរពេញដោយសុភមង្គល ព្រមទាំងអាចដកពាក្យបណ្តាសាចេញបាន នេះក៏ព្រោះតែ Belle មិនមែនស្រឡាញ់សត្វចម្លែកដោយសារសម្រស់របស់គេនោះឯង។

“បន្ដក្ដីសុបិន្តជាមួយភាពជឿជាក់ បើទោះជាឆ្លងកាត់រឿងលំបាកយ៉ាងណាក៏ដោយ” -រឿង Cinderella

មិនថា ជួបទុក្ខវេទនាប៉ុណ្ណា ប្រសិនបើនៅតែបន្តជឿលើក្តីសុបិនដែលខ្លួនប្រាថ្នា នោះវានឹងក្លាយជាការពិត។ នេះជាសម្ដីរបស់តួអង្គ Cinderella។

ក្នុងចំណោមព្រះនាង Disney ទាំងអស់ គ្មានតួអង្គណាម្នាក់មានក្តីសង្ឃឹម និងការប្តេជ្ញាចិត្តខ្ពស់ដើម្បីសម្រេចបំណងប្រាថ្នា រហូតទទួលធ្វើឲ្យក្តីសុបិនក្លាយជាការពិតដូច Cinderella ទេ។ នាងមិនដែលឈប់សុបិនឬជឿលើខ្លួនឯងសោះឡើយ ហើយតែងតែព្យាយាមជម្នះឧបសគ្គដើម្បីបានលស្បែកជើងកែវ ក៏ដូចជារកគ្រប់វិធីដើម្បីចូលវាំង។ ចុងក្រោយ Cinderella អាចជួបព្រះអម្ចាស់ដូចប្រាថ្នា និងរស់នៅដោយសុខសាន្ត។

“កុំភ្លេចថាខ្លួនជានរណា ហើយមកពីណា” – រឿង The Lion King

កាលពីស្ដេចតោ Mufasa នៅរស់ គាត់តែងតែប្រាប់កូនប្រុស Simba ថា “កូនប្រុសអស្ចារ្យជាងអ្វីដែលកូនអាចធ្វើបានទៅទៀត” ។

ខណៈឪពុកមារបញ្ឆោត Simba ថាគេជាអ្នកសម្លាប់ឪពុករបស់ខ្លួន ពេលនោះធ្វើឲ្យគេខ្លាចរអាក្នុងការប្រឈមជាមួយគ្រប់គ្នា រួចក៏រត់ទៅស្រុកឆ្ងាយ និងមិនហ៊ានត្រឡប់ចូលទឹកដីខ្លួនវិញ។

ក្រោយមក គេរឭកនឹកដល់ពាក្យអ្នកមានគុណតែងតែទូន្មានកាលពីគាត់នៅរស់ថា គេជាបុគ្គលអស្ចារ្យ ទើបពេលនោះ Simba ត្រឡប់ទៅទឹកដីកំណើត ប្រឹងតស៊ូជាមួយក្រុមចចក​រហូតឈ្នះទាំងដែលបក្សពួករបស់គេមានគ្នាតិចជាងសត្រូវ។

ចុងក្រោយ Simba ក្លាយជាអ្នកស្នងរាជ្យបន្ទាប់ឪពុក ព្រោះតែគេចងចាំជានិច្ចថា ខ្លួនមិនមែនជាកូនតោធម្មតា តែជាស្ដេចតោដែលត្រូវមើលថែពលរដ្ឋនិងទឹកដីរបស់ខ្លួន៕

ប្រែសម្រួល៖ សន្យា

ប្រភព៖ ITM

ចុចអាន៖ មេរៀន​ជីវិត​សំខាន់ៗ ៤ ដែលគ្រប់គ្នា​អាចរៀន​ពីភាពយន្ត Kung Fu Panda

ចុចអាន៖ មេរៀនជីវិតទាំង ៥ ដែលអាចរៀនពីភាពយន្តរឿង “Mulan”

The post ៣ មេរៀនជីវិតសំខាន់ៗពីភាពយន្តគំនូរជីវចលរបស់ Disney appeared first on Kampuchea Thmey Daily.