តាមការកត់សម្គាល់តារាចម្រៀងឌីជេ ក្តិប គេសង្កេត ឃើញថា ក្រោយដាក់ខ្លួនប្រឡូក ក្នុងវីថីសិល្ប:ជាថ្មីលោកហាក់ស្តារបានប្រជាប្រិយភាពនិងកាគាំទ្រច្រើ នគួសមខណ:លោកក៏បានដាក់ក្តីរំពឹងថាអាជីពមួយនេះអាចជួយលោកឲ្យល្បីដូចមុនទៀតផង។

ទោះបីយ៉ាងណាទន្ទឹមគ្នាដែលអាជីពសិល្ប:កំពុងមា នទីផ្សាឡើងវិញតារាចម្រៀង ក្តិប បានចេញមករំលឹ ករឿងធ្លាប់គេដេញ ចុះពីលើឆាកពេលកំពុងច្រៀង។ ឌីជេ ក្តិប បានឱ្យដឹងថា បងប្អូនធ្លាប់ច្រៀងសុខៗ គេដេញចុះពីលើឆាកចម្រៀងអត់….?។

លោកបញ្ជាក់ថា “បើសម្រាប់ខ្ញុំគឺធ្លាប់នឹកដល់កាលហ្នឹងខ្ញុំច្រៀងបទសុរា “មិនបាន១នាទីផង ក៏មានអ្នកមានលុយម្នាក់គាត់បានដើរមកមុខឆាក ហើយចង្អុលមុខខ្ញុំដោយស្រែកថា ចុះមកចុះមកភ្លាមឈប់ច្រៀងភ្លាមកាលនោះខ្ញុំពិតជាចង់យំណាស់ព្រោះជីវិតកំពុងតែពោលពេញទៅដោយការលំបាកស្រាប់ហើយ បែរជាមកត្រូវជួបការមើលងាយបែបហ្នឹងទៀតតែក៏មិនថ្វីដែរព្រោះគាត់ឲ្យលុយខ្ញុំ២០០ដុល្លារដែរ” ។

ក្តិប និយាយបន្តទៀតថា រឿងហ្នឹងគឺវាអញ្ចេះបងប្អូន! ពេលហ្នឹងលោកច្រៀងបទ សុរា ហើយគាត់ស្ដាប់អត់បានចំពេលគាត់ស្រវឹងផង ឮតែ (ផឹកឱ្យថោកគឺថោក ផឹកឱ្យថ្លៃគឺថ្លៃ) គាត់ខឹងក៏ហៅលោកចុះក្រោមឱ្យធីប ២០០ដុល្លារឱ្យឈប់ច្រៀងហើយលោកក៏ឈប់ច្រៀងតាមគាត់ស្នើសុំទៅ ព្រោះបានលុយហើយ។ លោកបន្ថែមថា លោកក៏អគុណដល់ខ្លួនឯងដែលបានប្រឹងប្រែងផ្ដល់កិត្តិយសឱ្យខ្លួនឯងបានសារជាថ្មីម្ដងទៀតប្រកបដោយស្នាមញញឹម៕ ដោយ: ចាន់រ៉ា

The post ព្រោះតែច្រៀងបទ”សុរ៉ា”ឌីជេ ក្តិប ត្រូវបានគេដេញចុះពីលើឆាក appeared first on Kampuchea Thmey Daily.

ជាទូទៅ ឌីជេ ក្តិប តែងតែត្រូវបានគេស្គាល់ថា ជាតារាចម្រៀងបែប Hip Hop និងបទរាំសប្បាយៗ ស្របតាមចំណង់ចំណូលចិត្តយុវវ័យ។ តែនៅពេលនេះ លោកបានប្តូរអារម្មណ៍អ្នកស្តាប់ តាមរយៈបទចម្រៀងចង្វាក់រាំវង់ប្រពៃណីជាតិវិញ ខណៈមិនត្រឹមជាការបង្ហាញថ្មី តែក៏ជាការប្តេជ្ញាចិត្តក្នុងការចូលរួមលើកតម្លៃវប្បធម៌ជាតិផងដែរ។

តាមការបញ្ជាក់ ស្នាដៃបទចម្រៀងថ្មី ចំណងជើង “រាំវង់ខេមរា” គឺជាការច្រៀងរួមជាមួយតារាពហុជំនាញ ខាត់ សុខឃីម គឺបញ្ចូលទាំងអត្ថន័យស្នេហាជាតិ និងអារម្មណ៍រីករាយតាមបែបប្រពៃណី សមស្របសម្រាប់ឱកាសបុណ្យចូលឆ្នាំខ្មែរ ដែលកំពុងខិតជិតមកដល់។

ឌីជេ ក្តិប សារភាពដែរថា ការបង្កើតបទចម្រៀងប្រភេទនេះ មិនមែនជាជម្រើសដែលងាយនឹងទទួលបានភាពល្បីល្បាញឡើយ ព្រោះមិនសូវសមស្របនឹងទិសដៅទីផ្សារបច្ចុប្បន្ន។ តែទោះយ៉ាងណា គោលបំណងសំខាន់នៃការផលិតចម្រៀងមួយបទនេះ គឺការបង្ហាញការគោរពចំពោះអត្តសញ្ញាណវប្បធម៌ និងសិល្បៈដូនតាខ្មែរ។

លោកលើកឡើងដែរថា “ខ្ញុំដឹងថា រាំវង់មិនមែនជាប្រភេទបទដែលងាយល្បីទេ ប៉ុន្តែវាជាផ្នែកមួយនៃអត្តសញ្ញាណខ្មែរ ដែលយើងគួរតែរក្សា និងបន្តឱ្យជំនាន់ក្រោយ។ ការធ្វើបទនេះ គ្រាន់តែចង់ឱ្យបងប្អូនមានអ្វីស្តាប់ និងរាំកម្សាន្តក្នុងឱកាសបុណ្យជាតិ”។

គួរបញ្ជាក់ថា ទោះជាការចាប់ផ្តើមនេះ មិនមានការរំពឹងខ្ពស់ពីភាពជោគជ័យក៏ដោយ ឌីជេ ក្តិប នៅតែបន្តបង្ហាញចក្ខុវិស័យថា សិល្បៈមិនមែនមានតម្លៃត្រឹមតែការល្បីល្បាញប៉ុណ្ណោះទេ ប៉ុន្តែមានតួនាទីសំខាន់ក្នុងការរក្សា និងលើកតម្លៃអត្តសញ្ញាណជាតិផងដែរ៕

ដោយ៖ ចាន់រ៉ា

The post ពីរ៉េបមករាំវង់! DJ Kdep ផ្លាស់រសនិយមតន្ត្រី ៣៦០ដឺក្រេ ដើម្បីរួមចំណែករក្សាតម្លៃអត្តសញ្ញាណវប្បធម៌ខ្មែរ appeared first on Kampuchea Thmey Daily.

លោក ចាន់ សំណាង ឬឌីជេ ក្តិប កន្លងមកធ្លាប់អះបអាងឆន្ទ:ថា ទោះបីលោកធ្លាក់ខ្លួនក្រលំបាកយ៉ាងណាគឺដាច់ខាតមិនលើកដៃសំពះ អំពាវនាវសុំជំនួយពីសប្បុរសជនឡើយ ប៉ុន្តែអ្វីដែលលោកគួរធ្វើគឺលើកដៃសំពះសុំការងារធ្វើគ្រប់ទីកន្លែងរហូតមានការងារធ្វើ ខណ:បច្ចុប្បន្នលោកបានលេចមុខជាថ្មីលើវិថីសិល្ប:ឡើងវិញ។

ជាថ្មីម្តងទៀត ឌីជេ ក្តិប សង្កត់ធ្ងន់ថា មុនចង់ឱ្យគេជួយ ត្រូវជួយខ្លួនឯងសិន ពោលមានដៃ២ ជើង២ អាចទៅធ្វើសំណង់បាន ឬក៏អាចដើរសុំគេច្រៀងបាន មិនមែនរស់រំពឹងជំនួយគ្រប់ពេលនោះឡើយ។

តារាចម្រៀងរូបនេះ ដាស់តឿនដែរថា កុំអាងគេជួយស្រួលៗបានលុយស្រាប់ៗ ព្រោះអី្វគ្មានអ្នកណាល្ងង់ចាំជួយមនុស្សចរិកថោកទៀតនោះទេ។ រឿងលុយគេអាចជួយបានម្ដង ឬ ២ដង តែមិនអាចជួយរហូតទេ ដូចនេះខ្លួនត្រូវទីពឹងខ្លួនជាចម្បង។

កន្លងទៅ តារាចម្រៀងរ៉េបឌីជេក្តិប ខណ:ដែលបច្ចុប្បន្នកំពុងទទួលបានប្រជាប្រិយភាពលើវិថីសិល្បៈឡើងវិញបណ្តើរៗ ដែលជាឱកាសសម្រាប់សាងកេរ្តិ៍ឈ្មោះល្បីដូចមុននោះ លោកតែងរម្លឹកដល់អតីតកាលរបស់ខ្លួនធ្លាប់ដើរផ្លូវខុសលង់ខ្លួនក្នុងការប្រើប្រាស់គ្រឿងញៀនផងដែរ និងផ្តាំអ្នកជំនាន់ក្រោយឱ្យចៀសឆ្ងាយពីគ្រឿងញៀន៕ ដោយ: ចាន់រ៉ា

The post ឌីជេ ក្តិប ដាស់តឿនអ្នកសិល្ប:មួយចំនួន មុនចង់ឱ្យគេជួយ ត្រូវជួយខ្លួនឯងសិន appeared first on Kampuchea Thmey Daily.

តាមរយៈទំព័រហ្វេសប៊ុកផ្លូវការផលិតកម្មបារមី បានបង្ហាញការស្វាគមន៍យ៉ាងកក់ក្តៅចំពោះវត្តមាន DJ Kdep ដោយចាត់ទុកលោកជាស្ថាបនិកវិស័យហុីបហប (The Legendary DJ Kdep)។

បើតាមការបញ្ជាក់ DJ Kdep ចូលរួមជា Judge មួយរូបក្នុងចំណោម Judge ទាំង ៣ របស់កម្មវិធី។ DJ Kdep ជាសិល្បកររៀមច្បង ដែលត្រូវបានទស្សនិកជនគ្រប់វ័យទទួលស្គាល់ថា គាត់ជាបិតាស្ថាបនិកម្នាក់នៃចលនាតន្ត្រីហ៊ីបហបរបស់ប្រទេសកម្ពុជា។ បារមី គូសបញ្ជាក់ទតថា ផលិតកម្មពិតជារំភើបដែលមានសិល្បកររៀមច្បង ចូលរួមជាមួយគ្នា ហើយរំពឹងថា លោកនឹងនាំំយកចក្ខុវិស័យ ក៏ដូចជាបទពិសោធជាច្រើនឆ្នាំក្នុងស្រុក មកបង្ហាញ បង្រៀន ដើម្បីត្រួសត្រាយផ្លូវដល់អ្នកជំនាន់ក្រោយ។

គួររំលឹកថា កម្មវិធីប្រឡងចម្រៀងរ៉េបថ្មីនេះ ធ្វើឡើងតាមការសន្យារបស់់ផលិតកម្មបារមី ដោយផលិតកម្មវិធីប្រឡង Rapper ថ្មីមួយជារបស់ខ្មែរ ពោលគឺក្រោយការប្រកាសលែងបន្តផលិតជាមួយកម្មវិធីប្រឡងចម្រៀងរ៉េបដ៏មានប្រជាប្រិយ ‘‘The Rapper’’ ដែលមានប្រភពចេញពីប្រទេសថៃ។

ប្រមាណជាង ២ខែកក្រោយការសន្យា ពោលគឺនៅថ្ងៃព្រហស្បតិ៍ទី២៥ ខែកញ្ញា ផលិតកម្មបារមី និងភ្លើងគប់ ក៏បានប្រកាសនិមិត្តសញ្ញាកម្មវិធីប្រឡងចម្រៀងរ៉េបថ្មីមួយនេះ ដោយចាត់ទុកថា ជាអត្តសញ្ញាណនៃជំពូកថ្មីមួយសម្រាប់តន្ត្រីនៅព្រះរាជាណាចក្រកម្ពុជា។ ខណៈ ផលិតកម្មបានចាត់ទុក “The Next Level: Rapstar” ជាកម្មវិធីទូរទស្សន៍ខ្មែរមួយដែលយុវជនខ្មែរទាំងអស់គ្នាគួរតែមានមោទនភាព ហើយនេះមិនមែនគ្រាន់តែជាការប្រលងប្រកួតប្រជែងចម្រៀងរ៉េបទេ គឺជាដំណើរឆ្ពោះទៅមុខដើម្បីសម្រេចក្តីស្រមៃ។

ប្រភពដដែលបន្ថែមដែរថា និមិត្តសញ្ញានៃកម្មវិធីនេះ ក៏តំណាងឱ្យការធ្វើដំណើរក្នុងវិស័យតន្ត្រី HipHop ដែលបេក្ខជនម្នាក់ៗត្រូវអភិវឌ្ឍដុះខាត់សមត្ថភាពខ្លួន ពីមួយវគ្គទៅមួយវគ្គមុននឹងអាចឡើងបានគ្រប់កាំ រហូតបានក្លាយទៅជា RAPSTAR មួយដួង។ ខណៈកម្មវិធីនឹងក្លាយជាស្ពានសម្រាប់សិល្បករជំនាន់ក្រោយដែលមានទេពកោសល្យពិតប្រាកដ។

គួរជម្រាបថា “The Next Level: Rapstar” កម្មវិធីប្រឡងចម្រៀងរ៉េបថ្មីមួយ ផលិតដោយ Baramey Production និង ភ្លើងគប់ (PlerngKob) និងទទួលបានការឧបត្ថម្ភធំពីដៃគូសហការផ្សេងទៀតផងដែរ។ ដោយឡែក ចំពោះពេលវេលាជាក់លាក់នៃដំណើរការកម្មវិធីនេះ ផលិតកម្មបារមី មិនទាន់បញ្ជាក់ឱ្យដឹងនៅឡើយទេ៕

The post DJ Kdep ក្លាយជា Judge កម្មវិធីប្រកួត Rapper ដំបូងរបស់បារមី “THE NEXT LEVEL: RAPSTAR” appeared first on Kampuchea Thmey Daily.

កាលពីថ្មីៗនេះឌីជេ ក្តិប បានលើកឡើងដែរ តាមរយ:ការយល់ឃើញថា ឈានមកដល់សម័យនៃវិស័យចម្រៀងតន្រ្តីចង្វាក់Hip Hop កំពុងមានតែមានការប្រកួតប្រជែងនៅលើទីផ្សាចម្រៀងនាបច្ចុប្បន្ន បើទោះបីចង់ហាមឃាត់ក៏ពិបាកឃាត់ដែរ។

ឌីជេ ក្តិប បាននិយាយជាថ្មីថា អ្វីៗតែងតែផ្លាស់ប្ដូរទៅតាមសម័យកាល ហើយនេះ គឺជាយុគសម័យនៃតន្រ្តីចង្វាក់ Hip Hop របស់ប្អូនៗក្មេងជំនាន់ក្រោយហើយ អុីចឹងបើចង់ធ្វើជាគំរូឬក៏ចង់ឱ្យប្អូនៗក្មេងៗជំនាន់ក្រោយគោរពឱ្យតម្លៃគឺសូមព្យាយាមរក្សានូវកិត្តិយសរបស់ខ្លួនឯងដោយការមិនចេះដឹង ឬក៏និយាយនូវរឿងអ្វីដែលមិនមែនជាចំណេះជំនាញរបស់ខ្លួនយើងឱ្យបានល្អបំផុតទៅគឺបានហើយ។

លោកថា “អ្នកត្រូវចាំថាតម្លៃរបស់អ្នកនឹងកាន់តែបាត់បង់នៅពេលណាដែលអ្នកមិនចេះគ្រប់គ្រាន់។ ដឹងអត់ថាប្អូនៗក្មេងៗជំនាន់នេះ ពួកគាត់មានការយល់ដឹងក៏ដូចជាបានសិក្សាក្រេបយកនូវចំណេះដឹងសកលច្រើនជាងពួកយើងដែលមិនសូវបានរៀនច្រើនក្នុងសាលាអ៊ីចឹង គួរតែព្យាយាមរៀនបើកបេះដូងទទួលយកការពិតខ្លះទៅ”។

គួររម្លឹកដែរថាថ្មីៗនេះ តារាចម្រៀងរ៉េបលោក ចាន់ សំណាង ហៅឌីជេ ក្តិប បានបញ្ជាក់ថា “អ្វីសំខាន់សូមផ្ដាំទៅអ្នកចម្រៀងផង កុំចេះលូកមាត់ចេះដឹងរឿងរបស់អ្នក Rap ប្រយ័ត្នអ្នក Rap ដាក់ឱ្យល្បីឈ្មោះក្នុងបទចម្រៀងតកូនតចៅទៅគ្រាន់តែប្រាប់យកបុណ្យទេ”៕ អត្ថបទ៖ ចាន់រ៉ា

The post ឌីជេ ក្តិប ថា បើចង់ធ្វើជាគំរូ ឬចង់ឱ្យក្មេងជំនាន់ក្រោយគោរព គួរយល់សម័យនៃតន្រ្តីចង្វាក់ Hip Hop appeared first on Kampuchea Thmey Daily.

ដោយសង្កេតឃើញមួយរយ:ចុងក្រោយនេះ មានតារាចម្រៀងខ្មែរមួយចំនួនបានធ្វើការតែងនិពន្ធច្រៀងបទចម្រៀង ឬស្នាដៃសិល្បៈដែលមានខ្លឹមសារគ្រោតគ្រាត អសុរោះ មិនសមរម្យមានលក្ខណ:ឌឺដងគ្នា ក្រសួងវប្បធម៌ឱ្យញ្ឈប់ជាបន្ទាន់និងលុបចោលនូវរាល់ស្នាដៃអវិជ្ជមានដែលបង្ហោះផ្សព្វផ្សាយក្នុងបណ្តាញសង្គមនាពេលកន្លងមក។

យ៉ាងណា ស្របពេលដែលវិស័យតន្រ្តីចង្វាក់ Hip Hop កំពុងមានការប្រកួតប្រជែង ឌីជេ ក្តិប បានលើកឡើងពីទស្សន:របស់ខ្លួនថា នេះជាយុគសម័យនៃតន្រ្តីចង្វាក់ Hip Hop ទោះចង់ឃាត់ក៏ឃាត់មិនឈ្នះដែរ (សូមទានជ្រាប)។

តារាចម្រៀងរ៉េបលោក ចាន់ សំណាង ហៅឌីជេ ក្តិប បានបញ្ជាក់ទៀតថា អ្វីសំខាន់សូមផ្ដាំទៅអ្នកចម្រៀងផង កុំចេះលូកមាត់ចេះដឹងរឿងរបស់អ្នក Rap ប្រយ័ត្នអ្នក Rap ដាក់ឱ្យល្បីឈ្មោះក្នុងបទចម្រៀងតកូនតចៅទៅ (គ្រាន់តែប្រាប់យកបុណ្យទេ)។ ការលើកឡើងរបស់ឌីជេ ក្តិប ខាងលើនេះ គេមិនដឹងទេថាលោកចង់សំដៅអ្វីឱ្យប្រាកដឡើយ។

គួរបញ្ជាក់ថា តារាចម្រៀងរ៉េបលោក ចាន់ សំណាង ហៅឌីជេ ក្តិប ទោះកន្លងមកហាក់ឃ្លាតឆ្ងាយពីវិស័យសិល្ប: ប៉ុន្តែមួយរយ:ចុងក្រោយនេះ លោកបានវិលចាប់ផ្តើមជីវិតអាជីពសិល្ប:ឡើងវិញ ជាក្តីរំពឹងក្រសោបបានមកវិញនូវការគាំទ្រពីទស្សនិកជន។ចំណែកឯអ្នកគាំទ្រវិញនៅតែងបង្ហាញបំណងចង់ឃើញលោកចេញបទចម្រៀងស្នាដៃថ្មីៗដើម្បីបម្រើអារម្មណ៍ទស្សនិកជន៕ អត្ថបទ៖ ចាន់រ៉ា

The post ឌីជេ ក្តិប យល់ថា យុគសម័យនៃតន្រ្តីចង្វាក់ Hip Hop ទោះចង់ឃាត់ក៏ឃាត់មិនឈ្នះដែរ appeared first on Kampuchea Thmey Daily.

តាមរយៈបណ្តាញទំនាក់ទំនងសង្គមផ្ទាល់ខ្លួន DJ Kdep បានលើកឡើងថា គ្មានអីពិបាកទេ ក្នុងការកម្ចាត់ក្រុមអ្នកបំពុលសង្គម។ បើរាល់ផលិតផលណាដែលធ្វើទីផ្សារថោកទាប យកបុគ្គលមិនគ្រប់ទឹកឆ្កួតៗយកមកបំពុលសង្គម សាធារណជនគ្រាន់តែបញ្ឈប់ការគាំទ្រ និងទិញប្រើប្រាស់ទៅ គឺវាចប់ហើយ។

ក្នុងន័យនេះ លោកទំនងជាសំដៅដល់ការធ្វើទីផ្សារនានា ដែលនិយមផ្សព្វផ្សាយផលិតផល ឬរបររកទទួលទានរបស់ខ្លួន បែបមិនសមរម្យ ខណៈកន្លងមក ក៏តែងឃើញមានការធ្វើទីផ្សារ ដោយយកមនុស្សមានបញ្ហាសតិអារម្មណ៍មកធ្វើទីផ្សារផងដែរ។ ក្រៅពីនេះ ក៏នៅមានសកម្មភាពបំពុលសង្គមមួយចំនួនទៀត ដូចជាការប្រើរូបភាពមិនសមរម្យ និងបង្កើតរឿងរ៉ាវជម្លោះដើម្បីធ្វើទីផ្សារជាដើម។

ដោយមើលឃើញពីសកម្មភាពនៃការធ្វើទីផ្សារបែបនេះជារឿយ ទើប DJ Kdep បង្ហាញបំណងចង់ឱ្យមហាជនរួមគ្នាលុបបំបាត់សកម្មភាពទាំងនេះឱ្យអស់ពីសង្គម តាមរយៈការណែនាំឱ្យសាធារណជនកុំបន្តគាំទ្រ៕ អត្ថបទ៖ សុធាវី

The post DJ Kdep ថា ឱ្យតែឈប់គាំទ្រ​ការធ្វើទីផ្សារបែបបំពុលសង្គម គឺលែងមានក្រុមអ្នកបំពុលសង្គមហើយ appeared first on Kampuchea Thmey Daily.

គួរជម្រាបថា ថ្មីៗនេះ ឌីជេល្បីឈ្មោះ ក្លិប បានចេញសារជាបន្តបន្ទាប់ ក្រោយផ្តើមរះលើវិថីសិល្បៈជាថ្មី ដែលហាក់បង្ហាញអារម្មណ៍ខកចិត្តលើទស្សនៈបុគ្គលណាមកលើរូបលោក។ តួយ៉ាង កាលពីប៉ុន្មានខែមុន លោកធ្លាប់លើកឡើងលើបុគ្គល ដែលបានចោទលោកថា បានល្បីធ្វើមិនស្គាល់ផងដែរ។

គួររម្លឹកថា ស្របពេលដែលជីវិតបានប្រសើរឡើងវិញក្នុងអាជីពចាស់ (សិល្ប:) ដែលធ្លាប់សាងឡើងរយ:ពេលច្រើនឆ្នាំមកនោះ តារាចម្រៀងរ៉េបឌីជេ ក្តិប តាមរយៈសំណេរកាលម្សិលមិញនេះ បានបញ្ជាក់ថា លោកបានចាប់ផ្តើមកាន់ស្លាបប៉ាកកាសរសេរ និងតាក់តែងនិពន្ធក្រោយមានឱកាសកែប្រែនូវទោសកំហុសរបស់ខ្លួន។

ជាមួយគ្នានៃការចាប់កាន់ស្លាបប៉ាកកាសរសេរ និងតាក់តែងនិពន្ធជាថ្មីនេះ លោកបានសម្រេចជ្រើសរើសយកសត្វមេអំបៅ ដើម្បីតំណាងឲ្យចុងស្លាបប៉ាការបស់ខ្លួនជំនួសសត្វឥន្រ្ទីទៀតផង។ ឌីជេ ក្តិប បច្ចុប្បន្នលោកកំពុងស្តារប្រជាប្រិយភាព និងការគាំទ្រច្រើនគួសម ខណ:លោកក៏បានដាក់ក្តីរំពឹងថាអាជីពមួយនេះអាចជួយស្រោចស្រង់លោកឲ្យល្បីខ្លាំងដូចមុន។

ទោះបីយ៉ាងណាបន្ទាប់ពីលេចវត្តមានលើវិថីចាស់ជាថ្មីឌីជេរ ក្តិប បានឲ្យដឹងថាក្នុងនាមជាក្មេងស្រលាញ់ការតែងនិពន្ធមួយរូប លោកគួរណាស់តែជ្រើសរើសយកសត្វឥន្រ្ទីដើម្បីតំណាងឲ្យសិទ្ធិសេរីភាពនៅក្នុងការសរសេរ ស្មេរ និងតាក់តែងនិពន្ធរបស់ខ្លួន។ ប៉ុន្តែក្រោយពេលមានឱកាសកែប្រែនូវទោសកំហុសរបស់ខ្លួន លោកបានសម្រេចចិត្តជ្រើសរើសយកសត្វមេអំបៅដើម្បីតំណាងឲ្យចុងស្លាបប៉ាកការបស់ខ្លួនវិញ៕

The post DJ Kdep ថា ២០ឆ្នាំមកនេះ លោកគ្មានប្រវត្តិតាមសុំអ្នកចម្រៀង ឲ្យច្រៀងលើស្នាដៃលោកឡើយ appeared first on Kampuchea Thmey Daily.