បើតាមលោក អ៊ុង ប៊ុនអ៊ី ប្រធានដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) ការចងក្រងផលិតសៀវភៅជំនួយនេះឡើង គឺដោយសារការកើនឡើងនៃព័ត៌មានក្លែងក្លាយ ជាពិសេសព័ត៌មានមិនពិតទាក់ទងទៅនឹងបញ្ហាអាកាសធាតុ កំពុងគំរាមកំហែងដល់ការសម្រេចចិត្តជាមូលដ្ឋាន និងធ្វើឱ្យទំនុកចិត្តមកលើសារព័ត៌មានមានការធ្លាក់ចុះ។ លោក បន្តថា នៅកម្ពុជា ការរាយការណ៍ព័ត៌មានអំពីវិទ្យាសាស្រ្តអាកាសធាតុនៅមានកម្រិតទាបនៅឡើយ ដោយសារការយល់ដឹងរបស់អ្នកសារព័ត៌មានទៅលើប្រធានបទនេះនៅមានកម្រិត ដែលធ្វើឱ្យពួកគេងាយនឹងរងគ្រោះដោយសារព័ត៌មានខុស និងព័ត៌មានមិនពិត។

ការណ៍នេះ ទើបដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) នៃសាកលវិទ្យាល័យភូមិន្ទភ្នំពេញ ក្រោមការសហការជាមួយអង្គការយូណេស្កូ បានរៀបចំនូវសៀវភៅជំនួយសម្រាប់ការបណ្តុះបណ្តាលស្តីពីអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន៖ ការប្រឆាំងនឹងព័ត៌មានមិនពិត និងការរាយការណ៍អំពីបម្រែបម្រួលអាកាសធាតុ។ លោក អ៊ុង ប៊ុនអ៊ី បានបញ្ជាក់ថា សៀវភៅនេះ មាន ៦ជំពូក ដែលផ្ដោតទៅលើចំណេះដឹងជាមូលដ្ឋានពាក់ព័ន្ធបម្រែបម្រួលអាកាសធាតុ ព័ត៌មានច្របូកច្របល់ ជំនាញរាយការណ៍ព័ត៌មានអំពីបម្រែបម្រួលអាកាសធាតុ អក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន ក៏ដូចជាជំនាញពាក់ព័ន្ធនឹងព័ត៌មានផ្សេងទៀត។

មុនពេលដាក់ឱ្យប្រើប្រាស់ជាផ្លូវការ សៀវភៅជំនួយនេះ ត្រូវឆ្លងកាត់សិក្ខាសាលាផ្ទៀងផ្ទាត់ដែលចូលរួមដោយភាគីពាក់ព័ន្ធនានា ដើម្បីធានានូវគុណភាព និងប្រសិទ្ធិភាពរបស់វា។ សិក្ខាសាលាផ្ទៀងផ្ទាត់នេះ បានប្រព្រឹត្តទៅនៅថ្ងៃទី១២ ខែកុម្ភៈ ឆ្នាំ២០២៥ ដោយបានប្រមូលផ្តុំនូវមតិយោបល់ពីភាគីពាក់ព័ន្ធសំខាន់ៗ រួមមានតំណាងពីក្រសួងព័ត៌មាន ក្រសួងប្រៃសណីយ៍ និងទូរគមនាគមន៍ ក្រសួងអប់រំ យុវជន និងកីឡា ក្រសួងបរិស្ថាន អង្គការយូណេស្កូ ព្រមទាំងស្ថាប័នធ្វើការងារផ្នែកបរិស្ថាន និងបម្រែបម្រួលអាកាសធាតុ និងស្ថាប័នប្រព័ន្ធផ្សព្វផ្សាយនានា។

ប្រធានដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) បានដាក់ក្ដីរំពឹងថា នៅពេលសៀវភៅជំនួយនេះដាក់ឱ្យប្រើ នឹងក្លាយទៅជាធនធានដ៏សំខាន់ ដើម្បីពង្រឹងសមត្ថភាពអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន របស់អ្នកធ្វើការងារផ្នែកប្រព័ន្ធផ្សព្វផ្សាយនៅកម្ពុជា ក្នុងការរាយការណ៍ទាក់ទងនឹងបម្រែបម្រួលអាកាសធាតុ៕

The post DMC គ្រោងដាក់ឱ្យប្រើសៀវភៅជំនួយការបណ្ដុះបណ្ដាលអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន appeared first on Kampuchea Thmey Daily.

ម្ចាស់ជ័យលាភីលេខ១ បានទៅលើកញ្ញា ម៉ៅ ស្រីពេជ្រ លើស្នាដៃជាទម្រង់អត្ថបទបែបសារព័ត៌មាន ក្រោមចំណងជើង «Call To Boost Financial Literacy» ទទួលបានទឹកប្រាក់សរុប ៣.៥លានរៀល។ ជ័យលាភីលេខ២ បានទៅលើ លោក សេង ម៉េងហេង ជាស្នាដៃក្នុងទម្រង់ជាអត្ថបទបែបសារព័ត៌មាន ក្រោមចំណងជើង «Balancing Income and Expenses in Cambodia» ទទួលបានទឹកប្រាក់សរុប ២.៥លានរៀល។ ជ័យលាភីលេខ៣ បានទៅលើ លោក មិន ម៉ៅសំណាង សម្រាប់ស្នាដៃទម្រង់ជាអត្ថបទផ្ទាល់ខ្លួន ក្រោមចំណងជើង «កសាងអនាគតដ៏ប្រសើរ៖ សន្សំ និងវិនិយោគដើម្បីសុខុមាលភាពគ្រួសារនិងសហគមន៍»ទទួលបានទឹកប្រាក់សរុប ១.៥លានរៀល។ ម្ចាស់ជ័យលាភីលេខ៤ បានទៅលើ លោកស្រី រស់ ស៊ីណាក់ សម្រាប់ស្នាដៃ ក្នុងទម្រង់ជាវីដេអូបទយកការណ៍ ក្រោមចំណងជើង «ពលរដ្ឋកម្ពុជាមួយចំនួនបង្ហាញទំនុកចិត្តពីការរៀបចំហិរញ្ញវត្ថុ សន្សំតាមរយៈការទិញនូវសេវាធានារ៉ាប់រង»ទទួលបានទឹកប្រាក់សរុប ១លានរៀល។

សូមជម្រាបថា ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ នៃសាកលវិទ្យាល័យភូមិន្ទភ្នំពេញ សហការជាមួយក្រុមហ៊ុនធានារ៉ាប់រងអាយុជីវិត FWD Cambodia បានរៀបចំការប្រកួតប្រជែងមាតិកាពហុមេឌាក្រោមប្រធានបទ «ពង្រឹងការសន្សំសម្រាប់ក្រុមគ្រួសារកម្ពុជា» ដែលម្ចាស់ជ័យលាភីនឹងទទួលបានរង្វាន់ជាសាច់ប្រាក់សរុបរហូតដល់ ៨.៥ លានរៀល។ ការប្រកួតនេះ មានគោលបំណងដើម្បីលើកកម្ពស់អក្ខរកម្មហិរញ្ញវត្ថុតាមរយៈប្រព័ន្ធផ្សព្វផ្សាយ ដោយជំរុញលើកទឹកចិត្តអ្នកជំនាញក្នុងវិស័យព័ត៌មាន និងប្រព័ន្ធផ្សព្វផ្សាយទាំងអស់ ងាកមកចាប់អារម្មណ៍បង្កើនការលិតមាតិកាពាក់ព័ន្ធនឹងវិស័យហិរញ្ញវត្ថុឱ្យកាន់តែផុសផុល៕

The post បេក្ខជន៤រូប បានជាប់ជ័យលាភីក្នុងការប្រកួតស្នាដៃពហុមេឌាស្តីពី «ពង្រឹងការសន្សំសម្រាប់ក្រុមគ្រួសារកម្ពុជា» appeared first on Kampuchea Thmey Daily.

កម្មវិធីនេះ មានគោលបំណងប្រមូលផ្តុំអ្នកសារព័ត៌មាន អ្នកជំនាញផ្នែកប្រព័ន្ធផ្សព្វផ្សាយ និងអ្នកបង្កើតមាតិកា ដើម្បីពិភាក្សាអំពីតួនាទីរបស់ប្រព័ន្ធផ្សព្វផ្សាយក្នុងការរាយការណ៍ និងលើកកម្ពស់ការយល់ដឹងអំពីចំណេះដឹងផ្នែកហិរញ្ញវត្ថុ ដែលនឹងជួយដល់គ្រួសារកម្ពុជាក្នុងការលើកកម្ពស់ការសន្សំរបស់ពួកគេឱ្យបានទូលំទូលាយផងដែរ។ បន្ថែមពីនេះ វេទិកាការីនិពន្ធនេះ ក៏ត្រូវបានរៀបចំឡើងជាផ្នែកមួយនែការប្រកួតប្រជែងការផលិតមាតិកាពហុមេឌា ក្រោមប្រធានបទ «ពង្រឹងការសន្សំសម្រាប់គ្រួសារកម្ពុជា» ដែលនឹងប្រព្រឹត្តទៅនៅថ្ងៃទី១៧ ខែកញ្ញា រហូតដល់ថ្ងៃទី១ ខែវិច្ឆិកា ឆ្នាំ២០២៤។

ជាមួយគ្នានេះ លោក អ៊ុង ប៊ុនអ៉ី ប្រធានប្រព័ន្ធផ្សព្វផ្សាយនិងសារគមនាគមន៍ (DMC) បានលើកឡើងថា កម្មវិធីនេះ រៀបចំឡើងដើម្បីរំលេចដល់អ្នកសារព័ត៌មានគ្រប់រូបចូលរួមផ្សព្វផ្សាយអក្ខរកម្មផ្នែកហិរញ្ញវត្ថុឱ្យបានច្រើន ដើម្បីឱ្យប្រជាជនកម្ពុជាបានដឹង និងយល់ច្បាស់ពីហិរញ្ញវត្ថុរបស់ពួកគេ ជាពិសេសគឺការសន្សំ និងទុកដាក់ហិរញ្ញវត្ថុឱ្យបានត្រឹមត្រូវ។

លោកសង្ឃឹមថា តាមរយៈវេទិកានេះ ប្រព័ន្ធផ្សព្វផ្សាយដូចជាអ្នកសារព័ត៌មាន អ្នកផលិតមាតិកាជាដើម នឹងចូលរួមចំណែកក្នុងការពង្រឹងការយល់ដឹងផ្នែកហិរញ្ញវត្ថុ ដល់សាធារណជន ពាក់ព័ន្ធនឹងវិស័យហិរញ្ញវត្ថុដើម្បីជួយលើកកម្ពស់ការយល់ដឹងដល់ពលរដ្ឋទូទៅពាក់ព័ន្ធនឹងការសន្សំ ការវិនិយោគ និងការរៀបចំផែនការហិរញ្ញវត្ថុជាដើម។

ជាមួយគ្នានេះ វេទិកាការីនិពន្ធ ក៏មានការចូលរួមពីអ្នកជំនាញហិរញ្ញវត្ថុ និពន្ធនាយកស្ថាប័ននានា ការីនិពន្ធ អ្នកសារព័ត៌មាន និងអ្នកផលិតមាតិកាផងដែរ។ លើសពីនេះ ក៏មានវាគ្មិនកិត្តិយសសុទ្ធតែអ្នកជំនាញៗចូលរួមចែករំលែកបទពិសោធជុំវិញអក្ខរកម្មហិរញ្ញវត្ថុដូចគ្នា៕

The post ដេប៉ាតឺម៉ង DMC បានរៀបចំវេទិកាស្តីពីតួនាទីប្រព័ន្ធផ្សព្វផ្សាយរាយការណ៍ពីអក្ខរកម្មហិរញ្ញវត្ថុ appeared first on Kampuchea Thmey Daily.

នៅក្នុងនោះ សាកលវិទ្យាល័យភូមិន្ទភ្នំពេញ គឺជាគ្រឹះស្ថានឧត្តមសិក្សាសាធារណៈដែលមានអាយុកាលដ៏យូរមួយរបស់កម្ពុជាប្រកបដោយគុណវឌ្ឍន៍នៃការអប់រំ និងមានការទទួលស្គាល់ជាលក្ខណៈអន្តរជាតិ។ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ គឺជាផ្នែកមួយនៃសាកលវិទ្យាល័យភូមិន្ទភ្នំពេញ ដែលបណ្តុះបណ្តាលធនធានមនុស្សនាំមុខគេនៅក្នុងប្រទេសកម្ពុជា ផ្នែកប្រព័ន្ធផ្សព្វផ្សាយ ទំនាក់ទំនង និងសារព័ត៌មាន សម្រាប់កម្រិតបរិញ្ញាបត្រ។

ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) ត្រូវបានបែងចែកជាពីរប្រភេទ គឺប្រភេទថ្នាក់អាហារូបករណ៍ និងប្រភេទថ្នាក់បង់ថ្លៃ។ លក្ខខណ្ឌនៃថ្នាក់អាហារូបការណ៍ បេក្ខជនត្រូវមានសញ្ញាបត្រមធ្យមសិក្សាទុតិយភូមិ(បាក់ឌុប) មានអាយុមិនលើសពី ២២ឆ្នាំ ហើយត្រូវឆ្លងកាត់ការប្រឡងចូល និងវគ្គសម្ភាសន៍ផ្ទាល់មាត់។ ដោយឡែក ថ្នាក់បង់ថ្លៃ បេក្ខជនត្រូវមានចំណាប់អារម្មណ៍លើជំនាញប្រព័ន្ធផ្សព្វផ្សាយ ចំណេះដឹងផ្នែកវប្បធម៌ទូទៅ ចេះភាសាអង់គ្លេស ឆ្លងកាត់ការប្រលងចូល តាមរយៈវិញ្ញាសាសំណេរ និងសម្ភាសន៍ផ្ទាល់មាត់ ហើយតម្លៃនៃការសិក្សា គឺ៦៥០ដុល្លារក្នុងមួយឆ្នាំ។

ក្រោយបញ្ចប់ការសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ និស្សិតទាំងអស់ នឹងទទួលបានជម្រើសទីផ្សារការងារយ៉ាងសម្បូរបែប ជាអាទិ៍ ផលិតករភាពយន្តឯកសារ អ្នកនាំពាក្យ អ្នកថតរូបសារព័ត៌មាន អ្នកសរសេរសាច់រឿង អ្នកកាសែត អ្នករាយការណ៍ព័ត៌មាន និពន្ធនាយកអង្គភាពសារព័ត៌មាន អ្នកស្រាវជ្រាវប្រព័ន្ធផ្សព្វផ្សាយ មន្ត្រីទំនាក់ទំនងសាធារណៈ អ្នកបង្កើតមាតិកា អ្នកផលិតវីដេអូ អ្នកកែវីដេអូ និងជាអ្នកជំនាញផ្សាយពាណិជ្ជកម្ម ជាដើម៕

ដោយ៖ ធឿន វ៉ាន់សុង

The post តើអ្វីទៅជា«ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍»? appeared first on Kampuchea Thmey Daily.

DMC បានចែកចេញជាថ្នាក់បង់ថ្លៃ និង ថ្នាក់អាហារូបករណ៍ បើកទទួលស្វាគមន៍ដល់ បេក្ខជនដែលមានចិត្តស្រឡាញ់ផ្នែកប្រព័ន្ធផ្សព្វផ្សាយ រួមជាមួយកម្រិតចំណេះដឹងភាសាអង់គ្លេសល្អ ហើយសម្រាប់អ្នកដែលមានបំណងចង់ចូលរៀននៅទីនោះ  ត្រូវមានលក្ខណៈសម្បត្តិគ្រប់គ្រាន់តាមការកំណត់របស់សាលា ដូចជា មានសញ្ញាបត្របាក់ឌុប អាយុមិនលើស ២២ឆ្នាំ (ចំពោះសិស្សអាហារូបករណ៍) និងឆ្លងកាត់ការប្រឡងចូល ជាដើម ។

ជាពិសេស ចំណុចដ៏សំខាន់ និងពិបាក សម្រាប់បេក្ខជនភាគច្រើនជួបប្រទះជារៀងរាល់ឆ្នាំ គឺ ការប្រឡងចូលជាប់ទើបអាចចូលរៀនបាន ដោយក្នុងនោះវាចែកចេញជា ២ ដំណាក់កាលសំខាន់ៗ ដូចជា៖

ដំណាក់កាលទី១៖ ប្រឡងសំណេរអំពីចំណេះដឹងវប្បធម៌ទូទៅ ជាភាសាខ្មែរ និងភាសាអង់គ្លេស ។ នៅពេលដែលបក្ខជនជាប់វគ្គដំបូងនេះ សាលានឹងប្រកាសឈ្មោះទៅប្រឡងវគ្គចុងបញ្ចប់ ។ បន្ថែមពីនេះ អ្នកអាចរកទិញសៀវភៅកម្រងសំណួរចម្លើយដែលធ្លាប់ចេញកាលពីឆ្នាំប្រឡងមុនៗ សម្រាប់ជាជំនួយបាន ។

ចំណែកដំណាក់កាលទី២៖ ជាវគ្គសម្ភាសផ្ទាល់មាត់ រវាងបេក្ខជនម្នាក់ និងគណៈកម្មការចាប់ពីម្នាក់ឡើងទៅ ។ ជាទូទៅការសម្ភាសប្រព្រឹត្តទៅដោយប្រើប្រាស់ភាសាអង់គ្លេស ជាមួយសំណួរដែលទាក់ទងពីព័ត៌មានសំខាន់ៗ កើតឡើងជាប្រចាំថ្ងៃ និងសំណួរចំណេះដឹងទូទៅផ្សេងៗទៀតជាដើម ។

ទន្ទឹមនឹងនេះ កញ្ញា ម៉ៅ ស្រីពេជ្យ បច្ចុប្បន្នជានិស្សិតអាហាររូបករណ៍ ឆ្នាំទី៣ នៅ​DMC បានចែករំលែកនូវបទពិសោធន៍ខ្លះៗក្នុងការត្រៀមខ្លួនឱ្យប្រលងជាប់ ។

កញ្ញាបាននិយាយថា ដើម្បីអាចឱ្យមានភាគរយខ្ពស់ក្នុងការប្រឡងជាប់នៅ DMC យើងត្រូវឧស្សាហ៍តាមដានព័ត៌មានរបស់ផេកសាលា ក៏ដូចជាចូលរួមក្នុងកម្មវិធីតម្រែតម្រង់ទិសដែលគេនឹងលម្អិតប្រាប់យើងអំពីព័ត៌មានទាក់ទងនឹងការត្រៀមខ្លួនប្រឡង និងការចូលរៀន ជាដើម ។

ស្របពេលជាមួយគ្នានេះ ស្រីពេជ្យ បានលើកទឹកចិត្តថា យើងត្រូវមានភាពក្លាហានហ៊ានសួររៀមច្បងដែលរៀននៅទីនោះ ដូចជា សួរនាំបទពិសោធន៍កាលជំនាន់គាត់ប្រឡង និងហ្វឹកហាត់សំណួរចម្លើយក្នុងសៀភៅឯកសារដែលធ្លាប់ចេញប្រឡងឆ្នាំមុនៗ ។

ដោយឡែក កញ្ញា ហេង ឆេងហួយ ជានិស្សិតឆ្នាំទី២ នៅថ្នាក់បង់ថ្លៃវិញ បានផ្តល់មតិថា “អំឡុងពេលខ្ញុំប្រឡងកាលពីដើមឆ្នាំ ២០២១ ខ្ញុំបានហ្វឹកហាត់ មើលព័ត៌មានស្ទើតែរាល់ថ្ងៃទាំងក្នុងស្រុក និងអន្តជាតិ ។ ប៉ុន្តែអ្វីដែលជាឧបសគ្គខ្លាំងនោះ គឺកម្រិតភាសាអង់គ្លេសរបស់ខ្ញុំ ព្រោះថានៅទីនោះ (DMC) ប្រើប្រាស់ភាសាអង់គ្លេសសឹងតែគ្រប់មុខវិជ្ជាទៅហើយ” ។

ឆេងហួយ បានបន្តថា ចំពោះអ្នកដែលមានចំណាប់អារម្មណ៍ខ្លាំង ចង់ចូលរៀននៅ DMC ត្រូវហាត់រៀនភាសាអង់គ្លេសឱ្យបានល្អ  ទាំងផ្នែក វេយ្យាករណ៍ និងពាក្យគន្លឹះ ពីព្រោះវាជាមូលដ្ឋានគ្រឹះក្នុងការជួយយើងឱ្យតាមទាន់មេរៀន ពេលដែលយើងប្រឡងជាប់ទៅ ។

គួរបញ្ជក់ផងដែរថា និស្សិតដែលបញ្ចប់ការសិក្សានៅ ដេប៉ាតេម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) នឹងទទួលបានបរិញ្ញាបត្រគ្រប់គ្រងប្រព័ន្ធផ្សព្វផ្សាយ ជាមួយនឹងឱកាសជ្រើសរើស ជំនាញជាច្រើនក្នុងវិស័យប្រព័ន្ធផ្សព្វផ្សាយ ៕

អត្ថបទ ៖ លីលី

The post តើខ្លាំងកម្រិតណាទើបអាចចូលរៀននៅ DMC បាន? appeared first on Kampuchea Thmey Daily.