កាលពីដើមខែនេះ Lisa បានចេញបទចម្រៀងថ្មីដែលមានចំណងជើងថា «Born Again» ដោយសហការជាមួយ Doja Cat និង RAY ។ ពួកគេ​ត្រូវ​បាន​គេ​រំពឹង​ថា​ នឹង​សម្តែង​បទ​ចម្រៀង​ថ្មី​នេះ​ផ្ទាល់​ក្នុង​កម្មវិធី Academy Awards ឆ្នាំ​នេះ។

ការ​ចូល​រួម​របស់ Lisa ជា​ប្រវត្តិសាស្ត្រ​ដំបូង​គេ ព្រោះ​មិន​ដែល​មាន​សិល្បករ K-pop ណា​ម្នាក់​ត្រូវ​បាន​គេ​អញ្ជើញ​ឲ្យ​សម្ដែង​ក្នុង​កម្មវិធី Oscars ពីមុន​មក​ទេ។ ពានរង្វាន់ Academy Awards លើកទី ៩៧ នឹងប្រព្រឹត្តទៅនៅថ្ងៃទី ០២ ខែមីនា នៅ Dolby Theatre ក្នុងទីក្រុង Los Angeles នឹងមានការសម្តែងដោយ Lisa ក៏ដូចជាតារានៃខ្សែភាពយន្តតន្ត្រី «Wicked» Ariana Grande និង Cynthia Erivo និងតារាចម្រៀងរ៉េប Queen Latifah ព្រមទាំងតារាកំប្លែង Conan O’Brien បង្ហាញខ្លួនជាលើកដំបូងក្នុងនាមជាពិធីករ។

លើសពីនេះ ព្រឹត្តិការណ៍ដ៏សំខាន់នេះពង្រឹងឥទ្ធិពលសកលរបស់ Lisa និងគូសបញ្ជាក់អំពីវត្តមានរបស់តារា K-pop នៅលើឆាកដ៏ធំបំផុតរបស់ពិភពលោក៕

អត្ថបទ៖ សាង ស្រីល័ក្ខ

ចុចអាន៖អ្នកគាំទ្រការពារ Lisa ក្រោយអ្នកកាសែតចោទថា នាងមានបានរហ័ស ទោះវ័យទើប២៧ក្ដី

The post ​Lisa ក្លាយជាតារា K-pop ដំបូងគេ ឡើងឆាក Academy Awards ជាមួយ Doja Cat appeared first on Kampuchea Thmey Daily.

Doja Cat ដែលជាតារារ៉េបស្រី ជនជាតិអាមេរិក និងមានទ្រព្យសម្បត្តិប្រហែល ១២ លានដុល្លារក្នុងវ័យ ២៧ ឆ្នាំ បានស្ដីឲ្យអ្នកគាំទ្រវិញថា ការគាំទ្រសុទ្ធតែឥតប្រយោជន៍ និងគ្មានន័យ ។

សូម្បីតែគណនី Twitter របស់អ្នកគាំទ្រ Doja Cat ចំនួន ៣ ក៏បានបិទដែរ រួមមាន The Kittens Room, Doja HQ, និង Doja Cat News ព្រោះនាងស្ដីឲ្យពួកគេថា រកការងារធ្វើ និងជួយការងារផ្ទះម្ដាយឪពុកវិញទៅ ។

ទន្ទឹមនោះមានអ្នកគាំទ្រផ្សេងបានបញ្ចេញមតិដែលថា “ពួកយើងមិនស្គាល់នាងទេ ប៉ុន្តែពួកយើងបានគាំទ្រនាងរហូតមក បើគ្មានពួកយើង នាងគ្មានថ្ងៃនេះឡើយ នាងប្រាកដជាធ្វើជាអ្នកលក់ទំនិញហើយ ដោយសារតែអ្នកនាងរៀនមិនចប់វិទ្យាល័យផង” ។ មិនយូរប៉ុន្មាន Doja Cat តបវិញថា “គ្មាននរណាបង្ខំអ្នកទេ ខ្ញុំមិនដឹងហេតុអ្វីបានជាអ្នកធ្វើខ្លួនដូចម្ដាយខ្ញុំបែបនេះ អ្នកដូចជាមនុស្សឆ្កួតណាស់” ។

សូមជម្រាបដែរថា ការប្រគំតន្ត្រី The Scarlet Tour របស់ Doja នឹងប្រព្រឹត្តទៅនៅថ្ងៃទី ៣១ ខែតុលា ដល់ថ្ងៃទី ១៣ ខែធ្នូ ឆ្នាំ ២០២៣ ។ ជាក់ស្ដែង ភាពមិនឲ្យតម្លៃអ្នកគាំទ្ររបស់នាងបានធ្វើឲ្យការលក់សំបុត្រការប្រគំតន្ត្រីធ្លាក់ចុះយ៉ាងខ្លាំង ៕

ប្រែសម្រួល៖ វារី

ប្រភព៖ Dailymail

ចុចអាន៖ តារារ៉េប Doja Cat បិទត្បូង ៣ ម៉ឺនគ្រាប់ពេញខ្លួន ដើម្បីចូលរួមកម្មវិធីបង្ហាញម៉ូដ Schiaparelli

The post Doja Cat កំពុងរងការរិះគន់យ៉ាងខ្លាំង ព្រោះមិនឲ្យតម្លៃអ្នកគាំទ្រ appeared first on Kampuchea Thmey Daily.

ទោះយ៉ាងណា​ ​នេះ​មិនមែន​ជា​លើក​ទី​មួយ​ឡើយ​សម្រាប់​តារារ៉េប Doja ខណៈ​តារា​លំដាប់​ពិភពលោក​នេះតែង​បង្កើត​ពណ៌​សម្រាប់​កម្មវិធី Schiaparelli Paris Fashion Week ជា​រៀង​រាល់​ឆ្នាំ ​មិនដែលអាក់ខានឡើយ។ នាងបានក្លាយជា​តារាស្រី​​ដែល​កាន់កាប់កន្លែងប្រព័ន្ធផ្សព្វផ្សាយ ក្លាយ​ជាព័ត៌មានសំខាន់នៅគ្រប់ការិយាល័យ​ដែលមានសុទ្ធតែរូបនាងសឹងទាំងអស់។

ខាងក្រោមនេះ ជាឈុតទាំង៤​ដែល​តារារ៉េប Doja Cat បាន​បង្ក​ការ​ភ្ញាក់ផ្អើលក្នុងកម្មវិធីបង្ហាញម៉ូដ Paris Fashion Week មកចែកជូន​​ប្រិយមិត្ត​បានទស្សនា។

ប្រែសម្រួល៖ សាង ស្រីល័ក្ខ

ចុចអាន៖តារារ៉េប Doja Cat បិទត្បូង ៣ ម៉ឺនគ្រាប់ពេញខ្លួន ដើម្បីចូលរួមកម្មវិធីបង្ហាញម៉ូដ Schiaparelli

The post ៤ ឈុតរបស់តារារ៉េប Doja ធ្លាប់កក្រើកកម្មវិធី Fashion Week appeared first on Kampuchea Thmey Daily.

តារារ៉េបនិងចម្រៀងរូបនេះ បានចូលរួបកម្មម្មវិធីបង្ហាញម៉ូដ Schiaparelli Paris Fashion Week 2023 អំឡុងពេល Paris Fashion Week កាលពីថ្ងៃច័ន្ទ ដោយនាងបានបិទបាំងក្បាល មុខ និងដងខ្លួនទាំងស្រុងជាមួយត្បូងគ្រីស្តាល់ Swarovski ពណ៌ក្រហមជាង ៣ ម៉ឺនគ្រាប់។ ជាមួយគ្នានេះ ការតុបតែងខ្លួនរៀបចំដោយអ្នកកំពូលផាត់មុខជំនាញ Pat McGrath ផងដែរ។

ទន្ទឹមនឹងនោះ នៅលើ Instagram របស់ Pat McGrath បានបង្ហោះវីដេអូ Doja Cat ជាមួយចំណងជើងនិងបានបញ្ជាក់ថា “ការអត់ធ្មត់ដ៏ខ្ពស់របស់ Doja ក្នុងអំឡុងពេល ៤ ម៉ោង និង ៥៨ នាទីវាបានចំណាយពេលដើម្បីបង្កើតរូបរាងមួយនេះឡើង ហើយផលិតផលចុងក្រោយគឺជាស្នាដៃដ៏អស្ចារ្យនៃមន្ត អាគមដ៏គួរឱ្យចាប់អារម្មណ៍នៃពន្លឺចែងចាំង” ។

យ៉ាងណាមិញ ខណៈពេលដែលតារារ៉េប Doja Cat លេងស្ទីលដ៏ថ្មីនិងប្លែករបស់នាងគឺពិតជាលេចធ្លោ ក្នុងចំណោមភ្ញៀវកិត្តិយសពិសេសដែលបានចូលរួមព្រឹត្តិការណ៍បង្ហាញម៉ូដនេះដូចជា មហាសេដ្ឋីវ័យក្មេង Kylie Jenner និងបុគ្គលល្បីជាច្រើនទៀត៕

ប្រែសម្រួល៖នាងតូច

ចុចអាន៖លាតត្រដាងជីវិតកូនប្រុសជនជាតិវៀតណាមរបស់ Angelina Jolie មិនចូលចិត្តប្រព័ន្ធផ្សព្វផ្សាយ

The post តារារ៉េប Doja Cat បិទត្បូង ៣ ម៉ឺនគ្រាប់ពេញខ្លួន ដើម្បីចូលរួមកម្មវិធីបង្ហាញម៉ូដ Schiaparelli appeared first on Kampuchea Thmey Daily.

នៅក្នុងបទសម្ភាសន៍ជាមួយនឹងទស្សនាវដ្ដី Rolling Stone, ផលិតករ Soraya LaPread ដែលបានធ្វើការជាមួយ BLACKPINK សម្រាប់អាល់ប៊ុមចុងក្រោយរបស់ពួកគេ “BORN PINK” បានបង្ហើបឲ្យដឹងថា បន្ទាប់ពីនាងតែងនិពន្ធបទចម្រៀងនេះរួចរាល់ហើយ តារាចម្រៀង Nat Dunn ក៏ពេញចិត្តនឹងបទនេះ ហើយក៏បានស្នើទិញស្នាដៃមួយនេះផងដែរ ។

បន្ទាប់មក បទនេះក៏តម្រូវឲ្យតារារ៉េប Doja Cat ច្រៀងផងដែរ ប៉ុន្តែមិនមានការឆ្លើយតបណាមួយចំពោះសំណើរនេះនោះទេ ។ បន្ថែមពីលើនេះទៀតបទចម្រៀង Tally ក៏ធ្លាប់បានផ្ញើទៅឲ្យតារា Bebe Rexha ប៉ុន្តែត្រូវបាននាងបដិសេធដូចគ្នា ។

យ៉ាងណាមិញ នៅទីបំផុតបទចម្រៀងនេះបានទៅដល់ដៃក្រុម BLACKPINK ដែលជាការសហការ ណ៍លើកដំបូងរវាងផលិតករ Soraya LaPread ជាមួយផលិកម្ម YG Entertainment ជាពិសេសបទចម្រៀងនេះ ក៏ទទួលបានការពេញនិយមស្តាប់ និងចូលចិត្តពីសំណាក់អ្នកគាំទ្ររបស់ BLACKPINK ផងដែរ ៕

ប្រែសម្រួល៖នាងតូច

ចុចអាន៖មួយឈុតរបស់ Jennie សមាជិក Blackpink ក្នុងកម្មវិធីបង្ហាញម៉ូដម៉ាក Chanel ទាក់ទាញខ្លាំង

ចុចអាន៖បណ្ដាញអ៊ីនធឺណិត លើកសរសើរ Sandara Park ថា ជាតារាកូរ៉េមានម៉ូដប្លែកពីគេ

The post បទ Tally ក្នុងអាល់ប៊ុម ‘BORN PINK’ របស់ BLACKPINK ស្ទើរតែធ្លាក់ក្នុងដៃតារាចម្រៀងអាមេរិក appeared first on Kampuchea Thmey Daily.