Dragon Premium Dark Beer Archives - Kampuchea Thmey Daily

ស្ទើរតែមិនជឿ! ត្រឹមតែ១កេសសោះ ឈ្នះរង្វាន់លុយសុទ្ធជិត ៤០០ដុល្លារ ពីស្រាបៀ Dragon Silver

Joly Heng — Tue, 10 Dec 2024 07:52:49 +0000

រិតតែពិសេស កាន់តែអស្ចារ្យ លោកពូ ដែលជាប្រជាកសិករ បន្ទាប់ពីសម្រាកពីធ្វើស្រែសម្ការ ក៏ទទួលទាន Dragon Silver សម្រាប់បាយថ្ងៃត្រង់ ជាមួយក្រុមគ្រួសារ អ្វីដែលគាត់ស្មានមិនដល់នោះ គ្រាន់តែគាស់ភ្លាម គាត់អាចឈ្នះរង្វាន់លុយសុទ្ធជាច្រើន ឈ្នះជិត៤០០ដុល្លារ ត្រឹមតែ១កេសប៉ុណ្ណោះ ឈ្នះប៉ុណ្ណឹងទៅហើយ ចុះបើទទួលទានលើពី១កេសទៀត គាត់ប្រហែលជាច្រើនជាងនឹងទៅទៀត។

ភ្លាមៗនេះ លោកពូ ក៏បានបង្ហាញអារម្មណ៍ពិត ដោយពោពេញនៅស្នាមសើចសប្បាយ រីករាយ ហើយគាត់បានបញ្ជាក់ថា គាត់នឹងតាមយករង្វាន់ធំឱ្យបាន គឺរង្វាន់ឡានខ្លាញ់គោ សម្រាប់ដឹកក្រុមគ្រួសាររបស់គាត់ធ្វើដំណើរកម្សាន្តថ្ងៃឆ្លងឆ្នាំ នេះជារង្វាន់ពិតៗពីស្រាបៀរ Dragon Silver ។ Dragon Silver ផ្តល់សំណាងរង្វាន់ជាច្រើនជូនម្ចាស់សំណាង ដែលទទួលទាន និងគាំទ្រ មានដូចជា ឡានខ្លាញ់គោដ៏ទំនើប ម៉ូតូស៊េរីថ្មី កាក់មាស និងលុយសុទ្ធជាច្រើន នៅរង់ចាំបងប្អូន តស់ រីករាយទាំងអស់គ្នាជាមួយស្រាបៀរ Dragon Silver។ ពិសារដោយទទួលខុសត្រូវ។

The post ស្ទើរតែមិនជឿ! ត្រឹមតែ១កេសសោះ ឈ្នះរង្វាន់លុយសុទ្ធជិត ៤០០ដុល្លារ ពីស្រាបៀ Dragon Silver appeared first on Kampuchea Thmey Daily.

វឌ្ឍនៈ ប្រ៊ូវើរី ដាក់ដំណើរការស្រាបៀរដ្រាហ្គិនស៊ីលវើ កំប៉ុងសស្លីម កាន់តែប្រណិត ទឹកខ្មៅដដែល រសជាតិកាន់តែស្រាលស្រទន់

Joly Heng — Wed, 27 Nov 2024 03:27:03 +0000

ម៉ាកសញ្ញា ដ្រាហ្គិន ដែលគេស្គាល់ថាជាប៊្រេនស្រាបៀរប្រណិតរបស់ ក្រុមហ៊ុន វឌ្ឍនៈ ប្រ៊ូវើរី បានដាក់សម្ពោធផលិតផលថ្មីឈ្មោះថា ដ្រាហ្គិន ស៊ីលវើ (Dragon Silver) កំប៉ុងស រាងស្លីម កាន់តែប្រណិតទាក់ទាញ ទឹកពណ៌ខ្មៅដដែល រក្សារសជាតិឈ្ងុយឆ្ងាញ់ និងសម្បូរបែបនៃស្រាបៀរដ្រាហ្គិនព្រីមៀមដាកបៀរ ប៉ុន្តែមានកម្រិតជាតិអាល់កុលទាបត្រឹមតែ ៤.២% កាឡូរីទាប កាន់តែស្រាលស្រទន់ ស្រស់ស្រាយ ងាយស្រួលទទួលទាន បំពេញតាមតម្រូវការអតិថិជនដែលនិយមស្រាបៀរដែលមានរសជាតិស្រាល សម្រាប់រាល់ការជួបជុំរីករាយបានកាន់តែយូរ។

ក្រៅពីប្រណិតភាព រសជាតិ និងគុណភាពដែលត្រូវបានទទួលស្គាល់ និងឈ្នះមេដាយមាសចំនួន៩ បីឆ្នាំជាប់គ្នាពីស្ថាប័នអន្តរជាតិល្បីៗ ដ្រាហ្គិន ស៊ីលវើ បន្តផ្តល់សំណាងលើក្រវិលកំប៉ុងជូនអតិថិជនមានដូចជារថយន្តភីកអាប់ មាសសុទ្ធ ម៉ូតូស៊េរីទំនើប និងទឹកប្រាក់ជាច្រើនសន្ធឹកសន្ធាប់ ហើយដ្រាហ្គិន ស៊ីលវើ ចាប់ផ្តើមមានលក់នៅតាមទីផ្សារហើយ ដូច្នេះលោកអ្នកអាចបន្តសប្បាយជាមួយរសជាតិ និងគុណភាពរបស់ដ្រាហ្គិន។ បន្តសប្បាយ បន្តគាស់ ឈ្នះរង្វាន់ជាមួយ ដ្រាហ្គិន!

The post វឌ្ឍនៈ ប្រ៊ូវើរី ដាក់ដំណើរការស្រាបៀរដ្រាហ្គិនស៊ីលវើ កំប៉ុងសស្លីម កាន់តែប្រណិត ទឹកខ្មៅដដែល រសជាតិកាន់តែស្រាលស្រទន់ appeared first on Kampuchea Thmey Daily.

ទទួលយកភាពសប្បាយ និងលាភសំណាងដ៏មហាសាលពីដ្រាហ្គិនបៀរ

Sorn Phanith — Sat, 02 Mar 2024 08:04:55 +0000

អបអរសាទរឆ្នាំថ្មី ឆ្នាំរោង ឆ្នាំ Dragon ដែលជាឆ្នាំជោគ ឆ្នាំជ័យ ឆ្នាំសប្បាយនាំលាភសំណាងដល់អ្នករាល់គ្នានៅគ្រប់ទិសទី។

ដ្រាហ្គិន ព្រីមៀមដាកបៀរ និងដ្រាហ្គិន ណៃត្រូ បានចែករំលែកពេលវេលាសប្បាយ លាភសំណាង និងបទពិសោធន៍ថ្មី ប្លែកមិនធ្លាប់មាន ជាមួយអតិថិជននៅក្នុងកម្មវិធី THE DRAGON BOY CONCERT របស់កំពូលតារាចម្រៀងរ៉េបលោក G-Devith និងភ្ញៀវកិត្តិយសពិសេសអ្នកនាង Tep Boprek។

លើសពីភាពសប្បាយ លើសពីរសជាតិ និងគុណភាព កាន់តែពិសេសនៅឆ្នាំនេះ ដ្រាហ្គិន ព្រីមៀមដាកបៀរ នឹងផ្តល់លាភសំណាងដ៏មហាសាលដល់អតិថិជន ដូចជារង្វាន់ធំរថយន្តស៊េរីទំនើប Toyota Hilux ម៉ូតូ Honda Click ស៊េរីថ្មី មាសសុទ្ធរហូតដល់ 168 ក្រាម ទឹកប្រាក់សុទ្ធរាប់លានរៀល និងរង្វាន់ជាច្រើនសន្ធឹកសន្ធាប់នៅក្រោមក្រវិលកំប៉ុងដ្រាហ្គិន។

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា៖ “ដ្រាហ្គិន ព្រីមៀមដាកបៀរ និងដ្រាហ្គិន ណៃត្រូ គឺជាសក្ខីកម្មនៃការបេ្តជ្ញាចិត្ត និងភាពច្នៃប្រឌិតខ្ពស់របស់យើងខ្ញុំ ក្នុងការផលិតស្រាបៀរដែលមានគុណភាពលំដាប់អន្តរជាតិ រសជាតិថ្មីប្លែកមិនធ្លាប់មាន ដើម្បីផ្តល់ជូននូវបទពិសោធន៍ និងទម្លាប់ថ្មីក្នុងការទទួលទានស្រាបៀរប្រណិតទឹកខ្មៅនៅក្នុងប្រទេសកម្ពុជា ដែលអាចឲ្យអតិថិជនចាប់ផ្តើមសប្បាយជាមួយរសជាតិ និងគុណភាពដ៏ពិតប្រាកដ។ ឆ្នាំនេះ ពិតជាពិសេសសម្រាប់ដ្រាហ្គិន ព្រោះជាឆ្នាំរោង ឆ្នាំ Dragon ដែលយើងនឹងបង្កើតភាពភ្ញាក់ផ្អើល ហើយបន្តចែករំលែកពេលវេលាសប្បាយ ព្រមទាំងផ្តល់លាភសំណាងដ៏មហាសាលដល់អតិថិជននៅគ្រប់ទិសទី។”

អតិថិជននឹងទទួលបានទាំងរសជាតិ និងគុណភាព ទាំងភាពសប្បាយរីករាយ ព្រមទាំងលាភសំណាងដ៏មហាសាលនៅក្រោមក្រវិលកំប៉ុងដ្រាហ្គិន។ ផ្តើមសប្បាយ ផ្តើមឈ្នះជាមួយដ្រាហ្គិន។បច្ចុប្បន្ន ក្រោមស្លាកសញ្ញា ដ្រាហ្គិន មានផលិតផលក្រាហ្វបៀរប្រណិតទឹកខ្មៅចំនួនពីរ ដែលសម្រិតសម្រាំងផលិតឡើងដើម្បីភាពឥតខ្ចោះរបស់ក្រុមហ៊ុន វឌ្ឍនៈ ប្រ៊ូវើរី គឺដ្រាហ្គិន ព្រីមៀមដាកបៀរ និងដ្រាហ្គិន ណៃត្រូ។

ដ្រាហ្គិន ព្រីមៀមដាកបៀរ ជាក្រាហ្វបៀរប្រណិតទឹកខ្មៅដំបូងគេនៅកម្ពុជា ហើយទទួលស្គាល់រសជាតិ និងគុណភាពដោយអ្នកជំនាញស្រាបៀរអន្តរជាតិ ដែលបានឈ្នះពានរង្វាន់ចំនួនពីរផ្ទួនគ្នាក្នុងកម្មវិធីស្រាបៀរលំដាប់ពិភពលោក World Beer Awards នៅឆ្នាំ២០២២ ព្រមទាំងបានឈ្នះមេដាយមាសពី Monde Selection Award ឆ្នាំ ២០២៣។ គាស់ក្រវិលកំប៉ុងដ្រាហ្គិននៅថ្ងៃនេះ ហើយទទួលយកលាភសំណាងទាំងអស់គ្នា។

ដ្រាហ្គិន ណៃត្រូ ត្រូវបានផលិតឡើងដើម្បីភាពឥតខ្ចោះតាមបច្ចេកវិទ្យាថ្មីចុងក្រោយ ដោយប្រើប្រាស់គ្រឿងផ្សំគុណភាពខ្ពស់រួមបញ្ចូលនីត្រូហ្សែន (N2) ធ្វើឲ្យដ្រាហ្គិន ណៃត្រូ មានពពុះហ្វូមតូចៗយ៉ាងច្រើន កំហាប់ឡើងខាប់ និងគ្រីមពណ៌ត្នោតនៅផ្នែកខាងលើយ៉ាងក្រាស់ ខុសប្លែកពីស្រាបៀរទូទៅ បង្កើតបានជារសជាតិកាន់តែសម្បូរបែប ក្លិនឈ្ងុយពិសេស និងឆ្ងាញ់ជាប់មាត់។

ផ្តើមសប្បាយជាមួយដ្រាហ្គិន។

The post ទទួលយកភាពសប្បាយ និងលាភសំណាងដ៏មហាសាលពីដ្រាហ្គិនបៀរ appeared first on Kampuchea Thmey Daily.

Dragon Premium Dark Beer ត្រូវបានដាក់សម្ពោធ យ៉ាងអធិកអធមនៅក្លឹបកម្សាន្តជាច្រើនស្របគ្នា ក្នុងថ្ងៃតែមួយជាមួយវត្តមានតារាល្បីៗជាច្រើន

Sorn Phanith — Tue, 23 Aug 2022 06:41:53 +0000

កាលពីយប់ថ្ងៃទី ២០ ខែសីហា កន្លងទៅ ក្រុមហ៊ុន វឌ្ឍនៈ ប្រ៊ូវើរី បានដាក់សម្ពោធជាផ្លូវការ ស្រាបៀរប្រណិតទឹកខ្មៅ រសជាតិថ្មីប្លែកមិនធ្លាប់មាន នៅលើទីផ្សារពីមុនមកគឺ Dragon Premium Dark Beer ក្រោមវត្តមាន គណៈគ្រប់គ្រងក្រុមហ៊ុន ភ្ញៀវកិត្តិយស តំណាងចែកចាយ ព្រមទាំងសិល្បៈករ សិល្បៈការីនីល្បីៗ ជាច្រើនក្នុងក្លឹបកម្សាន្ត ដ៏ពេញនិយមចំនួន ៥ ទីតាំង នៅទីក្រុងភ្នំពេញ ខេត្តសៀមរាប និងព្រះសីហនុ ស្របគ្នាក្នុងថ្ងៃតែមួយ។

កម្មវិធីដ៏អស្ចារ្យឈ្មោះ Make Me A Dragon Night នេះបានផ្តល់ភាពភ្ញាក់ផ្អើល និងសប្បាយរីករាយ យ៉ាងខ្លាំងតាមរយៈការក្រេបយករសជាតិដ៏ពិសេសរបស់ ដ្រាហ្គិនបៀរ ការសម្តែងសិល្បៈ និងបទចម្រៀងល្បីៗរបស់កំពូលតារាចម្រៀងអ្នកនាង មាស សុខសោភា, អ្នកនាងឱក សុគន្ធកញ្ញា, លោក G-Davit, លោកនីកូ, កញ្ញា រ៉ាប៊ី, កញ្ញា យ៉ូរី, 4T5, King Chi, MC Sey, Seav JKS, ប្រុសឡា និងឌីជេជាច្រើនរូបទៀត។

ក្រោមពាក្យស្លោក «ផ្តើមសប្បាយជាមួយរសជាតិ និងគុណភាព» ឬភាសាអង់គ្លេស “Start Enjoying” ក្រាហ្វបៀរប្រណិតទឹកខ្មៅមួយនេះ គឺជាការបង្កើតថ្មីប្រកបដោយភាពច្នៃប្រឌិតខ្ពស់របស់ វឌ្ឍនៈ ប្រ៊ូវើរី ផលិតបានជាស្រាបៀរ រសជាតិឈ្ងុយឆ្ងាញ់ប្លែកមិនធ្លាប់មាន គុណភាពលំដាប់អន្តរជាតិ ដើម្បីផ្តល់ជូន នូវបទពិសោធន៍ និងទម្លាប់ថ្មីក្មុងការទទួលទានស្រាបៀរ នៅប្រទេសកម្ពុជា ហើយអាចឲ្យ អតិថិជនផ្តល់តម្លៃ និងចាប់ផ្តើមសប្បាយជាមួយរសជាតិ និងគុណភាពដ៏ពិតប្រាកដ។ ភ្ញៀវកិត្តិយស ដែលបានចូលរួមក្នុងកម្មវិធីនេះ បានលើកឡើងថា ត្បិតតែមានពណ៌ស្រដៀងទៅនឹង ស្រាបៀរស្តោតក៏ដោយ ប៉ុន្តែ ដ្រាហ្គិន ព្រីមៀមដាកបៀរ មិនមានរសជាតិជូរ ឬល្វីងដូចថ្នាំដែលមាននៅក្នុងស្រាបៀរស្តោតភាគច្រើននោះឡើយ ផ្ទុយមកវិញ ដ្រាហ្គិន មានរសជាតិសម្បូរបែប ស្រាលស្រទន់ ពោរពេញដោយភាពស្រស់ស្រាយ។

អ្នកឧកញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា៖ «ដ្រាហ្គិន ព្រីមៀមដាកបៀរ គឺជាសាក្ខីកម្ម នៃការបេ្តជ្ញាចិត្តរបស់ វឌ្ឍនៈ ប្រ៊ូវើរី ក្នុងការផលិតស្រាបៀរ ដែលមានគុណភាពលំដាប់អន្តរជាតិ។ ដើម្បីសម្រេចបាននូវ រសជាតិប្រណិតបែបនេះ ក្រុមអ្នកផលិតរបស់យើងខ្ញុំ បានចម្រាញ់យ៉ាងផ្ចិតផ្ចង់នូវ គ្រឿងផ្សំ ដែលមានគុណភាពខ្ពស់ជាច្រើនដូចជា ស្រូវសាលីខ្មៅពីទីក្រុងម៉ូនិច ដែលធ្វើឲ្យដ្រាហ្គិន មានក្លិនឈ្ងុយដូចនំបុ័ង ដែលទើបដុតថ្មីៗ ស្រូវសាលីកាហ្វេ BlackSwaen ធ្វើឲ្យប្រហើរក្លិនកាហ្វេ និងកាកាវ រួមផ្សំជាមួយនិងផ្កាហប់ម៉ុនរ៉ូ ដែលផ្តល់រសជាតិផ្អែមប៊ឺរី ដោយប្រើនូវបច្ចេកទេសពិសេសហៅថា Whirlpool Hopping ដើម្បីយើងអាចទាញយក ក្លិនឈ្ងុយឆ្ងាញ់ចេញពីផ្កាហប់ ដោយមិនបន្ថែមរសជាតិល្វីងខ្លាំងហួសហេតុ និងមានកម្រិត IBU ទាបជាងស្រាបៀរទឹកខ្មៅដ៏ទៃ។ ជាតិល្វីងពីធម្មជាតិ និងរសជាតិផ្អែមពីស្រូវសាលី បញ្ចូលគ្នាបានយ៉ាងល្អ បង្កើតបានជាក្លិនកាហ្វេលាយការ៉ាម៉ែល ដែលធ្វើឱ្យរាល់ការក្រេបរសជាតិរបស់ ដ្រាហ្វិន ពោរពេញទៅដោយ ការចងចាំ និងជាទីគាប់ចិត្ត »។

ដ្រាហ្គិន ព្រីមៀមដាកបៀរ ផលិតដោយ វឌ្ឍនៈ ប្រ៊ូវើរី ដែលជាក្រុមហ៊ុនផលិតស្រាបៀរគ្រុឌ និង វឌ្ឍនៈ ព្រីមៀមបៀរ ឈ្នះមេដាយមាស Monde Selection ប្រចាំឆ្នាំ ២០២២ ហើយ ដ្រាហ្គិន នឹងមានវត្តមាននៅតាមភោជនីយដ្ឋាន បារ និងក្លឹបកម្សាន្តនានាដែលនឹងផ្តល់ភាពសប្បាយរីករាយដល់អតិថិជនគ្រប់ទីកន្លែង៕

The post Dragon Premium Dark Beer ត្រូវបានដាក់សម្ពោធ យ៉ាងអធិកអធមនៅក្លឹបកម្សាន្តជាច្រើនស្របគ្នា ក្នុងថ្ងៃតែមួយជាមួយវត្តមានតារាល្បីៗជាច្រើន appeared first on Kampuchea Thmey Daily.