Business-to-business (B2B) ៖ ជាការលក់ទំនិញ និងសេវាកម្ម រវាងអាជីវកម្ម និងអាជីវកម្ម។ នេះគឺជា ប្រភេទពាណិជ្ជកម្មអេឡិចត្រូនិកទូទៅបំផុត ហើយវាមានចំណែកធំនៃការលក់អនឡាញទាំងអស់។

Business-to-consumer (B2C) ៖ ជាការលក់ទំនិញ និងសេវាកម្ម ពីអាជីវកម្មដល់អ្នកប្រើប្រាស់ ដែលជា ប្រភេទពាណិជ្ជកម្មអេឡិចត្រូនិក មនុស្សភាគច្រើន គិតដល់ពាក្យថា e-commerce ។

Consumer-to-consumer (C2C) ៖ សំដៅដល់ការលក់ទំនិញ និងសេវាកម្ម រវាងអ្នកប្រើប្រាស់ទៅអ្នកប្រើប្រាស់។ ប្រភេទនៃ e-commerce នេះត្រូវបានសម្របសម្រួលជាញឹកញាប់ដោយទីផ្សារអនឡាញដូចជា eBay និង Amazon ជាដើម។

Consumer-to-business (C2B) ៖ គឺជាការលក់ទំនិញ និងសេវាកម្ម ពីអ្នកប្រើប្រាស់ទៅកាន់អាជីវកម្ម។ ប្រភេទពាណិជ្ជកម្មអេឡិចត្រូនិកនេះ មិនសូវមានទេ ប៉ុន្តែវាកំពុងមានប្រជាប្រិយភាពខ្លាំង។

Business-to-administration (B2A) ៖ ជាការលក់ទំនិញ និងសេវាកម្ម ពីអាជីវកម្មទៅរដ្ឋាភិបាល។ ប្រភេទនៃពាណិជ្ជកម្មអេឡិចត្រូនិកនេះ ជារឿយៗត្រូវបានគ្រប់គ្រងដោយច្បាប់របស់រដ្ឋាភិបាល។

Consumer-to-administration (C2A) ៖ គឺជាការលក់ទំនិញ និងសេវាកម្ម ពីអ្នកប្រើប្រាស់ទៅកាន់រដ្ឋាភិបាល។ ប្រភេទនៃពាណិជ្ជកម្មអេឡិចត្រូនិកនេះ នៅតែមានលក្ខណៈថ្មីនៅឡើយ ប៉ុន្តែវាកំពុងមានការកើនឡើងនៅក្នុងប្រជា ប្រិយភាព ដោយសាររដ្ឋាភិបាលកាន់តែចាប់អារម្មណ៍ក្នុងការប្រើប្រាស់បណ្តាញអនឡាញ ដើម្បីធ្វើអន្តរកម្មជាមួយ ប្រជាពលរដ្ឋ។

គូសបញ្ជាក់ផងដែរថា នាពេលបច្ចុប្បន្ននេះ មានអាជីវកម្មកាន់តែច្រើនឡើង​ៗ ចាប់ផ្តើម​ងាកមកវិនិយោគ និងប្រើប្រាស់ ដំណោះស្រាយឌីជីថល ក្នុងនោះគេសង្កេតឃើញការធ្វើទីផ្សារ​តាមបែបឌីជីថលគឺជាដំណោះស្រាយអទិភាពមួយដែល គ្រប់ម្ចាស់អាជីវកម្មទាំងអស់នៅកម្ពុជាបានប្រើប្រាស់ ដើម្បីពង្រឹងប្រសិទ្ធភាពអាជីវកម្មរបស់ខ្លួន។ នេះដោយសារតែកាធ្វើ ទីផ្សារបែបឌីជីថល មានប្រសិទ្ធភាពខ្ពស់ និងទទួលបានអត្ថប្រយោជន៍ច្រើនជាងការធ្វើទីផ្សារតាមបែបប្រពៃណីដែល មានដូចជា ការផ្សព្វផ្សាយតាមវិទ្យុ កាសែត និងខិតប័ណ្ណជាដើម៕

អត្ថបទ៖ ផល ធារិត

The post មកស្គាល់ប្រភេទពាណិជ្ជកម្មអេឡិចត្រូនិក appeared first on Kampuchea Thmey Daily.