ដំណើរទស្សនកិច្ចនេះ មានរយៈពេលមួយថ្ងៃពេញ ដោយប្រជាពលរដ្ឋ ព្រះសង្ឃ សិស្ស និស្សិត បានមកដល់ទីតាំងបង្គោលព្រំដែនលេខ១៣០ ក្នុងភូមិសាស្ត្រស្រុកពញាក្រែក ខេត្តត្បូងឃ្មុំ នាព្រឹកថ្ងៃ០៧ ខែកញ្ញា ឆ្នាំ២០២៤ នេះ។

ដំណើរទស្សនកិច្ចសិក្សានេះ ផ្តល់ឱកាសដល់ប្រជាពលរដ្ឋបានឃើញដោយផ្ទាល់នូវការអភិវឌ្ឍជាក់ស្តែងនៅតាមតំបន់ព្រំដែន ការកសាងហេដ្ឋារចនាសម្ព័ន្ធផ្លូវក្រវ៉ាត់ព្រំដែន និងការអភិវឌ្ឍជារួមរបស់ប្រជាពលរដ្ឋក្នុងភូមិភាគឦសាន។

គួរបញ្ជាក់ថា រាល់ការចំណាយលើការធ្វើដំណើរ អាហារ ភេសជ្ជៈ ជាដើម គឺផ្តល់ជូនដោយឥតគិតថ្លៃ ដែលឧបត្ថម្ភដោយ សម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី និងការចូលរួមចំណែកឧបត្ថម្ភពីសប្បុរសជន ដោយមិនប៉ះពាល់ដល់កញ្ចប់ថវិការដ្ឋ ឬកញ្ចប់ថវិកាមូលនិធិកសាងហេដ្ឋារចនាសម្ព័ន្ធតាមព្រំដែននោះឡើយ៕

អត្ថបទ៖ សាន វិឡែម

The post ប្រជាពលរដ្ឋជាង ២០០ នាក់ ធ្វើដំណើរទស្សនកិច្ចព្រំដែន ខេត្តត្បូងឃ្មុំ ក្រចេះ មណ្ឌលគិរី appeared first on Kampuchea Thmey Daily.

ប្រធានបទមួយចំនួនត្រូវបានលើកយកមកពិភាក្សាក្នុងកិច្ចប្រជុំ នាថ្ងៃទី១៦ ខែសីហា ឆ្នាំ២០២៤ នេះ រួមមាន ១. ការគ្រោងចំណូល ២. ការគ្រោងចំណាយថវិកា សម្រាប់ក្រសួងជារួម រដ្ឋបាលកណ្តាល មន្ទីរអប់រំ យុវជន និងកីឡា ថ្នាក់ក្រោមជាតិ និងគម្រោងចំណាយព្យួរតាមកម្មវិធី ៣. មតិសំណេះសំណាល និងអនុសាសន៍។

ដើម្បីជំរុញប្រសិទ្ធភាព និងប្រសិទ្ធផលការងារ ឆ្លើយតបទៅនឹងផែនការអាទិភាព ក៏ដូចជាកញ្ចប់ថវិកាជាតិ បណ្ឌិតសភាចារ្យ ឧបនាយករដ្ឋមន្ត្រី បានផ្តល់អនុសាសន៍គន្លឹះមួយចំនួនជូនដល់ក្រុមការងារ ដូចជា៖ ១. ត្រូវរៀបចំរបាយការណ៍សមិទ្ធកម្ម វិធានការកែលម្អ និងផ្តល់ព័ត៌មានឱ្យបានពេញលេញ ដើម្បីជាទឡ្ហីករណ៍ក្នុងការចរចា និងពន្យល់។ ២. នាយកដ្ឋាននីមួយៗ ត្រូវពិនិត្យថ្លឹងថ្លែងដោយខ្លួនឯងឱ្យអស់ពីលទ្ធភាព ដើម្បីកំណត់ឱ្យបាននូវអាទិភាព ហើយសូមផ្តល់ជាជម្រើស និងដំណោះស្រាយ សម្រាប់ការងារដែលត្រូវតែអនុវត្តនៅក្នុងឆ្នាំក្រោយ និងកម្មវិធីដែលអាចទុកសម្រាប់អនុវត្តនៅពេលបន្ទាប់។

៣. សូមពិនិត្យមើលឡើងវិញនូវកម្មវិធីដែលអាចទុកសម្រាប់អនុវត្តជាមួយដៃគូអភិវឌ្ឍ។ ៤. សូមរៀបចំ និងពង្រឹងប្រព័ន្ធរបាយការណ៍ និងភាពជាម្ចាស់លើផ្នែកបច្ចេកទេស។ ៦. ត្រូវធ្វើការងារប្រកបដោយភាពបុរេសកម្ម និង ៧. ត្រូវមានការវាយតម្លៃផ្ទៃក្នុង ពាក់កណ្តាលឆ្នាំ និងចុងឆ្នាំ ដើម្បីឱ្យប្រាកដថាការវិនិយោគ ឆ្លើយឆ្លងគ្នាទៅនឹងលទ្ធផល និងចំគោលដៅ៕

The post ក្រសួងអប់រំ ប្រជុំត្រៀមសម្រាប់ការចរចាថវិកាអប់រំ ឆ្នាំ២០២៥ appeared first on Kampuchea Thmey Daily.

ថ្លែងក្នុងកិច្ចពិភាក្សាជាមួយនឹងលោក សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិកាលពីថ្ងៃអាទិត្យ, លោក វ៉ាង យី បានកត់សម្គាល់ថា ប្រទេសចិនមានឆន្ទៈក្នុងការធ្វើការជាមួយកម្ពុជា ដើម្បីបង្កើនភាពស៊ីសង្វាក់គ្នាជាយុទ្ធសាស្ត្រ និងជំរុញកិច្ចសហប្រតិបត្តិការលើវិស័យសំខាន់ៗចំនួន ៦ គឺ នយោបាយ សមត្ថភាពផលិតកម្ម កសិកម្ម ថាមពល សន្តិសុខ និងការផ្លាស់ប្តូររវាងប្រជាជន និងប្រជាជន ។

លោករដ្ឋមន្ត្រីបញ្ជាក់ថា ប្រទេសចិនមានឆន្ទៈក្នុងការធ្វើការជាមួយកម្ពុជាដើម្បីធ្វើឲ្យស៊ីជម្រៅនូវទំនុកចិត្តទៅវិញទៅមកជាយុទ្ធសាស្ត្រ ពង្រឹងឯកភាព និងកិច្ចសហប្រតិបត្តិការ ពង្រឹងមូលដ្ឋានគ្រឹះនៃផលប្រយោជន៍ទៅវិញទៅមក ក៏ដូចជាជំរុញការអភិវឌ្ឍន៍កាន់តែធំក្នុងការកសាងសហគមន៍ ចិន-កម្ពុជា ហើយភាគីទាំងពីរគួរតែពង្រឹងកិច្ចសហប្រតិបត្តិការជាក់ស្តែង បង្កើនការរួបរួម និងកិច្ចសហប្រតិបត្តិការ ជំរុញការផ្លាស់ប្តូររវាងប្រជាជន និងប្រជាជន និងពង្រឹងការសម្របសម្រួល ក៏ដូចជាកិច្ចសហប្រតិបត្តិការពហុភាគីជាដើម ។

លោក វ៉ាង យី ដែលក៏ជាសមាជិកការិយាល័យនយោបាយ និងជាប្រធានការិយាល័យគណៈកម្មការកិច្ចការបរទេសនៃគណៈកម្មាធិការមជ្ឈិមបក្សកុម្មុយនីស្តចិនផងដែរនោះបានលើកឡើងទៀតថា ប្រឈមមុខនឹងបរិយាកាសអន្តរជាតិដ៏ស្មុគស្មាញ ប្រទេសចិន និងកម្ពុជាគួរតែពង្រឹងគោលដៅជាយុទ្ធសាស្ត្រកម្រិតខ្ពស់ និងស្ដង់ដា ក៏ដូចជាដឹកនាំការកសាងសហគមន៍ ចិន-កម្ពុជា ជាមួយនឹងអនាគតរួមគ្នាក្នុងទិសដៅត្រឹមត្រូវ ។

លោករដ្ឋមន្ត្រីបានកត់សម្គាល់បន្ថែមថា ចិន និងកម្ពុជាគួរតែរួមគ្នាប្រយុទ្ធប្រឆាំងនឹងសកម្មភាពខុសច្បាប់ ដូចជាល្បែងស៊ីសងតាមអនឡាញ ការបោកប្រាស់តាមអ៊ីនធឺណិត និងការជួញដូរមនុស្ស ក៏ដូចជាលុបបំបាត់ឲ្យបាននូវឧក្រិដ្ឋជនពាក់ព័ន្ធ ជាពិសេសរួមគ្នាលើកកម្ពស់ការអភិវឌ្ឍប្រកបដោយគុណភាពខ្ពស់នៃទំនាក់ទំនង ចិន-អាស៊ាន ជំរុញកិច្ចសហប្រតិបត្តិការទន្លេ ឡានឆាង-មេគង្គ និងដឹកនាំកិច្ចសហប្រតិបត្តិការអាស៊ីបូព៌ាក្នុងទិសដៅត្រឹមត្រូវ ។

គួរបញ្ជាក់ថា លោក វ៉ាង យី បានអញ្ជើញមកដល់ព្រះរាជាណាចក្រកម្ពុជាកាលពីរសៀលថ្ងៃអាទិត្យ ដើម្បីបំពេញដំណើរទស្សនកិច្ចផ្លូវការ ចាប់ពីថ្ងៃទី២១ ដល់ថ្ងៃទី២៣ ខែមេសា ឆ្នាំ២០២៤ ខណៈក្នុងដំណើរទស្សនកិច្ចនេះទៀតសោត លោករដ្ឋមន្ត្រីនឹងចូលក្រាបបង្គំគាល់ ព្រះករុណា ព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជានៅព្រះបរមរាជវាំង ព្រមទាំងអញ្ជើញចូលជួបសម្តែងការគួរសមដាច់ដោយឡែកជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាផងដែរ ៕

ដោយ ៖ សុខ ជីវ័ន្ត

The post ចិន ជំរុញកិច្ចសហប្រតិបត្តិការជាមួយ កម្ពុជា លើវិស័យសំខាន់ៗចំនួន ៦ appeared first on Kampuchea Thmey Daily.

ជា​ការកត់​សម្គាល់ រយៈ​ពេល​ប៉ុន្មានថ្ងៃនេះ បាន​ផ្ទុះ​ការរិះគន់ និង​វែកញែក​ជា​ច្រើន​នៅ​លើ​បណ្តាញ​សង្គម​ហ្វេសប៊ុក​ជុំវិញ​ចម្រៀង​មួយ​បទ​មាន​ចំណង​ជើង​ថា “បៀមស្ករកៅស៊ូ” ដែល​ច្រៀង​ដោយ​តារា​ចម្រៀង​ល្បី ឈ្មោះ​អ្នកនាង គង់ ច័ន្ទរដ្ឋា និងTwin Boys និពន្ធ ដោយ លាង​ ស៊ាងលីន ។

ដើម្បី​បកស្រាយ​នូវការយល់ច្រឡំ​មួយ​ចំនួន​របស់​មហាជនអ្នក​និពន្ធ លាង​ ស៊ាងលីន​ បា​នបញ្ជាក់​ថា «ជម្រាប​សួរ​ពុកម៉ែ​បងប្អូន​ខ្ញុំបាទ​លាង​ ស៊ាងលីន​ អរគុណ​នូវការរិះគន់​ដើម្បីស្ថាបនា​នឹង​សុំទោស​នូវ​រាល់​កំហុស​ខុសឆ្គង​នៅ​លើចម្រៀងមួយបទដែលមាន​ចំណង​ជើង​ថា “បៀមស្ករកៅស៊ូ” ខ្ញុំសូម​ឲ្យ​ពុកម៉ែបង​ប្អូនបើកចិត្ត​នឹងទទួលស្ដាប់នៅការបកស្រាយរបស់ខ្ញុំបាទផង»។

លោក លាង​ ស៊ាងលីន​បាន​លើកឡើង​ថា តាម​ពិតទៅបទ “បៀមស្ករកៅស៊ូ” នៅពេល​ដែលលោក​ធ្វើភ្លេងថ្ងៃដំបូង​បានគិតស្រមើល​​ស្រម៉ៃ​នឹក​ដល់រឿង​អតីតកាល​ជា​យុវវ័យ ឬ​បច្ចុប្បន្ន​ដើម្បីស្វែង​រកអត្ថន័យ​បទ​នេះ​ ដូច្នេះ​ហើយ​លោក​ក៏នឹកឃើញដល់​ការបៀម​ស្ករកៅស៊ូ​នេះ​តែម្តង ព្រោះជំនាន់​នោះចូលចិត្ត “បៀម​ស្ករកៅស៊ូ ” អញ្ចឹង​ហើយ​លោក​បាន​ចាប់​អារម្មណ៍​ផលិត​បទ​នេះ​ឡើង​។

លោក​បញ្ជាក់​ថា «ក្រោយ​គិតរួច ខ្ញុំក៏​សម្រេច​និពន្ធ​បទ “បៀមស្ករកៅស៊ូ” នេះ​ប៉ុន្តែ​អ្វីដែល​ធ្វើឲ្យ​មហាជន​ឆ្ងល់​​អត្ថន័យ​នៅក្នុង​បទ​​នេះ គឺត្រង់​ចំណុចមួយឃ្លាថា “បៀម​ធ្វើ​ឲ្យបងនឹកៗ….ក្តក់​យក​ជាតិ​ទឹកៗ…..”ដោយ​​សារ​ពាក្យ​នេះ​ហើយ​ទើប​ធ្វើឲ្យ​ផ្ទុះ​ការ​វែកញែក​ដើម្បី​ស្ថាបនា ​ហេតុ​នេះខ្ញុំចង់​ប្រាប់ថា អត្ថន័យ​ដែល​ខ្ញុំសរសេរហ្នឹង គឺចង់សំដៅទៅ​លើន័យ​ល្អ​ទេ (សំដៅ​ទៅ​លើ​ន័យ​បៀម​ស្ករ​កៅ​ស៊ូ)”។

លោក លាង​ ស៊ាងលីន​ បានបន្ថែម​ថា ត្រង់ចំណុចនេះ​លោក​ចង់​បញ្ជាក់​ម្តង​ទៀត​ថា អត្ថន័យ​សំដៅ​លើការ​បៀមស្ករកៅស៊ូ​ប៉ុណ្ណោះ ដូច្នេះ​សង្ឃឹម​ថា​ការ​បក​ស្រាយ​មួយ​នេះបង​ប្អូន​មហាជន​ឈប់​យល់​ច្រឡំ ឬ​វែកញែក​រិះគន់​បន្ត​ទៀត៕

អត្ថបទ៖ ចាន់រ៉ា

The post អ្នកនិពន្ធបទ “បៀមស្ករកៅស៊ូ” សុំទោស និងស្នើមហាជនបើកចិត្តក្រោយផ្ទុះការរិះគន់ appeared first on Kampuchea Thmey Daily.

បន្ទាប់ពីសាង​កេរ្តិ៍ឈ្មោះ និងប្រជាប្រិយភាព​មួយរយៈ​ មក​តារា​ចម្រៀង​ជើង​ចាស់រូបនេះ​ក៏​បាត់​វត្តមាន​ពី​វិស័យចម្រៀងជាច្រើនឆ្នាំ​ដែល​កន្លង​មកធ្វើ​ឲ្យមហាជន អ្នកគាំទ្រ​លែងសូវបាន​ឃើញ​វត្តមានរបស់​លោក​តាមរយៈ​ការ​ចេញ​ច្រៀង​តាម​កម្ម​វិធី​ប្រគំ​តន្ត្រី​ក្នុង​ស្ថានីយទូរទស្សន៍​ក៏ដូចស្នាដៃ​បទ​ចម្រៀង​ថ្មី​ៗ​របស់​លោក​ផង​ដែរ។ ប្រការ នេះ​បាន​ធ្វើ​ឲ្យ​មហាជន​អ្នក​គាំទ្រ​មានក្តីនឹករឭក និង​ចង់ដឹងពីសុខទុក្ខ​របស់​លោក​យ៉ាងខ្លាំង។

ទោះបីយ៉ាង​ ណា​ក្រោយ​មក​លោក​ក៏ចាប់​ផ្តើម​លេចវត្តមាន​ខ្លះៗឡើងវិញ​ក្នុងអាជីពសិល្បៈ​តាមរយៈ​ការ​ចេញ​ច្រៀង​នៅ​តាម​បណ្ដា​កម្មវិធី​មួយចំនួន ពិសេស​គឺច្រៀង​នៅតាមកម្មវិធីមង្គលការផងដែរ ។ ការ​បង្ហាញវត្តមាន​របស់លោក ឈឿន ឧត្តម បាន​​ធ្វើឲ្យមហាជនមួយចំនួននៅតែបង្ហាញ​ការគាំទ្រ និងសរសើរ​ពីទឹកដមសម្លេង​របស់លោក​ពិរោះដដែល។

ជាក់ស្ដែង តារា​ចម្រៀង​ស្រី​ជំនាន់​ក្រោយ​គឺ កញ្ញា កែវ សៀងហៃ បាន​បញ្ចេញ​អារម្មណ៍​ស្ងើច​ស​សរសើរ​រៀម​ច្បង ឈឿន ឧត្តម ថា ជាអាយដលក្នុងដួងចិត្ត​ហើយ​រាល់បទ​របស់​លោក ឈឿន ឧត្តម នៅ​តែ​​ដក់​ជាប់​ក្នុងបេះដូង​រហូត​មកទល់​ពេល​បច្ចុប្បន្ន​នេះ។

កញ្ញា កែវ សៀងហៃ បាន​លើក​ឡើង​ថា “គាត់ជា​អាយដលក្នុងចិត្ត​ខ្ញុំតាំងពីតូច​គ្រប់បទ​របស់គាត់ គឺ​ស្រលាញ់ទាំងអស់ អ៊ីចឹងទើប​បទ​របស់គា​ត់ពេលខ្ញុំច្រៀង គឺ​ចេញពីបេះដូង​តែម្តង បងប្អូន​ស្រលាញ់​បទមួយណាដែល​ខ្ញុំច្រៀង ? “ចាញ់ស្នេហ៍បង” “មិននឿយទេបង” “សុំទោសភ្លើងស៊ីជម្ពូ” ?ប្រាប់​ផង​ថា​ ស្រលាញ់​មួយ​ណា​ដែរ?”។ ក្នុង​នោះ​ក៏​មាន​ការលើក​ឡើង​ថា​ ស្រឡាញ់​ទាំងអស់​ គ្រប់បទ​លោក ឈឿន ឧត្តម អូន​ច្រៀង​ដាក់​អារម្មណ៍​បាន​ល្អណាស់៕

អត្ថបទ៖ ចាន់រ៉ា

The post ឈឿន ឧត្តម ត្បិតមិនសូវលេចវត្តមានសិល្បៈ តែនៅរក្សាលំដាប់តារាក្នុងដួងចិត្តអ្នកគាំទ្រ appeared first on Kampuchea Thmey Daily.

នៅ​លើទំព័រហ្វេសប៊ុក​របស់​តារាសម្តែងជើងចាស់រូបនេះ បានបង្ហោះនៅមុននេះថា «សូម​ក្រសួង​សមាគមសិល្បៈ​មេត្តាជួយនាងខ្ញុំផង។ ជាអ្នកសិល្បៈល្បីក្នុងសង្គមដែរ មេត្តាជួយនាង​ខ្ញុំផងសូមអរគុណ»។ 

អ្នកស្រី ម៉ាក់ ចន្ធី បានបញ្ជាក់បន្ថែមថា រូបគាត់​បានជួបគ្រោះ​ថ្នាក់​ចរាចរណ៍​នៅតាមផ្លូវបណ្តាល​ឲ្យដួលសន្លប់​ស្តូកស្តឹង និងប៉ះពាល់ដល់ផ្នែកក្បាលផងដែរ។

តារា​ជើងចាស់អ្នកស្រី ចន្ធី បាន​និយាយទៀតថា ក្រោយជួបគ្រោះ​ថ្នាក់នេះ​ក៏ត្រូវបានគេ​ជួយសង្គ្រោះ​ដោយដឹកបញ្ជូនទៅព្យាបាលនៅមន្ទីពេទ្យបង្អែក ​ស្រុកកំពង់​ត្រឡាច ខេត្តកំពង់ឆ្នាំង ។ ម្យ៉ាងទៀត​ ដោយ​ជួប​ការខ្វះខាតតារា​ជើងចាស់រូបនេះក៏បានអំពាវនាវ​ដល់​សិល្បក-សិល្បការិនី ដែល​ស្គាល់​ទាំងអស់មេត្តាឧបត្ថម្ភជួយដល់រូបគាត់ផង។

ចំណែក​លោក ផាត់ តារារ័ត្ន ដែលជា​ស្ថាបនិកគ្រួសារ​តារា​កម្ពុជាបា​នបញ្ជាក់ឲ្យដឹងដែរថា «អរគុណ​អ្នក​នាង ចន ច័ន្ទ លក្ខិណា Chanlakhena Chornប្រធានសមាគមសិល្បករខ្មែរ ដែលបាន​ជួយតារាសម្ដែង ម៉ាក់ ចន្ធី ដែលដឹក​បាយក្ដាំង​យកទៅ​ឲ្យគេហើយត្រូវគេ បុកគ្រោះថ្នាក់ចរាចរ (១២-៣-២០២៤) ហើយ​កំពុងត្រូវគេ​បញ្ជូនអោយទៅសង្គ្រោះបន្ទាន់ នៅមន្ទីរពេទ្យ​កំពង់ត្រឡាច ខេត្តកំពង់ឆ្នាំង ចំនួន ១៥០ដុល្លារ តាមរយៈគ្រួសារតារាកម្ពុជា»។

លោក ផាត់ តារារ័ត្ន បាន​បន្ថែមទៀតថា ជំនួស​មុខ​ឲ្យម៉ាក់ ចន្ធី សូមអរគុណដល់​លោកស្រី​ប្រធានជា​ពន់ពេក។ប្រសិន​បើមហាជន ឬអ្នកគាំទ្រព្រម ទាំងអ្នកសិល្បៈ​រួមអាជីពច​ង់ចូលរួមឧបត្ថម្ភ​អាចទំនាក់ទំនងតាមរយៈ​លេខទូរស័ព្ទ: ០៧០ ៣៧ ១៤ ៩៨ ,០១២ ៨៨ ៧៧ ១៣៕

អត្ថបទ៖ ចាន់រ៉ា

The post តារាសម្ដែងជើងចាស់ម្នាក់ជួបគ្រោះថ្នាក់ចរាចរណ៍ នៅស្រុកកំពង់ត្រឡាច ខេត្តកំពង់ឆ្នាំង appeared first on Kampuchea Thmey Daily.

ប្រាកដ​ណាស់​ការ​ចេញ​មុខ​សុំទោស​របស់​តារា​ចម្រៀង​លោក ម៉ៅ ហាជី និង​អ្នក​និពន្ធ​រូបនេះ​ស្របពេល​ដែល​ផ្ទុះ​ការវែកញែក និង​ការរិះគន់​នៅ​លើ​បណ្តាញ​សង្គម​ហ្វេសប៊ុក​ ហើយTik Tok ក្រោយ​ពួក​​គេ​បាន​បញ្ចេញ​បទចម្រៀង​ដែល​មាន​​ចំណង​ជើងថា  “Teamទឹក ត្នោតជូរ” ខណៈ​បទនេះត្រូវបានគេដឹងថា យក​ប៉ារ៉ូល លំនាំ​បទ “ដែនដីខ្មែរ” ដែល​ជា​ព្រះរាជនិពន្ធ​ដោយ​ សម្ដេច ព្រះមហាសង្ឃរាជ​ ជួន ណាត​ ទៅ​កែ​ក្រឡៃ។

នៅ​លើ​ទំព័រហ្វេស​ប៊ុកអាចារ្យ ធំ បាន​លើ​ឡើង​ខ្លឹម​សារថា​ «ព្រះរាជនិពន្ធ​ដោយ​សម្ដេច ព្រះមហាសង្ឃ រាជ​ ជួ ន-ណាត​ “ដែនដីខ្មែរ ប្រែថាសុវណ្ណភូមិ…”​ មិន​មែន​ដែនដីខ្មែរ ប្រែ​ ថា​គ្រឿង​ ស្រវឹង​ប្រមឹក​​ទេ បទ​ជាតិ​មួយ​ទាំង​មូល​ដែល​ត្រូវ​តម្កល់​ដោយ​ការ​គោរព​ និង​បណ្ដុះ​គំនិត​ជាតិ​និយម​បែរជា​ថ្លើម​ធំហ៊ាន​ប្រមាថ។ តើក្នុង​ក្បាល​របស់អ្នកនិពន្ធ​ និងអ្នក​ច្រៀង​មានខួរដែរឬទេ ? តើពួកនេះ​ជាខ្មែរ ឬទេ? ហេតុ​អ្វី​វង្វេង?»

នៅ​ព្រឹកថ្ងៃទី០៧ ខែមីនា ឆ្នាំ២០២៤ នេះ លោក ម៉ៅ ហាជី បានចេញ​សារ​សុំទោស​មហាជនថា «សុំទោស​បងប្អូនទាំងអស់គ្នាសម្រាប់បទនឹ​ងគឺខ្ញុំបានលុបចោលហើយ»។

លោកបន្ត​ថា នេះ​ជាកំហុសអចេនាមួយដែលបានឡើងរហូតធ្វើឲ្យមហាជនមានការមិន​សប្បាយ​ និង​រិះគន់ពួកខ្លួន​ដូច្នេះ​លោកមានតែការលើកដៃសំពះសុំទោសជាសាធារណៈ​នូវកំហុសឆ្គង​ដែល​បាន​កើតឡើង។

លោក ម៉ៅ ហាជី បានបញ្ជាក់ទៀតថា ពួកលោក​សូម​សន្យាមិនឲ្យមានកើត​ឡើងនូវ​បញ្ហានេះទៀត ពោល​គឺលែងឲ្យ​មានការប៉ះពាល់​ដល់​ភ្លេងជាតិទៀតហើយរីឯការចេញបទនេះ ខាងផលិតកម្ម ថោន ក៏មិន​បានដឹងដែរ។ លោកក៏ស្នើសុំដល់មហាជនមេត្តា​ឈប់រិះគន់ ឬ មួយខឹងទៅខាង​ផលិតកម្មផងដែរ​ដោយរូបលោកក៏​ដូចជាអ្នកនិពន្ធ​សូមសន្យាថា​ឈប់ឲ្យមានរឿងបែប​នេះទៀតហើយ៕

អត្ថបទ៖ ចាន់រ៉ា

The post ម៉ៅ ហាជី និងអ្នកនិពន្ធបទ “Teamទឹកត្នោតជូរ” សុំទោសមហាជនជាសាធារណៈ ក្រោយផ្ទុះការរិះគន់ appeared first on Kampuchea Thmey Daily.

តាមរយៈកិច្ចសម្ភាសន៍មួយអតីតថៅកែផលិតកម្មលោកតា ប្រាក់ សារិន បានបញ្ជាក់ថា គិតមកដល់ពេលនេះលោកបានធ្លាក់ខ្លួនពិការភ្នែក រយៈពេលជិត ១០ឆ្នាំមកហើយពោលគឺចាប់តាំងពីលោកតាទៅរស់នៅស្រុកកំណើតវិញ។ ម្យ៉ាងទៀតលោកតា ប្រាក់ សារិន ក៏មានជំងឺទឹកនោមផ្អែមប្រចាំកាយទៀតផង ខណ:កូនស្រីក្រមុំក៏មានជំងឺសរសៃប្រសាទផងដែរ។

ដោយឡែកលោក ហេង ឡុង បានបញ្ជាក់ដែរថា សមាគមមិត្តសិល្បៈ​ស្ម័គ្រចិត្តជួយសង្គម បាន​ឧបត្ថម្ភគ្រឿងឧបភោគបរិភោគ និងថវិការមូលនិធិ “សិល្បករចាស់ជរា” ជូនដល់លោកតា ប្រាក់ សារិន អតីតចាង ហ្វាងផលិតកម្មវត្តភ្នំដែលកំពុងមានជំងឺពិការភ្នែក ទឹកនោមផ្អែម និងជីវភាពខ្វះខាត។

សមាគមមិត្តសិល្បៈស្ម័គ្រចិត្តជួយសង្គមសូមគោរពថ្លែងអំណរគុណ ដល់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ដែលបានជួយឧបត្ថម្ភដល់ «មូលនិធិសិល្បករចាស់ជរា» នូវថវិកាចំនួន ៥ម៉ឺនដុល្លារ ក្នុង ១ឆ្នាំក្នុង រយៈពេល ៥ឆ្នាំដើម្បីទ្រទ្រង់ដល់សិល្បករចាស់ជរា៕

អត្ថបទ៖ ចានរ៉ា

The post អតីតចាងហ្វាងផលិតកម្មវត្តភ្នំលោកតា ប្រាក់ សារិន ធ្លាក់ខ្លួនពិការភ្នែក និងមានជំងឺទឹកនោមផ្អែម appeared first on Kampuchea Thmey Daily.