ប្រតិបត្តិការ​ឃាត់​ខ្លួន​នេះ​បាន​ធ្វើឡើង​កាលពី​ថ្ងៃ​ទី ២៣ ខែ​មករា ឆ្នាំ ២០២៥ ដោយ​មាន​ការ​សម្រប​សម្រួល​ពី​អយ្យការ​អម​សាលាដំបូង​រាជធានី​ភ្នំពេញ កម្លាំង​នគរបាល​នាយកដ្ឋាន បាន​ឃាត់ខ្លួន​ជនសង្ស័យ​ម្នាក់ ភេទ​ស្រី ជនជាតិ​ខ្មែរ មាន​ទីលំនៅ​ខេត្ត​កណ្ដាល ជា​អ្នក​ផ្ដល់​ទីកន្លែង និង​មធ្យោបាយ​គណនី​ធនាគារ​របស់​ខ្លួន​ឱ្យ​បក្ខពួក​ជនជាតិ​ចិន និង​ខ្មែរ​មួយ​ក្រុម ដើម្បី​ទទួល​ផល នៃ​បទល្មើស។

បច្ចុប្បន្ន​ជនសង្ស័យ​ត្រូវ​បាន​នគរបាល​ជំនាញ​ នៃ​នាយកដ្ឋាន​ប្រឆាំង​បទល្មើស​បច្ចេកវិទ្យា កសាង​សំណុំរឿង​បញ្ជូន​ទៅ​អយ្យការ​អម​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាម​នីតិវិធី។

ជាមួយ​នេះ នគរបាល​ជំនាញ​នាយកដ្ឋាន​ប្រឆាំង​បទល្មើស​បច្ចេកវិទ្យា បាន​ក្រើនរំលឹក​ដល់​ប្រជាពលរដ្ឋ​ឱ្យ​មាន​ការ​ប្រយ័ត្ន​ពី​ជន ឬ​ ក្រុម​ដែល​មិន​ស្គាល់​អត្តសញ្ញាណ បន្លំ​ជា​ស្ថាប័ន​ផ្សេងៗ ដើម្បី​បោក​បញ្ឆោត​ឱ្យ​ផ្តល់​ព័ត៌មាន​ផ្ទាល់ខ្លួន ដែល​ឈាន​ទៅ​ដល់​ការគ្រប់គ្រង​គណនី​ធនាគារ និង​ផ្ទេរ​ប្រាក់​ចេញ​ដោយ​មិន​ដឹង​ខ្លួន និង​សូម​កុំ​ឱ្យ​អ្នកដទៃ​ប្រើប្រាស់ ឬ ​ខ្ចី​គណនី​ធនាគារ​ផ្ទាល់ខ្លួន ដើម្បី​ធ្វើ​សកម្មភាព និង​ទទួល​ប្រាក់​​មិន​មាន​ប្រភព​ច្បាស់លាស់​ចូល ហើយ​ស្នើសុំ​ដក​ជា​សាច់ប្រាក់​សុទ្ធ វា​គឺជា​ការប្រព្រឹត្តិ​បទល្មើស និង​ទទួលខុសត្រូវ​ចំពោះ​មុខ​ច្បាប់​ជា​ធរមាន៕

អត្ថបទ ៖ សុភា

The post ឃាត់ខ្លួនស្ត្រីម្នាក់ ករណីក្លែងបន្លំជាស្ថាប័នអគ្គិសនីកម្ពុជា (EDC) លួចផ្ទេរប្រាក់ពីគណនីធនាគាររបស់ជនរងគ្រោះ appeared first on Kampuchea Thmey Daily.

យោងតាមសេចក្តីជូនដំណឹង អគ្គិសនីកម្ពុជា បញ្ជាក់ថា ក្នុងចំណោមខណ្ឌដែលត្រូវផ្អាកការផ្គត់ផ្គង់នោះ ក៏មានខេត្តកណ្តាលមួយផងដែរ ដោយតំបន់មួយចំនួនក្នុងស្រុកកៀនស្វាយ នឹងត្រូវផ្អាកការផ្គត់ផ្គង់ដូចរាជធានីភ្នំពេញដែរ។

អគ្គិសនីកម្ពុជា បានបញ្ជាក់ថា ទោះជាមានការខិតខំថែរក្សាមិនឲ្យមានការប៉ះពាល់ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើអាចនឹងមានការរអាក់រអួលខ្លះៗជៀសមិនផុតដែលយើងខ្ញុំស្នើសុំអភ័យទោសទុកជាមុន ៕

The post ខណ្ឌមួយចំនួនក្នុងរាជធានីភ្នំពេញ នឹងត្រូវផ្អាកការផ្គត់ផ្គង់អគ្គិសនី រយៈ ៤ថ្ងៃ ចាប់ពីស្អែកនេះទៅ appeared first on Kampuchea Thmey Daily.

បន្ទាប់ពីទទួលបានព័ត៌មានជាបន្តបន្ទាប់ពីអគ្គសនីកម្ពុជា (EDC) និងអ្នកកាន់អជ្ញាបណ្ណផ្គត់ផ្គង់អគ្គិសនីឯកជន ថានៅតាមតំបន់មួយចំនួន មានករណីឆបោកអ្នកប្រើប្រាស់អគ្គិសនីតាមទូរស័ព្ទ តាមបណ្តាញទំនាក់ទំនងសង្គម ឬតាមមធ្យោបាយនានា ក្នុងការបង់ប្រាក់។
មធ្យោបាយនៃការឆបោកនោះ គឺរួមមានជាការឲ្យបង់ថ្លៃប្រើប្រាស់អគ្គិសនីប្រចាំខែ ថ្លៃប្តូរនាឡិកាស្ទង់ ប្តូរឌីស្យុងទ័រ ប្តូរបរិក្ខារអគ្គិសនីមួយចំនួន ដើម្បីចៀសវាងការផ្អាកកាផ្គត់ផ្គង់ ឬការកាត់ផ្តាច់ចរន្តអគ្គសនីជាដើម។

ពាក់ព័ន្ធនឹងបញ្ហានេះ អាជ្ញាធរអគ្គិសនី​សង្កត់ធ្ងន់ថា ប្រសិនបើមានបុគ្គលមិនស្គាល់អត្តសញ្ញាណណា ដែលបានទំនាក់ទំនងទៅ​ឲ្យបង់ប្រាក់ យោងតាមហេតុផលខាងលើនេះ សូមកុំបង់ប្រាក់​ឬផ្ទេរប្រាក់ឲ្យជននោះឲ្យសោះ ហើយត្រូវជូនដំណឹង​ដល់​អគ្គិសនីកម្ពុជា ឬអ្នកកាន់អាជ្ញាបណ្ណអគ្គិសនីឯកជន ដែលទទួលបន្ទុកផ្គត់ផ្គង់អគ្គសនីនៅតាមតំបន់របស់ខ្លួន ដើម្បីមានវិធានការទៅតាមផ្លូវច្បាប់។

អាជ្ញាធរអគ្គិសនីកម្ពុជាក៏បានសង្កត់ធ្ងន់ថា រាល់ការបង់ប្រាក់ថ្លៃប្រើប្រាស់អគ្គិសនី ឬសេវាផ្សេងៗ លុះត្រាតែមានវិក្កយបត្រ និងបង្កាន់ដៃ​ទទួលប្រាក់​ត្រឹមត្រូវរបស់អគ្គិសនីកម្ពុជា ឬរបស់អ្នកកាន់អាជ្ញាបណ្ណអគ្គិស​នីឯកជន។ បើមិនមានឯកសារទាំងនោះទេ សូមបងប្អូនប្រជាពលរដ្ឋ កុំបង់ប្រាក់ឲ្យសោះ៕

The post មានជនខិលខូច ឆបោកអ្នកប្រើប្រាស់អគ្គិសនីឲ្យផ្ទេរប្រាក់ថ្លៃប្រើប្រចាំខែ ឬសេវាផ្សេង appeared first on Kampuchea Thmey Daily.

ថ្មីៗនេះ មានការចែករំលែករូបភាពនាឡិកាស្ទង់មួយកន្លែង ដែលមិនមែនជាកម្មសិទ្ធិប្រើប្រាស់របស់ប្រទេសកម្ពុជា និងភ្ជាប់ជាមួយខ្លឹមសារក្នុងន័យជាការលេងសើច ហើយក៏ត្រូវបានមហាជនចែករំលែកតៗគ្នាជាច្រើន ជាហេតុធ្វើឱ្យក្រុមការងាររបស់អគ្គសនីកម្ពុជា ស្រាវជ្រាវជាបន្ទាន់លើបញ្ហានេះ។

លើសពីនេះ អគ្គសនីកម្ពុជាក៏បានចេញផ្សាយ ជាការសំណូមពរដល់គណនីខាងលើ ក៏មានមតិមួយចំនួន បានចូលរួមលេងសើច ហើយមតិខ្លះក៏សម្តែងការមិនពេញចិត្តនឹងការលេងសើចនេះផងដែរ។ គណនីមួយឈ្មោះ Tuesday Kann បានបញ្ចេញមតិថា “គិតទៅប្រជាជនខ្មែរយើងមួយចំនួន ពេលគេធ្វើការងារហើយ ក៏នៅនិយាយ ចំអកចំអន់ឲ្យគេទៀត តាមពិតគាត់ធ្វើនេះគឺត្រឹមត្រូវហើយ អត់មានខុសទេ ទោះវាជារឿងលេងសើចរបស់មហាជន តែវាទាក់ទងនឹងកាតព្វកិច្ចការងាររបស់ EDC ដែលត្រូវស្វែងរកនិងបកស្រាយឲ្យមហាជនបានដឹងគ្រប់គ្នា” ។

ដោយឡែកគណីមួយផ្សេងទៀតឈ្មោះ Diizz Pro លើកឡើងក្នុងន័យស្រដៀងគ្នាដែរថា “ពួកគាត់មិនយល់ទេថា អ្វីទៅជាកាតព្វកិច្ចការងារ! ខ្ញុំមើលមិនឃើញពីកំហុសរបស់ EDC ទេ! បើគ្រាន់តែគាត់ចេញមកស្រាយបំភ្លឺ ដើម្បីឱ្យពលរដ្ឋមួយចំនួន ដែលមានការយល់ច្រឡំ ថារឿងនេះវាកើតឡើងនៅប្រទេសរបស់យើង ឱ្យបានដឹងពីមូលពិត តែបែរក្លាយទៅជាកំហុសទៅវិញ” ។ ក្រៅពីនេះ នៅមានមតិមួយចំនួនធំទៀត សម្តែងការមិនពេញចិត្តចំពោះការលេងសើចរបស់គណនីនោះ ដែលមិនត្រឹមតែបង្កការយល់ច្រឡំ ថែមទាំងធ្វើឱ្យខាតពេលវេលាអ្នកដទៃ ដែលពួកគាត់ត្រូវបំពេកាតព្វកិច្ចជូនពលរដ្ឋ។

គួរបញ្ជាក់ថា បន្ទាប់ពីគណនីឈ្មោះ TyTy បានបង្ហោះរូបភាពនាឡិកាស្ទង់មួយកន្លែង ភ្ជាប់ជាមួយខ្លឹមសារ “ខានបង់ភ្លើង ៣ខែហើយ ប៉ុន្តែអត់ឃើញគេមកផ្តាច់ភ្លើងសោះ” និងត្រូវបានសាធារណជនចែករំលែកដល់ទៅជិត ៥ពាន់នាក់ (4.9K) បានឃើញ និងចុចLike ដល់ទៅជាងប្រមាណ ៦៦០០០នាក់ (66K) កាលពីថ្ងៃទី១៧ មេសា ឆ្នាំ២០២៣ វេលាម៉ោង ១៣និង១៥នាទី អគ្គសនីកម្ពុជាអះអាងថា រូបភាពនាឡិកាស្ទង់នោះ មិនមែននាឡិកាស្ទង់នៅប្រទេសកម្ពុជា​នោះទេ ហើយប្រព័ន្ធនាឡិកាស្ទង់ស្លាកសញ្ញា(Brand) មួយនេះ ក៏មិនមានប្រើប្រាស់នៅក្នុង ប្រទេសកម្ពុជាដែរ ដែលនោះគឺជានាឡិកាស្ទង់ប្រើប្រាស់ក្នុងប្រទេសថៃ៕

The post អគ្គិសនីកម្ពុជា ស្នើឱ្យមុននឹងផ្សព្វផ្សាយអ្វីមួយ ត្រូវបញ្ជាក់ពីប្រភពឲ្យច្បាស់លាស់ ចៀសវាងភាន់ច្រឡំ appeared first on Kampuchea Thmey Daily.