ក្រសួងសាធារណការ បញ្ជាក់ថា ដើម្បីទទួលយកនូវការបំពាក់ឧបករណ៍ ETC-OBU ដោយឥតគិតថ្លៃ គឺតម្រូវឱ្យនាំ​យក​រថយន្ត​ដែលត្រូវបំពាក់ និងឯកសារមួយចំនួនមកជាមួយ ដូចជា អត្តសញ្ញាណប័ណ្ណសញ្ជាតិខ្មែរបណ្ណសម្គាល់​យានជំនិះ(កាតគ្រី) និងវិញ្ញាបនបត្រត្រួតពិនិត្យលក្ខណៈ​បច្ចេកទេសយានជំនិះ(ឆៀក)។​

គួរបញ្ជាក់ថា គន្លងអាទិភាព ETC ជាគន្លងជួយសម្រួលក្នុងការចេញចូលដោយមិនរង់ចាំយូរ ពោលគឺអាចធ្វើដំណើរតាមច្រកចេញចូលជាស្វ័យប្រវត្តិ តាមផ្លាកលេខយានយន្ត ដោយគ្រាន់តែបញ្ចូលសមតុល្យសាច់ប្រាក់ ទៅក្នុងផ្លាកលេខសម្គាល់យានយន្តជាមុនប៉ុណ្ណោះ។ សម្រាប់ការបញ្ចូលសមតុល្យនោះទៀតសោត គឺអាចធ្វើបានតាមកម្មវិធីធនាគារក្នុងទូរស័ព្ទដៃ (Mobile Banking) នៃគ្រឹះស្ថានហិរញ្ញវត្ថុ និងធនាគារដៃគូ របស់ក្រសួងសាធារណការ និងដឹកជញ្ជូន ដែលមានគ្រឹះស្ថានដៃគូ ចំនួន៨ រួមមាន៖
១. ធនាគារ ជីបម៉ុង(Chip Mong Bank)
២. ធនាគារ អេស៊ីលីដា(ACLEDA Bank)
៣. ធនាគារវីង(Wing Bank)
៤. ធនាគារ វឌ្ឍនៈ(VATTANAC Bank)
៥. ធនាគារកាណាឌីយ៉ា(Canadia Bank)
៦. លីហួរវេរលុយ (LyHour PayPro)
៧. ធនាគារព្រីនស៍ (PRINCE Bank)
៨. ធនាគារ វឌ្ឍនៈអាស៊ីចំកាត់ (ABA Bank)

បើតាមក្រសួងសាធារណការ បន្ថែមពីលើជម្រើសការប្រើប្រាស់គន្លង ETC បងប្អូនប្រជាពលរដ្ឋក៏អាចជ្រើសរើសយក ការចេញចូលតាមគន្លង ANPR ផងដែរ ដែលតម្រូវឱ្យបញ្ចូលសមតុល្យជាមុនទៅក្នុងផ្លាកលេខដូចគ្នា៕

The post ការផ្តល់ជូនឧបករណ៍ ETC-OBU ដោយឥតគិតថ្លៃ នឹងត្រូវបញ្ចប់នៅស្អែកនេះហើយ appeared first on Kampuchea Thmey Daily.

ការរៀបចំការផ្តល់ជូនពិសេសនេះ ធ្វើឡើងចាប់ពីថ្ងៃទី២៨ ខែវិច្ឆិកា ឆ្នាំ២០២២ រហូតដល់ថ្ងៃទី០១ ខែមករា ឆ្នាំ២០២៣
ក្នុងន័យដើម្បីចូលរួមទប់ស្កាត់ការកកស្ទះចរាចរណ៍នៅបញ្ជរបង់ប្រាក់ ក៏ដូចជាផ្តល់ភាពងាយស្រួល ជូនដល់បងប្អូនអ្នកបើកប​រនៅលើផ្លូវល្បឿនលឿន ដែលរៀបចំដោយ ក្រុមហ៊ុនផ្លូវល្បឿនលឿន ភ្នំពេញ-ក្រុងព្រះសីហនុ។

ក្រសួងសាធារណការ និងដឹកជញ្ជូន ជម្រាបថា ដើម្បីទទួលបានឧបករណ៍ ETC-OBU ម្ចាស់យានយន្ត ត្រូវភ្ជាប់មកជាមួយ អត្តសញ្ញាណបណ្ណម្ចាស់យានយន្ត បណ្ណសំគាល់យានយន្ត ឬវិញ្ញាបនបត្រត្រួតពិនិត្យបច្ចេកទេសយានយន្ត (ឆៀក)។ ឯការបំពាក់ឧបករណ៍នេះ អាចធ្វើបាននៅគ្រប់បញ្ជរបង់ប្រាក់ទាំង ៨ទីតាំង នៃផ្លូវល្បឿនលឿន។

តាមការគូសបញ្ចាក់ ចំពោះគន្លង ETC ម្ចាស់អ្នកបើកបរផ្លូវល្បើនលឿន អាចបញ្ចូលសមតុល្យទៅក្នុងផ្លាកលេខ​សម្គាល់​យានយន្តជាមុន តាមរយៈកម្មវិធីធនាគារក្នុងទូរស័ព្ទដៃ (Mobile Banking) នៃគ្រឹះស្ថានហិរញ្ញវត្ថុ និងធនាគារដៃគូ របស់ក្រសួងសាធារណការ និងដឹកជញ្ជូន។

គួរឲ្យដឹងដែរថា ធនាគារដៃគូរបស់ ក្រសួងសាធារណការ និងដឹកជញ្ជូន បច្ចុប្បន្នមានគ្រឹះស្ថានដៃគូ ចំនួន៧ ដែលបានដាក់ឱ្យប្រើប្រាស់នូវកម្មវិធី Mobile Banking ដើម្បីបញ្ចូលសមតុល្យទឹកប្រាក់ តាមរយៈផ្លាកលេខសម្គាល់យានយន្ត ក្នុងនោះរួមមាន៖
ធនាគារ ជីបម៉ុង(Chip Mong Bank)
ធនាគារ អេស៊ីលីដា(ACLEDA Bank)
ធនាគារ វឌ្ឍនៈអាស៊ីចំកាត់ (ABA Bank)
ធនាគារវីង(Wing Bank)
ធនាគារ វឌ្ឍនៈ(VATTANAC Bank)
ធនាគារកាណាឌីយ៉ា(Canadia Bank)
លីហួរវេរលុយ

បន្ថែមពីលើជម្រើសការប្រើប្រាស់គន្លងផ្លូវ ETC ម្ចាស់យាយន្ត ក៏អាចជ្រើសយកការចេញចូលតាមគន្លង ANPR ផងដែរ ដែលតម្រូវឲ្យបញ្ចូលសមតុល្យជាមុន ទៅក្នុងផ្លាកលេខដូចគ្នា ឬទំនាក់ទំនងទៅកាន់លេខ 1399 ដើម្បីសួរព័ត៌មានពីសេវាកម្ម និងទាក់ទងទៅកាន់លេខ 1275 ដើម្បីសាកសួរពីព័ត៌មានទូទៅ។ មួយវិញទៀត ក៏អាចចូលទៅកាន់វែបសាយ https://ew.mpwt.gov.kh ដែលអាចប្រើប្រាស់ធនាគារទូទាត់កម្រៃប្រើប្រាស់ផ្លូវល្បឿនលឿនបាន៕

The post ក្រសួងប្រកាសផ្តល់ឧបករណ៍បង់ថ្លៃសេវាផ្លូវល្បឿន​លឿន​ស្វ័យប្រវត្តិ (ETC-OBU) ដោយឥតគិតថ្លៃ appeared first on Kampuchea Thmey Daily.

កន្លងមក មាន​មហាជន​ជា​ច្រើន​នៅ​មិន​ទាន់​ជ្រាប​ច្បាស់​ពី​ការ​ប្រើប្រាស់ និង​អត្ថប្រយោជន៍​របស់​ច្រក ETC នោះទេ។
ខាងក្រោម​នេះ​ ជា​ព័ត៌មាន​អំពី​ដំណើរការ​ប្រព័ន្ធបង់ថ្លៃ​សេវា​ផ្លូវល្បឿន​លឿន​ស្វ័យ​ប្រវត្តិ (ETC) របៀប​ប្រើ​ប្រាស់ និងអត្ថប្រយោជន៍​ផ្សេងៗ ដែល​អ្នក​ប្រើប្រាស់​ផ្លូវ​ល្បឿន​លឿន​នឹង​ទទួល​បាន។

១. អ្វីទៅជា ETC?
ETC ជាប្រព័ន្ធបង់ថ្លៃសេវាផ្លូវល្បឿនលឿនស្វ័យប្រវត្តិ ដែល​ប្រើប្រាស់​ដោយ​បច្ចេកវិទ្យាទំនើប​ឥតខ្សែ តាមរយៈការ​បំពាក់​ឧបករណ៍ OBU នៅលើកញ្ជក់​ខាងមុខ​នៃ​រថយន្ត។ រាល់​រថយន្តដែល​ឆ្លង​កាត់​ច្រក​បង់​ប្រាក់ ផ្លូវល្បឿនលឿនភ្នំពេញ-ក្រុងព្រះសីហនុ គឺ​ពុំ​ចាំ​បាច់​ឈប់ ដើម្បី​រង់​ចាំ​ទទួល​កាត​ធ្វើ​ដំណើរ​ទៀត​នោះ​ឡើយ​។

២. អត្ថប្រយោជន៍ដែលទទួលបានពីការប្រើប្រាស់ប្រព័ន្ធ ETC ៖

• អាចទទួលការបញ្ជុះតម្លៃបន្ថែម។
• ពេលឆ្លងកាត់បញ្ជរបង់ប្រាក់ដោយមិនចាំបាច់រង់ចាំ។
• លុបបំបាត់ការឈប់រថយន្ថ ម្តងហើយម្តងទៀត​នៅ​កន្លែង​បង់ប្រាក់ ដោយ​កាត់​បន្ថយ​ឧស្ម័ន​ផ្សែង និង​សំឡេង​រំខាន។
• កាត់បន្ថយការកកស្ទះចរាចរណ៍ អាច​ឆ្លង​កាត់​បញ្ជរ​បង់​ប្រាក់​បាន​យ៉ាង​រលូន។
• ងាយស្រួលហើយស័ក្តិសម សម្រាប់សង្គមក្នុងយុគសម័យ ដែលជាការទូទាត់ដោយស្វ័យប្រវត្តិ។
• សុវត្ថិភាពខ្ពស់ ឆ្លងបានដោយសេរី ងាយស្រួល និងឆាប់រហ័ស។

៣. ការធ្វើកាត ETC ត្រូវភ្ជាប់មកជាមួយឯកសារដើមអ្វីខ្លះ?
ក្រសួងសាធារណការ និងដឹកជញ្ជូន បញ្ជាក់ថា សម្រាប់​ការ​ធ្វើ​កាត ETC ឬ​ប្រព័ន្ធ​បង់​ថ្លៃសេវា​ផ្លូវ​ល្បឿន​លឿន​ស្វ័យ​ប្រវត្តិ គឺ​តម្រូវ​ឱ្យ​ភ្ជាប់​មក​ជាមួយ​នឹង អត្តសញ្ញាណប័ណ្ណ កាតគ្រី និងប្រាកដ​ថា​យាន​យន្ត​មិន​ទាន់​ហួស​សុពលភាព​ត្រួតពិនិត្យប្រព័ន្ធ​សុវត្តិភាព (ឆៀក) ។

ចំពោះទីតាំងធ្វើកាត ETC គឺអាចធ្វើបាន​នៅ​តាម​បញ្ជរ​បង់​ប្រាក់​ ភ្នំពេញ និង​ក្រុង​ព្រះសីហនុ ។ បន្ទាប់​ពី​ធ្វើ​ការ​តម្លើង​ឧបករណ៍ ETC និង​បញ្ចូល​សមតុល្យ​ទឹក​ប្រាក់​ទៅ​ក្នុង​កាត ETC នៅ​លើ​យាន​យន្ត​រួច​រាល់ នោះ​ប្រតិបត្តិការ​នឹង​ចាប់​ផ្តើម​មាន​សុពលភាព​អាច​ប្រើ​ប្រាស់​បាន​ភ្លាមៗ​តែ​ម្តង។

– ការបញ្ចុះតម្លៃសម្រាប់លក្ខណៈបុគ្គល (ធ្វើលើកដំបូង)
ក្នុងមួយយានយន្ត បញ្ចូលទឹកប្រាក់ម្តងចាប់ពី ២០០ដុល្លារ (គិតបញ្ចូល) ផ្តល់​ជូន​ឧបករណ៍ ETC ដោយ​ឥត​គិត​ថ្លៃ និង​បញ្ចុះ​តម្លៃ ២% លើ​ថ្លៃ​ធ្វើ​ដំណើរ​។

– ការបញ្ចុះតម្លៃសម្រាប់ជាលក្ខណៈសហគ្រាស ឬលក្ខណៈជាក្រុម (ធ្វើលើកដំបូង មួយដងលើសពី ២០យានយន្ត)
សម្រាប់​ការ​ធ្វើ​កាត​លើក​ដំបូង ក្នុង​មួយ​យានយន្ត បញ្ជូល​ទឹក​ប្រាក់​ម្តង​ចាប់​ពី ១០០ដុល្លារ គឺមានផ្តល់​ជូន​​ឧបករណ៍​ ETC ដោយ​ឥត​គិត​ថ្លៃ ហើយ​នឹង​ទទួល​បាន​ការ​បញ្ជុះ​តម្លៃ​ ២% លើ​ថ្លៃ​ធ្វើ​ដំណើរ​។

ពាក់ព័ន្ធ​នឹង​ប្រព័ន្ធ​បង់​ថ្លៃ​សេវា​ផ្លូវ​ល្បឿន​លឿន​ស្វ័យ​ប្រវត្តិ​នេះ ក្រសួង​សាធារណការ និងដឹកជញ្ជូន បញ្ជាក់​ថា ​សម្រាប់​កាត​ ETC មួយ ប្រើ​បាន​ចំពោះ​តែ​រថយន្ត ១គ្រឿង​ប៉ុណ្ណោះ៕

The post មកដឹងពីប្រព័ន្ធបង់ថ្លៃសេវាផ្លូវល្បឿនលឿនស្វ័យប្រវត្តិ (ETC) កុំឱ្យកកស្ទះយូរ appeared first on Kampuchea Thmey Daily.