ក្នុងសុន្ទរកថានាថ្ងៃពុធនេះ លោករដ្ឋដដែលបាន​ឱ្យដឹងយ៉ាងដូច្នេះថា ប្រសិន​បើ Meta មិនធ្វើដូចការទាមទារ​ ក្រុមហ៊ុនអាចនឹងត្រូវពិន័យជាប្រាក់រហូតដល់ ១ លានដុល្លារសិង្ហបុរី (៧៧៥ ៦៩៨ ដុល្លារអាមេរិក)។ បទបញ្ជាដដែល​ធ្វើឡើង​ក្រោមច្បាប់ស្តីពីឧក្រិដ្ឋកម្មលើអ៊ិនធឺណិតថ្មីរបស់​សិង្ហបុរី ដែលបានចូលជាធរមាននៅក្នុងខែកុម្ភៈ ឆ្នាំ ២០២៤។

​លោក​ Goh Pei Ming បាននិយាយ​បន្តយ៉ាងដូច្នេះថា៖ «យើងកំពុងចេញ (បញ្ជា) ទៅ Meta ពីព្រោះ Facebook គឺជាវេទិកាកំពូល ដែល​ជនបោកប្រាស់ប្រើសម្រាប់​ក្លែងបន្លំការបោកប្រាស់​ ហើយប៉ូលិសបានវាយតម្លៃថា ត្រូវតែមានវិធានការច្បាស់លាស់បន្ថែមទៀតដើម្បីទប់ស្កាត់ការបោកប្រាស់​»។

មកទល់ពេលនេះ Meta មិន​ទាន់បាន​ចេញ​ការ​ឆ្លើយ​តប​ភ្លាមៗយ៉ាងណាទេ​។

គួររំឭកថា កាលពីខែសីហា ក្រសួងកិច្ចការផ្ទៃក្នុង​សិង្ហបុរីបានរកឃើញថា ជាង ១/៣ នៃការបោកប្រាស់ពាណិជ្ជកម្ម​អេឡិចត្រូនិកទាំងអស់ ដែល​បានកត់ត្រាក្នុងឆ្នាំ ២០២៤ ត្រូវបានប្រព្រឹត្តនៅលើ Facebook ។ ​ក្រសួងក៏បានវាយតម្លៃផងដែរថា ​ពាណិជ្ជកម្មអេឡិចត្រូនិក «Marketplace» របស់ Facebook ថា មាន​ភាព​ខ្សោយ​ជាងគេ ក្នុងចំណោម​វេទិកា​ពាណិជ្ជកម្មអេឡិចត្រូនិកចំនួន​ ៥ បើនិយាយអំពីមុខងារប្រឆាំងការបោកប្រាស់៕

The post សិង្ហបុរីបញ្ជាឱ្យ Meta ចេញវិធានការ «ប្រឆាំងការឆបោក» បើមិនដូច្នោះទេ អាចរងពិន័យ appeared first on Kampuchea Thmey Daily.

ការណែនាំនេះ ធ្វើឡើងបន្ទាប់ពីអគ្គលេខាធិការដ្ឋានក្រសួងការពារជាតិ បានលាតត្រដាងសកម្មភាពបោកបន្លំរបស់ជនខិលខូលមួយចំនួន ដែលបានប្រើឈ្មោះអង្គភាព ធ្វើការចែករំលែកព័ត៌មានដោយមានប្រើពាណិជ្ជកម្មផ្សេងៗ ក្នុងន័យជាប្រយោជន៍ផ្ទាល់ខ្លួន។

អាស្រ័យហេតុនេះ លោក ជី សុផាត ដាស់តឿនឱ្យសាធារណជនទាំងអស់ប្រុងប្រយ័ត្នចំពោះការផ្សព្វផ្សាយតាម Facebook ដែលប្រើ Logo និងឈ្មោះ អគ្គស្នងការនគរបាលជាតិ ឬក្រុមហ៊ុននានា ដូចកំណត់សម្គាល់ខាងលើ ដែលមានផ្សព្វផ្សាយនូវការបញ្ចុះតម្លៃជាដើម។ល។ លោកថា នេះជាឧទាហរណ៍ជាក់ស្តែងនៃការបន្លំ (Scam) ដែលកំពុងប្រើឈ្មោះអង្គភាព និងក្រុមហ៊ុនល្បីៗ ដើម្បីទាញយកព័ត៌មាន និងលុយពីប្រជាពលរដ្ឋ។

ដូចនេះ លោក លី សុផាត ប្រាប់ ៣ចំណុច ឱ្យសាធារណជនអាចកត់សម្គាល់ និងជៀសវាងធ្លាក់ក្នុងអន្ទាក់ជនខិលខូច រួមមាន៖
១. ក្រសួង ឬអង្គភាពរដ្ឋមិនធ្វើការលក់ផលិតផលតាម Link ផ្សាយក្នុង Facebook Ads នោះទេ។
២. កុំចុច ឬត្រូវពិនិត្យប្រភពឱ្យបានច្បាស់ មុននឹងចុច Link ឬបញ្ចូលព័ត៌មានផ្ទាល់ខ្លួន។
៣. បើឃើញការផ្សាយដូចទម្រង់ដែលបានបង្ហាញ ដាច់ខាតកុំចែករំលែកតគ្នា ព្រោះដើម្បីការពារខ្លួនឯងផង និងអ្នកផ្សេងផង។

The post ៣ចំណុច! អ្នកជំនាញណែនាំឱ្យកត់សម្គាល់ និងប្រុងប្រយ័ត្នខ្ពស់ ព្រោះមានការបន្លំឈ្មោះអង្គភាពរដ្ឋ ដើម្បីឆបោក appeared first on Kampuchea Thmey Daily.