តាមសារព័ត៌មាន thethaiger FDA បានប្រមូលគំរូប្រេងកូឡាយីហោ Hong Thai Herbal Inhalerផលិតឡើងតាមរូបមន្តទី២ ពីរោងចក្រផលិតផលិតផលឱសថ Hong Thai Panich ដែលមានទីតាំងផលិតក្នុងប្រទេសថៃផ្ទាល់តែម្ដង។

គំរូទាំងនោះត្រូវបានបញ្ជូនទៅវិភាគនៅមន្ទីរពិសោធន៍ នៅឯនាយកដ្ឋានវិទ្យាសាស្ត្រវេជ្ជសាស្ត្រ។ លទ្ធផលនៃការវិភាគបានបង្ហាញថា ផលិតផលឱសថជួយបំបាត់អាការធីងធោង វិលមុខ និងឈឺក្បាលនេះ មិនបានបំពេញតាមស្តង់ដារសម្រាប់ការធ្វើតេស្តការចម្លងមេរោគ សម្រាប់ចំនួនសរុបនៃមេរោគអេរ៉ូប៊ីកមីក្រូប៊ីល (Aerobic Microbial) ចំនួនសរុបនៃដំបែ និងផ្សិត ព្រមទាំងសារធាតុ Clostridium spp ។

ដោយយោងតាមសេចក្តីប្រកាសរបស់ក្រសួងសុខាភិបាលសាធារណៈស្តីពីស្តង់ដារ តម្លៃភាពបរិសុទ្ធ ឬលក្ខណៈផ្សេងទៀតដែលសំខាន់ចំពោះគុណភាពសម្រាប់រូបមន្តផលិតផលឱសថដែលបានចុះបញ្ជីជូនដំណឹងកាលឆ្នាំ ២០២១ ដូចដែលបានរាយការណ៍ពីមុន។ ហេតុដូច្នេះហើយ ដើម្បីការពារអ្នកប្រើប្រាស់ FDA ត្រូវតែប្រកាសដំណឹងដល់សាធារណជនដោយចាត់ទុកប្រេងកូឡានេះ មានគ្រោះថ្នាក់ដល់សុខភាព និងពុំបានត្រួតពិនិត្យតាមស្ដង់ដារត្រឹមត្រូវឡើយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

Jom Phalang ប្រមូលអស់ពីខ្លួនសង Nawat ក្រោយមេ MGI សួរច្រំដែររឿងលុយមូលនិធិ

The post FDA ថៃ ចេញការ​​ព្រមាន ក្រោយរកឃើញប្រេងកូឡា អាចប៉ះពាល់ដល់សុខភាពអ្នកប្រើ appeared first on Kampuchea Thmey Daily.

ដ្បិតថាយ៉ាងនេះក្ដី FDA បានចាត់ថ្នាក់ថ្នាំបំប៉នមួយនេះ គឺពុំមានសុវត្ថិភាពឡើយ ពោលគឺអ្នកប្រើប្រាស់អាចជួបប្រទះផលប៉ះពាល់ពីថ្នាំនេះ រួមទាំងការឈឺក្បាល សម្ពាធឈាមទាប ការគាំងបេះដូង ការកើនឡើងសម្ពាធក្នុងសរសៃឈាម ការបាត់បង់ការស្តាប់ និងក្នុងករណីខ្លះរហូតដល់ស្លាប់ភ្លាមៗ។

ការវិភាគលើផលិតផលនេះដោយនាយកដ្ឋានវិទ្យាសាស្ត្រវេជ្ជសាស្ត្រ បានបង្ហាញពីវត្តមានរបស់ឱសថ sildenafil ដែលត្រូវបានចាត់ថ្នាក់ជាថ្នាំគ្រប់គ្រងពិសេសមួយ។ ឱសថនេះទៀតសោត ត្រូវបានប្រើដើម្បីព្យាបាលបញ្ហាងាប់លិង្គរបស់បុរស និងតម្រូវឲ្យមានវេជ្ជបញ្ជាត្រឹមត្រូវតែប៉ុណ្ណោះ។

មិនតែប៉ុណ្ណោះ FDAថៃ បានគូសបញ្ចាក់ទៀតថា ប្រភេទថ្នាំបំប៉ននេះវាមានការបំពុលដោយសារធាតុដែលអាចបង្កគ្រោះថ្នាក់ដល់សុខភាព និងគ្មានសុវត្ថិភាពសម្រាប់ការប្រើប្រាស់ឡើយ។ បច្ចុប្បន្ន FDA និងភ្នាក់ងារពាក់ព័ន្ធកំពុងចាត់វិធានការតាមផ្លូវច្បាប់ចំពោះជនល្មើស ព្រមទាំងដាស់តឿនដល់សាធារណជនឲ្យមានការប្រុងប្រយ័ត្ននៅពេលទិញ ឬប្រើប្រាស់ផលិតផលអាហារមួយនេះ៕

អត្ថបទ៖ សាង ស្រីល័ក្ខ

ចុចអាន៖ផ្សារទំនើបមួយនៅ ថៃ ប្រែជាស្ងាត់ជ្រងំពុំធ្លាប់មាន ខណៈហាងបើកទ្វារ តែគ្មានភ្ញៀវចូល

The post FDA ថៃ រកឃើញថ្នាំបំប៉នមួយប្រភេទ បង្កគ្រោះថ្នាក់ដល់ស្លាប់ភ្លាមៗ appeared first on Kampuchea Thmey Daily.

យោងតាមការចុះផ្សាយពីកាសែត Sanook បានចុះរបាយការណ៍ថា ចាហួយទំពាំងបាយជូរ Kyoho ត្រូវបានរត់ពន្ធពីបរទេស ហើយបានរាលដាលទៅលក់នៅតាមតំបន់ផ្សេងៗ។ ប៉ុន្តែរដ្ឋបាល​ចំណីអាហារ និង​ឱសថ (FDA)​ បាន​ចេញ​ការព្រមាន​មួយ​ថា​ Kyoho Grape Jelly ដែលបច្ចុប្បន្នកំពុងពេញនិយមខ្លាំង គឺជាអាហារសម្រន់ដ៏គ្រោះថ្នាក់ដែលមិនមានការយល់ព្រមពី FDA ហើយមានហានិភ័យនៃការផ្ទុកជាតិពុលដែលអាចប៉ះពាល់ដល់រាងកាយ។ ជាពិសេសត្រូវងតាមដានមើលកូនៗ ព្រោះ​អាហារ​សម្រន់​បែប​នេះមិន​បាន​ដំណើរការ​តាម​ស្តង់ដារ គ្មាន​ស្លាក​សញ្ញាត្រួតពិនិត្យឡើយ។

Kyoho Grape Jelly ជា​ចាហួយ​ដែល​មើល​ទៅ​ដូច​ជា​បាល់​ទន់​រុំ​ដោយ​អ្វី​មួយ​ដូច​ជា​ស្រោមដៃ​កៅស៊ូ ឬ​ប៉េងប៉ោង។ ពេល​ចង់​ញ៉ាំ​ត្រូវ​រក​របស់​មុត​ដូច​ជា​ឈើ​ចាក់​ធ្មេញ​មក​ទម្លុះ ទើបអាចយកចាហួយ​នៅ​ខាង​ក្នុងហូបបាន។ ចាហួយទំពាំងបាយជូរ Kyoho មានលក់នៅប្រទេសជប៉ុន។ ប៉ុន្តែ​ក្រោយ​មក ការ​ធ្វើ​ត្រាប់តាម​គ្នាបាន​ចាប់​ផ្ដើម​លក់​ដោយ​ខុស​ច្បាប់​តាម​អ៊ីនធឺណិត និងយោងទៅតាមបន្ទះផ្សេងៗ ជិតសាលារៀន និងសហគមន៍ ប៉ុន្តែ​គ្មាន​ស្លាក​សញ្ញា​ភាសា​ថៃ និង​គ្មាន​លេខ FDA ទេ ដូច្នេះ​ហើយ​អាច​មាន​សារធាតុ​គ្រោះថ្នាក់​ដែល​កខ្វក់ ឬ​ចេញ​មក​ជាមួយ​នឹង​កៅស៊ូ​ដែល​រុំ​។​

លើសពីនេះទៀតដែរ FDA បានប្រាប់ឲ្យអ្នកទិញត្រូវមើលពីរបៀប​សម្គាល់​ផលិតផល​ដែល​មាន​ស្តង់ដារ​ហើយ​អាច​នាំ​ចូល ឬ​ផលិត​បានត្រូវតែមានកាលបរិច្ឆេទ​ផុតកំណត់ច្បាស់លាស់,​ ព័ត៌មានអំពីរសជាតិ, ទំងន់សុទ្ធឬបរិមាណ, សមាសធាតុឬសមាសធាតុផ្សេងៗ, ឈ្មោះនិងទីតាំងរបស់ក្រុមហ៊ុនផលិត ឬអ្នកនាំចូលត្រូវតែមានស្លាកលេខជាភាសាថៃដែលបង្ហាញពីលេខ FDA។

ទោះជាយ៉ាងណាក៏ដោយ​ សម្រាប់អ្នកលក់ទំនិញរត់ពន្ធ បើគ្មានការយល់ព្រមពី FDA ទេ នឹងត្រូវផ្តន្ទាទោសដាក់ពន្ធនាគារមិនលើសពី ២ ឆ្នាំ ឬពិន័យជាប្រាក់មិនលើសពី ២០,០០០ បាត ឬទាំងពីរ ហើយ​ក្នុង​ករណី​ផលិត​ឬ​នាំ​ចូល​ទៅ​លក់​នៅ​កន្លែង​ផ្សេង​ៗ​​នឹង​ត្រូវ​ផាកពិន័យ​មិន​លើស​ពី​៣​ម៉ឺន​បាត​ឡើយ៕

អត្ថបទ៖ សាង ស្រីល័ក្ខ

ចុចអាន៖អ្នកដំណើរក្នុងយន្តហោះ Delta ភ័យស្លន់ស្លោ ក្រោយដង្កូវជាច្រើនធ្លាក់លើក្បាល ពេលកំពុងហោះហើរ

The post FDA ថៃព្រមានឲ្យប្រយ័ត្នចាហួយទំពាំងបាយជូរមួយប្រភេទ អាចបង្កគ្រោះថ្នាក់ដល់សុខភាព appeared first on Kampuchea Thmey Daily.

ការអនុញ្ញាតឲ្យប្រើប្រាស់ជាបន្ទាន់របស់ថ្នាំគ្រាប់កូវីដលេបតាមមាត់ Paxlovid កើតឡើង នៅពេលដែលសហរដ្ឋអាមេរិកប្រឈមនឹងការកើនឡើងនៃករណីឆ្លងកូវីដ ដោយសារតែការលេចចេញនូវវីរុសបំប្លែងខ្លួន Omicron ។

ការសិក្សាមួយបានរកឃើញថា នៅពេលដែលអ្នកជំងឺកូវីដពេញវ័យដែលមិនបានចាក់វ៉ាក់សាំងលេបក្នុងរយៈពេល ៥ ថ្ងៃនៃរោគសញ្ញាដំបូង ថ្នាំ Paxlovid អាចកាត់បន្ថយការចូលមន្ទីរពេទ្យ ឬការស្លាប់បាន ៨៨ ភាគរយ ។

ទន្ទឹមនោះការសិក្សានេះក៏ត្រូវបានធ្វើឡើង នៅពេលដែលវីរុសបំប្លែងខ្លួន Delta កំពុងកើនឡើងផដែរ ហើយការសិក្សានៅមន្ទីរពិសោធន៍បង្ហាញថា ថ្នាំនេះក៏ទំនងជាមានប្រសិទ្ធភាពប្រឆាំងនឹង Omicron ផងដែរ ។

គួរបញ្ជាក់ថា ថ្នាំគ្រាប់កូវីដ Paxlovid នឹងត្រូវលេប ២ ដងក្នុងមួយថ្ងៃរយៈពេល ៥ ថ្ងៃជាប់ៗគ្នា ហើយថ្នាំនេះចំនួន ៣០ គ្រាប់នឹងត្រូវចំណាយប្រហែល ៥៣០ ដុល្លារសម្រាប់អ្នកជំងឺម្នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក បៃដិន ត្រៀមផ្ដល់តេស្តរហ័ស ៥០០ លានឧបករណ៍ដល់ ប្រជាជនដោយឥតគិតថ្លៃ

The post ទីបំផុត អាមេរិក ឲ្យប្រើថ្នាំគ្រាប់ក្រុមហ៊ុន Pfizer ព្យាបាលអ្នកជំងឺ កូវីដ អាយុ ១២ ឆ្នាំឡើងទៅ appeared first on Kampuchea Thmey Daily.

ក្រុមប្រឹក្សារដ្ឋបាលចំណីអាហារ និងឱសថ (FDA) បានបោះឆ្នោត ១៣ ទល់ ១០ ថា អត្ថប្រយោជន៍របស់ឱសថនេះ មានលើសពីហានិភ័យ។

អនុសាសន៍របស់ក្រុមនេះ បានធ្វើឡើងបន្ទាប់ពីការជជែកដេញដោលរយៈពេលច្រើនម៉ោងអំពីអត្ថប្រយោជន៍តិចតួចរបស់ឱសថ និងបញ្ហាសុវត្ថិភាពដែលអាចកើតមាន។

ទោះបីជាយ៉ាងណាក៏ដោយ ក្រុមអ្នកជំនាញដែលគាំទ្រការព្យាបាលបានសង្កត់ធ្ងន់ថា វាមិនគួរត្រូវបានប្រើប្រាស់ដោយស្ត្រីមានផ្ទៃពោះឡើយ ហើយបានអំពាវនាវឲ្យ FDA ចេញការណែនាំដោយប្រុងប្រយ័ត្នបន្ថែម រួមទាំងការធ្វើតេស្តលើស្ត្រីមានផ្ទៃពោះជាដើម មុនពេលប្រើប្រាស់ថ្នាំនេះ។

ការបោះឆ្នោតរបស់ក្រុមនេះ បានគាំទ្រជាពិសេសចំពោះថ្នាំសម្រាប់មនុស្សពេញវ័យកើតជំងឺកូវីដកម្រិតស្រាលទៅមធ្យម ដែលប្រឈមមុខនឹងហានិភ័យខ្លាំងបំផុត រួមទាំងអ្នកដែលមានលក្ខខណ្ឌដូចជា ធាត់ ជំងឺហឺត និងមនុស្សចាស់ផងដែរ។

ការអនុញ្ញាតពី FDA សម្រាប់ថ្នាំ Molnupiravir អាចជាជំហានដ៏សំខាន់ក្នុងការព្យាបាលមេរោគ។ វានឹងផ្តល់ឲ្យគ្រូពេទ្យនូវថ្នាំដំបូងគេ ដែលពួកគេអាចចេញវេជ្ជបញ្ជាឲ្យអ្នកជំងឺលេបដោយខ្លួនឯង បន្ធូរបន្ថយបន្ទុកលើមន្ទីរពេទ្យ និងជួយទប់ស្កាត់ការស្លាប់។

គួរបញ្ជាក់ថា ថ្នាំគ្រាប់នេះត្រូវបានអនុញ្ញាតរួចទៅហើយនៅក្នុងចក្រភពអង់គ្លេស៕

ប្រែសម្រួល៖ Vann Vann

ប្រភព៖ abc7chicago

ចុចអាន៖ ថ្នាំគ្រាប់ព្យាបាលកូវីដ Molnupiravir គ្មានប្រសិទ្ធភាព ដូចការអះអាងពីមុនទេ

The post FDA គាំទ្រឲ្យប្រើថ្នាំគ្រាប់ព្យាបាលកូវីដ របស់ក្រុមហ៊ុន Merck appeared first on Kampuchea Thmey Daily.

ដំបូងឡើងយ ការសិក្សារបស់ក្រុមហ៊ុននេះ បាននិយាយកាលពីខែឧសភាថា វ៉ាក់សាំងការពារជំងឺកូវីដ ១៩ មានប្រសិទ្ធភាព ៩៦ ភាគរយចំពោះក្រុមមនុស្សអាយុនេះ ។ នៅក្នុងរបាយការណ៍នោះ ក្រុមហ៊ុន Moderna បាននិយាយថា ក្មេងជំទង់ដែលបានចូលរួមសាកល្បង មិនបានបង្ហាញពីផលប៉ះពាល់ធ្ងន់ធ្ងរនោះទេ បន្ទាប់ពីទទួលការចាក់វ៉ាក់សាំង ។

នៅក្នុងសេចក្តីថ្លែងការណ៍មួយ លោក Stephane Bancel នាយកប្រតិបត្តិរបស់ក្រុមហ៊ុន Moderna បាននិយាយថា “យើងត្រូវបានលើកទឹកចិត្តថា វ៉ាក់សាំង Moderna មានប្រសិទ្ធភាពខ្ពស់ ក្នុងការការពារការឆ្លងជំងឺកូវីដ ១៩ សម្រាប់មនុស្សវ័យជំទង់ ។ យើងនៅតែប្តេជ្ញាចិត្ត ជួយបញ្ចប់ការរីករាលដាល នៃជំងឺកូវីដ ១៩” ។

លោក Bancel បាននិយាយថា ក្រុមហ៊ុនវ៉ាក់សាំង Moderna បានដាក់ពាក្យសុំការអនុញ្ញាតរួចហើយ ជាមួយអង្គការសុខភាពកាណាដា និងទីភ្នាក់ងារឱសថអឺរ៉ុប ។ លោក Bancel បាននិយាយថា វ៉ា់ក់សាំងModerna នឹងបន្តទទួលបានការយល់ព្រម ពីទីភ្នាក់ងារនិយតករនៅជុំវិញពិភពលោក សម្រាប់ក្រុមអាយុនេះ ។

គួរបញ្ជាក់ថា វ៉ាក់សាំង Moderna បានទទួលការអនុញ្ញាតប្រើប្រាស់ជាបន្ទាន់ សម្រាប់វ៉ាក់សាំងការពារជំងឺកូវីដ ១៩ របស់ខ្លួនលើមនុស្សពេញវ័យ នៅសហរដ្ឋអាមេរិក កាណាដា អ៊ីស្រាអែល សហភាពអឺរ៉ុប អង់គ្លេស និងប្រទេសជាច្រើនទៀត ខណៈ WHO ក៏បានចុះបញ្ជី ទទួលស្គាល់សម្រាប់ការប្រើប្រាស់ជាបន្ទាន់ រួចហើយផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ Moderna ស្នើ FDA អាមេរិក អនុម័តវ៉ាក់សាំងការពារកូវីដរបស់ខ្លួនឲ្យប្រើប្រាស់ពេញលេញ

ចុចអាន ៖ អស្ចារ្យណាស់! វ៉ាក់សាំង Moderna មានប្រសិទ្ធភាពការពារកូវីដលើមនុស្សអាយុពី ១២ ទៅ ១៧ ឆ្នាំរហូតដល់ ៩៦ ភាគរយ

The post វ៉ាក់សាំង Moderna ជិតទទួលបានការអនុញ្ញាតប្រើប្រាស់ជាបន្ទាន់សម្រាប់កុមារអាយុពី ១២ ទៅ ១៧ ឆ្នាំ appeared first on Kampuchea Thmey Daily.

ថ្នាំនេះ ត្រូវបានបង្កើតឡើងដោយក្រុមហ៊ុនអាមេរិក Biogen និងក្រុមហ៊ុនជប៉ុន Eisai ហើយវាផ្តោតលើសេរីរាង្គនៅក្នុងខួរក្បាល ដែលអ្នកស្រាវជ្រាវជឿថា អាចប៉ះពាល់ដល់ការគិត ។

ថ្នាំ Aducanumab គឺជាថ្នាំសម្រាប់ព្យាបាលមូលហេតុចម្បង ដែលបណ្តាលឲ្យកើតមានជំងឺវង្វេងវង្វាន់  ដែលជាទម្រង់ទូទៅបំផុត នៃជំងឺវង្វេងស្មារតី ជាជាងព្យាបាលរោគសញ្ញារបស់វា ។

ដំបូងឡើយ និយ័តកររបស់ FDA និយាយថា ការសាកល្បងព្យាបាល បានបន្សល់ទុកនូវភាពមិនច្បាស់លាស់ ទាក់ទងនឹងគុណប្រយោជន៍ព្យាបាល ។ ពួកគេក៏បានស្នើសុំឲ្យក្រុមហ៊ុន Biogen ធ្វើការសាកល្បងមួយទៀត ខណៈដំណើរការនោះ ត្រូវបានគេរំពឹងថា នឹងចំណាយពេលច្រើនឆ្នាំ ។

ប៉ុន្តែក្រោយមក ក្រុមហ៊ុនអាមេរិក Biogen បានវិភាគបន្ថែមលើទិន្នន័យ ហើយបានសន្និដ្ឋានថា ថ្នាំ Aducanumab មានកម្រិតខ្ពស់ អាចកាត់បន្ថយបញ្ហាចងចាំរបស់មនុស្ស យ៉ាងគួរឲ្យកត់សម្គាល់ ។

សរុបមកក្នុងពេលនេះ អ្នកជំងឺនឹងអាចប្រើថ្នាំនេះបាន ខណៈជនជាតិអាមេរិកជាង ៦ លាននាក់ រស់នៅជាមួយជំងឺវង្វេងស្មារតី ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក ​នឹង​ផ្តល់​វ៉ាក់សាំង ​៨០ ​លាន​ដូស​ដល់​ប្រទេស​អាទិភាព​មាន​ទាំង​អាស៊ាន​ផង​

ចុចអាន ៖ តៃវ៉ាន់ ក្លាយជាកោះទី ១ នឹងទទួលវ៉ាក់សាំង ៧៥ ម៉ឺនដូសពី សហរដ្ឋអាមេរិក តាមការសន្យា

The post ដំណឹងល្អ! អាមេរិក អនុម័តប្រើប្រាស់ថ្នាំព្យាបាលមួយប្រភេទទៀត appeared first on Kampuchea Thmey Daily.

បច្ចុប្បន្នវ៉ាក់សាំងនេះ កំពុងត្រូវបានចែកចាយក្រោមការប្រើប្រាស់ជាបន្ទាន់ ដូចវ៉ាក់សាំងទាំងបី ដែលកំពុងចរាចរនៅអាមេរិក ។ Moderna គឺជាក្រុមហ៊ុនឱសថទី ២ ដែលបានដាក់ពាក្យសុំអាជ្ញាប័ណ្ណពេញលេញ ទៅកាន់ FDA ។

គួររំឭលថា វ៉ាក់សាំង Pfizer-BioNTech គឺជាវ៉ាក់សាំងដំបូងគេ ដែលបានធ្វើដូច្នេះជាមួយអាជ្ញាធរសុខាភិបាលសហរដ្ឋអាមេរិក នៅថ្ងៃទី ៧ ខែឧសភា ។

ទន្ទឹមនោះ ក្រុមហ៊ុន Moderna ក៏កំពុងស្វែងរកការប្រើប្រាស់អាជ្ញាប័ណ្ណនេះ ដើម្បីចាក់ដល់មនុស្សពេញវ័យចាប់ពី ១៨ ឆ្នាំឡើងទៅផងដែរ ។

សហរដ្ឋអាមេរិកកំពុងស្ថិតនៅក្នុងយុទ្ធនាការ បង្កើនល្បឿនចាក់វ៉ាក់សាំង ក្រោមគំនិតផ្តួចផ្តើមដោយលោកប្រធានាធិបតី ចូ បៃដិន ដើម្បីធានាថា ប្រជាជនអាមេរិក ៧០ ភាគរយទទួលបាន ការចាក់ថ្នាំបង្ការយ៉ាងហោចណាស់ ១ ដូស នៅត្រឹមទិវាឯករាជ្យ ៤ កក្កដា ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ខ្វះអីខ្វះទៅ ក្រុមហ៊ុនអាមេរិក Pfizer និង Moderna មិនខ្ចីលក់វ៉ាក់សាំងទៅឲ្យឥណ្ឌា

ចុចអាន ៖ ផលិតករ​ថា​ វ៉ាក់សាំង​ Moderna​ មាន​ប្រសិទ្ធភាព​ខ្លាំង​សម្រាប់​ក្មេង​អាយុ​ ១២ ​ឆ្នាំ​ឡើង

The post Moderna ស្នើ FDA អាមេរិក អនុម័តវ៉ាក់សាំងការពារកូវីដរបស់ខ្លួនឲ្យប្រើប្រាស់ពេញលេញ appeared first on Kampuchea Thmey Daily.