១. Justin Bieber

បន្ទាប់ពីទិញរថយន្ត Ferrari ៤៥៨ មិនទាន់ផុតមួយឆ្នាំផង Justin បានយករថយន្តរបស់ខ្លួនទៅកែច្នៃនៅក្នុងហ្គារ៉ាស់ឡាន West Coast Customs ដែលជាកន្លែងកែច្នៃដ៏ល្បីល្បាញមួយកន្លែង ។ ទោះបីជាក្រុមហ៊ុនមិនទាន់ចាត់វិធានការ ប៉ុន្តែទង្វើនេះគឺជាទង្វើខុសឆ្គងនឹងគោលការណ៍បាត់ទៅហើយ ។ មិនបានប៉ុន្មានផង Justin ដាក់ឡានរបស់ខ្លួនដើម្បីដេញថ្លៃក្នុងតម្លៃ ៥២៧,៤៧៨ ដុល្លារ ដោយមិនមានសុំការអនុញ្ញាតពីក្រុមហ៊ុន Ferrari ទេ ។ បញ្ហាទាំងពីរនេះបណ្ដាលឲ្យក្រុមហ៊ុន Ferrari ឈប់លក់រថយន្តឲ្យតារាចម្រៀង Justin Bieber តទៅមុខទៀត ។ 

២. Floyd Mayweather

កំពូលអ្នកប្រដាល់ Floyd Mayweather ជាបុគ្គលល្បីដែលរកប្រាក់បានមិនចេះតិចលានដុល្លារ តែចំណុចនេះមិនអាចបញ្ឈប់ក្រុមហ៊ុន Ferrari ពីការមិនព្រមលក់រថយន្តឲ្យ Floyd ទេ ។ បញ្ហារបស់លោក Floyd ស្រដៀងទៅនឹងបញ្ហា Justin Bieber ដែរ គឺលោកបានលក់វាក្រោយទិញមិនទាន់ផុតមួយឆ្នាំព្រោះ ការលក់ចេញត្រូវសុំការអនុញ្ញាតជាមុនសិនក្នុងករណីក្រុមហ៊ុនចង់ទិញចូលវិញដោយផ្ទាល់ ។

៣. Kim Kardashian

គ្រួសារ Kardashians ត្រូវជាប់ក្នុងបញ្ជីខ្មៅក្រុមហ៊ុន Ferrari ដោយសារមិនចេះថែរក្សារថយន្តដែលទិញទៅ ។ ជាក់ស្ដែងក្រុមហ៊ុនផ្ទាល់មិនបានបញ្ជាក់ឲ្យច្បាស់ពីបញ្ហារបស់ Kim ទេ ប៉ុន្តែក្នុងឆ្នាំ ២០១២ គេប្រទះឃើញ Kim មានឡាន Ferrari ថ្មីផ្សេងទៀត បង្កឲ្យមានមន្ទិលសង្ស័យពីសំណាក់អ្នកតាមដានជាពិសេស ។ ជុំវិញបញ្ហានេះ មិនមាននរណាដឹងឡើយថាជាឡានរបស់ Kim ឬ អតីតស្វាមីរបស់នាង ។ រហូតដល់ក្រុមហ៊ុន Ferrari ចេញមុខបកស្រាយថា “រក្សាសិទ្ធិក្នុងការសម្រេចចិត្តលើការផលិតជាពិសេស” ដូច្នេះ Kim នៅតែអាចមានកម្មង់រថយន្តពី Ferrari បានដដែល ៕

ប្រែសម្រួលដោយ ៖ វារី

ចុចអាន ៖ បុគ្គលល្បីលំដាប់ពិភពលោក ១០ រូប សុទ្ធតែមានកាំភ្លើងប្រើប្រាស់ផ្ទាល់ខ្លួន

ចុចអាន ៖ តារាល្បីលំដាប់ពិភពលោក ១០ រូបនេះ ចំណាយលើអង្គរក្សអស់មិនចេះតិចក្នុងមួយឆ្នាំៗ

The post តារាអន្តរជាតិល្បីៗ ៣ ដួង ជាប់ក្នុងបញ្ជីខ្មៅរបស់ Ferrari appeared first on Kampuchea Thmey Daily.

អ្នកមាន​គ្រប់គ្នា កាលនៅយុវវ័យ​រមែង​ចង់បានវា។

Ferrari បានរះលើឆាក Formula 1 Grand Prix ហើយធ្លាប់ឈ្នះពានរង្វាន់ជើងឯកកម្រិត​របស់ពិភពលោកដល់ទៅ១៦ដង គឺថា​វាគ្មានគូរប្រៀបទេ។

កុំអាន​ដល់ត្រង់ណេះរមូរពោះចង់លក់ដីមួយ​ដុំទិញជិះលម្អភ្នំពេញណា៎ ស្តាប់សិន ស្តាប់សិន!

ទោះយ៉ាងណាក៏ដោយ KPT មានហេតុផលទំាងនេះក្នុងការ​ហាមមិនឱ្យទិញ។

១ វា​ពិបាកក្នុងការបើកបរ

ទិញរថយន្តស្ព័រជំនួសឱ្យឡានធម្មតា? មូលហេតុចម្បងគឺដោយសារតែពេញចិត្ត​លឿនតែប៉ុណ្ណឹង គឺវាប៉ុណ្ណឹងឯង  រថយន្តស្ពរ័ណាមួយ ក៏ត្រូវបានបង្កើតឡើងតាមរបៀបឌីណាមិកដ៏វិលលឿនបំផុត តែរឿង​ខកចិត្ត​ធំគឺវាមិនត្រូវនឹងផ្លូវធម្មតាទូទៅទេ។ ឡានគួរយកមកជាជំនិះ ដឹកជញ្ជូនពីកន្លែងមួយទៅកន្លែងមួយទៀត ចំណែក Ferrari ដែលដឹកមនុស្សតាម​បាន​តែម្នាក់យកមកឡូយហើយទុកចោលក្នុងការ៉ាស? មានឡានទំនើបៗ ជាច្រើនទៀតដែលសាកសមនឹងមុខងារធ្វើដំណើរដូចជា Porsche និង Rolls-Royce ជាដើម។ សង្កាត់ល្អឥតខ្ចោះសម្រាប់ម្ចាស់រថយន្តស្ព័រគឺនៅកន្លែងណាដែលស្ងាត់និងបំពាក់ដោយហេដ្ឋារចនាសម្ព័ន្ធផ្លូវធំៗ មាំៗ រលូនដូចសូត្រ​ ។

២ តម្លៃថែទំាង​ជួសជុលងងឹតមុខស្លុប

យោងតាម RockAuto ម្ចាស់រថយន្ត Ferrari ត្រូវឲ្យថ្លៃឈ្នួលពលកម្មជាមធ្យម ១៥០ ដុល្លារក្នុងមួយម៉ោងសម្រាប់កម្មករជួសជុលវា​ ហើយពិបាករកសេវាកម្មនេះបំផុត។

នេះជាហេតុផលទូទៅដែលអ្នកឆ្លាតភាគច្រើន​គេមិនត្រដរ​ទៅទិញឡានប្រណីតយកមកល្វីងមាត់ទេ ប្រសិនមិនមានលុយ​ហៀរហោប៉ៅចាយមិនចេះ​ស្ងួត។  សម្រាប់រថយន្ត Ferrari វាកាន់តែយ៉ាប់យ៉ឺនជាង Rolls Royce ឬ BMW ព្រោះថាការថតដាក់ Instagram​ តែមួយបុស្តិ៍ វាបាន​Likes ច្រើនហើយ ប៉ុន្តែ​នៅក្រៅ ដើម្បីថែឡាននេះ ពីមួយខែទៅមួយខែឱ្យនៅល្អដដែលដោយមិនមានខូចខាតចំណាយប្រាក់ច្រើនណាស់ប្រាក់ងងឹតមុខ ឧទាហរណ៍ ប្រេងប្តូរ​សម្រាប់ឡានម៉ាក Ferrari F430 មានតម្លៃប្រហែល ៥០០ ដុល្លារឯអាប៉ិ Ferrari F355 វិញប្តូរម្តង ១០០០ ដុល្លារ។

៣ គុណវិបត្តិច្រើនណាស់បង្កប់នៅក្នុងលក្ខណៈពិសេស

ចំណុចខ្សោយមួយធំ​ដែរ​នៅក្នុងរថយន្តស្ព័រ Ferrari គឺការប្រឈម​នឹងគ្រោះថ្នាក់ ងាយឆាបឆេះណាស់។ ​ជាក់ស្តែងកាលឆ្នាំ ២០១២ ម៉ាក Ferrari 458 ចំនួនជាង ១០០០ ត្រូវបានប្រមូលយកចូលវិញដោយសារតែបញ្ហាងាយឆាបឆេះ។ ការដែលគេនិយម​បិទដើម្បីទប់ផ្នែកខាងក្នុងរបស់​រថយន្តម៉ូឌែលនោះ ដែលបានប្រែក្លាយទៅហេតុ​ដែលជាងាយបណ្តាលឱ្យឆេះឡានទំាង​មូលបាន។ ទោះ​បញ្ហានេះត្រូវបានក្រុមហ៊ុនចេញមុខទទួលខុសត្រូវ ដូចជាករណី Samsung Note7 ដែរ​តែវាបានខូចឈ្មោះមិនតិចឡើយ។ មនុស្សរាប់លាននាក់គិតថា ទិញ Ferrari ជីវិតនិង​ប្រឈមនឹងហានិភ័យ។

៤ ឈ្មោះខ្លាំងជាងគេ​ក្នុងលោក តែលក់ចាញ់​ Lamborghini

មែនហើយ Ferrari ឈ្នះពានរង្វាន់ជើងឯកពិភពលោកចំនួនដប់ប្រាំមួយពាន់ ព្រោះវាតែង​ទទួលបានជោគជ័យបំផុតក្នុងការប្រណាំង។ ប្រភពពី Formula 1។ ភាពជោគជ័យរបស់ Ferrari នៅក្នុង Formula 1 មានប្រវត្តិជាមួយអ្នកបើកបរល្បីៗ ដូចជា Niki Lauda, ​​Gilles Villeneuve, Alain Prost, Michael Schumacher, Fernando Alonso, Kimi Raikkonen ។ល។ រថយន្ត Ferrari 250 GTO ត្រូវបានលក់ក្នុងតម្លៃ ៥២ លានដុល្លារ។

មិនមានអ្វីប្លែកទេ ប្រសិនយើង​ដឹងពីការចូលចិត្ត​ប្រមូលទិញ​វត្ថុបុរាណដែលធ្លាប់មានប្រវត្តិមិនអាចកាត់ថ្លៃលើទីលានប្រណាំង​ទំាងនេះ ប៉ុន្តែ​សំខាន់ថា​ យុទ្ធសាស្ត្រទីផ្សារ រូបមន្ត 1 Grand Prix របស់ពួកគេ​អាច​ឈរមាំក្នុងពិភព​ទីផ្សារ​ឡានទំនើបយូរប៉ុណ្ណាដែរ? ប្រភពពី Corpo.ferrari.com បង្ហាញការ​​ចាប់អារម្មណ៍អំពីភាគហ៊ុនរបស់ Ferrari នៅលើទីផ្សារនាពេលថ្មីៗនេះ ព្រោះ​អ្នកជំនាញគិតថាក្រុមហ៊ុននេះ​នឹងមានបញ្ហា។ ជារៀងរាល់ឆ្នាំរថយន្ត Ferrari លក់បានតែប្រមាណ ៧០០០ គ្រឿងប៉ុណ្ណោះ ខណៈឡាំបូលោតដល់ជាង ៩ ពាន់គ្រឿង។  ដូច្នេះ​មធ្យោបាយតែមួយគត់ដើម្បីបង្កើនប្រាក់ចំណូលរបស់ពួកគេ គឺតាមរយៈការដំឡើងថ្លៃរថយន្ត។ មធ្យោបាយអាងពាននិងយីហោមួយនេះមិនទាន់​បានប៉ះពាល់ដល់ភាគហ៊ុនរបស់ក្រុមហ៊ុននៅឡើយទេ ប៉ុន្តែវានៅតែជាការព្រួយបារម្ភសម្រាប់ម្ចាស់ភាគហ៊ុន។ ចំណែក​ប្រភពពី jalopnik.com ឱ្យដឹងថា ​រថយន្ត Ferrari តម្លៃថោកបំផុតក៏ចាប់ពី ២០ ម៉ឺនដុល្លារដែរ​ ប៉ុន្តែវាពិបាករកអ្នកសាងបន្ត ហើយ​បើលក់ជាជជុះគឺ​តម្លៃចុះខ្លាំង​បះជើង។

ទិញអត់?

កុំភ័យថា​គេប្តឹង KPT ណា៎ និយាយតែការពិត​ ហើយ​ក៏​អត់ទាន់មាន​ឡានម៉ាកប្រណីតណា​មកផ្សាយពាណិជ្ជកម្មជាមួយ​នៅឡើយ​ដែរ ឯករាជ្យច្បាស់ណាស់ !

ចងក្រងដោយ៖ ព្រូឡាន

ចុចអាន៖ មកស្គាល់ម៉ាកម៉ូតូល្បីរាប់សិបឆ្នាំរបស់ឥណ្ឌា

ចុចអាន៖ ជិះឡានអម្បូរ Rolls Royce គឺ Life Style អភិជនសម័យ​ឌីជីថលដែលអ្នកណាក៏​ចង់មើល

The post មូលហេតុដែល KPT ចង់ឱ្យគិតពីរដងសិនមុនសម្រេចចិត្ត​ទិញរថយន្ត Ferrari appeared first on Kampuchea Thmey Daily.