កាលពី​ថ្ងៃអាទិត្យ FIFA បាន​ជូនដំណឹង​ដល់​សហព័ន្ធ​កីឡាបាល់ទាត់​ស្រីលង្កា ថា ពួកគេ​នឹង​ត្រូវ​បាន​ផ្អាក​សកម្មភាព​ដោយមាន​ប្រសិទ្ធភាព​ចាប់ពី​ថ្ងៃ​ទី ២១ ខែ​មករា រហូតដល់​មាន​ការ​ជូន​ដំណឹង​បន្ថែម​ស្របតាម​មាត្រា ១៦ នៃ​លក្ខន្តិកៈ​របស់ FIFA។

ការ​ហាមប្រាម​នេះ ត្រូវ​បាន​ធ្វើឡើង​ដោយសារ​តែ​អាជ្ញាធរ​ស្រីលង្កា បាន​ងាក​ចេញពី​ផែនទី​បង្ហាញ​ផ្លូវ និង​ការ​ត្អូញត្អែរ​ទាក់ទង​នឹង​ការ​បោះឆ្នោត​ផ្លូវការ​របស់​កីឡាបាល់ទាត់ ដែល​ធ្វើឡើង​នៅ​ថ្ងៃ​ទី ១៤។ យោង​តាម​របាយការណ៍​មូលហេតុ នៃ​ការ​ដាក់​បម្រាម គឺ ដោយសារ​ការ​អន្តរាគមន៍​ពី​ភាគី​ទី ៣ ក្នុង​ការ​បោះឆ្នោត​ជ្រើសរើស​មន្ត្រី។

FIFA កាលពី​ខែ​ធ្នូ បាន​ចេញ​សេចក្ដីជូនដំណឹង​បឋម​មួយ លើ​អាជ្ញាធរ​កីឡា​បាល់ទាត់​ក្នុង​ស្រុក ដោយ​បង្កើន​ការ​ព្រួយបារម្ភ​អំពី​ផែនទី​បង្ហាញ​ផ្លូវ នៃ​ការ​បោះឆ្នោត​របស់​សហព័ន្ធ​បាល់ទាត់​ស្រីលង្កា​។ ការ​ផ្អាក​នេះ រារាំង​ស្រីលង្កា​ពី​ការ​ចូលរួម​ក្នុង​ការ​ប្រកួត​អន្តរជាតិ៕

ប្រភព ៖ FIFA.com

អត្ថបទ ៖ មន្នីរ័ត្ន

The post FIFA បានព្យួរសហព័ន្ធកីឡាបាល់ទាត់ស្រីលង្កា appeared first on Kampuchea Thmey Daily.