បច្ចុប្បន្ន Real Madrid បានតែងតាំងអតីតកីឡាករ និងគ្រូបង្វឹកយុវជនរបស់ខ្លួនលោក Álvaro Arbeloa មកធ្វើជាគ្រូបង្វឹកបណ្តោះអាសន្ន ដើម្បីជំនួសតំណែងលោក Xabi ដែលបានចែកផ្លូវជាមួយក្លិប បន្ទាប់ពីចាញ់ក្រុម Barcelona នៅវគ្គផ្តាច់ព្រ័ត្រពាន Spanish Super Cup ក្នុងលទ្ធផល ៣-២។

ទោះបីជាយ៉ាងណា ក្រុមអធិរាជស Real Madrid បានសម្លឹងឃើញគ្រូបង្វឹកម្នាក់ទៀត ដើម្បីមកដឹកនាំក្រុមជាអចិន្ត្រៃយ៍តែម្តង នោះគឺលោក Jurgen Klopp។ យោងតាមអ្នកកាសែតលោក Santi Aouna បានអះអាង ថា លោក Perez កំពុងពិចារណាលើលោក Klopp ជាបេក្ខភាពដ៏ល្អឥតខ្ចោះបំផុត ដើម្បីមកដឹកនាំក្រុមម្ចាស់ជើងឯក Champions League ១៥ សម័យ ដោយសារតែស្នាដៃពីអតីតកាលរបស់លោក។

គួរឱ្យដឹងថា លោក Klopp មិនបានទទួលការងារជាគ្រូបង្វឹកដឹកនាំក្រុមណាមួយទេ បន្ទាប់ពីលោកចាកចេញពី Liverpool នៅរដូវក្តៅឆ្នាំ ២០២៤ ប៉ុន្តែបច្ចុប្បន្នលោកកំពុងកាន់ការងារជានាយកផ្នែកកីឡារបស់សម្ព័ន្ធ Red Bull ដែលមានសរុបចំនួន ៩ ក្លិប៕

ប្រែសម្រួល៖ សេម កុសល
ប្រភព៖ Sportskeeda

The post ប្រធានក្លិប Perez ចង់បានអតីតគ្រូនៅ Premier League ម្នាក់ មកដឹកនាំ Real Madrid អចិន្ត្រៃយ៍ appeared first on Kampuchea Thmey Daily.

កាលពីឆ្នាំ ២០២៣ កីឡាករ Vinicius ធ្លាប់ត្រូវបានកាសែត អេស្ប៉ាញ Marca ចុះផ្សាយម្តងហើយ ថា រូបគេបាន​ជួបចរចាជាមួយ​តំណាង​ក្លិបមកពីលីគ អារ៉ាប៊ីសាអ៊ូឌីត Major League Soccer។ ទោះបីជាយ៉ាងណា ការចរចានោះមិនមានផ្លែផ្កាអ្វីទេ ប៉ុន្តែនៅរដូវក្តៅឆ្នាំ ២០២៥ ក្លិបមកពី SPL នៅតែចាប់អារម្មណ៍លើខ្សែប្រយុទ្ធប្រយុទ្ធសញ្ជាតិ ប្រេស៊ីល វ័យ ២៥ ឆ្នាំទៀត។ ពួកគេថែមទាំងហ៊ានផ្តល់ប្រាក់ឈ្នួលយ៉ាងច្រើនមហាសាលរហូតដល់ទៅ ១.១៥ ពាន់​លានដុល្លារអាមេរិក ក្នុងកិច្ចសន្យារយៈពេល ៥ ឆ្នាំថែមទៀតផង។

ទោះ​បី​ជាយ៉ាងណា ថ្មីៗនេះមានព័ត៌មានបន្ថែមទៀតថា Vinicius បានទទូចសុំថ្នាក់លើ Real Madrid តម្លើងប្រាក់ឈ្នួលរបស់គេឱ្យខ្ពស់ជាង Kylian Mbappe នៅពេលបន្តកិច្ចសន្យាថ្មី ដែលនឹងអស់សុពលភាពនៅខែ មិថុនា ឆ្នាំ ២០២៧។ ជុំវិញបញ្ហានេះ ធ្វើឱ្យគេរំពឹងថា កិច្ចសន្យាថ្មីរវាង Vinicius និង Real Madrid ទំនងជាមិនអាចបន្តបាននោះទេ។

ចំពេលមានភាពមិនច្បាស់លាស់បែបនេះ សារព័ត៌មាន GOAL បានរាយការណ៍ថា ប្រធានក្លិបលោក Perez បានសម្លឹងឃើញ Haaland ជាបេក្ខភាពដ៏សក្តានុពល ដើម្បីមកជំនួស Vinicius ប្រសិនបើគេនឹងចាកចេញពិតមែន។ បុរសសញ្ជាតិ អេស្ប៉ាញ វ័យ ៧៨ ឆ្នាំរូបនេះ មានគោលបំណងចង់ឱ្យ Haaland ក្លាយជាដៃគូប្រយុទ្ធដ៏គ្រោះថ្នាក់បំផុតជាមួយ Mbappe នៅ Real Madrid ក្នុងរដូវកាលនេះ៕

ប្រែសម្រួល៖ សេម កុសល
ប្រភព៖ Sportskeeda

The post ប្រធានក្លិប Real Madrid សម្លឹងឃើញជើងស៊ុតនៅលីគ អង់គ្លេសម្នាក់ មកជំនួស Vinicius appeared first on Kampuchea Thmey Daily.

លោក Florentino Perez បាននិយាយនៅក្នុងកិច្ចប្រជុំទូទៅប្រចាំឆ្នាំរបស់ក្លិប​ Real Madrid ថា ៖«Rodri សមនឹងទទួលបាន Ballon d’Or ប៉ុន្តែមិនមែនឆ្នាំនេះទេ។ ឆ្នាំនេះ វាគួរ​បាន​ទៅ​កីឡាករ Real Madrid។ ដូចជា Vinicius ​ដែល​មាន​អ្នកគាំទ្រទូទាំងពិភពលោកចាប់អារម្មណ៍ខ្លាំង សូម្បីប្រធានក្រុមរបស់យើង Dani Carvajal។ ​បើសង្កត់ធ្ងន់លើការបង្ហាញខ្លួន Euro របស់គាត់ សូម្បីតែ Jude Bellingham ក៏ស័ក្តិ​សមដែរ។ វាពិបាកក្នុងការពន្យល់ថាហេតុអ្វីបានជាគ្មានកីឡាករយើងឈ្នះ»។

ឆ្នាំ​២០២៤នេះ សហព័ន្ធបាល់ទាត់ទ្វីបអឺរ៉ុប (UEFA) បាន​ចុះកិច្ចព្រមព្រៀងជាមួយក្រុមហ៊ុន Group Amaury ជាម្ចាស់ក្រុមហ៊ុនប្រព័ន្ធផ្សព្វផ្សាយ France Football និងកាសែតបារាំង L’Équipe ដើម្បីសហការរៀបចំពានរង្វាន់នេះ ក្នុងគោលបំណងបង្កើនភាពរឹងមាំ និងការឈានទៅដល់ការទទួលស្គាល់ពានរង្វាន់នេះជាសកល។

Rodri បានឈ្នះពានរង្វាន់ជាមួយពិន្ទុចំនួន១,១៧០ពិន្ទុ ច្រើនជាង Vinicius ចំនួន៤១ពិន្ទុ ហើយមានគម្លាតពីគ្នាត្រឹមតែ៣.៦%ប៉ុណ្ណោះ។ ចំណាត់ថ្នាក់លេខ៣ បានទៅលើ Jude Bellingham ទទួនបាន​៩១៧ពិន្ទុ​ ខណៈ Carvajal ឈរនៅលេខ៤ ទទួល​បាន​៥៥០ពិន្ទុ។

កាសែតអេស្ប៉ាញ Marca កាល​ពី​ចុងខែកញ្ញា បាន​ផ្សាយថា កីឡាករ Vinicius នឹងឈ្នះ Ballon d’Or ឆ្នាំ២០២៤ ប៉ុន្តែមុនពេលពិធីប្រគល់ពានរង្វាន់នៅទីក្រុងប៉ារីស ថ្ងៃទី២៨ ខែតុលា ចាប់ផ្ដើម ក្លិប Real Madrid បានទទួលដំណឹងថា ខ្សែប្រយុទ្ធប្រេស៊ីល​មិនមែនជា​អ្នក​ឈ្នះទេ។ ភ្លាមៗ​នោះ​ថ្នាក់ដឹកនាំរបស់ក្លិប​បាន​ខឹងសម្បារយ៉ាងខ្លាំង។ ពួកគេបានលុបចោលការធ្វើដំណើរទៅកាន់ទីក្រុងប៉ារីស​ទាំង​អស់​គ្នា​ដែល​មាន​​ប្រតិភូ​៥០នាក់ រួមទាំងអ្នកដឹកនាំ គ្រូបង្វឹក ក្រុមគ្រួសារ និងមិត្តភក្តិរបស់កីឡាករ។

លោក Perez បានបន្ថែមថា ៖«ពួកគេបានផ្លាស់ប្តូរប្រព័ន្ធបោះឆ្នោត។ វាគួរឲ្យភ្ញាក់ផ្អើល អ្នកសារព័ត៌មានមកពីប្រទេសមានប្រជាជនតិចជាងមួយលាននាក់អាចបោះឆ្នោតបាន។ អ្នកសារព័ត៌មានដែលគ្មានអ្នកស្គាល់ ហើយពួកគេបានទៅបោះឆ្នោតនៅឆ្នាំនេះ។ ហើយបែរជាគ្មានអ្នកសារព័ត៌មានមកពីប្រទេសទាំង៤នេះដូចជា អ៊ូហ្គង់ដា ណាមីប៊ី អាល់បានី និងហ្វាំងឡង់ ចូលរួមបោះឆ្នោតទៅវិញ។ ប្រសិនបើ​​មាន​​ពួក​គេ​ចូលរួម នោះ Vinicius នឹងឈ្នះ Ballon d’Or»៕

ប្រែសម្រួល៖ ផា រតនា

The post ប្រធាន​ក្លិប Real Madrid ថា Rodri សម​ឈ្នះ​ពាន​ Ballon d’Or ប៉ុន្តែមិនមែនឆ្នាំនេះ appeared first on Kampuchea Thmey Daily.