Rodrygo ត្រូវបានក្លិប Real Madrid ចុះកិច្ចសន្យាយកបានពី Santos នៅឆ្នាំ ២០១៩ ក្នុងតម្លៃ ៥១ លានដុល្លារអាមេរិក។ អំឡុងពេលស្ថិតក្រោមការដឹកនាំរបស់លោក Zinedine Zidane និងលោក Carlo Ancelotti ខ្សែប្រយុទ្ធសញ្ជាតិ ប្រេស៊ីល រូបនេះ បានក្លាយជាកីឡាករដ៏សំខាន់ និងបង្ហាញខ្លួនស្ទើរគ្រប់ការប្រកួត ប៉ុន្តែចាប់ពីលោក Xabi Alonso ចូលដឹកនាំនៅរដូវកាល ២០២៥-២០២៦ នេះ Rodrygo មិនសូវបានបង្ហាញខ្លួនជាប់លាប់នោះទេ។

កន្លងមក Arsenal, Chelsea និង Liverpool ត្រូវបានគេអះអាងថា មានបំណងចង់បាន Rodrygo។ ប៉ុន្តែ Liverpool ពេលនោះចាប់អារម្មណ៍លើ Florian Wirtz ជាង ហើយចុងក្រោយពួកគេ បានទិញយកខ្សែប្រយុទ្ធសញ្ជាតិ អាល្លឺម៉ង់ វ័យ ក្នុងតម្លៃ ១៥២.៦៨ លានដុល្លារអាមេរិក។

ងាកមកកាន់ Real Madrid វិញ ក៏ធ្លាប់ចង់ទិញ Wirtz ដែរ ប៉ុន្តែពួកគេមិនហ៊ានចាយលុយក្នុងតម្លៃខ្ពស់តាមដែល Bayer Leverkusen ត្រូវការ។ បច្ចុប្បន្ន ខណៈពេល Wirtz កំពុងប្រឈមភាពលំបាកសម្រាប់ការសម្របខ្លួននៅ Premier League ស្រាប់តែក្លិប Real Madrid មានបំណងចង់ដាក់ Rodrygo ជាលក្ខខណ្ឌដើម្បីប្តូរយក Wirtz មកវិញ។

របាយការណ៍បាននិយាយថា Xabi Alonso គឺពេញចិត្តខ្លាំង ប្រសិនបើបាន Wirtz មកចូលរួមជាមួយក្រុម។ ទោះបីយ៉ាងណា ការផ្លាស់ប្តូរនេះ នឹងក្លាយជារឿងលំបាក ព្រោះ Liverpool ឥឡូវនេះ មិនមានបំណងចង់បញ្ចេញខ្សែប្រយុទ្ធសញ្ជាតិ អាល្លឺម៉ង់ វ័យ ២២ ឆ្នាំ នៅពេលឆាប់ៗនេះនោះទេ៕

ប្រែសម្រួល៖ សេម កុសល
ប្រភព៖ Sportbible

The post លោក Xabi Alonso ពិចារណាដាក់ខ្សែប្រយុទ្ធខ្លួនម្នាក់ ប្តូរយក Wirtz ពី Liverpool មកវិញ appeared first on Kampuchea Thmey Daily.

ថ្ងៃនេះសារព័ត៌មាន «កម្ពុជាថ្មី» សូមលើកយកកីឡាករ ៥ រូបក្នុងតំបន់ អឺរ៉ុប ដែលត្រូវបានគេចាត់ទុកជាកីឡាករផ្ទេរដ៏គួរឱ្យចាប់អារម្មណ៍បំផុតក្នុងទីផ្សារដោះដូរកីឡាកររដូវក្តៅឆ្នាំ ២០២៥ នេះ៖

១. Florian Wirtz៖ កីឡាករសញ្ជាតិ អាល្លឺម៉ង់ វ័យ ២២ ឆ្នាំរូបនេះបានចាកចេញពីទ្រនំចាស់ Bayer Leverkusen ក្រោយស្នាក់នៅទីនេះបានរយៈពេល ៥ រដូវកាល ដោយមកចូលរួមជាមួយ Liverpool នៅរដូវក្តៅនេះ។ កីឡាករ​បានផ្លាស់មកកាន់ក្រុមហង្សក្រហមក្នុងតម្លៃបំបែកកំណត់ត្រា ១៥៥ លានដុល្លារអាមេរិក ជាមួយកិច្ចសន្យារយៈពេល ៥ ឆ្នាំ ពោលគឺដល់ខែ មិថុនា ឆ្នាំ ២០៣០។

២. Trent Alexander-Arnold៖ Arnold នៅរដូវក្តៅនេះ បានសម្រេចចិត្តយ៉ាងភ្ញាក់ផ្អើល ដោយរូបគេបានបដិសេធ​បន្តកិច្ចសន្យាថ្មីជាមួយ Liverpool ហើយបានផ្លាស់មកកាន់ក្លិប Real Madrid ដោយគ្មានតម្លៃខ្លួន ក្នុងកិច្ចសន្យារយៈពេល ៦ ឆ្នាំ ពោលគឺដល់ខែ មិថុនា ឆ្នាំ ២០៣១។ ទោះបីជាយ៉ាងណា Real Madrid បានសុខចិត្តចំណាយ​ឱ្យ Liverpool ចំនួន ១១.៧ លានដុល្លារអាមេរិក ដោយសារចង់បានរូបគេមុនពេលកំណត់ ដើម្បីចូលរួមប្រកួតពាន FIFA Club World Cup។

៣. Viktor Gyökeres៖ កីឡាករសញ្ជាតិ ស៊ុយអែត វ័យ ២៧ ឆ្នាំរូបនេះ បានសម្រេចកិច្ចព្រមព្រៀងយ៉ាងភ្ញាក់ផ្អើល ក្នុងការផ្លាស់មកចូលរួមជាមួយក្រុម Arsenal នៅរដូវក្តៅនេះ។ កាលពីរដូវកាលមុន ២០២៤-២០២៦ Gyökeres បានបង្ហាញសមត្ថភាពស៊ុតបញ្ចូលទីយ៉ាងអស្ចារ្យជាមួយក្រុម Sporting Lisbon ហើយក៏បានធ្វើឱ្យក្លិបធំៗនៅតំបន់ អឺរ៉ុប ជាច្រើនចាប់អារម្មណ៍។ ចុងក្រោយ រូបគេបានសម្រេចចិត្តជ្រើសរើសយក Arsenal តែមួយគត់ ដោយរូបគេបានសម្រេចកិច្ចព្រមព្រៀងផ្ទេរក្នុងតម្លៃ ៨៥.៧ លានដុល្លារអាមេរិក ជាមួយកិច្ចសន្យារយៈពេល ៥ ឆ្នាំ ពោលគឺដល់ខែ មិថុនា ឆ្នាំ ២០៣០។

៤. Marcus Rashford៖ នៅរដូវក្តៅនេះ Rashford បានធ្វើការផ្ទេរយ៉ាងភ្ញាក់ផ្អើលមួយ ដោយបានផ្លាស់មកកាន់ក្លិបអ្នកមានបុណ្យ FC Barcelona ដែលជាក្លិបក្នុងក្តីស្រមៃរបស់ខ្លួន ក្នុងកិច្ចសន្យាខ្ចីជើងមួយរដូវកាល អមជាមួយជម្រើសទិញផ្តាច់។ ទោះបីនេះ គ្រាន់តែជាការខ្ចីជើងក៏ពិតមែន ប៉ុន្តែការផ្ទេរមួយនេះត្រូវគេចាប់អារម្មណ៍មែនទែនសម្រាប់អ្នកគាំទ្របាល់ទាត់ទូទាំងពិភពលោក។ Rashford អាចនឹងទទួលបានឱកាសកសាងនូវអាជីពរបស់ខ្លួនឡើងវិញជាមួយក្លិបយក្ស អេស្ប៉ាញ ប្រសិនបើបង្ហាញសមត្ថភាពបានល្អ បន្ទាប់ពីអាជីពរបស់គេហាក់ធ្លាក់ចុះយ៉ាងខ្លាំងជាមួយ Manchester United នាប៉ុន្មានរដូវកាលចុងក្រោយនេះ។

៥. Bryan Mbeumo៖ នៅរដូវក្តៅនេះក្លិប Manchester United បានធ្វើការចុះកិច្ចព្រមព្រៀងដ៏ធំមួយ ដោយ​ទិញបានខ្សែប្រយុទ្ធសញ្ជាតិ កាមេរូន វ័យ ២៥ ឆ្នាំពី Brentford ក្នុងតម្លៃ ៩៥ លានដុល្លារអាមេរិក អមជាមួយកិច្ចសន្យារយៈពេល ៥ ឆ្នាំ ពោលគឺដល់ខែ មិថុនា ឆ្នាំ ២០៣០។ ការមកដល់របស់ Mbeumo ត្រូវបានគេរំពឹងថា នឹងអាចជួយតំបន់ប្រយុទ្ធរបស់ក្រុមបិសាចក្រហមបានច្រើន បន្ទាប់ពីក្រុមម្ចាស់ជើងឯកលីគកំពូល អង់គ្លេស ២០ សម័យមួយនេះ ជួបប្រទះបញ្ហាត្រង់តំបន់នេះខ្លាំងកាលពីរដូវកាលមុន។ យ៉ាងកាលពីរដូវកាលមុន Mbeumo បានបង្ហាញសមត្ថភាពយ៉ាងគួរឱ្យចាប់អារម្មណ៍ ដោយរកបានគ្រាប់បាល់បានចំនួន ២០ គ្រាប់ និង ៧ បញ្ជូន (assist) ឱ្យក្រុម Brentford។

ខាងលើនេះ ជាកីឡាករ ៥ រូប ដែលត្រូវបានចាត់ទុក ជាកីឡាករផ្ទេរដ៏ចាប់អារម្មណ៍បំផុតសម្រាប់ទីផ្សាររដូវក្តៅឆ្នាំ ២០២៥ នេះ គិតត្រឹមថ្ងៃទី ២៨ ខែ កក្កដា ឆ្នាំ ២០២៥។ យ៉ាងណា នៅមានកីឡាករជាច្រើនទៀត ដែលទទួលបានចំណាប់អារម្មណ៍ខ្លាំងពីការផ្ទេរដូចគ្នា ខណៈកីឡាករខ្លះទៀត កំពុងតែស្ថិតនៅក្នុងដំណាក់កាលចរចាផ្លាស់ទៅកាន់ក្លិបថ្មី ដែលការផ្ទេរគ្រោងនឹងរួចរាល់ឆាប់ៗ ដូចជា Luis Diaz ជាដើម៕

អត្ថបទ៖ សេម កុសល

The post កីឡាករ ៥ រូបគួរឱ្យចាប់អារម្មណ៍បំផុតប្រចាំតំបន់អឺរ៉ុប សម្រាប់​ការ​ផ្ទេរ​នៅរដូវកាលនេះ appeared first on Kampuchea Thmey Daily.

តាមប្រភពពីអ្នកកាសែតអ៉ីតាលីលោក Fabrizio Romano បានឱ្យដឹងថា Wirtz បានព្រមព្រៀងចាកចេញពី Bayer Leverkusen ក្នុងការផ្លាស់ទៅកាន់ Liverpool នៅរដូវក្តៅនេះ​ដោយ​មាន​​តម្លៃ ១៧៣ លានដុល្លារអាមេរិក។ ជាមួយគ្នានេះ រូបគេបានយល់ព្រមស្នាក់នៅទឹកដី Anfield រយៈពេល ៥ ឆ្នាំ ពោលគឺដល់រដូវកាលក្តៅឆ្នាំ ២០៣០។

តាមរយៈតម្លៃផ្ទេរដ៏ច្រើនមហាសាល​នេះ នឹងធ្វើឱ្យ Wirtz បំបែកកំណត់ត្រាក្លាយជាកីឡាករទី ៣ ក្នុងពិភពលោក បន្ទាប់ពី Neymar និង Kylian Mbappe ដែលមានតម្លៃផ្ទេរថ្លៃបំផុតនៅក្នុងប្រវត្តិសាស្ត្របាល់ទាត់។

គួរឱ្យដឹងថា តំណែងកីឡាករផ្ទេរថ្លៃបំផុត គឺពុំទាន់មាននរណាអាចបំបែក Neymar ដែលផ្ទេរចេញពី Barcelona ទៅ Paris Saint-Germain បាននៅឡើយទេ គឺតម្លៃ ២៥៧ លានដុល្លារអាមេរិក។ ចំណែក Mbappe ឈរលេខ ២ មានតម្លៃផ្ទេរពី Monaco ទៅ PSG ក្នុងតម្លៃ ២០៨ លានដុល្លារអាមេរិក។

ដោយឡែក Philippe Coutinho ឈរលេខ ៤ មានតម្លៃផ្ទេរពី Liverpool ទៅ Barcelona ចំនួន ១៦៨ លានដុល្លារអាមេរិក និង Joao Felix ឈរនៅលេខរៀងទី ៥ មានតម្លៃផ្ទេរពី Benfica ទៅ At Madrid ចំនួន ១៤៦ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ Fabrizio Romano

The post Wirtz នឹងក្លាយជាកីឡាករទី ៣ បន្ទាប់ពី Neymar, Mbappe មានតម្លៃផ្ទេរថ្លៃបំផុតក្នុងលោក appeared first on Kampuchea Thmey Daily.

យោងតាមការចុះផ្សាយដោយសារព័ត៌មាន អាល្លឺម៉ង់ BILD បានឱ្យដឹងថា Wirtz បានយល់ព្រមរួមរស់ជាមួយ Liverpool រយៈពេល ៥ ឆ្នាំ ពោលគឺដល់រដូវកាលក្តៅឆ្នាំ ២០៣០។ ក្រៅអំពីការបំបែកតម្លៃផ្ទេរយ៉ាងច្រើនមហាសាលប្រចាំប្រវត្តិសាស្ត្រ Liverpool ខ្សែបម្រើសញ្ជាតិ អាល្លឺម៉ង់ ក៏ទទួលបានថ្លៃនឿយហត់ខ្ពស់ផងដែរ ដោយលើសទាំងប្រធានក្រុម Virgil van Dijk ទៅទៀត ប៉ុន្តែរូបគេនៅក្រោមតែខ្សែប្រយុទ្ធចាស់វស្សា Mohamed Salah ម្នាក់ប៉ុណ្ណោះ។

តាមប្រភពខាងលើដដែល បានអះអាងថា Wirtz នឹងទទួលបានថ្លៃពលកម្មចំនួន ៤៨ ម៉ឺនដុល្លារអាមេរិកក្នុងមួយសប្តាហ៍ ដែលមួយឆ្នាំស្មើនឹង ២៥ លានដុល្លារអាមេរិក។ តាមរយៈថ្លៃពលកម្មប៉ុណ្ណោះ នឹងធ្វើឱ្យខ្សែបម្រើវ័យ ២២ ឆ្នាំ មានប្រាក់ពលកម្មថ្លៃបំផុតទី ២ បន្ទាប់ពី Mohamed Salah ដែលនឹងទទួលបាន ៥៤ ម៉ឺនដុល្លារអាមេរិក ក្នុងមួយសប្តាហ៍នៅរដូវកាលនេះ។ ចំណែក Van Dijk ដែលរដូវកាលមុនឈរនៅចំណាត់ថ្នាក់ទី ២ នឹងធ្លាក់ទៅឈរនៅចំណាត់ថ្នាក់ទី ៣ វិញ ដោយមួយសប្តាហ៍រូបគេរកបាន ៤៧ ម៉ឺនដុល្លារអាមេរិក៕

ប្រែសម្រួល៖ សេម កុសល
ប្រភព៖ GiveMesport

The post Florian Wirtz ទៅ Liverpool ទទួលបានថ្លៃពលកម្មច្រើនមហាសាល ពោលលើស Van Dijk ទៀត appeared first on Kampuchea Thmey Daily.

Florian Wirtz គឺជាអ្នកនាំលេងដ៏សំខាន់ម្នាក់របស់ក្រុម Bayer Leverkusen ខណៈ ២ រដូវកាលចុងក្រោយនេះ រូបគេពិតជាធ្វើបានល្អមែនទែន ដោយរដូវកាលមុន ២០២៣-២០២៤ រូបគេបានរួមចំណែកជួយឱ្យក្លិបឈ្នះជើងឯកពាន Bundesliga ជាលើកដំបូង និងរដូវកាលនេះ ២០២៤-២០២៥ បានជួយឱ្យក្លិបបញ្ចប់រដូវកាល ដោយឈរនៅលេខរៀងទី ២។

យោងតាមការចុះផ្សាយដោយសារព័ត៌មាន ESPN បានឱ្យដឹងថា ក្លិប Liverpool បានបញ្ជូនសំណើជាទឹកប្រាក់ចំនួន ១៤៧.៥ លានដុល្លារអាមេរិក ដើម្បីដេញថ្លៃយកខ្សែបម្រើសញ្ជាតិ អាល្លឺម៉ង់ វ័យ ២២ ឆ្នាំពីក្រុម Bayer Leverkusen។

គួរឱ្យដឹងថា Liverpool កន្លងមក គឺមិនដែលនាំចូលកីឡាករណា ដែលមានតម្លៃលើស ១០០ លានដុល្លារអាមេរិកនោះទេ ខណៈកីឡាករ ដែលថ្លៃបំផុតនៅក្នុងប្រវត្តិសាស្ត្ររបស់ពួកគេ គឺកីឡាករ Darwin Nunez ដែលមានតម្លៃខ្លួនចំនួន ៩៦ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ ESPN

The post Liverpool បោះលុយជិត ១៥០ លានដុល្លារ ដេញថ្លៃយកខ្សែបម្រើអាល្លឺម៉ង់ម្នាក់ appeared first on Kampuchea Thmey Daily.

យោងតាមសារព័ត៌មាន Sky Sport នៅប្រទេសអាឡឺម៉ង់បានចុះផ្សាយថា តារាឆ្នើមរបស់ Bayer Leverkusen Florian Wirtz មិនទាន់យល់ព្រមជាផ្លូវការលើការចុះកុងត្រាថ្មីនៅឡើយទេ ប៉ុន្តែក្លិបកំពុងដុតដៃដុតជើង ធ្វើយ៉ាងណាដើម្បីអាចរក្សាទុករូបគេ ឲ្យស្នាក់បន្តទៀត។ កិច្ចសន្យាថ្មីរបស់គាត់ទំនងជាមានសុពលភាពរហូតដល់ឆ្នាំ២០២៨ ហើយរូបគេអាចទទួលបានការដំឡើងប្រាក់ឈ្នួល​ដល់១១លានដុល្លារក្នុងមួយរដូវកាល។

Wirtz ត្រូវបានគេមើលឃើញ​ពីការ​រួម​ចំណែកសំខាន់មួយក្នុងក្រុម Leverkusen និងបានជួយលោក Xabi Alonso ឈ្នះជើងឯក Bundesliga ជាលើកដំបូងក្នុងប្រវត្តិសាស្ត្ររបស់ពួកគេកាលពីរដូវកាលមុន។ កាលពីប៉ុន្មានខែមុន ក្លិបកំពូលៗនៅអឺរ៉ុបដូចជា Bayern Munich, Manchester City និង Real Madrid មានទំនាក់ទំនងយ៉ាងជិតស្និទ្ធជាមួយកីឡាករជម្រើសជាតិអាឡឺម៉ង់ ប៉ុន្តែយោងតាមរបាយការណ៍បន្ថែមចំពោះការផ្ទេរទៅក្លិបមួយក្នុងចំណោមក្លិបទាំងនោះទំនងជាមិនអាចកើតឡើងទេ ដោយសារគាត់អាចនឹងបន្ដស្នាក់នៅជាមួយក្លិបយ៉ាងហោចណាស់ដល់ព្រឹត្តិការណ៍ World Cup ឆ្នាំ២០២៦។

នៅក្នុងយុទ្ធនាការប្រកួតនៅរដូវកាលឆ្នាំ ២០២៤-២៥ ខ្សែបម្រើវ័យ២១ឆ្នាំរូបនេះបានបង្ហាញទម្រង់លេងដ៏អស្ចារ្យ ក្រោយស៊ុតបញ្ចូលទីបាន១១គ្រាប់ និងបានបញ្ជូនបាល់ឱ្យមិត្តរួមក្រុមចំនួន៥ដងក្នុងការបង្ហាញខ្លួន២៤ប្រកួត៕

ប្រែសម្រួល៖ ផា រតនា

The post Leverkusen ត្រៀមផ្ដល់កិច្ចសន្យា​ថ្មី​ជា​មួយ​ប្រាក់ឈ្នួល​កើន​ឡើងដើម្បីរក្សា Wirtz appeared first on Kampuchea Thmey Daily.