ជាការពិតណាស់ នាមួយរយៈចុងក្រោយនេះ មានកីឡាករឆ្នើមៗពីអឺរ៉ុប​ជា​ច្រើន​ បានសម្រេចចិត្តផ្លាស់ទៅលេងនៅលីគ Saudi Pro League តែអ្វីដែលគួរឱ្យកត់សម្គាល់ អ្នកគាំទ្រភាគច្រើនតែងតែគិតថា ពួក​គេ​សម្រេចចិត្តផ្លាស់ទៅទីនោះ​ គឺដោយសារលុយមួយមុខគត់ ពី​ព្រោះទីនោះពិតជាទទួលបានប្រាក់ពលកម្មច្រើនពិតមែន។

ទោះបីជាយ៉ាងណា Benzema ដែលជាកីឡាករកំពុងលេងនៅទីនោះមួយរូប បានចេញមុខទម្លាយមូលហេតុពិត ថាដោយសារខ្លួនមិនចង់លេងជួបក្លិបចាស់ Real Madrid ទើបជ្រើសរើសការផ្លាស់ទៅទឹកដីមជ្ឍឹមបូព៌ា។

ដកស្រង់ពាក្យសម្តីដើមពីអ្នកកាសែត អ៉ីតាលី លោក Fabrizio Romano អតីតខ្សែប្រយុទ្ធជម្រើសជាតិ បារាំង បានលើកឡើងយ៉ាងដូច្នេះថា ៖«ការសម្រេចចិត្តរបស់ខ្ញុំផ្លាស់ទៅ អារ៉ាប៊ីសាអ៊ូឌីត ដោយសារខ្ញុំមិនចង់លេងតទល់នឹង Real Madrid នៅក្នុងជីវិតខ្ញុំ»។

គួរបញ្ជាក់ថា Benzema គឺជាកីឡាករដ៏សំខាន់មួយរូបរបស់ក្រុមអធិរាជស អំឡុងពេលលេងទីនោះពីឆ្នាំ ២០០៩ ដល់ឆ្នាំ ២០២៣ មុនពេលចាកចេញទៅកាន់ Al-Ittihad៕

ប្រែ​សម្រួល៖ សេម កុសល

The post Benzema ទម្លាយមូលហេតុនៃការជ្រើសរើសទៅលេងនៅ អារ៉ាប៊ីសាអ៊ូឌីត appeared first on Kampuchea Thmey Daily.

១. កីឡាករ Julián Alvarez

ខ្សែប្រយុទ្ធវ័យក្មេង Julián Alvarez បានចាកចេញពីក្លិប Manchester City ទៅចួលរួមជាមួយក្លិប Atlético Madrid ក្នុងតម្លៃ៨២លានដុល្លារ។ រូបគេជាកីឡាករមានតម្លៃផ្ទេរខ្ពស់បំផុត ក្នុង​ទីផ្សារ​ដោះដូរ​កីឡាករ​នៅ​រដូវ​ក្តៅនេះ។ Alvarez ជាកីឡាករវ័យក្មេង១រូបដែលឈ្នះពានរង្វាន់ស្ទើរ​គ្រប់​កម្មវិធី ​ទាំង​នៅ​ក្លិបអាជីពនិងជម្រើសជាតិ។

២. កីឡាករ Dominic Solanke

ខ្សែប្រយុទ្ធវ័យ២៦ឆ្នាំ Dominic Solanke បានធ្វើឲ្យអ្នកគាំទ្រនៅក្របខណ្ឌ Premier League ភ្ញាក់​ផ្អើល​ ក្រោយផ្លាស់ទៅចូលរួមជាមួយក្លិប Tottenham Hotspur ក្នុងតម្លៃ៧១លានដុល្លារ។ រូប​គេ​បានក្លាយជាកីឡាករទី២មានតម្លៃផ្ទេរខ្ពស់បំផុត ក្នុង​ទីផ្សារ​ដោះ​​​​រដូវ​ក្តៅនេះ។ អ្នកគាំទ្ររបស់ក្លិប Tottenham Hotspur កំពុងរង់ចាំមើលការបង្ហាញសមត្ថភាពរបស់គេ។

៣. កីឡាករ Leny Yoro

ខ្សែការពារវ័យ១៨ឆ្នាំ Leny Yoro ជាកីឡាករទី៣មានតម្លៃផ្ទេរខ្ពស់បំផុត ក្នុង​ទីផ្សារ​ដោះដូរ​​រដូវ​ក្តៅនេះ ដោយ​​បាន​​ចូល​រួម​ជាមួយក្លិប​ Manchester United ក្នុងតម្លៃ៦៨លានដុល្លារ ប៉ុន្តែរូបគេនៅទាន់បានបង្ហាញខ្លួនជាក្រុមនៅឡើយទេក្នុងការប្រកួតក្នុងក្របខណ្ឌ Premier League។ អំឡុងការប្រកួតកម្ដៅសាច់ដុំបើករដូវកាល Yoro មាន​បញ្ហារបួសហើយត្រូវសម្រាកច្រើនខែ។

៤. កីឡាករ Moussa Diaby

ខ្សែប្រយុទ្ធស្លាប Moussa Diaby បានចាកចេញពីក្លិបអង់គ្លេស Aston Villa ទៅចូលរួមជាក្លិបអារ៉ាប៊ីអាសអ៊ូឌីត Al-Ittihad ក្នុងតម្លៃ៦៦លានដុល្លារ។ កីឡាករ​រូប​នេះ​ត្រូវបានគេរំពឹងនឹង​សហការគ្នាបានល្អជាមិត្តរួមជាតិបារាំងដូចគ្នាគឺកីឡាករ Karim Benzema និង N’Golo Kanté។

៥. កីឡាករ Pedro Neto

ខ្សែបម្រើស្លាប Pedro Neto ជាកីឡាករទី៥ មានតម្លៃផ្ទេរខ្ពស់បំផុត ក្នុង​ទីផ្សារ​ដោះដូរ​​នៅ​រដូវ​ក្តៅនេះ។ រូប​គេ​​បានចាកចេញពីក្លិប​ Wolverhampton ទៅចូលរួមជាមួយក្លិប Chelsea ក្នុងតម្លៃ៦៦លានដុល្លារ ដោយ​ទទួល​បាន​កុងត្រារយៈពេល៧ឆ្នាំ៕

ប្រែសម្រួល៖ ផា រតនា

The post កីឡាករ៥រូបមានតម្លៃផ្ទេរខ្ពស់បំផុត ក្នុង​រដូវ​ក្តៅនេះ appeared first on Kampuchea Thmey Daily.

ក្លិប Nacional បានសរសេរនៅលើផ្សព្វផ្សាយបណ្ដាញសង្គម X ថា ៖«វាគឺជារឿង​មួយដ៏​សោក​សៅ និងតក់ស្លុតបំផុតនៅក្នុងចិត្តរបស់យើងដែលក្លិប​ Nacional ប្រកាសពីការស្លាប់របស់កីឡាករ Juan Izquierdo។ យើងខ្ញុំសូមចូលរួមរំលែកទុក្ខដ៏ក្រៀមក្រំបំផុតចំពោះក្រុមគ្រួសារ មិត្តភ័ក្តិ សហការី និងមនុស្សជាទីស្រលាញ់របស់គាត់។ ក្លិប Nacional​កំពុងកាន់ទុក្ខចំពោះការបាត់បង់នេះ»។

កីឡាករ Juan Izquierdo ​វ័យ២៧ឆ្នាំ​បាន​ទទួល​ការ​ព្យាបាល​ពី​គ្រូពេទ្យ​ចាប់​តាំង​ពី​ដួល​ក្នុង​អំឡុង​ពេល​ប្រកួត Copa Libertadores ជាមួយក្លិប Sao Paulo កាល​ពី​ថ្ងៃ​ទី២២ ខែ​សីហា នៅ​ប្រទេស​ប្រេស៊ីល។

លោក Alejandro Dominguez ប្រធានគណៈគ្រប់គ្រងបាល់ទាត់អាមេរិកខាងត្បូង ក៏បានចូលរួមរំលែកទុក្ខដល់ក្រុមគ្រួសារផងដែរ។ ចំណែកក្លិប Sao Paulo ក៏​មាន​ការ​សោកស្ដាយជាខ្លាំងចំពោះព័ត៌មាននេះ ហើយចាត់ទុក​ជាថ្ងៃដ៏សោកសៅសម្រាប់បាល់ទាត់អាមេរិកខាងត្បូង។

កីឡាករ Izquierdo បានដួលសន្លប់នៅនាទី៨៤ ក្នុងការប្រកួតនៅកីឡដ្ឋាន Morumbi។ រូបគេត្រូវបានយកពីទីលានប្រកួតបញ្ចូទៅក្នុងរថយន្តសង្គ្រោះ មុនពេលបញ្ជូន​ទៅ​សង្គ្រោះ​បន្ទាន់​នៅ​មន្ទីរពេទ្យ Albert Einstein៕

ប្រែសម្រួល៖ ផា រតនា

The post កីឡាករ Juan Izquierdo បាត់បង់ជីវិត បន្ទាប់ពីដួលនៅទីលានសប្តាហ៍មុន appeared first on Kampuchea Thmey Daily.

គ្រូបង្វឹកក្លិប Girona លោក Michel បានប្រាប់បានប្រាប់កូនក្រុមខ្លួនថា ត្រូវតែបំភ្លេចចោលទាំងអស់ អំពីការបញ្ចប់ចំណាត់ថ្នាក់លេខ៣កាលពីរដូវកាលមុន LaLiga ។ លោកចង់ឲ្យកូនក្រុម​ផ្ដោចលើការប្រកួត​ក្នុងរដូវកាល​ថ្មី​ បន្ទាប់ពីពួកគេទើបតែចាញ់ ក្រុម Atletico Madrid ក្នុងលទ្ធផល ៣-០ កាល​ពី​ថ្ងៃ​អាទិត្យ។ រដូវកាលមុនជាពេលវេលាល្អបំផុតរបស់ក្លិប Girona បន្ទាប់ពីពួកគេបញ្ចាប់នៅចំណាត់ថ្នាក់លេខ៣។

លោក Michel បាននិយាយថា ​៖«នោះគឺជាបញ្ហាប្រឈមមួយក្នុងនាមជាគ្រូបង្វឹក។ គ្មាននរណាម្នាក់អាចគិតថាគោល​ដៅរបស់យើងគឺបញ្ចប់ទីនៅលេខ៣ម្តងទៀតនោះទេ។ យើងតែងតែត្រូវបានគេប្រៀបធៀប ប៉ុន្តែវាច្បាស់ណាស់សម្រាប់យើងជាក្រុមដែលត្រូវធ្វើការ​ដោយ​ឯង។ យើងត្រូវបន្តរីកចម្រើន។ យើងមានមោទនភាព ហើយយើងចង់ធ្វើឲ្យកាន់តែប្រសើរជាងឆ្នាំមុន»។

ទោះបីលទ្ធផល២ប្រកួតដំបូងធ្វើមិនបានល្អ ប៉ុន្តែគ្រូបង្វឹកក្លិប Girona លោក Michel នៅតែរំពឹងក្រុមខ្លួននឹងអាចកែប្រែហើយធ្វើបានល្អវិញ។

លោក Michel បាន​បន្ថែម​ថា​ ៖«​ខ្ញុំ​មិន​មើល​លទ្ធផល​ខ្លាំង​ពេក​ទេ ប៉ុន្តែ​យើង​ត្រូវ​តែលេងឲ្យលឿន​ជាង​មុន​ក្នុង​ការ​ប្រកួត ហើយ​យើង​ត្រូវ​តែ​ធ្វើឲ្យល្អ»៕

ប្រែសម្រួល៖ ផា រតនា

The post គ្រូបង្វឹកក្លិប Girona ប្រាប់កូនក្រុមបំភ្លេចរឿងនៅរដូវកាលមុន appeared first on Kampuchea Thmey Daily.

កីឡាករ១៨​នាក់​របស់ក្លិប Thanh Hoa រួមទាំងកីឡាករប្រេស៊ីល Gustavo បានដាក់ពាក្យប្តឹងទៅអាជ្ញាធរខេត្ត និងសហព័ន្ធបាល់ទាត់វៀតណាម (VFF)។ ពួកគេបាននិយាយថា អ្នកគ្រប់គ្រងក្លិបមិនបាន​បើក​ប្រាក់ឲ្យពួកគេតាមការសន្យា ហើយជំពាក់ប្រាក់ពួកគេពីឆ្នាំ២០២៣និង២០២៤។

ក្រៅពីមិនបើកប្រាក់ខែ និងប្រាក់បន្ថែមជូនកីឡាករគ្រប់ចំនួន ថ្នាក់ដឹកនាំក្លិបក៏មិនបានផ្តល់ប្រាក់រង្វាន់ដល់ពួកគេដែរ នៅពេលពួកគេឈ្នះពានរង្វាន់ជាតិនៅឆ្នាំ២០២៣ និងឆ្នាំ២០២៤ ដែលសរុបជាទឹកប្រាក់ជិត២០ពាន់លានដុង។ ពួក​គេ​ត្រូវ​បាន​គេ​សន្យា​ផ្តល់​ប្រាក់​ច្រើន​ដង​ហើយ ប៉ុន្តែ​មិន​បាន​ទទួល​​ទេ។ ដូច្នេះហើយ ទើប​ក្រុមកីឡាករ​​សម្រេច​ធ្វើ​កូដកម្ម និង​ឈប់​ហ្វឹកហាត់​រហូតដល់​ទទួលបាន​ប្រាក់ខែ​។

លោក Cao Hoang Duc នាយកប្រតិបត្តិក្លិប​បាននិយាយថា ចំនួនទឹកប្រាក់នេះមិនច្រើនដូចកីឡាករបានចោទប្រកាន់នោះទេ ហើយ​លោក​បានសន្យា​នឹងមានគម្រោងបង់ប្រាក់​ឲ្យ​ពួក​គេក្នុង​ខែ​សីហា​នេះ។ លោកក៏បានសម្រេចចិត្តប្រើប្រាស់កីឡាករដែលនៅសល់ក្នុងក្លិប​សម្រាប់ការប្រកួតនានា។

មុន​នឹង​បញ្ហា​ប្រាក់​បៀវត្សរ៍ ក្លិប Thanh Hoa បាន​ធ្វើ​រឿង​ចម្រូងចម្រាស​ដោយ​ដក​ខ្លួន​ចេញ​ពី AFC Cup កាល​ពី​ខែ​មុន។ ក្លិបបានឈានចូលវគ្គចែកពូល AFC Cup ជាការប្រកួតកម្រិតទីពីរនៅអាស៊ី បន្ទាប់ពី AFC Champions League ប៉ុន្តែបន្ទាប់មកបានសម្រេចដក​ខ្លួន៕

ប្រែសម្រួល៖ ផា រតនា

The post កីឡាករ​ក្រុម​វៀតណាម Thanh Hoa FC ធ្វើ​កូដកម្ម ​បន្ទាប់​ពី​មិន​បាន​ប្រាក់​ខែ​២​ឆ្នាំ appeared first on Kampuchea Thmey Daily.

លោក Li Yuyi អតីតអនុប្រធានសមាគមកីឡាបាល់ទាត់ចិន ត្រូវបានកាត់ទោសឲ្យជាប់ពន្ធនាគារ១១ឆ្នាំ និងពិន័យជាប្រាក់​១៤៩,៥៧៩ ដុល្លារ។ ចំណែកលោក Huang Song អតីតប្រធានផ្នែក​រៀប​ចំ​ការ​ប្រកួត​​របស់​សមាគមកីឡាបាល់ទាត់ចិន ត្រូវបានកាត់ទោសឲ្យជាប់ពន្ធនាគាររយៈពេល៧ឆ្នាំ និងពិន័យជាប្រាក់​៨៤,១០០ដុល្លារ។ តុលាការប្រជាជន Songzi ក៏បានបញ្ជាឲ្យរឹបអូសយកប្រាក់ចំណេញខុសច្បាប់របស់គាត់ និង​ផ្ទេរទ្រព្យសម្បត្តិ​ចូលរតនាគាររដ្ឋ។

ក្នុងសេចក្តីសម្រេចរបស់តុលាការមួយផ្សេងទៀត អតីតសមាជិកគណៈកម្មាធិការប្រតិបត្តិ​ FA របស់ចិន លោក Gu Jianming អតីតប្រធាន និងជាអគ្គលេខាធិការ​សមាគមកីឡាបាល់ទាត់ លោក​ Chengdu ត្រូវបានតុលាការ​បាន​សម្រេច​ដាក់​ទោស​សរុប​ចំនួន៦ឆ្នាំ និង​ពិន័យ​ជា​ប្រាក់​៥៦,០៧៩ដុល្លារ។

ករណី​អំពើ​ពុករលួយ និងការរៀបចំលទ្ធផល​ទុក​មុនការប្រកួត​នៅ​ប្រទេសចិន ជាបញ្ហាប្រឈម​ធ្ងន់​ធ្ងរ​មួយជាហេតុធ្វើឲ្យបាល់ទាត់ក្នុងប្រទេសនេះ​មិន​សូវ​រីក​ចម្រើន៕

ប្រែសម្រួល​៖ ផា រតនា

The post ចិនកាត់​ទោស​អតីត​មន្ត្រីបាល់ទាត់​​៤រូប​ឲ្យ​ជាប់​ពន្ធនាគារ​​៦​ឆ្នាំ​ឡើងពី​បទ​ពុករលួយ appeared first on Kampuchea Thmey Daily.

លោក Park មិន​បាន​ធ្វើជា​គ្រូ​បង្វឹក​ ចាប់​តាំង​ពី​​បាន​ចាក​ចេញ​ពី​ក្រុម​បាល់ទាត់​ជម្រើស​ជាតិ​វៀតណាម​ក្នុង​ខែ​មករា ឆ្នាំ​២០២៣។ លោក​ត្រូវ​គេរំពឹងថា អាច​​នឹងទៅ​ដឹក​នាំ​ក្រុម​ជម្រើស​ជាតិ​ឥណ្ឌា ឬ​នៅ​បណ្តា​ប្រទេស​អាស៊ីអាគ្នេយ៍ និងក្លិប​វៀតណាម ខណៈ​បច្ចុប្បន្ន​លោក​​​ជាទីប្រឹក្សា​ក្លិប​ Bac Ninh FC លីគទី២ ប្រទេសវៀតណាម។

តាមការចុះផ្សាយរបស់សារព័ត៌មាន​កូរ៉េខាងត្បូង News1 ថា វា​នឹងក្លាយ​ជា​ឱកាស​ចុងក្រោយក្នុងអាជីពជាគ្រូបង្វឹករបស់លោក​ Park នៅ​ពេល​លោក​ចាប់​ផ្តើម​ការងារ​ថ្មី។ កាល​ពី​ចុង​ខែ​មិថុនា ​កាសែត Times of India ​បាន​ផ្សាយ​ថា ​លោក​ស្ថិត​​ក្នុង​ចំណោម​បេក្ខភាព​​គ្រូ​បង្វឹក​២៩១នាក់​ ដែល​បាន​ដាក់​ពាក្យ​ដឹក​នាំ​ក្រុម​ជម្រើស​ជាតិ​​ឥណ្ឌា ប៉ុន្តែ​​លោក Park ​បាន​និយាយ​ថា លោក​មិនបានដាក់ពាក្យ​ទេ។ ចុងក្រោយ ឥណ្ឌាបានតែងតាំង​លោ Manolo Marquez សញ្ជាតិអេស្ប៉ាញជាគ្រូបង្វឹក​ថ្មី។

កាលពីពាក់កណ្តាលខែកក្កដា​កន្លង​ទៅ DJ Management ជាក្រុមហ៊ុនតំណាងឲ្យ Park បាននិយាយថា សហព័ន្ធកីឡាបាល់ទាត់កម្ពុជា បានទាក់ទង​លោក​ឲ្យ​ដឹកនាំក្រុមបាល់ទាត់ជម្រើសជាតិ​កម្ពុជា។

ក្រុមការងាររបស់ Park បានប្រាប់សារព័ត៌មាន VnExpress ពីមូលហេតុទាក់ទង​នឹង​លោកចង់​ដឹកនាំ​ក្រុម​ជម្រើស​ជាតិ​ឥណ្ឌា ដោយសារ​លោក​មិនត្រូវបានគេទទួលស្គាល់នៅក្នុងប្រទេសអាស៊ីខាងត្បូង និងអាស៊ីខាងលិច។ ទន្ទឹម​នឹង​នេះពាក់ព័ន្ធបាល់ទាត់​កម្ពុជា​មាន​ការ​អភិវឌ្ឍ​យឺត​ជាង​ប្រទេស​ក្នុង​តំបន់៕

ប្រែសម្រួល៖ ផា រតនា

The post អតីត​គ្រូវៀតណាម Hang-seo កំពុងពិចារណាការងារថ្មី​មុន​ចូល​និវត្តន៍ appeared first on Kampuchea Thmey Daily.

ការប្រកួតគួរឲ្យសង្ស័យចំនួន២១.៥៥% (សរុបចំនួន១៧ប្រកួត) ត្រូវបានកំណត់អត្តសញ្ញាណមកពីប្រទេសក្នុងតំបន់អាមេរិកខាងត្បូង ដោយការប្រកួតចំនួន៦ប្រកួតក្នុងកម្រិត​កំពូលនិង១១ប្រកួត​ក្នុងកម្រិតទី២។

លោក Affy Sheikh ប្រធានផ្នែកសេវាកម្ម Starlizard Integrity បាននិយាយថា ៖«តួលេខពាក់កណ្តាលឆ្នាំ២០២៤ បង្ហាញពីការយល់ដឹងជាច្រើនទាក់ទង​នឹង​ភាពវិជ្ជមានមួយចំនួនដែលត្រូវរាយការណ៍។ ជាពិសេស ទិន្នន័យបង្ហាញពីស្ថានភាពដ៏គួរឲ្យបារម្ភនៅក្នុងតំបន់អាមេរិកខាងត្បូង។ ចំនួនការប្រកួតគួរឲ្យសង្ស័យបានកើនឡើង២០០% បើធៀបនឹងរយៈពេលដូចគ្នាកាលពីឆ្នាំមុន»។

ការប្រកួតគួរឲ្យសង្ស័យចំនួន៣៣ (៤១.៨%) ត្រូវបានកំណត់អត្តសញ្ញាណនៅក្នុងតំបន់អាមេរិកខាងត្បូងគឺជាការកើនឡើងចំនួន១១ប្រកួត ក្នុងរយៈពេលដូចគ្នាកាលពីឆ្នាំមុន។ នេះតំណាងឲ្យ ០.៥៦% នៃការប្រកួតក្នុងតំបន់អាមេរិកខាងត្បូងទាំងអស់ដែលបានវិភាគដោយ Starlizard ក្នុង​ឆមាសទី១ ឆ្នាំ២០២៤។

ផ្ទុយ​ទៅ​វិញ តំបន់អឺរ៉ុប (UEFA) បាន​​ធ្លាក់​ចុះ​នៃ​ចំនួន​ការ​ប្រកួត​គួរ​ឲ្យសង្ស័យ​ពីចំនួន៤០ប្រកួតនៅសល់តែ២៩ប្រកួត។ តួលេខ​ថ្មី​តំណាង​ឱ្យ ០.១៥% នៃ​ការ​ប្រកួត​ក្នុង​តំបន់ UEFA ទាំងអស់​ដែល​បាន​វិភាគ៕

ប្រែសម្រួល៖ ផា រតនា

The post ការគិតលទ្ធផលទុកមុនតំបន់អាមេរិកខាងត្បូង ៦ខែចុងក្រោយ កើនឡើងជាង២០០% appeared first on Kampuchea Thmey Daily.